رواية عشق بعد خزلان الفصل السابع 7 بقلم بسمله فتحي


 رواية عشق بعد خزلان الفصل السابع


كانت تالا تجلس مع شهد، وأمامهما أوراق التصميم التي أخرجتها تالا من حقيبتها.
كانت شهد تتأمل الرسومات بإعجاب، ثم قالت بحماس:
شهد:
— بجد يا تالا، التصميم تحفة! أنا مش عارفة إنتِ مخبية الموهبة دي كلها ليه!
ابتسمت تالا بخجل.
تالا:
— مش عارفة... بس أنا نفسي أبدأ وأعمل حاجة لنفسي.
شهد:
— وهنبدأ فعلًا، بس استني لما رقية تيجي. أنا كلمتها وهي في الطريق.
تالا:تمام، أنا عايزة أسمع رأيها هي كمان.
وفي مكان قريب منهما...
كان مازن يجلس على طاولة بعيدة، يراقب تالا دون أن يلفت انتباهها.
وفجأة، وصل إلى مسامعه صوت شهد وهي تتحدث عن التصميم.
رفع رأسه باستغراب، وركز انتباهه معهما.
شهد:
— بصي يا تالا، أنا شايفة إننا ممكن نبدأ بمجموعة فساتين بسيطة، وكل واحدة تكون ليها فكرة مختلفة.
تالا:
— أنا كمان فكرت في كده، وعايزة أعمل مجموعة خاصة بيا.
اتسعت عينا مازن باستغراب.
مازن، في نفسه:
— تصميم؟ مجموعة فساتين؟ هو إيه اللي بيحصل؟
حاول أن يستمع أكثر، دون أن يقترب منهما.
شهد:
— وأهم حاجة نعمل اسم مميز لينا، ونبدأ ننزل شغلنا للناس.
تالا:
— بس أنا لسه محتاجة أظبط تفاصيل كتير، ومش عايزة أستعجل.
شهد:
— متقلقيش، هنمشي خطوة خطوة.
وفجأة...

رقية:
— معلش، الطريق كان زحمة. ها يا تالا، وريني بقى التصميم اللي شهد فضلت تتكلم عنه من الصبح.
أخرجت تالا الأوراق ووضعتها أمام رقية.
بدأت رقية تتأمل الرسومات باهتمام، ثم رفعت عينيها إلى تالا بإعجاب.
رقية:
— إيه الجمال ده! إنتِ اللي رسمتي كل ده؟
تالا:
— أيوه، بس لسه محتاجة أعدل شوية تفاصيل.
رقية:
— لا، إنتِ شاطرة جدًا. بصي، أنا عندي فكرة أحسن 
تالا:
— طب إيه رأيكم نبدأ بثلاث تصميمات الأول، ونشوف النتيجة؟
رقية:
— فكرة ممتازة.
على الطاولة الأخرى...
كان مازن يستمع إلى الحديث باندهاش شديد.
نظر إلى تالا، ثم إلى الأوراق الموجودة أمامها.
مازن، في نفسه:
— تالا بتصمم فساتين؟ وبتخطط تبدأ مشروع كمان؟!
لم يستطع استيعاب الأمر.
فهو لم يكن يعرف أن شقيقته تمتلك موهبة في التصميم، ولا أنها بدأت بالفعل تخطط للعمل في المجال ده.
أخرج هاتفه وفتح محادثة نديم.
مازن:
— نديم، إنت فاضي؟
نديم:نديم:
— إيه؟
تردد مازن قليلًا، ثم كتب:
مازن:
— تالا قاعدة مع شهد ورقية، وبيتكلموا عن تصميم فساتين ومشروع أزياء!
جاءه رد نديم سريعًا:
نديم:
— إنت بتقول إيه؟!
مازن:
— والله زي ما بقولك. شكلها بتخطط تبدأ شغل من غير ما حد يعرف.
