رواية لعنة شوق الفصل الثالث
بدأ يتسرب إلي داخلي شعور جديد ، شعور بأن شيئاً لم يعد مستحيلاً .
ما كنت أرفضه في السابق بعلة كوني زوجة وأم ، الآن لم يصير مستحيلاً كما كان ، بل أصبح وارداً و مقبولاً ولو حتي أمام نفسي .
تسربت أشعة شمس يوم جديد وصعدت الشمس إلي الأفق ، وشعرت بمعتز ينهض من فراشه ، ولكنني تظاهرت بإستغراقي في النوم حتي إنصرف إلي عمله .
بمجرد خروجه من المنزل أعتدلت وجلست في مكاني و أمسكت بالهاتف .
لم أبذل مجهوداً كبيراً في الوصول لأرقام هواتف الشركة التي كان يعمل بها أسامة من قبل .
بمجرد أن سألت عنه جائتني الإجابة بالإنتظار قليلاً حتي يتم إبلاغه .
لا أعلم حتي الآن إن كان توصلي إليه في هذا التوقيت تحديداً من حُسن طالعي أو إستكمالاً لحظي العثر .
مرت ثوانٍ قليلة حتي جائتني الإجابة بصوته : ألو ، مين ؟
أجبته بهدوء ممزوج بشئ من التوتر : أسامة..
لم أستكمل حروف أسمه كاملة حين سمعته ينطق بصوت مشحون باللهفة والحنين : شوووق !! أنتِ شوق صح ؟
أدركت حينها أن القصة لم تنتهي بعد، بل ربما بدأت إحدي فصولها الجديدة .
أجبته : عرفتني أزاي يا أسامة ؟
أجاب بلهفته التي أعرفها جيداً منذ زمن : أنتِ لسه فاكراني يا شوق ؟ لسه فاكرة أنا شغال فين!! أنتِ متصلة تسألي عني؟!! شوق وحشتيني ، وحشتيني قوي .
لاشك أن فيض مشاعره المتدفق عبر أثير الهاتف رفعت هرمون السعادة لديّ إلي عنان السماء ، فأجبته بثقتي في النفس "التي عادت بعد طول غياب" : جيت على بالي يا أسامة و حبيت أطمن عليك، عامل أيه يا أسامة ؟
أجابني : بقيت كويس، بقيت كويس دلوقتي بس لما سمعت صوتك، من يوم ما بعدتي عني وأنا مش كويس يا شوق.
ضحكت قائلة : هو أنتم كلكم كدابين كده ؟! ده أنا عارفة أنك أتجوزت وخلفت كمان وعايش مبسوط.
أجاب هامساً : أنا فى الشغل دلوقتي ومفيش مجال أننا نتكلم ونأكد لبعض حاجة مينفعش نتكلم فيها ، بس والله يا شوق وحياة بنتي شوق أنا مبعرفش أتعامل مع مراتي غير وأنا شايفها قدامي أنتِ !! أنا حتى ليلة دخلتي مقدرتش أحسسها بالفرحة إلا وأنا متخيلك أنتِ قدامي، مش هينفع أقولك أكتر من كده يا شوق .
حين سمعت تلك الكلمات أنتابتني رجفة كادت تسقط الهاتف من يدي، حاولت أن أتمالك أعصابي قائلة : طيب أنا لازم أقفل بقى علشان مش أعطلك عن شغلك أكتر من كده، كويس إني أطمنت عليك.
جائني صوته : لاء...مش بسرعة كده لسه متكلمناش...
أجبته : علشان شغلك.
قال : طيب هاتي رقمك يا شوق أتصل بيكي لما أخلص شغل ، نتكلم براحتنا.
أجبته "بخوف" : لالالا رقمي أيه، مش هينفع ، جوزي بيغير عليا قوي ولو عرف هتبقي مصيبة، والموبايل كمان بيسجل المكالمات .
