رواية حين تتغير الاقدار الفصل الخامس والخمسون 55 بقلم قلم سناء الهموندي

 


رواية حين تتغير الاقدار الفصل الخامس والخمسون بقلم قلم سناء الهموندي



لا تَخَف من أي شيء
إنها الأيامُ تَبلى ثُم تَتلوها السِنين
ثُم تَنسى يا رفيقي كُل لوعاتِ الأَنين🖤🤎❤️

و بـديَـت ارسـمَ كُـمَـر صافـيَ
وحنين اسمر واسم دَافي 
وَاحتار بـ سواد العَينَ 
اعوف شچم بحر غافـيَ♥️🔥

تكتم : فزينه على صوت قوي مال طبل احنه كاعدين

كلنه كالو روحي شوفي شنو هاي الصوت طلعت مشيت

بحوشنه بي بال الف متر كلما امشي يتقرب الصوت اكثر

وصلت فتحت الباب شويه باوعت واشوف كوستر

مسافه علينه وبيهه يدكون مسيقى وطبل باوعت زين

لمحت خالاتي بيهه رجعت ركض كعدت وسويت نفسي

ماعرف ولا شفت شي عرفتهم جايين خطابه اهلي

سالوني شنو هل صوت كتلهم ماعرف وره اقل الخمس

دقائق ندك الباب قوي راحت اختي فتحته طبو عمتي

نوره ورضا كالت لج شمس كومي على السريع حضري

امي كلتلهه خير كلتلهه اختج من الصبح خابرت كالت

راح نجي ودزيت رضا يجي يبلغكم وناسي يجيكم  امي

كالت عزاااا
بعينج هناء هيج مستعجله واني غاسله الفراشات والبيت

حتى بردات ممعلكين بي كله مغسول عمتي واسراء كالن

بسرعه نفرش ورضا يعلك البردات اني من سمعت جايين

علمودي طفرت للغرفه واستحيت اطلع  اسمع عمتي

وامي فرشو الجودليات إمي تفرش وتكول شكول عليج

هسه هناء ادري متوازية علكو البردات وفرشوا كل هذا

وخالتي موكفه الموسيقى بالشارع ويدكون طبو للبيت

واسمع الكل صوت خلاتي واصوات هوسه هوايه فتحت

الباب على كيف طلعت من الممر صار بوجهي اسراء

تضحك وتكلي لج هاي خالتج يمكن اليوم زفج وتاخذج

وياهه البغداد كتلهه هوه شكو ...

كالتلي ولج جايبه أهل بغداد كلهم و ليث اخر كشخه

                                                            

              
                    

امشي بدلي انتي وكفشتج ليطفرون منج لميت شعري

بايدي وكتلهه خلي يطفرون علوا ضحكت وراحت واني رجعت للغرفه 
مااعرف شسوي اسراء  راحت تصيح ختام تجي تشوف

