رواية من انت الفصل الرابع 4 بقلم مريم محمود


 رواية من انت الفصل الرابع

لقت نوران وياسمين بيتخانقو
بسبب ان ياسمين خبطت نوران وهي نايمة ف رجلها المتجبسة

قامت وتين وفركت ف عنيها وهي بتبصلهم ب عصبية 

«هو مفيش بني آدمة نايمة معاكو ف الاوضة يشوية عاهات؟» 

بصت نوران ع ياسمين ب غضب ورجعت مسكت رجلها المتجبسة 
«الهانم كانت هتكسرلي رجلي اكتر مهي مكسورة
بتحارب وهي نايمة تقريبا» 

بصتلها ياسمين
«يبت هو انتي مش بتفهمي
بقلك عمري م اتحركت ونا نايمة» 

زعقت نوران
«يعني انا هكدب» 

ربعت ياسمين ايديها
«يمكن كنتي بتحلمي» 

قامت وتين من مكانها بعد م صرخت فيهم عشان يسكتو

ودخلت للحمام وهي بتتحسبن ع الي خلاها تقعد معاهم ف اوضة واحدة

خدت شاور وطلعت لقتهم هديو شوية بس باين انهم مقموصين من بعض

بصت وتين عليهم
«هو انتو بجد؟» 

بصولها الاتنين ب استغراب وقالو ف نفس الصوت
«بجد ازاي؟» 

بصو ل بعض وضحكو انهم قالو نفس الحاجة ف نفس الوقت

بصتلهم وتين بعد م نفخت ب ضيق من جنانهم ولبست هدومها وهي بتقول
«اول واخر مرة اكررها اني انام معاكو ف اوضة» 

ضحكو الاتنين بعد ظ اتصالحو وحاولو يخرجو وتين من المود

الشباب بلغوهم انهم هيتحركو
وطلعو البنات من الاوضة 

ياسمين كانت مسندة نوران الي ماسكة عكاز وبيتساهرو وبيضحكو

بعدو عن وتين كام خطوة لانها كانت بتقفل باب الاوضة
قبل م وتين تتحرك ناحيتهم

وقفت كام دقيقة قدام باب اوضة ادهم بعد م افتكرت احداث اليوم

احساس من اللا شئ طلع جواها انها عايزة تطمن ع ادهم
يترا هو بخير
طب كان اي سبب الحالة الي كان فيها امبارح

تساؤلات كتير كانت بتدور ف عقل وتين وهي واقفة وشاردة ف باب الاوضة

بصت ياسمين وراها ع وتين لقتها ف الوضع دا

نادت عليها
لكن وتين كانت تغوص ف عالم من الافكار والتحليلات ومش سامعة الي عمال تنطق ب اسمها الي سمعوه اغلب الي موجودين ف الطرقة الا هي تقريبا

بصت ياسمين ع نوران الي مسنداها
«هي اتلبست ول اتطرشت» 

ضحكت نوران
«هتلاقيها بتعمل ابحاث ف دماغها الوقت» 

«بتعمل ابحاث ع باب الاوضة الي واقفة قصادها؟» 

ضحكو الاتنين وياسمين طلبت من نوران تسند ع العكار عقبال م تروح تفوق المجنونة الشاردة بدل م تفضل طول الوقت واقفة الوقفة دي

وصلت ياسمين جمب وتين وهزتها من كتفها

واخيرا
فاقت وتين من شرودها 
قالتلها ياسمين

«الحلو صافن ف اي» 

قالتلها وتين بتوهان
«ها» 

ضحكت ياسمين اوي وغمزتلها
«واقفة قدام الاوضة وشاردة لي
في مز جوا» 

حركت وتين راسها شمال ويمين كذا مرة عشان تفوق وبعدها انتبهت ل ياسمين وكلامها وخبطتها ع كتفها

«مز اي بتفكيرك المعاق دا
انا شردت شوية هل جدو خد العلاج ونام كويس امبارح ول لا مش اكتر» 

