رواية عروس البحر الفصل السادس 6 بقلم نون لاشين

الموبايل لسه في إيد آدم وصوت أمه بيرن في ودانه.

صوت ست مكسور بيتكلم باليوناني.

"آدم.. يا حبيبي.. أنا عارفة إنك مش عايز تسمع صوتي.. بس أنا عرفت إنك اتجوزت.. وعرفت إنك رجعت مصر.. وأنا.. أنا عايزة أرجع."

آدم وشه كان اتغير.. إيده بترتعش.

آدم باليوناني: "ماما.. إنتي سبتيني .. ومشيتي مع راجل تاني  إزاي دلوقتي تتصلي بيا 

الأم بعياط: "أنا غلطت يا آدم.. أنا عارفة.. بس أنا دلوقتي لوحدي.. الراجل اللي مشيت معاه مات.. وأنا مفيش عندي حد غيرك."

آدم بصوت بارد: "أنا كمان مفيش عندي حد غير نفسي يا ماما.. اتعلمت أعيش لوحدي."

الأم: "آدم.. أرجوك.. أنا تعبانة.. عندي سرطان."

آدم اتجمد.

الكلمة دي وقعت عليه زي الصاعقة.

آدم بصوت مرتعش: "إيه؟"

الأم بعياط: "سرطان في الثدي.. المرحلة التالتة.. والدكاترة قالولي إن الوقت مش كتير.. وأنا عايزة أشوفك قبل ما.. قبل ما.."

آدم قفل الموبايل بسرعة.

مش قادر يسمع أكتر.

.........

ملك كانت واقفة جنبه 

قربت منه بهدوء وحطت إيدها على ضهره.

ملك بصوت واطي: "آدم.. في إيه؟ مين ؟"

آدم ما ردش.. كان واقف متجمد بيبص على البحر.

ملك قربت أكتر ووقفت قدامه.

ملك: "آدم.. بتخوفني.. قولي في إيه."

آدم بص في عينها.. وعيونه الزرقا كانت مليانة دموع لأول مرة من سنين.

آدم بصوت مكسور: "أمي.. أمي عايزة ترجع مصر.. عندها سرطان."

ملك بصدمة: "سرطان؟"

آدم: "المرحلة التالتة.. والدكاترة قالوا إن الوقت مش كتير."

ملك 

من غير ما تفكر.. ضمت آدم بقوة.

ملك بعياط: "آدم.. 

آدم .

حط إيده على ضهرها وبدأ يعيط.

عيط .. زي الأطفال اللي  

ملك حسّت بدموعه على كتفها وقلبها اتقطع.

ملك همست في ودانه: "أنا جنبك يا آدم.. مهما يحصل.. أنا مش هسيبك."

آدم بصوت مخنوق: "أنا مش عارف أعمل إيه يا ملك.. الست دي سابتني.. خانت أبويا.. ومات بسببها.. وأنا دلوقتي المفروض أرحمها؟"

ملك رفعت وشها وبصت في عينه.

ملك بحنان: "مش لازم تسامحها دلوقتي.. بس هي أمك يا آدم.. ولما تروح.. مش هترجع.. وأنا مش عايزاك تعيش بندم زي ما عشت ندم على أبوك."

آدم بص ليها دهشة.

آدم 

 "إنتي صح.. أنا عشت عمري بندم إني ما ودعتش أبويا.. مش عايز أعمل نفس الغلطة."

ملك مسكت وشه بإيديها الاتنين.

ملك: "إرجع ليها يا آدم.. وأنا هكون جنبك."

آدم حط إيده على إيدها.

آدم: "إنتي هتيجي معايا؟"

ملك بابتسامة: "أنا مراتك.. فين ما تروح أنا وراك."

آدم ضمها تاني.. بس المرة دي كان ضم مختلف.. 

آدم همس : "ملك.. أنا ما كنتش أعرف إن الحب ممكن يكون بالشكل ده.. أنا كنت فاكر إن الحب ضعف.. بس إنتي خلّيتيني أعرف إن الحب هو القوة الوحيدة اللي عندي."

.........

صباح اليوم التاني.

آدم كلم أمه واتفقوا إنها توصل إسكندرية خلال يومين.

كان قاعد في المكتب بيجهز أوضة لأمه في الفيلا.

زياد دخل بوش قلقان.

زياد: "آدم.. في مشكلة."