شلبس وحرنه لان ماعندي شي مناسب امي جانت ناويه

باجر تروح اشتريلي بس صارت شغله مفاجأة  خطيه

مرت اصيل كالت تعالي شوفي ملابسي اصلا بيهن بعدني

ملابستهم  وصدك ختام رهمتلي  من ملابس..... مرت

اخويه ........... رهمتلي تنوره سوده وبدي  زيتوني  بدي

و تونز جان شكله بسيط ومرتب مشطت و لفيت شعري

وخلتلي شويه توب شيرلي علمود الريحه مالته كلش

طيبه  وظليت كاعده ختام كالت تعالي طلعي مقبلت

بقيت كاعده ومبوزه لان ممقتنعه بالوضع وفوكاهه

كسرت وعدي لعمي انمار يمكن هسه يزعل مني بس

والله اني مدري شصارلي وهيج غيرت قراري.....  طلعت

ختام تسلم عليهم وتلكتهه خالتي هناء تطش عليه

جكليت ودكلهن شوفنه شوفنهه جنهه جماره جنتي 

وخالاتي يضحكن لان عليهه لان متفرق بيني وبين  ختام

خلاتي يميزون ختام لان  حافه وجه واصلا اكو ختلاف

بسيط بينه بس الي مركز بينه يعرف ويفرقنه  أما خالتي

هناء لا متفرق وهاي ختام تمثل عليه  وسوي نفسهه

خجلانه وفرحانه وخالتي طاريره وياهه من الفرح تالي

كالت اله خاله  شون راح تزوجيني الابنج واني متزوجه

خلاتي كامن يضحكن هنه والمعازيم نوب مخبلتهه

بالزايد من كايلتلهه  تعالي سمعي  خاله تره تكتم مقابله

ودكول خلي ترجع لبيته  مااقبل اني ولا اريد

ابنهه ....خطيه خالتي مهبوطه وكايلتلهه  ..... لا عليج

الله وينه صيحيهه اني احاجيهه كلتلهه ....

بالغرفه كاعده جتي خاله عليه و طبت للغرفه شافتني

وهي تولتني كلامهه المعسول ..... حبيبه مروتج خاله

                            

              
                    

شنو تضحكون عليه ساعه اي وساعه لا فدوه اروحلج

تكتومه لا تفشليني اني بتسمتلهه هيه مثل الي رد الدم

بوجهه وعرفت ختام تشاقه .....كلتلي ياله كومي يله

عيب ويايه نسوان غربه...

جاراتي تعالي طلعي طلعت سلمت وكعدت يم النسوان

بالكليدور و  الزلم كاعدين بالصاله  وعمامي كلهم اجوي 

وعماتي وبناتهم احنه منطيهم خبر بس مو عليوم راح

اصيل صاحهم واجوي كلهم  واني ميته مقابله فكرت

الخطبه والزواج كله مو براسي ولا مقتنعه بي اساسا

خالتي حتى الكيك والببسي من هاي  البطاله الكزاز

جايبته خطيه بحيث كلشي محظره وجايه ممخليه شي 

اهلي بس المي قدموه وجكليت هيه جايبه كلشي حتى

امي حجت عليهه هيه مقبلت تكلهه ابني وفرحت عمري

  ممخليه شي بحيث حتى الجهاز مال العرس جايبته

وياه حتى الذهب مشتريته تعجبت عليهه وعلى سرعتهه

بالموضوع مجنت متخيله راح صير بهل سرعه كعدنا

شويه وكالو هلهلو قرو الفاتحه اني كلبي وكف صح مو

عقد بس اهلي وعمامي وعمامه قرو الفاتحه اجه اخويه

غلام كتل سوو طريق  خلي يطب ليث يلبسه الحلقه

وصدك شويه وطب بكشخته ورزانته وثكله مبين خجلان

من النسوان اكثر من كعد بصفي تنهد باوعلي نضره

سريعه ودار وجهه اجتي خالتي جابت الحلقات اني كلبي

مثل الدمام صار يمكن لو ما هوسه النسوان دكات كلبي

جان الكل سمعهه خوف ارباك ندم ماعرف شنو البيه

سحب ايدي  لبسني الحلقه من لزم ايدي تشنجت

وتصنمت حتى نفس كطعته من خوفي وخجلي ونفس

الوقت اول مره واحد غير اخواني يلزم ايدي لبسني هوه

يمشي بايده على كيف كمل واني  بسرعه سحبته واجه

دوري البسه الحلقه نطتنياهه خالتي واباوعلهه خدودهه

راح يطكن من الفرح لزمت ايده بأطراف اصابيعي

                            

              
                    