غمزتلها ياسمين تاني
«هعمل نفسي مصدقة حاضر» 

خبطتها وتين تاني واتحركت قدامها تجاه نوران

نوران اول م وتين قربت منها قالت
«الجميل كان سرحان ف اي؟» 

زعقت وتين
«يووووووه» 

ضحكو نوران وياسمين ونزلو مع بعض لحد م وصلو عند الشباب

اول م عامر شاف وتين
ابتسم اوي

وقرب منها
كأنها كانت وحشاه

«ليلتك كانت عاملة ازاي» 

بصت وتين ب قرف ل نوران وياسمين

«نايمة مع جوز تيران
عايز ليلتي تبق عاملة ازاي» 

ضحك عامر عليها وبعدها كمل
«طيب
هتشرفيني عربيتي
ول تركبي عربيتك» 

وقفت وتين بتفكير

وقبل م ترد على عامر

لمحت باسم وادهم نازلين من عربية ومتجهين ناحية الاوتيل

بصتلهم وتين ب انتباه وهي كان نفسها اوي تروح تطمن على ادهم وتشوف حالته بقت عاملة ازاي واي سبب الحالة الي كان فيها

فضلت متابعاهم ب انتباه شديد ف انتبه عامر وقالها

«في حاجة ول اي» 

بعدها كمل
لما بص ناحية ادهم وضحك
«اااه
هو انتي لسة منسيتيش الموقف
يبنتي بق
نوران قربت تفك الجبس ونتي لسة بتفكري ف نفس الموضوع» 

انتبهت وتين ل كلامه وبصتله من غير مترد ورجعت بصت ع ادهم تاني

كان باين عليه التعب
ومع ذلك 
لسة ملامح الرجولة الجذابة مرسومة على وشه

وقف مع الامن هو وباسم بيتكلمو ف حاجة

بعدها لمح ادهم وتين من تحت تضارته الشمسية الي كان لابسها

فضل صافن فيها شوية وف عامر الي عمال يكلم فيها وهي بترد عليه بعدم انتباه بسبب شرودها مع ادهم

الامن مشي من قدام ادهم وباسم بص باسم ع ادهم لقاه بيبص ع وتين

سكت شوية وبعدها اتكلم
قاله
«لولاها انا مكنتش عارف حالتك كانت هتبق عاملة ازاي» 

ادهم كان لسة بيبص ع وتين الي تجاهلتهم وكانت واقفة بتدردش مع عامر ب كل اريحية وهزار

اتنهد بتعب وبعدها بص ع باسم وقال
«مين الي معاها دا» 

باسم مفهمش مغزى سؤال ادهم
وجاوب بكل تلقائية
«الحقيقة كنت ناوي اجيب كل المعلومات عنها لما فكرتها بتتجسس عليا انا واحمد بس اتعكيت ونسيت» 

بصله ادهم ب استغراب
«تتجسس عليكو؟؟» 

هز باسم راسه وحكاله الموقف الي حصل لما وتين كانت بتتجسس عليهم 

رجع بص ادهم ع وتين الي كانت خلاص بتركب العربية
او هي اوريدي ركبت خلاص

بس لاحظ انها راكبة عربية لوحدها
مش مع الناس الي كانو معاها

بص ادهم ع باسم
«طب استعجل واعرف كل المعلومات عنها» 

قال باسم
«باين عليها متعرفش حاجة
ومحدش باعتها زي مكنت مفكر» 

اتكلم ادهم ب عصبية خفيفة
«وحنا مش هنتنبألها هل هي باين عليها ول لا وناخد بالمظهر
عايز اعرف كل المعلومات عنها ي باسم
وانهاردة قبل بكرا
سامع؟» 

هز باسم راسه
«تمام متقلقش
اطلع انت ارتاح 
ومتنساش كلام الدكتور ي ادهم» 

