رواية قرة عيني الفصل الثاني
روايه قرة عيني البارت الثاني
ألتقيت بك وأصبحت حياتي ملك لك 💖
لم تتأخر بل جئت في الوقت المناسب
كان يجلس غيث أمام البحر شارداً وهو يرتدي بذلته السوداء ينظر له بهدوء وهو يتذكر شيئاً
فلاش باك
كان ينظر لوالدته التي كانت تجمع الفواكه الساقطه على الأرض من سيده عجوز
العجوز بسعاده : شكراً شكراً جدآ يا بنتي
الأم : العفو حضرتك مفيش حاجه
ذهبت السيده العجوز بينما غيث الصغير كان ينظر لوالدته بعدم فهم
غيث بطفوليه : ماما أنتي ليه وطيتي و أنتي ضهرك بيوجعك ؟
الأم بابتسامه : عارف يا غيث في حديث حلو أوي بيقول ( كان الله في عون العبد ما كان العبد في عون أخيه )
نظرت الأم له بابتسامه وهي تعلمه شئ جديد
الأم : أوعى تسيب حد محتاج مساعده أبداً يا بني أقف جنبيه وسانده
نهايه الفلاش باك
نظر غيث بجانبه ليلمح فتاه صغيرة بملابس رديئه وتحمل بعض المناديل
الفتاه : مناديل يا باشا ؟
غيث بابتسامه : بكام ؟
الفتاه : بعشره جنيه يا باشا
أبتسم غيث ليخرج من محفظته مائه جنيه
غيث بابتسامه : أتفضلي
نظرت الفتاه له بسعاده لتأخذ المال وتجري وهي تقوم بالمناداه على والدتها ومن سعادتها نسيت أن تعطيه المناديل
أبتسم غيث على سعادتها وفجأة رن هاتفه ليخرجه ثم أجاب
غيث : مش عارف يا أحمد هشوف لو فاضي النهارده ممكن أجي عموماً هنتقابل فين ؟
عند حبيبه
كانت ترجع بخطواتها للخلف وشخص ما كان يتقدم نحوها لتجري بسرعه كبيره وهي تبكي بقوه
أنتهاء الفلاش باك
رفعت رأسها للسماء وهي تبكي
حبيبة ببكاء : حسبي الله ونعم الوكيل حسبي الله ونعم الوكيل
كانت ريم وشهد ينظرون عليها من مسافه بعيده
أتت دعاء لتنظر لحبيبة ثم لأخواتها
دعاء بملل : هي حبيبة هتفضل في الكأبه دي كتير ؟
شهد بزعيق : بقولك أيه يا دعاء بدل ما تقولي كلام فاضي ساعدينا نخرج حبيبة ملي هي فيه !!
دعاء بسخرية : وأنا مالي دي مشكلتها وكمان هي بتدلع مش أكتر
كانت ريم سوف تصرخ في وجهها لكن دعاء ذهبت من أمامهم ببرود
ريم بضيق : بت مستفزه مش بحسها أختنا أصلاً
شهد بتنهد : سيبك منها ربنا يهديها
نظروا الإثنين على أختهم التي تبكي
ريم : هنقابلهم أمتى ؟
شهد : النهارده بعد المغرب
كان ناصر يقوم بالمناده على حبيبة
لتسمعه وتذهب له كان يقوم بتقطيع بعض الشجر الموجود لديهم في الحديقه
ناصر بزعيق : وأنا كل حاجه أعملها لوحدي تعالي وقطعي معايا بدل مانتي قاعده و مرتاحه
ذهبت حبيبة نحوه لتأخذ أداه التقطيع وتقوم بالتقطيع
حبيبة : دعاء كمان مش بتعمل حاجه
توقف ناصر عن التقطيع فجأة وكأنها قالت شئ كبير ليستدير لها ويقول
ناصر : دعاء إمبارح مش عرفت تنام كويس فا نخليها تريح أنتي كده كده بتنامي وتصحي براحتك
حبيبة : هي مش عرفت تنام علشان سهرت إمبارح
ناصر بزعيق : أنتي بتناقشيني ليه أسمعي الكلام ولا أنتي عايزه تبقي عاقه !!
ليلقي ناصر أداه التقطيع التي كانت في يديه بعنف من ثم ذهب بغضب
كانت حبيبة تقوم بتقطيع الشجر بعنف وهي تبكي وكأنها تخرج كبتها به
الساعه ٥ المغرب
كان يجلسون في مطعم مع بعضهم وكل منهم طلب طعام
كانت ريم وشهد يجرون بسرعه
ريم بلهث : متأكده أنهم هيقدروا يساعدوا حبيبة ؟
شهد : هنحاول وإن شاء الله هيساعدوها
توقفوا عندما دخلوا المطعم كان ينظرون على كل طاوله ومن يجلس عليها
نظرت هاجر على باب المطعم لتراهم ثم قامت بالتلويح لهم لتعلمهم أنها هنا
كان أحمد ينظر لغيث الذي كان ينظر له بحده
أحمد بهمس : خلاص بقى يا غيث أنت مبوز من أول ما قعدت مش كانوا بنتين يعني
غيث بحده : أنا قولتلك مليون مره مش بتعامل مع بنات حتى لو بنت واحده وأنت مخرجني ومفهمني أن أحنا هنخرج لوحدينا
أبتسم غيث بسخريه عندما وجد فتاتين أخريين قادمان نحوهم
غيث بسخريه : كملت بقوا أربعه
نظر أحمد عليهم
كانت شهد و ريم يقفون أمامهم بخجل لا يعلمون من أين يبدأون وماذا يقولون
ذهبت هاجر لتسلم عليهم بحب و أيضاً روان
هاجر بحب : عاملين أيه ؟ أتفضلوا أتفضلوا
شهد بهدوء : أنا مش جايه هنا علشان أقعد أنا جايه هنا علشان أختي
رفع غيث رأسه بنتباه لحديثها
شهد بتنهد : أختي في حاله نفسيه وحشه هي في أكتئاب حاد وأنا محتاجه حد يكون بيفهم في الأمور النفسيه دي ويساعدها
هاجر بصدمه : يا عيني يا بنتي ليه كده بس ؟
نظرت شهد لريم لتتحدث
ريم : بسبب حاجه حصلت ليها زمان بس مش هنقدر للأسف نقولها
روان : طيب أزاي هنساعدها منغير ما نعرف السبب ؟ ده مش منطقي يا ريم
صمتت ريم لتتحدث شهد بدلاً منها
شهد : للأسف مش هينفع حتى مش هنقدر نوديها لدكتوره نفسيه أختي حالتها بقيت وحشه أوي بقيت تصرخ في وشنا و تكسر الحاجات
ضحك أحمد بقوه لينظر الجميع له
أحمد بضحك : مجنونه يعني ؟
نظرت ريم وشهد له بغضب
شهد بعصبيه : أختي مش مجنونه أختي في أكتئاب حاد وده السبب
نظرت هاجر لهم بهدوء لتتحدث
هاجر : بصراحه يعني أختك صعبانه عليا بس أنا مش هقدر أساعد أنا أسفه
نظرت شهد و ريم لها بصدمه فتلك صديقتهم من الطفوله
نظرت شهد لروان لعلها توافق لكنها كانت تتجنب النظر لهم
شهد بيأس : يلا يا ريم
تحركت شهد و ريم لكنهم توقفوا فجأة عندما سمعوا
غيث : أنا هتطوع
