رواية زوجاتي الثلاثه الفصل الأول بقلم جمانه السعيدي
مصطفى مزوج صار خمس سنوات
ازوجت سنة ٢٠٠٠
راح احجيلكم شلون ازوجت زوجتي الأولى ميسون
اني موضف بدائرة حكوميه بعد تعييني بسنتين
اجت بنيه اتعينت ويانا بنفس القسم
هذا الحجي تقريبا بداية سنة ٩٩
البنيه من اول يوم داومت ويانا من اول مره شفتها
اجاني احساس غريب
ارتاحيت نفسيا مجرد ماعيني وكعت عليها
احساس اول مره اجربه
اول مره احس اني مرتاح الشخص بدون حتى مااحجي ويا كلمه وحده
رغم احنا ويانا هواي موضفات
بس هاي البنيه تختلف
حلوه شكله مرتب عطرها هادء بسيطه
صوتها ناعم من تحجي
من اول يوم وهيه مهتمه بشغلها وبس
يعني ماحاولت تلفت الانتباه عليها
او تسوي اشياء مثل لبس ملفت او ضحكات او علاقات ويا البنات حتى تثبت نفسها
واثقه من نفسها
من كلامها من عملها من وجودها
الكلام على كد السؤال
ماتفتر هواي وتروح وتجي
عدنا موضفات ابد ما يكعدن بمكانهن
يفترن منا ومنا
يدخلن نفسهن بكلشي كل سالفه بلدائره هنا اول
مايعرفن بيها
اول الإشاعات تطلع من عدهن
من يطلبن ااكل يفترن علينا
منو يريد يطلب اكل
اليوم فلان مجاي
اليوم فلان عنده مشكله
فلان أقاربه مات
عبالك اذاعه مو موضفات
يسولفن يضحكن
يحاول يفرضن سيطرتهن بلمكان
تلكين أرقام الموضفين كلها عدهن
هذا الحجي بايام التليفون الارضي
جمانه السعيدي
المهم اني بلنسبه اليه حسيتها مميزه
لان تختلف عنهن كلهن
بس ماحاولت أقرب عليها مجرد نضرات من بعيد
وكانما جاي اقيم سلوكها وطريقته بلتصرف داخل الدائره
فات اسبوع وشهر وشهرين وهيه على نفس وضعها
تدخل للدائره تكعد على مكتبها تشتغل بدون ما اطلع صوت
حتى من ترد على المراجعين بكل أدب وذوق
يمكن تكولون انت بالغت بلوصف
بس لان اني فعلا كنت معجب بأخلاقها
وسلوكها وثقتها بنفسها
ماتطلع من الغرفه
اله شغله ضروريه تصحيح معامله او غلط بلاوراق يله تكوم
من مكانها
تكمل شغلها وتطلع للبيت
حتى ماحاولت توسع دائره علاقتها بالموظفين
لبس محتشم تمشي رافعه راسها خطواتها كلها ثقه
مالها شغل باي احد
رغم النفاق بدائرتنا فول
وواحد يحجي على الثاني وواحد ينتقد الثاني
بس هيه مالها علاقه باي احد
بوقتها اني عمري ٢٨ سنه وجاي ادور عروس
بس منتظر احصل بنيه بلمواصفات الي اريدها
احنا عائله متمكنه ماديا
ابوي من مات عافلنا املاك
اخواني الاكبر مني والاصغر مني مزوجين
وعايشين ويا امي بنفس البيت
اما اني من جنت زغير واني حريص على اي فلس احصله
اجمع فلوسي اصرف على كد حتياجاتي
ماعندي اصدقاء هواي
هما ثنيين ونفس طبعي
اهلي يكولون انت بخيل
بس اني ابد مو بخيل اخلي الفلوس بمكانها
اذا احتاج ملابس اشتري اذا احتاج شغله ماابخل على نفسي
بس ماابذر واشتري شغلات ما محتاجها
بس علمود الفخفخه
جمعت كم فلس لان جنت اشتغل ويا ابوي قبل لا يموت
وابوي ساعدني ماديا واشتريت قطعه ارض
