رواية خلخال مشوه الفصل الثامن والخمسون 58 بقلم زمرده

 


رواية خلخال مشوه الفصل الثامن والخمسون بقلم زمرده



ساكت ما تعرفه شيوجعه الصبير
عن يا وجع اسولف لو سألني الغير
توجعني الشلونك وانا اردها بخير
كسروا خاطري كسرة جناح الطير

°كوكبة°

تقدم متجه علي بخطوات ثكيله ،خطوات خلني ازحف ليوره، دنگ گبالي ،أول مرة هيج أخاف منه كض وجهي بقوة ورفعه
مرتضى : عيونج النگسه خليهن بعيوني
بلعت ريگي اباوع بعيونه ورچفه سرت بكل جسمي من حسيت هذا الانسان السيء صار اسوء من گبل وچن الثلاث اشهر المضن محن أخر ذرة الانسانية الچانت ضاله عده

شدد على قبضة ايده ،غمضت عيوني بوجع اوخر ايده مني بس ما گدرتله مثل الچاي محمل بگلبه علي
صحت من طگني على رأسي بأيده الثانية وانفچر يصيح
مرتضى : اناا انسچن والسبب أنت ،مرررتي اطت على مكاني ،منننج انطعنت، طعنتينييي ،دليتيهم علي ،والله ما ارحمممج

چان رافعني ويحجي من گضه حجيه شمرني بقوه على الگاع ومشى وكل ضني العقاب الجايني صعب بس مو بهل صعوبة من طب بأيده خاشوگه من حرورتها صايره بلون الچمر ،بلعت ريگي وگمت على حيلي اصيح عليه وهو يتقدم علي
_ مرتضى لااااا ،مرتضى شتسوووي ،شبيييك صاحي لو لااا

ما اهتم لصياحي وربطني بأيده خلاني ارافس وروحي تشيغ من حطاها على حرگي وبحقد
گال
مرتضى : حلفت اچوي حلگج النطق ودلاهم علي

الوجع الحسيت بيه ما يتسولف ولا توصفه حجايات خلاني اموتن وطلع ما مهتم گلبه من حجر ،گلب واحد مجرم سفاح عده هل افعال مثل شربة الماي ومتعلم عليهن
مو شي جديد ،خفت بهل لحظة من الأيام الجايتني وما معلوم حالي بيهن ..؟؟

الوجع حسيته يدگ بگلبي ايدي اريدن اخليها على شفتي واخافن اتحسسه ويوجعني
اكثر ،بجيت ميته وحايره شلون اخفف من النار الجاي احسهن بيها
گمت ودموعي تصب ،فتحت باب الغرفة ومديت راسي اشوفنه
هنا لو لا ،ومن شفته ماكو طلعت بنص ذاك الوجع وتلفتت بالبيت ،هذا غير عن البيوت الگعدنه بيهن طول الفتره الچان
شارد منهم وانا ما عدي فكره عن الجاي يصير ،بس لاح الماي وجهي فزت روحي
من الوجع ،احس الحرگ مو زغير واعتمدت على احساسي وعقلي الي صورلي الشكل بلايه ما اشوفه لان ماكو مراية بيها اباوع لشكلي...

هستوني خليت ايدي على يدة الباب ناوية اطلع واندگ بهمجية ،بدال ما افتحه هديت اليده وركضت ختلت بأخر زاوية بالحمام، فتحت عيوني بوسع من
دفر الباب وطب يتلفت ومن شافني استقرت عيونه عدي ،ما انتبهتله غير هسة ،ما انتبهت لشكله الصاير يخوف ،شكل مجرم ،من هذولي الچنت اشوفنهم بالمسلسلات

مرتضى : شعددج طالعةةة من الغررررفة ادبسزززز

غطيت رأسي بأيدي من تقدم علي مثل الاعصار، جرني يسحول بي شمرني بالغرفة وقفلها علي صيحت بحرگة گلب أغلط عليه
وعلى حظي ،من كل خاطري دموعي تطيح من عيوني ،الضوه بده يطلع وانا على گعدتي ،برودة الگاع تدگ بعظامي ،غفيت وانا على
گعدتي وفزيت على دفراته الي ،طفرت ميته من الوجع عيوني بالگوات مفتحتهن صيحت ناسية روحي
_ شبييك ؟

خزرني عيونه حمر مبين ما نايم ،كضني من ايدي وجراني وياه ،اجر بأيدي منه وهو كاضها قوي لحد ما وصلنه للمطبخ
مرتضى : سويلنه زقنبوت ناكله

جريت ايدي منه چان مرخي قبضته عليها ،ونترت بسهو
_ اسويلك سم ،يمةةة

صحت بالاخير من جرني من شعري ومن قوة جرته حسيت الشعر من جذوره انگطع بايده، يحركني بأيده ويحجي
مرتضى : ما اتوبين أنت ،الصلافة بدمج تمشييي لو شنييي، حاجيني تررردين احرگج بعد ،تردين امووتج

_ موووتني وخلصني، المن عايشةةةة انا المن ،ابني وراح ،المن

ضحك گبل لا يگول
مرتضى : لا ليش ،جا والايام السود المتانياتج شلون منوو يگضيهن

_ اياااميش ،شنييي السويته الك انا وهيج تسووي وياي

قرب وجهي عليه
مرتضى : رگبتي حطيتيها بايدهم ،تعرفييين شني معنى سواايتج، لج ناووويلج على مصايب ما ينعدن

_ الذنب ذنبك مو ذنبي، شرررفك انا ما خفت علي ولا بيوم فكرت شني يصيرلي مو راح تطبب جماعتك وهم مو بوعيهم

مرتضى : مسلسل هندي منج ما يسووها

_ هاا بس انا الاسويها، بس انا الموخوش وهم الاصل والزين

مرتضى : ترحيلهم فدوة ما باعوني مثل ما سويتي

عجزت اقنعه بسوايتهم وياي ،من ايست وهدني مشيت ترست قوري الجاي ماي وحطيته على النار
_ بيتمن هذا ؟

انداريتله اسأل بس ما اطاني مجال اخذ الجواب واخذني بصياحه وما اتدخل ،تنهدت ورديت طگيت بيض هو جايب
حطيت الصينية وانجبرت اگعد وياه من جوعي بايده الچگاره چانت
والمفروض يطفيها بنفاضه لو بالگاع ،جرني وطفاها على نفس مكان الحرگ شاطت روحي گمت اگمز و اصيح عليه واخبط
بالحجي ما اعارف شني الجاي احجيه حتى بس اتذكر هو ابد ما اهتملي وصب جاي وبده
ياكل بكل راحه مبتسم يباوع علي من يرفع عينه ويشوفني ،مشيت غسلت
على السنك ودموعي وي الماي اختلطن، گبل لا امشي گلتله
_ ريت الله يبليك بمرض ماكو اله طبيب ،وعسى بيوم الحساب الله يواجهني وياك ساعتها ثق ما
راح اسامحك

مستهزء ما متهم الكلامي ،درت مطيته ضهري ومشيت بكل تعب وعتب على الدنيا التعبتني وانا مو حمل هيج تعب ،خذت نصيبي منها وزياده وبعد ما عدها حمل الروح تحمل أكثر
تمددت وما حسيت على روحي مو غفيت وفززني صوته يصيح بأسمي ،طفرت من مكاني وگعدت اللم بشعري المتگطع
مرتضى : فضيهااا گومي

_ شتريد

گمت وگفت على حيلي وهو يباوعلي اشبه بشخص مو بوعيه
مرتضى : ولي للمطبخ اكو اكل حضريه ،وحطي حجاب على راسج

زغرت عيوني
_ منو هنا ؟

مرتضى : جماعتي

نترت مصدومة
_ ما تبببت

اجه سد حلگي يتوعد
مرتضى : والله اذا طلع صوتج بعد لسانج اگصه ،سمعتييي

بس وخر بچيت ميته من الوجع چان حاط ايده على الحرگ
_ حرااام عليك اذيتني

مرتضى : لا شيء هاي الأذية الجايج اقوى

ابتسامه حقيرة ابتسم بنهاية كلامه وطلع وصاح علي لبست الحجاب وطلعت وبس شافوني سكتوا انا ما چن شفتهم
وكملت دربي للمطبخ ،چان اكو ميز زغير بالمطبخ عليه لگيت علاليگ محطوطة بديت افتحهن وحده ورا الثانية أول وحده چانت
بيها سمج تونه خمس علب والثانية بيها باگله وبعد وحده بيها زيتون
وطرشي، بديت اسويهن وانا ادعي كون يأكلون سم وزقنبوت ،بس كملت
صحته اجه اخذ الصنينة ومن رديت للغرفة صحت عليه واخذت منه المفتاح خايفة اعيشن الصار گبل مره ثانية ،قفلت الباب على روحي
وضليت گاعدة بين الملل واربع حياطين ما طاح من بالي ابني الچان ربحي الوحيد من الدنيا وهسه انا صفيت خسرانه كلشي...

الوكت يمشي وصوت سوالفهم وضحكهم بعده بالصالة ،لهناك واندگ علي الباب گمت فتحته وضليت كاضته
_ شنو ؟

مرتضى : امشي سويلنه جاي

_ ماتسوي أنت

مرتضى : جاي احجي وياج بأسلوب مال بشر لا تخليني اعاملج بأسلوب الحيوانات

چتفت ايدي لصدري وجريت نفس طويل اصبر روحي ما چنت اعرف هذا لا شيء واحتاج صبر أمة محمد كلها على الراح يجرالي
_ شتريد هسة ؟

مرتضى : جاي

طلعت سويتلهم جاي مثل ما راد ورديت ،عده اليوم على خير و باليوم الثاني العصر چان گاعد وگباله اكثر من ضبه مال فلوس وانا گباله اباوع عليه شلون يحسب بيهن
_ اذا هلگد عدك فلوس ما تطلع تجيبلي هدوم كتلني البرد

باوعلي رافع حاجبه
_ حجيت شي غلط ؟

مرتضى : عدج هدوم

_ منين ،شو جبتي بطرگ هاي الدشداشة

مرتضى : لا جبتلج هدوم وياي

زغرت عيوني ما مصدگته بس صدمني من گام من مكانه واقل
من دقيقة رد وگف گبالي وحط بحضني جنطة ومن فتحتها چانت كلها هدومي ،رفعت رأسي عليه لهاي اللحظة اچذب شكي
_ منو اطاهن الك ؟

مرتضى : امج .

