رواية جزيرة غراب الوادي الفصل الثالث
«يَسِيرُ مَعِي الخَوْفُ كَي لا أضيعَ.. وَأَمْشِي عَلَى حَذَرٍ كَي لا أَسْقُطَ فِي الفَراغْ.»
(ليلة تحت الثرى)
﷽
مرّ الوقتُ في توتر حذر واختناق داخل غرفة موج وخلود وحسبتا الدقائق بثقلٍ حتى تأكّدتا من سكون الدار ونوم الجميع.
بدأت موج تجهيزاتها بحركات خفيفة ومحسوبة؛ فارتدت ثوباً داكناً يبتلع الضوء لكي لا يلفت الأنظار ولفّت شال رأسها بإحكام مُخفية به معظم وجهها فلم يتبقَّ سوى عينيها اللتين تتألقان بشرارة التمرد وخوفٍ مكتوم.
التفتت إلى خلود قائلة بصوتٍ أقرب للهمس:
موج: يالا.. اقفلي وراي واوعاكي تنامي أو تلفونك يكون صامت لحسن أبيت قدام الباب!
أمسكت خلود بيدها بجزع وارتجاف:
خلود: أنا خايفة.. افرض حصلك حاجة ولا حبسوكي؟!
موج (وهي تتنفس بسرعة لتستمد شجاعتها): متخوفنيش أنا أصلاً ميتة في جلدي!
خلود: خلاص اقعدي واخزي شياطينك انتي عارفة طلعت الليل ووعارتها؟ ده غير انتي رايحة تقابلي راجل خليفة الشيطان!
موج: طيب أهه قولتيلها.. يعني نسيبه يجوز فرح ويقضي على آمالها؟
بعدين انتي خابرة إنها بتحب حليم حتى لو عاملة إننا مش واخدين بالنا كلنا متأكدين وممكن قهرها يخليها صوح تأذي نفسها!
خلود (بتنهيدة حائرة): مش عارفة فين الصح والغلط.
موج: هجرب وإن شاء الله أعرف أعمل حاجة.. المهم انتي بتصحي بدري للمدرسة اوعي تنعسي قبل ما أعاود.
خلود: ماشي.. بس ده بيلف طول الليل زي ما بيقولوا إيش عرفك هتلاقيه فين؟
موج: هو بيبتدي من عند المعدية لأخر الطاحونة. أكيد دلوك عدّى المعدية بقاله كتير هدور وخلاص.
خلود: ربنا يستر.
موج: ماشي يالا عشان تقفلي وراي.
انسلت موج بحذر وترقب شديدين وخلفها خلود تطالعها بهلع.
فتحت الباب الخارجي ببطء قاتل وهي تحبس أنفاسها المتسارعة ثم غادرت المنزل تسللًا نحو الظلمة للبحث عن جلال.
ــــــــــــــــــــــــــــ**
مر الوقت ثقيلاً كأنه الدهر
وهي تنتقل من شارعٍ إلى آخر تحت ستار العتمة.. اقتطعت ما يقرب من الساعة في طوافٍ حذر وكانت كلما لمحت هيئة حارس أو سمعت وقع خطى تلتصق بالجدران وتختبئ في ظلال الزقاق حتى يمر الخطب ثم تُكمل طريقها.
بدأت قواها تتهاوى وتفقد الأمل وظنت لربما جلال لم يخرج لجولته هذه الليلة..
أثناء خروجها من أحد الشوارع الضيقة وما إن خطت أولى قدميها في الشارع الرئيسي المحاط بالهدوء والظلمة حتى شقّ السكون صوتٌ جهوري قاسي جاءها من الخلف حيث كان يتكئ بجسده الضخم على أحد الجدران قائلًا:
جلال: بتتسحبي ورايحة فين؟
شهقت موج بقوة ووضعت يدها على قلبها الذي كاد يقفز من بين أضلعها من شدة الرعب التفتت إلى الخلف بفزع.. كان جلال يرتدي شالًا داكنًا يغطي جزءًا من وجهه يخفي هويتَه وهيئته على غير العادة.
