رواية خلخال مشوه الفصل الثالث والخمسون بقلم زمرده
فقار : جا تصاحبوا يله ،عون اشبكه وأنت اشبك ابن خالك لا اجويك
حواري : باع باع الانحيازية ،احجي وي ابني على كيفك ترا ما اطيكم حوراء
فقار : مو بكيفج اخليه ينهي عليها
_ خوب أنت علمت ولدنه على النهوات
رفع حاجبه اعارف متقصد يستفزني
فقار : وأنت منو الناهي عليج وهيج ضايجة ؟
_ صاحبك
فقارو: انا ماعدي صاحب ينهي على بت عمه
_أحلف والله
فقار : وداعة عبدالله
هزيت ايدي وخليت ومشيت للصالة و وراي اسمعهم يحجون
فقار : خبله بالحسين هاي ،شحب منها ابو السفينة
غاية : يموت عليها
فقار : اهااا
غاية : اعذروني صايرة ما اگدر اكض الساني معاشرة عمة عطاء صار هواي
فقار : أي مبين
گعدت يم عمة مدلغمة حتى نسيت ابارك لهيوفة ،ندستني
هيوفة : شبيج مطنگرة ؟
_ هذا حماج فد غثه چنه اخووج
صفنت بوجهي وراها گالت
هيوفة : هسة على ياهي اضوج ،لان جاي تحجين على حماي لو على اخوي
_ ولا وحدة ،انا اختج خوما تضوجين مني لخاطرهم
هيوفة : اممم
_ اگلج
هيوفة : گولي
_ اخوج صاير يدور نسوان ومصاحبله وحده وچم مره بمره لگفته يبسبس بالموبايل
هيوفة : ياا
_ أي والله وحتى حجيت لعمة عطاء بس هي ما أطت بيه
هيوفة : شعجب
_ تگلي خل يطيب جرح گلبه
هيوفة : اهاا
_ عمتج اضن نست الحلال والحرام
حطت صينية الفواكه واجت يمنه
ريحانة : شجاي تحجن أنتن ؟
_ احجيلها على فقار ونوح اهل النهاوي
ريحانة : صدگ نوح ما فاك نهوته منج ؟
_ لا وين
ريحانة : لا تضوجين يفكها منج اذا اجتج قسمة زينة وعمي حاجاه
_ هاا، ويعني يرضى ؟
ريحانة : أي جا خوما يخليج معلگة
ما رديت على حجيها وضليت طول الوكت افكر صدگ يعني يفك نهوته وعادي عده جا من الاول ليش نهه علي وخلاني أغلط هل غلطه هاي الراح يجوز اضلن طول العمر اتحاسب عليها وهو السبب بيه
رددت وي روحي اگطع هوسة افكار
_ ديله واذا ما فكها أصلا بعد احسن اخلص
زهرة : گومن نمشي للبيت هسة جدچن على جية
گمت اللبس عباتي وحواري گالت
حواري : تانيني عمة اللبس عباتي وصليني
لبست عباتها وطلعت ويانه شايلة حوارء ،سيف وي عون وافقار ما اعرف وين ماخذهم، بس طبينه
صار بوجهنه مستعجل يريد يطلع صاحت عليه عمه
زهرة : نووح يمة وين ماشي
دار عليها وجاوابها جواب مختصر
نوح : صاحبي بالمستشفى ابوه ميت وماشيله
زهرة : لا تسوق سريع بعد امك
ما جاوبها وطلع، غاية گبلنه طبت و وراها انا وعمة الضلت تحجي على نوح
زهرة : عليش اتعب روحي واحجي ،ليش هو يسمع الحجي البراسه براسه
عطاء : هاا وين چنتن شو تأخرتن
غاية : ياا عمة جا شعجب علاوي ما اجه بشرج
عطاء : يبشرني على شني ؟
زهرة : هيوفة حامل
عطاء : عليييج الله
زهرة : والله الليوم محلله وباجر نجوى تاخذها للدكتورة حتى تتأكد
عطاء : يا رحمة الله ،الف الحمدلله ،الله عوضها خايبة
زهرة : أي والله وبلكت هل مرة الله يتمملها على خير
عطاء : أن شاء الله
طبت عمة عطاء تبشر جدة الچانت يوميا تدعيلها الله يعوضها ،ومن عارفت بنفس الدقيقة گالت لعمة
غضة : خايبة جيبلي عباتي وأمشي وياي اشوفنها ما اگدر اضلن
بس مشن انا وغاية تگابلنه على العشة لان اجوي عمي محمد وجدي وگالوا ما ماكلين لان اكل العزايم ثگيل وبالليل معدتهم ما تحمله سوينالهم شي خفيف ياكلونه وبس گملوا گتلها
_ انا اغسل المواعين أنت اصعدي نضفي غرف الولد
باوعت علي ما مقتنعه
غاية :مريضة أنت ؟
_ لا ليش ؟
غاية : هيج
بس طلعت انا كفيت رداناتي وبديت اكف المطبخ ما حسيت بثگل الشغل لان چان ثگل افكاري اقوى
ليث : الزقجة
درت عليه فازه
_ شوكت أجيت
ليث : هسة ،اريدن اكل جوعان
_ باوع
ليث : باوعت
_ اسويلك اكل بس بعد لا تگلي الزقجة
ليث : من اشوفج احسج برغي فالت من مكاين الماي
_ لا عليك الله
ليث : أي والله
_ الخلل بيكم أنتم كل واحد چن تيل
ليث : شو تعاي اضحك عليج
مشيت وگفت بصفه وهو مايل راسه يباوعلي لفرق الطول بياتنة
ليث : بالعباس ما بيج مية وخمسين
_ لا لا اكثررر شني مية وخمسين
ليث : يابة مترتين
_ اهووو لا تسلكلي ،ترا صدگ طولي زين حتى صاحباتي بالمدرسة يگولن
ليث : شيگولن
_ يگولن جفون طولج كلش حلو مثل الوردة
ليث :ايباااااخ
ضحك من كل گلبه وعود ردت اضوج بس من شفت ضحكته سكتت صار هواي ما ضاحك هيج نوبات صرا اشبهه بصخر هم نهار كله مغندب ،سكت بس ضلت كاضته الضحكه
ليث : جفون الوردة ،بعد اسميج جفون الوردة
_ انا ادري بيك جاي تصنف علي بس يله لخاطر ضحكتك راح اغلس
ليث : مشكورة
_ الشكر لله اخي العزيز
ابتسم ومشى وانا كملت شغلي وطلعت اشوفن دجاجتي الكاركه، بس فتحت باب الگن مالتها صاحت
_ وسم حتى سم
سديت باب الگن ومشيت للبطوط، افكر شني عوزي بعد حتى تصير حديقة حيوانات كاملة
غاية : جفووون
اعارف بيها تصيحني من بعيد لان ما تگدر بعد تجيني وتشوف مكان التنور ،گمت انكث بهدومي من الترابه واردن عليها بصوت تسمعه
_ جايتج
بس شافتني گالت
غاية : تعاي بساااع ولج
_ اسم الله شكوو ؟
ترجف وتحجي
غاية : ليث ،ليث ضغطه صاعد كلش شسوووي
نشغت
_ اسم الله ،هستوه مابيه شي
غاية : امشي وياي فدوة امشي
جرتني وياها طبينه نمشي بساع بس من لاگتنه عمه زهرة سوينه رواحتنه طبيعي وچن ماكو شي لان بس تنهبط
هسة يفول سكرها ،سألتنه شكو گلنالها راح نكمل شغل الفوگ حتى نلحگ
بساع و صعدنه ركضت لغرفة ليث وانا وراها ،بس طبت نشغت بخوف ومشت تگعده خايفة
غاية : ليث ،ليث خووية ،حاجيني الله عليك لا تهبطني
وگفت وراها باهته من فتح عيونه لونهن مخلوط وياه حمار مخيف وبلايه ما ينتبه علي گاللها حجايات ما عارفت شني معناهن
ليث : تعبت وانا ادورها ،اختفت ،فص ملح وذاب
غاية : عليها هيج صاير بحالك خوية
ليث : اذا چان من الاول ما عدي نصيب بيها،ليش تلاگيت وياها
غاية : ليث
ليث : تعبت انا غاية ،تعبت لان اعارفها مظلومه .
غاية : ضغطك
جر نفس طويل ورفع ايده ترجف يرجع شعره من نزل على گصته وانتبه علي واگفه ،ابد ما بينت على ملامحه شي من شافني، غمض عيونه ورد فتحهن وحط رأسه على رجلين غاية يطلب منها تدلكله رأسه
غاية : وين دواك ؟
اشر على الميز،مشيت انا جبتهن ونزلت جبتله ماي وصعدت ،اطته غاية الحباية وانا گلاص الماي ،اخذهن من عدنه وشگد ما چان تعبان بس ما نسى يحجي حجاياته التعودنه نسمعهن
ليث : يديح الماعده خوات مثلچن والله
_ گبل لا ننقرض حافضوا علينه
ليث : الورد ما ينقرض دكتورة جفون
_ اهوو هم گالي دكتورة
ليث : اشوفن بيج دكتورة لابسة لابكوتها الابيض
رد تمدد وانا ضليت مبتسمة، ثقته بي دائما تخليني عدي ثقه بروحي ،بس ثگل نفسه وتاكدت منه غاية نام خلينه ونزلنه ،ليث صار زين وغاية الضلت كلساع وگايلة
غاية : گلبي يوجعني
_ احاجي عمي ياخذج للمستشفى ؟
غاية : لا لا هسة اصيرن زينة
_ متأكده ؟
غاية : أي والله
_ جا خوش ،اگلج
غاية : گولي
_ جا شو بنات عمي كاظم تأخرن
غاية : تلگيهن اخذهن الوكت يم البنات ،بس يجي نوح اودي عليهن
_ شو تأخر اخوج
غاية : غير لازم يوگف وي صاحبه واضن حتى اليوم ما يجي
_ اممم، جا كون يجن وي جدة
غاية : أي جا صدگ مو جدة هناك هسة يجن وياها
_ جا اگوم افرش لان أنا احب السوالف التصير بهيج أجواء
غاية : بكيفج
مشيت فرشت الهن والنه وعمة عطاء عد راسنه ،وبس كملت طلعت لگيتها تفتر بالبيت بس شافتني سوت روحها طبيعية، مشيت عدها
_ مبين عليج موزينة لا تمثلين گدامي لان راح اروحن لعمة
غاية : لايمعودة شبيج قابل جديد علي ساعة ساعتين واصير شحلاتني
_ انقهر من اشوفن هيج بالاخص من لونج يتغير
اجت حضنتني وببدال ما انا اخفف عليها هي تحلفلي مابيها شي وراح تصير زينة ،شوي واجن جدة و وياها بنات عمي كاظم ،صاحت بس
شافتنة
غمد : هاي شنو عيني شعدچن متحاضنااات
غاية : ولج صووتج أبوي نايم
نصت صوتها تسأل
غمد : ليش حاضنتهااا ؟
غاية : غير اختي واذا حضنتها
ابتسمت على حجايتها وغمد تخصرت منداره على سيوف
غمد : جا شبيج أنت ما تحضنيني
سيوف : صيغي حبابه بالاول
غمد : جا حتى جفون مو حبابه بس غاية حبابه
_ ياهي المو حبابه ولج ؟
غمد : أنت
غضة : گبل لا تتعاركن انا ماشية انامن
غاية : جدي نايم بالغرفة
غضة : اعارف ،افرشلي يمچن
عطاء : اجان خلتچن تسولفن بعد
غضة : لا خايبة شعدي وياهن
عطاء : نشوف
مشت غاية مدلتها فراش يمنه بالغرفة وردت
غاية : لو نوح موجود چان وديناه يجيبلنه حلويات
غمد : نودي علاوي ؟
چانت گاعدة على الدرج مبين مشدوه بس ما گدرت تضل ساكته
عطاء : علاوووي ،مو ثارده وياه بت كاظم
غمد : عادي عمة جا عمره قريب على عمري
عطاء : اممم
سيوف : غميده سوله بيها الا تغيغ الاسماء
صخر : السلام عليكم
سلم وسأل على نوح گالتله غاية مشى لصاحبه
أبو ميت ما حجه شي وصعد بعدما وخرت من دربه عمة
غمد : ولج ليش ما گتيله يشتريلنه
عطاء : ياهو اليشتريلچ ولج ؟
غمد : حجر
سيوف : غمدد
غمد : اتشااااقة شبيچن ،اريدن حلويات يله
سيوف : شحجيتي گدامها غاية هي هاي هم ينحجي گدامها شي
تريد ترد على سيوف وسمعنه صوت علي برا ،ركضت تصيحه
غمد : علاوووي ابن الدولة
مشيت وراها حتى هم اوصي علي على حلويات ،و لحگتني غاية وسيوف
علي : عدج مصلحة مو ؟
غمد : هاي شلون عرفت ؟
علي : من ابن الدولة ،گولي شرايده .
