رواية خيال سليم الفصل الثالث بقلم منة خلف
سهيلة .....دوق بقا ...وقولي رأيك
عاصم ....الله هالله ....اول مرة ادوق كيكة بالطعامة دي
ممدوح ....شكلك بكاش يا دكتور
سهيلة برفعة حاجب .....ليه حد قالك اني بعمل اكل وحش قبل كدا يا ممدوح
حبيبة بإحراج....مش كدا يا جماعة .....احنا عندنا ضيوف
**وسط كلامهم الجرس رن
ممدوح ...يا سناء ...يا سناء ...تعالي شوفي مين على الباب
سناء .....حاضر يا حج
**وفتحت سناء الباب
خالد بقلق ....سليم ماله يا حبيبة....انا عرفت من الحضانة انه روح وإنه تعبان
ممدوح .....اهدى يا خالد يا ابني وتعالى
خالد بإستغراب....امال مين حضرته
عاصم ....انا دكتور عاصم ...دكتور أطفال
خالد ....ومن امتى والدكاترة بتقعد وتاكل كيكة ...وتهزر وتضحك ....هو في ايه يا حج ممدوح
ممدوح بحرج....والله يا ابني
عاصم بمقاطعة ...اسف لمقاطعتك يا حج ...بس انت مين عشان تتكلم معايا كدا
خالد ...انا ابقا جوز حبيبة ...ام سليم ابننا
حبيبة .....تقصد طليقي
عاصم .....امممم...يعني حضرتك طلقها.....يبقا مش من حقك تتكلم كدا
خالد ...وانا مين عشان تدخل بيني وبين مراتي
عاصم ....طيب انا هستأذن يا جماعة ....وعندك حق يا حضرة دي أمور عائلية ...بس اهدى كدا ليطقلك عرق
***بعد ما مشي عاصم
حبيبة بزعيق .....ارتحت كدا ....دلوقتي افتكرت اني كنت مراتك ...حلو اللي حصل قدام الدكتور دا ...بدال ما نشكره
خالد ...وهو انتِ شيفاني مرتاح ....وبعدين نشكره على ايه دا واجبه
حبيبة.....ميهمنيش انت مرتاح ولا لا ...اللي بينا هو سليم وبس ....ويا ريت تفهم اننا خلاص اطلقنا ....ملكش انك تدخل في حياتي مهما كان
خالد لسة هيرد
ممدوح ...باااس.....للدرجادي مفيش احترام لوجودي انا وسهيلة
خالد ...اسف يا عمي ...بس حضرتك شايف اسلوبها وكلامها
سهيلة ...اهدوا يا ولاد ...تعالى يا خالد شوف سليم
خالد ..هو صاحي
سهيلة....لا نام دلوقتي
خالد ...خلاص هاجي بالليل واطمن عليه
حبيبة بسخرية .....شوفت بقا اننا مش همينك ...اديك ماشي وابنك تعبان بدال ما تقعد لحد ما تطمن عليه ...او على الاقل تشوفه
ممدوح وهو بيبص لحبيبة.....مش وقته الكلام دا
حبيبة...انا طالعة اوضتي
لا إله إلا أنت سبحانك إني كنت من الظالمين
**********************************************************
***دخلت حبيبة اوضتها.....وغيرت واتوضت وصلت
....ولكنها فضلت تفكر في عاصم وفي شكله واسلوبه ....وكلامه
حبيبة لنفسها ....هو أنا مشدودة نحيته كدا ليه ....بجد ايه اللي فيه مميز اوي كدا ....لا انا دماغي مش ناقصة انا هنام
***وفي نفس الوقت....لقيت رسالة وصلتها من رقم غريب
.....نفسي اعرف هل انا بس اللي بفكر فيكِ ....ولا ايه بس
حبيبة وهي بترد باستغراب......مين
.....خايف اقول تفهميني غلط
حبيبة.....هتقول ولا أعمل بلوك
.......انا عاصم
حبيبة....ثانية واحدة....انت جبت رقمي منين
عاصم......احم.....بصراحة بقا مش هينفع اقول ...بس حسيت اني كنت السبب في المشكلة اللي حصلت ...فحبيت اعتذر لو تسببت في اي مشاكل
حبيبة.....لا ابدًا حضرتك ملكش ذنب في أي شئ.....بس بردوا مقولتش جيبت الرقم ازاي
عاصم.....خليها بعدين.....طيب الحمدلله....واديني أطمنت إنك بخير ...اعرف انام وانا مرتاح
