رواية دنيا قاتلة الفصل الاول
_أنا أسمى دنيا عمر القاضي،مش مهم عندي كام سنه ولا مهم شكلي حلو ولا وحش،حتى حكايتي،
لما القاضي سمعها ما كانتش مهمه بالنسباله،
ومن جلسه واحده اتحكم عليا بالإعدام،
ومن داخل غرفه الإعدام بدأت حكايتي
( في غرفه الإعدام كان فيه أتنين عساكر
والمكلف بالإعدام والشيخ)
_الشيخ.. قولي ورايا يا بنتي
_دنيا بصوت لا يعرف الهزيمه.. قول أنته ورايا يا شيخ (وتشاور عليهم الاربعه)
(وفي خلال 30 ثانيه كانوا الاربعه في حكم الميتين)
(دنيا متدربه تدريب على أعلى مستوى،عندها ذكاء خارق وسرعه فائقه ونظره صقر محارب ده غير إنها ممثله من الدرجه الاولى، بعد ما خلصت عليهم الاربعه قلعت الشيخ هدومه ولبستها وتقمصت دور الشيخ، ومن خلال الكلمتين اللي الشيخ قالهم قدامها قدرت إنها تقلد صوته بالظبط، وخرجت من بين العساكر والظباط بكل سهوله وما فيش أي شيء أعترض طريقها، وخرجت دنيا للدنيا من تاني،
وفتحت دراعاتها وقالت جملتها الشهيره،
شوووو حلووووو
______________________
_(بيت فواز)_
(من داخل غرفه نومه ووسط أجواء رومانسيه
ساخنه بين أحضان وقبلات يرن تلفونه)
_فواز.. فواز يسمعك حول
_صوت كله حده وغضب.. البنت هربت
_فواز بانتباه وصدمه.. تاني
_صوت كله غضب.. قول تالت، رابع، هي البنت دي إيه، جن مصور، دي لو جن كان زمانها اتحرقت
_فواز.. يا باشا هدي حنجرتك، وقبل الشمس ما تغيب راس البنت دي هتكون تحت رجليك
_الباشا.. يا خوفي لا قبل الشمس ما تغيب
ألاقي راسك أنته اللي تحت رجليا
(فواز اتعصب وإتضايق من كلام الباشا
وقرر إنه يرد على الباشا رد يضايق)
_فواز.. المهم يا باشا إن قبل الشمس ما تغيب
هيبقى في راس تحت رجليك، بس أمانه عليك يا باشا لو راسي تحنطها وتحتفظ بيها في غرفه نومك
_الباشا بغضب.. أوعدك لو هتبقى راسك،
هسويها على نار هاديه وهرميها للكلاب تاكلها
(وقفل في وشه السكه)
(فواز أتضايق وبدأ يولع سيجاره عشان يطلع فيها غضبه)
_فواز بغضب.. إنتي يا زفته، قومي إلبسي هدومك وغوري من خلقتي، عشان ما اطلعش غضبي فيكي
(شروق تقوم تتمطع وتاخد السيجاره منو وتاخد نفس)
_شروق بدلع.. مين بس اللي عصبك يا فازه قلبي
_فواز ياخد منها السيجاره.. هو فيه حد في الدنيا
يقدر يعصبني غير أبوكي، وربنا أبوكي دا موته هيبقي على إيديا
(شروق تاخد منه السيجاره تاني وتتكلم بدلع وبرود)
_شروق.. بس ما تقاطعش، وبعدين يا بخته وهناه
اللي يموت على إيدين فازه قلبي
_فواز بغضب.. فازه قلبك هيولع فيكي وف أبوكي وفي الدنيا كلها
(ويقوم يدخل الحمام عشان ياخد دش وشروق تدخل وراه)
_شروق تستفزه.. أستنى لما اليفك عشان تولع فين على نضافه
___________________
_(فيلا سعد الجلاد)_
(الباشا سعد الجلاد بعد ما قفل مع فواز، أتوجه ناحيه الخزنه الخاصه بيه، وطلع منها سلا،حه الخاص)
_سعد الجلاد في سره..إيه يا دنيا، حتى الحكومه مش قادره عليكي، أوعدك يا دنيا إن نهايتك هتكون بسلا،ح سعد الجلاد،(وصوته بدأ يعلي شويه)