ماطايقه الوضع ومجبوره اجامل لان اني رضيت بارادتي

محد جبرني لبسته الحلقه شويه بيه ضيك مطب كوه 

ماعرف شلون  شمرت  ايده بلا وعي الحركه صارت لا

ايرادي  .... كتله البسه انت ودرت وجهي كوه حابسه

دمعتي ماعرف شجاي يصيرلي  ادنت مني عمتي نوره

وختام يدارن الموقف ويغطن عبالهن محد انتبه مااحس

اله ليث كايم هنا متت كلت اجاني راشدي معدل منه

كالوه لبسه بقيت الذهب طلع محد منتبه للحركه بس

ختام ورضا وأخو ليث جعفر وعمتي نوره ....رجع 

لبسني الكلاده بعصبيه وباوعت عيونه حمر خفت منه 

  نزلت راسي وبعد  ابد مارفعته  نوب خالتي كلتله لبسهه

الترجيه  نفخ يم ركبتي بعصبيه واخذ الترجيع  ويريد

يلبسني بس شنو انتقم مني مو لبسني جر اذني حيل

آذاني كلش  كوه سيطرت مابجيت ايسوي نفسه ميندل

زرف أذني يكلي شنو ملابسه تراجي قبل حجاهه

بستهزاء عرفته ردلي الصاع صاعين ... ......وكال 

مامزروفه أذنه لزم التراجي رجعهن للعلبه وكال الهم

بعدين تزرف أذنه وتلبسه بس سمعني وسمع اسراء

وختام وخالتي هناء وعيونه نار يبتسم جذب من موقف. 

الحلقه كلش ضوجه وعصبه   بس خالتي كالبه الجو 

بالهلاهل والصفك وعماته يصفكن وهوسه محد منتبه بس

اني وياه قدموا الكيك والببسي بالكلاص قدملي اشرب

خذت منه رفعت رأسي اجتي عيني بعيونه بنضره لسه

ماانساهه رغم ماليث شكله كلش عادي ضعيف بمعاني

ناعمه وطويل حيل طويل  بس هاي النظره دخلتني

بسجن  لامهرب منه وره ماطلعوا البغداد دنيا مغرب

ماقبلوا يبقون على العشه بقن خالاتي وبيبي جوري

وعماتي امي جلبت بيهم على عشا وعمي كميل طب وهو

يعرف هاي بدايه مشواري و راح اتعب وياهم جان مهموم

حيل باركلي ويدعيلي بتوفيق كلي............... عمي ماجان

                            

              
                    

بالي ابعدج عنا بهيج مسافه بس القسمه تسكت حلوك باسني وراح لغرفته طب مطلع الثاني يوم ......

مشت الايام وليث و اهله سبوعين مابينوا لبسوني

الحلقه وماشفتهم مع انو خالتي جانت كل خميس يمنه 

كلش مقهوره بداخلي ع تصرفهم شنو ربطوني وراحوا 

بالحلقه اروح وارجع للمدرسه وصديقاتي يباركولي

وملتمات عليه ويسالن بيه هاي كل وحده  تنخطب 

بالمدرسه شلون تصير ضجه عليه والكل صادقهه حتى

تسولفلهم على خطيبهه وكذا ميعرفون اني خطيبي لا

شايفته ولا شايفني رجعت من المدرسه امشي ويه

صديقة عمري هدى وضايجه كالت هاي بطل من وره

شمرت الحلقه بيوم الخطبه كتلهه ....... اي  الله وياه

يسوي فضل شنو دنيه توكف عليه قابل امشي واحجي

بغرور بس بداخلي نار  جاوبتني ........هدى مخبله

عقلي  تكتم ولتحجين كلام تندمين عليه هذا الأسبوع

يبين وكولي كالت والغايب عذره وياه يمعوده اله اشمر

الحلقه عليه هالمره واكلهم بطلت الله وياكم خلي يزعل

من صدك هل مره .......كالتي  بيج حظ والله بطرانه

خالتج مشتريتج  وانتي بطرانه نمشي واحنه نسولف

وصلت للبيت كلما راح بطريقه طبيت سلمت وبدلت

ملابسي  واهلي صبوا غده واني طلعت للحديقه اغسل

لان المي جان بالحديقه صونده عدنا بيهه ماي بارد

غسلت وكملت  رفعت راسي وجان اشوف خالي انور

بالممر يمشي جاي بتجاهي وراه ليث اني اشوفهم وهم

ميشوفوني   لحد مهوه فات سلمت عليه ليث مفات بقى

واكف بالباب الرئيسيه  مسافه يله يوصل باب المطبخ

اندار خالي للباب طب يسالم ويه اهلي  اني.....