نظرت إليه برعب وتفحص وسط ظلام الليل فكشف عن وجهه ببطء ثم أكمل بنبرة ساخرة تحمل تهديداً مكتوماً:
جلال: مطلعش عشان البرشام يعني.. معقول بتشتغلي حرامية آخر الليل؟!
موج (بتلعثم وأنفاس متلاحقة): إيه ده أنت؟.. أنت مش بتلف يعني وأنت راكب حصانك؟!
جلال: مش أنتِ بس اللي بتتخفي!
اقترب منها بخطوات متأنية وواثقة كشبحٍ يطوق فريسته بينما تراجعت موج للخلف بذعر وأصابعها المرتعشة تقبض على ثوبها بقوة.
جلال (بنبرة حادة): حذرتكِ.. ومضطر أعاقبكِ عشان زودتيها!
موج (بدفاعية واندفاع): أنا مش طالعة من غير سبب!
جلال: وإيه المرادي هتخترعي إيه؟!
بقالي نص ساعة بلف وراكي وكل ما تلاقي حارس تتخبي.. اللي مستغربه إنك ماشية وخلاص حاسس إنك مش قاصدة مكان معين!
موج (بنبرة شجاعة شابتها الخشية): صوح.. عشان كنت بدور عليك أنت!
استغرب جلال بشدة من حديثها وتجمّدت ملامحه لثوانٍ وهو يستوعب أنها كانت تجوب الأزقة المظلمة بحثاً عنه بالذات!
جلال (برفع حاجب واستنكار): أنا وليه؟!
موج (بحرقة وعينين ثابتتين في عينيه): عشان أختي.. اللي عاوز تتجوزها!
ضيّق جلال عينيه بتقصٍّ وجمود وساد بينهما صمتٌ ثقيل قبل أن يعقب ببرودٍ قاتل:
جلال: يعني طالعة وعاملة كل ده عشان تكلميني عن أختك؟ غريبة!
موج (بثبات ومرارة تشتعل في عينيها): طلبك اللي غريب يا جلال بيه.. مش أفعالي!
جلال: طلبي.. يعني إيه؟!
موج: طلب الجواز من أختي!
جلال (بنبرة استعلاء وصرامة): مين قال إنه طلب؟! ده أمر.. فيه فرق!
موج (بانفعال مدافعة): يعني هتكون مبسوط لما تجوز عيلة؟
أنت ما شاء الله شكلِك داخل الأربعين يعني عاوز وحدة تفهمك تكون ونس لما تقعد وياها تاخد وتدي معاك زوجة صوح.. مش عيلة!
جلال (بسخرية وغمز بعينيه): ليه؟ 18 سنة عيلة ومتعرفش تاخد وتدي؟!
موج (بذهول ودهشة): 18 إيه؟ قصدك 16!
جلال: يعني إيه.. اللي أعرفه إنها 18.. بعدين ما علينا بردو مش عفش 40 و 16 زين وعاجبني!
موج (بتوسل وشجاعة ينبضان في صوتها): أختي عاوزه تكمل علامها أنت راجل ولد الحاكم أي بنت تتمنى تأشر عليها والجزيرة مليانة بنات.. ليه تجوز بنت معوزاكش؟!
جلال (برفع حاجب ونبرة مريبة): أختك مش عوزاني؟!
موج: اه عاوزه تكمل علامها ولساها صغيرة.. عيب في حق الرجولة تغصب بنت عليك!
تجمّدت ملامح جلال ونظر إليها بغضبٍ صامت يغلي تحته البركان.. حدّجها بعينين كالشرار ثم قال:
جلال: ليه متكونيش أنتِ اللي غيرانة.. وأختك موافقة؟!
موج (بصدمة وجرح): غيرانة؟!
جلال (بتهكم يقطر قسوة): اه..أنتي الكبيرة ولساكي في دار أبوكي يعني معنسه وحالك واقف!
متقلقيش صعبتي عليّ وهشوفلك راجل من عمال الجزيرة نبليه بلسانك!