_ شلون ؟

مرتضى : هي خلتني اطبن لنص بيتكم

نشغت ودموعي طاحت بساع ،فعل يحجي للفعل الگبله انا اقوى منك، رد لمكانه وانا ضليت امسح بدموعي ويردن يطيحن، صوت مابي بس
صدمتني عيوني ترچمتها ،باوعتله من عله صوته يستغفر
مرتضى : صوووتج راااسي راح ينفچرررر ،ما تملين من اللطم أنت

مسحت عيوني وگمت ،گبل لا امشي گلتله
_ وجودك بحياتي وحده يخليني ابجي دهر لگدام

ركضت بساع للغرفة بس ما لحگت وكضني من دشداشتي، طاحت من ايدي الجنطة توسلت بيه يهدني من مشى بي للمطبخ وگبالي شغل الطباخ وحط عليها سيخ متين يحميه، بجيت احلف بيه وكل ما اگله

_ عليك الله

هو يكفر ،بس شافة اخذ استحقاقه من النار دار علي كاضه يباوع لوجهي، بهل لحظة
رچف طولي وخوف صاب گلبي ،درت وجهي احميه منه وشاطت روحي
من حسيت بيه حطها على ايدي ،متت بمكاني وغابت روحي ولوما كاضني هو چان طحت ،دفعته مني وشكو شعور سيء بالدنيا جاي اعيشه بهاي اللحظة
_ الله لا يوووفقك ،حراااام عليك والله حرام شني من بشررر أنت منيين مخلوووق

يباوعلي ابد ما مهتم وچن جاي يستلذ بعذابي وشي ممتع عده، فتحت البوري وحطيت ايدي جوه الماي شگد ما چان بارد
انا احسنه يزيد وجعي، رفعتها اباوع عليها چانت مصلوخه من فوگ
العصم لگبل العكس شكلها وحده يخلي گلبي ينمرد مرد
وبالليل حلفت ما اضلن هنا اتعس مكان بالدنيا ارحم من ضلتي يم انسان مريض ،ما اعارف الساعة شگد گمت فتحت
الشباك وباوعت الدنيا صايرة كلش ليل ،أول مرة انتبه المنطقة البيها چن زراعيه متروسة زرع ونخل وصوت الصشر حيل عالي أبتسمت
وچن منفذ الامل گدامي صار من شفت روحي اگدر اطلع منا ،ركضت
سديت الباب مال غرفة وتأكدت منه مقفول كلش زين وبالگوات
طلعت روحي من الشباچ ،وما صدگت رجلي تدوس گاع غير عن گاع البيت القذر العايشة بيه ،صرت اركض بلايه ما
التفت وراي ،ادوسن الگاع ما مهتمة لروحي خاف تتأذه رچلي ،كل همي بس اطلع منا ،اطلع وبعد ما اشوفنه بس ما چنت اعرف وصلت لبعيد بأحلامي وگبل لا اعبر الشارع
العام طبگت گبالي سيارة وما كل ضني ناس غرب بس من گال واحد بيهم

_ لك لك هاي مو مرة مرتضى ،شنييي شاارده أنت

طاح گلبي وتمنيت عيونهم معمية ولا شايفيني شاگللهم ،أي انا مرته واردن لجحيمه ،هميت اريدن اشرد منهم بس كضني
واحد منهم وما لحگت اخطي اكثر من خطوتين بعيد عنهم، ضل ضاغط على ايدي بمكان الحرگ ،روحي احسنها تنسحب مني من الوجع وكل ما تحركت يصيح علي كل ضنه اريدن
افلت روحي منه واردن اشرد ما يعرف شني الوجع الجاي يسببه الي

من شفت سيارته من بعيد ،كرهت الساعة البيها نويت اطلع من البيت ،طبگها گبالي ونزل
بس اجت عيونه علي خزرني بوعيد، تشكر من صحبانه وجراني وياه شمرني
شمر بالسيارة وبس صعد حركها طاير ،تمنيت ما نوصل ،تمنيت كلشي يصير ويانه لالدر لولا يختلي بي بعذابه، بس تضل
امنيات هاي وبس طبگ السيارة عد الباب نزلني بنفس الطريقة الصعدني بيها ،وبس
طبينه وقفل الباب انا تشاهدت على روحي ،ضليت اباوعله وحايره شلون احمي روحي منه من بعده يصيح
مرتضى : شلووون تطلعييين ،ما خفتي على روحج ماااا گلتي يموووتني اذا طحت بيده

كضني من اچتافاتي يحركني ويصيح، ومن شافني ساكتة وما رديت عليه شمرني على الحايط حسيت ضلوعي تكسرن ،خلاني بمكاني
ومشى يطب جوه بس ابد ما سكتت يغلط ويتحلف بي ،بس مشيت للغرفة
اجه وراي ،فتح الباب وضل واگف يباوع علي وانا متانيته يحجي نتر
مرتضى : امشي بالغرفة الثانية بعد ما تتأمنين أنت

ما حاجيته وگمت مستسلمه ،الايام تمشي وخنگتي هنا تزيد وعذابه الي يزيد وما يكتفي بكل اليسويه وبيوم من الأيام من
ضوجتي گمت فاتحه الشباك وأباوع منه ،نمسات هوه بارده تطب للغرفة وتمر بشرتي المشوهه تقريبا سبب
تعذيبه المستمر ،روحي محترگه لو صارت تمطر الدنيا ثلج هم ما راح تطفى ولو شوي من ناري وين جنت و وين صرت وبيا ظيم جاي اعيش أنا....

رفعت رأسي اباوع على الأشجار گدامي تتحرك
بهدوء ،ما اشوفنهن بوضوح منوره الحدايد گدامي لاحمهن على الشباك خاف لا أشرد منه
مايدري أنام واگعد وهل فكرة ما تفارگني ولا لحظه

بلعت ريگي بغصه من أجت عيني على أيدي
مكان الحرگ مال گبل جم يوم لهسه بعده
يوجعني ومنضره تلعب نفسي كل ما اشوفه

فززني خطواته الكافيات يسببلي رعب ويخلني
اتشاهد على روحي خطواته وصوت يدة الباب وهي تتحرك خلني أرجف بمكاني ،رگبتي بالگوه درتها وباوعتله من
حسيته طب للغرفة ،باوعلي يسحل بروحه سحل طافي ،شمر نفسه
على الفراش بالگاع يلحن بأكثر من أغنيه يخبط مايدري بروحه شيحجي

گمت على كيف اطلع ما اگدر ابقى يمه وهو بهل حال بس وأنا أمر منه ما حسيت غير انجريت من أيدي و وگعت على
صدره ربطني بأيده ،تلاويت ويا أريده بس يهدني وهو قافل ،عيطت ولطمت و بالغلط مادري شلون ضربته...! ! !

هدني يلوب من الوجع ،وانا من شفت حاله هيج أحس حتى لون مابقى بوجهي ،وگفت
أبجي من الخوف شراح يخلصني ،شراح يسوي بيه ؟؟

وبس فكه الوجع خزرني وطلع من الغرفة استغربت معقولة عداها بهل سهوله ،بس جنت غلطانه غلطانه كلش
وياريت طاگني مصيح مكسر ولا هل عذاب الراح ينعاد ،وراح ارد أعيشه ،والله بعدني ما طايبه والله الاثار تارسه جسمي

بجيت بخوف ،اتوسل بي لا وهو يا جبل ما يهزك
ريح بكل شر يتقدم علي ،وبأيدة سيخ النار من گد
ما حار صاير لونه أحمر بس شوفته سلبت روحي
شلون لو حرگني بي مثل كل مره..! ! !

تضربيني لج ؟
رديت ليوره خايفه وانتفض مثل السعفه أرجف صفيت ويا الحايط ماكو
وين اروح بعد ،تلفتت بالمكان منو يخلصني ،وين انطي وجهي هم راح يحرگني
هم راح اتعذب ولازم أتحمل الوجع واطيب وحدي بدون لا علاج ولا أحد يگلي شبيج راح اموت ربي راح اموت هل أنسان هذا شلون خلقته هيج ..! !

عطت وأحس روحي صعدت لسابع سمه بس لزگ السيخ على أيدي وقبل لا افقد من گد الوجع العشته ما بأذني غير صوت ضحكته المريضه ونبرة صوته الحقيره ،شگد گضه من الوكت وانا فاقده ما اعرف بس صحيت على رشگة ماي بوجهي، نشغت بقوة وباوعتله گبالي چان بايده الدولمة فارغة وانا منگعه هدومي

صيحت بوجع ما منه وجع ،المثلي لازم تتعلم بس انا بكل مره يحرگني بيها احسن من حيلي يتلاشه وياخذ الوجع
_ شني من بشرررر أنت ،شلووون اتنحسب على بني آدم وأنت هيييج مؤذي ،لك ما ضل بي بشكلي شيي شوهتنييي حرام عليك

مبتسم يباوعلي مثل كل مره بيها يأذيني، حرت لو الهن بكل مكان بجسمي أثر واكثره وجهي الصايره اتمنى اشوفن شصاير بحاله ..؟؟

بنص ذيج سعادته لان حرگني فززه صوت الباب من اندگ بقوة خلته من مكانه يطفر يتلفت، طلعت وراه ناسية حتى وجعي اباوع
عليه مخبوص جاب المسدس من غرفته وطلع بحذر يصيح
مرتضى : منووو

°نسمات°

بهل لحظة البيت انگلب بالعياط، كلها انفجعت بخبر موته الا انا ،رفعت رأسي للسمه ورددت
"الما يگدر عليه بني آدم اله رب موجود حاشاه يخلي عبد من عباده مظلوم"

أم علاء : ولج يمةةة ابني ،راح ابني ،ما نسوا سوايته وطلعوا حيفهم بيه يمةةة

كل الملامه چانت على بيت الشويچر ضنهم هم الكاتليه ،والفچر وي صلاة الصبح طببوه للبيت بتابوت حتى نودعه امه
خواته التمن عده الا أنا مو تحركت گد خطوة
وضليت بگلبي اردد
_ حسابك يم ربك تتلگاه على كل السويته بي ما باريتك الذدمه ابد

اخذوه ومشوا للنچف يدفنوه وهم زين ما رضوا النسوان تمشي وياه عمن ما يستاهل احظر دفنته ومن النجف بوجعم لبيت الشويچر گاوموهم ومن ردوا من عدهم چان الحجي
أبو زينة : ما الهم ايد يحلفون لان امس وأليوم چانوا موش بالمحافظة عمن عدهم اربعين مال بيبيتهم

گامت معترضه على حجي عمي ،وجها ما ينشاف من اثر اضافرها واللطم اللطمته عليه وهو ياريت يستاهل وبار بيها
أم علاء : شلووون تصدگوهم ،يچذبون عليكم ،دم ابني برگااابهم لا تخلوووه

عمامي حايرين واحدهم يصفن بوجه الثاني ،تدخلوا الگرايب والوادم القريبة من منهم وقنعوهم يسوون الفاتحة وبعدين تنحل، عمي ابو علاء ما اقتنع
بس مشى رأي عمي ابو زينة وانصبت چواد فاتحته

بالمطبخ واگفه واسمع صوت الحدايد وما مصدگة هاي هي خلصت
منه واجاني الفرج الالهي، اجت بصفي اضنها فرحانة اكثر مني
زينة : لوما اخافن اتطلگ الا اطگنها هلهوله من فرحتي

درتلها خافية ابتسامتي ما اريدن الوادم تفطن علي
_ والله ما مصدگة

زينة : شگد الله يحبج وخلصج منه

_ الحمدلله

البيت انخبص خبص جوگات تجي من النسوان اليشوف هل وادم يضن المكتول شيخ وهو فد واحد معصياته ما ينعدن ،كل ما اريدن اشتغل وياهن تجرني زينة
شاورتني
زينة : خايبة زلمتج ميت ما يصير تشتغلين أنت صاحبة المصاب

_ من فرحتي كون اغسل البيت هسة كله والله

غطت حلگها
زينة : اذا ضحكت اصيرن علج بحلگهن يعلچن
بي والسبب منج

_ جا كضي روحج

زينة : امشي اگعدي عمتي غفران اجت وتريدج

_ خوش ماشيتلها

شفتها گاعدة بين النسوان دنگت امشي اتصنع القهر وبس گعدت گبالها گلتلها وبجيت بس چانت موش دموع حزن
_ مااات وبعدني عروووس عمة ،خلاني وانا ما شفت منه شييي

بگلبي گلت
_ غير الظيم

حضنتني تواسيني والنسوان التمن علينه هاي التحجي وهاي التصبر بي وانا بس امسح بعيوني واگللهن
_بعدنه عرسان ماصارلنه سنة ،شلوون بي شلوون اگضي حياتي بلياااه

وحده من الگاعدات طبطبت على رچلي
_ شسوين يايمة بعد هذا المكتوب والله كاتبلكم هيج

أمه گبالي تباوع علي وما مصدگه هاي دموعي صدگ لو چذب ،ضليت گاعدة وكل التجي تاخذ من خاطري ما صدگت يگضي اليوم واصعد، بوجهي الامي مشيت
تمنيت الگاها گاعدة وبس فتحت الباب وباوعت علي بعيونها بجيت بصوت اشهگ واحجيلها

_ تحررت بتج يمة ،تحررت والظالم ما نسى ظلمه رب العالمين وخذ جزاته باشد انواع العقاب

سديت الباب ومشيت گعدت گبالها احجيلها شي بسيط من الأيام السود العشتهن وياه ،بهل ليلة نمت عدها وما گعدت غير على صوت زينة عد راسي تگعدني ،بس شافتني فتحت عيوني گالت

زينة : گومي گبل لا تجي النسوان اسبحي وبدلي

هزيت رأسي ب أي وگمت لبست اسود عگب
ما چان كل التشوفني تگول
_ خطية من صدمتها حتى اسود ما البسة

بس نزلت صارت گبالي ،بنص حزنها بس ما نستني
أم علاء : ممثله لازم تصيرين عمن امس ما ضل غير شوي واصدگ أنت تحبيه