أنا سعد الجلاد اللي الدنيا كلها ما قدرتش تقف قصاده هتيجي حته بنت على آخر الزمن تتحداني
أوعدك يا دنيا إني هعمل منك عبره للدنيا كلها
(وتدخل فجأه رشا مراته،وتلاقيه واقف ماسك السلا،ح وبيكلم نفسه)
_رشا.. مالك يا سعد
_سعد بنظره غضب..مالي قدامك أهو في الخزنه، خدي اللي يكفيك وزياده واخرجي واقفلي الباب وراكي
_رشا بتجاهل لكلامه..هيا مش دنيا خلاص اتحكم عليها بالإعلام والمفروض إن التنفيذ النهارده
(وتبصله بصه مكر) ولا أنته حنيت ليها
(سعد بكل غضب يشد أجزاء المسدس ويضر،ب طلقه في صوره رشا اللي متعلقه على الحيطه)
_سعد بغضب..الطلقه التانيه هتكون في الأصل مش في الصوره
(رشا بتجاهل لكلامه وتهديده)
_رشا باستفزاز..الله يرحمك يا دنيا (وتتوجه ناحيه الخزنه وتفتح دراعتها وتستفز سعد أكتر وتقول جمله دنيا الشهيره)شوووووو حلوووووو
_______________________
_(قريه صغيره)_
(دنيا بعد ما هربت من السجن راحت لعوض،
وعوض ده الدراع اليمين لفواز وقتلته
وقبل ما تخرج من بيته، تليفونه رن
وكان فواز ودنيا ردت عليه)
_فواز..أيوه يا عوض، جهزلي الرجاله بسرعه
_دنيا بهدوء..الله يعوض عليك، عوض مش فاضي عشان يجهزلك الرجاله، وبعدين انا نفسي تجهزلي أنته نفسك، ولا أنته مش فاضي ومشغول مع فيشه قلبك، أنا متأكده إنها في حضنك دلوقتي،وغلاوتكم عندي يا فازه أنته وفيشه لكهربكم انتم الاتنين وانتم حاضنين بعض(وتقفل في وشه السكه وتقفل التليفون وتاخده معاها)
(وف نفس القريه بيت حاتم وأمه اللي في لحظاتها الاخيره وبتحتضر)
_حاتم بدموع..أبوس إيدك يا أمه ما تسيبينيش لوحدي، أنا ما أقدرش أعيش من غيرك، دا أنا عايش في الدنيا دي بس عشانك
_أم حاتم بأنفاس متقطعه..دور على أختك يا حاتم، دور على أختك يا ابني
_حاتم..حاضر يا أمه هدور عليها وإن شاء الله هلاقيها
_أم حاتم..كان نفسي هي اللي تغسلني
_حاتم بدموع..بعد الشر عليك يا أمه (وأمه تفارق الحياه )أمه، أمه، ردي عليا يا أمه
(ويصرخ بأعلى صوته) أمه أمه
(ودنيا كانت معديه من قدام البيت، وسمعت صوت حاتم وهو بيصرخ، وباب البيت كان مفتوح ودخلت تشوف في إيه)
_دنيا..أنا آسفه بس الباب كان مفتوح وصوتك عالي
(وتبص على أم حاتم وتفهم انها أتوفت) البقاء لله
(حاتم يبصلها باستغراب واندهاش، شيخ واقف قدامه والصوت صوت بنت، وبسرعه دنيا تشرحله الموقف)
_دنيا تكشف عن وشها..ما تستغربش أنا ممثله، كنا بنمثل مشهد عندكم هنا في القريه وده لبس تمثيل
_حاتم ياخد أمه في حضنه..الله يرحمك يا أمه (ويبص لدنيا)أنا مش عارف أعمل إيه، إحنا ملناش حد وأنا مش هعرف أغسلها
_دنيا..أنا ممكن أساعدك
(وبدأت دنيا تغسل أم حاتم وكفنتها، وأخدوها وراحوا على المسجد، ودنيا ما زالت لابسه لبس الشيخ ومغطيه وشها، واليوم ده كان يوم جمعه، وبالصدفه إمام المسجد حصل عنده ظروف ومش هيقدر ياجي لخطبه الجمعه، والناس اللي في المسجد طلبوا من دنيا إنها تطلع تخطبلهم خطبه الجمعه، على أساس إنها شيخ، ما يعرفوش إنها بنت
_دنيا في سرها..قتلت روح، وغسلت روح، وهخطب خطبه الجمعه كمان، شوووو حلوووووو؟؟