آدم بتوتر: "إيه تاني؟"

زياد: "سعاد.. أم ملك.. رجعت."

آدم قام بسرعة: "رجعت إزاي؟!"

زياد: "واقفة قدام الفيلا دلوقتي ومعها راجل غريب.. وبتقول إنها مش هتمشي غير لما تشوف بنتها."

آدم بعصبية: "الراجل ده مين؟"

زياد: "مش عارف.. بس شكله غريب.. لبس دهب ووشه فيه ندوب."

آدم طلع بسرعة من المكتب.

.........

قدام بوابة الفيلا.

سعاد كانت واقفة ومعها راجل في أواخر الأربعينات، جسمه ضخم ووشه فيه خبث.

الراجل ده اسمه "فتحي".. جوز سعاد التالت.. وهو اللي كانت سابت ملك عشانه من سنين.

فتحي بصوت عالي: "يا حرامي! افتح الباب! أنا ابو البنت اللي ساكنة هنا! ومن حقي أدخل!"

الحارس كان واقف مش عارف يتصرف.

آدم وصل بسرعة.

آدم بصلابة: "إنت بتعمل إيه قدام بيتي؟"

فتحي بص فيه باستهزاء: "بيتك؟! انا أبو مراتك! وأنا حماك!"

آدم ببرود: "أنت مش ابو ولا حمه حد.. إنت جوز أمها اللي سابتها من وهي طفلة.. ومالكش أي حق هنا."

فتحي قرب من آدم بتهديد: "اسمع يا ولاد.. أنا عارف إنك غني وعندك فلوس.. وأنا جاي آخد حقي.. البنت دي بنت مراتي.. ومن حقي آخد من فلوسك."

آدم ضحك ضحكة باردة.

آدم: " فلوسي؟ إنت مش عارف إن أنا أقدر أوديك في داهية بكلمة واحدة؟"

فتحي بغيظ: "إنت بتهددني؟!"

آدم بهدوء مخيف: "أنا مش بهددك.. أنا بوعدك.. لو قربت من الفيلا دي تاني.. أو حاولت تتواصل مع ملك.. هتلاقي نفسك في مكان مش هتحبه."

فتحي بص لسعاد: "قوليله يا سعاد.. قولي له مين أنا."

سعاد بتوتر: "فتحي.. بلاش.. خلينا نمشي."

فتحي بغيظ: "نمشي إيه؟! إحنا جايين ناخد حقنا!"

آدم مسك موبايله وكلم حد.

آدم: "ألو.. أستاذ حسن.. أيوا.. في اتنين قدام الفيلا بيعملوا إزعاج.. أيوا.. عايز بوليس ييجي دلوقتي.. شكراً."

قفل الموبايل وبص لفتحي.

آدم: "البوليس في الطريق.. عندك خمس دقايق تمشي بنفسك.. أو تمشي بالعربية بتاعتهم."

فتحي وشه اتغير.. فهم إن آدم مش بيلعب.

فتحي لسعاد: "يلا بينا.. الموضوع ده مش خلص.. هرجع تاني."

سعاد بصت للفيلا بعيون مليانة طمع وقالت في سرها: "هعرف أوصل لبنتي تاني.. مش هسيب الفلوس دي تروح."

ومشوا.

.........

آدم رجع جوه وهو متوتر.

ملك كانت واقفة في الصالة وسمعت كل حاجة.

ملك بقلق: "فتحي كان معاها؟"

آدم: "آه.. الراجل ده خطر يا ملك.. لازم نأخد بالنا."

ملك بدموع: "آدم.. أنا آسفة إن أمي جابتلك مشاكل."

آدم قرب منها ومسك وشها.

آدم بجدية: "ملك.. اسمعيني كويس.. إنتي مش سبب في أي مشكلة.. إنتي الحل.. إنتي أحلى حاجة حصلتلي.. ومش هخلي حد في الدنيا يأذيكي."

ملك بصت في عينه وحست بالأمان.

ملك بصوت واطي: "بحبك يا آدم."

آدم قرب وشه من وشها.

آدم : "وأنا بحبك.. بحبك بشكل بيخوفني."

وبسها.

 بوسة حقيقية على شفايفها.

ملك اتخضت في الأول.. قلبها دق بسرعة.. .

إيدها حطتها على صدره.. حست بقلبه بيدق زي قلبها بالظبط.