رفعت الشال من رگبتي حطيته على راسي ورديت عليها
_ جا غير اموتن عليه

أم علاء : اگص ايدي اذا ما تردين تشدين چفيه وترگصين

تقربت عليها بصوت ناصي گلت احرگ گلبها گلت
_ والله اتمنى اسويها

وانا گلتلها هيج لو تسودنت على صوت عياطها الوادم گعدت
أم علاء : ولكممم تريد تشد چفيه وترگص عمن زلمتها ماتتتتت

سكتتها أم زينة وانا حجاية ما طلعت مني ضاله بس اباوع عليها وعلى حرگة گلبها المتشفي گلبي بيها ثلاث أيام گضن ما حسيت بيهن
أيام چنت اتمناهن هو مو بيهن ،بأخر يوم من أيام الفاتحة باليل بعد
ما مشت الوادم صاحتني عمة غفران من مشيتلها گالت
غفران : اگعدي عمة احاجيج

گعدت گبالها وانا اعدل ردن ثوبي
غفران : شوفي عمة تعارفين الميت رچلها ملزمه بعده عليه وأنت
انصحج ابدي بيها من اليوم واحسبي اربعة اشهر وعشرة أيام

_ ماكو فرق بينها وبين ايامي اشو گاضيتها هنا محبوسة

غفران : ولد عمج كون ابد ما يشوفوج ولا يسمعون حسج منا لمن تگضين

هزيت رأسي استجابة لتعليماتها وصدگ من ثاني يوم بديت ايام العده، اضن جانن احلى
ايام بحياتي احسبلهن وما مصدگة ،وبيوم السبعة چنت گاعدة وطبت عمة غضة وخالة زهرة گمتلهن اعتب چي ما اچن طول ذيج الايام بس صدمتني من گالت

غضة : جا غير أم علي ماتت ياعمة وما فرغنه نجي

°هيوفة°

طلع ضيرم يركض لعلي الضال مو بعقله ،كضاه بقوة يساله
ضيرم : شتحجيي، شبيها امك ،باوع علي علي شبيك

يحركه بايده وعلي مثل الفاقد،الكل طلعوا ملتمين عليه يسألون شكو وشصاير وهو بس فاك عيونه بايد ضيرم
ضيرم : امه ،يگول امي ماتت، توه چان يصيح واضنكم سمعتوه

نص منهم رگضوا لبيت عمي سمير ونص ضلوا يحجون وياه يردون بس يستجيبلهم وبعد ما طاحت وذرة من لسانهم گاللهم
علي : امي انتحرت امي ،انا شفتها ،حاجيتها ما حاجتني

وي ما گضه حجاياته وگبل لا نستوعب طلع حق وملامح وجهه ماتبشر بخير باوع
الابوي وبساع أبوي صفگ ايد بايد ودار وجهه يردد

محمد : لا اله الا الله ،لا اله الا الله

لطمت على وجهي مصدومة بالسوايه السوتها بحق نفسها، شلون هيج تفتعل فعل
وهي تعارف نهايته عذاب، بهل وكت گبل لا اشيلن هم عمي شلت هم علي الضال
من الصدمة بمكانه بس واگف ومن قوتها على عقله الما رضى يستوعبها
طاح من طوله للگاع شالوه حق ونوح وركضوا بيه للمستشفى طبيت اسحل بروحي وصدمتي يعين عيونه الشافنها بحال ما اگدر اتخيله ،تلگتني عد باب المطبخ
عمة تسأل وكل ضنها بيت غازي ردوا علمود بركة
بس من انتبهت لحالي گالت

نجوى : ولج عمة شبيه وجهج اصفر ،شصايرلج ؟

بلعت ريگي وعيوني انترست بالدموع شگد ما هي سوت ويانه سوالف
ما تنحجي وياما أيام گضت مره علينه بطلايبها بس بهاي الساعة ما گدامي غير هي مرة عمي و وحده منه وبينه

_ عمة خالدة ماتت

نجوى : يااايمةة شتحجين ولج ،خايبة هيوفة لا تشاقين

هزيت راسي ب لا احلف ودموعي تفتر بعيني
_ لا والله ما اتشاقه ،وحتى علي يگول منتحره

لطمت على صدرها
نجوى : تنتحررر ،وعليش تنتحرر خايبة ،كلشي توقعت منها الا هل سالفة هاي

تسأل وتجاوب روحها من الصدمة ،لبسنه عبينه ومشينه لبيت اهلي ،أول ما طبينه چان البيت مگلوب گلب وخبصتهم ما تتسولف وما طاحت من لسانهم كلمة "شلون"

اخذت دره من ايد ريحانة من مشينه للدكتوره اجت هنا يم غاية ،ضليت شايلتها وافتر ،كلساع امسح عيوني ويردن دموعي يتكومن بيهن، وبعد مناقشات گال أبوي
محمد : وحده منچن تمشي تسترها حتى ناخذها للمستشفى

ولا وحده بينه حجت ،ياهي العدها هاي الجرئه والله انا اموتن بصفها غير
محمد : هاا شني شو ساكتات ؟

زهرة : انا امشي بس تانيني اللبس عباتي

لبست عباها بساع ومشت و وراهم ومناك مشوا بيها للمستشفى والساعة قريب ال 12 جابوها للبيت ،ما صار هواي مفارگين
هاي اجواء الحزن وردينالها من جديد ،طببوها بنص الصالة وعلي نايم على تابتوها ساكت ابد ما يحجي ،دموعنه تصب على حاله،عمي واگف على جهه عيونه حمر دم
مبين مخابرين عليه وراد من دوامه ،ما خلوها اكثر من ربع ساعة وشالوها يشيعوها امي ونسوان عمامي تحظرن ولبسن
عبيهن والبنات يتوسلن يردن يمشين عد الباب صاح وخلاهن يشعوطن
صخر : بس الكبار البنات ولا وحده تمشي ،بساااع راح نطلع

غضة : جااا شگلت انااا

جدة متشمته بيهن عمن گالتلهن ما يخلوچن ،نزعن عبيهن وضلن
يدردمن طلعن امي ونسوان عمي وجم وحده من اهلها وگرابتها ،صحت على البنات يسكتن ويتعاونن للبيت يحظرنه

جفون : أنت ضلي واگفه وتطين اوامر واحنه نطيح بيها

_ انا ما اتعاجز من الشغل مثلج

غضة : جا شني خوما ترديها تشتغل وهي حبله ؟

جفون : لا جدة حتى لو رادت انا ما اخليها

زغرت عيوني اباوعلها شگد حياله، وهي حركتلي حواجبها ومشت وي البنات ،جيتهم من النچف صارت بوكت
الصبح ،چان كل همي اشوفن حال الانسان النعتبره اخونه الزغير ،باوعلي بعيون صعب وصف الحزن البيهن، باوعت لضيرم ومشيتله وجده وراي تحجي وياه
_ ما اعارف شني الاگوله ويطيب خاطرك بس الله يصبرك أن شاء الله

بلع ريگه بغصه ومشى حاني ضهره لجده بس وصللها حضنها يبچي ويحجي بصوت خلانه كلنه نبچي وياه

علي : شلون هيج سوت امي جدة ،شلون ما فكرت بي ،مو تحبني هي وتگول انا وحيدها وبالدنيا ما عدها غيري ،كسررررتني جدة امي كسرتني وخلتني وحددي

درت عيوني على ضيرم من وگف بصفي حط ايده على چتفي ،رديت اباوع لعلي الضل گلبي يتملخ وي كل حجاية يحجيها ،عدن أيام الفاتحة وبيوم السبعة طبن بنات عمي كاظم ،تلگيتهن چنت اريد اجيبن لبن من المطبخ
_ جا شعجب هسة الا اجيتن ؟

سيوف : غمد عدها امتحانات

_ جا أنت ما اجيتي وي امج من اجت ؟

سيوف : ما گدغت اخلي غمد وحدها لان ابوي وسياف هنا

_ ياا ابوج اجه

هزت رأسها ب أي
سيوف : يگول بس گدام الناس

_ الله يصلح حالهم، تعاي طبي

طببتهن يم البنات بالغرفة گاعدات ياكلن ورديت جبت البن وگعدت اكل وياهن، درة بجت حطيتها بحضني وكملت اكل
حواري : ما اريدن احسدج بس اللهم صل على محمد نسواتج احسن من نساوة دره ما تاكلين

بلعت اللگمة
_ أي احسن بدره متت

حواري : احسن بيج ولد

_ ما اعارف اشو انا ما احسن بشي ،بدره حسيت بنيه بس هسة لا

غاية : اكلن بساع خايبات ورانه شغل

بس گضينه اكل ردينه للركض انا اشتغل الاگدر عليه وكل ما طاحت عيون جده علي تأشرلي على كيفج ما ترضى على فرتي

°غاية°

بس كفينه البيت وگضت هوسة السبعة طبوا ابوي وجدي وعمامي والولد ومن بيناتهم علي ،مدنگ مشى عد جدة وهي بس گد بصفها گالتله
غضة : ما اعارف شني الاحجي يخفف من وجعك ياحبوبة عمنك الفاگدها امك موش أي وحده، بس صبر روحك

تنهد تنهيده طويله وتمدد حاط رأسه على رچلها غمض عيونه وبنص الهوسة
غفة ،ومن بدوا ينسحبون والبيت يفرغ صاحت علي جدة اجيبله مخده حطتها جوه رأسه وگالت

غضة : جيبيله غطه خله ينام مبين تعبان سوده علي

رديت للغرفة جبتله غطه ،غطيته ودرت على صوتها بصفي تهمس بقهر
غمد : يقهر والله كل ما اشوفه اريد ابجي بس اگولن لا ما ازيدنها عليه

طب من بره من شافني واگفه گبل لا يصعد وصاني
ليث : بعد اخوج رايد تغسليلي دشداشتي السودة گبل شوي نزعتها

_ تدلل

ابتسملي بتعب وكمل دربه ،غسلتله الدشداشه ومشيت للغرفة بس طبيت سألت سيوف
_ جا وين جفون مو چانت هنا ؟

سيوف : خنست هي واخوج مبينه

واحنه نحجي طبت
جفون : أن بعض الظن أثم ،چنت اعزل بالحوش وأنتن تاخذن غيبتي

سيوف : شمدغيني گلت مثل كل مخطوبين يخنسون

نزلت الدواشگ اريدن افرش ورديت عليها
_ وين يخليهم صخر واگفلهم على النظره مو نوبه يخنسون

سيوف : ياا ليش ؟

_ هو هذا وي اليخطب اخته، اتذكر ضيرم شگد چان عزيز عليه هو سودنه وگضاها وياه عرك وهسه نفس الوضع ليث وعزيز خوبين ولا توقعت يغار هلگد ليث

سيوف : انتبهتله اليوم من اجه حجه وياج شلون خزغه

_ وبعد اكثر هينه لو على الخزره حتى مسبه يسبه

مديت الفراشات وشمرت روحي بتعب على فراشي وبساع غفيت والصبح گعدت على صوتهم بالصاله حطيت حجابي على راسي وطلعت ،صبحت عليهم وگعدت اتريگ وياهم گبالي علي الضال يصفن اكثر من ما ياكل

حاجته امي باوعلها بنضرة واحد طالعة الدنيا من عينه
زهرة : ما تاكل عمة شني تضل صايم ويصير بيك شي لا سامح الله

بلل شفته بطرف لسانه گبل لا يگول
علي : ما تهوه روحي الزاد ياعمة ،انا فاگدلي أم موش سهله سالفتي

عيون امي بساع انترسن دموع بس كضت روحها ما تبجي حتى لا تزيد عليه وانا گمت ما تريدن اضل بعد گاعدة حجاياته
ذني كافي يزيدن من قهري عليه اكثر وأكثر ،ما ضل جوه ومشى
مني يطلع مدنگ رأسه ما انتبه لوگفتي حتى الحزن مسيطر حتى على عيونه
سيوف : صباح الخيغ ،غاية شبيج تبچين ،ياااا . ؟؟

مشتلي مصدومة ،مسحت عيوني ودرت للسنك اغسل وهي يمي تحجي وتسأل شكو ،مسحت وجهي وگلتلها
_ ماكو شي بس علي جاب طاري امه وانا بچيت

سيوف : سودة علي والله يقهغ علي ،بس تدغين هبطتيني گلت خاف عزيز وياج

شگد ما چنت ضايجة خلتني أبتسم
_ لا ما يضوجني حباب ابن عمج .