نديم:
— طب إنت متأكد إنها هي؟
مازن:
— أيوه يا نديم، أنا شايفها قدامي.
رفع مازن عينيه مرة أخرى نحو تالا.
كانت تضحك مع شهد ورقية، وتناقشهما بحماس حول أحد التصميمات.
ابتسم ابتسامة صغيرة دون أن يشعر.

نظرت تالا إليها باستغراب.
تالا:
— شرط إيه؟
شهد:
— ممنوع تيأسي مهما حصل.
ابتسمت تالا وقالت:
تالا:
— وعد.
تالا:
— لا، المرة دي مش هختفي.
كانت هناك طاولة بعيدة تجلس عليها عينان تراقبان كل حركة.
مازن ما زال في مكانه، يستمع إلى حديثهن باستغراب، ويحاول فهم ما الذي تخفيه شقيقته عنه.
وفجأة نظرت شهد إلى الساعة، ثم قالت:
شهد:
— طب يلا بقى، يلا يا تالا عشان عندك معاد جلسة مع الدكتور أيمن في العيادة.
بمجرد سماع اسم الطبيب، اختفت ابتسامة تالا تدريجيًا.
أخذت نفسًا عميقًا، وظهر الحزن على ملامحها.
تالا:
— تمام... ماشي.
نظرت رقية إليها بحنان.
رقية:
— متقلقيش يا حبيبتي، وإن شاء الله كل حاجة تبقى كويسة.
اكتفت تالا بهزة بسيطة من رأسها.
أما مازن، فقد تجمد في مكانه.
مازن، في نفسه:
دكتور أيمن؟ مين دكتور أيمن ده؟!
ظل ينظر إليهن باستغراب، ثم نهضت تالا وشهد ورقية من أماكنهن.
خرجت الفتيات من الكافيه، بينما بقي مازن جالسًا للحظات، يحاول استيعاب ما سمعه.
ثم أخرج هاتفه، وأعاد النظر نحوهن.
مازن، في نفسه:
— جلسة عند دكتور؟! هي تالا بتروح لدكتور ليه؟!

بعد مرور بعض الوقت...
كانت سيارة شهد قد وصلت أمام إحدى العيادات.
أوقفت السيارة، ونزلت تالا برفقة شهد، بينما ودعتهما رقية بعدما اتفقت معهما على التواصل لاحقًا.
كان مازن قد وصل خلفهما، وأوقف سيارته على مسافة مناسبة.
ظل داخل سيارته يراقبهما من بعيد.
شاهد تالا وهي تدخل العيادة برفقة شهد.
انتظر قليلًا، ثم نزل من سيارته واتجه نحو مدخل المبنى.
وقف أمام لوحة العيادات، وبدأ يقرأ الأسماء المكتوبة عليها.
ظل واقفًا أمام اللوحة، يعيد قراءة الاسم مرة أخرى وكأنه يتمنى أن يكون قد أخطأ.
مازن، بصوت منخفض:
— هو إيه اللي بيحصل هنا؟!
نظر ناحية باب العيادة الذي دخلت منه تالا.
مازن، في نفسه:
— تالا بتروح لدكتور نفسي؟! ليه؟ وإيه اللي وصلها لكده؟!
أخرج هاتفه بسرعة واتصل بنديم.
في فيلا آدم الألفي...
كان نديم يجلس مع نذير وعمران، عندما رن هاتفه.
نظر إلى الشاشة، وما إن رأى اسم مازن حتى أجاب.
نديم:
— أيوه يا مازن؟
جاءه صوت مازن متوترًا:
مازن:
— نديم، تعال بسرعة على العنوان اللي هبعتهولك.
عقد نديم حاجبيه.
نديم:
— في حاجة ولا إيه يا مازن؟
مازن:
— مش عارف... بس تعال بسرعة، الموضوع مهم.
وقف نديم من مكانه فورًا.