هز ادهم راسه وهو متتبع عربية وتين الي بدأت تتحرك

وتين كانت متابعة نظرات ادهم وكانت متوترة نوعا ما ل ييحي يوقفها ويتكلم معاها
او حتى الي اسمه باسم دا يروحلهاا

عشان كدا اتحركت ب العربية بسرعة

باسم صور نمرة عربيتها من غير م تاخد بالها

كانت وتين بدأت تتحرك وهي بتبص وراها ع مكان ادهم
مش فاهمة لي مش قادرة تشيل عينها عنه

مش فاهمة لي احساس انها عايزة تروح تسمع صوته وتشوفو بخير ول لا كان مسيطر عليها

وجهت وشها ناحية الطريق عشان تركز ف السواقة
ولكن

ل سوء الحظ
خبطت بنت من غير م تاخد بالها

شهقت وتين ب صوت عالي
وبرقت عنيها وهي بتحاول تستوعب اي الي حصل

فضلت ع الحال دا كام دقيقة ل درجة الناس جم ب عصبية وخبطو على ازاز عربيتها 

فوقوها من صدمتها وبدأت تبص عليها وهي مش فاهمة الثانية الي قلبت حالها دي

فتحت العربية وهي ايديها بترتعش
كانت مرعوبة ل تكون الي اتخبطت ماتت

نزلت م العربية
والدموع لمعت ف عنيها

لحد م لقت بنت تقريبا ف سن ال ١٠ سنين 
واقعة ع الارض بتعيط

واضح مفيش اي حاجة
غير جرح ف كوعها بس

وكام ست كانو حواليها بيحركو ايديها ورجلها بيشوفو في اي كسور ول لا

قالت احد الستات بعد م بصت ع وتين ب غضب
«اما انتو مش قد السواقة
بتسوقو لي ها
هي ارواح الناس لعبة ف ايديكو
ول انتو عشان اغنيا ومعاكو شوية فلوس هتدوسو بيها ع الناس
حسبي الله ونعم الوكيل» 

بصت ع البنت الصغيرة وكملت
«وريني يبنتي ايدك دي كدا

بتوجعك؟» 

البنت وقفت عياط وهي بتبص ع الجرح وبتهز راسها بمعني ايوا

قربت وتين الي دموعها نزلو من البنت الصغيرة وبصت للست الي ماسكة ايديها

«والله انا مليش ذنب
البنت الي طلعت قدامي فجأة

مشفتهاش والله» 

بصت ع الناس الي واقفة وكملت بعياط
«والله مليش ذنب يجماعة
هي طلعتلي فجأة» 

قالت نفس الست بهجوم

«لا انا شايفة البت بعيني بتعدي عادي ومفيش اي حاجة
انتي الي خبتطيها بسبب سواقتك المتهورة

لازم تتحبسي عشان تحرمي تسوقي عربيات تاني
او تتعلمي السواقة صح

بنات اخر زمن»

قالت اخر جملة بقرف وهي بتبص ع وتين وبتطبطب ع البنت الصغيرة

كل الي واقف ايد الست دي ووافقها ف ان وتين لازم تتحبس وتاخد جزائها عشان تحرم تسوء بالطريقة دي تاني

كانت وتين لوحدها ف الموقف دا

والوقت
هي حست بمعني اليتم
حست معنى ان ميبقاش معاك لا اب ولا حتى اخ تتسند عليه

اه جدها كل حياتها
بس هو مش حمل مرمطة ف الاقسام

جدها بعد م كبر
بقا يدوب بيكفي احتياجاتها ومتطلباتها بالعافية

فضلت تبكي بحرقة
دلوقتي
هي حاسة باليتم الحقيقي

قامت الست الي ماسكة البنت الصغيرة وبصت ل وتين وقالت ب هجوم
«متفكريش ان بالدمعتين دول هنحن عليكي ونسيبك تمشي
وربنا مهتتحركي من هنا» 