شغرت موج بالمرارة ولفت موجة حزنٍ وثقل قلبها لكن كبرياءها أبى إلا أن يثأر؛ فنظرت في عينيه بضيق وحزن حاد:
موج: الغيرة دي نسمع عنها عندكم بينك أنت وإخواتك عيال العمدة يعني.. إنما عندينا بنخاف على بعض!
لم يتحمل جلال جراءة كلماتها التي أصابت عصباً حساساً لديه؛ فباغتها باقترابٍ خاطف وكأنه الفهد! التقم رقبتها بحزم بين يده القاسية وضغط بجسده المفهق ليُسندها بقوة على الجدار الحجري الخشن حتى اهتز جسدها بالكامل رعباً من بطشه!
حبست أنفاسها وهي تطالع وجهه القريب جداً وعيناه تشتعلان بغضبٍ أسود.
جلال (بنبرة خفيضة حادة كالموس وهو يقترب من وجهها أكثر): عانس.. وقليلة أدب!
ثم اقترب منها أكثر وأنفاسه الغاضبة تلفح وجهها وقال:
جلال: ومليكيش تمن بين البنات!
لم تقاوم موج قبضته بل وصفه ذاك نكأ الجرح الغائر في صدرها وذكّرها بكلمات والدتها القاسية قبل ساعات قليلة.
تجمّدت نظراتها وسالت دمعة صامتة وموجعة من عينها حتى هبطت على ظهر يد جلال الممسكة برقبتها.
شعر جلال بسخونة الدمعة على جلده فتراجع للخلف خطوات بعيداً عنها تاركاً إياها بحركة خاطفة.
اعتدلت موج ببدن يرتجف وعدّلت شالها لتغطي وجهها الذي فُضح بدموعه مرة أخرى والتفتت لتبتعد وتغادر المكان بخطوات كسيرة.. وما إن خطت خطوتها الأولى حتى شقّ صوته السكون قائلاً:
أنا مقولتش تمشي!
توقفت قدميها وعادت والتفتت إليه مرة أخرى دون أن ترفع عينها لتنظر إلى وجهه.
اقترب جلال خطوة وقرأ الانكسار في وقفتها ثم قال بنبرة جافة:
تعرفي لو قتلتك دلوك محدش يقدر يتكلم؟ طالعة الليل ومتلثمة وممكن أحط أي سبب أنا عاوزه!
موج (بصوت متحرّج وخفيض يكسوه اليأس):
ميهمش...
ابتسم جلال ابتسامة باردة تحمل استعلاءه المعتاد واكتتف ذراعيه أمام صدره:
حظك حلو.. هتبقي أخت مرتي وأكيد لو قتلتك الجوازة هتبوظ ولو مباظتش وأبوكي مهتمش بموتك مرتي هتشيل مني وأنا عاوز أتأنّس وأتنعم مش أخلق نفور من دلوك!
رفعت موج عينها المحمرتين والتقت نظرته الثابتة بجمود فأكمل بثقة وقسوة:
روحي والزمي داركم تعرفي إني بحذر مرة واحدة بس وأحياناً مبحذرش أصلاً؟
أنتِ الوحيدة اللي حذرتها لتالت مرة.. صدقي مليت منك روحي يا بت وبلاها شغل المتمرده ده وبصي لنفسك زين في المراية.. مش معنى إن أبوكي مخلفش رجال تقومي تسترجلي!
ثم رفع شاله وأخفى به وجهه والتفت تاركاً إياها وغادر عائداً في ظلمة الشارع دون أن ينتظر منها رداً أو كلمة أخرى بينما بقيت هي سارحة في مكانها كتمثالٍ من حجر.
كان الوقت يمر بسرعة قاتلة انتبهت موج لنفسها وشعرت بوطأة العتمة وبرودة الليل تنهك جسدها فاستجمعت بقايا قوتها وغادرت المكان بخطوات متسارعة عائدة إلى المنزل كأنها تطارد السراب
أثناء سيرها في الطرقات بسرعة وتخفٍّ قبل أن تدخل أحد الأزقة الضيقة شقَّ السكونَ تعاليُ أصواتٍ كثيرة ومتداخلة.. حركات أقدامٍ بطيئه ومحسوبة لا تبدو أبداً كخطوات الحراس؛ فالحراس لا يسيرون جماعةً
بل يخرجون فرادى أو في أزواج وثلاثتهم أقصى حشدهم.
