رواية زوجاتي الثلاثه الفصل الثاني بقلم جمانه السعيدي
مصطفى.....بعد ماعرفت عنوان بيتهم قررت اروح اسئل
عنها قبل لا افاتحها بلموضوع
يوم الجمعه فرغت نفسي ورحت اسئل عنها
رغم يوم الجمعه اني وخواني نطلع من الصبح للمجمع
من الصبح لليل
يوم الجمعه بي حركة وشغل
وصلت الشارعهم وسئلت عنها وعن اهلها
وعن سمعتهم الكل يحجي بسمعتهم الطيبه
وكل الي اسئله يكول خوش بنيه ومحترمه وبت اصول
سعيد حظ الي يناسبهم وياخذ منهم مره
بعد ما سمعت كل هذا الكلام الطيب عنها وعن اهلها
قررت افاتحها بلموضوع
قبل لا اتقدملها
طبعا اني ماكو بيني وبينها غير السلام
او كلام يخص العمل
لان هيه ثكيله وما تقبل تاخذ وتنطي بلكلام
ولكل يحترمها
وصلت قبلها للدوام
شويه واجت بكامل اناقتها وجمالها
انتظرت شويه بعدين رحت عليها
مصطفى...صباح الخير
ميسون.....صباح الخير
جانت واكفه تعدل بلمكتب وتحضر المعاملات
مصطفى...اكو موضوع مهم اريد احجي وياج بي
ميسون....تفضل
مصطفى...الموضوع مايخص العمل يخصني اني
ميسون.....يعني شنو مافهمت
مصطفى....الموضوع يخصنا اني وياج
ميسون...واني شنو علاقتي بيك
مصطفى....الصراحه وبدون لف ودوران اني اريد اتقدم
واطلب ايدج اذا ماعندج مانع
ميسون....تطلب ايدي
مصطفى....اي اني اشوف انتي انسانه محترمه
وبت اصول واريد اطلب ايدج زواج على سنة الله ورسوله
اني ماعندي سوالف حب ولعب
اني طالب زواج وارتباط اذا ماعندج مانع
اذا تردين تعرفين اي شي عني اني مستعد
وانا تريدين تسئلين اني انطيج اسمي الثلاثي وعنوان بيتنا
ميسون....بس انت فاجئتني
مصطفى....ليش فاجئتج انتي محد خاطبج قبل
ميسون...لا مو هيج الموضوع
مصطفى.....شلون يعني
ميسون.....تنطيني وقت افكر واحجي الاهلي عنك
وبلاخير الموافقه ترجع الاهلي
الكلمه الاخيره الاهلي اذا وافقو اوافق
واذا رفضو ارفض
جمانه السعيدي
مصطفى.... خلاص راح اكتبلج اسمي وعنواني وانتظر
منج الرد
اخذت ورقة ملاحظات من مكتبها وكتبت اسمي وعنواني
مصطفى...انتظر الرد حتى اجيب اهلي واجي اتعرف
على عائلتكم الكريمه
عفتها ورجعت المكتبي حسيتها بقت طول النهار
متفاجئه يمكن ما متوقعه اخطبها فعلا
لان اني ابد ما مبين الها اي شي تعاملي وياها طبيعي
اما اني حسيت براحه عجيبه بعد ما فتحت موضوع الزواج وياها
عندي احساس راح توافق ويتم هذا الزواج على خير
طلعت من الدوام واني طلعت وراها صعدت بلخط
واني صعدت تكسي ورجعت البيتنا
بليل فتحت الموضوع ويا اهلي
مصطفى.....يمه اني اكو بنيه عاجبتني بلدوام
ورحت سئلة عنها وعن اهلها والناس كلها تحمد باخلاقهم
واليوم فتحت وياها موضوع الزواج
منتظر ردها حتى نروح نتقدملها
امي...يالله يالله اي بيها الخير يوميه اكول راح اموت وماشفتك عريس
مصطفى...اسم الله عليج بعد عيوني انتي عمرج طويل
مرتضى( اخوي الجبير) سئلت زين ترا هذا زواج مو لعبه
مصطفى...اولا صار اكثر من خمس أشهر مراقب سلوكها
ورحت المنطقتها وسئلت عنها
مجتبى( اخوي الزغير) ....مادام عاجبتك اتوكل على الله
ازوج خل نشوف جهالك
مصطفى...انشاء الله توافق ونفرح كلنا
اليوم الي بعده بقيت منظرها باب القسم
من شفتها اجت ابتسمت وكتلها صباح الخير
ردت عليه بخجل صباح الخير
وبعد ما حجينا طول النهار مااريد اضغط عليها
خليها تأخذ راحتها وتقرر عن قناعه
اني اشوف نفسي انسان مناسب وكل الصفات الي تطلبها اي بنيه عندي
مستحيل ترفضني
فات اسبوع كامل واحنا ماكو بينا بس السلام
وشوية نظرات بريئه
بعد مااكدر اصبر اكثر
