رواية من انت الفصل الثالث
كان ادهم
واقف بعيد عنها بمتر
حاطط ايده ف جيوبه وبيبص ليها بمغزى غريب
قرب منها بخطوات بطيئة
لحد م بقا بيفرقهم يدوب كام خطوة
بصتله وتين بتوتر
«انت..
انت بتعمل اي هنا»
رد عليها بعد رفع ايديه وربعهم
«المفروض انا اسألك السؤال دا
انتي بتعملي اي هنا
ف الوقت دا»
بلعت ريقها بعد م بصت ع طيف الكشافات الي اختفت من قدامها
«مش عارفة
انا
شوفت كشافات هنا ماشية بطريقة غريبة
ف فكرت في حرامية وقولت انقذ الموقف»
«جبتي منين الجرءة
اي بنت مكانك كانت جريت ومتدخلتش»
بصتله بتحدي
«انا بقا غير كل البنات
وكويس اني جيت عشان أشوفك واعرف افش غلي فيك بعد الي عملته ف صحبتي»
بصلها بغرور
«فشي غلك
وريني»
لاحظت وتين ان الليل ليل اوي
واكيد عامر بيدور عليها
بصت ل ادهم بصة اخيرة
وبعدها زقته وجريت
بص ادهم ل طيفها ب استغراب شديد من تصرفها الغير مبرر نهائي
بعد م وصلت وتين ل عربيتها
كان عامر لسة بيتكلم ف الموبيل
اتسحبت واحدة واحدة بمد م فتحت باب عربيتها وقعدت فيه كأن مفيش اي حاجة حصلت
فضلت تتنفس بعمق لحد م هديت شوية
بصت ع المكان الي راحت ليه وكانت مرعوبة من فكرة ان ادهم دا يلاحقها
بدأت تفكر ب حكمة
اي سبب وجود ادهم هنا
مكانتش فاهمة حاجة
لحد م افتكرت الحوار الي كان بين باسم والشاب
لما باسم قال
«طب عارف لو ادهم شم خبر عن الي بيحصل ده هيحصل فيك ايه»
يعني
دا ادهم الي باسم كان يقصده
يترا دول وراهم اي
رؤية وتين ل ادهم
زود الفضول جواها تجاه الموضوع دا
فوقها من سرحانها ركوب عامر العربية وهو بيقول ب مرح
«أخرت عليكي مش كدا»
حاولت وتين تبتسم عشان متحسسهوش ان فيه حاجة
«أخرت اوي انا للحظة كنت هدور العربية واخلعك وامشي»
قال عامر وهو بيدور العربية
«تخلعيني اي بس هو انا متجوزك عرفي»
ضحكت وتين
«مقصدتش..»
قاطعها عامر
«فاهم قصدك ي وتين»
اتحرك عامر بالعربية
ودا كله
تحت انظار ادهم
الي كان واقف جمب شجرة وشايف المشهد كله
بعد وقت
كان وتين وعامر وصلو المستشفى
خدو نوران وباقي التيم
وبعدها اتحركو من المستشفى
قال يوسف
«يعني هنروح البيت ول نشوف اوتيل»
ردت نوران
«لا نشوف اوتيل
سفر اي ف الوقت دا انا بترعب من السفر ف الوقت»
ايدوها كلهم
وبالفعل
شاف يوسف اوتيل وخدو الشباب اوضة
والبنات اوضة
ريحت نوران ع السرير بعد م سندوها وتين وياسمين
دخلت وتين اخدت دش وكلمت جدها بلغته انها هتبات الليلة
نوران نامت ع السرير هي وياسمين
ووتين قررت تتام ع الشازلونج
قفلو الانوار ونامو من التعب
الساعة دقت ٣ بليل ووتين صحيت على صوت نوران الي كانت بتتأوه من وجع رجلها
اما ياسمين ف كانت غرقانة ف النوم
قربت وتين ل نوران لقتها بتعيط
قعدت جمبها وهي بتستفهم في اي
«رجلي وجعاني اوي يوتين»
مسحت وتين دموع نوران
«اهدي يروحي محصلش حاجة
انتي خدتي الدوا اصلا؟»
«خدته لما كنا ف المستشفى»
قامت وتين
«طب منتي لازم تاخديه تاني»
