رواية عين مش شايفه وروح دافيه الفصل السادس
_ نوح ألحق بسرعة الحربو.قة دينا إللي كانت خطيبتك برا ومعاها شوية ناس با.يظة وشكلهم صيع
_ أي يعني أي!!
مالحقش يكمل كلامه عشان الحربوقة دخلت البلاكونة بدون حياء ولا استئذان قله ذوق بصحيح
_ نوح عامل أي .. صحابنا أصروا يجوا يزروك بجد ماقدرتش امنعهم
أتدخلت أقول بعصبيه
_ وإللي يجي لحد يجي فجأة مش يعرفه قبل ما يجي زي القضى المستعجل!
بصت ليا بإستخفاف
_ وأنتِ مالك، تعرفي أي عننا، إحنا متعودين على كدا، بيت نوح هو بيتنا
_ لا يا حبيبتي دا مابقاش بيت نوح بس، دا بيتي وبيت نوح... قوم يا نوح عشان تسلم على صحابك هنعمل بالأصول مع إن ممكن اشحتكم كلكم برا
نوح قام وقف وقال بهدوء وهو بيمسك دراعي
_ خلاص يا مريم أهدى، معلش يا دينا بس لازم تعرفينا قبل ما تيجوا
_ أنت اتغيرت أوي يا نوح بجد، أي مابقتش متقبلنا!!
أبتسم نوح بسخرية ورد
_ بتقبل إللي بيتقبلني بس
خرج نوح وأنا وراه قمت زقه كتفها وأنا ببص عليها بالقرف، مش عارفة لي بس في شعور مش مريح خالص جوايا في وجودها، زي الحموضة كدا
نوح خرج سلم عليهم وقعد معاهم وكنت حاسه إن مش مرتاح، بيبص ناحية الصوت إللي بيتكلم وبيتصرف كأنه شايفهم، لكن من خلال تفحصي ليه هو مش مرتاح، سبتهم ودخلت اعمل حاجة يشربوها
كنت براقب تصرفاتهم وكلامهم من المطبخ، وكنت ملاحظة نظراتهم التهكمية
شيلت صينية العصير وخرجت قدمتها ليهم، ولقيت دينا سألت بخبث
_ وأنتِ عايشة مع نوح بقا ولا أي؟!
بصيت ليها بقرف ورديت
_ وأنتِ مالك
كتموا ضحكتهم وهي بصت ليا بذهول
_ أي الأسلوب دا
_ ماله أسلوبي يا حلوة!
نوح أتدخل وقال بهدوء
_ تعالي يا مريم أقعدي شوية استريحي
قعدت جنبه وعطيته العصير في أيده وسكت، وهو بدأ يتكلم معاهم وأنا حقيقي ماكنتش مندمجة نهائي، و القاعدة طولت، وأنا كنت هموت وأنام، وفي وسط كلامهم قولت
_ أنتم ناويين تبيتوا هنا!
سكتوا وبصوا ليا بذهول، لكن كملت
_ أصل الوقت أتأخر ونوح بينام بدري عشان بيصدع
ردت دينا بإستنكار
_ نوح بينام بدري ! من امتى دا بتتكلمي على حد تاني، طول عمره بيسهر معانا للساعة ٤
_ آه دا أيام ما كان صايع مع الصيع، دلوقتي مش بيحب كدا، هتعرفي أكتر مني!
_ آه أنتِ عايشة معاه يعني وعارفة!
أبتسمت بسخافة
_ آه مش أنا المساعدة بتاعته ودلوقتي خطيبته ويومين وهنكتب الكتاب، اكيد هعرفه وأعرف كل حاجة عنه
_ مساعدته! آه قولي كدا كدا مظبوط بقا أصلك مش التايب بتاع نوع، ولا هو هيعرف شكلك إزاي وهو مش شايفك؟!
ضحكت بسخرية وربت على أيد نوح
_ هو مش محتاج يشوفني ببصرة، هو شافني ببصيرته، أصل لما يا حبيبي أختار ببصرة زحلقته على أول مطب، أصل قلالات الأصل مش بيبانوا في البصر، بيبانوا في البصيرة
قال واحد منهم بإرتباك
_ عندي شعور مش حلو إنك بتتهزقي يا دينا
قامت وقفت بعصبية وهي بتاخد شنطتها وبتبص لينا بتكبر
_ على العموم إللي بيرمي حاجة مش بيدور مين أخدها
ضحكت وأنا ببص ليها ببرود
_ بجد! أومال جاية تشمشي لي عليها يا قلبي! إلا لو إللي رماتيه عينك فيه، بس للأسف هو كمان رماكي وأخد الجديد اللي يستاهلة، طرقك أخضر بقا
مشيت بعصبية وقفلت الباب وواحد صاحب نوح بص لينا وقال
_ أي يا نوح ... أنت متأكد من إللي بتعمله!