غمد : انا والبنات نريد تشتريلنه
علي : تأمرن
غمد : على حسابك غير ؟
علي : بس أنت
ضحكت واندارت علينه
غمد : حضرن فلوسچن
_ شگد حقيرررة
ما ردت عليها واندارت تحجي لعلي شني تريد
علي : بس ذن ؟
هزت رأسها ب أي وانا والبنات كتبناله الي نريده بورقة واطيناه فلوسهن ،بالنص ساعة ورد ،چنه فارشات بسط وگاعدات بالحوش بس شافنه غير طريقه، بأيده علاگتين من گامت غمد اطاها وحده والثانية اجه اطانياها
علي : هل مرة على حسابي بس مو تتعلمن خوش ؟
هزيت رأسي مبتسمة
_ خوش
غمد : جا من الاول ليش اخذت الفلوس؟
علي : ضميري انبني گلت مايصير اشتري بس لغمد لازم اشتريلهن وياها
غاية : خوش ضمير بس يخسرك
علي : أي والله ،شبيچن ما شايفات حلويات ،ضلت بس ستالاف من الخمسة وعشرين
_ يله لا تضوج ابوك يطيك
علي : وهيج أبوي سبورتي بس اگله اطيني يطيني
غاية : تصنف مو ؟
علي : شتشوفين
غاية : تصنف
علي : جا شمتاني ما اصنف ،اطني ببسي حتى امشي انامن
مشت غاية جابتله گلاص وردت صبتله بيه، گعد على دچات الديوان الخارجي ،يشرب ويباوع على شجرة النبگ
علي : هاي الشجره منو گاضي نبگها ؟
غمد : احمم
غاية : أم الاحم اكو غيرها
علي : يرادلها مزرعة مال نبگ
غمد : الله ،أي عليك الله ويوميا احوشن سله متروسة ترس
علي : اممم، عدي اقتراح
غمد : شنو ؟
علي : اجيبن شتل نبگ ونزرعه يم هاي الشجرة
گامت على حيلها
غمد : عليك الله
علي : أي والله ،بس تصيرلي فرصه اجيبلج
غمد : شگددد حباب أنت
علي : أي والله حباب وهنيال مرتي
غمد : أي والله صدگ
ضحك ومسح وجهه ومشى يريد يطلع بس صاحته
غاية : علي
اندار عليها
علي : هاا
غاية : عمة شو ماكو ما جاي تبين ؟
علي : لو نايمة لو تشتغل بالبيت
غاية : فد يوم اخذها لبيت خالتك تغير جو هناك
علي : گتلها
دنگ متغيرة علومه، مشت يمه غاية ما اعارف بشني حاجته رفع رأسه يحجون بصوت ناصي مبين ما يريد احد يسمع
غاية : لا توضج تنحل أن شاء الله
علي : أن شاء الله
أبتسم من شاف غمد مركزه وياهم ،ندستها
_ شعدج تباوعليه ؟
غمد : ما مباوعتله بس اريدن اعرف شجاي يحجون
_ اممم ،شتشوفي حلو ؟
غمد : امانه الله حجاية الحق تنحجي لازم
_ أي
غمد : حلوو وحتى مبين أكبر من عمره
نحجي بصوت ناصي ما منتبهين على عمة شوكت حطت روحها بيناتنة تتمسع على حجينة وفززتنه من گالت
عطاء : ايدك بالدهن علاوي
علي يباوع لعمة ما مفتهم شني قصدها
علي : شكو عمة ؟
انا وغمد نخزر بيها
عطاء : شني عود عبالچن اخاف ،بس راح اسكت
علي : على شني ؟
عطاء : امشي لبيتكم امك هسة خايفة عليك
رفع حاجبه وعمة ضحكت ،كلنه نعارف خوف عمة خالدة على علي شني ،بس مشى اجت غاية تسأل
غاية : شكوو عمة ؟
عطاء : هاي غميده تگول على علي حلو
سيوف : ياا يااا
ضمت روحها ورا غاية وسيوف خازرتها
غمد : والله ما اقصدد شي
عطاء : فلك الصاب عيونج حتى انا خوفتيني
اندارت على عمة
سيوف : طالعة عينها كلش
عطاء : شرايده منها البت تحجي على الاهيتها
سيوف : بس عيب
عطاء : ما سمعها
سيوف : بس أنت عمة چان گتيله الا شوي
عطاء : خطية ردت افرحه
غاية : عمةةة
بساع غيرت الموضوع
عطاء : اكلچن شني هاي العلاليگ
غاية : حلويات علي جابهن
عطاء : عزمني وياچن
غاية : تعاي كل الهلا بيج
أول وحدة گعدت هي واحنه مشينه گعدنه يمها فتحت چيس جبس تاكل وتباوع لسيوف،سألتها غمد
غمد : ليش صافنة بوجه اختي عمة ؟
عطاء : افكر احجي لو اضلن ساكته واخلي الوادم تباوع بالصور
سيوف : يا وادم ؟
عطاء : وادم معنسين
غاية : احممم
عطاء : خايبة شوكت يتحرك مو انفت گلبي من سكوته
غاية : وتالي وياج عمة
عطاء : اگللها
غاية : گومي نامي عمة مبين نعستي
عطاء : لا بس امشي احسلي
حطت الچيس بحضن غاية وگامت ،ضلينه گاعدات نسولف وناكل وبس أذن الفجر صلينه ونمنه ،وي ما فتحت عيوني صار صوت صيحة جدي باسم صخر بصوت
اخترق مسامعي، طفرت اركض بلايه حتى ما احطن حجاب على راسي ،الصوت العالي صاير اكثر شي يرعبني انرعبت من شفت عمة تبچي وجدة تحجي عليها بهتت بمكاني جامدة والخوف زاد وانا اريدن منهن جواب
_ شكوو، يمةة شكوو ؟
باوعتلي بعيون متروسات دموع
زهرة : نووح ،ولج جفوون نوم مگلوبة بيه الدراجة ولج يمةةة وليديي يمةةة
نشغت وما گدرت اضلن واگفه من حسيت الگاع افترت بي ،گعدت بمكاني اسأل بجدة وذيج هي الرجفة بصوتي مبينه
_ وهسة شلوننه ،خوما بيه شي جدة ،احجيي جدة وين مشوااا جدي وصخر
غضة : للمستشفى ،يااا يااا فلك شبييج
صاحت علي من شافتني صرت بالگوات اجرن النفس وحاطة ايدي على صدري انخبصن بي الا رد وضعي طبيعي وبس گدرت احجي گتلهن
_ لا تخافن بس لان انهبطت
غضة : بس هيج ،خايبة طيحتي گلبي دهر الدهر العدو
لمت وجهي بين اديها تتأكد
زهرة : يعني صدگ صرتي زينة
هزيت رأسي ب أي وعدلت گعدتي
_ والله، ما عارفتن شبيه نوح ؟
غضة : دخيل بختج ،ليش صخر اطانه مجال
گمت افتر بالمكان ،ما اعارف شني الاسويه هوسة براسي صايرة ،كلساع اباوع للباب وماكو احد اجانه عمة گضه
صبرها لبست عباتها وگالت تمشي تشوف واحد من الولد يخابرهم ،وانا حطيت عباة
جدة على راسي وطلعت وراها، اول شي مشينه لبيت عمي باقر وبس دگت الباب فتحه ضيرم مبين يريد يمشي لدوامه
بهت من شافنه بهل حال المگلوب
ضيرم : يا ستار شصاير عمة ،جفون شبيج ؟
چانت رچفه وحدها كافية على أن تقلقه
زهرة : ولك عمة ضيرم ،خابروا على صخر وگالوله نوح مگلوبه بيه الدراجه وما احد هنا ويخابره
عمة تحجي وكاضه ايدي مستنده عليها وهو بساع تغيرت ملامح وجهه لقلق يحاول يخفيه
ضيرم : هسة اخابرهم وان شاء الله من ماكو شي
رددنه انا وعمة متأملين بكلامه
_ أن شاء الله
دگ على صخر ما جاوبه ،استغفر حاير
زهرة : جدك هم ماشي وياه
دگ على جدي وگبل لا يفصل جاوبه ،حجه وي جدي وبس سده گال
ضيرم : لا يضل بالج عمة مابيه شي يخوف ،بس رچليه مكسورة
زهرة : ياايمةة يا نوم ،يمةة سودة علي ،ريت برچلي ولا رچلك
ضيرم : اسم الله، استهدي بالرحمن عمة ،شاب يطيب بساع
هيوفة : هاا ضيرم بعدك ما ماشي
الباب چان مفتوح ومن انتبهت علينه واگفين اجت تمشي بساع خايفة ،صاح عليها ضيرم تمشي على كيفها بس ما چنها سمعته
هيوفة : شصاير يمة ،شكوو ؟
زهرة : ماكو شي يمة
هيوفة : شلون ماكو شي جا شمطلعج هسة ؟
حط ايده ورا ضهرها وبهدوء گاللها مايريدها تنهبط
ضيرم : نوح مگلوبه بيه الدراجه
بعده ما مكمل وهي عاطت
هيوفة : يمةةة ،شبييه أخوي ضيرررم
ضيرم : لو بيه شي تشوفينه واگفين هل وگفه هاي ،اطيني مجال احجي
ما حجت وضلت تباوعله بعيون متروسات دموع، گبل چانت اقوى من هيج بس بعد ما ماتت ميمنة نوبات صرت اشوفنها بضعف ما شايفتها بيه گبل! !
