رواية قرة عيني الفصل الثالث
نظرت شهد و ريم له بصدمه
غيث بهدوء : أنا معنديش مشاكل أساعدها
شهد بتوتر : بس بس أنت راجل ومش هينفع تقعد معاها عادي كده
غيث باستغراب : أنتي عايزاني أفضل أساعدها لغايه لما تتحسن ولا حالتها صعبه للدرجادي ؟
نظرت شهد للإسفل بحرج
شهد بكسوف : الأتنين
أخذ غيث نفس ثم نظر لها
غيث : عايزاني أتجوزها ؟
نظر الجميع له بصدمه
مالت ريم على أذن شهد لتقول
ريم بهمس : مش هينفع يا شهد حتى لو أتجوزها هو هيطلقها بعديها وده مش منطقي ده غير سنها ١٥ سنه صغيرة أوي على الجواز
كانت شهد تشعر بالحيرة لا تعلم ماذا تفعل فلا يوجد أحد أخر تلجئ إليه غير أصدقائها وجميعهم رفضوا إلا هو
غيث بهدوء : حيرانه في أيه ؟ مش أنتي عايزه تساعدي أختك ؟ طيب أنا بعرض عليكي المساعده و كمان هتجوزها
شهد بتوتر : أيوه بس يعني معلش الموضوع غريب أنك موافق عادي كده ده غير أنك موافق كمان تتجوزها منغير سبب ومنغير مقابل
نظر غيث لها بهدوء
غيث : لا أنا مش بعمل حاجه منغير سبب أنا عندي أسبابي الخاصه ده غير أني مش عايز حاجه
نظرت شهد لريم بحيرة موافقته على الأمر بتلك السهولة يجعلهم يشعرون بالريب من يتجوز فتاه في أكتئاب و بدون مقابل ؟
ما تلك الأسباب الشخصيه التي تدفعه لفعل متهور هكذا هل هناك ما يخفيه ؟
ريم بهمس : خلاص بقى يا شهد هتطفشيه وافقي وخلاص مفيش حد عندنا غيره
أخرج غيث من جيبه ورقه بها رقمه ليمدها لشهد
غيث : ده رقمي تبقي تديه لباباكي علشان نتفق على الجواز
أخذت شهد منه الورقه بحرج وهي تنظر للإسفل بينما هو ذهب من أمامها والجميع ينظر له بصدمه
في منزل حبيبة
كانت حبيبة نائمه بهدوء وفجأة دخلت دعاء لتقوم بفتح نور الغرفه عليها مما جعل حبيبة تجعد ملامحها بضيق
فتحت عينيها عندما سمعت ضوضاء في غرفتها لتجد دعاء تحمل طلاء الأظافر من ثم جلست على الفراش بجانبها و هي تضع منه
حبيبة بعصبيه : مش قولت مليون مره مش بحب حد يفتح النور وانا نايمه !!
دعاء بالامبلاه : زي ما هي أوضتك هي أوضتي أنا كمان
حبيبة : بس لما انتي بتكوني نايمه أنا بفتح الفلاش لو محتاجه حاجه
أغلقت دعاء طلاء الأظافر لتنظر لها بملل وهي تتأفف
دعاء بزهق : خلاص يا حبيبة مش كانوا دقيقتين يعني
حبيبة : لا أنتي كل مره تعملي كده
تجاهلت دعاء حديثها لتأخذ هاتفها و طلاء الأظافر ثم ذهبت وهي تاركه الضوء و الباب مفتوحين
نظرت حبيبه لإثرها لتلقي الوساده على الأرض بغضب
ذهبت شهد لناصر الذي كان يجلس في غرفه المعيشه وهو يشاهد التلفاز لينظر لها باشمئزاز
ريم بهمس : بلاش تقولي ليه دلوقتي تعالي أحسن يا شهد
خرجت شهد من غرفه المعيشه وهي تتنهد ليقفوا أمام بابها
شهد : لو مش هقوله دلوقتي أن في حد متقدم ليها هقول أمتى ؟ أحنا عايزين نخلص بسرعه يا ريم أختي كانت هتنتحر كذا مره و بستر ربنا لحقيناها
ريم بتوتر : هو في حل كده ومتأكده أن بابا هيوافق على طول على جوازهم
نظرت شهد لها بأمل
شهد بلهفه : بجد ؟ حل أيه ؟ قولي
ريم : دعاء بابا بيحبها أوي وبالتأكيد هيوافق لو هي الي قالتله
ضحكت شهد بسخريه ثم قالت
شهد : أيوه عندك حق بس دي مش بتاخد حاجه ببلاش
ريم : علشان خاطر حبيبة بابا مش هيوافق على الجوازه لو أحنا الي روحنا ليه
نظرت شهد حولها بتفكير لتجد دعاء تتحدث بصوت عالي في الحديقه
أقتربت شهد منها قليلا ً لتسمع ماذا تقول
دعاء بضيق : والله يا رؤى مش عارفه أجيبه أزاي بابي لسه مديني فلوس و مش هيوافق يديني غير بعد كام أسبوع أنتي عارفاه بخيل طول عمره
نظرت شهد بحزن على شخصيتها لكنها رفعت رأسها عندما أكملت حديثها مع صديقتها