التصقت موج بالجدار الحجري واختبأت خلف ظلاله جلياً حتى مروا من أمامها.
لمحتهم بوضوح؛ كانوا يتحركون بحذرٍ شديد وعيونهم تطوف كل زاوية في العتمة وأيديهم تقبض على أسلحةٍ حديثة رغم ثيابهم العادية.
وقبل أن يختفوا عن ناظريها في عطفة الشارع التفت كبيرهم وقال بنبرة آمرة حازمة:
الرجل: اسمع يا عسكري منك ليه.. دلوقتي لازم نتفرق قبل ما نصادف حد وفتحوا عينكم كويس أوي المرادي لازم نطلع بحاجة من الجزيرة دي!
تفرق رجال الدورية وأكملوا سيرهم بين الشوارع الجانبية بخطوات مباغتة. اتسعت عينا موج بذهول حين تيقنت أنهم رجال شرطة يرتدون زيّاً مدنياً للتمويه!
تضاربت الأفكار في رأسها وتسارعت دقات قلبها في صراعٍ ممرض.. أفتتركهم يكملون مداهمتهم؟
ربما يمسكون بجلال أو يجدون عليه شيئاً يكسر شوكته أم تحاول المساعدة وتحذيره لعلّه يقدر ذلك ويقتنع بترك الزواج من أختها الصغيرة؟!
وقفت لدقائق ثقيلة تفكر بتشتتٍ وضياع حتى حسمت أمرها وعزمت على خطوتها الجريئة.. التفتت وعادت أدراجها تركض في العتمة لتلحق بجلال قبل أن يقع في الفخ.
كانت تهرول في الشوارع بسرعة شديدة تطارد أثر الطريق الذي سار فيه جلال.. تتلفت في كل مكان بحذر شديد ورعب وأنفاسها متلاحقة ومختنقة حتى وصلت إلى مكان منزوٍ بين الأزقة.
قبل أن تمرّ به ألمحت هيئة جلال الضخمة من الخلف فاهرعت إليه دون تفكير وقالت بنشيج مجهد:
- جلال!
التفت إليها بعينين اتسعتا بذهول وغضب عارم من عودتها مرة أخرى رغم تحذيره الأخير وجرأتها التي تجاوزت كل حد.
رأت معه بعض الرجال يلتفون في الظلمة وكانت هناك صناديق خشبية مغلقة مصفوفة على الأرض.
تداركت موج استرسالها وقالت مستدركة بحرج ورعب باستيعاب.. طريقتها:
موج: بيه احم.. جلال بيه!
تنهد جلال بنفاذ صبر قاتل وأخرج سلاحاً أبيض من بين طيات ثوبه ثم سار نحوها بخطوات كالعاصفة.. قبض على رأسها بقوة وثبّت حافة السلاح الباردة على رقبتها قائلاً بصوت كالرعد الخفيض:
جلال: كده فرصك نفدت يا بت انتي.. اتشاهدي!
موج (برعب وهلع وهي تسحب أنفاسها بصعوبة من تحت قبضته):
موج: الحكومة!
ثم أكملت بسرعة قبل أن يحرك يده:
- الحكومة دخلت الجزيرة متخفيين!
اندهش جلال من حديثها وتجمّدت يده برهة ثم أنزل سلاحه ببطء وقال بشرك واستنكار:
- بتقولي إيه.. حكومة؟!
تنهد للحظة وظن أنها تمارس إحدى ألاعيبها لتنجو منه فأكمل بسخرية:
جلال: الحكومة قبل ما تقرب حتى على اليابس عشان تعدي للجزيرة بنعرف!