وكل فتره ابني بيها منا لمن خلصتها
هااا من شغلي وفلوسي الي تعبان بيهن
بعدني ما مئثثها منتظر الكه بت الحلال حتى ناثثها سوه
الارباح والفلوس الي تجي من املاك ابوي تتقسم علينا
احنا الثلاثه وامي تاخذ حصه من الارباح
الحمد لله اني وخواني كلش متفاهمين
وكلب على كلب واحد ساند الثاني
اخوي الجبير هو الي لازم كل للشغل
واني واخوي الثاني نساعده العصر من نرجع من الدوام
احنا مقسمين العمل بينا
كل واحد يعرف شغله
جمانه السعيدي
اخوي الجبير يلزم العمل من الصبح للضهر
واخوي الاصغر مني يلزم الشغل العصر
واني شغلي بليل احنا نبيع أدوات كهربائيه وعدنا مجمع جبير وعدنا بعد كم محل مأجريهن
هاي نبذه بسيطه عن حياتي قبل لا اتعرف على
ميسون وانعجب بيها من اول نضره
طبعا هيه اداوم بنفس القسم الي اداوم بي
يعني كبال عيني طول الوقت
بس ماكو بينا كلام غير الكلام الي يخص العمل وبس
هاي البنيه محترمه بشكل ومؤدبه فوك الادب
بما ان اني انشغل تفكيري بيها
بديت احاول اجمع معلومات عنها
بس ماكو اي احد يعرفها
اي واحد اسئله عنها يكول ماعرفها
تقريبا صار اكثر من اربع اشهر وهيه اداوم ويانا
بس ما تختلط باي احد
على كد السلام وبس
الحد مافديوم اجا رجال جبير عنده معامله بدائرتنا
اسمه ابو مازن
هذا الرجال دائما يشتري من مجمعنا شغلات كهربائيه
من شفته سلم عليها بحراره كلت اي بس
لكيت واحد اسئله عنها بلنسبه اليه ميسون
انسانه غامضه وعازله نفسها
اهتمت ميسون بابو مازن وطلبت منه يكعد حتى تكمله معاملته كعد كبال مكتبها ينتظرها
مصطفى...اي هيه هاي الفرصه الي جنت انتظرها
رحت سلمت علي
مصطفى....شلونك عمي
ابو مازن....هله هله عمي انت شلونك
مصطفى...تمام الحمد لله تحتاج مساعده
ابو مازن....لا ميسون كالت ااكعد واني اخلصلك المعامله
مصطفى.....وين تعرف ميسون
ابو مازن....ابوها الله يرحمه جان صديقي
مصطفى...ابوها ميت
ابو مازن.....اي هيه اصلا ماعايشه بيت ابوها
عايشه بيت عمتها
عمتها مايصير عدها اطفال
وابوها انطاها العمتها ربتها
مصطفى....وين بيتهم بلضبط ومنو عايش وياهم
ابو مازن...ماكو بس عمتها وزوجها زوج عمتها يصير ابن عم ابوها
وهما بنفس الشارع
مصطفى...يعني هيه تعرف هاي عمتها ومربيتها ا لو ما تعرف
ابو مازن....تعرف ودائما تروح بيت اهلها وترجع
بس هسه خوانها ازوجو وطلعو بقت بس امها بلبيت
وياها اخوها الزغير بعده مامزوج
مصطفى....شنو رائيك بيها
ابو مازن.... احنا معارفهم من زمان ادب واخلاق
بعده ما مكمل كلامه اجت ميسون
راسا اني كمت وكتله من رخصتك نكمل كلامنا بعدين انشاء الله
ابو مازن....انشاء الله خير
مصطفى...بما ان اني عرفت بيتهم وين
قررت اسئل عنها اكثر لان جديات ناوي اتقدملها واطلب ايدها للزواج
هذا اول زواج اليه كنت متحمس حيل
وخاصه ميسون حيل عجبتني
وكانما كنت ادور عليها من زمان ولكيتها