جر شالها يغطي شعرها طالع من گدام وهي تتأمله متانيته يحجي
ضيرم : جدي يگول عده كسر برچليه وجاي يجبرونه
هيوفة : بس كسر
هز رأسه ب أي
ضيرم : هذا الگاله جدي ،راح امشيلهم انا وانتن طبن
كضت ايدي عمة وردينه ،و وي ما فتحنه الباب صارت گبالنه ،اجتنه تركض
غاية : هاا يمةةة ،شبيه نووح ؟
نزعت عباها عمتي مهدود حيلها
زهرة : خابر ضيرم على جدج وگاله عده كسر برچليه وجاي يجبرونها
غاية : يعني بس كسر ؟
هزت رأسها ب أي
زهرة : هيج گال ضيرم ،الحمدلله رجليه ولا غير شي
غاية : الف الحمدلله ،طاح گلبي والله من گالتلي جدة
زهرة : أنت مو چنتي نايمة شگعدج ؟
غاية : جدة گعدتني
عضت اصبعها ما راضيه
زهرة : اووف منج عمة
طبن هن وانا ضليت گاعدة بره على دجات الديوان ومن كل عقلي كلساع اباوع للباب وكل ضني هسة راح يردون
غمد : جفون
رفعت رأسي اباوعلها تمشي جايتني ،بس وگفت گبالي گالت
غمد : شني مشحوته گاعدة هنا ؟
_ متانيتهم
غمد : قصدج متانيه نوح مو ؟
_ هاا
حطت ايدها على خصرها تقلدني
غمد : اسكتن ما اريده ،اخوووي ما تفتهمن شني معنى اخوووي
وسعت عيوني ما راضية على حجيها وهي بنفس الوكت تضحك
_ انجبييي واذا خفت عليه
غمد : هو مثل اخوووي ،افتهمنه ،بس والله چذذب تحبيه
_ لا تخليني اغلط عليج وأنت أكبر مني
غمد : غبيةةة ما تعرفين بنفسج تحبي لو لا ،امدااج
جابتني بغمة بأثنين اديها ،باوعتلها مصدومة وهي خلتني بصدمتي ومشت تدردم، صحت وراها اريدن احجيها
_ علاوووي
اندارت رافعه حاجبها
غمد : انا هذا اسلوبي
_ بس علاوي هسة يحبج
غمد : خل يحبني منو كاضه
ضليت صافنه وراها عود ردت اضوجها تالي انا الضجت ،رديت گعدت بمكاني صاحتني غاية على الرويگ گتلها ما اريدن
غاية : عليج الله گومي امي اذا ما تشوفج تضوج
_ ما اگدر والله
غاية : حتى لو بس اگعدي
گمت وياها مستسلمه چانت حاطة الصنينة بالگاع كلهن گاعدات عدا عمة عطاء
غضة : خايبة جفون گبل لا تگعدين امشي گعدي عمتج
_ صار
بس طبيت للغرفة وشغلت الضوه عاطت
عطاء : غضب الله على راسكم ما تخلووون الواحد ينااام
_ شعدج نايمة گوميي
عطاء : رمووش اذا ما تولين مني اگومن اچفص بمصارينج
_ وهاي انا بت منير هيج تعامليني
شمرت علي المخده
عطاء : طاح حظج كسرتي خاطري
_ گومي جدة تريدج تتريگين
عطاء : هسة
_ مو تردين تنامين
عطاء : لااا
_ صوتج عمة شبييج
عطاء : ضايجة
_ دومج ضايجة تنامين تگعدين ما تتحاجين بس احنه خوش اوادم وحامليج
عطاء : ياا يااا
طلعت اركض من جرت مخده ثانية تريد تشمرها علي ،گعدت بصف عمة زهرة، ملتمات على الصينية بس ولا وحدة بيهن مدت ايدها
غضة : خايبة زهرة ما تاكلين مو گالج ضيرم نوح زين
زهرة : گلبي نار عمة ما ارتاح اذا ما اشوفه گبالي واگف
غمد : وين يگدر يوگف عمة غير رچليه مكسوره
شگد ما چنت ضايجة بس خلتني اضحك وحتى جدة ضحكت وعمة تنهدت تباوعلها مبتسمة
غضة : چنه بثنين صرنه بتلاثه ،والله عليج سوالف ياجدة
غمد : اروح فدوة لسوالفي اهم شي ضحكتوا
حطت ايدها على رچلين غمد
زهرة : هنياله الراح تصيرين نصيبه على هل لسان الحلو
سيوف : لا غيغج عمه ،بس گدامكم هيج
عضت طرف شفتها اريد سيوف تسكت وهاي نزلت دوسه ونص عليها مبين گلبها مورم
غمد : ولج شهرتينه ،خلي شي واحد ضامته شو كتيتيهن كلهن
سيوف : مبزعتنييي
غضة : سودة عليه حبوبة ،يله هسة نعرسلج ونخلصج من غمد
سيوف : يااا جدة
زهرة : عمةة
غضة : وروح أبوي اذا ما خليته يعقد عليها ورا سنة ميمنة شوفي
سيوف : منو هذا جدة ؟
حطت گبالها گرصة الخبز
غضة : اكلي جدة اكلي عليج بالصافي
ما ردت سألت ابد ،هاي لو اني چان ضليت لازگه يم جدة منا لحد ما تمل وتحجيلي ،اكلتلي لگمتين وگمت اللهي روحي بالشغل وهاي انا المستحيل انضد النضده نضدتها واخر شي ضل بس فراش عمة عطاء
جريت المخده من جوا راسها وهي عاطت
عطاء : صخاااام مو جفووون ،غضب الله على راسج وراسيي
_ گومي عمة گومي شهل كسل هذا
گامت خازرتني شكلها يضحك ما يخوف
_ ما تخوفين
عطاء، : الصلفه بت البدوية
_ جنج ابووج شگد غثيثه .
عطاء : هاي عليمن ولج ؟
_ عليج ،جا ليش تحجين على امي
عطاء : جا واذا گلت بدوية ،ولج أمج صاحبتي وهم چانت بعمري
_ أي اعارف
عطاء : جا اعتذري مني تجاوزتي علي
_ هلوو، ولا اعتذر
عطاء : مو اجي اشگج نصين
_ اگولن لعمو عليج حتى
عطاء : ضهرج قوووي ،انا الج بعيني
طلعت تتحلف بي وانا نضدت فراشها وطلعت ،و وي طلعتي طبوا صخر وضيرم سانديه و وراهم طب جدي وبرهان ،ضليت واگفه بمكاني ما تحركت ،عمة نشغت من
شافته چانت حتى ايده مصبوبة مو بس رچله ورأسه ملفوف
وهو حاضن عمة بأيد وحدة اجت عينه بعيني ،دنگت حايرة اضلن واگفه لو امشي اتحمدله بالسلامه ومن تقدمت عليه غاية مشيت وراها، عيونه چانت علي
حضنته غاية تتحمدلله بالسلامه وتسأل ليش هيج صار وياه
نوح : رديت من النجف اخذت الدراجة وگلت اسبح وانام وصار الصار
غاية : چنت تمشي سريع مو ؟
نوح : أي ،بس اريد اوصل تعبان كلش
ضيرم : تالي تفلشت
نوح : صدگ تفلشت
درت على صوتها المايع وراي
سيوف : الحمدلله على سلامتك نوح
نوح : الله يسلمج خوية
غمد : الحمدلله على سلامتك
ندستني تريدني احجي ،بصوت ناصي گلت وانا احسن العيون كلها علي مو بس عيونه هو
_ الحمدلله على سلامتك
نوح : الله يسلمج ،برهان
برهان : هاا ؟
نوح : عيونك دمعن رمش
طگاه على رگبته ونوح صاح متوجع
نوح : خررب لك رگبتي مجرووحه .