نديم:
— طب اهدى وقولي في إيه الأول؟
مازن:
— مش هقدر أشرحلك في التليفون. ابعتلك اللوكيشن وتعالى.
نديم:مازن:
— تمام، بس بسرعة.
أنهى مازن المكالمة، وأرسل لهم الموقع.
نظر نديم إلى عمران ونذير وقال بجدية:
نديم:
— مازن باعتلي عنوان وعايزنا نروحله بسرعة.
عمران:
— في إيه؟
نديم:
— مش عارف، بس صوته مش مطمن خالص.
وقف عمران وأخذ مفاتيح سيارته.
عمران:
— يلا بينا.
خرج الثلاثة من الفيلا واتجهوا إلى السيارة.
نديم:
— مازن! في إيه؟ خوفتنا عليك.
نظر مازن إليهم، ثم أشار بعينيه إلى لافتة العيادة.
مازن:
— اقرأوا الاسم.
رفع عمران رأسه وقرأ اللافتة، ثم نظر إلى مازن باستغراب.

نظر مازن إلى باب العيادة وقال بصوت منخفض:
مازن:
— تالا دخلت هنا من شوية... مع شهد.
ساد الصمت بين الأربعة.
نظر نديم إليه بصدمة.
نديم:
— إنت متأكد إنها تالا؟
مازن:
— أيوه يا نديم، أنا شوفتها بعيني. وسمعتها لما شهد قالتلها إن عندها جلسة مع الدكتور أيمن.
تغيرت ملامح عمران، ونظر إلى باب العيادة طويلًا.
عمران:
— يعني تالا بتتابع مع دكتور نفسي؟
رد مازن:
مازننظر نديم إلى باب العيادة وقال:
نديم:
— هنستنى لما تخرج، وبعدها نشوف.
ظل الأربعة واقفين بعيدًا عن المدخل، لا يعرفون ماذا ينتظرهم.
وفي الداخل...
كانت تالا تجلس بجوار شهد، تنتظر دورها للدخول إلى غرفة الدكتور أيمن.
نظرت إلى باب الغرفة، ثم أغمضت عينيها وأخذت نفسًا عميقًا.
تالا، بصوت خافت:
— يارب أقدر أكمل...
وضعت شهد يدها فوق يدها وقالت بحنان:
شهد:
— إنتِ أقوى مما تتخيلي يا تالا، وأنا جنبك.
ابتسمت تالا ابتسامة باهتة.
ثم فُتح باب الغرفة، وخرجت الممرضة تنادي:
الممرضة:
— أستاذة تالا الألفي، اتفضلي معايا.
نهضت تالا ببطء، ونظرت إلى شهد.
شهد:
— يلا يا حبيبتي.
دخلت تالا إلى غرفة الطبيب...
بينما في الخارج، كان إخوتها وابن عمها ينتظرون خروجها، دون أن يعرفوا أن ما سيكتشفونه عن حياة تالا قد يغير نظرتهم لكل ما حدث.
...................................... 

داخل عيادة الدكتور أيمن...
كانت تالا تجلس على المقعد المقابل لمكتب الطبيب، بينما جلست شهد بجوارها، ممسكة بيدها لتطمئنها.
رفع الدكتور أيمن عينيه من الملف الموجود أمامه، ثم نظر إلى تالا بهدوء.
الدكتور أيمن:
— إزيك يا تالا؟ عاملة إيه النهارده؟
تالا:الحمد لله.
الدكتور:
— الحمد لله دي إجابة متعودة أسمعها منك، بس أنا عايز أعرف إنتِ فعلًا عاملة إيه؟ مش عايز إجابة لمجرد إنك تخلصي السؤال.
تالا:
— مش عارفة يا دكتور... حاسة إني تعبت.