آدم مسك خصرها وجذبها أقرب.. والبوسة طالت.

لما بعدوا عن بعض.. الاتنين كانوا بيتنفسوا بصعوبة.

ملك بصوت بيترعش: "آدم.."

آدم بص في عينها 

 "ملك.. أنا عايزك جنبي.. مش بس كمراتي على الورق.. عايزك بجد.. في كل حاجة."

ملك وشها احمرّ.

ملك بتوتر: "أنا.. أنا كمان."

آدم مسك إيدها وشدّها على السلم.

ملك بقلب بيدق: "آدم.. رايح فين؟"

آدم بص ليها بنظرة فيها نار: "أوضتنا."

.........

في الأوضة.

آدم قفل الباب وراهم.

آدم وقف قدام ملك وبص ليها بعمق.

آدم بصوت واطي: "ملك.. أنا عارف إن كل اللي حصل بينا كان سريع.. جواز صوري.. تمثيلية.. بس اللي حاسس بيه دلوقتي حقيقي.. وكل لحظة بعد كده عايزها تكون حقيقية."

ملك بصت ليه بعيون مليانة حب.

ملك: "وأنا كمان يا آدم.. من أول ما حطيت إيدي على إيدك قدام جدتك.. حسيت إن في حاجة جوايا اتغيرت."

آدم قرب منها ببطء.. مسك طرف حجابها 

آدم : "ممكن؟"

ملك بصت في عينه وابتسمت.

ملك: "إنت جوزي يا آدم."

آدم فك الحجاب .. وشعرها البني الطويل نزل على كتافها.

بص ليها كأنه بيشوفها لأول مرة.

آدم ... "إنتي أحلى حاجة شوفتها في حياتي."

مسك وشها بإيديه الاتنين وبسها .. بوسة طويلة وعميقة.

ملك حست بجسمها بيسخن.. إيديها راحت على رقبته.

آدم بدأ يقبلها على رقبتها.. على كتفها.. وكل بوسة كانت بتخلي ملك ترتعش.

ملك بصوت واطي: "آدم.. أنا خايفة."

آدم وقف وبص ليها.

آدم بحنان: "خايفة من إيه؟"

ملك بدموع: "خايفة إنك تسيبني.. خايفة إن اللي بيحصل ده حلم.. خايفة من كل حاجة."

آدم ضمها بقوة.

آدم بصوت دافي: 

"ملك.. أنا مش هسيبك.. أنا هفضل جنبك لحد آخر يوم في عمري.. وكل ليلة بعد كده هتكون حقيقية.. مش تمثيل."

ملك بكت في حضنه.. بس دموع فرحة.

آدم مسكها من خصرها وشالها على السرير بهدوء.

 ومسك إيدها.

آدم بص في عينها: "مش هعمل أي حاجة إنتي مش جاهزة لها.. أنا عايزك تكوني مرتاحة."

ملك بصت ليه بحب كبير.

ملك: "أنا مرتاحة يا آدم.. معاك أنا مرتاحة."

آدم ابتسم.. ابتسامة حقيقية.. 

آدم: "طب نامي جنبي.. عايز أحس بيكي جنبي."

ملك ابتسمت ونامت على صدره.

آدم حط إيده على شعرها وبدأ يلعب فيه بهدوء.

ملك بصوت نعسان: "آدم."

آدم: "إيه يا حبيبتي."

ملك: "إنت أول راجل في حياتي 

آدم قلبه دق بقوة.

آدم بسها : "وإنتي أول أنثى في حياتي حسستني إني راجل بجد."

ملك ابتسمت وغمضت عينها.

وآدم فضل صاحي بيبص ليها وهي نايمة.. خايف يغمض عينه عشان ما يفوتش لحظة.

.........

صباح اليوم التاني.

ملك صحيت ولقت آدم لسه حاضنها.

وشه كان قريب من وشها.. انفساه دافية على خدها.

بصت فيه وهو نايم.. الندبة اللي على جبينه.. الرموش الطويلة.. الشفايف المرسومة.

من غير ما تحس.. بسته على خده بخفة.

آدم فتح عينه فجأة وابتسم.

آدم بصوت فى النوم: "صباح الخير يا ملك."

ملك اتكسفت: "صباح النور.. أنا.. ما كنتش.."

آدم ضحك: "

ملك وشها احمر: "آدم!"

