رواية جثث الحموات الفصل الثاني بقلم محمود الأمين
أول ما دخلنا لقينا في جث. ة ست كبيرة على الأرض، وكان حالها نفس حال جث. ة مدام نرمين، واضح إنها مضروبة بآلة حادة على دماغها. كل حاجة في البيت كانت متكسرة ومتبهدلة، ولكن في بنت في أواخر العشرينات كانت واقعة على الأرض. قربت منها واتأكدت إنها لسه عايشة، بس مغمى عليها. فوقتها، وأول ما فاقت وشافت جث. ة الست، انهارت من العياط وفضلت تقول: أمي ماتت!
طلبت من العسكري يجيب كرسي، وقعدتها وجبتلها كوباية مية، وطلبت منها تهدى عشان نعرف نتكلم معاها ونعرف مين اللي عمل كده؟! وبلغناها إن الجيران هما اللي بلغونا عن أصوات صراخ وتكسير جاية من البيت ده، وساعتها قالت حاجة أنا ما كنتش متوقعها خالص:
_ مصطفى جوزي هو اللي عمل كده، هو اللي ق. تل ماما.
كأن الأحداث بتعيد نفسها في الجري.مة التانية.. وعرفنا إن البنت اللي قاعدة على الكرسي دي اسمها ريهام، ووالدتها اللي هي المجني عليها اسمها عفاف. والبيت اللي إحنا واقفين فيه ده يبقى بيت مدام عفاف المجني عليها.
وقالت ريهام في المحضر إنها كانت مع والدتها عند الدكتور عشان هي كانت تعبانة شوية، ولما رجعوا البيت اكتشفوا إن الباب مكسور. كانوا خايفين طبعًا في الأول، ودخلوا بالراحة عشان يشوفوا في إيه، وساعتها اتفاجئوا بواحد كان لابس قناع أسود موجود في البيت وكان بيسرق، وساعتها قامت المشكلة والشخص ضرب مدام ريهام اللي أُغمي عليها، وأكيد طبعًا هو اللي ق. تل مدام عفاف.. وإنها متأكدة إن الشخص ده يبقى هو مصطفى جوزها، رغم عدم وجود أي دليل على ده.
وعرفنا إن جوزها اسمه مصطفى عبد المنعم، وبيشتغل في شركة دعاية وإعلان.. والغريبة إنها ذكرت إن في خلافات ما بين جوزها مصطفى ووالدتها مدام عفاف، والخلافات دي كانت من أول الجواز، ومدام عفاف كانت رافضة الجوازة دي. وفهمت منها إن والدتها كانت شخصيتها قوية، وبسبب المشاكل دي علاقتها بمصطفى اتأثرت، رغم إنهم متجوزين من فترة صغيرة.
طبعًا وصل فريق من الطب الشرعي والمعمل الجنائي، وبدأ فحص الجث. ة ومسرح الجري.مة. والغريب إن دكتور الطب الشرعي كان عنده نفس وجهة نظري، وإن الجري.مة دي هي هي الجري.مة اللي فاتت.. الشخص ده كسر باب الشقة ودخل سرق شوية متعلقات في البيت، بس المرة دي اتفاجئ بالست وبنتها وراجعين على البيت. حصلت ما بينهم مشاجرة، وضرب مدام عفاف بآلة حادة على دماغها.
ووجه التشابه في الحتة دي بالذات كان واضح، عشان دكتور الطب الشرعي بيأكد للمرة التانية إن ده شخص فاهم؛ لأنه بيضرب ضربة واحدة في جزء معين من الرأس، وهو عارف ومتأكد إنها هتعمل نزيف داخلي.. وللمرة التانية المجني عليها تكون ست كبيرة، يروح ناحية جوز بنتها!
اتنقلت الجث. ة على الطب الشرعي عشان التشريح، واترفعت البصمات من مسرح الجري.مة، وبعدها اتحركنا ورجعت على مكتبي من تاني، وكانت معايا مدام ريهام. وزي ما عملنا في الجري.مة اللي فاتت، طلبت منها تكتب بيانات جوزها في الورقة، وممكن يكون متواجد فين دلوقتي؟!
وعرفنا عنه كل المعلومات من مدام ريهام، وبدأت التحريات عن مصطفى عبد المنعم اللي بيشتغل في شركة الدعاية والإعلان، وكنت متوقع اللي هيحصل وقتها.. أيوه بالظبط، تحرياتنا أثبتت إن مصطفى عبد المنعم ده اتوفى في نفس الفترة تقريبًا من أربع شهور، وإن العربية اتقلبت بيه ومات.
ولما بلغنا النيابة بالتحريات، أمرت إننا نمشي على نفس خط السير اللي مشينا عليه في القضية اللي فاتت، وطلعت إذن باستخراج الجث. ة وعرضها على مدام ريهام.