طلعت صرت بوجه ليث هو تفاجئ شافني  بلا حجاب

سلمت عليه مد ايده سلمت عليه سلام اخو واخته هم

بي حراره اكثر منه  كتله بصوت ناصي تفضل طبيت

                            

              
                    

وهو طب ورايه اهلي بسلامتهم بعدهم يتسالمون ويه

خالي واني طبيت للغرفه لبست شال وجيت ويه اسراء

احظر الغده  تغدينه وكملنه واني الوب  بس اريد فرصه

اشوف ليث احجي ويا ....حجه خالي انور وكال  جاين

علمود العقد باتو يمنه واني محصلت فرصه احجي بيهه

ويا امي كالت لداومين اليوم علمود ترحين تعقدين 

وصدك مرحت للمدرسه رحنا نعقد وفره وخبصه شطولهه

شعرضهه سوينه تحليل الدم وجرائات متخلص بيوم

وكالوا اله نغير الجنسيه ولازم شهادة جنسيه  خالي انور 

عنده دوام راح ثاني يوم  العصر مكد يبقى اكثر بقى بس

ليث  امي تروح  ويانه كملنا اجرائات العقد من تحليل

الدم وجيب هيج ورجع هيج يوم وهاي احنه يوميه

مسحولين اخر شي كالو فد سبوع وتعالو مرت كم يوم

واجه الخميس صادف اني صايمه معبالي نخلص العقد

لان عدنا عرف بالمحكمه صارت الشغله سريعه ليث

مشاهه وصلنه للمحكمه وكعدنه ننتضر وره شويه اجه

سرانه طبينه للقاضي وعقدلنا القاضي يردد وانت وكيلي

واني وراه وهوه كذالك حيل مرتبكه احس نفسي بحلم

سريع وهسه على اي ساعه افز منه كملنه من القاضي 

ورجعنا جوه اكو سيد يعقد عقد النه هم تمت مراسيم

العقد وصرت مرته وباسمه كل هل مده وهوه كلامه قليل

جدا على كد تعالي اوكفي كومي  ....باركولي اهلي جايه

ويانه  امي و عمي علي .....  ليث كال  يله ادخلكم

مطعم همست اني صايمه وهو تخبل كال اكو وحده

تصوم هيج يوم كتله  اي  اني كال تمام بس بعصبيه امي

كالت مسويه بالبيت خير من الله .....رجعنه  للبيت ويه

اهلي باركولنا لكيت عمي كميل مسووك  كومه خطيه

وبليل عزم عمامي وخوالي طبخوا عشى بمناسبة عقدنا

                            

              
                    