_ ماكنتش متأكد من أي حاجة في حياتي زي ما أنا متأكد دلوقتي من إللي بعمله
قرب واحد تاني باين عليها دماغه مهوية شوية أو في حاجة غلط وقعد جنب نوح من الناحية التانية
_ سيبك يا نوح من شغل البنات العبيط دا، وتعالى أرجعك لجو زمان، أنا جايب ليك حاجة هتطير دماغك
خرج من جيبه حاجة بني صغيرة، وأنا استوعبت أن دماغه مش تعبانة دا عامل دماغ، قومت شديتها منه وصرخت فيه
_ نهار أبوكم أسود، أنت بتعمل أي، أي القرف دا، بتطلع أي وبتديه أي، أنت أعمى!!
رد ببرود
_ لا هو إللي أعمى
ونوح قال بإرتباك
_ مريم خلاص .. استنى
_ استنى أنت كدا، اطلعوا برااا، برا متنحين لي أي المعرفة إللي تعر دي
كلهم خرجوا وهما مصدومين، لكن أنا كنت متعصبة ومش مهتمية حتى برد فعل نوح، إللي أول ما لقيت لقيته في وشي بيزعق
_ أنتِ إزاي تعملي كدا، أنتِ فاكرة نفسك فين، دول صحابي
_ آه صحابك إللي رموك أول ما عملت الحادثة، و خطيبتك إللي قالتلك باي باي، ولا صحابك إللي جايبين لك حشيـ.ش!! أنا خمنت دلوقتي عملت الحادثة إزاي، أكيد كنت مش داري بحاجة
_ مريم ألزمي حدودك، ماتتكلميش معايا كدا، أنتِ مش والية أمري
_ أنت أخترت أكون والية أمرك، أنت إللي قولت تتجوزيني، أنت إللي قولت إن خطيبتك، أنت إللي حطيتني قدام الأمر الواقع، وأنا قبلت أساعدك في إللي بتعمله، عايزيني أسكت عن أي ولا أي ولا أي، هما دول صحابك بجد! أنت راضي عنهم بجد، ولا بتدافع من باب الكبرياء، أصل لو فعلًا متمسك بيهم بعد كل دا، أنا هلم هدومي وأمشي حالا
سكت شوية وهو بيتنفس بسرعة فسيبه ودخلت بسرعة الأوضة وهو نادى عليا
_ مريم .. مريم
_ نعم!
_ خليكي ... هنا فعلًا مايستهلوش أقول عليهم صحابي محدش فيهم وقف جنبي من بعد الحادثة، كلهم بعدوا وإستغنوا
_ كويس إنك عارف أنهم صحاب سوء ... دي أشكال دي بالله عليك، حتى خطيبتك الصفرا دي أنت كنت أعمى قبل ما تتعمى والله العظيم
_ خلاص بقا يا مريم كفاية، كفاية صوت عالي كفاية تأنيب، أنا ماكنتش أفضل شخص في الدنيا كان عندي عيوب عادي
_ المهم لما تعرف إن عندك عيوب تصلحها، مش تسيبها، سيبك من السم إللي حصل دا بقا وقولي تتعشى أي!؟
_ مريم مش موافقة تتجوزيني؟!
اتنهدت وقولت بصبر
_ محتاجة أفكر لسه، محتاجة أعرف أنا داخله على أي، أنا بصراحة يعني كل شوية بكتشف حاجة أسوأ من إللي قبلها
بعد أربع أيام، خرج نوح للحديقة لكنه وقف بيحاول يسمع كويس، واتسعت عينه بصدمة وزعق بعنـ ف
_ مريم ... مريم تعالي هنا حالًا
_ أي في أي! نهار أبيض أي دخلك هنا
مسد على جسر أنفه
_ إللي سمعه دا صح؟
_ أنت سامع أي!
_ ماتستعبطيش بجد، أنتِ جايبة فراخ! دا صوت فراخ
قولت برعب وأنا بضرب على وشي
_ صوت فراخ مفيش صوت حاجة
قال بعصبية أول مرة أشوفه فيها
_ مريم أنتِ بتستهبلي بجد! فراخ في بيتي!
دافعت عن نفسي
_ لا مش في بيتك دا في الحديقة
_ يعني في فراخ
أدركت أنه وقعني في الكلام فنفيت
_ لا مفيش
_ شيلي الكلام دا حالًا أنتِ سامعه!!
_ استهدى بالله بس، أنت أي مضايقك من أي، مهما في الحديقة
_ بقولك شليهم حالًا، أنا عندي حساسية من الحيوانات أصلًا
قولت بفزلكه
_ بس دول طيور
_ عندي حساسية من الريش و الفرو وكل حاجة، بقولك شليهم، إزاي تجيبي فراخ في كومباوند محترم وراقي زي دا، عايزة تفضحينا
_ هو أنا جايبة حاجة عيب، دي فراخ، وبعدين هيرعرعوا في الحديقة، والله ممكن الناس تتشجع وتجيب
مسح على وشه بعصبية وزعق أكتر
_ شيليهم من هنا حالًا بقولك قبل ما حد يطلب لينا البوليس
_ والله وهيعمل محضر أي بقا تربية دواجن!