موج (بحرقة وتوسل):مخبراش دخلوا كيف دي ترجعلكم! بس صدقني وحياة أبوي شفتهم وده اللي رجعني.. وإلا كان زماني في الدار دلوك!
نظر جلال إلى عينيها بتفحص شديد؛ شعر بصدقٍ صريح يلمع في حدقتيها الخائفتين.. فلولا صدقها ما الذي يجبرها على العودة إلى بطشه؟
لم يترك الأمر للصدفة أو التخمين؛ التفت مسرعاً لرجاله الذين كانوا يقفون بذهول يراقبون المشهد وقال بصوت آمر حازم:
جلال: رجّعوهم تاني قوام.. يالااااا!
حمل الرجال الصناديق بسرعة خاطفة ودلفوا بها إلى إحدى الدور القديمة المتهالكة.
التفت جلال إليها وقال بجمود:
روحي بوشك على الدار ولو قابلوكي قولي أي سبب.. كدبك كتير وأسبابك أكثر!
تركها تقف وحيدة وسار خلف رجاله.. وقبل أن يدلف ويغلق الباب الثقيل وقف لثوانٍ في العتبة ثم عاد أدراجه بخطوة سريعة وسحبها بقوة من يدها يجرها خلفه إلى داخل المنزل القديم وأغلق الباب الخشبي خلفهما بصرير حاد!
نظرت موج بذهول لِما رأت عيناها؛ لم تستوعب في اللحظات الأولى طبيعة هذا المكان المظلم.. كان هناك باب سري أرضي ينزل منه الرجال بالصناديق واحداً تلو الآخر كأنه سرداب غائر يمتد إلى مأوى خفي تحت ثرى المنزل!
فرقع جلال أصابعه أمام عينيها الشاخصتين وقال بصرامة:
جلال: ركزي.. إيه مش سمعاني؟!
انتبهت له موج وهي ترتجف فقال بحدة:
- انزلي!
موج (بخوف وتراجع): أنزل فين؟ أنا عاوزه أروح!
جلال (وهو يدفعها بخفة نحو فتحة السرداب):
لولا خفت لسانك يزل لو انمسكتي كنت سبتك.. بس دلوك له الوضع اختلف انزلي قولت!
صاح أحد الرجال الذين ما زالوا في الأعلى ينظر من خلف موضع الباب السرّي:
جلال بيه لازم تنزلوا قوام عشان نقفلوا ورواكم ونجيبوا شوية غنم نربطوهم فوق الباب عشان لو الحكومة دخلت تفتش!
التفت جلال لموج ونهرها بنفاذ صبر:
يالا خلصيني!
ارتعبت موج وابتلعت غصتها وهي تخطو أولى درجات السلم الحجري المظلم متجهة للأسفل وتلاها جلال بخطوات ثقيلة وحازمة.
كانت كل خطوة تنزلها تُكشف لعيونها ما يذهل عقلها؛ وما إن وطأت قدمها قاع الأرض حتى اتسعت حدقتاها بجزع.. كانت الصناديق الخشبية مكدسة بعددٍ مهول يتجاوز الحصر وحولها رجالٌ أشداء مدججون بالحرس
لم تقل دهشتهم واستنكارهم عن دهشة موج وهم يرون امرأة تطأ قدماها مخبأهم السري لأول مرة!
وقف جلال بجسده أمامها بجمود يمنع عينيها من التطلع حولها وقال بصوت خفيض حاد:
جلال: بلاش تراقبي وتسرحي بعينيكي.. أحسنلك!
موج (بانفاس متلاحقة وذهول يشوبه الرعب):
إيه المكان ده.. وإيه الصناديق دي كلها؟! أنتم بتعملوا إيه هنا؟!
جلال (بابتسامة تهكمية باردة): بنصنعوا فخار ونبيعوه!
موج (وهي تنظر لعينيه بتحدٍ واختناق):
فخار ولا سلاح؟!