سيوف : ما مبين عليه ابد حتى شكله مو مال حبابين

تخصرت
_ جا مال شني ؟

سيوف : مشايفة الاثغ بوجهه زايد هل انطابع عنه

_ يا ياا شو طلع فرد نوب موخوش

سيوف : الا اصيح ليث اگله اختك تدافع ل عزيز

ردت اجاوبها بس فزيت وياها من سمعت صوته ورانه
برهان : صباح الخير

ردينه عليه وبس طب جوه يمهم گلتلها
_ شبيج گمزتي ؟

سيوف : اتوتغ من اشوفنه

_ يا ليش ؟

سيوف : احسه من هذولي الضباط المو غاحه

عگدت حواجبي سويت روحي متفاعله وي التگوله
_ شلون حسيتي هيج ؟

سيوف : من يجيبنه وكل ما اغفع عيوني الگاه يباوع بالمغاية

_ اممم، يجوز عاجبته

صفنت بوجهي وانا كملت
_ ويجوز عاشگج

سيوف : يا هاي شبيها

_ اگولن يجوز

سيوف : اسكتي اسكتي

_ هسة يطلع يحبج ابن عم..

ما چنت منتبهه ليش گصرتني الا بعد ما صحت متوجعه واجه صوته من وراي يسأل
برهان : شكو ؟

درت كاضه ايدي مكان گرصتها افرك بيها وگلتله
_ ماكو شي

يباوعلي ويرد يباوعلها مزغر عيونه ما مقتنع خله ومشى وهي لطمت على خدها
سيوف : سمع والله ،مبين سمع حجيج

_ واذا سمع شبيج راح تموتين ،اگلج سالفة

سيوف : شني هي گولي ،الله يستغ من سوالفج

_ جا بطلت ما اگولن وضلي هيج ما تعارفين راسج من رچلج

غمد : شبيچن

طبت تتثاوب وگفت گبالنه
_ ماكو شي سالفة انا وسيوف

غمد : يعني اسرار ؟

_ أي

هزت ايدها ومشت غسلت وجهه وردت تحجي وي سيوف
غمد : كون نمشي حتى اقره ماضلي وكت وامتحاني يشگ الحلگ

سيوف : حاجي جدة حتى نغد اليوم

غمد : جا ماشيه احاجيها

بس حاجتها گالتلهن مثل كل مره
غضة : خلي برهان يوديچن

سيوف : ماكو غيغ بغهان جدة مو هذا ليث گعد

بشگ گالتلها
غضة : وشبيه برهان وماتردين يوصلج هاا، يعض

ضلت حايره شني تجاوبها
سيوف : مو هيج جدة بس علمود غمد عدها امتحان

غضة : اصبرن للعصر يوديچن هو بس يرد

ما اطتهن مجال يناقشنها وصاحتني اسندها حتى تطلع بره تشتم هوه، بس گومتها گالت بوجع من مفاصلها
غضة : بوية رچليه يابوية

_ جدة ليش معانده ما تمشين للدكتور ،يعني مايصير هيج تضلين

غضة : گالي ليث ياخذني بس سودة اشوفنه ملتهي يحظر للحصاد ومايهلي ازيدن تعبه

_ دخيلج جدة كلها ساعتين تاخذ روحة الدكتور

سكتتني ب
غضة : الله كريم

فرشتلها بساط وگعدت وجفون اجت طلعت بطوطها والدجاجات يلعبن وردت تسوي لروحها ريوگ ،وانا جبت المكانسة اكنس الحوش
عمن منوره الاشجار البيه ما جاي يضل نضيف ،بس كملت تنضيف الحوش رديت اكفن مواعين الريوگ وانا واگفه شفت
عزيز يم جدة گاعد ما انتبهتله من طب ،وجدة وما تحب تحرجني صاحت

غضة : غاية جيبي ماي لزلمتج

سديت البوري واخذتله دولكة الماي وطلعت ،سلمت عليه من بعيد وتقدمت اطيته الدولكة ،اخذها مني وبايده
الثانية كض ايدي وطلب مني اگعد يمه انا هنا شوي واموتن من المستحه
بس جده كافي علي وابتسامتها خلتني اريدن اغطن بهدومي ،گعدت وگبالي
غمد وجفون الگضنها يباوعلي ويتبسبسن ما حجه وياي گضاها يحجي وي جدة علمود مصاريف امس بس كل شوي مندار علي وبلايه ما ينتبه أحد لف ايده على ضهري وكمل
سوالفه وي جده وعلى هاي الگعده وطب ليث ،هد الكرك من ايده وصاح

ليث : اطفرر بروحك گبل لا احطن الكرك براااسك

گبله انا طفرت وطبيت اركض للبيت ،و وراي جفون وغمد اچن يزيدنها علي ما يهونها
جفون : والله عييب، يبووو عليج غاااية، لو ميته ولا شايفكم ليث

رزلتها سيوف ما راضيه على حجيها وانا الدموع بعيني بره بعدهم يتناگرون وعزيز شغلته يستقز ليث ويخليه يصيح
ليث : سكتيييه جده لا والله احط الكرك براسه

وجدة حايره بيناتهم نترت بعزيز جزعانه من نگرتهم
غضة : بسك عزيز كااافي تضوجه وأمشي لبيتكم

عزيز : هاا هيج صارت ،تشحتيني علمود ليث جدة ؟

غضة : جا بزعتونيي واحد منكم يمشي حتى تفض

مشيت اباوع من الشباچ گام عزيز وگبل لا يمشي وگف گبال ليث
عزيز : بعيني خلها تصير عدي اذا ما اخليها حتى ماتسلم عليك

جراه من فالينته عيونه بگصته صاير ابد ما يتحاجه
ليث : حتى اخذها منك والله

عزيز : خاب دمشييي ياخذها هو

خزره بحده وجراه فتح الباب وگاله
ليث : اشوفنك بعد معتب هنا الا ادفنك بالحديقة والله لان النجف زايده عليك ابو النسوان

وجدة بمكانها تصيح وي كل حجاية يحجيها ليث
غضة : ياا يااا

عزيز يضحك ما متهم ،رگع الباب وراه وصاح بصوت أول مره اخافن منه
ليث : غااااية وينججج

سيوف : الله يغحمج چنتي خوش بنية

ضليت چامده بمكاني من طب خازرني شوي بعد واطبن بالكاونتر من الخوف
ليث : انا مو گايل گعده يمه ماكو ؟؟

اجت امي تسأل چانت تغسل هدوم وما تعارف بالسالفة
زهرة : شكو شبيك تصيح ؟

مسح على لحيته بچف ايده واشر علي
ليث : بتچ جم مره گايللها ما تگعد يمه منا لعرسهم وكل مرة تكسر حجايتي

زهرة : وعلى هاي خبصت الدنيا ؟

ليث : جا شترديني اسوي ماعدي غيره انا لو شني ؟

زهرة : بس حلالها يمة وابن عمك وتعارفه شني

ليث : لان اعارفه شني ما اريدنه يتندالها، خله بعيد عليها منا لمن يعرسون

زهرة : هم بزعت روحه الزلمة كل ما حددنه موعد عرسهم وصارت سالفة

ليث : يتحمل وغصبا عليه

ينتر نتر خله ومشى يصعد فوگ وانا ابد ماحطيت عيني بعينه گضه اليوم كله هو يخوز بي ،ثاني يوم جده مشت الاهلها علمود سبعة ابن اخوها المكتول و وياها امي ومشى
اخذهن ليث وثاني يوم ردوا اجت جده تنوح على حظ نسمات كل ضنها هل بنية مرتاحة بزواجها چي ماخذه ابن عمها
ما تعارف شني من مصايب عاشت وياه، سولفتلنه چم وحده عنهن يوگفن شعر الراس
غضة : سودة علي حالها يكسر الخاطر، عروس بعدها هل بت ما تهنت بحياتها

وامي ترد عليها ب
زهرة : أي والله ياعمة ،والله قهرتني صارت ارمله وهي بعدها بعز شبابها

ليث : غاية

گمت بساع
_ ها خوية

ليث : اريدن لگمه اكلها

يحاجيني منوره خشمه واخذله بالاسبوع الا نسه السالفه
وبيوم چنت گاعدة اقرا وخابرني بنص الحجي وگال
عزيز : مايصير هيج والله شني صارلي اسبوع ما شايفج طگ گلبي من الشوگ وحگ العباس أبو فاضل

_ فدوة اروحن الاسمه ،عزوز والله ما تعارفه شلون صاير وهم انا مو حمل زعله علي

عزيز : جا انا عادي عدج ازعل مو ؟

_ لا والله لاتفكر هيج بس انا ما اريدن يگول خلت بخاطري علمود زلمتها

عاف الحجي كله وركزلي على أخر حجاية
عزيز : حلوة هاي مال زلمتها

أبتسمت وبخجل گلتله حتى ينسى سالفة الجية
_ زلمتي الاحبنه

بس ما چنت اعارف بيه راح يتحمس ويحلف راح يجي يشوفني هسة ويردني اطلعله
_ لا عزيز شني ،يااا لا تحلف صخاااام

عزيز : جايج والله ،اطلعي ،اخوج الخثه مو هنا بالاراضي

ضليت اتوسل بيه وهو قافل مشيت گلت الأمي استغربت جيته بهل وكت المتأخر بس بالاخير
گالت
زهرة : اطلعليه يمه جا هم مشتاگلج ومن حگه يشوفج

من اخذت الموافقة منها مشيت غسلت وجهي وتعطرت ورتبت شعري وطلعت بساع من سمعت صوت
حركة ورا البيت من جهة غرفتنة ،كل ضنه محد يعارف بجيته ،بس شفته واگف وساند ضهره على الحايط بأبتسامه گلتله
_ بهذا الوكت بس الحراميه تطلع

عزيز : هو تاليتنه صرنه حراميه علمود حضرة جناب ليث
أبتسم واجه يمشي بأتجاهي كض ايدي يتحسب على ليث
_ لاتحجي عليه ازعل والله

مبتسم يحاجيني
عزيز : ابن عمي شدخلج أنت ؟

_ چا غير اخوي

قرب وجهه مني
عزيز : اروحن فدوة للچا ،احبن من تگوليها

_ اممم

عزيز : احبج

_ وانا هم

جراني يحضني بحضن بيه يعبر عن شوگ الاسبوع هذا ،وخرني بعد اكثر من دقيقة يباوع بعيوني ومن تقرب علي اكثر ضغطت على ايده، وجهه بوجهي همس
عزيز : لا تگليلي لا

بلعت ريگي اريدن اوخر بس ما خلاني واحتضن شفايفي ببوسه هادئه يعبر بيها بطريقته الخاصة قربني اله اكثر ،مدنگ علي ضايعة بين ايده وما صدگت يوخر واجرن نفس
وجهي نار احسنه عيوني ما اگدر اباوعله بيهن
رفع رأسي بايده

عزيز : راح تخليني اتهور وانا بالگوات كضيت روحي

من شاف ارتباكي غير السالفة وگعد وصاحني اگعد بصفه نسولف بأمور وبس مشى طبيت انا لگيت امي متانيتني بالمطبخ
زهرة : شني يمة صارلكم ساعة طاح گلبي گلت هسة يجي واحد من اخوانج

حسيت روحي دخنت من الفشله
_ هو ما خلاني اطبن

زهرة : حگه صارله چم يوم ما شايفج ،طبي يمه نامي وراج دوام

هزيت رأسي ب أي ومشيت للغرفة بس طبيت چانت توها گاعده ،ب أي وكت يعجبها تنام، غمزلتي
عطاء : وين چنتي ؟

_ هاا

عطاء : اجاج عزيز مو ؟

هزيت رأسي ب أي ،ورديت لكتابي جفون چانت نايمة ومن گعدت گعدتها حتى تحظر روحها وهي گضتها تدردم ،صحت عليها و وي صيحتي فزت عمة ورزلتنه ثنيناتنه
جفون : اگلج عمة لا تاكلينه بلسانج غرفتنة وأنت خطار بيها