وفعلًا تم استخراج جث. ة مصطفى عبد المنعم وعرضها على مدام ريهام في المشرحة، وقالت المتوقع إن دي مش جث. ة جوزها، رغم إن كل البيانات اللي حصلنا عليها منها كانت بتقول إن هو ده مصطفى عبد المنعم.
بس الفرق المرة دي كان في حاجة واحدة بس: مدام سوزان في الجري.مة الأولى ما شافتش القاتل بعينها، واستندت للمشاكل اللي كانت ما بين جوزها ووالدتها. ورغم إن جوزها ممدوح سالم شخص ملوش وجود، وإن الشخص اللي ذكرت بياناته كان ميت من أربع شهور، لكن المرة دي الوضع مختلف. مدام ريهام شافت القاتل بعينيها، بس كان في قناع أسود على وشه، واللي هو المفروض جوزها اللي اسمه مصطفى عبد المنعم، واللي متجوزها من ست شهور، وده على حسب كلامها طبعًا.
وأنا كان من رأيي إن القاتل واحد في الجريمتين.. واللي خلاني قلت كده هو إننا لما طلبنا من مدام ريهام صورة لجوزها ده اللي اسمه مصطفى عبد المنعم، قالت إن كل الصور موجودة في البيت في شقتهم. وطبعًا لما رحنا معاها على هناك عشان نشوف صور الشخص ده، اتصدمنا إننا ما لقيناش ولا صورة.. الصور اللي في البيت كلها واللي تخص الشخص ده اختفت.
ولما ظهر تقرير المعمل الجنائي والبصمات، ما كنتش متفاجئ لما طلعت بصمات القاتل هي نفس بصمات الشخص اللي مات من أربع شهور.
طيب إيه الدافع ورا ارتكاب الجرايم دي؟!.. مين اللي بيعمل كده وليه؟
لحد ما فريق البحث الجنائي وصل لمعلومة مهمة، وهو إن في تشابه في الظروف اللي بتخص ابن المجني عليها واللي كان اسمه مسعد.. مسعد ده كان بيتعالج في نفس المصحة النفسية اللي كان بيتعالج فيها عمر المتهم في الجري.مة الأولى.. وطبعًا مستحيل الصدفة دي تتصدق.
وطبعًا التحريات كانت بتقول إن الست عفاف كانت شخصيتها قوية، واتسببت في طلاق مسعد ابنها ومراته سلمى اللي كانت حامل وقتها في ولد. والتحريات كانت بتقول إن مسعد كان بيسمع كلام والدته وبيعامل مراته بشكل مش كويس، والمواضيع وصلت ما بينهم لحيطة سد.
وبعد ما خلفت سلمى الطفل اللي كان مسعد مستنيه، الطفل ده اتق. تل، وساعتها مسعد وأمه اتهموا سلمى إن هي اللي ق. تلته. وفعلًا القضية دي وقتها كانت مسمعة وقلبت الدنيا، واتحكم على سلمى بالإع. دام واتنفذ فيها الحكم.
ولكن مسعد بعد كده تعب نفسيًا ودخل المصحة، بس وهو في المصحة قال للدكتور النفسي اللي بيعالجه إن مراته بريئة من التهمة دي، وإن اللي ارتكبت الجري.مة هي والدته مدام عفاف.
ورغم إن مسعد ما زال موجود في المصحة، إلا إنه الشخص الوحيد اللي عنده الدافع إنه يعمل كده في والدته. والغريبة إن مسعد كان بيشتغل في نفس الشركة اللي كان بيشتغل فيها مصطفى عبد المنعم للدعاية والإعلان.. ولكن في الوقت ده بنعرف إن مسعد هرب من المصحة قبل الجري.مة بـ24 ساعة، وكان كاتب في مذكراته إنه هيهرب وهينتقم من الشخص اللي عمل كده ودمر حياته.
اتحركت وقتها على المصحة دي، وهناك عرفت منه إن مسعد كان شايف إن والدته هي اللي دمرت حياته، وكان عاوز يخلص منها.
وطبعًا إحنا كنا قالبين الدنيا على مسعد عشان نلاقيه، وبعد 24 ساعة بس بتوصلنا إشارة بمكانه، وإنه مأجر شقة وعايش فيها. اتحركنا بسرعة، وأول ما وصلنا للعنوان ودخلنا الشقة، اتصدمنا عشان لقينا مسعد موجود وكان مربوط في كرسي، ولما سألناه مين اللي عمل فيك كده، فتح بوقه عشان يتكلم..
واتصدمنا لما لقينا إن في دم نازل.. مسعد كان..
شكرا لزيارتكم عالم روايات سكيرهوم