سألني : أومال أنتِ بتتكلمي منين؟
أجبته : بكلمك من التليفون الارضي، مش هييجي على باله لأنه شايل التليفون وبنستخدمه للنت بس، لكن أنا ركبت التليفون وأتصلت بيك منه .
سألني : جوزك !!! أنتِ لسه معاه ؟ مش عارف ليه تخيلت إنك سبتيه.
أجبته : ياريت يا أسامة ، مش عارفة مش عارفة خالص....خلاص يلا روح شوف شغلك.
أسامة : بالله عليكي عايز أكلمك، ملحقتش أشبع من صوتك، فيه حاجات كتير قوي عايز أتكلم معاكي فيها ، طيب بصي خدي أنتِ رقمي وكلميني وأنا والله مش هتصل بيكي مهما كان السبب، مش هعملك أي مشاکل كلمينى وقت ما يناسبك أطمن عليكي بس .
كانت لهفته و فيض المشاعر الجميلة التي وجدتها في صوته و كلماته كفيلة بأن تعيد إليّ شعوري المسلوب بأنني أنثي محبوبة .
كنت أحتاج بشدة لهذا الشعور بالأهتمام الذي غاب عني طويلاً .
لم أجد من معتز إلا الأهمال والكلمات الجارحة، كان يشعر دوماً وكأني أصبحت إحدي ممتلكاته يفعل بي ما يشاء دون أي ردة فعل مني.
سلبيتي معه هي ما أوصلته لهذه الدرجة، لم يتخيل يوماً أن أتمرد عليه أو أتخذ معه موقف مختلف .
ولكنه قد حانت تلك اللحظة التي سيتغير فيها كل شئ.
دب في قلبي حنين لذكرياتي القديمة ، أخرجت من أسفل السرير حقيبة كنت أحتفظ فيها بذكرياتي الجميلة
فتحت الحقيبة وأخرجت منها هدايا أسامة لي قبل الزواج، وظللت أقرأ كلمات الحب والغزل التي دونها عليها ، كم كانت حسرتي علي ذلك الحب المفقود.
ولأول مرة أضع معتز في مقارنة مع أسامة ، أقارن بين القسوة والإهانة والجراح من جانب، ومن الجانب الأخر الحب والأهتمام والتضحية .
حتي في المشاعر الإنسانية كان الفارق واضح.
أتذكر الآن يوم وفاة والد أسامة كم كان حزيناً يبكي والده ،أما معتز كان قاسياً متبلد الإحساس يوم وفاة حمايا ،حتي حين جلست إلي جواره بعد العزاء أحاول مواساته ، تفاجئت به يزجرني ويبعد يدي عنه في كبر وغرور .
وحين خاطبته بكلمات المواساة لأخفف عنه نظر إليّ بنفور قائلاً : غوري من وشي أنا مش طايق نفسي ولا طايق أشوفك ، أنا عارف الموت تايه عنك ليه !!!
حينها تركته وخرجت من الغرفة وحاولت تبرير ما فعله بحزنه علي فقدان والده .
ولكني حين جلست وحدي وجدته إنسان متبلد الإحساس ، عدت إليه وأنا أسأله ودموعي علي وجهي : هو أنت ليه عايزني أموت؟ طيب ما أنت لو عايز تخلص مني طلقني !! هو أنا بجبرك تعيش معايا بالعافية، طلقني وأرتاح وريحني .
ولكنه فتح التليفزيون أثناء كلامي في تجاهل تمام !!
أجابني وهو يشاهد التلفاز و بلامبالاة واضحة : عايزة تطلقي يا حلوة أخلعيني، أنا مش بطلق حد، لو معاكي فلوس روحي إرفعي عليا قضية خلع، لكن أعملي حسابك مش هتاخدي من الشقة أي حاجة !!
قاطعته وقولت له : طلقني وأنا مش عايزة أي حاجة منك والله، ومش هطالبك بحاجة لكن أنا مش بتاعت محاكم .