ركضت وراي من گامتلها جرتها تريد تعضها وجفون تعيط على عياطها طب نوح خلصها من عمة وهي تشكيله
جفون : عمتكم سايگه علينه، گرصتني نوح اشاقه وياها وگرصتتي چماله تريد تعضني، معيشينه وي وحش ما تخافون علينه أنتم

تقدمت عليها وهي ختلت بضهر نوح
عطاء : ياااهي الوحش ولجج، خاااب الچنيه انا الج عود تحتمين بيه

جفون : شوف شوف شلون تحجي وياي نوح مو اگلك سايگه علينه

نوح : جاي اشوف حبيبتي

عطاء : حبتك حباية وگرصتك بگاية يا ما تستحي

نوح : سالميين عمة شحجيت انا

غمته ومشت تطلع من الغرفة وهي وخرت من وراه
جفون : الله يساعدك يا عمو ابو چسار على الورطه التورطت بيها

هي تحجي وما منتبهه لثوبها المفتوح زايد من الصدر جسمها يبرچ و واگفه گباله عارفته ما راح يقاومها و لان انا فاعل
خير شردت من الغرفة الصدگ استحيت من نضراته بس شافتني امي گالت

زهرة : جا وين جفون ماضل وكت راح يجي ابو الخط

استحيت اگلها نوح يمها
_ هسة تجي جاي تبدأ

°جفون°

احجي احجي وهو ساكت بس يباوعلي وفزيت من نزلت عيوني لثوبي وشفت الفضيحة على اصولها هستوني رفعت ايدي اريدن
اعدل ثوبي وكاضاها بساع يمنعني وعيونه اكلتني اكل ،دفعته ونترت

_ اطلع

بعيون ثگيله يباوعلي هز راسه ب لا
نوح : حارمتني منج حرام عليج .

خزرته اريدن اموت من نضراته ،وهو عناد سواها كض ايدي حتى لا ادفعه ودنگ علي ،نشغت من حسيت بملمس
شفايفه صارت على رگبتي ،لحيته خشنه احس بيها تجرحني وي حركته ،أول مره اجرب قربه هيج ،اتنفس بقوة وگلبي احسن
بيه مسموعه دگاته اله ،عارفني بعد ما اگدر أقاوم و زادت جرئته اكثر ،فززنه ثنيناتنه صوت دگة الباب وصوتها بره تحجي بساع
غاية : يله جفون أبو الخط متانيج ،بساعج ترا انا راح اروحن

بحجاياتها الاخيره چن نبهتني وخلتني ابتعد عنه، درت مطيته ضهري ارچف وهو بساع طلع ،طبت هي من شافت حالي المگلوب گلب ما حجت بس أبتسمت بوجهي وگالتلي
غاية : عادي تراه حلالج

_ غاية

بس گلت اسمها انجمعت الدموع بعيني، شهگت ابچي من اجت گبالي تسأل شكو وليش ابجي گلتلها
_ خفت منه والله

غاية : ليش تخافين اليصير بينكم طبيعي يصير بين كل مخطوبين

_ يعني حتى أنت وعزيز ؟

غاية : جا وحد ،وشني ما تعارفين أنت ؟

_ ما عبالي هيج والله

غاية : من محبته تهور وياج وتعارفين حتى عزيز مرات يتهور واخافن مثلج

_ والله

هزت رأسها تحلف
غاية : والله

مسحت عيوني احجيلها الي بگلبي
_ ما متعوده عليه انا هيج ،ما اگدر اتقبل هل قرب بهل سرعة

غاية : الزلم ما يصبرون ،يردون كلشي بساع بساع وهو راد يعقد حتى يستفرد بيج بالحلال

_ والله اخنگه لو عادها

خفت ابتسامتها تگلي
غاية : الخط مشى حاجاه ليث لان انا گلتله تردين نوصلج ويانه اللبسي بساع لان جاي يتريگ

_ خوش

طلعت غسلت وجهي لهسه الرچفه بي ،ورديت بساع بدلت ومشيت وياهم وصلوني وكملوا دربهم للكليه طبتي صارت وي مادگ الجرس ،اليوم حواري غايبة ما لگيتها
بالصف گضتها غيابات ما اعارف شلون نجحت بنص السنة اشو انا
اخاف حتى اغيبن وينزل مستواي الا هي ولا مهتمة

بالفرصة تلاگيت وي بركة چانت كتابها بايدها ومخبوصة تراجع للأمتحان ،مشيت اشتريت من الحانوت وگعدت بصفها هستوني حطيت الكيكه بحلگي وگالت
بركة : تتذكرين هند الحجيتلچن عليها بت عم رهيب ؟

_ أي شبيها ؟

حطت الكتاب على رچلها
بركة : اليوم اجت سلمت علي اختها

_ أي

بركة : تعارفين شني معناها

_ شني ؟

بركة : راح يضل يوميا يجي بحجة بت عمه مثل ما سواها گبل ولو شافه واحد من الولد تصير طلابه الها أول مالها تالي

صفنت مستوعبة الجاي تحجيه
_ يعني نرد للطلايب

هزت رأسها ب أي حايره وصفنتها اترچم حجم حيرتها وصدگ الگالته من طلعنه بنهاية الدوام چان واگف گبال باب المدرسة، انتبهتلها شلون توترت من شافته كضت ايدي چن تتقوى بي ،بس صعدنه بالخط گلتلها

_ شبيج اچيتي تموتين واذا شافج

بركة : اخافن من الطلايب والله

_ حگج بس مو هيج حسيتج راح تطيحين من طولج

بركة : احسن ضغطي بده يصعد

_ مو رهيب صار ملح

شگد ما چانت ضايجة أبتسمت ،طگتني على ايدي كضيتها متوجعة
_ موزين ضحكتج

بركة : بطلي سوالفج صرتي مره مخطوبة

_ يوم الالج أن شاء الله وتصيرين مرة حماي

بركة : شلون راح ادفرها من الكية

گضنيناها سوالف منا لمن التمن البنات وكلمن ردت لبيتها انا اول ما طبيت صار گدامي نوح سويت روحي ما اشوفنه ولا اسمع الحجي الضل بيه متقصد يريد يحجيني
نوح : بويةةة ثگال صايرررين، تطيحون بيدي لو لا

غلست عنه وطبيت جوه، نزلت جنطتي من اچتافي وطبيت بدلت ورديت گعدت يم عمة گاعدة تثرم فاصولية خضره وكلساع محشمتني على شي اسويه منا لمن گتلها
_ يمةة شني والله تعبانة

زهرة : جا شسوي ما اگدر كلساع اگومن ،بس جيبلي سله وأمشي ارتاحي

_ بطوطي اطيتيهن اكل.

زهرة : لا

اطيتها المصفي وعدلت وگفتي اگللها
_ جا ماشية اطيهن اكل

زهرة : هسة صار بيج حيل گبل مو ؟

ضحكت وطلعت بره فتحتلهن الگن هن والدجاجات ورديت بساع جبت الاكل الزايد نضمه الهن وللبطوط نگعت خبز ،وتوني اريد اطبن وسمعت صوتهم ،درت على الباب ومن شفتهم گلت

_ اهوو وكتكم هسة

اجوني يضحكون سيف وحوراء وحتى عون و وراهم حواري كاضة
ميمنة البادية توها تمشي ،دنگت وفتحت الهم ايدي وحضنتهم تلاثتهم ما اعارف
سبب حبيهم الي اضن لان عدي حيوانات والجهال هيج عمر يموتون عليهن من وگفت دنگت رديت شلت ميمنة واحجي وي حواري

_ شني سالفتج وي الغيايبات أنت

حواري : سالفتي سالفة طويلة، امس ميمنة متنحسه خبلتني رحيها يطلعن جاي ومتسودنه حتى ما گدرت اعوفنها

_ جا شو سألت بركة عنج ما گالتلي

حواري : ما تعارف عمن انا ماخذتها منها هي سادس بيا حال واخلي ميمنة عدها

_ شعجب رضت عاد هي كلش متعلقة بيها

حواري : خبلتني تفز بالليل تبچي عليها واقتنعها منا لمن بدت تتعود

_ زين سويتي خليها تركز على دراستها هل فترة

حواري : أي

اجت غاية وحواري ضلت عدنه ساعة ومشت وبالليل على العشا چنه ملمومين ،اقترح عمي يبني لعلي مشتمل بالبيت ويانه بس حتى ياخذ راحته

علي : لا عمي عليش تكلف روحك

محمد : ماكو شي اسمه تكلف روحك انا اريدنك قريب علينه وشتحتاج عمتك والبنات هنا خوما تضل وحدك وابوك نص ايامه دوام

ايدت اقتراح عمي وگالت لعلي
غضة : احس شي عاد لا تحس بوحشه عليك جده

ما اعترض بعد من شاف حتى الولد وجدي مأيدين الفكرة وصدگ من ثاني يوم بده الشغل بالمشتمل رادوا يبنون الجهة البيها
التنور وحيواناتي بس انا ما رضيت وبنوا الجهة الثانية

،واگفين نباوع عليهم انا وغاية وهي كلساع گايلتي
غاية : شگولن عليج جفون لو راضيه

درتلها اعارف مبتسمة
_ ضايجة لان بعد ماكو مكان تتلاگون بيه أنت وعزوز على گولتج

غاية : ما ضايجة بس هو خطية وين يشوفني بعد

_ يتحمل

غاية : سنة خايبة

ضحكت على ضوجتها ومشيت جبت ل ليث ماي من راد ،اطيته الدولكة وسألته
_ شراح تبنوله ؟

ليث : غرفة وصاله ومطبخ وحمام

_ ضلت عوزه بس مره

اطاني دولكة الماي وشحتني، هزيت ايدي ادردم عليه اجه نوح يسأل شبيه وياي گلتله متقصده انرفزه
_ ماعليك انا واخوي لا تدخل

خليته يصفن بوجهي وطبيت اضحك ،وهيج ضلينه نركض مراكض للشغل وللدوام گضت اربيعين عمة خالدة ومنا لمن گضه المشتمل
وي الامتحانات مال أخير السنة ،حولنه هدومه انا وغاية وجبناهن نسفطهن بالغرفة وبره الولد يطببون بالاثاث چنت اشتغل
وكافه ثوبي وحجايي نازعته وفتح الباب وطب من شافني سداه بساع يسأل شوكت نكمل

غاية : بس ضلن هدوم الطلعة نفسطهن وباجر نغسل البيت

نوح : خوش استعچلن عمن كلتنه الجوع

من مشى نزلت ثوبي وگعدت على الچرباية تعبانه احجي وي غاية
_ احسن عمي يريد يعرسله هل جاي ياثث البيت كله

غاية : گالي ليث يريد غمد وحتى محاجي عمي

فكيت حلگي
_ منو الحاجي؟

غاية : علاوي گبل لا تموت امه گايل لجدي اريدنها من راد يخطبها غازي

_ يا يا شو ما اعارف انا

غاية : نسيت السالفة والله لو متذكرتها چان حجتلج

بس كفينه الضال من الهدوم طلعنه بوجهنه للمطبخ لگينه عمه جاي تحظرلهم الاكل وگالت نغير هدومنه ونجي وياها ،انا ما متدمره كلش بدلت ومشيت يم عمة وغاية طبت
تسبح ،ومن كملنه فرشنالهم سفره بالديوانية التموا يأكلون ليث ونوح
وعلي و وياهم عزيز وحق وجعفر وثاني يوم نضفناه تنضيفه اخيره حتى
بعد يستقر بيه ،طبينه مهدود حيلنه من التعب وهو سالنه كملتن ومن گلناله أي تشكر من عدنه وباوع لعمي محمد
علي : مشكور عمي ما اعارف شلون اجازيك على السويته

محمد : اهم شي اشوفنك مرتاح ،وشتريد ابد لا تترد تطلب مني لو من عمتك صرنه اهلك بعد وهذن خواتك لا تستحي منهن