****حبيبة اكتفت انها تعلق بايموجوي...ولكنها برضو مش فاهمة هو مهتم ليه...فقررت تنام عشان هي اصلًا فيها اللي مكفيها
***صحيت حبيبة....وهي مش عارفة نامت كد ايه....وراحت تطمن على سليم
دخلت حبيبة واتفاجأت بخالد قاعد مع سليم
سليم بفرحة .....تعالي يا ماما شوفي بابا جبلي ايه
حبيبة بتجاهل لخالد....بقيت كويس يا حبيبي
سليم...بقيت زي الحديد بوم بوم
خالد بعتاب ...طيب حتى قولي السلام عليكم
حبيبة بصت عليه وكملت كلام مع سليم
حبيبة.....يعني مش حاسس بأي إرهاق يا سليم
سليم...لا خالص ...وبقيت احسن لما بابا جه
حبيبة....طيب هنزل اجبلك حاجة تكلها
خديجة ...لا هو اكل من بدري
حبيبة....هو الساعة كام دلوقتي ١١
حبيبة....ياااه نمت من الضهر ...ل ١١ بالليل
خديجة...نوم العافية
خالد ....عاملة ايه في شغلك يا حبيبة
حبيبة...الحمدلله
خالد ...يا رب ديمًا ....بس يعني انا اخر من يعلم
حبيبة.....معلش وانت تعرف ليه اصلًا
خالد ...هو أنا بقيت غريب اوي كدا
حبيبة.....انت من زمان ...وانت غريب
**وبصت لسليم.....هسيبك تقعد شوية كمان مع بابا ...ولكن لازم ننام بدري
خالد .....انا مش هطول متخافيش
....بصتله حبيبة ونزلت
سبحان الله وبحمده عدد خلقه ورضا نفسه وزنة عرشه ومداد كلماته
*************************************************************
***دخلت حبيبة البلكونة
حبيبة لنفسها ...هو أنا من امتى بقيت مش طايقة خالد كدا ....هل انا بطلت احبه
.....اه ...بطلتي تحبيه
***اتخضت حبيبة وفضلت تبص حواليها ...ولكنها ملقتش حد
حبيبة...بسم الله الرحمن الرحيم.....امال الصوت دا طلع منين .....لا انا شكلي بدأت اخرف ولا ايه
حسام ...الجميل قاعد لوحده ليه
حبيبة...هو انت كنت هنا من بدري
حسام ...لا انا لسة جاي
حبيبة....يعني انت متكلمتش وقولت بطلتي تحبيه
حسام بضحك ....ابدًا والله.....بس هو مين دا اللي بطلتي تحبيه
حبيبة...ها ....لا ولا حاجة...شكل الروايات اللي بقرأها اثرت عليا
حسام ...انا قولتلك من زمان الروايات دي هتبوظ دماغك ...هي فين خديجة
حبيبة بغمز ...الحب يعم
حسام ...مش مراتي وأم عيالي....اكيد مع سليم صح ...الواد وشه نور اول ما شاف ابوه
حبيبة....امممم...طبيعي ...لأن سليم متعلق ب باباه اوي
حسام بشقاوة......سليم بس
حبيبة بتبصله من الجنب كدا ....اه ....وسيبني دماغي هتفرتك ...هروح اعمل قهوة ...استنى صح عرفت منين ان سليم مبسوط ب باباه
حسام......كنت بكلم خديجة اقولها عايزين حاجة قبل ما اجي وحكتلي
حبيبة......عارف ...ساعات بغير غصب عني من خديجة......ودا الفرق الحقيقي بينك وبين خالد
حسام.....مش فاهم
حبيبة وهي بطبطب على كتفه .....مش مهم ...روح شوفهم وانا هعمل قهوة
سبحان الله العظيم عدد ما كان وعدد ما يكون وعدد الحركات والسكون
**********************************************************************************
**في المطبخ حبيبة بتعمل قهوة ....كان فيها ايه لو خالد كان خصص لينا ان شاء الله لو ساعتين من يومه ......كان فيها ايه لو شاركني مشاغله ووقته زي اي اتنين متجوزين
......ميستهلكيش يا حبيبة
****هنا حبيبة حست بهوا سخن جنبها ...وهمس بصوت مش واضح ....جسمها برد وحست بقشعريرة في جسمها......اول مرة تحس بخوف ...طلعت بسرعة وركبت على اوضة سليم
خالد وهو بيقوم عشان يمشي ......هاجي كملن يومين أطمن على سليم يا حسام
