رواية من انت الفصل الاول 1 بقلم مريم محمود


 رواية من انت الفصل الاول 

كنت دايما بفكر..
هل انا بس
الي بعيش طبيعة الحياة دي
وهل الي بيحصلي
بيحصل للناس؟؟ 

الموضوع دا كان بيثير فضولي كتير جدا اكتر منا بطبيعتي فضولية 

ولكن
الفضول دا فجأة
دخلني ف حياة مش بتاعتي
وعالم عمره مكان العالم بتاعي الي بكتشف وبغامر فيه

حياة غريبة وعالم جديد
واهم من دا كله

شخص 
قلب حياتي

_______________________

في احد الاحياء الراقية

الليل عم المكان وسكنه الهدوء

كانت قاعدة وتين ماسكة دفتر مخصص لاي حاجة جديدة بتعرفها 

كانت بتكتب بشغف وهي بتفتكر احداث اليوم

بعد م خلصت قفلت القلم وحطته ف نص الدفتر وحطت الدفتر جمبها ع الكومود

قامت من مكانها وجريت على اوضة جدها
كان قاعد ع الكرسي بيصلي قيام الليل

فضلت واقفة ساندة ع الباب عقبال م يخلص وهي بتبصله بكل فخر واعتزاز ان دا يبق جدها

يكفي انه يعرف اصول الدين كويس 
ولا بيسيب فرض
ولا بيخلي وتين تسيب فرض هي كمان

القى جدها السلام وانتهى من الصلاة وبعدها بصلها ب ابتسامة بشوشة
«صليتي ي وتين.؟!» 

قربت منه وتين وهي حاطة ايديها ورا ضهرها وبتهز راسها بمعني ايوا

قعدت ل مستواه وهو حسس على راسها
«اي الحكاية الجديدة الي عايزاني احكيهالك» 

ابتسمت وتين
«المرادي انا الي هحكي يجدو» 

ابتسم ليها اكتر لدرجة بينت نواجزه
«انتي الي هتحكي؟؟
لا دا شكله الموضوع كبير بق» 

شدت وتين جدها انه يقوم من ع الكرسي وهو قام ومسك عكازه 

قالت وهي بتشده
«لا كبير ولا حاجة تعالى بس نقعد بدل منا مقرفصالك كدا ونت قاعد ع الكرسي» 

حط جدها العكاز جمبه وقعد ع السرير وهو بيضحك على وتين

اما هي ف قعدت جمبه وربعت رجلها

قال الجد
«خير ي وتين
اي الحكاية الي مخلياكي مش على بعضك كدا لدرجة انك قومتيني مكاني من غير مخلص الورد بتاعي» 

خدت وتين نفس عميق وبصت ل جدها
«طبعا انت عارف قد اي انا فضولية وبكره الغموض صح» 

اترسمت ملامح الجد على جدها وهز راسه 
وهي كملت

«وكمان عارف اني خريجة كلية آثار ودا بيعكس الي جوايا من مغامرة وفضول صح» 

قال الجد مازحاً

«في اي ي وتين
اكتشفتي مقبرة فرعونية..!» 

«مش وقت هزارك ي جدو» 

«طب في اي انتي صحيتي فضولي الي ميت من سنين» 

ابتسمت وتين وخدت نفس عميق كأنها عارفة حجم الي هتقولو

«كل خير ي جدو بس يعني
 عايزة اكمل رحلة الكشافة»

للحظة
اتمحت الابتسامة الي كانت على وش الجد واترسمت مكانها ملامح غضب

«كشافة!!
تاني يوتين
احنا مش قفلنا على السيرة الهباب دي» 

«والله يجدو المرادي هاخد حذري كويس وغلطة زمان مش هتتكرر
الموضوع بقالو سنين يجدو ونا بقيت فاهمة اكتر وواعية عن زمان» 