علي : من زمان اعتبرهن خواتي انا

محمد : بس هذيج مو اختك

عمي ابد مو طبعه يحجي هيج بس انتبهتله دائما يريد يغير من نفسية علي الضال ثلاث ارباع وكته يگضي
بالصفنات وكلنه انتبهنه اله شلون تأزم وضعه اكثر بعد ما مشينه للاربعين وبهل ليلة مشى للمشتمل مالته وثاني يوم رد عمي من دوامه توسلنه بيه يضل عدنه على الغده
سمير : تعبان بعد عمچن ودلي اكلي بيد واحد من الولد

غضة : ضل اكل وأمشي ارتاح عليش تاكل وحدك يمة

بأصرار من جده وعمي اقتنع وضل، واحنه ملتمين سأله
محمد : احجيلي اذا تعارف مرتك ليش انتحرت ؟

نزل الخاشوگه من ايده
سمير : گبل چم يوم خابرتني گالت شاكه حامل گلتلها حللي وان شاء الله خير ،بوكتها گالتلي اذا
مو حامل انتحر، ابد ما حطيت ببالي تسويها صدگ لان سألت علي گال حللت وماكو شي گبل يوم من السالفة

مسح وجهه مصدوم
محمد : لا اله الا الله

غضة : جا شگد گلنالها اخذي جاهل من الميتم وربي اذا بنفسج جاهل هيج ،هسة شني الاستفادته

تنهد عمي سمير وعلگ چگاره بوكتها چنت اول مرة اشوفنه يدخن هيج گبال عمي محمد عمن هو كلش يحترمه وگبل كلشي يهابه ويحسبله الف حساب چي هو شبه مربيه
محمد : هونها ياخوية تهون

سمير : الله كريم ،مرخصتكم

گام يريد يمشي بس گبلها سأل
سمير : صخر وين ؟

محمد : ماشي عده شروت خشب

سمير : هاا خير أن شاء الله

طول الوكت جدي چان ساكت بس مشى عمي گال
رأجس : فلا خلت نفس طيبة عليها بعد سوايتها

محمد : الله يرحمها بوية ما على الميت خير الرحمة

ما حجه جدي وخله وگام غسل وگال نوديله الجاي للغرفة عمنه تعبان، تگابلنه انا وغاية على المواعين حتى نكفهن بساع
وكل وحدة تگابل كتابها بعد يومين ل أول امتحان عدي ،وانا اجلف بالطباخ گلتلها اسأل لان ما عدي فكرة كامله عن الصار ما اعارف غير طراطيش من الصاير بالماضي

_ غاية شني السوته عمة خالدة وخلت الكل هيج يضوج منها ؟

باوعتلي وردت تسفط المواعين الغسلتهن بالصينية
غاية : شلج بهل سالفة

_ اريدن اعارف لان احسن روحي مثل الاطرش بالزفة

غاية : خليج احسن لا تعارفين عمن سوايتها گبل الله يرحمها ما تتسولف

_ احجيلي شبيج حبابه

لزگت بيها الا تحجي استغفرت گبل لا تگلي ،ملامحها بساع تبدلت
غاية : حطت سودة براس أبوي ،وتهمته هو يتحارش بيها عگب ما چان يعتبرها مثلها مثل عمة عطاء

نشغت ما مصدگه
_ يمةةة، صخااام

غاية : صوتج يمعودة لا يسمعنه احد

_ منين عارفتي أنت ؟

غاية : چنت جاهله بس فاطنه واعارف وهم من كبرت وسولفت لهيوفة گالت صدگ الجره بس حذرتتي ما نرد نحجي بيه عمنها موش سالفة هينه

_ ولهل سبب الكل يضوج منها چان

هزت رأسها ودارت تريد تكمل المواعين بس من گالت اسمه خلتني انتبه على وجوده
غاية : علي

تباوعله بخوف وانا عيوني تفتر بينه وبينها ،ما انتبهنه عليه من طب ،بلايه ما يحجي رد طلع و طلعته ما چان الها غير تفسير هو سمع الحجي

لطمت على خدها وجهه مخطوف لونه وانا ضاله بس ساكته اخافن احاجيها وترد علي
غاية : سمع والله ،صخام بعيني ،يمةة يا فشلتي وانا يسألني واگله ما اعارف

ضلت تلوم بروحها وانا حتى تنساني غسلت الباقي من المواعين ،واخذتلها چم يوم الا نست السالفة وبس كل وحده بينه گضت امتحاناتها التميمنه ونص لمتنه گضت وي مناگر عون وسيف ،أخير شي عون مل من سيف چي ما يخليه يگعد يم حوراء وجاب دولكة الماي دارها عليه وهو گاعد وشرد يختل ورا صخر التوه اجه من بره، دنگ شاله وحواري تتحلف بيه
ريحانة : لا تخليه صخر ترا ياكلوه حواري وجهالها

ابتسم يباوع لعون المحتمي بيه وضال بس يسب بسيف
عون : ابوك ابوك خبب
يأشرله بايده بطريقة المسبه، باسه وگبل لا يمشي گال
صخر : الولد بره يردون چاي غاية سويلنه بساع بعد اخوج

غاية : صار خوية

اخذ عون وياه وطلعوا وانا درت على غاية اداهرها
_ احس اذا عزيز گلج احبج تگليله جاي جاي

ضحكن البنات وهي غمتني ومشت سوتلهم چاي وردت
حواري : جا شني الولد هم گضوا امتحانات وهل التموا ؟

هيوفة : لا ولج من مللهم عمن كلمن مفارگ مرته

حواري : هم صدگ

للساعة ثنعش وكلهن مشن بس بنات عمي كاظم ضلن، تمددت تون من ظهرها
_ شبيج ليگول طالعة عماله

غمد : ياريت طالعة عمالة ولا سادس ،خايبات والله ما مصدگة روحي خلصت منه

_ يوم الالي

غمد : بعد عدج الخامس سالفتج طويلة

_ أي والله

غمد : بركة حرامات اجلت الانكليزي چان هسة مرتاحة

_ تگول ما گادره تحل

غمد : والله الحقيقة تردن

غاية : أي

غمد : الانگليزي اذا طلعت بيه ثمانين اشدن وصله وارگص

طگتها تخوزر بيها
سيوف : شبيج خفيفة

غمد : فرحانة ،ما تخلين الواحد يفرح، نفسيةةةة .

فتحت الباب علينه اخذت فراش ومشت للديوانية اشرت وراها
_ عمتچ هل كل همها تنام ،بكل وكت تلگنها حاضنه المخده

غمد : مفتهمة الدنيا صح ،اكلچن جعت

سيوف : شو من نجي هنا تنفك شهيتج

غمد : يصيرلي واهس لان اشوف وجوه جديده

سيوف : لا والله

رمشت بعيونها ترد عليها
غمد : أي والله

گامت غاية حتى تسوي شي ناكله واحنه مشينه وراها ،اطتني البتيته گشرتها وسويتها اقلام وهي حمت
الزيت وبدت تگلي وبنفس الوقت انا لملت السنك، اجت وگفت بصفي
تحجي وياي ولهناك وصفنت من باوعت وين جاي تباوع شفت علي
گاعد جوه شجرة النبگ وصافن من شافتلي جاي اباوعله وياها گالت

غمد : والله انقهر من اشوفه بهل حال وهو ما چان هيج

_ جا شبيده غير امه الميته

سكتت وصدمتني من ورا شوي تندت علي تگلي
غمد : خل اروحن احجي وياه بلكت هاي ضوجته تخف مايصير يضل هيج

ندستها اسوي روحي طبيعية ما اريدهن ينتبهن
_ وين تمشين اگعدي بمكانج لا يشوفوج الولد

مشت بالحجيته بس كلساع اباوعلها تحوس منا لمن حطينه الصينية بالگاع گالت
غاية : جفون راح اسوي لفه وديها لعلي لان ما اكل زين بالعشه

_ خوش

سوت اللفه واطتنياها وبعدني توني طلعت من المطبخ وحسيت عليها وراي ،درتلها
_ ما گدرتي مو ؟

ما ردت علي وانا غلست عنها وكملت دربي بس شافنه گام وگف على حيله ،مديتله اللفه احجي

_ غاية سوتها الك

اخذها يشكر مني وانتبهلها واگفه بصفي
علي : غمد

باوعتله بصوت ناصي گالت
غمد : هاا

علي : شلونج

غمد : الحمدلله ،وأنت ؟

علي : زين

كضيت ايدها
_ ماشين نتعشه .

گال بالعافية ورد گعد ،ضلن عدنه اسبوع هل مره الا مشن ،الايام تمشي بهدوء وماكو
شي جديد هيوفة جابت وسنة عمة خالدة گضت و وراها بشهر حددوا موعد زواج
غاية وبدت التحظيرات وركضة جهازها وانا وي كل يوم يگضي احسن بروحي اريد ابجي لان راح اضلن وحدي بالبيت يفرغ علي

طبت مستعجلة حطت صگر بحضني توصيني عليه
هيوفة : مو الگاج شامرته بالشارع عمنج ما تتأمنين

_ هسة اطيه لدجاجاتي يتونسن بيه خوش بيه لحم

احرك بايده وهو يناغيلي
هيوفة : امانة الله جهالي جفون صيري خوش خالة

_ اگلج ليش ما خليتيهم عد ريحانة

هيوفة : شبيج غير تمشي ويانة تريد تشتري هدوم

_ جا وعون

هيوفة : ودته عد حواري ،يله غاااية وينج

طلعت من الغرفة تلبس بعباتها
غاية : ماعدي شي

غضة : تعاي رموش اطيني ابن ابو گمزة

مشيت اطيتياه ما مصدگه وشلت دره احجي وياها وهي كلساع كاخفتني تعوذت الشيطان وما كفختها لان اعارف اذا بجت ماتسكت مدللة ابوها

مشن غاية وعمة زهرة وعمة عطاء وياهن عمة نجوى وريحانة طلعت وراهن اباوع ل ليث بس شافهن صفن يحسب بيهم
ليث : وين اخليچن ،بالصندوگ ؟؟

زهرة : يراد سيارة ثانية

ليث : طبن بين ما اخابر حق يطلع

چانت سيارته طابگه بباب بيتهم خابره وگاللهن
ليث : نصچن وياي ونص تعالن وياه

تقسمن عمة زهرة وغاية وهيوفة وي ليث والباقيات ضلن متانيان
حق ماطول خمس دقايق وطلعلهن لحگوا بيهم وانا طبيت اضحك ،العرس الضل يتأجل
يوميا يارب يعدي على خير ،طر المغرب لا ردن ليث صايرة روحه بخشمه
ويحجي عليهن، هو ضايج لان راح يفارگ غاية بس يطلع حرگته ب أي موضوع جاي

غاية : اجرتلج فستان وياي للعرس مثل ما تحبين أنت

أبتسمت بفرح
_ والله

غاية : والله ،يخبل ماروني مال محجبات يطلع عليج فد شي

زهرة : اتخيلج بيه شتطلعين يايمة

شكد ما چان فعل بسيط بس فرحتي بيه ماتنحجي لان انا كلش متأخره ولهسه
ما مشتريتلي شي عمن ملتهيه بالامتحانات وعزيز دفع جدي علينه وما صبر
لشهرين بعد وتگضي السنة ويعرسون وبس اكللهن لگمه حولن هدومها وغراضها لبيت عمي باقر ،شگد چنت كاضه روحي ما ابجي من
طلعن الجنط من البيت بچيت ،وهي بس شافتني بچت وياي واجت حضنتني وجدة تصيح علينه لا نبچي لان فال موزين عليها

_ بعدما ابجي جدة والله بطلت ،ها اها حتى مسحت عيوني

امسح عيوني واحاجيها وطب ليث بس گال اسمها وفتحلها ايده، مشتله حضنها بقوه ومبين عليه شگد مختنگ ،باسها من رأسها
ليث : صارت صدگ وراح افارگج

اضن لو سامعة الحجاية من أي واحد بينه ما تبچي هيج ،حضنته حيل وصارت تشهگ خلته يتندم چي حجه انخبصنه بيها كلنه نريدها تسكت وبالگوات الا هادن عيونها وكفن دموع...