حسام ....طبعًا دا ابنك والبيت بيتك
خالد....وهو بيمد ايده يسلم على حبيبة .....مع السلامة يا حبيبة
***حبيبة بصت لايده وساكتة
خالد....مال وشك اصفر كدا ليه
حبيبة بتهته.....لا ...لا ...تعبانة ...مع السلامة
**خالد حس انها بتوزعه فمشي
****اليوم دا حبيبة مقدرتش تنام الا وسليم في حضنها ....وكانت اول مرة حاسة ان قلبها مقبوض
لا حول ولا قوة الا بالله
***********************************************************************************
عدا كذا يوم وحبيبة بعد ما كانت لسة في مشاعر جواها لخالد .....كأن المشاعر دي اتبخرت....مبقتش تطيق سيرته ولا حتى تحب تسمع عنه أي حاجة ....وكان لما ييجي يسأل على سليم تدخل اوضتها ومتطلعش غير لما يمشي
والنهارده هو جاي يخرج سليم .....وحبيبة بتلبسه عشان تلحق تستخبى ومتشفهوش
سليم ...عارفة يا ماما انا فرحان اوي اوي اوي ....بابا بقا بيقضي معايا وقت والنهارده هنروح الملاهي وناكل كمان سوى
حبيبة ....امممم...بس يا ريت متلغبطش في الأكل لان دا كله بييجي على دماغي في الاخر
سليم...تؤ تؤ .....طيب ما تيجي معايا يا ماما
حبيبة بهروب ....لا لا ...انا مش فاضية خالص يا حبيبي
سليم بقمص ....ليه بس يا ماما ...مش النهارده اجازتك ...وكنتِ هتقضي اليوم معايا
حبيبة....لا ما انا هبدأ في لوحة جديدة لحد ما ترجع
سليم.....طيب هو احنا امتى هنرجع بيتنا
حبيبة بنفاذ صبر ...وبعدين معاك يا سليم ايه كل الأسئلة دي
***دخل حسام ....يلا يا سليم.....بابل مستنيك تحت ...يلا بسرعة
***وبص لحبيبة نظرة هي عرفاها كويس
حسام ....جرى ايه يا حبيبة....براحة على الولد
حبيبة بتنهيد .....بقا رغاي وبيسأل ....كتير اوي اليومين دول
حسام...مضايقة من أسئلته ولا عشان انتِ اصلًا مش عندك إجابات
حبيبة...يووووه يا حسام...هلاقيها منك ولا منه
حسام...الولد مغلطش بيحاول يفهم ...الوضع جديد وغريب عليه ...اي طفل من حقه يعيش وسط باباه ومامته
حبيبة....وانا حقي فين
حسام...مش ملاحظة انك بقيتي أنانية....وبتعملي زي ما كان خالد بيعمل .....بقيتي بعي،ة عن ابنك ...ومتعرفيش عنه حاجة
حبيبة...ازاي انا كل ما ببقا فاضية بقعد معاه
حسام...اديكي قولتي نفس كلام خالد اللي مكنش عاجبك ...طيب مش ملاحظة ان خالد بطل يطلع اوضة سليم عشان حس انك مش طيقاه .....طيب هو خالد وحش اوي كدا لدرجة ميستحقش فرصة تاني
حبيبة وهي ملامحها اتبدلت....لا ميستهلش ...محدش يستاهل اني اجي على راحتي عشانه
حسام....حتى لو ابنك!!!؟؟؟
حبيبة...انت عايز ايه يا حسام لو سمحت اقفل الموضوع دا
حسام...عايز افوقك ....واعرفك ان الدكتور اللي دخل حياتك منعرفش منين دا ...بعدك عن اللي انتِ خربتي بيتك عشانه ...ابنك
حبيبة بصوت عالي ....محصلش ...وبعدين انت بتراقبني ولا ايه
حسام.....بصي حتى نبرتك واسلوبك اتغيروا.....انا هقولك اخر حاجة....عشان بس تعرفي انك أنانية وبقيتي بعيدة اوي عن ابنك ....اللي كل يوم بيصحى مفزوع من الكوابيس ...وبيكلم حد اصلًا مش موجود ....ولما تعرفي تتكلمي بعد كدا زي الناس ...ابقا اكلمك
*** ومشي وهو زعلان على أخته
شكرا لزيارتكم عالم روايات سكيرهوم