ضحك قائلاً : ولا حتي أهلك هيسمحولك تعملي كده، يبقى تعيشي بقى وتحمدي ربنا على اللى أنتِ فيه .
أجبته قائلة : لكن ...
قاطعني مباشرة : أنتِ لسه هتقولي لكن ، أنتِ تحطي الجزمة في بوئك وتسكتي، يلا غوري فى داهية بقى، أنا مش ناقصك !!!
كان هذا أسلوبه معي دائماً حتي أنني أحتقرته وأحتقرت نفسي التي تتحمل كل ذلك منه !!
ليس ذلك فحسب بل و أحتقرت أهلي أيضاً. فهم من سمحوا أن أكمل معه حياتي بعد كل هذه الضغوط والاهانات !!
تركته وډخلت غرفة أخري وجلست أبكي وحدي حتي نمت في مكاني!!
ذكرياتي مع أسامة كانت تحمل كل الحب والأهتمام بعكس ذكرياتي مع معتز التي لم تحمل سوي الحزن والألم والقسوة والجراح !
أخرجت من الحقيبة ذكرياتي مع أسامة وهداياه، ومع كل هدية كنت أسترجع موقف من مواقفه معي .
كل مواقفه معايا كانت كلها رائعة، ذكريات كلها حب وأهتمام ورومانسية. لم أشعر معه يوماً انني ضعيفة او مقهورة مثلما أشعر مع معتز !!
أبتسمت أبتسامة حسرة وجمعت الهدايا التي أعادتني لذكريات جعلتني أضحك وفي ذات الوقت أبكي !!
كلها ذكريات أفتقدها بشدة في حياتي، جعلتني أقول لنفسي "ماهو لما تضيعي حد زي أسامة من أيدك يبقى لازم تقعي فى واحد زى معتز".
ظللت أراجع ذكرياتي .. ضحكت وبكيت وشعرت بالشوق لأشياء كثيرة غائبة عني .
ندمت علي الفرصة التي أضعتها بغبائي وانانيتي !!!
اتصلت بأسامة الذي رد عليّ بسرعة ولهفة قائلاً : التليفون بيرقص من الفرحة.
ضحكت وأنا أقول له بصوت رقيق : عرفت منين إني أنا اللي بتصل؟
أسامة: أحساسي يابنتي، أنتِ ناسية ولا ايه؟! أنتِ ناسية أني كنت بحس بيكِ حتي وأنتِ بعيد عني؟
أجبته بضحكة تغلف ندم يعتصرني من الداخل : لأ مش ناسية. طول عمرك بتعرف اتصالي حتى لو اتصلت من رقم غريب. أنت مخاوي يابني ولا ايه !
أسامة بضحكة عالية : لأ يابنتي، مش مخاوي. ده أحساسي يا شوق اللي دايماً بيحس بيكِ. فاكراه ولا نسيتي ؟
أجبته محاولة إخفاء حسرتي وندمي : طبعا فاكرة يا أسامة، وأنا كمان لو مش بحس كنت أزاي حسيت أني عايزة أطمن عليك.
رده عليّ كان صادم حين قال : لأ يا شوق، أنتِ كلمتيني بسبب اللى انتي فيه . كلمتيني لما حسيتي بالحنين ليّ ولحبي ليكِ لما حسيتي أنك جيتي عليّ وظلمتيني.
لم أستطيع أن أتفوه بأي كلمة وظللت حبيسة صمتي لثواني .
فقال لي : أنتِ افتكرتيني يا شوق لما عرفتي إنك أخترتي غلط !! ونتيجة غلطتك دي أنا وأنتِ بندفع تمنها لحد دلوقتي ! دمرتي حياتي وحياتك بسبب غلطة واحدة منك!!
سألته بدهشة : أنت كمان مش سعيد في حياتك يا أسامة ؟
أجابني بتلقائية : طبعاً مش سعيد في حياتي من غيرك يا شوق، لكن أكيد أنتِ أكتر مني بكتير.