مسك جدها العكاز واتسند عليه وقام وهو بيقول
«غلطة زمان كانت هتدفعك عمرك زي محصل مع ابوكي
وابوكي وقتها كان زيك
ناضج وواعي يمكن اكتر منك
قوليلي
هل نضجه ووعيه انقذوه من الي كان فيه
هل قدر ينقذ نفسه ي وتين

جاوبيني» 

وتين افتكرت الماضي وموت باباها
دموعها نزلو 
اتحركت من ع السرير ووقفت قصاد جدها بعد م لحقت دموعها قبل م يلمسو الارض

«طب لي مشوفش الغلطات الي بابا وقع فيها ومغلطهاش
لي حضرتك مصمم ان هيحصلي زي محصل ل بابا

لي منربطش دا كله بالمصير وان الي حصل كان قضاء وقدر» 

اتنهد جدها وبصلها
«معاد نومك ي وتين
يالا على اوضتك» 

مسكت ايديه بترجي
«ي جدو اديني فرصة اخيرة
هثبتلك ان مفيش خطورة ف الموضوع
ارجوك ي جدو
ارجوك» 

حضن الجد وش وتين ب ايديه
«يا وتين
يا حبيبة جدك 
انا خايف عليكي 
معقول ابق غلطان عشان خايف عليكي» 

هزت وتين راسها بمعني لا وكانت لسة هتتكلم ف هو قاطعها
«انا مش عايز اخسرك يبنتي
انتي الي بقيالي من ابني
انتي امانتي من ابني 
مينفعش افرط فيكي لمجرد انك عايزة تثبتي حاجة جواكي
سامحيني ي حبيبتي
مش موافق

ولا يمكن اني اوافق
يالا على اوضتك عشان تنامي الوقت أخر» 

بصتله بعنيها الي مليانة رجاء ف هو قال

«يالا ي وتين على اوضتك» 

خرجت وتين من الاوضة وشها كله عبوس وحزن انها فشلت ف تحقيق حلمها لتاني مرة

كل الفرص الي قدامها بتتمحس مجرد مبتلمسها

دخلت اوضتها ورزعت الباب وراها

نطت ع السرير وغطت نفسها بالبطانية حتى راسها
وسابت دموعها تنزل زي مبتعمل كل م الحزن يغلبها