الدكتور:
— تعبتي من إيه يا تالا؟
صمتت للحظات، ثم قالت بصوت هادئ:
تالا:
— من كل حاجة... من الناس، ومن الكلام، ومن إني كل يوم أصحى أحاول أكون كويسة وأنا من جوايا مش كويسة خالص.
نظر إليها الدكتور باهتمام.
الدكتور:
— وإيه أكتر حاجة مضايقاكي الفترة دي؟
تالا:
— إني خسرت ثقتي في أقرب ناس ليا. الناس اللي كنت فاكرة إنهم أول ناس هيصدقوني ويقفوا جنبي... هما نفسهم اللي وجعوني.
ضغطت شهد على يدها بحنان.
تالا:
— مش عارفة... بس أنا مش عايزة أرجع لنفس المكان اللي اتوجعت فيه تاني.
الدكتور:
— وده حقك إنك تاخدي وقتك. لكن مهم كمان متخليش اللي حصل يسرق منك حياتك ومستقبلك.
رفعت تالا عينيها إليه.
تالا:
— أنا بحاول يا دكتور... والله بحاول.
الدكتور:
— وأنا شايف ده. وعايزك تكملي، ونتابع مع بعض خطوة بخطوة. ومش مطلوب منك تكوني قوية طول الوقت.
ظلت تالا صامتة للحظات.
خرجت تالا من المكتب برفقة شهد.
أمام العيادة...
كانت تالا وشهد تسيران ناحية باب الخروج.
شهد: يلا.
خرجت الاثنتان من العيادة، واتجهتا إلى سيارة شهد.
لم تنتبها إلى أن مازن وإخوته كانوا في مكان قريب من المدخل، ولم يروهما أثناء خروجهما.
تحركت السيارة وابتعدت عن المكان.
داخل العيادة...
كان مازن ونديم ونذير وعمران واقفين أمام مكتب السكرتيرة.
تقدم مازن خطوة وقال بأدب:
مازن:
— لو سمحتي، ممكن أقابل الدكتور أيمن؟
السكرتيرة:
— تمام يا فندم، ثانية واحدة.
رفعت هاتفها الداخلي وتحدثت مع الطبيب، ثم أغلقت المكالمة.
السكرتيرة:اتفضلوا يا فندم، الدكتور في المكتب.
تبادل الشباب النظرات، ثم اتجهوا إلى المكتب.
طرق مازن الباب ودخلوا.
مازن:
— السلام عليكم.
رفع الدكتور أيمن رأسه من الملف الموجود أمامه.
الدكتور:
— وعليكم السلام، اتفضلوا.
مازن: مازن آدم الألفي.
نظر إليه الدكتور لثوانٍ.
كان يعرف جيدًا أنه شقيق تالا، لكنه لم يُظهر أي معرفة سابقة به.
الدكتور:
— أهلًا بحضرتك، أقدر أساعدك بإيه؟
تقدم نديم قليلًا وقال:
نديم:كنا عايزين نسألك عن تالا الألفي.
تغيرت نظرة الدكتور قليلًا، ثم أغلق الملف الموجود أمامه.
الدكتور:
— تالا الألفي؟
نديم:
— أيوه، تالا الألفي.
الدكتور:
— حضرتك تعرفها؟
نظر مازن إليه باستغراب.
مازن:ًا نعرفها، دي أختنا.
الدكتور:
— طيب، خير؟
نذير:
— إحنا عايزين نعرف هي بتجيلك ليه؟ وإيه حالتها؟
عدل الدكتور جلسته، ثم قال بهدوء:
الدكتور:
— أنا آسف، لكن معلومات المريض وتفاصيل جلساته أسرار مهنية، ومينفعش أشاركها مع أي شخص من غير موافقته.
تدخل نديم بانفعال:
نديم:
— أي شخص غريب إيه؟! إحنا إخواتها!
ضحك الدكتور ضحكة خفيفة، ثم عاد إلى هدوئه ولم يرد.