اقترب جلال منها خطوة أحدثت ظلًا كثيفًا فوق وجهها وحجب عنها الرؤية بالكامل ثم صرّ على أسنانه قائلاً:
اسمعي يا بت أنتِ.. أنا مش خايف منك أنا خايف عليكي بعد ما الموضوع ده يعدي وتطلعي من هنا
تسيبي اللي شفتيه في المطرح ده مطرحه وإلا والله العظيم لو لسانك ده فلت ونطق بكلمة واحدة لأي مخلوق ما هتاخدي في يدي غلوة.. ومش لحالك هصفّي عيلتك بالنفر.. سامعة؟!
لم تجب موج؛ كانت تشعر بأنها سقطت في دوامة سوداء لا قاع لها ورأسها يدور بين الصدمة والخوف فلم تستطع التركيز أو الاستيعاب.
جلال (بنبرة كالرعد هزت ثباتها): سامعة؟!
موج (بصوت مرتجف غائب):
إيه؟.. اه سامعة!
التفت جلال فجأة إلى رجاله فرآهم يرقبون المشهد ويتطلعون نحو الفتاة بفضول فبرقت عيناه بشرار الغضب وقال لموج بصرامة:
- غطي وشك!
رفعت موج طرف شالها المرتعش وسحبته فوراً ليغطي كامل ملامحها بينما نهر جلال رجاله بصوت جهوري هز أرجاء المكان:
جلال: إيه خير بص قدامك منك ليه!
التفت كل واحد منهم مسرعاً إلى الاتجاه الآخر يدارون نظراتهم ويتشاغلون بأي شيء خوفاً من بطشه.
سحب جلال هاتفه من جيب ثوبه وبدأ يضغط الأرقام بسرعة يتبادل الاتصالات الحازمة مع عدة أشخاص في أماكن مختلفة من الجزيرة يبلغهم بتحركات الشرطة المتخفية ويعطي أوامره السريعة لغلق المنافذ وتأمين كل شيء.
أغلق الرجلان في الأعلى الأضواء فور سماعهما لوقع أقدام وحركة مريبة في الشارع الخارجي لكن رجال الشرطة شعروا بشيء غريب حين انطفأ النور فجأة عند مرورهم من أمام الدار!
انطلق طرقٌ خشن ومتواصل على الباب الخشبي فتهيأ الرجلان مسرعين؛ كانو قد نثرا التراب والحشائش الجافه على الأرضية لإعطاء انطباع بالمهانة وربطا بعض الأغنام بداخل الدار لإتقان الحيلة ثم فتحا الباب بحذر.
لم يسأل رجال الشرطة أي سؤال في البداية؛ دلف ثلاثة منهم إلى الداخل بأسلحتهم وبدأوا في طوافٍ دقيق وتفتيش الأرجاء.
سمع من بالأسفل حركة الأقدام الثقيلة تُطرق فوق رؤوسهم فأطفأوا الأضواء فوراً وعمّ الظلام المكان. وضع جلال أصبعه على فمه مشيراً لموج بالصمت التام فساد هدوءٌ حذر ومحيط بالخوف في أعماق السرداب.
في الأعلى حدّج الضابط الحارسين بنظرة شائكة وقال:
-بتعملوا إيه هنا؟!
الحارس (بنبرة ريفية هادئة يحاول بها إخفاء توتره):
مفيش يا باشا.. مبيتين جار غنماتنا.
الضابط: اه.. يعني بتصحوا بدري تطلعوا بيهم؟
الحارس: اه يا باشا.
الضابط (برفع حاجب وشك):وفي حد بيصحى يرعى غنم بعد الفجر يفضل صاحي لدلوقتي؟!
توتر الحارس قليلاً لكنه تدارك موقفه فوراً وقال:
اه يا باشا الفجر خلاص قرب وبنقوم نجهزوا حالنا للرعية.. وعشان نمنا بدري قلقنا بدري.
لم يقتنع الضابط تماماً وأخذ جولة أخرى بحدقتين متفحصتين في أركان البيت لكنه لم يجد أي شيء ملفت أو مريب والتفت للحارسين بنبرة حازمة:
الضابط: طيب.. هنضطر ناخدكم معانا لسه قدامنا شوية ولو سبتكم متأكد هتبلغوا باقي الجزيرة!