من صغرها نفسها تبق كشافة مشهورة
ودخلت كلية آثار عشان كدا

واجهتها عقبات كتيرة
واخرهم
العقبة الي واجهتها ف رحلة الكشافة الاخيرة ليها

ومن وقتها جدها منعها تكمل الرحلة 
رغم اصرار وتين
الا ان الجد كان صارم ف قراره

وهي خضعتله

مسحت دموعها ونفضت الغطا من عليها وهي بتتنفس بعمق

بصت حواليها

وركزت ع الدفتر بتاعها 
مدت ايديها ليه وجابته

فتحته وخدت القلم
جابت صفحة جديدة وكتبت فيها الي حصل

كانت بتشتكي للدفتر اوجاعها 
كأنه بيسمعها

وبيسمع حزنها

قفلت الدفتر وحطته تحت مخدتها ونامت عليه 

~~~~~~~~~~~~~~~~~

في صباح يوم جديد

شعاع الشمس دخل من شباك وتين وجه على وشها
فتحت عيونها ببطئ وفركت فيهم 

رجعت نفسها لورا لحد م قعدت وسندت على السرير
ضمت رجلها ل صدرها وحضنتهم ب ايديها 
سندت راسها ع السرير وعيونها على شباك اوضتها

فضلت ع الحالة دي كام دقيقة
بعدها
خدت نفس عميق وقامت فتحت الستارة الي ع الشباك اكتر
لدرجة ان اشعة الشمس بقت غامرة الأوضة كلها

دخلت الحمام غسلت سنانها واتوضت وصلت
خرجت من الاوضة لقت جدها قاعد ع الكنبة

معاه جريدة بيقرا فيها وقدامه ع الترابيزة كوباية قهوة

بص ع وتين الي خارجة من الاوضة
«صباح الخير يحبيبتي» 

اتنهدت وتين وقالت وهي بتقرب منه عشان تقعد

«صباح الخير يجدو
سبقتني وفطرت اكيد
صح؟» 

طبق جدها الجريدة وحطها قدامه ع الترابيزة وبصلها ب ابتسامة بشوشة
«أخرتي ف نومك انهاردة ي ست وتين
الساعة بقت ١٠
ونتي عارفة باخد علاج
عموما فطارك ف الفرن الصغير» 

قامت وتين وهي بتقول
«اسمه ميكرويڤ ي جدو» 

«اهو الي حافظه يبنتي
سخنيه وتعالي عشان عايزك» 

لفتله وتين وعقدت حواجبها ب استغراب وقربت منه
«في اي يجدو» 

قال الجد بكل هدوء

«افطري الاول يحبيبة جدك وبعدها نتكلم» 

وتين كانت عارفة ان جدها عنيد ومش هيقلها غير اما تفطر
ف اتنهدت ب قلة حيلة ودخلت المطبخ
سخنت الاكل وطلعت بيه تاكل جمب جدها

قالتله بعد م قعدت جمبه
«اخر مرة تعملها معايا يجدو وتسيبني افطر لوحدي» 

ضحك جدها 
«حاضر يقلب جدو» 

فطرت وتين ف وسط سهاريها الي مبتخلصش مع جدها الي هو كمان مش بيمل من حفيدته
وحبيبة قلبه
دلوعته وحتة منه
واخر ذكرى من ابنه حبيب قلبه

خلصت وتين الفطار ودخلت الصنية وجت جري قعدت جمب جدها وربعت رجلها 

«ها بق
اي الموضوع الي عايزني فيه» 

«هتكملي رحلة الكشافة ي وتين» 

وتين مستوعبتش الجملة غير بعد كام ثانية

بصتله بعد م ملامح البهجة اترسمت على وشها
«بجدد يجدوو» 

ابتسم جدها ل فرحتها
«بجد ي قلب جدوو» 

حضنت وتين جدها واتشبثت فيه
«تعرف انك اجمل انسان ف الدنيا دي كلها
انا بحبك
بحبك
بحبك
يجدو والله» 

ضحك جدها بعد م خرجت من حضنه وحضن وشها ب ايده
«يهمني فرحتك يحبيبة جدك
شوفت امبارح انكسارك بسبب قراري الصارم
ودا خلاني طول الليل مش جايلي نوم» 

نزل ايده من على وشها وكمل
«حيران..

حيران ما بين اني اخليكي مبسوطة عشان هتحققي حلمك
او اني اشوف حزنك دا كل يوم مقابل اني ابق مطمن عليكي
بس اكتشفت ان حزنك وانكسارك دول بيوجعو قلبي
ف اختارت اخليكي تكملي