لازم اعرف ردها رغم اني سمعت من الجوارين والناس
الي تشتغل قريبه علينا
وكم واحد بلدوام
اخوانها جايين سائلين عني
مادام سئلو عني يعني اكو قناعه بلموضوع
بعد ماخلص الاسبوع انتضرتها تجي للدوام
قبلها جان يوم جمعه يعني ما شايفها
بس دخلت وشافتني ابتسمت
افتهمت هاي الابتسامه وراها قبول لان هيه ما تبتسم الاي احد
مصطفى...صباح الخير
ميسون....صباح الخير
مصطفى.. بس بلا زحمه ممكن اعرف الجواب صار اسبوع وانتي مارديتي عليه
ميسون....تكدر تجي تحجي ويا اهلي
مصطفى.. قبل لا احجي ويا اهلج يهمني اعرف رائيج
اذا انتي موافقه
ميسون..... كتلك تعال احجي ويا اهلي اكيد اكو موافقه مبدئيه بعد الرائي الاخير الاهلي
مصطفى.. تمام يمتى اجيب اهلي واجي
ميسون.....الليله تكدر تجي
مصطفى...تمام
بعد كلامي وياها ارتاحيت وحسيت اكو قبول منها ومن اهلها
رجعت للبيت فرحان
من الباب صحت
مصطفى......يمه امي وينج باركيلي
راح اخطب وازوج
امي....هااا وافقت بلعافيه
مصطفى...حضري نفسج بليل نروح نتعرف عليهم
امي...خير انشاء الله
بليل رحنا اني واخوي الجبير مرتضى وامي
بعتبار كعدت تعارف ونتفق على كل التفاصيل
رحنا بيت اهلها مو بيت عمتها
لكيناها بيت اهلها هيه وعمتها وزوج عمتها وأخوانها
وامها
رحبو بينا ترحيب حلو وهتمو بوجودنا من وجوهم افتهمت اكو موافقه على هذا الزواج
ماكان عدهم اي شروط المهر الي متعارف علي بذاك الوقت
اتفقنا نعقد وابدي اثث بيتي وبعدها نزوج
مصطفى...اهم شي العروس حيل عجبت امي
حددنا يوم المهر سوينا حفله بس عوائلنا لبستها الذهب
احس نفسي اخذت جائزه
ميسون انسانه مريحه وبسيطه
بدينا اني وياها نجهز بيتنا على ذوقنا
غير متكلفه طلباتها حيل بسيطه
جمانه السعيدي
ميسون....جهز بلشي الي تكدر علي لا تضغط على نفسك
وين رايح الاثاث على كيفنا نجهز شويه شويه حتلو بعد الزواج
مصطفى.... راح اجهز البيت احلى جهاز تستاهلين
ميسون....الله يحفظك اليه
مصطفى....فعلا ماجذبو من كالو نصك الثاني
انتي فعلا نصي الثاني
جاي تفهميني بسرعه
ميسون....نفس شعوري اتجاهك
تقريبا اربع أشهر وكملنا تجهيز البيت
شكد مااحجي عنها انسانه بسيطه ومريحه ومتفهمه
قليل بحقها راقيه بشكل مو معقول
كلما أقرب منها اكثر اتعلق بيها اكثر
حددنا العرس اول يوم سنة ٢٠٠٠ عرسنا حلو حلو
كلشي مشى بسهوله
واخيرا ازوجنا وصرنا بيت واحد
بعد ماخلصت اجازت العرس رجعنا نداوم اني وياها
بقت على نفس طبعها لا تتقرب من الموضفات ولا الموضفين
اكثر اهتمامه بلشغل واذا عدها وقت تجي يمي نشرب جاي
نرجع للبيت نتغدا ونام بعدين هيه تنظف وترتب البيت
وتحضر اكل الثاني يوالحلو بيها لا تتعاجز
ولا تشكي من الشغل والبيت
عدها طاقه عجيبه لترتيب والتنظيف
كلمة من عيوني وتدلل ما توكع من السانها
نسبة التفاهم بينا ١٠٠/١٠٠
تعرف شنو احب وشنو اريد تضحي براحتها حتى اكون مرتاح كلما يطول الوقت اتعلق بيها اكثر واكثر
صرت ماكدر استغني عنها ابد
نادرا مايصير بينا زعل اذا زعلت مااتحمل زعلها
اروح إصالحها كبل
من عيوني تعرف اذا كنت زعلان اوضايج
الشي قبل لا اطلبه الكا حاضر
بالمقابل اني ابد مامقصر وياها بشي ااي شي تطلبه
تلكا يمها
فات شهر وثنيبن وتلاثه وماكو حمل
سبع أشهر وثمانيه وحنا كل شهر نكول هذا الشهر
بس ماكو
فاتت سنه على زواجنا وكلشي ماكوووو
بعد السنه قررنا نبدي نراجع ونشوف شنو سبب تأخر الحمل
سوينا تحاليل بأكبر المراكز الصحيه
ثنيبنه ماعدنا اي سبب يمنع الحمل
عجيب اذاماكو سبب يمنع الحمل ليش مجاي يصير