آدم جذبها لحضنه: "متخبيش.. أنا بحب  تبوسي خدي."

ملك دفنت وشها في صدره من الخجل.

آدم باس شعرها: "ملك.. النهاردة أمي هتوصل.. وأنا متوتر."

ملك رفعت وشها: "متقلقش.. أنا هكون جنبك.. وهستقبلها معاك."

آدم بص ليها : "مش عارف أعمل إيه من غيرك."

ملك ابتسمت: "مش هتعمل حاجة من غيري.. لأن أنا مش هروح.بعيد عنك"

.........

بعد الظهر.

عربية وقفت قدام الفيلا.

ست نازلة منها.. في أواخر الخمسينات.. شعرها أبيض.. وشها شاحب.. وعيونها تعبانة.

إلين.. أم آدم.

آدم كان واقف على الباب مع ملك.

أول ما إلين شافت آدم.. وقفت مكانها.

إلين بدموع: "آدم.. يا حبيبي.."

آدم كان واقف جامد.. مش عارف يتحرك.

إلين قربت منه بخطوات ضعيفة.

إلين: ".. بقت شبه أبوك بالظبط."

آدم بصوت بارد: "ماما."

إلين عيطت: "آدم.. أنا عارفة إنك مش عايز تشوفني.. بس أنا.. أنا مش معايا وقت كتير."

آدم سكت.. وبعدين.. من غير ما يتوقع.. حضنها.

حضن قصير بس حقيقي.

آدم بصوت مكسور: "ادخلي يا ماما."

إلين دخلت الفيلا وهي بتعيط.

ملك كانت واقفة بعيد شوية.. بتبص ليهم بدموع.

إلين بصت لملك وقالت بصوت ضعيف: "دي.. دي مراتك؟"

آدم: "آه.. دي ملك."

إلين قربت من ملك 

إلين بابتسامة حزينة:  حلوة أوي.. آدم اختار كويس."

ملك حست بالوجع في صوتها وقربت منها.

ملك بحنان: "أهلاً بيكي .. نورتي.. أنا هعتني بيكي."

إلين دمعتها نزلت: "شكراً يا حبيبتي.. أنا آسفة إني جاتلكم في الوقت ده.. بس أنا.. أنا مش عارفة هعيش قد إيه."

ملك ضمتها: "متقوليش كده.. إنتي هتعيشي كتير.. وإحنا هنبقى جنبك."

آدم كان بيبص ليهم من بعيد.. وحس لأول مرة إن عيلته بتكتمل.

.........

في الليل.

إلين نامت في أوضتها بعد ما أخدت أدويتها.

آدم وملك كانو في أوضتهم.

آدم كان قاعد على السرير بيفكر.

ملك قربت منه وقعدت في حضنه.

آدم حط إيده على خصرها.

آدم بصوت واطي: "ملك.. شكراً."

ملك: "على إيه؟"

آدم: "على كل حاجة.. على صبرك.. على حبك.. على إنك خلّيتيني أقدر أحضن أمي 

ملك بسته على خده: "ده مش فضل يا آدم.. ده حب."

: "ملك.. أنا عايز أقولك حاجة."

ملك: "قولي."

آدم: "أنا عايز نعمل فرح حقيقي.. فرح كبير.. عايز كل الناس تعرف إنك مراتي بجد.. 

ملك: "بجد؟"

آدم: "بجد.. عايز ألبسك فستان أبيض حقيقي.. وأرقص معاكي قدام كل الناس.. وأقول لكل الدنيا إن ملك دي أغلى حاجة عندي."

ملك بكت من الفرحة.

ملك: "موافقة.. ألف مرة موافقة."

آدم مسك وشها وبسها بوسه طويلة وعميقة.

إيده راحت على ضهرها وجذبها أقرب.

ملك حست بدفا جسمه وقلبه اللي بيدق بسرعة.

بعد ما بعدوا عن بعض.. آدم بص في عينها.

آدم بصوت : "الليلة دي.. عايزها تكون ليلتنا الحقيقية الأولى."

ملك بصت فيه بعيون مليانة حب وخجل.

ملك بصوت واطي: "أنا.. أنا جاهزة يا آدم."

آدم: "اوعدك ..مش هتندمي يا ملك.. اوعدك."

ملك ابتسمت: "أنا معاك مش هندم على حاجة."