جابتلها العلاج وادتهولها وفضلت جمبها بحسس ع راسها لحد م العلاج سكن ل نوران وجعها وغرقت ف النوم
اما وتين
ف النوم طار من عنيها
قامت من جمب نوران بعد م غطتها كويس
واتجهت ناحية البلكونة
وقفت واتنفست بعمق من نسمات الهوا اللطيفة الي كانت بتصتدم بوشها
بصت للسما وهي بتتمنى البداية تبق جميلة خالية من اي مشاكل
وان الماضي ميأثرش عليها ف رحلتها
وان ربنا يحفظلها جدها لانه مصدر امانها ف الدنيا دي
هو عيلتها وكل دنيتها
سمعت وتين صوت اذان الفجر
ابتسمت ومسكت موبايلها لانها عارفة ان جدها هيبق صاحي الوقت للصلاة
رنت عليه وجالها رده ف وقتها كأنه مستنيها ترن
«انت عارف اني هرن ول اي»
ابتسم جدها
«كنت حاسس انك هتقلقي وترني عليا ف خليت الموبايل لازق جمبي عشان ارد عليكي علطول»
«خدت علاجك؟»
«ايوا يحبيبتي خدته
ويدوب لسة صاحي عشان اصلي الفجر»
فضلت وتين تتساهر مع جدها الي اول م قامو الصلاة قام وبدأ يصلي بعد م امر وتين هي كمان تصلي وتنام عشان تعرف تسافرله الصبح
قفلت وتين وهي بتتمنى صوت جدها ميتمنعش من الدنيا دي ابدا
كانت لسة هتدخل من باب البلكونة
سمعت صوت حد بيتأوه من البلكونة الي جمبها
كان الصوت واضح انه راجل
فضلت تبص ناحية البلكونة
مكانتش شايفة غير ضوء خارج من الاوضة للبلكونة
قعدت تفكر ازاي هتوصله
بس مكانش في اي حلول
صوت الوجع الي كانت سمعاه
كان بيخليها تتردد مليون مرة انها تدخل وتسيبه
قربت من حرف البلكونة الي جمب بلكونته وقالت
«انت كويس؟»
كانت نفسها يسمع صوتها عشان تخليه يطلع البلكونة وتشوف في اي
بس كل الي كانت سمعاه صوت التأوه الي كان فيه
الصوت وترها جدا وبدأت تلف حوالين نفسها وهي بتفكر هتوصله ازاي
كانت متأكدة انه مش عارف يساعد نفسه وانه اكيد ف ورطة
بصت ع المسافة الي بينها وبين بلكونته وبدأت تفكر انها تعدى الحتة دي
مكانتش كبيرة بالقدر الي يخليها تصرف الفكرة من دماغها
سمت الله ودعت ربنا يكون معاها عشان تقدر تساعده قبل م يحصل ليه اي حاجة
حطت رجلها ع سور البلكونة وبدأ تسند ع البروز الي ع الحيطة
كانت خايفة جدا خصوصا لما تبص تحتها وتشوف المسافة الي بينها وبين الارض
حطت رجلها البروز وبدأت تمسك نفسها لان جسمها كان تقيل على ايديها جدا
بدأت تعرق وكانت مرعوبة جدا
فضلت ماسكة ف البروز بشدة عشان متفلتش وتقع
ايديها وجعتها وكانت هتفلت بس مسكت ف سور البلكونة بتاع الشخص الي رايحاله
صوت الشخص دا كان بيعلى
ف دا كان بيشجعها توصله اكتر
لحد م اخيرا اتعلقت ف سور بلكونته وبدأت تتسلقها
وطلعت البلكونة وبقت سليمة وبخير
بصت ل بلكونتها الي بعدت عنها وهي فخورة انها قدرت تعملها
فوقها من سرحانها صوت الشخص دا
ف انتبهتله وجريت لكن كان باب البلكونة مقفول
والشخص الي بيتأوه نايم ع الارض بس ميدها ضهره
مقدرتش تشوف وضه بوضوح
بدأت تخبط بصوت عالي ع الباب الازاز يمكن يسمعها
فضلت تنادي وتخبط لحد م اخيرا سمعها ولف جسمه ناحيتها