برهان : كض لسانك ادبسزز، بالحسين لوما مفلش
نوح : هاي من هسة بدت الوادم تعيرني
_ شعبالك بعد وبعد
نوح : أنت أول الشمات
وسعت عيوني أاشر على روحي
_ انا
غضة : خايب لا تضلمها حتى اجه يوگف گلبها من الخوف عليك
بهت يباوع علي وانا حرت وين اضمن روحي من المستحى ،صخر نتر ما راضي شني جدة تحجي هيج ،شردت للغرفة
وخليتهم جدة خرطت الأول والتالي ضيرم وبرهان ترخصوا ومشوا واسمعها ردت تكمل حجيها، اذني يمهم وازلغ بخدودي
غضة : والله يا حبوبة انقهرت عليك حتى هي وامك مشن لبيت عمك باقر خلن ضيرم يخابر على جدك
صخر : لا اله الا الله
هو ساكت ما سمعتله صوت ابد ،ضليت افتر بمكاني ليش هيج ساكت وما علق على حجي جدة ،معقولة صدگ صرت ما اهمه ؟؟
فتحت الباب تصيح بأسمي ،وبس شافتني ضحكت
غمد : انشهرتي وتخزيتي ياجفون
_ لا تزيديها علي ،كون اطلع اكل جدة بسنوني
غمد : ولج لو تشوفين شلون عيونه تعلگن وراااج
_ انجبي واسكتي
غمد : گلبج يطگطگ وتسكتين بي ،عليج الله اقبلي بيه حباااابه
طگيتها على ايدها وبين الحازة بخاطري تاجهله وبين اگولن لا ما اريدنه وهو ما يعنيلي شي
_ اسكتي بس اسكتي أنت ،لا اقبل بيه ولا يقبل بي
غمد : جا شلون تضلون هيج تكسرون الخاطر
_ اهووو
كضتني تضحك من ردت اطلع
غمد : والله صايرة عليج نفسية خايسة، هاي تأثيرات الحب هيج تسوي
_ تردين اردج لبيتكم مدمايه ؟
غمد : لا يمعودة بس افهميني انا اريدن أجر براسكم
_ اجر شنو ؟
غمد : مو اليجمع شخصين بالحلال اله اجر عظيم
_ أم عظيم سكوتج اجر صدگي
غمد : امداج جفون والله نوح خطية
_ هم ررردت ياربي هم ررردت
فتحت الباب وطلعت وهي وراي اجت تركض ،عيوني طاحت عليه گاعد بالصالة ،فز بوجع من حرك ايده وصاح
نوح : اخخ بوية اخخ
ضليت بمكاني اباوعله بقهر مبين كلش متأذي ،اجت تمشي بساع تسأله
غاية : هاا نوح شبيك ؟
نوح : گولي شنو المو بيك
غاية : ايدك توجعك ؟
هز رأسه ب أي وگاللها
نوح : اصعدي لصخر اسألي على الدوة اكو بيهن مسكن
غاية : اصعدي جفون ،وانا اعدل گعدتك شو ما گاعد عدل
نوح : اصعدي هسة ومن تردين
غاية صعدت وانا ضليت واگفه بمكاني ،كل مرة يرفض أي شي مني ،باوعلي ودنگ بموبايله، نزلت غاية وراها صخر مشت جابتله مخاد حطتهن وراه وصخر جاب الدوره من
السيارة واطاه لغاية ورد صعد ،گعدت تقراه تشوف منو تطيهياه هسة
غاية : عدك ابره مسكن لو تضربها هسة
نوح : جا لازم نصيح ضيرم
غاية : امشي صيحه أنت مادام تگدر تمشي
نوح : بدت الذله
أبتسمت
غاية : امشي اصيحه انا ؟
نوح : حتى تشوفين عزيز مو ؟
غاية : لا والله
علي : السلام عليكم
ردينه عليه السلام وهو ضحك من انتبه لنوح
علي : هاي شبيك ؟
نوح : انگلبت بي الدراجه، صارت قطية دايسيها مو دراجه
علي : والله انا الاشوفنه ماكو غيرك قوطية مديوسة
نوح : أي والله صح
مشى گعد يمه
علي : شو مكسر كلش
نوح : زين مكسر، انا گلت هذا يومي حتى تشاهدت
علي يضحك عليه ونوح يصنف على روحه، باوع علي يسأل
علي : جا ام النبگ وين ؟
مدت رأسها من غرفة امي
غمد : هناا
مد جسمه يباوعلها وهي مبتسمه
علي : انا گلت راح الگاج صاعده على النبگه
غمد : گلت بعد شوي احوشن
علي : هسة انا اصعد اجيبلج
غمد : تسوي فضل
علي : تدللين
عدل گعدته من نوح طگه على رچليه بايده السليمه
نوح : مجنص والعباس
علي : قل اعوذ برب الفلق
نوح : شبساااااع
علي : ما افرق عنك شي هم تعتبرني مثل اخوها
نوح : گول وعلي
علي : وعلي
نسوا انا واگفه وما سكتوا الا بعدما علي انتبه علي خليت ومشيت للمطبخ محترگ گلبي ما اعارف على شني ،ضليت اساعد عمة بالغدا
زهرة : خايبة جفوون ،ماي الطماطه كله بالسنك طاح
فززني صوتها الا انتبهت على روحي جاي اصفي ما الطماطه بالسنك مو بالطاسه
زهرة : وين بالج يمة
_ صفنت شوي
زهرة : طلعي طماطه واعصريها
_ صار
سويت مثل ما گالتلي وبس كملت كفيت رداني اغسل مواعين الطبخ ،عمة مشت للصالة وانا ضليت افتر
ما اريدن امشي ويحترگ گلبي اغسل بالسنك وفات مني علي، عبرني بس رد
كل ضني رايد شي ،سألته
_ شتريد ؟
علي : ارضي بنوح ترا مبين واحد يحب الثاني بس تكابرون
_ يعني ما رايد شي ؟
علي : مو صوجج صوجي انا الاحجي وياج ،هو أنت مال حب ،مال زوج صخور اسرحج بيهن
_ تسوي فضل
هز ايده وطلع ،غسلت وجهي حايرة امشي لو اضلن وهو مبين ما طايق شوفتي، انتبهت عليها من طبت شربت ماي واجت يمي
سيوف : جفوون شعدج هنا وحدج
_ اغسل مواعين
سيوف : جا مو فاغغ السنك
_ هسة كفيتهن ،روحي وانا جاية وراج
سيوف : خوش
عدلت حجابي ومشيت وراها ،چان مندمج يسولف وي غمد وغاية من شافني سكت وچن سديت حلگه ،ما حجيت شي وحتى من صاحني ما مشيت يمهن وگعدت على الدرج
غضة : هاي شبيها شو صايرة ما تحجي ،اضن عقلت
غاية : لا جده تلگيها جاي تفكر تريد حيوان جديد
غضة : جا يا حيوان المخليها هيج تضوج
درت مبتسمة اباوع لجدة ونوح صاح
نوح : سالمين جدة ؟
غضة : ومنو يمك أنت
گمت على حيلي اسويله درب يصعد بس وگف من شاف نوح
ليث : هاي شبيك ؟
غضة : انگلبت بيه الدراجه
ليث : وهيج تفلشت
نوح : شوفة عينك
ليث : هسة تطلع مضوج وحدة من القوارير وهيجي صار بيك
نوح : ما محاجيهن أصلا
ليث : جا شوف خاف مسوي سيئات
نوح : لا
ليث : گبل گبل راجع روحك
قاطعتهم غاية من سألته
غاية : ليش هيج مطين ؟
ليث : مكاين الماي عطلانات وخابروني مشيت صلحتهن وياهم من الفجر لهسه
غضة : وتالي صارن ؟
ليث : أي بس طاح حظ حظي
غاية : طب اسبح وانا اجيبلك هدوم
ليث : بعد اخوج
غاية : چم ليوثي عدنه
ليث : واحد
غاية : أي جا بدلا
علت شواربه مبتسم ،طب يسبح وبس طلع غاية ودته على ضيرم يجي يضرب الابرة مال مسكن لنوح لان گبل شوي گال خلوها بعدين وهسة بده
يصل عليه الوجع الا استسلم، اقل الربع ساعة وطبوا ضيرم وهيوفة فزيت من شفتها ،ومشيت بساع احضنها ما مصدگه طبت بيتنه بعد كل هاي الاشهر
بادلتني الحضن تداهرني بالگوة على روحها
هيوفة : جعصتي ابني ولج
وخرت اباوعلها بأبتسامه واسعه نابعه من كل گلبي
_ الله هداج واخيرا
هيوفة : دست على روحي والله
_ ميخالف اهم شي اجيتي، والله اريدن اطير
اجن سلمن عليها سيوف وغمد واخير وحده غاية حضنتها وفرحتها مو اقل من فرحتي وعمة من بعيد تباوع علينه وبعيونها الدموع
غضة : خايبة الريشة تعاليلي مابي حيل اگومن
مشت لجدة ،سلمت عليها وگعدت يمها وجدة تعاتب بيها
غضة : ليش هيج حرمتينه شوفه طولج بالبيت كل هل أشهر هاي
هيوفة : مو بيدي جدة ،انا هسة جاي اموتن لان طبيت وهي ما تلگتني
غضة : جا هي عزيزة قابل بس عدج ،عدنه كلنه بس شنسوي الايام تمشي وما توگف عد ممات احد
هيوفة : اتمنى اقنع جدة ،بس هي ما تروح من بالي ابد ،احسن فاقده قطعة من روحي وحياتي بيها نقص لو شگد كملت تضل هي غصة عدي
حطت ايدها على بطنها
هيوفة : حتى نساوتي مابي حيلها وكل ما أتذكر شلون چانت تهون علي بذيج نسواتي اشتاگلها ،واشتاگ لگعدتها وياي من چانت بأيدها تعصرلي البرتقال تسوي عصير وتجيبه حتى بيه ابرد معدتي ولا اضلن يابس ريگي
تحجي وتبچي ،اجه ضيرم من شافها بهل حال بلايه ما يسأل گعد يمها ومبين هو اكثر واحد
يعارف بحالها هسة ،حضنها لصدره يمسح على زندها ويحجي وياها يريدها تهون على روحها
ضيرم : كافي هيفاء ،مايصير هيج وأنت حامل
وخرت منه تمسح بدموعها من صاح عليهم نوح
ضيرم : شبيك ؟
نوح : طرطور گدامكم انا ؟
ضيرم : حشاك ،اگعد عدل رجليك غلط وضعيتها
غاية : راح يعل گلبي منا لحد ما يطيب
ضيرم : مبين ،تضلين هنا ؟
هزت رأسها ب أي ،مبين جاي تجبر روحها لخاطرنه
ترخص ضيرم ومشى وشوي وطب ليث وصانه ساعتين ونگعده لان عمة تريد يسوگلها حتى تسوي عشا لوجه الله تعالى علمود سلامة نوح ،بنات عمي كاظم رادن يمشن بس جدة
گالتلهن وره العشا وللمغرب كلها التمت علمود العشا وخبصتنه خبصه وهل مرة مدينة السفرة بالصالة الزلم بجهه والنسوان بجهه وكل ما اباوع لهيوفة الگاها صافنه ،انتبهت عليها حتى ما اكلت ،تنهدت مكسور گلبي على الحال البيها هي ،شگد ما نحزن على ميمنة بس حزن هيوفة يخلينه نحس بفقدانها من صدگ ...
غمد : جفوون
درت عليها
_ هاا
غمد : يباوع عليج
عرفت قصدها بس دست على روحي وما درت عيوني عليه
غمد : اگلج .
_ گولي
غمد : راح اخذ اختي واهج
_ ليش ولج ؟
غمد : هنا الوادم عيونها مالحه
_ قصدج زايغة ؟
غمد : أي عفية
_ هنا كلها عشاگ
غمد : برهان
_ اگلج شي بس لا تگولين
تدنت علي اكثر
غمد : لا وعلي فلا احجي
_ برهان يحب اختج من وهي زغيررة حتى شايل صورتها بمحفظته
غمد : يمةةة
صاحت بصوت عالي خلت كل الگاعدين ينتبهون علينه، بس هي چنها بركة بساع لزگتها
غمد : المرگة حارة شربت منها واحترگت
غضة : جا غير تنتبهين ياحبوبة
غمد : چنت اسولف وي جفون وما انتبهت
غاية گبالنه مزغرة عيونها، حمحمت غمد تريدها تعدل ملامحها وبصوت ناصي همست
غاية : شگد چذابات
ما حاجيناها رغم تعارف بينه سمعنه الگالته ومجبورين نغلس
حواري : خررب ببليسج حوراء ،اخذيهاا مني ريحانة راح تموتني
شالتها وحطتها بحضن ريحانة
عبد الحق : شبيها ؟
حواري : الا تريد تاكل هي
گامت تغسل لان تدمرت منوره حوراء ،شوي وردت تاكل ،وبس كفينه السفره الزلم كلهم مشوا للديوانية
غاية تسوي جاي وانا اعزل المواعين وي حواري
لهناك وصفنت متذكرة
_ تتذكرين من چنت انا وياج نبجي من المواعين
حواري : بعدنه لهسه مرات من اشوفنهن هواي اريدن ابجي
_ كبرتي وصرتي أم زحمة تبجيج المواعين
مشت تغسل ايدها وتحجي
حواري : انا لهسه ما مصدگه هذولي جهالي
سيف : ماما
يجر بثوبها دنگ تحجي وياه وهو يشكيلها
سيف : عواا، عواا
حواري : عوون وياك مووو ؟
سيف : اوو
مبين عون طاگه لان يأشرلها على راسه، اخذته حواري ومشت للصالة تدور على عون وانا گابلتني عمة خالدة نغسل بالمواعين وهي ساكتة مو من عادتها
_ عمة
خالدة : هاا
_ بيج شي ،مريضة احسج .