بصت لكام راجل واقف وقالت
«امسكوها ل تجري من هنا» 

بصت وتين ع الرجالة الي بتقرب متها تمسكها فعلا
وزعقت
«اوعو حد يلمسني
اياك تقرب مني سامع» 

ولكن لا حياة لمن تنادي
قربو منها اتنين ومسكوها من دراعها وهي زعقت وهي بتقول سيبوني

ادهم وباسم كانو لسة واقفين بيخلصو كام حاجة مع امن الفندق

ركز آدم ع صوت الزعيق المتواصل دا وعقد حواجبه ب استغراب

بص ع باسم
«في اي» 

رفع باسم كتافه بعدم فهم وعدم معرفة

ف سأل احد الامن الي كان جاي من ع الطريق
«في اي 
اي صوت الزعيق دا» 

قرب الامن منهم وسمعه أدهم بتركيز
«في واحدة خبطت بنت صغيرة بالعربية
والرجالة ماسكينها عشان متهربش وبتصوت انهم يسيبوها» 

هز ادهم راسه بتفهم وهو بيبص ناحية الصوت
كان شئ الاهي بيقولو روح شوف في اي

بس طنش بسبب اشغاله
وانه لسة تعبان من امبارح

قال باسم لرجل الامن
«البنت متعورة جامد؟» 

هز الامن راسه بالنفي
«لا 
هي خربوش صغير ف دراعها
مش عارف عاملين الهوليلة دي لي ومحسسني ان البنت الي خبطتها موتتها» 

للحظة وتين جت ع بال ادهم وسأل الامن ب اهتمام شديد
«لون عربية البنت دي اي» 

قال فرد الامن بتفكير
«رمادي تقريبا» 

الشكوك سكنت قلب أدهم ان ممكن تكون وتين
بص ع باسم

«انا رايح اشوف في اي» 

وقفه باسم 
«رايح فين ونت تعبان كدا
اطلع انت ارتاح ونا هروح اشوف» 

ادهم كان عارف انه مش هيطمن غير اما هو يروح
ف عارض باسم وقال
«انا هروح ي باسم
بلاش تعارضني» 

ومشي ادهم من دون م يسمع رد من باسم الي واقف يبصله ب استغراب

مشي ادهم كام خطوة لحد م ظهرله تجمع من الناس

قرب منهم
لقي اتنين رجالة
ماسكين دراع وتين ودايسين عليه بعنف

وهي بتبكي وتترجاهم يسيبوها وانها مش هتمشي

بس محدش كان بيرد عليها

ادهم لما شاف المشهد
حس بغصة ف قلبه
وغضب غير مبرر

قرب وزعق لدرجة ان الكل اتنفض
«اي الي بيحصل هنا» 

بصتله وتين

واول م لمحته
حست كأنها غريق واتعلق ب اي غصن يأويه
احساس من الطمأنينة اتسلل جواها مجرد م شافته

قربت الست الي ماسكة البنت الصغيرة من ادهم
«بنات اخر زمن
خبطت البت الصغيرة كانت هتجيب اجلها

وقال اي هي الي طلعت قدامها فجأة
فاكرانا هنصدقها» 

شاورت ع عيونها وبصت ل وتين
«د انا شايفاكي بعيني دول ونتي بتغبطيها» 

اتكلمت وتين بصوت مليان بكاء ودموع
«قلتلك والله هي الي جت قدامي
والله» 

بصت ع كل الي واقف خصوصا ادهم
«والله انا مليش ذنب
هي الي جت قدامي» 

افتكر ادهم موقف صحبتها الي خبطتها بالعربية

وعياطها ودموعها وجعوه
حسسوه بالغضب

قرب من الاتنين رجالة ومسك دراعهم بعنف ونزلهم من على دراع وتين

بصلهم بعيون يشهد الكل عليها انها عيون غضب 
«انتو لو رجالة بجد
هتعذروها
ومش هتمسكوها مسكة الحرامية دي» 