وقدرت تتعرف وتين ع ملامحه بوضوح
وللاسف
طلع هو هو
ادهم
بس المرادي
ملامح القوة
مكاتتش مرسومة على وشه زي كل مرة
وشه كان احمر وعرقان وهو بيتوجع
وتين كانت مصدومة انه ادهم وف نفس الوقت
مصدومة انها شيفاه ب الحالة دي
للحظة حست بضعف من حالته وبدأت تبق حواليها وهي م فاهمه هتنقذه ازاي
هو ليه بيطلعلها ف البخت كل مرة
بدأت تنادي انه يفتحلها
بس مكانش قادر يقوم حتى من مكانه
الوجع كان ماسك فيه لدرجة انه مانعه من الحركة
وتين مفقدتش الامل
ومسكت المزهرية الي ف البلكونة
وخبطت بيها ازاز الباب لحد م اتكسر منه حتة
دخلت وتين ايديها من الفتحة الصغيرة
وفتحت الباب من جوا
جريت وتين ناحيته وهي مش عارفة هتتصرف ازاي
ادهم كان بيتوجع جدا
ووشه احمر دم
قعدت ف مستواه وصوتها بدأ يغلبه الضعف
مدت ايديها ناحيته لكنها ملمستهوش
قالت
«طب
انا
انا المفروض اعمل اي
اي الي بيوجعك مش فاهمة»
كان ادهم حاطط ايده ف جمبه ونايم عليه ومتكور زي الطفل ف بطن امه
صوته كان بيعلى ف وتين اتنفضت من مكانها
وبقت تجري ف الاوضة عشان تعمل اي حاجة تنقذه
ولكن مكانتش عارفة تعمل اي
كان في خل انها ترن ع الاستقبال ف الفندق وهم هيتصرفو
بس الفكرة دي ضاعت من دماغها بسبب توترها
بسرعة جابت وتين ماية سخنة وقماشة وقربت منه
مسكت ايديه بعدتها عن جمبه وبدأت تفك زراير قميصه
جمبه بقت متعرى ف بدأت تعمله كمادات ف المنطقة دي
اخيرا صوته طلع ف وسط زعيقه من الوجع
قال بضعف شديد
«رني
رني ع باسم»
سابت وتين القماشة وبدأت تفتكر باسم
بصتله وقالتله برعب
«طيب
هرن عليه ازاي»
بص ع موبايله الي كان ع السرير وهي فهمت
جابت موبايله ومبسكت ايديه فتحت البصمة
وجابت المكالمات ولقت اسمه ضغطت عليه وبدأت ترن
رنت مرة ف التانية
ورد ف التالتة
جالها صوته الي باين عليه النوم
«في اي ي ادهم
بترن لي الوقت صحتني من احلاها نومة ي اخي»
جاله صوت وتين المرعوب
«باسم
الحق
الحق ادهم بيموت»
اتنفض باسم من مكانه لما سمع صوت وتين
«انتي ميين
وادهم فين انطقي»
«ادهم ف اوضته ف الاوتيل
تعالى الحقه بيتوجع اوي ارجوك»
قفل باسم الخط ومستناش يرد عليها وجري من اوضته طلع لاوضة ادهم
ممرش خمس دقايق ووتين لقت الباب بيخبط
جريت تفتحه ولقته باسم
دخل ف وشه لدرجة منتبهش من وتين وبتعمل اي ف اوضة ادهم ف الوقت دا
جري ع ادهم ونزل ل مستواه وهو بيتفقد حالته
قام بسرعة رن ع الاستقبال وزعق فيهم يطلبو الاسعاف
ورجع قرب من ادهم سنده لحد م نيمه ع السرير
«اهدي ي ادهم كل حاجة هتبق كويسة
انا قلتلك
قلتلك اكشف يبني وبلاش تستهتر
مسمعتش مني»
كان باسم بيدعك ل ادهم ف ايديه ومش واخد باله من وتين الي واقف اخر الاوضة مرعوبة
مش فاهمة في اي
قام باسم عشان يجيب ماية من التلاجة
لقى وتين واقفة
وبتبص بشرود ع ادهم الي نايم ع السرير
بصلها بتمعن وهو بيفتكر شافها فين
قرب منها وافتكر لما ملامحها وضحت ليه
«انتيي؟؟»
فاقت وتين من شرودها وبصتله
«ايوا..