خالده : لا كلشي مابي بس شوي ضايجة متحاجين انا وعمج
حواري : هذا عون طلع صدگ طاگه ومن مشيت اشكي لفقار كلهم يدافعوله حتى جدي
_ جا هذا عون بعد
كفت رادانتها تساعدني ،وبس تذكرت بطوطي ما مطببتهن طلعت اركض طببتهن ومن ردت ارد سمعت صوت بسبسه ومن انتبهت جانوا عزيز وغاية واگفين يسولفون وهي قريبة عليه كلش ،طبيت
اركض مبتسمه منظرهم چان حلو شلون رافعه راسها تباوعله من يحجي وهو كل شوي يصفن يتألمها ويرد يكمل
°غاية°
عزيز : مايصير هيج وداعة عيونج ،يابة شني هاي لازم اتبره منج گدامهم
كضيت ايده مقهوره لان هو هيج ضايج
_ جا شنسوي مو تعارفهم أنت
عزيز : اعارف بس مكشلتي ما جاي اشبع منج
_ اممم
عزيز : راح يختفي لسانج مو ؟
أبتسمت
عزيز : أي مبين اختفى
_ عزوز
عزيز : روحه يابه ،بوسيني شبيج صار ساعة المحلج ما يفيد
رفعتله حاجبي بمعنى لا والله ،لف ايده على خصري وقربني عليه ،وبأيده الثانية وخر شالي
همست بصوت ناصي من قربه علي متأكده يسمعه
_ عزيز
دنگ على رگبتي ،نشغت من حسيت بشفايفه الدافيه تمشي على رگبتي ،ضغطت على ايده حيل مكزبز جسمي من ملمسهن
عزيز : اموتن بترافتج
ضاعن مني كل الحجايات وما على لساني غير اسمه ،طبع بوسه على خدي وانا احسن بروحي اريد اختفي، همس وجهه بوجهي
عزيز : ما سويت شي
_ كل هذا وما سويت شي ؟
عزيز : هاي نواعم حبيبتي
_ وخر عزيز وخر
وخرته ارجف وهو يضحك علي ،اطاني شالي لبسته ومن ردت امشي كضاني
_ شكو ؟
عزيز : وين ماشيه بهل حال ،تريدن تصيرين ميز ينصبن عليج كلهن والله
_ جا من الاول ليش هيج سويت
عزيز : ما اگدر اكض روحي وأنت بالسنة حسنة تطيحين بأيدي
جريت نفس وگعدت وبس اجه گعد يمي ردت اطفر كضني يضحك ويحلف ما يسوي شي ،شوي وجرني عليه من باوعتله گال يبرر
عزيز : بس احضنج شبيج نحسه
_ انا نحسه ؟
عزيز : لا ليث
_ ضنييت انا
رديت رأسي على صدره ،دگات گلبه قوية ،حس بي انتبهت عليهن
عزيز : تتخربط كل أحوال عزيز من يصير بهل قرب من غايته
_ اممم
وخرني وبأبهامه يمسح على خدي
عزيز : قضيتي الچان نهايتها الربح
_ يعني صرت قضية انا
عزيز : واحلى قضية من بدايتي لليوم وكل يوم بيه أنت
غطيت وجهي وهو ضحك ،لهناك وفززني صوت ليث يصيح على بأسمه
عزيز : لا اله الا الله ،هذا احد موصيه عليه لو شني
گمت ارجف حايره وين اطي وجهي ،كض ايدي حتى ليث نساه من شافني بهل حال بس انا ضل كل بالي يم صوته البده يختفي بالتدريج
عزيز : خرررب ببليسك ليث ،لج راح يوگف گلبج عساه شااافنه ناهبج انااا ،اتنفسي غالية
جريت نفس ايدي على گلبي ،وهو يراقبني منا لحد ما استقر وضعي شوي گومني
عزيز : امشي طبي وحتى لو سألنح وين چنتي گليلهن يم عزيز ترا هن بنات حالهن من حالج ومو لازم تستحين گدامهن
هزيت رأسي ب أي ورفعت روحي على اطراف اصابع رچلي بسته من خده بسرعة
_ اسفة لان خوفتك
عزيز : خفت عليج أول مرة اشوفنج هيج
_ لازم تتعود
عزيز : ماريد اتعود ولا اشوفنج هيج
_ امم، تخاف علي
أبتسم
عزيز : جا شلون ،يله طبي
_ صار
مشيت گبله وهو ضل گاعد ،بس طبيت بده المغامز وعود اسوي روحي ما اشوفنهن بس ما يفيد
غمد : احمم
وگفت گبالي مبتسمه
حواري : اخوي شلونه
_ عساس ما شايفته أنت
حواري : شايفته بس ردت اسألج عليه ،وين چنتوا صارلكم ساعة ؟
_ برا
اندارت على هيوفة من طبت للمطبخ
حواري : اختج واخوي اصلف منهم ماكو
_ منج تعلمت الصلافة حوريته
حواري : جا انا من يوم يومي صلفه ،واذا زعل الله وكيلچن اطگ الدشداشة الدلع اخليه يصالحني وهو الممنون
خالدة : هم طلع بيچن بله
حواري : جا شعبالج عمة ،اذا تردين اعلمج بالخدمه
خالدة : مايفيد
حواري : اممم، اگلچن انا لازم اروح خطية عمتي وبركة ضالات وحدهن
هيوفة : ليش ما اچن ؟
حواري : ما يگدرن ،خل امشي وزعاطيطي عينچن عليهم
جفون : جا ما تاخذيهم وياج ؟
حواري : ما يرضون اعارفهم لازگين يم ابوهم، دوم اگله لا تعلمهم هيج عليك يشلعون گلبي بس ما يفيد
جفون : جا خليهم وأنت شوي وردي
حواري : أي اردن لان ضايجة والله ،احس طاگني إكتئاب من هذا الزين
غمد : اريدن نبگ ،وين علاووي
گرصتها وسيوف طگتها ،همستلها من انتبهت عمة خالدة جاي تباوعلها مستغربة
_ مو گبال امه
غمد : ترا علمود النبگ شرايده منه اني
خلتنه ومشت للصاله ضايجة من تصرفنه وياها بس هي بعدها ما تعارف عمة خالدة شني ،على وگفتنه و اجه علي گبل لا يطلع صاحته امه
خالدة : وين ماشي ؟
علي : احوشن نبگ لغمد
خالدة : هاا يعني اجت گالتلك ؟
طبگ حواجبه ما مفتهم
علي : شتگلي ؟
خالدة : مو هي گالت تريد تحوشلها نبگ
علي : انا مواعدها ونسيت
باوعلي
علي : اطيني سله زغيره
طلعتله سله من الكاونتر واطيتهياه، عمة بعد ما حجت وهو خله وطلع ،مشيت وراه اخافن لا يطيح بس شافني أبتسم
علي : ترا ما علي شي
_ ميخالف ،حوش بساع وانزل
علي : صار يابة
ضليت اباوعله بين ما كمل ونزل ،حط السله بأيدي
علي : اطيهياه
_ليش مو أنت تطيها ؟
علي : تغشمين روحج ؟
رمشت بعيوني وهو ضحك ،هو مشى للديوانيه وانا مشيت للصاله چانت گاعدة يم جدة ،مديتلها السله وبس شافت البيها اخذتها فرحانه وسألتني
غمد : أنت حشتيه ؟
_ لا، علاوي
غمد : حباب ما نسى
گعدت يمها وهي تاكل سيوف رادت منها اطتها بس وحده
سيوف : امداج شگد نحيسه
غمد : امشي لعلاوي يحوشلج
_ بعد نسميه ،علاوي نبگه ،على گد ما يحوشلج نبگ
اطتني نبگايه ،هزيت ايدي ورديتها للسله وهي مبتسمه تباوعلي
غمد : خوش اسم حلو "علاوي نبگه"
التميمنه بالصالة لمه مستفقديها صار هواي بس تضل ناقصه مو مثل گبل ،وصيت ليث
يجيبلنه حلويات ورديت گعدت يمهن وطبت حواري
گعدت يمنه
حواري : رديتلچن
_ هلا بيج
هيوفة : ليش ما لحيتي على بركة تجي وياج
حواري : حاجيتها والله فلا رضت
هيوفة : جا شلون تضل هيج وحدها
حواري : يمها ميمنة الزغيره
غمد : شو هاي ما تريدج كلش
حواري : متعلقه ببركة هواي حتى اكثر من عمتي
هيوفة : اريد اشوفنها، صار هواي ما شايفتها
حواري : فد يوم ادزها الج ،صايرة تنوكل اكل يوميا الگه اديها معضعضات
سيوف : منو يعضهن ؟
حواري : جعفر ،وكل ما اگله لا تضعها بعد يگلي ما اتحمل اعذريني
ضحكت وردت تكمل
حواري : وحتى هي من يعضها تعلمت فلا تبچي
غمد : خطية قهرتني
حواري : انقهري على روحج ،شوفيها حتى ما تريدني متعلقة بيهم