واحد من الاتنين دول خبط ادهم ع صدره وهو بيقول
«ومين قالك يبابا اننا مش رجالة» 

للحظة ادهم محسش بنفسه غير لما ضربه بوكس وقعه ع الارض

قاله بصوت جهوري
«مش رجالة يحبيبي
ولو راجل بجد
قوم واجهني» 

قام الراجل من مكانه وهو بيحط ايده مكان الخبطة وبيبص ب وجع ل ادهم

وقرب منه ولسة هيضربه 
بس ادهم تفادى ضربته واداله بوكس كمان وقعه ع الارض من تاني 

الراجل كان اوريدي ضعيف ولا يضاهى قوة ادهم البدنية بشئ

ف فضل انه يفضل ع الارض يتأوه ب اوجاعه
ولا انه يقوم يخليه يكمل عليه

الراجل التاني كش وخاف من ادهم ومشي 

بصلهم ادهم وزعق خصوصا الرجالة الي واقفة
«محدش فيكو من الي واقف عندو نخوة ورجولة
شايفينهم ماسكين دراعها بالطريقة دي وواقفين بتتفرجو» 

رجع بص ع الست الي الرعب ملى قلبها بسبب ادهم
وقال
«ونتي
هي مش ست زيك
ها
مش قعدت تترجاكي انهم يسيبوها
لو يست خايفة تجري من عملتها

لي ممسكتيهاش انتي
ولا هي اذية وخلاص» 

بص ع وتين الي لسة واقفة بتعيط
ورجع بص ع الطفلة وقرب منها 

وللحظة نبرته اتغيرت خالص

من قسوة وغلظة
ل لين وحنية

قالها

«انتي كويسة» 

هزت الطفلة راسها يمعني ايوا وعيونها كانو لسة فيهم الدموع

مسك ايد الطفلة وبص لكل الناس الي واقفة
«الطفلة مسئوليتي
وكمان البنت الي خبطتها مسئوليتي
شكرا لاهتمامكم 
كل واحد يروح يشوف شغله» 

قربت الست وكانت هتتكلم بس زعق ادهم
«انا قولت كل واحد يشوف شغله» 

كل الي كان واقف كان واثق ومتأكد ان وتين مش غلطانة
بس محدش حاول يدافع عنها وكانو مبسوطين بالذل الي وتين كانت متعرضة ليه وكأنه حاجة عادية

بس ادهم
جه انقذها من الذل دا

وتين كانت بتبصله ب إبتسامة ولسة الدموع ع خدها

بعد م الكل مشي باسم قرب من ادهم
قال بهمس
«بترد جميلها مش كدا» 

بصله ادهم بطرف عنيه
«ينفع تسكت» 

ضحك باسم وسكت 

قرب ادهم من وتين الي كانت بتمسح ف دموعها

وقبل م يتكلم معاها

كانت عربية عامر وقفت جنبها ونزلو منها

قرب منها عامر بلهفة شديدة باينة عليه خصوصا لما شاف اثار العياط على وش وتين

«وتين
في اي
مالك
ولي مش بتردي ع الفون 
اي الي حصل» 

دموع وتين رجعت نزلت لما عامر فتح الموضوع وحكتله كل الي حصل

عامر الغضب ملى وشه لما ذكرت الرجالة الي مسكو دراعها
بس وتين ابتسمت وقالتله

«بس ادهم..» 