هو
هو ادهم ماله؟»
بصلها وهو مصدوم هي تعرف ادهم منين
وبتعمل اي ف اوضته ف الوقت دا
بدأت دماغه تهيأله حاجات
بس
ادهم صحبه ملهوش ف السكة دي
مال دي بتعمل اي هنا
بصلها
«انتي اي وصلك للاوضة هنا»
دموع وتين بدأت تنزل وهي مش فاهمة بتنزل لي
حست ف اللحظة دي انها عايزة جدها
صوت باسم على
«بتعملي اي ف اوضة ادهم ف الوقت دا يمحترمة»
وتين فهمت الاهانة
وصوتها على
«تقصد اي ي استاذ
انا هنا عشان صحبك الي بيموت قدام عينك
هو انت تفكيرك قذر كدا علطول؟»
«احترمي نفسك»
«انت الي احترم نفسك
انا اشرف واطهر من مليون تفكير قذر بتفكر فيه»
حاول باسم يمتص غضبه عشان صحبه
«كب ممكن تعرفيني
هفكر ازاي لما اشوفك ف الوقت دا
مع صحبي ف الاوضة»
بصت وتين ع باب البلكونة المكسور
وقربت منه جابت الازازة المكسورة وورتهالو
«شايف
انا الي كسرت الازاز دا عشان اقدر ادخل انقذ صاحبك دا
يعني انا مكنتش معاه ف الاوضة ولا حاجة
انا مجرد سمعت صوته بيتوجع
ف ضحيت بنفسي وخطيت بلكونتي ووصلتله عشان اعرف فيه اي
ولو فيه فرصة اتقذه
عرفت اني عمري م هوصل ل تفكيرك المتخلف دا؟»
بصت ع ادهم نظرة اخيرة ورجعت بصت ع باسم ب اشمئزاز
«متنساش تطمني ع الاستاذ»
وخرجت م الاوضة
بص باسم ع الباب الي واضح انه مكسور
وصاحبه الي تعبان ومستحيل يدخل بنت غريبه اوضته
واضطر يصدق وتين ويصدق كلامها
الطوارئ بعتو نقاله لاوضة ادهم
ووتين قالت لاحد الموظفات الي بينضفو انها نسيت المفتاح ف هي فتحتلها الاوضة بتاعتها
دخلت وقبل م تقفل الباب شافت المسعفين وهم شايلين ادهم ع النقالة وباسم الي بصلها نظرة اخيرة ومشي وراه صحبه
قفلت الباب ودخلت الاوضة لقت اصحابها لسة نايمين
حمدت ربنا انهم لسة نايمين لانها مش حمل اي اسألة
نامت مكانها ع الشازلونج وهي قلبها واجعها على ادهم
مش فاهمة اي السبب
المفروض يستاهل لانه ضرب نوران الي كانت نت شوية بتعيط م الوجع
طب لي هي حاسة بشفقة عليه
لي حاسة انها عايزة تطمن عليه
قتلت احاسيسها دي ب انها دفنت راسها تحت الغطا وغمضت عيونها
واستسلمت للنوم
صحيت على صوت زعيق وصريخ
قامت عشان تشوف في اي