سألته : وأنت عرفت أزاي؟
أسامة : لأنك أنتِ اللي أخترتي، أنتِ اللي ظلمتي، أنتِ اللي جنيتي عليا وعلي نفسك . طبيعي لازم يكون عقابك أنتِ أشد قسوة .
سألته بعدما شعرت بمرارة كماته : ليه القسوة والمرارة دي كلها اللي في كلامك ؟
أسامة : يا شوق أنتِ أجبرتيني أني أدور على غيرك علشان أتخلص من وجع قلبي بسببك. دلوقتي أنتِ اللي موجوعة !!!
عجزت شفتاي عن النطق ووقف لساني عن الحركة. لم أجد كلمة أدافع بها عن نفسي ، ودموعي تتساقط خلف هاتفي. ولو تكلمت لأنهرت باكية.
ظل أسامة صامتاً لثوان قبل أن يقول : عادي يا شوق اللي حصل حصل خلاص. سيبي دموعك تنزل، بلاش تكتمي جواكي، طلعي كل أحزانك وأنا هسمعك ومعاكي لحد ما تخلصي كل اللي عندك، ولما تهدي أحكيلي أنا من زمان نفسي أسمعك.
ما أنت أنتهي من كلماته حتي أنفجرت باكية. وأطلقت لدموعي الحرية بعد سنوات طوال من الكتمان!!
كنت أبكي بإنھيار، ولم تتوقف دموعي إلا حين سمعت صوت نغمة هاتفي ونظرت لشاشته لأجد اسم المتصل .. معتز !
أنقبض قلبي و طرحت سماعة الهاتف الأرضي من يدي، وكأن معتز يراني .
أجبته بسرعة : ايوة يا معتز .
جائني صوته يقول : أنا هتغدا برة، وهرجع متأخر، بقولك علشان متتصليش بيا و تسألي. مشوفش رنة منك على تليفوني النهاردة، فاهمة؟
سألته: هتتأخر هتروح فين يعني ؟
لكنه أغلق الاتصال قبل أن يسمع مني أي كلمة !!
لحظات أنظر لهاتفي. وتذكرت أسامة الذي تركته دون إستذان !!
أمسكت بسماعة هاتفي لأعتذر : اسفة يا أسامة .
فقال في هدوء: ولا يهمك يا شوق.
ضحكت وشعرت حينها بأنني لم أخطئ فى حق معتز فهو يستحق جزاء ما يفعله معي ما هو أكثر من ذلك.
مسحت دموعي التي غطت وجهي و أنا أقول : أنا عايزة أشوفك يا اسامة.
فوجئت به يقول : كدابة يا شوق .
فأجبته بذهول : هو ايه اللى كدابة ؟! أنا بقولك عايزة أشوفك تقولي كدابة ؟!
فأجاب بإصرار: وأنا بقولك أنتِ كدابة يا شوق. لأنك أنتِ مش هتشوفيني ومش هتقدري تقابليني، أنتِ ټخافي تعملي كده ، ومش طبيعتك إنك ټكوني مع حد وتقابلي حد تاني غيره، أنتِ بس علشان متضايقة من جوزك عايزة ..
#بقلم_عادل_عبد_الله
قاطعته قائلة : صح أنت صح يا أسامة. بس هو أنت عرفت اللي بتقوله ده أزاي؟ تعرف اي أنت يا أسامة عن علاقټي بجوزي؟
ضحك أسامة بصوت أخافني للحظات قائلاً : أنا عارف عنك كل حاجة يا شوق، أنا فضلت فترة طويلة بعد جوازك متابع كل أخبارك ومستني إنك تطلقي منه عشان نرجع لبعض، لأني كنت عارف إنك تعبانة في جوازك ! لكن لقيتك أستقريتي وأتعودتي علي ...
قاطعته بسؤال مصحوب بدهشة : أيوة، يعني أنت عرفت الكلام ده عن حياتي مع جوزي منين؟
ضحك أسامة ضحكة عالية قائلاً : من جوزك نفسه يا قلبي!!