وجت تلف عشان تعرف عامر ان ادهم ساعدها لقت ادنم مشي وجمبه باسم

ابتسامتها اختفت لما اختفي عن نظرها بصت ع طيفه كام ثانية ورجعت بصت ع الارض واتنهدت وبصت ع عامر

وقالت ب نبرة هدوء

«ادهم الي خبط نوران دا
هو الي وقف جمبي وخد معاه الطفلة وقال انه مسئول عن كل حاجة» 

ابتسم عامر 
«والله فيه الخير 
راجل بمعنى الكلمة
لو كنت موجود 
كنت عملت ضعف الي عمله ودغدغت الرجالة الي مسكو ايدك دول» 

لمح عامر الضيق ع وش وتين ف اعتقد انه من الموقف
ف قالها
«يالا
اركبي العربية معايا هنروح انهاردة وبكرا او بعدو
بعد م اعصابك تهدى نبدأ شغل» 

بالفعل وتين ركبت معاهم لان فعلا اعصابها كانت تعبانة
ويوسف نزل ركب عربية وتين عشان يجيبها معاهم

طول الطريق وتين كانت ساكتة وشاردة
شوية دموعها ينزلو
وشوية تحبسهم

لحد م نامت ف الطريق

عامر وصلهم كلهم بيوتهم واتجه ل بيت وتين
وكان عامر ووتين ف العربية لوحدهم

بص عامر وهو سايق ع وتين الي غرقانة ف نومها
وابتسم بحب

همس بلطف بحيث متسمعهوش

«لو تعرفي عمق حب ليكي ي وتين
متأكد انك هتفرحي اوي
كان نفسي اعترفلك من زمان اوي
بس جدك هو السبب

هو الي اعترض طريقي بحكم اني مش هنفعك
بس والله يوتين
لهحاول تاني وتالت وهحارب عاشر عشانك

ولو جدك فضل واقف ف طريقي كتير
هخلص منه ومش هيرف ليا جفن» 

ابتسم ليها بحب لحد م وصل بيتها

صحاها بهدوء شديد وهي فاقت
بصلها ب ابتسامة
«مساء الخير يحلوة» 

فركت وتين ف عيونها
«وصلنا؟» 

«اه يدوب» 

قامت بصت حواليها ف العربية وقالت بعد م تثاوبت
«هو كله روح ما عدا انا» 

ابتسم عامر
«للاسف» 

فتحت باب العربية ونزلت وعامر كمان نزل
«تصبحي ع خير ي وتين» 

كانت وتين داخلة العمارة ف لفت ليه وابتسمت
«ونت من اهل الخير» 

طلعت جري ع العمارة عشان جدها كان واحشها اوي

اما عامر
ف فضل كام دقيقة واقف بيبص ع طيفها ب ابتسامة عريضة

بيحلم باليوم للي يروحها فيه على بيته
مش بيت جدها

اتنهد وهو بيكرر
«مش بعيد ي وتين
مش بعيد يحبيبتي» 

وركب عربيته واتحرك ل بيته

اما عند ادهم
ف بعد ظ مشي من عند وتين
طلع جناحه وخد دش وبعدها اترمى ع السرير 

احداث اليوم كانت بتتعاد زي الشريط قدامه
خصوصا وتين 

كان مستغرب من نفسه اوي
ومن تصرفه انهاردة

انه دافع عنها
وجاب حقها

وهو يدوب شافها كام مرة بس

فرد ضهره ع السرير ورن ع باسم

واطمن منه ان باسم خد الطفلة عالجها وبعدها عرف اهلها وعنوانهم وروحها

اتنهد ب ارتياح

وكان مستنى ب فارغ الصبر اي معلومة توصله ل وتين
مش عشان اتجسست عليه

ولا حتى عشان يشكرها انها ساعدته لما تعب بليل وضحت بنفسها

بل في سبب اخر
خفي
حتى ادهم مش عارف يحدده

بس حط اسباب انه عايز يعرف هل عي جسوسة ول لا ك دافع انه يبعد عنه اي احاسيس تانية

نام ادهم وغاص ف النوم لانه معرفش ينام ف المستشفى

صحى ع صوت تخبيط جامد ع الباب

قام وفتح
لقاه باسم ووشه لا يبشر ب اي خير

قال
«الحق ي ادهم» 

انتبه ادهم ليه
«اي الي حصل» 

تعليقات