  ليث وحده اهله محد موجود لان متوقعنه نكمل العقد

بسرعه لذالك بيبي جوري ماخلته وحده جابت خوالي

وأجوي وهم لمه حلوه ويهوسوله اني مبتسمه الفرحهم

هوه هم شفت الفرح الضامه بعينه اباوعله فرحان وياهم 

كلت هسه اني شبيه هيج يجوز خوش ولد يجوز يكوم

يحبني لليل كلهم طشووو فرشنه ليث هوه واخواني

بالصاله  بعدني افرش محد موجود بالصاله بس اني جاي

افرش طب ليث ينزل بردان قميصه شافني عيونه لمعت

بابتسامه تقرب عليه وكال بصوت كله حنيه وناعم 

تكتم. ....كتله نعم بهدوء  ....كال  بأجر نطلع نزور

حاجيت عمي كميل وستأذنته وكال صارت مرتك

وبعصمتك الك كامل الحق .....كتله يعني بس اني

وياك ... كال ليش اكو مانع ....هزيت براسي بلا عفته

وتجهت للباب الصاله اطلع ...صاح حظري نفسج مو

تنسين طلعت لغرفتنه وكلت الاسراء طلعتلي ملابس

ونسقت الحجاب والحذاء  وفعلا كعدت الصبح لكيته

كاعد ومبدل سويت ريوك تريكنه وطلعنه وهاي  كانت

أول طلعه  وحدنه رحنه زرنه وفترينه شويه يم الامام

وهوه لازم ايدي قوي اني شبه نجذبت اله وبديت اتعلق

بي حسيت من نضراته هوه رايدني مثل مكال رضا

ومتمسك بيه حيللل بحيث كل شويه يباوعلي بنضارت

مليانه حب بس هوه من النوع الثكيل وميحب يبين شي

مرت الايام كان يوم عقدنا 22/11 وراهه رجع لشغله

ولبيتهم ومرت  شهرين هوه ماكو خالتي تجي كل سبوع

وتسولف عليه وتكول ذاب نفسه على الشغل يريد يكمل

حتى يتزوج  بلشت اشتاقله طلعنه هوايه بفتره اجه

حولنه  الجناسي  علاقتنه كانت صداقه وتعارف كلمن

يحجي حياته  حبيته كلشش وتقريبا صار كلشي بحياتي

ليث جدا متحفظ بمشاعره جنت اشوف بعيونه نظرات

الحب بس ماكلي احبج ابد بس نضراته جانت تعوض عن

                            

              
                    

الكلام بهواي وتصرفاته هم تثبت هل شي بيوم عطله

واني نايمه الضهر كعدتني اسراء وتكلي ولج كومي كومي

اجه الامير  فزيت وكتلهه ...جذبب شوكت اجه ...كالت

ولج صارله بالنص ساعه جاي وقدمناله جاي وشرب

مرتين خطيه ويسولف ويه عمو بي شاف عمو كام كال

وينهه صيحيهه كمت طفرت للصاله اسراء صيح ولج

غسلي لمي شعرج اني مهتميت رحتله للصاله جفت

شافني بتسم  واني هم بتسمت وكتله ليث انت هنا

شوكت اجيت .....عمي ضحك وكال صح النوم حضكت

وسلمت على ليث وهوه سلام بس برسميه يستحي كدام

عمي رجعت امشي لغرفتنه واني سارحه بي بخيالي

لاكتني اسراء كالتي ها خرعتي لا حضكت وكتلهه تقريبا

رحت سبحت وبدلت وسويت شعري ذيل حصان طبيعه

شعري سرح وذاب روحه كلش العصر كعدنه بالحديقه

اني ويا حديقتنه حيييل جبيره ذكرت سابقه مساحتهه

بحدود الالف متر راد جاي صبيتله وجيت يمه كعد

يسولفلي شسوه وشويه عن حياته صفنت بوجهه  اتأمل

معاني وجهه الناعمه عيون دائريه وسماره المملوح سكت

وغمزلي وكال خير   .......خجلت من حركته كتله سوال 

كال اامري ......سالته ليث شعنيلك اني بحياتك .....كال

مباشر الدم الي  يسري بيه وحياتي وكلشي بحياتي انتي

دوخني كلامه ونضراته  ......جانت هل فتره بوش مهدد

العراق واكو حتمال تصير حرب سنه  2003اربع اشهر

النه مخطوببن وحنا علاقتنا متتعده الكلام الرسمي

والنظرات الي تحجي لغة العيون نطلع ونمشي ونكعد

لمطاعم ويلزم ايدي بس لسه ماستعملنه كلمت حبيبي

وحبيبتي    اربع اشهر احنه متخفظين بعلاقتنا اجتي

اخبار الحرب واحنه بنهايه شهر الثاني والصدفه ليث

يمنه وسأت الأوضاع كلش خصوصا بغداد ليث جان طالع

ويه اخواني اجاني محمد ابن خالي سلطان يحجي على

السريع  يكل الامي عمه وين تكتم بيبي دزتني تكول خل

تجي بسرعه خاله هناء تريدهه على

الى هناء ونختم بارت اليوم انتضروني بلاحداث المقبله 


شكرا لزيارتكم عالم روايات سكيرهوم

تعليقات