بعد تعنت و تنشيف دماغ، للأسف حطيت فرخاتي في التلاجة و واحدة في الفرن
_ حقيقي حسبي الله ونعم الوكيل في الناس المفترية
رميت الفوطة من ايدي وخرجت ابص عليه وهو قاعد ببرود بيسمع فيلم أجنبي
_ عاجبك كدا مستريح يعني
تجاهل كلامي وركز مع الفيلم، وأنا قعدت بغيظ
_ فراخي كانوا مضايقينك في أي بجد
_ عايز أسمع، مش عايز مجادلة أنا مش عايز مجادلة
اتنهدت وروحت قعدت
_ طب حيث كدا بقا أنا بصراحة صرفت آخر فلوس على الكام فرخة دول، وكنت محتاجة سلفة من مرتبي
قال بإستغراب
_ مرتب! مرتب أي يا مريم بس
_ أي مرتبي ناوي تاكله عليا ولا أي! والله افضـ.حك
_ أنتِ مش عندك كنترول على لسانك ولا عقلك، كنت هقولك أنتِ خطيبتي دلوقتي خدي الفيزا اصرفي إللي عايزاه
ضحكت بسخرية وأنا بلمع الترابيزة
_ شكرًا أنا عايزة مرتبي مش باخد فيز حد أنا
_ أنتِ مش ناوية توافقي على الجواز! خليكي صريحة معايا يا مريم وقولي الحقيقة، هل رفضاني عشان ظروفي؟
_ لا والله أبدًا، مش عشان كدا، عشان أنت شكلك صايع، وحشا.ش، من ساعة ما شوفت صاحبك وأنا الفار بيلعب في عبي منك، وعيلتك كمان صعبة، فأنا كدا هتد.اس وسطكم
ضحك وهو بيهز رأسه
_ تد.اسي أي، أنا مشوفتش حد بيجيب حقه زيك، دا أنتِ متسبنيش حد أعرفه إلا وعل.متي عليه، أتكلمي معايا بوضوح
اتنهدت وروحت ألمع الشاشة
_ كأي بنت خايفة، الجواز مش حاجة سهلة، دا مستقبل، وحياة ودنيا تانية
_ تمام، ولو هوفرلك كل حاجة تريحك
_ ولما تزحق تقرر تطلقني وتسحب مني كل حاجة؟!
_ مريم أنا مش عايز جواز تسلية أو فترة، دا جواز مش لعبة
_ يعني أنت عارف إنه كدا
_ أكيد
قولت بتردد
_ طب أفرض أنا مش التايب بتاعك زي ما الحربوقة قالت
ضحك وقال بهدوء
_ أنتِ بتسألي أسأله أنتِ نفسك رديتي عليها قبل كدا
_ طب .. أنت حتى مش عارف شكلي
اتنهد بصبر وقال بهدوء
_ اوصفيلي شكلك
_ أنا رفيعة و عيني سودا وقمحية و عادية
_ تمام أنا موافق ... مريم أنا كشخص أعمى زي ما بتقولي أدركت أن الشخصية يتغلب عن أي حاجة تانية، أنتِ لسانك مبرد لكن ... حنونة
_ الله يكرمك والله، بس يعني الحقيقية أنت شكلك حلو بس من جوا مش عاجبني كدا
رد بإستنكار
_ أنا مش عاجبك؟؟
_ يعني مش أوي، متكبر كدا ومغرور نجـ.س كدا ولا كان إسمها أي
_ نجـ.س!!!!
_ إسمها أي دي اللهم ذكرني
_ نرجسي؟
_ أيوا هي دي إسم الله عليك
_ مريم، أنتِ حتى والله ماسايبه فرصة أبقى نرجسي، مفيش نرجسي أعمى حتى
_ ما بحاول اقنعك بالكلام دا، بس أنت عامل فيها كده
_ طب بعد كل الحاجات الوحشة دي، أي رأيك تتجوزيني ونحسن العيوب
قولت بتوتر وأنا بحاول أعلى من شأني
_ أستغفر الله العظيم يارب، خلي بالك أنا في عرسان كتير بيتقدموا ليا عشان ماتفكرش يعني إنك بتعمل حاجة كبير، أنا إللي برفض
_ طب معلش اقبليني
_ هتخليني أربي فراخ طيب!
_ مريم!!!! اخلصي موافقة ولا لا!!
فكرت فيها، أنا .. كدا كدا كسبانة، أهي عيشة كريمة وبيت بتاعي أحسن من مرمطة الشغل عند الناس وإللي بتعاملني كأني طبقة تانية، قولت بتنهيدة
_ أن ماكنتش تحلف وتصر وتصر وتترجاني بس، وتصر وتترجاني .. أمري لله موافقة
المأذون مشى والناس مشيت، وأنا جالي الفواق، ينهار أبيض!! أنا بقيت مراته!
قومت نطيت بعيد بخوف
_ والله لو فكرت تيجي جنبي لهفـ.تح دما.غك اعو.رك
ضحك وقال بتسلية
_ تعالي .. تعالي بس هقولك
_ الحقوني يا نااس