آدم قرب منها.. وبدأ يقبلها .. على جبينها.. على عيونها.. على خدها.. على رقبتها.

كل بوسة كانت بتقول كلام مش قادر يقوله 

ملك حست بجسمها بيرتعش.. 

آدم همس في ودانها: "بحبك يا ملك.. بحبك بشكل مش طبيعي."

ملك : "وأنا بحبك يا آدم.. من أول يوم."

الليلة دي.. كانت أول ليلة حقيقية في حياة اتنين كانو فاكرين إنهم بيمثلوا.. واكتشفوا إنهم بيعيشوا أحلى حقيقة في حياتهم.

.........

صباح اليوم التاني.

ملك صحيت

وآدم كان حاضنها من ورا.. إيده على بطنها.. وشه في شعرها.

ملك ابتسمت وهي بتلمس إيده.

آدم فتح عينه وبوس كتفها.

آدم بصوت نعسان: "صباح الخير يا مراتي ياحيبتى." صباحيه مباركه

ملك ابتسمت: "صباح النور يا جوزى ياحبيبي."

آدم ضحك: "الجواز ده أحلى قرار أخدته في حياتي."

ملك: "حتى لو كان صوري في الأول؟"

آدم بوس رقبتها: "خصوصاً لأنه كان صوري في الأول.. عشان كده عرفنا إن اللي بينا حقيقي.. مش مجبرين عليه."

ملك ابتسمت ودارت في حضنه.

بصوا في عين بعض لفترة طويلة.

آدم : "ملك.. في حاجة لازم أعملها."

ملك بقلق: "إيه؟"

آدم: "أنا هتصل بالمحامي بتاعي في أثينا.. كريم.. وهقدم ضده قضية تزوير.. الراجل ده خبى عقد الشراكة عشان ياخد عمولة.. ولازم يتحاسب."

ملك : "وأنا هكون جنبك في أى حاجة تعملها..

آدم : "إنتي أقوى ست عرفتها في حياتي."

.........

إلين كانت قاعدة بتفطر و أمينة اللي كانت بتكلمها في التليفون.

إلين بابتسامة: "آه يا أمينة.. البنت دي ملك ملاك.. آدم محظوظ بيها."

أمينة من التليفون: "أنا قولتلك من الأول يا إلين.. آدم لقي كنز."

إلين بدموع: "بس أنا خايفة يا أمينة.. خايفة أموت وأسيبهم."

أمينة: "بلاش الكلام ده.. إنتي هتعيشي وتشوفي ولاد ولادك."

إلين سكتت وبعدين قالت بصوت واطي: "يا ريت.. يا ريت أعيش وأشوفهم فرحانين."

.........

رن موبايل آدم فجأة.

رقم كريم المحامي.

آدم رد ببرود: "ألو."

كريم بتوتر: "آدم.. أنا عارف إنك عرفت موضوع العقد.. وأنا عايز أتكلم معاك."

آدم بصلابة: "مفيش كلام بينا غير في المحكمة يا كريم."

كريم بسرعة: "استنى.. أنا عندي معلومات تانية.. معلومات عن أم ملك.. سعاد."

آدم تيبس.

آدم: "إيه اللي عندك؟"

كريم: "سعاد مش أم ملك الحقيقية."

آدم اتجمد.

آدم بصدمة: "إيه؟!"

كريم: "آه.. أنا لقيت أوراق قديمة في ملفات جدك.. سعاد كانت خالة ملك.. أم ملك الحقيقية ماتت في حريق من عشرين سنة.. وسعاد أخدت البنت وادعت إنها أمها عشان تاخد فلوس الجد."

آدم الموبايل كاد يقع من إيده.

آدم بصوت مرتعش: "يعني.. يعني سعاد مش أم ملك؟"

كريم: "لأ.. أم ملك الحقيقية اسمها ليلى.. وماتت في حريق في بيتهم القديم.. وسعاد استغلت الموقف."

آدم قفل الموبايل وهو مش قادر يتنفس.

بص على ملك وهي قاعدة في الجنينة بتضحك مع إلين.

ملك اللي فاكرة إن سعاد أمها.. ملك اللي عانت سنين بسبب سعاد.. ملك اللي حسّت إنها مرفوضة من أمها.

كل ده كان كدب.

آدم عرف إن الخبر ده هيغير كل حاجة.

.........