سحب رجال الشرطة الحارسين معهم بالقوة وغادروا المنزل مستكملين جولتهم قبل بزوغ الفجر وشارعين في ترك المكان صامتاً كالمقبرة فوق رؤوس من في الأسفل.
هدأت الأنفاس في الأسفل قليلاً بعدما غادر رجال الشرطة وساد صمتٌ ثقيل يُسمع فيه وجيب القلوب.
كان جلال يجلس ببرودٍ واسترخاء يُثير الحنق فاقتربت منه موج بجسدٍ يرتجف ونبرة خفيضة:
- أنا عاوزه أطلع من هنا!
جلال (دون أن يطرف له جفن): الصبح.
موج (بخوف وهلع متزايد): بتقول إيه؟ له طبعاً.. عندي شغل وأبوي لو قام ملقنيش يقتلني!
التفت إليها جلال بنظرة ساخرة تفيض تهكماً:
يقتلك؟ باين إن أبوكي شاكمك قوي.. وأنتي كل يومين أمسكك في آخر الليل!
موج (بدفاعية وحزم):
قولت إني بطلع لسبب ودلوك عاوزه أروح مقدرش أقعد للصبح.. بعدين المكان كله رجالة طلعني ومليش صالح بالباقي!
جلال (برفع حاجب وتهكم حاد):
خايفة إن المكان كله رجالة ليه؟ متفرقايش حاجة عنهم.. أنتي كمان مدكره!
موج (بشهقة وضيق وشرف يتألم):أنا إيه؟ عيب!
جلال (بنفاذ صبر وصرامة):
شششش.. اتلقحي في أي ركن دلوك!
موج (بحجة حارقة وهي تستغل موقع منصبه):
مش دورك تحمي الجزيرة وناسها وأنت رييس الحرس؟!
أنا أهه واحدة من الجزيرة عاوزه حماية وأروح بيت أبوي بخير!
تأفّف جلال بطفش وهو ينظر إليها؛ كلمة "حماية" واستغلالها لموقعه أثارت حنقه وقام واقفاً وهو يمسح على وجهه:
- لو قعدتي بردو محمية.. بس هغوّرك عشان لسانك ده مش بينلف في خشمك دقيقة!
خطا خطوات نحو السلم الحجري وقال الآمر:
- دقيقة.. متطلعيش دلوك!
صعد السلم بحذر وفتح الباب الأرضي ببطء ليطالع الخلاء ثم نزل مرة أخرى وهز رأسه موجهاً كلامه لها بالصعود أمامه لتغادر.
موج (باحتراس وتردد):
احم.. له أنت الأول مش هطلع قدامك!
ابتسم جلال بتهكم وسخرية:
وه زين.. طلع عندك شوية حياء كيف البنات تطلعي وأنا أديكي ضهري ولا عشان واحد بس ميشوفش طلعتك تسيبي اللي قاعدين كلهم يتفرجوا عليكي؟!
نظرت موج خلفها إلى الرجال القابعين في العتمة واستوعبت كلامه فوراً فاحمرّ وجهها خجلاً وقالت مسرعة:
- اه.. ماشي لف وشك هناك!
التفت جلال يعطيها ظهره فصعدت السلم بسرعة ثم صعد خلفها وأغلق الباب الخشبي بإحكام وخرجا معاً إلى صحن الدار ثم إلى الشارع.
موج (وهي تعدل شالها لتغطي وجهها بالكامل):
شكراً.. لعند هنا وأنا هكمل.
جلال (بنبرة جافة): ولو مسكوكي؟
موج: إن شاء الله محدش هيمسكني.. هما أصلاً لما وصلوا كانوا ناحية بيت أبوي أكيد دلوك في مكان تاني.
جلال: ماشي.
التفتت موج لتغادر بخطوات حثيثة فاستوقفها جلال فجأة : عندك كام سنة؟
توقفت موج ونظرت له بتفحص وتردد ثم قالت:
22 سنة.
جلال: بتشتغلي فين؟
موج: في المشغل بتاع الجزيرة.