ليث : غاااية
طلعتله بساع وانا اصيحن
_ جايتك
بس وصلت عده حط علاگتين الحلويات بأيدي
ليث : رايدات شي بعد ؟
_ لا سلامتك ،ضغطك شلونه ما مشيت قسته ؟
ليث : قسته
_ أي
ليث : صاعد
_ هواي ؟
هز رأسه ب أي
_ اسويلك جاي نومي ؟
ليث : ياريت
_ تدلل
ليث : راح امشي يم الولد من يكمل صيحيني
_ خوش
رديت للبنات اطيتهن الحلويات ومشيت للمطبخ جبت نوميات البصره وگعدت يمهن افلسه وبس كمل مشيت للديوانية بأيدي الگلاص ومن دگيت الباب طلعلي ليث اخذه مني ،وجر راسي يبوسني و من جوا اسمع صوته يحجي
عزيز : مايصير هيج هذا يسمووه طيحاان حظ
اندار عليه
ليث : شبيك ؟
عزيز : شبي ،سلامتك كلشي مابي
باوعلي متقصد يغيض عزيز من يحجي
ليث : طبي جوه حبيبتي
طبيت وخليتهم وراي يتناگرون ،وگبل اذان الصبح كل الموجودين مشوا وبس بنات عمي كاظم ضلن عدنه ثاني يوم وداهن برهان وبالليل اجونه صاحب نوح الميت ابوه وعمامه وخوانه علمود يشوفون
نوح
وعلى نفس الروتين ما ضل شي وتبدي المدارس گاعدة افرك برچل جدة وطبن ثنيناتهن جفون وحواري، وراهن عمة نجوى تتحلف ما تمشي وياهن بعد بس هن لا بعينهن ولا بحاجبهن گعدن گبالي يشوفني شجايبات
غضة : خايبات فلك سويتن، جايبات السوگ كله
حواري : جدة بعدلي حذاء وجنطه ما جايبة باجر امشي اذا مشت بركة
غضة : تداوم ؟
حواري : بلكت لان الولد جاي يلحون عليها
غضة : الله يهديها عاد تطلع تغير جو شوي
اجت امي من المطبخ ،سلمت على عمة وگعدت تشوف غراض جفون
زهرة : جا شو قميص واحد مو گلتلج جيبي ثنين
جفون : خلصن فلوسي
زهرة : باجر حورية جيبليها قميص وياج
حواري : صار
نجوى : گتلها اطيج فلوس ما رضت گالت كملت ما اعارف بيج موصيتها على قميص ثاني
زهرة : نعم الله عليج خية ،وانا هم وصيتها اذا عوزت تاخذ منج بس بتي عنوديه
گامت جفون ودت هدومها للغرفة وردت شوي ومشن عمة وحواري ،گعدت يم جدة جاي اتابع مسلسل من گضت گالتلي
غضة : گومي جيبلي البكرات والسنارات خل احوكن
_ وانا هم احوك
غضة : خوش بس گومي
گمت جبتهن الها ورديت ،اول شي بدت تعلمني ومن شافتني بديت اشتغل صح عافتني تحوك وحدها و كلساع تباوعلي
غضة : على كيفج حبوبة لا تستعجلين
هزيت راسي ب أي وكملت ،گبالنه على الدرج چانت گاعدة جفون وصافنه، صحتها
_ ما تجين تتعلمين اذا ماعدج شي ؟
جفون : ما اريدن ،اگلج
_ گولي
جفون : اريدن هدوم لكتكوتي
غضة : ياا المن ولج ؟
جفون : لكتكوتي جدة
صفنت عليها جدة ،واستسلمت من صارت تتوسل بيها ،صاحتها تجي يمها ،طفرت من مكانها وگعدت گبال جدة
جفون : اريد تنوره
غضة : جيبلي الكتكوت اشوفن شكبره
ركضت بساع جابته وردت ،اطته لجدة
جفون : باعي جدة زغير حتى ما يكلفج هواي
غضة : خوش رديه
ردته المكانه واجت سألتها جدة على اللون رادتها خضره، ضلت مگابله جدة منا لمن گضت وبس اخذتها من جدة گالت
جفون : شجيب الشته واللبسها اله
_ خايبة صدگ منا لمن يجي الشته الكتكوت كبران
جفون : اجيبن غيره لو اگفف الدجاجات
غضة : شوكت تكبرين وتبطلين هل سوالف
جفون : ما اريدن أكبر جدة حتى لا ابطلهن
غضة : الحمدلله على نعمة العقل ربي
ما ردت على جدة من طب نوح ،عيوني تتبع عيونها من ضلت تباوعله منا لمن صعد ،ودنگت تدردم وي روحها
زهرة : يمة غاية اصعدي گعدي ليث ينزل يتغده
هديت السنارات من ايدي وگمت صعدت ،فتحت الباب وطبيت وانا اصيح بأسمه ،فتحت الضوه ومشيت ندهته من چتفه چان نايم على بطنه
_ ليوثيي، ليث خوية اگعد
گلب روحه يباوعلي بنعاس ،رفعت شعره النازل على وحده من عيونه
_ گوم اكل ورد نام ،يااا ليث لا تنام
ضحكت من رد غمض ،مديت أيدي على اچتافه اندهه وانتبهت على شي غريب اول مرة اشوفنه بأستغراب ضليت اباوع ،چن هذا وشم ؟؟
مثل الكوكب مرسوم بين عظم الترقوة وگلبه وكاتب جواها كلمه "محور"
لو احد غيري شايفه يجوز ما راح يفتهم المقصد منه بس انا كلش زين اعارف بسالفته والمقصد شني بيه
شلت دولكه الماي اهدده
_ اذا ما تگوم انگعك والله
طفر لاف روحه بالغطه
ليث : نعسااان شبيج ما نايم
_ اكل ورد نام
تنهد وهز رأسه
ليث : هسة بس ابدل وانزل
_ بسااع
نزلت وخليته بوجهي مشيت للمطبخ احظرله غداه وامي گاعدة تلف كبه ،تحب تجمد كبه تگول لوكت العازة
زهرة : سويله ثريد حتى يشبع
_ صار
طلعت خبز من الثلاجة بين ما يموع گصگصت خيار سويتله زلاطه وطاسه طرشي واجه هو گعد يم امي بس كملت حطيت گباله الصنينة ومثل
كل مرة يتشكر مني وچن مسويتله فد شي چبير ..
طب من برا بايده موبايله
صخر : السلام عليكم
ردينه عليه السلام وامي وگفته من راد يمشي
زهرة : ما تتغدا بعد امك
صخر : متغدي يم ابو درع
زهرة : بالعافية
يحجي وي امي وعينه على ليث الابد ما رفع رأسه ملتهي ياكل
صخر : ليث
رفع رأسه
ليث : ها خوية
صخر : شعدك امس يم ابو درع ؟
ليث : انا ؟
صخر : جا منو غيرك
ليث : هيج سيرت عليه
صخر : لا تچذب ،حجالي
ليث : شحجالك
صخر : احجيلي أنت حتى اشوفن الحجاه صدگ و لا
ضحك ليث وگام شال الصينية غسل و وگف گبال صخر ،طبطب على چتفه
ليث : سوالفك هذن مشيهن على كل الوادم بس علي ما يمشن
صخر : جا احجي بالمختصر ،شعدك وي ابو درع ومن شوكت أنتم صحبان
ليث : لان هو صاحبك گلت اقوي بيه علاقه
صخر : مشيهن على الدبه ،تعارفني اذا حطيت احد براسي واذا دورت وراك ولگيتك ضام شي علي حظ حظك اطيحه
ليث : من تلگه گدامك انه
صخر : والله بيك راچدي اهبط ضغطك الصاعد نهار كله
ليث : خطية مو أنت بحياتك ما صاعد ضغطك
صاح عليه وليث يضحك خله ومشى يطلع من المطبخ يشرد بريشاته
صخر : سويلي جاي
_ تدلل
گعد يم امي وانا حطيت القوري على النار وامي تحجي عليه
زهرة : ما كافي يوميا ماشيلك لمحافظه علمود خشبات وياريت جاي تشتغل بيهن تارسات الاراضي
صخر : ياهو الگالج تارسات الاراضي ؟
زهرة : نوح
صخر : السالفة وما بيها احصلهن بسعر زين احسن من العدنه هنا وخشب تكمه ما يتفوت
زهرة : بعد لا تمشي اگضي العدك ياله
صخر : الله كريم يمة
اخذ مني گلاص الجاي خاطه يشرب هو صافن وانا صافنه عليه ،بشني جاي يفكر ،من انتبه علي درت عيوني بساع منه وكمت اشرد من المطبخ و وي ما طلعت صارت بوجهي عمة عطاء ،انطگيت بيها وهي عاطت
عطاء : وحووول حتى حول ،شبيج متيهه دربج .