كفاية عليكي بعدك عن الكشافة كام سنة
كنت شايف انك بتبقي مغصوبة على كل حاجة مقابل بس انك مش بترفضيلي طلب
كنت ببق عارف نفسك ف اي ومع ذلك بمنعك منه
سامحيني يبنتي
انا 
خوفت عليكي مش اكتر» 

حضنت وتين وش جدها ب ايديها
«انت الي سامحني يجدو
انت الي سامحني اني عيشتك دا كله بتأنب نفسك على حالتي
صدقني عارفة انك خايف عليا ومقدرة دا جدا
بس انا كنت عايزاك تديني فرصة
اثبتلك فيها ان صوابعك مش زي بعضها
والي غلطو بابا 
انا هتغاضى عنه وهحسن من نفسي وهبق حاجة تشرفك
صدقني هبق حاجة تشرفك يجدو» 

حضنها جدها بحب كبير
وتين قطعة من قلبه
لو جرالها حاجة
مش هيعيش

اليوم انتهى من غير اي احداث مهمة
وتين اخر الليل كلمت التيم الي كانت شغالة معاه من كام سنة انها راجعة

والفرحة عمت الفريق بمجرد سماع خبر رجوع وتين
لانها كانت محبوبة وشاطرة وذكية

قررت الصبح تروح المقر بتاعهم 

النوم كان اشبه بالمستحيل بالنسبة لوتين
مكانتش عارفة تنام بسبب حماسها للبداية الجديدة 

يدوب خطفت ساعتين بالعافية وقامت الساعة ٧ 

خدت دش وصلت ولبست هدومها وخرجت
كان جدها ف المطبخ بيعمل الفطار

دخلت عليه ف بصلها وهو بيقلب الاومليت
«صباح الخير يحبيبتي
جاهزة بدري يعني» 

قربت للتلاجة وقالت وهي بتطلع منها ماية
«متحمسة موت يجدو
انت رديت فيا الروح بقرارك دا والله» 

حط جدها الاومليت ف الطبق 
«بداية موفقة يحبيبة قلبي
ربنا يكتبلك الخير ويبعد عنك كل شر» 

بعد م حط جدها اصناف الاكل ع الصنية
خدتها منه وتين وخرجو للصالة

فطرو وهزرو وضحكو زي كل يوم

قامت وتين باست جدها

«همشي انا يجدو بق
ادعيلي ها» 

«ربنا يكفيكي شر الطريق يحبيبة قلبي» 

خرجت وتين وقفلت الباب وراها ودعا جدها من كل قلبه يحفظها

ركبت وتين العربية الي ورثاها من باباها وبطريقتها هي جددت فيها

وصلت المقر 
نزلت من العربية وفضلت واقفة تبص ع المكان الي سابته من كام سنة

مكانتش مصدقة عيونها
كانت متابعة تطوراته من الانترنت

ورغم كدا كانت لسة مبهورة 
عيونها لمعت

احد اصدقائها كانت خارجة من بار المقر واول م عنيها وقعت على وتين صوتت بفرحة وجريت عليها

«انا مش مصدقة عيوني بجد انك هناا 
مش مصدقة» 

حضنتنها بحب واشتياق
«لا صدقي يقلبي
انا جييت
ومش همشي تاني ابدا» 

شدتها صحبتها الي كان اسمها نوران ودخلت وهي بتزعق وتقول
«البت وتيين رجعت ي جدعاااااان» 

دخلو مع بعض وكل التيم قام بفرحة وهيصو برجوعها
سلمو عليها بحب واشتياق 

وهي كانت مبسوطة اوي وحاسة ان روحها رجعتلها
اصدقائها كانو واحشينها اوي

كل حاجة كانت وحشاها ف المكان
خدوها ل مكتبها 

وقال واحد من التيم اسمه عامر
«المكتب يست وتين من يوم مسبتيه محدش خده ولا خد مكانك» 

دخل المكتب وخد الاستاند الي كان مكتوب عليه اسمها وكمل
«حتى بصي
اسمك لسة موجود زي مهو
ولما بلغتينا انك هترجعي التيم
عمال النضافة فتحو المكتب ونضفوه ورجعوه زي مكان عشان زي مسبتي المكتب
ترجعي تلاقيه لسة زي مهو» 

اتقدمت خطوتين لحد م بقت جوا المكتب

فضلت تتلف حواليها وهي بتبص ع المكتب ب اشتياق
الدموع لمعت ف عيونها