جلال (بهز رأسه وإدراك):
اه تمام متنسيش.. أنتي لا شفتي ولا سمعتي.. يالا روحي
تركته موج وغادرت بسرعة تتسلل بين الظلال بينما وقف جلال في منتصف الطريق ينظر في أثرها بغرابة ودهشة؛ يفكّر في كل شيء حولها.. شخصيتها جرأتها العجيبة وطريقة حديثها التي لا تشبه أحداً.
وقف لظرف لحظات يُتابع طيفها في العتمة ثم التفت وعاد إلى الداخل مرة أخرى.
ــــــــــــــــــــــــــــــــــ**
عادت موج للمنزل بعد وقت طويل عاشت فيه دقائق من التوتر والرعب القاتل أخرجت هاتفها بإنهاك من جيبها لتتصل بخلود لتفاجأ بسيل من الاتصالات المفقودة والرسائل التي لا حصر لها!
هاتفَت أختها مسرعة كي تفتح لها الباب؛ فخرجت خلود بلهفة وحذر شديد ودلفتا معاً إلى الغرفة بخطوات خفيفة متسللة وكان آذان الفجر يتردد بصوته الشجي في الأرجاء.
ما إن أغلقت خلود الباب الغرفة بإحكام حتى بدأت موج في خلع الشال والحجاب بأيدٍ مرتعشة فبادرتها خلود باختناق وعتاب:
خلود: إيه يا موج حرام عليكِ.. مت في جلدي من الخوف أنا قلت حصلك حاجة مردتيش عليا ليه وأخرتي ليه كده؟!
موج (وهي تطرق رأسها أرضاً): كنت عملاه صامت قبل ما أطلع.. أخرت عشان..
سكتت موج للحظة؛ لم تجرؤ على إفشاء السر الثقيل ولا البوح بما رأته عينها فاستدركت مسرعة:
- مكنتش لقياه.. لفيت كتير قوي لحد ما لقيته!
خلود (وهي تضع يدها على قلبها بذهول):
يخربيته مش مصدقة إنك رجعتِ بالسلامة!
موج (بصوت مجهد): عارفة إني أخرت.. غصب عني.
خلود: مش مهم.. المهم إنك رجعتِ بالسلامة! بس يارب.. يكون بفايدة كلمتيه؟!
موج: اه.
خلود (بلهفة ورجاء): وقال إيه هيصرف نظر ولا هيتمم الجوازة؟!
موج (وهي تهرب بحدقتيها بعيداً): أنا كلمته.. والباقي بقى عنده معرفش هيعمل إيه هنشوف بكره!
خلود: قصدك النهاردة الفجر أذن خلاص.
موج (وهي تتنهد بعمق): اه صوح.. سهرتك طيب نامي ساعتين قبل المدرسة.
خلود: له أعصابي مش متحملة.. هتعيا وأغيب النهاردة وأنتي كمان.. بلاها شغل.
موج: له هنام شويه وأروح إن شاء الله.
أبدلت موج ثيابها واستلقت على التخت وانكمشت في فراشها تعتصر أغطيتها بينما تحاصرها ذكريات الليل وما رأته عينها تحت ثرى السرداب. كان عقلها يعجز عن استيعاب حجم الخطر وما يفعلونه في خفاء الجزيرة!
همست موج لنفسها بذهول وشرود:
هو بقى ده الشغل اللي كل شويه الحكومة تاجي عشانه.. يا ترى بيشتغلوا في إيه تاني؟!
خلود (وهي تلتفت إليها في الظلمة):
موج.. أنتِ زينة؟
موج: اه.. ليه؟
خلود: مخبراش.. حاسّة إنك متضايقة أو خايفة فيكِ حاجة؟!
موج (وهي تغمض عينيها بإعياء):
له مفيش.. بس تعبت من اللف في الشوارع. تصبحي على خير.
خلود: وأنتِ بخير.
سارعت موج أفكارها وتصاريف ليلتها المتشابكة حتى استسلمت لغطيطٍ حذر وغفت من شدة الإرهاق.