_ مابي شي
وخرتني من دربها ومشت للمطبخ، شبيهاي هاي الوادم ما تتحاجه
ليث : غاااية ،رويحتيي
ضحكت ورفعت رأسي اباوعله يحاجيني من فوگ ماد رأسه من المحجر
_ شتريد ليوثي احجي من الاخير
ليث : بعد اخوج اريدن تكويلي قميصي عدي طلعة
_ وين
ليث : اكويه وبعدين تعارفين
_ خوش ،اطينياه
ليث : اوگفي بس اجيبه
شمره علي من فوگ كويته وصعدت اخذته اله ليگته يمشط بشعره، اخذ مني القميص يلبسه وانا ما گدرت ما اساله
_ ليوثي
ليث : ها عيوني
_ شوكت سويت الوشم
باوع علي وباوع للوشم
ليث : گبل شهر هيج
_ جا شو هاي اول مرة اشوفنه
ليث : ما چنتي منتبهه
_ امم، زين وين ماشي ؟
ليث : موصي الصايغ على گلاده لجفون تصميم خاص وأليوم استلمها
_ عليك الله
ليث : أي والله
سد اخر دگمه من دگم القميص و وگف گبالي
ليث : تداومين وياي هل سنة مو ؟
هزيت رأسي ب أي
ليث : عفيةة سباعية
_ لخاطرك والله ما عدي واهس
ليث : جا انا ليوثي يهون الما يهون لخاطري
_ طبعا
ليث : اورحلج فدوة انا وعزيز
أبتسمت ما يگدر ما يحط عزيز بالنص، يغار منه كلش وعزيز هم يغار من ليث وضالين هيج
ليث : راح امشي ،بس مو تگولين لجفون
_ لا ابد ما احجي
نزلنه انا وياه سوا هو طلع وانا گعدت يم جدة حايرة وين اطي وجهي من الضوجة ،وللمغرب طب ليث صاح على جفون ،اجته شايله بطتها
ليث : مو ضليت بس انا تطلبيني هدية نجاحج ؟
جفون : بس أنت ونوح
ليث : خل يولي، المهم انا ما ردت اطيج فلوس ردت شي يضل عدج تذكار
جفون : أي
مدلها علبه حمره حجمها وسط
ليث : هاج
نزلت البطة بالگاع ومشت اخذت العلبه من ايده فتحتها وصاحت
جفون : الله تخبببل
مشيت يمها اشوفن الگلاده وابتسمت من شفت اسمها مكتوب بحجم وسط وجواها ورده ازغر من حجم الاسم وگبلها ال
جفون : ما افتهمت شني يعني ال ،المن حاطها ؟
ليث : جفون الوردة معناها
ضحكت تباوع للگلاده وانا مبتسمة على فرحتها فرحانه
ليث : تعاي غاية
بس وگفت گباله اطاني علبه زغيره
_ الي
ليث : جا خوما ما اجيبلج شي
_ يااا
ليث : شوفيها
بس فتحت العلبه ضحكت
_ شنوو هاي يجننن
چان محبس بشذره زرگه تلمع
ليث : تستاهلن
حضنته فرحانه وجفون من بعيد تگله
جفون : والعباس مثلك ماكوو ،عمي هنيالهااا مرية اخوونه على هيج زلمه
ليث : هنيالي انا لو ردتلي
يهمس يسمعني، وانا بساع عيوني تفضحني وادمع ضحك يمسح عيوني وجدة تسأل
غضة : ياا يااا هاي ليش تبچي ؟
ليث : فرحانه جدة
چتفت ايدها و وگفت گبالنه
عطاء : جا انا مو عمتك ما عارفت تجيبلي شي وياك ؟
جفون : أي حلويات هن مو ذهبات
عطاء : انجبيي رموش
ليث : الله لا يعوزج علي عمة البتوت تارسات ايدج اما من احتاج اجي اداين منج چم واحد
رفعتهن تحركهن وصوت خرخشتهن چن فلوش يحجن
عطاء : شحدك ،وداعة ابوك ولا واحد اطي ،لا تحط عيونك عليهن خووش
ليث : وحگ مكه أنت ما تتعاشرين
عطاء : أي خووش
ما اهتمت ابد لحجيه وهو يضحك ،لبست المحبس اباوع عليه يخبل
ليث : ايدج محليته تعارفين
_ جاملني
ليث : لا والله ما اجامل بس هذا الحگ
غضة : فدوه الادياتها يخبلن مصبوبات صب
كض ايدي بباوع للمحبس، وشوي ورفعها لوجها باسها وعلت شواربه مبتسم من شافني اباوعله باهته
ليث : تنباس هاي الايد القدمتلنه كلشي بكل محبه
_ يابعد روحي خوية
غضة : الله يديمكم هيج وتضل گلوبكم متصافيه العمر كله
وانا وياه رددنه
_ امين يارب
ليث : امين
جفون : احس غرت انا
ضحك ومشالها، باسها من رأسها
ليث : أنت هم اختي
جفون : جا طبعا
على وگفتنه وطب أبوي سلم ومشتله جفون تشوفه الگلاده
جفون : شوف عمي ليث شجابلي
باوع على الگلاده وابتسم
محمد : تخبل، بالعافية عليج عمي
جفون : الله يعافيك
رفعت ايدي اشوفه المحبس
_ وانا بوية جابلي محبس
ضحك بباوع ل ليث
محمد : شني بوية ليث فلوسك هواي ؟
ليث : ما اعز الفلوس عليهن بوية
محمد : بعد ابوك ،عفية عليك
°بركة°
حطيت ميمنة الزغيرة بكاوكها ،شگد ما تعلقت بي حتى كاروكها خليتهم ينبصون يمي بالغرفة ،تنهدت اباوع لشكلها كل ما جاي تكبر تشبه ميمنة اكثر چن نسخه زغيرة منها
حواري : برررركة
فتحت الباب تصيح ،درت عليها
_ صووتج ولج هستوها نامت
حواري : حق يريدج
_ شيريد ؟
حواري : اندري
_ والله فد چذابه تعارفين
حواري : بسااااع تعاي
طلعت گبلي وانا لحگتها ،چان گاعد بالصاله بس شافني گال
عبد الحق : تعاي اگعدي يمي احاجيج
ضليت واگفه بمكاني اراجع روحي شسويت ،بس شكله هادئ مو عصبي
عبد الحق : تعاي شبيج
مشيت گعدت گباله گباله ،شبكت اديه وحده والثانية متانيته بس اريدنه يحجي
عبد الحق : شبيج ترچفين هيج ؟
رفعت راسي حايرة شارد
_ هاا من البرد
عبد الحق : وينها البروده بعده بسم الله الشته
_ مو سبحت وتمرضت
عبد الحق : جا ما گتيلي اجيبلج دوة
_ عبالي اطيبن
عبد الحق : وين اكو واحد يطيب وحده
_ ما اعارف
عبد الحق : المهم من اطلع تجيبلج دوة بس اريدن منج شي
_ شنو هو ؟
عبد الحق : تمشين وياي انا وحورية ناخذج للسوگ تشترين هدوم للمدرسة
_ مو گلتلك ما اگدر
عبد الحق : بس هاي السنة ضلت وما ارضى هم تروح عليج ،اگضيها شلون ما چان ب أي معدل بس اهم شي تطلعين
_ ماعدي واهس للقراية والله
عبد الحق : احنه نقريج لا تشيلين هم
صفنت حايرة وامي اجت گعدت واتحدوا علي منا لمن خلوني شبه اقتنع
عبد الحق : انا راح اتانيچن برا ،حورية الجهال وديهم يم اهلج حتى لا يتعبون امي
حواري : هو هم گلت
شيماء : بس ميمنة خليها عدي
حواري : صار
گامت حواري بدلت للجهال واطتهم لحق وداهم وانا وياها تحظرنه بساع وطلعناله برا متانينه حتى السيارة مشغلها بس صعدنه حرك ،صار شگد ما طالعة حتى الهوا احس استغربته
ريتي لان تعلمت ما اتنفس غير بالبيت ،بس وصلنه نزلنه يم محلات الملابس ونزل ويانه ،ضلينه من محل لمحل ما لگيت شي يعجبني لان جاين متأخرين
عبد الحق : طبن لهذا المحل واذا ماكو نشوفلنه مكان ثاني
طبينه والحمدلله چان مثل المجمع بيه كلشي لان مستحيل بعد عدي قابليه افتر ،اشتريت كلشي وما ضل غير چم شغلة
وگبل لا نطلع حواري اخذت قميص لجفون موصيتها
وگفنه اخير شي يم محل احذية وجنط ،اشترينه انت وحواري وحق خبصنه يله ما يله ،دارت عليه ضايجة
حواري : من الاول اذا ما تتحمل ليش أجيت ويانه انا مو گلتلك امي تجيبنه
عبد الحق : حتى تضلين تهبتين براحتج مثل هذاك اليوم
حواري : خوما اشتري شلون ما چان
عبد الحق : ديله يله بساع عدي طلعة
حواري : أبو الطلعات
عبد الحق : شلووون راح تخليني اعلي صوتي گدام الوادم
حواري : عاد أنت خبره
_ عود صدگ تحجون ،شبيكم ؟
عبد الحق : ما تسمع الحجي
حواري : حقوق أبو المهندسات
عبد الحق : الصبررر ربي
_ شهرتونه والله ما لگيتوا مكان تتعاركون الا هنا
عبد الحق : سكتي بت عمج لا احطها برگبتي
حواري : سكتي أخوج لا اتبره منه هو وجهاله
الوادم كلها تباوعلنه صوتنه چان ناصي بس مبين اكو مشكلة صايرة من انفعالهم، بالگوة سكتتهم وبس ردينه مشت الاهلها
عبد الحق : وييييين
دارت عليه
حواري : اجيب الجهال
عبد الحق : اشگج نصين اذا ما رديتي
حواري : ما اررردن بكيفييي خلي النسوان تفيددك
خلته يشعوط ومشت لبيت عمي ،رگع صندوگ السيارة وصاح علي اطب ،مشيت گبله وهو وراي بأيده العلاليگ ،بس طبيت صارت گبالي امي شايلة ميمنة وتفتر بيها بس شافتني گالت ومبين شايله حالها
شيماء : اخذيهاا يمةة شلعت گلبيي
بعدني بعباتي واخذتها من ايد امي ،بس شلتها سكتت
شيماء : جا وين حوريه ؟
عبد الحق : مشت الاهلها
شيماء : تجيب الجهال ؟
ما رد على امي وصعد فوگ ،صوت خطواته القوية على الدرج تشرح شگد واصل مرحلة من الاعصاب بعدني احجي الامي الصار بالسوگ وطبت هي وگدامها الجهال يركضون ،بس شافتها امي عاتبتها
شيماء : ليش هيج حورية مضوجه حق ؟
حواري : جا حلال عليه بس هو يضوجني ؟
شيماء : شمسويلج ؟
حواري : يحجي وي النسوان ترضيهاا عمة ؟
شيماء : من شوكت هل حجي
حواري : چم مرة بمرة صارت واغلس اسوي روحي ما اعارف
شيماء : جا خاف وياه بالشغل
حواري : حتى لو عمة ،والله هسة گلبي مشتعل بنار
شيماء : اصعدي وخلي الجهال، تفاهمي وياه
°حواري°
_ عودن اذا سمعتوني اعيط اصعدولي يعني انخبزت
دفعتني عمة
شيماء : دمشي امشي لا تسويه كلش يا يوم طاگج
_ هل مرة احس راح انطگ
شيماء : ما يسويها ،اصعدي يله وفضيها
سويت مثل ما گالت وصعدت بس فتحت باب الغرفة تراجعت ولا چن هاي انا حورية الما اخافن من
شي بس شافني اريد اشرد صاح والچگاره بأيده
عبد الحق : طبييي احاجيج
سميت بسم الله وطبيت وراي سديت الباب وگعدت قريب عليه متانيته يحجي وهو گضت چگارته وبعده ساكت ومن شغل الثانية گال بنبرة واحد عصبي بس بالگوات كاض روحه
عبد الحق : شلون تكسرين كلامي وتگليلي ما تردين؟
_ جبت الجهال
عبد الحق : چذابه وصلتي لهناك وتراجعتي، چنتي رايده تسويلج زعله
_ امم
عبد الحق : صح مو ؟
_ اخاف اگلك صح واتورط
عبد الحق : هيج هيج متورطه أنت ،اطلعييي
بهتت من حسيت بيه طردني لا مو بس حسيت تاكدت من أشرلي على الباب
عبد الحق : ما اريدن اسوي شي واندم عليه ،امشي مني
_ حق
عبد الحق : اطلعي حورية
_ ترا انا لازم ازعل مو أنت
عبد الحق : ازعلي براحتج
هضمني بحجاياته ومبين ابد فلا مهتم ،گمت ارچف
_ يعني امشي الاهلي ؟
عبد الحق : بكيفج
بلعت ريگي اريدن احجي بس بعد ما اگدر وخليت ونزلت جوا بس شافتني عمة عارفت ما تصالحنة حتى ما سألتني لان شافت وضعي ما يسمح للسؤال
گعدت واحس جبل صار على صدري من اسلوبه الما اعارف شلونه، شلت ميمنة حطيتها بحضني وصفنه تاخذني وصفنه تردني
ما صعدت للغرفة ابد الا بعد ما طلع هو ،چان دنيا ليل بدلت هدومي بشي خفيف وتمددت يمي حوراء وسيف بكاروكه ،هستوني غفيت وحسيت على الباب من انفتح ما بدرت مني حركة لان اعارف بيه هو رد
صوت حركته بالغرفة خلتني اركز وياه ،شوي وانرفع الغطا من الجهه الثانية حاولت اضل محافظة على سكوني وضليت امثل النوم مطيته ضهري
جاي اغفى وفززني من طوقني بايده من ورا مقربني عليه اكثر يعدم المسافة بيناتنة ، بلايه ما اديرن روحي حجيت
_ وخر حق
عبد الحق : اشش
_ شنو اشش، مو ما ترديني المن هسة حاظني
عبد الحق : ما اگدر انام
_ مشكلتك مو مشكلتي
عبد الحق : حووورية كافي وراي دوام
سكتت وهو هم سكت منا لمن غفينه ضلت بس صوت انفاسنه مسموعة ومن گعدت الصبح ما چان موجود ،گعدت الجهال وبدلت الهم ونزلنه لگيت عمة وبركة يتريگن
واكيد بركة بحضنها ميمنة مثل كل يوم ،جعفر ياكل بساع مبين يريد يطلع، صبحت عليهم والجهال هجموا على جعفر ماخذين وياه ميانه فلا چن عمهم يحسوه ...