حضن رأسها لصدره يداهرها
ليث : منا لهنا ماشية عليش تبچين

غضة : جا منو بجاها غيرك

ليث : حجيت حجاية جدة وهي انهدت

غضة : ما اريدن دموع ،خلونه نفرخ وكافينه حزن

كلها ايدت كلام جدة بس هي اولنه انترست عيونها بالدموع من
گومها جدي يحط ايدها بأيد عزيز والتموا اخوانها يوصونه عليها ،تقدم ليث عليها وگبل لا يحط البرگع على راسها باسها من گصتها

ليث : "موعده بالله يادوه جروح اخوج"

تباوعله ولو رمشت يطيحن دموعها، طلعت لبيت عمي باقر ،واحنه وراها وبس صبوا العشه للوادم صعدوها عمة زهرة وهيوفة وريحانة ،وبس نزلن زفوه بالهوسه المتعودنه عليها
"زفيناه بصاية حيدر ،زفيناه"... 




°غاية°

اسمع هوساتهم بره واحسن راح اتخربط من الخوف شوي وانفتح الباب سداه وطب
وبس اجت عيني بعينه گال وهو يرفع ايده يرحب بي
عزيز : اذا مو احلى شوفة اشوفنها، غاية التمنيت اصيرلها اقرب من اخوانها الليلة بغرفتي

بلعت ريگي احاول أبتسم وهو حس علي ،اجه وگف گبالي
عزيز : صح أنت طالعة تخبلين وانا اضعف گدامج بس ارتاحي وكلشي لوكته نخليه

رفعت عيني بعينه ،كبرت ابتسامته يداهرني
عزيز : لا ترا اذا تضلين هيج تباوعين ما اضمن روحي

_ ها

اخذ من ايدي القرآن ومسكة الورد حطاهن على الچرباية ورد وگف گبالي
عزيز ؛ شها غايتي ،شبيج ؟

بتردد گلتله
_ خايفة عزيز

عزيز : انسي ما طايرين

يحجي وياي واندگ الباب ،مشى فتحه چانت ريحانة جايبة العشه ،اخذ منها الصينيه يوصيها

عزيز :ردي اخذيها بعد اخوج لان زحمة انزل هسة والنسوان هنا

ريحانة : صار ،تريد شي بعد ؟

عزيز : لا سلامتج

سد الباب وراها ونزل الصينيه بالگاع ، نزع سترة القاط وباوعلي
عزيز : طبي انزعي بدلتج حتى تگدرين تگعدين

هزيت رأسي ورفعتها ومشيت للحمام ،سديت الباب ونزعتها ،كلشي چانن محظراتلي بالحمام ،الروب والمنشفة والعطور ،رتبت نفسي
وطلعت اطگطگ ب اصابعي بارتباك الروب مو كلش مستور ،صاحني يمه ومن گعدت چرني يقربني عليه وبأيده يوكلني وياكل ما گدرت اكل اكثر من لگمتين

عزيز : شني شبعتي ؟؟

هزيت رأسي ب أي ،ما لح علي مقدر الوضع البيه انا وبس گضه اكل گام اخذ هدوم وطب للحمام، ضليت گاعدة اوصي روحي واهديها
منا لمن طلع رفعت عيوني عليه اباوعله ينشف بشعره بس انتبهلي أبتسم
عزيز : گومي توضي حتى نصلي

توضيت ورديت فرشت مصلايتي وراه، وبس گضينه صلاه فتحلي ايده بعدني بأزار الصلاة، حضني بقوة
عزيز : لو شگد ما احمد الله واشكره على نعمة وجودج بحياتي ما اكفي ،بالوكت الچنت بيه صعب وما اللين وي مره ملت انا وگلبي الج خاضعين لحسن شعرج

رفعت رأسي وهو مدنگ يباوعلي ،بحركة بسيطة بده چانت كفيله لبداية حرب المحبين ،احتواني خايف علي من روحه وكل ما ارتفعت صوت انفاسي يحاول بكل مجهوده يخفف علي ويطمني، سلمته روحي وانا اعارف حرصه علي اكبر من اتمام هاي الليله، انتهى المطاف وانا بين احضانه وبعد مده من الزمان گمت سبحت وطلعت حانية ضهري بالم بس شافني هيج گال

عزيز : اصيحن ريحانة ؟

هزيت رأسي ب أي ،طب سبح بساع وطلع وانا ضليت گاعدة على الچرباية بعيوني اشاهد أثار الجريمة شوي وطبتلي بس ريحانة وهو مو وياها سدت الباب وفرت عيونها للغرفة تباوع مبتسمة

ريحانة : ماكو داعي اسأل شبيج لان مبين .

غطت حلگها تضحك وانا من المستحى صرت هلگدوتني ،سكتت روحها من شافتني راح ابجي واجت گعدت يمي
ريحانة : مبين أخوي مطلع حيف السنتين بيج

_ اهوو ريحانة

ضحكت وگامت وگفت
ريحانة : ماشية اجيبلج دوه

ماطولت شوي وردت اطتني الحباية والماي شربتها وهي توصيني
ريحانة : بعد لا تخلي يگربلج منا لمن تصيرين زينه

هزيت رأسي ب أي وبس طب عزيز مشت ،اجه گعد بصفي جر راسي لصدره يحضني شوي و وخرني يسأل
عزيز : شعرج ما مشطتيه ؟

_ لا

عزيز : امشطه الج انا

_ ما تگدر

گام مشى للميز ورد علي
عزيز : اگدر ،بس وين المشط

اشرتله على الجراره فتحها يدور بيه وبس لگه المشط اجه گعد وراي فتح
المنشفه من رأسي وبده يمشط بين خصله ورا خصله إلى أن كمله وانا لميته
عزيز : بعد تردين شي انا بالخدمه

أبتسمت ودرت عليه طبعت بوسه خفيفه على لحيته وبس وخرت گال
عزيز : استري على روحج حبيبتي

اكتفيت ب ابتسامه وگمت مددت وهو طفه الضوه واجه بصفي، رفعني يخليني على ايده وما طولت هواي وغفيت من تعب وفرة الايام المضن، الصبح گعدت گبله على صوت الباب يندگ ،سحبت روحي وگمت فتحته ،صارت گبالي
ريحانة : صباح الخير ياعروس

_ صباح النور ريحان

ريحانة : شلون صرتي ؟

_ احسن

ريحانة : الحمدلله ،رتبي روحج حتى تنزلون جدي وده الريوگ

_ خوش

نزلت هي وانا سديت الباب ومشيت اگعده ،بصوت خافت احاجيه
_ عزيز ،عزوز ،اگعد

فتح عيونه يباوعلي، عدل شعره بايده
عزيز : شلون صباح حلو يابة

أبتسمت بخجل وگمت مشيت للكنتور طلعتلي گلبيه الصباحيه واحتايجاتي
ومشيت للحمام بدلت وبس طلعت هو طب ،وگفت گبال المرايه حايره شني مكياج اخلي
وياها لونها ليموني فاتح، وبعد صفنه طويلة ثبتت على مكياج خفيف وحمره جوزيه ما كثرت منها، وي ما چنت اللبس شالي الابيض طلع هو وگف وراي يتغزل
عزيز : جمالج يصلح الواحد يتريگ بيه لان ماكو فرق بينه وبين نعمة الله

درت عليه مبتسمة اباوعله لابس دشداشته البيضة يمشط شعره وبس انتبه علي جاي اباوعله دنگ لطولي
عزيز : راح اتهور وياها مايطيح بيها غيرج، استري علينه

_ بطلت بعد ما اباوع

عزيز : باوعي باوعي حلالج منو يلومج

جبرني اضحك على اختلافيته، رش عطره ورشلي وياه
عزيز : اثبات ملكيه هاي

_ اممم

عزيز : كملتي ؟

_ بس اوگف

عدلت شالي وگلتله
_ كملت

كض ايدي وسويه طلعنه وبس أنتبهن علينه جاي ننزل الدرج هلهن عمة نجوى وريحانة ،ضغطت على ايده حيل وهديتها من صرنه بالصالة ،سلمن علي البنات
يتباركلي ،وانا مشيت سلمت على عمة ونوب امي وعلى وگفتنه طبت حواري هي وجهالها
وبعد ما صبحت على الموجودين وباركلتنه سألت امي
حواري : عمة جا جفون وين ليش ما اجت وياج ؟

زهرة : ضلت نايمة وانقهرت اگعدها عمنها تعبت سوده علي للصبح تنضف بالبيت

حواري : يااا جا لو موديه علي وياها

زهرة : وياها سيوف وغمد ضلن عدنه

حواري : جا زين

كض ايدي وگعد وخلاني بصفه ،يسولفن وانا بس استمع جابت صينية الريوگ هيوفة اكلت شوي و گمت غسلت ،أول ايام الوضع
غريب چان وجديد علي منا لمن تعلمت وبس گضت اجازتي رديت اداوم وبنفس جامعتي بركة وغمد

أول ما طبيت انا وبركة و ورانه چان ليث شفناها جاية تتمشه علينه ورانه صوته ضل يستغفر چي يشوفها ما لابسه عباة ،بس وصلت عدنه گالت ب ابتسامه
غمد : صباح الخير

ردينه عليها واجت وگفت بصفي ،كملنه دربنه كل وحدة لقسمها منا لمن گضه الدوام اجاها سياف وانا وبركة ضلينه متانين ليث عمن طلع گبلنه وگال بس نگضي يردلنه

°بركة°

بأستغراب ضليت اباوع من وگفت گبالي هند ،غاية بساع عرفتها
هند : السلام عليكم

ردينه عليها السلام بأستغراب هاي اول مرة نشوفها هنا
هند : تتذكرني مو ؟

غاية : بت عم رهيب شلون ما نتذكرج

أبتسمت وباوعتلي
هند : شلونج بركة ؟

_ الحمدلله بخير ،شنو تداومين هنا شو أول مرة نشوفج

هند : لا مو هنا ،أجيت استضافه أمس بس اليوم الا داومت

_ ها

بگلبي گلت والله سوالفه هاي لان ما معقولة كل مره تصير صدفة ،ضلت واگفه يمنه منا لمن خابر علينه ليث وطلعنه طول الدرب اصفن چنت ،يختفي ويرد بحياتي من جديد ،عجيب هل انسان ولا يهاب احد

بس وصلنه تلگوني من الباب عون وسيف متعاركين ويرطنون علي ،كضيت كل واحد منهم من ايد وطبيت انا وياهم بس شافتنهم حواري گالت بچزع

حواري : راح اتسودن انا والله صارلي ساعة اگلهم طبوا وما چنهم

نزعت عباتي اسألها
_ ليش تعاركوا ؟

حواري : عون اخذ كتكوت من سيف وهذا تسودن عليه يرعد چن ابوه خبلني

زغرت عيوني اخفي ابتسامتي
_ شو تحجين على اخوي گدامي

حواري : ما حاجيه عليه بس اگولن مثل ابوه

دنگت گبالهم
_ شبيكم بس تتعاركون ما تملون أنتم ؟

عون : يولي سيف

سيف : أنجب

هد يريد يطگ عون جريته اخزر بيه
_ شو صاير كلش أنت

حواري : جا شوفي بعينج حتى بعد لا تلوميني من احجي عليه

_ تصالحوا يله حتى اطيكم ربع

سمعوا بيها ربع واحد حضن الثاني ،گمت طلعت من جنطتي كل واحد ربع واطيتهم طلعوا يركضون لعلي يشتريلهم عمن تعودوا عليه الوحيد صاير يتحملهم

حاطه ايدها على رأسها و واگفه ومبينين شكد متعبيها
_ جا امي وين ؟

حواري : مشت لبيت اهلي واخذت حوراء وياها

_ وميمنة ؟

حواري : نايمة بغرفتج

_ جا شو ما داومتي ؟

حواري : بس امتحنت وحق اجه طلعني

_ أي زين

حواري : بدلي وتعاي نتغده انا وياج كتلني الجوع

_ حمي الاكل بين ما ابدل

حواري : خوش

مشيت للغرفة بهدوء طبيت حتى لا تگعد بدلت ومشيت بستها، شگد احبنها
احس روحي اشوفن ميمنة اختي بيها ،سديت الباب عليها وطلعت يم حواري بالمطبخ ومن طبيت حطت الصينية بالگاع وگعدت وانا گابلتها ،وبس گمت غسلت وجبت كتبي بالصالة گعدت اقرا وحواري تفتر على راسي صحت عليها