دعاء بسعاده : بس مش أقولك الشنطه تجنن و من ماركه روعه بكام ؟ ١٠٠٠ جنيه بس روعه
صدمت شهد من سعر الحقيبه لكن سرعان ما أتت لها فكره
ألتفت دعاء بعدما أغلقت الهاتف بضجر لتنظر لشهد التي تقف شارده الذهن
دعاء بسخرية : مكنتش أعرف أن عندك صفه التصنت
أقتربت شهد منها بسرعه لتقف أمامها
شهد بسرعه : هجيبلك الشنطه وعد بس عايزاكي تقنعي بابا بحاجه
نظرت دعاء لها من الأعلى للإسفل وهي عاقده يديها
دعاء : أيه الحاجه دي ؟
شهد : أنه يوافق على جواز حبيبة
ضحكت دعاء بشده وهي تضع يديها على فمها
دعاء بضحك : لا بتهزري في عريس ؟ ومتقدم لمين ؟ للفقمه الي جوا دي
ضغطت شهد على يديها وهي تحاول كتمان غضبها فالوقت ليس في صالحها
شهد : المهم هتعملي كده ؟ ووعد هجيبلك الشنطه
دعاء بسخرية : وانتي هتجيبي فلوس منين ؟ ده أنتي مش بتشتغلي حتى
شهد : هتصرف المهم موافقه
نظرت دعاء لها بابتسامه خبيثه لتقول
دعاء بخبث : موافقه
عند غيث
كان أحمد يسير وراء غيث وهو يقوم بالمناداه عليه
أحمد : يا غيث أسمعني بس
توقف غيث مره واحده ليقف أمامه
أحمد : أيه الي عملته ده يا غيث أنت دبست نفسك في جوازه منيله البنت مجنونه
غيث بسخريه : هو الي عنده أكتئاب أسمه بقى مجنون مش مكتئب ؟
وضع أحمد يديه على رأسه بغضب من صديقه
أحمد : يا عم أفهم أختها ذات نفسها قاعدت تقول إنها بتكسر الحاجات و معرفش بتعمل أيه يعني دي ممكن لما تزعقلها تروح عضاك
غيث بهدوء : وليه أزعق ليها أصلاً ؟
نظر أحمد له بقله حيله
أحمد : يا غيث أفهم بلاش طيبه قلبك دي أنا عارف أن مامتك الله يرحمها وصيتك بأنك تساعد الناس حتى لو غرباء بس مش كده
غيث بشرود : مش ده السبب الوحيد
أحمد باستغراب : أومال أيه
نظر غيث له ثم ذهب من أمامه
تحدث أحمد بصوت مرتفع ليسمعه من بعيد
أحمد بصوت عالي : مش هينفع يا غيث صدقني
عند حبيبة
ريم بصدمه : أيه ؟ الله يخربيتك يا دعاء
قامت شهد بضربها على كتفها
شهد : عيب كده دي مهما كانت أختنا
ريم بسخريه : أنا ديماً كنت أسمع أن العمه عقربه أول مره أشوف الأخت العقربه
شهد بدهشه : عيب كده يا بت
ذهبت شهد فجأة لغرفتها مما جعل ريم تنظر لها باستغراب لذهابها المفاجئ لتذهب خلفها
كانت شهد تجمع أشياء لها وضعت هاتفها من ثم ساعه ذهبيه كانت لديها وحقيبه ظهر سوداء
نظرت ريم لها باستغراب
ريم : أنتي بتعملي أيه ؟
شهد : بجمع شويه حاجات علشان أبيعهم وأدي الفلوس لدعاء
ريم بصدمه : من حاجتك ؟
قامت شهد بهز رأسها لها بينما ريم تنظر لها بصدمه
خرجت ريم من غرفتها
شهد بتفكير : كده ساعه دهب و موبايلي و شنطه سوده أعتقد دول ممكن يكملوا الألف وزياده كمان يعني موبايل هيبقى أكتر من ألف أصلا ً
ألتفتت شهد عندما سمعت صوت خلفها لتجد ريم تحمل الكثير من أشيائها المتنوعه
هاتفها و بعض من حجابها و ملابسها
شهد بصدمه : أيه ده كله يا ريم ؟ أنا هبيع حاجتي أنا أنتي خلي حاجتك
ريم بسخرية : أنا يمكن عندي ١٣ سنه بس ده مش معناه أني أسيب أختي الكبيره تضحي لوحدها
نظرت شهد لها بدموع لتعانقها بقوه وهي تبكي
ريم ببكاء : خليتيني أعيط أنا كمان عجبك كده يا نبع الحنان
ضحكت شهد وسط دموعها
شهد بضحك : نبع الحنان بتتقال للأم مش للأخت الكبيره يا هبله
ضحكت ريم عليها لينظروا لبعضهم بحب
عند غيث
كان يجلس على الأريكة وهو ينظر بشرود للتلفاز المفتوح لتأتي له صوت رساله
أعتدل غيث في جلسته ثم أخذ هاتفه لينظر للرساله
الرساله : دي كل المعلومات عن حبيبة شخصيتها وماضيها و كل حاجه
جعد غيث ملامحه عندما وجد في بيناتها