لعبهم شوي وگام
جعفر : راح امشي وي ليث للحقول تردن شي مناك ؟
شيماء : جيبلي وياك دچاچتين اخوك مشتهي دجاج شوي
جعفر : ياهو برهان ؟
شيماء : أي
جعفر : مدلل والله
شيماء : اليسمعك يگول كاتلكم الجوع انتم ،شو احسن الاكل تاكلون وهو عمت عيني عليه ضال بحسرة اللگمة الزينه بدوامه
جعفر : ابجي يمة ابجيي زين
شيماء : لا تصنف علي لا اگوملك
ضحك ودنگ باسها من رأسها ومشى وكلت الجهال وانا اكلت وبس رد هو شمر الدجاجات علينه وطلع يركض ،كضينه گلوبنه
من الخوف ،طلعت وراه اباوع من الزرف بل باب وراي بركة ،ثنيناتنه جمدنه من شفنه سيارات ما تنعد وكلهن من موديل راقي مثل سيارات ولدنه طابگات بالقرية وهوسة صايرة عد باب مصايح ما افتهمنه شي
°بركة°
من بين كل الاوصوات ميزت صوته بلايه ما اشوفه وهو بكل اصرار بيناتهم يحجي
رهيب : الثار كله ينسي والما ينساه انا بأيدي امحيه اله ،رايد نسبكم الما حصله ابوي ،وانا رجال عدي صبرر لو ترفضوني الف مرة اردلكم بالالفين
نشغت حواري وانا كل تركيزي يمه وهي تلطم وتردد
حواري : مخببل، وعليي يمووتوه وعلييي
رأجس : امللك وما اطيك، ما تدوس ديرتكم ولا وحدة من بنياتنة
غازي : افااا شيخ وانا رايد منك اثنين
باستهزاء جدي يرد عليه
رأجس : وحدة ما اطي مو چماله ثنين
شيخ واحد : وهسة شني شيخ ؟
رأجس : گتلكم ابن عمها رايدها، يعني شلووون اعبره
رأجس : واحنه العرفناه الولد ما اله هوا بيها
ضليت بلايه رده فعل بس اريدن اعارف شني قصده جدي ب ابن عمها رايدها، احتد النقاش كلش بيناتهم وحدي فقد اعصابه
رأجس : أنت الحجيييت يا خزعل مووو ؟
شيخ خزعل : لا وروح أبوي ما جايب طاري
شيخ واحد : انا الحجيت وبريت ذمتي ليش اضلن وياكم بچذبه اخترعتوها حتى تگطعون نصيب اولادكم
رأجس : ماكو ذبه والانحجه راح يتنفذ ،والسبوع الجاي يعقدون
°كوكبة°
هدوء وبس صوت ميل الساعة بالغرفة ،متمدده وعيني على السگف وبحضني كرار ،تنهدت وانا احس وجع بصدري الفلاونزه ذبحتني لان الجو بده يتغير وانا مناعتي منتهيه، اريدن انام بس ما اگدر نزلته على
الفراش وگمت فتحت الباب وبوجهي صار مرتضى متمدد على الگاع بوضعيه واحد منتهي مو بهذا العالم حتى ...
فتحت باب الصالة اخلف صوت عالي خلاه يفز ويفززني بصحيته بأسمي ،استغفرت بثگل
الدنيا كلها وهمومها وانداريت عليه احاول احجي طبيعي واتناسه شسوه بي امس
_ شرايد ؟
مرتضى : وين موليه ؟
_ للنچف
مرتضى : احجي عدل لا اگوم اعدل حلگج بالقندره
_ اولي بره اشتم هوه شوي ،بعدد
مرتضى : وسم وزقنبوووت
_ تدرو طلايب موووو ،تحجينيي حتى تحرگني
مرتضى : ما محجيج ،أنت لسانج طويل وما تكضيه
يحجي وبعيونه كل رحمه علي ماكو ،هزيت رأسي اجاريه بعد ماعدي قابليه لشي
_ هاي هي انا غلط ،بس خل امشي بره
مرتضى : تشردين
_ وين اشرد بهل منقگطه
يباوعلي بشك ومن شفته ساكت طلعت ،گعدت على الصبابة، وگبالي الحايط ملطوش بطين مو كلش عالي، رفعت رأسي اباوع على السما ،ليله گمرية تذكرني بالليله الگلبت حياتي گلب ،اتنهدت وضليت
گاعدة اخذني الوكت لحد
ما غفيت وانا راده ضهري على الحايط وما فززني غير صوت كرار يمي وبچف ايده على وجهي يطگ يردني اگعد ،فتحت عيوني بثگل راسي احسنه راح ينفچر
_ هاا ماما ،هاا حبيبي
كرار : ميميي، اووو
كاض بطنه ويردد
_ ميمي
عود ممه ،گمت شلته وانا احس الگاع تفتر بي طبيت سويتله وگعدت حاطته بحضني واحس انفاسي نار وثاني يوم زدت ما نقصت وصادف چنت اغسل الحوش ودانگ الباب ،نزلت ثوبي وطبيت اركض واهس الگاع تتمايل بي ،و وي ما طبيت شفتع واگف وملامحه شاحبه
_ الباب يندگ جاي شوف منو
مسح وجهه
مرتضى : مو بابنه
_ غير انا چنت برا شلون مو بابنه
مرتضى : لا تلحين ما اطلع
_ من شنو خايف ؟
مرتضى : ما خايف
_ جا اطلع خاف اهلك
بتردد غريب مشى للباب وانا حطيت الحجاب على راسي ومشيت وراه ،وبس فتحه فزيت من شفتهم سكينة وسعد گبالي ،مرتضى من شافهم چن واحد متوقع شي وخايف منه وصار العكس ،تلگيتهم طايره بجيتهم
_ شنووو هل مفاجئة هاي ،هلا بيكم
اجت بوستني
سكينة : مشتاقلج كلش ما تگولين عدي اخت امشي اشوفنها
_ حگج ،طبوا شو ضالين واگفين
فتحتلهم الاستقبال ومرتضى طب جوا بحجه يجيب كرار ،سعد گعد وسكينه جرتني عليها متعجبة
سكينة : شنو هل بيت التعبان هذا ،ولج خالتج تگول بيتها شحلاته وحديث
_ تهمبل خالتي، حال الظيم حالي والله
سكينة : شكوو ؟
_ بعدين احجيلج
سكينة : شو شكلج ما اعارف شلونه
_ فلاونزه
سكينة : سلامتج، شيطيبج منها الفلاونزه بهل وكت نحسه
_ موتتني، اگعدي بس اجيبن ماي
مشيت ادور على مرتضى ماهو بكل البيت ،اخر شي فتحت باب الغرفة القله كلش الگاها مفتوحه،صاح بس شافني
مرتضى : شعدددج بت الكلب
_ أنت شعدك هنا ما تطلع برا يم اخوي
مرتضى : خرا بيج وخرا بأخوج هم هسة يطين راسي من منوره جيته هاي
_ شبيك أنت ؟
مرتضى : ولي من خلقتي
طبگت الباب دمي فاير ،طلعت دولكة ترستها ماي واخذت گلاص قدمتلهم وگعدت يمهم شگد ما فرحت بشوفتهم بس كسر فرحتي مرتضى الما اعرف شني البيه وشني
علته بلكت الگالها دوه فد سم مال فار مال أي شي واخلص منه ومن الساعة السودة البيها صار ابن خالتي ...
ركزت وياها من گالت
سكينة : امس سمعت امج وخالتج يحچن ،مرة منتظر عارفة بيه متزوج عذراء و واصله بيناتهم للطلاگ عايفه البيت وماشيه الاهلها
_ وخالتي تلگيها طايرة من الفرح مو ؟
سكينة : أي والله حتى تگول الامج الا اخليها تحلم تردله ،ومنتظر متخبل اذا ما ردت استبرق يطلگ عذراء
_ صرت اشوف بيهن افعال ابيلش، فلا يحبن شوفه واحد متهني بحياته لازم يهجمنها هجم الا يرتاحن
سكينة : والله صرت اخاف حتى گلت لسعد يستعجل بالبيت عاد نشرد ونفك منهن
_ والله احسللكم
طب يتعذر وگعد يم سعد
مرتضى : اعذرني اجاني اتصال وتأخرت عليك
سعد : معذور
اخوي بالگوه يرد عليه واعارف ما طايق الگعده وياه طفرت من سمعت صوت كرار گعد يصيح "ماما" جبته ورديت وهو بس شاف سكينة شمر روحه عليها فلا چن صار هواي ما شايفها
سكينة : يابعد روحي يا خالة
تحضنه وتبوسه كل بوسه اقوى من الثانية ،ضلوا يمي لورا الغروب عشيتهم من الموجود وگبل لا يمشون گال سعد
سعد : تمشين ويانه بين ما تصيرين زينه وردي
باوعت على مرتضى أي ملامح الرضى بوجهه ماكو
_ لا ما اگدر خليها على غير مرة
سكينة : زين اخذ كرار وياي چم يوم بس وارده الج بين ما توگفين على رجليج وهم لا ينعدي منج
چـان صعب عليَّ اگلها أي وانـا كلش زين اعارف بروحي ما اگدر افارگـه بس خفت عليه لا صدگ ينعدي مني وشيطيبه، باوعت لمرتضى
_ ترضى ؟
هز رأسـه بـ أي
_ جا بس تانوني اللمن غراضـه
مشيت بساع للغرفة حطيت كل هدومـه وملاعيبه ما اعارف شني الخلاني اتصرف هيج ...