_ ماتقرين ؟

باوعتلي ما مهتمة
حواري : لا تخافين انا انجح بلايه ما اقرا

_ حظوظ ،انا اقرا وبالدفرات چنت انجح

حواري : مو ذكية مثلي

هزيت ايدي وكملت باجر وثاني يوم توني نزلت من السيارة وشفته طب للجامعة ،جمدت بمكاني بالگوة درت على غاية ،بأستغراب تباوعلي اجت يمي بساع

غاية : شني شبيج ؟

_ رهيب هنا

غاية : يا شجابه

رفعت اچتافي وعيني على ليث الجاي يطبگ بالسيارة، شيصير لو شافه هنا
_ راح تصير طلابة واخوج ما يسكت ،ساعة السودة علي

غاية : سوي روحج طبيعيه ولا تخليه ينتبه

جريت نفس احاول اسوي مثل ما گالت ،كضت ايدي ومشنيه وراه من اجه ،بس كملت امتحاني طلعت من القاعة
الدنيا تفتر بي الاسأله ما چانت سهله وما توقعتهن هيج ابد ،مشيت جبتلي ماي وگعدت على المسطبة اباوع
للطلاب گدامي ،و وگف بي الزمن من شفته من بين الطلاب يمشي ومبين جاي علي، گمت بساع اريد اغير مكاني بس سرع خطواته
وبرمشة عين صار عدي واعترض طريقي ،رفعت رأسي اباوعله واگف بلايه أي
اهتمام للطلاب الصارت تباوع علينه، چان لابس قاط اسود قميص أبيض وياه ورافع شعره بطريقة مرتبه متغير وأكثر من گبل صايره ضخم، جر نفس مبتسم گبل لا يگول
رهيب : لو يخيروني بين عمري وهل وگفه وياج راح اختارها بلايه ما اتردد

_ رهيب

رهيب : يفداج هو واسمه

بلعت ريگي واحس من الخوف راح ابچي ،وهو ابد ما مهتم
_ روح رهيب لا يشوفك احد

رهيب : اروحن بس اسألج سؤال واريد جواب منج صريح حتى وراه اعارف اتصرف

تلفتت ميته بدمي،هسة شيگولون علينه الطلاب
_ اسأل

رهيب : ابن عمج رايدته لو لا ؟

_ ها

رهيب : حاجيني حتى اعارف اتصرف

ترددت گبل لا اگله
_ اعتبره مثل اخوي

ابتسم يعدل شواربه
رهيب : جا خوش جايكم اليوم

_ شتسوي جاي

رهيب : اخطب، لحد ما امللهم ويطوني الواگفه گبالي

_ لا رهيب لا ما عوزنه مشاكل

رهيب : ماكو مشاكل لا تخافين

ما اهتم ل اعتراضي وخله ومشى ،رديت گعدت و كل تفكيري عد الراح يصير وما
عده للعصر وسوه البراسه من دگ الباب نوح لبست حجابي وضليت اباوع أبوي طلعله واسمعه يگله

نوح : بيت غازي جايين وحتى ساده جايبين وياهم

حطيت ايدي على گلبي وباوعت لحواري البصفي وبالگوه سويت روحي طبيعيه وما سامعه شي من طب أبوي صاح على
حق ومشوا هو وياه ،ضليت بقلق وخوف منا لمن ردوا وجعفر وراهم يصيح

جعفر : شنييي يعقدووون لعب بكفيكم ،جاي اگولن ما تريده ولا هو اله هوه بيها

يوسف : شني سالفتك أنت ؟

صاح بجزع
جعفر : افهموااا ليث عاشگ لا من سنة ولا سنتين

ضلوا صافنين بوجهه ما مستوعبين اليگوله ،كمل
جعفر : لليوم ما ناسيه العاشگها ،شني تطوه اختي وتضلوموها وياه

طلعت من المكان الجاي يتناقشون بيه انا مو حمل هيج نقاشات طاقة ما عدي ،سديت باب الغرفة و گعدت وبعد الحجاه جعفر
صار هدوء غريب شهر محد جاب طاري الخطوبة ولا رهيب شفته بعد بس بت
عمه صارت كلش قريبه علينه وبيوم چانت گاعده يمنه ومن مشت اجه ليث باوع وراها ورد باوع لغاية

ليث : ليش ما گلتيلي هل بت حفيده غازي ؟

صفنت بوجهه مستغربة منين عارف واحنه مابينه وحده گايلتله ،صفگ ايد بأيد
ليث : صايرات تخوفن عمي

غاية : البت حبابه شدخلها بكل السوالف مال اهلها

ليث : ورهيب دكتور هنا وهم ما گلتلي الا انا سألت

غاية : وشمدرينه بيه هو يدرس هنا ،شبيك ليث شو شوفة عينك من القاعة للحديقة منين نعارف

بساع فرت الموضوع وهو سكت منا لمن ردينه للقرية توه ليث طبگ سيارته وطبگت سيارة ضيرم ونزلوا هو وهيوفة ،مشيت سلمت عليها وسألتها على دوامها هلسنة داومت وببداية السنة كلش تعبت چي چانت حامل ،طبت هي
وغاية وانا مشيت لبيتنه، گضت السنة وتونه عطلنه واقترحوا الولد نمشي لكربله نزور ،انخبصنه خبص بالتحضيرات والفچر طلعنه مجاميع ،انا
وسيوف وريحانة وامي وي برهان والباقيات تقسمن على السيارات ،لنص الدرب
وغفيت ما حاسة بروحي وما گعدت غير قريب لا نوصل ،بس طبگ السيارة بالگراج نزلنه، قفلها واجه عدنه
گال
برهان : گبلنه وصلوا ،هسة متانينه تعالن وراي وحده تكض الثانية مو تضيعني

سوينه مثل ما گال وهو كضاها كلساع ملتفت علينه ومن صار ازدحام رد ورانه حتى تضل عيونه علينه تلاگينه بين الحرمين چانوا گاعدين
كلهم وسيف وعون يلعبون ودره وحوراء وميمنة گاعدات سوه يم حق صايرات ابد ما يتفارگن ،گعدت اباوع على غاية الگاعدة بصف ليث ومخليه عزيز يباوع عليهم ويتحسر ،اجت بصفي سيوف
وگبالها صار برهان من گعد يم الولد ،انتبهتله كلساع يرفع عينه عليها يباوع ويرد
يحجي وي الولد ،يا عشگه الصرت احسبنه مثال للوفه ،تاناها كل ذيج السنين وابد ما فكر بيوم غيرها تدخل حياته وحتى من ردت ما
فد يوم شفت منه غير بس النضرات الها چن يريد بس عيونه تشبع شوف منها بالاول

زهرة : گوموا نزور نص ورا نص

احنه ضلينه نرتاح والجايين گبلنه نصهم مشوا وبس ردوا انا وريحانة وسيوف وغاية وهيوفة مشينة نزور ويانة عمة زهرة ،هيوفة شايله ابنها ودره شايلتها غاية ،نشغت وبالگوه گدرت اكتم صوتي من اندارن علي گتلهن
_ داست على رجلي مره

مشيت بصف غاية بساع كضيت عباتها حست اكو شي تدنيت اشاورها
_ رهيب شفته والله

باوعتلي بنضرة بيها تگلي "گولي غيرها"
_ حتى مو بس هو ولج والله وياه اخوه

غاية : ياا ياااا طرگاعة عناده وراسه
اليابس

ضليت كلساع اتلفت حتى من صلاة ما اعارف شلون صليت ،گعدنه ساعة بالضريح وطلعنه وبس التميمنه كلنه گالو نمشي نتغده لان ريوگنه ويانه اخذناه و بالدرب تريگنه ،توني گمت اعدل بعباتي واحجي وي حواري وعبر من گدامنه
حسيت فص عيني بعد ما اگدر احركه ندستني غاية ومبين شافته ومن انتبهت ليث چان يباوع وراه وبعيونه الشر مبين ،دعيت ما يحجي لا تصير طلابه وتخرب طلعتنه كلها ،وصح سكت بس
ضل روحه بخشمه وحتى الولد انتبهوا عليه وعلى مزاجه التغير ،نتر
ليث : جاي اگولن كلشي مابي لا تلحون بس تعبان من الدرب

جعفر : جذاب مو من عوايدك تتعب

يمشون گبلنه ويحجون ومن التفت بضفنه جانوا نوح وجفون يمشون سوا ما چن احد وياهم چنهم طيور الحب ،وبس وصلنه للمطعم الطابق الثاني كله اخذناه النه، وبس تغدينه ردينه للقرية ومثل مااجينه ردينه ،توني غفيت وندستني

سيوف : اخوج اضن نعس

برهان : لا ما منعنس

غطيت وجهي بعباتي مبتسمة وهي من فشتلها لان سمعها حتى ما ردت عليه ،وبس وصلنه للقرية الكل مشوا لبيوتهم عمن مهدود حيلنه من التعب ،انا بس سبحت نمت وما گعدت غير على صوت ميمنة تطگ على وجهي وتگول

_ امه
عود عمة

أبتسمت وفتحت عيوني
_ ها ياروح عمة

فتحتلها ايدي شمرت روحها علي ،بوستها حيل احجي
_ شلون بنيات حلوات اروحلهن انا سبع فدوات

تضحك كل ما ابوسنها، گمت وطلعت شايلتها بس شافتنه گالت
حواري : خبصتني خبص عليج ،ريد امه واريد امه

تقلد عليها وميمنة تضحك ،حضنتها بقوة اريدن اطببها بنص ضلوعي
_ احبنها انا والله ،احسنها قطعة من روحي هل
نص نصيص

مبتسمة تباوعلنه
حواري : هي هم تحبج

بستها اضحك لضحكتها، طلعت امي من غرفتها مبين توها گاعدة من شافتنة نضحك ابتسمت ومشت للمطبخ تدعي الله يدوم هل ضحكة علينه ،رددنه انا وحواري
_ امين يارب

بس ما چنه ندري احنه وادم حزنه اكثر من ايام فرحنه ،وبليلة من ليالي الصيف طلعت كنست الحوش ورشيته وفرشت حصير حتى الجهال يلعبون و دزيت سيف صاح
على عون ،گاعدة گبالهم وهم گضوها ساعة يلعبون وي الدجاج وساعة يتناگرون وعلى گعدتي طب حق من شفته يركض طفرت من مكاني اسأل شكو

عبد الحق : جدة بالمستشفى مجلوطه

حجايتين حجاهن وكمل دربه للبيت طبيت اركض وراه
اللطم طلعت امي على صوتي تسأل شكو مهبوطة
_ جدة مجلوطةةة يمةةة جدة

نشغت
شيماء : اسم الله الرحمن، يااا ولج شمدريج

_ حق هسة گال

قلق عشنه على طول هاي الليلة وثاني يوم الا جابوها گالوا متعديتها
الجلطة و وضعها زين بس چانت كلش تعبانة ،كلنه التمينه عدها ،وامي ونسوان عمامي يطبخن لسلامتها عمن ليث ذبحلها وكضاها كلساع گايللها

ليث : شوفي جدة انا شلون خوش حفيد ذبحتلج على حسابي

غضة : اطوه فلوسه خايبين راح يذلني

حجيها بثگل چان والتعب مبين بنبرة صوتها جدي يباوعلها بقهر وخوف على حالها، مشى گعد بصفها وگاللها
رأجس : تردين تشوفين كاظم ؟

باوعتله ما مصدگة شگد ما چان المرض مبين بشكلها بس طغه الفرح على ملامحها الكل ما
مصدگين الجاي يگوله جدي كمل حجيه وهو يگول لعمي محمد
رأجس : خابر على اخوك وخله يجي هو وعياله ... 🪾 

واخيرًاااا

عمو كاظم راح يرد لديرته

گابلني خلي نرگص 💃💃💃

انگطع گلبنه من زمااان
وفضهاا ياجدو 

•---------•

أولف يا كوكبـة 😔

مو گلتلكم اكو ناس راح تبدي قصتهم 
يم شجرة النبگ 🫢

غاية وعزوز فراشات 🦋🦋


شكرا لزيارتكم عالم روايات سكيرهوم

تعليقات