قربت للمكتب ومسكت الاستاند من عامر
لمست على اسمها وبعدها حطته ف مكانه المظبوط

لفت ف مكتبها وهي بتتنفس بعمق وبتستنشق الهوا الي كان واحشها من سنين

قربت على كرسي المكتب وقعدت عليه بكل اريحية

اول مرة تحس احساس الراحة دا من فترة طويلة

اول مرة تبق مبسوطة من جواها كدا من فترة طويلة 
الحياة ردت فيها الروح
دلوقت هتقدر تكمل ف حلمها الي كانت فاكرة انه انتهى

بدأت وتين تقلب ف بحوث رحلاتها القديمة عشان تبدأ من حيث انتهت

قرأت عنوان البحث وهمست ب اسمه

«قرية ديڤا» 

كل لحظات الماضي عدت من قدام عنيها
افتكرت سبب تخليها عن حلمها زمان

افتكرت حياتها الي كانت هتنتهي
ف قفلت الدفتر بسرعة وحطته ف الدرج

هي مش عايزة تخلي الماضي يأثر على حاضرها

هي عايزة تحقق حلمها
حلمها وبس

بعد مرور كام ساعة 
حددت وتين الوجهة القادمة 
وبدأت ف بحث جديد

ليس له علاقة بالقديم تماما
عايزة تبدأ صفحة جديدة

ب ابحاث جديدة 

روحت بليل وهي منهكة من التعب بسبب انها رتبت ابحاثها ورجعتهم زي مكانو 

اول م دخلت جدها كان ف البلكونة
بيشرب قهوة وماسك المصحف بيقرأ فيه بتمعن وبصوت واضح ومسموع

رمت وتين الشنطة ع الكنبة الي ف الصالة ودخلت ل جدها البلكونة

قعدت قدامه وهي بتزفر بتعب
صدق جدها وبعدها قفل المصحف وحطه قدامه

بص عليها بعد م مد ايديه ل كوباية القهوة
«اي التعب دا كله
د انتي لسة اول يوم» 

اتنهدت بتعب واضح وقالت
«انا تعبت اوي يجدو بجد
الدنيا كانت مكركبة بسبب اني سبت المقر من زمان
والابحاث كانت متبهدلة وحالتها لا يرثى لها» 

بصت من البلكونة على الشارع ورجعت بصت على جدها
«مش لو كنت خلتني وقتها اخد ابحاثي معايا ونا ماشية كان زمان التعب دا تلاشى» 

ابتسم جدها وقال وهو بيمسك عكازه عشان يقوم
«الابحاث كانت هتبق زي الملح يبنتي
مش هتعمل حاجة غير انها تحرقلك الجروح» 

قال كلمته ومشي

بس وقف عند باب البلكونة وبصلها وقال
«قومي غيري هدومك وصلي المغرب قبل م العشاء يأذن عقبال م احضر الاكل» 

بصتله وتين ب ابتسامة وهزت راسها
وعملت زي م جدها طلب منها

وبعدها خرجت لقت جدها عامل عشوة جميلة بتحبها وتين

اه
مهو جدها كان طباخ ايامه
وكان بيطبخ للجنود ف الجيش اثناء حرب ٦ اكتوبر

قالت وتين وهي مستمتعة بالاكل
«انت شيف حريف يجدو والله

عارف لو اشتغلت ف مطعم الكبابجي
انت هتكتسح الكل ب أكلك دا» 

ضحك الجد
«كبابجي اي يبنتي
انا قادر على اكل مطعم بحاله؟
انا بعمل اكل ليا انا ونتي بالعافية» 

«الله يرحم
ايام مكنت بتعمل اكل ل جيش كامل» 

ضحك الجد وهو بيفتكر ايام شبابه

«كان فيا صحة 
اما الوقت
حتى العكاز مبقاش يساعدني» 

ابتسمو وكلو ف وسط بهجتهم المعتادة

كتير هيتسائل
وتين بجحة اوي
ازاي مش بتعمل اكل مكان جدها بما انه تعبان كدا

هو معودها انها تاكل من ايديه
وبيمنعها تدخل المطبخ

دايما يقلها
«سيبيني ي وتين امارس هوايتي الي بطلتها من زمان» 

 تاني يوم
وتين جهزت وفطرت وسلمت ع جدها

اتجهت للمقر خدت ادواتها وجهزت هي والتيم
ل رحلة البحث الجديدة

رحلة البحث
الي هتغير حياة وتين للابد


تعليقات