جبنا فيتامينات غيرنا الدكاتره اكثر من مره
ماكو فايده
مجاي يصير حمل
مصطفى...ميخالف حبيبتي اكيد رب العالمين مراح ينسانا
ابد
ميسون....والنعم بلله تعالى
الي قالقني مادام ماكو سبب يمنع الحمل ليش مجاي يصير
شنو السبب
مصطفى... بعد وكت نصبر ونتوكل على رب العالمين
اذا مقسوملنا اطفال راح يصيرون
مرت سنه وثنيين وتلاثه ورحنا اكثر من مركز صحي بس ماكو اي فايده
اكذب عليكم اذا اكول الموضوع عادي بلنسبه اليه
كلما اشوف جهال اخواني افكر يمتى يصير عندي اطفال
عمري صار ٣١ سنه واني على نفس وضعي
الشغل والفلوس والوظيفة كلهن بجها
والجهال بجها ثانيه
مرات اصفن ويا نفسي واكول اني المن اشتغل
والى متى راح نبقى هيج
بس طبعا مااحجي كدام ميسون لان هيه اصلا
هذا الموضوع قالق راحتها
كنت اصبرها وواكول ميخالف
بس اني ماكدر اصبر نفسي تفكيري مشغول
على طول بهذا الموضوع
خايف العمر يعدي وكلشي ما احصل
صار السقوط والاوضاع شويه تخربطت
حتى المجمع قفلنا فتره
ودوامنا بلبدايه تعطل
من بعدها استقر الوضع ورجعنا للدوام
بعد مارجعت للدوام بسنه وحده صعدت صرت مدير قسم
نفس القسم الي جنت موظف بي صر مدير على هذا القسم
والمجمع كبرنا وفتحنا فرع ثاني وبدينا نستورد شغلات من الخارج
شغلنا بي ومايكبر
ورزقنا خير من الله
بس كل هذا التقدم مو بعيني لمن ارجع للبيت
البيت موحش
صح ميسون مهتمه بيه وما مقصره عليه بشي
بس البيت مابي روح
جمانه السعيدي
رجعت اخذتها ورحت مركز انفتح جديد وسوينا تحاليل
كامله
الدكتور اكد ماكو اي سبب يمنع الانجاب
بس حكمة رب العالمين اكبر وأقوى من احلامنا
ميسون...راح اتخبل ليش مايصير حمل
مصطفى.....ولله مادري
ميسون....شلون والى متى
مصطفى.....يمتى مارب العالمين ياذن
السنه الخامسه الزواجنا خلصت واحنا بدون اطفال
كلشي عدنا ما ناقصنا اي شي
فلوس وضيفه تحبني ووتمنالي الرضا
واني احبها اموت عليها وما اتخيل حياتي من دونها
بس حتى ويا هذا الحب حياتنا ما كامله
ناقصها شي مهم
وهذا الشي مانكدر نجيبه لا بلفلوس ولا بلحب
ولا بلصبر
امي بدت تلح علمود موضوع الاطفال
وحتى الموضفين وأصدقائي جاي يلحون
خمسين مره بليوم انسئل على هذا الموضوع وماعندي اي رد علي
يعني اني الي بيه مكفيني ليش تلحون بهذا الموضوع
قابل هو بكيفي
كلشي باارادت رب العالمين
هو الي يمتى مايريد يصير
امي......يمه إلى متى تبقى هيج اريد اشوف جهالك
مصطفى.....شبيدي قابل هو مشترا واروح اشتري من السوك
امي....إلى متى تبقى تنتظر
مصطفى.....عندج حل
امي...اي ازوج انت عندك خير من الله وتكدر تفتح بيت ثاني
مصطفى...ازوج
امي...اي ازوج قابل انت اول واحد آخر واحد يزوج
الرسول محمد ازوج
انت مو زغير ازوج بلكت ويصير عندك طفل
مصطفى....بس ميسون شنو ذنبها
امي.....ميسون تبقى على ذمتك وتبقى بيتها معززه مكرمه
مصطفى...خطيه خاف تنقهر
امي...تنقهر يوم يومين وبعدين تتعود
مصطفى...اني الصراحه اريد جهال
امي....يمه ازوج زواجك لا عيب ولا حرام ولا بي تنقيص الزوجتك
هذا شرع رب العالمين
مصطفى....افكر لو ماخاف على زعل ميسون جان ازوجت
امي...تريد احجي وياها اني هاي خمس سنوات شمنتضر
اخاف اموت وماشيفه جهالك
مصطفى.....فدوه اروح الرب العالمين حياتي حلوه وما ناقصني شي
مرتي حبابه ومطيعه وبت اوادم وشريفه
وأم بيت لو بس مكملها عليه بطفل واحد واحد مااريد هواي
جان صرت اسعد واحد بلعالم
بس ابو المثل يكول الحلو ما يكمل
شكرا لزيارتكم عالم روايات سكيرهوم