تدخل عمران:
عمران:
— يا دكتور، إحنا مش جايين نضايق حضرتك، إحنا بس قلقانين عليها.
الدكتور:وأنا مقدر قلقكم، لكن ده مش بيديني الحق إني أفشي أسرارها.
ضرب مازن بيده على المكتب بانفعال.
مازن:
— يعني إيه مش هتقولنا حاجة؟! دي أختنا، وإحنا من حقنا نعرف مالها!
وقف الدكتور من مكانه، ونظر إليه بجدية.
الدكتور:
— لو سمحت، وطّي صوتك. إنت في عيادة، ومش هسمح إن حد يتعامل معايا بالطريقة دي.
تقدم نذير خطوة.
نذير:
— إحنا مش جايين نسمع محاضرة عن الخصوصية، إحنا عايزين نعرف أختنا فيها إيه!
الدكتور:وأنا مش هقدر أقولكم حاجة من غير إذنها.
نديم بعصبية:
— إنت مش فاهم إحنا قلقانين عليها قد إيه!
الدكتور:
— وأنا فاهم أكتر مما تتخيلوا، لكن واضح إنكم مش فاهمين هي محتاجة إيه دلوقتي.
تدخل عمران محاولًا تهدئة الموقف.
عمران:
— يا جماعة اهدوا شوية.
لكن مازن لم يستطع السيطرة على انفعاله.
مازن:ساد الصمت.
الدكتور:
إيه اللي وصل أختكم للحالة اللي هي فيها؟
نظر الأربعة إليه باستغراب.
مازن:
— يعني إيه؟
عاد الدكتور إلى مقعده، ثم قال بجدية:
الدكتور:
— هتكلم معاكم في حاجة عامة، مش هكشف أي تفاصيل خاصة بتالا. لكن لازم تفهموا إن الإنسان لما يتعرض لضغط نفسي شديد، ويفقد إحساسه بالأمان وسط أقرب الناس ليه، ده ممكن يسيب أثر كبير عليه.
نظر الشباب لبعضهم.
أكمل الدكتور:
الدكتور:
— تالا محتاجة مساحة آمنة، ومحتاجة تحس إن صوتها مسموع وإن مشاعرها مهمة. الضغط عليها أو إجبارها على الكلام مش هيساعدها.
كان مازن ونديم ونذير وعمران قاعدين قدام الدكتور، وكل واحد فيهم مستني يسمع منه أي تفسير للحالة اللي وصلت لها تالا.
الدكتور أيمن بص لهم بجدية، وبعد لحظات من الصمت اتكلم:
الدكتور أيمن:
— أنا عارف إنكم قلقانين عليها، وعارف إنكم عايزين تفهموا إيه اللي حصل، بس لازم تعرفوا إن تالا بتمر بمرحلة صعبة جدًا، واللي وصلت له مش حصل في يوم وليلة.
مازن:
— يعني إيه؟ هي مالها يا دكتور؟
الدكتور أخد نفس عميق وقال:
الدكتور أيمن:
— من فترة حصل خطأ في تحليل الحمل اللي اتعمل لها، وبعدها عملت تحاليل تانية، واكتشفت إنها مريضة بسرطان المعدة.
اتجمدت ملامح الأربعة، وكأن الكلام وقع عليهم مرة واحدة.
نديم:
— إيه؟!
نذير:
— سرطان؟! تالا عندها سرطان؟!
عمران:إنت متأكد من الكلام ده يا دكتور؟
الدكتور أيمن:
— أنا مش هقدر أدخل في تفاصيل ملفها الطبي من غير موافقتها، لكن اللي أقدر أقوله إن اكتشافها للمرض كان صدمة كبيرة بالنسبة لها، خصوصًا إنها كانت محتاجة دعم واحتواء في الوقت ده.
سكت لحظة، وبعدين كمل بنبرة عتاب واضحة:
الدكتور أيمن:
— وأول ناس فكرت تروح لهم بعد ما عرفت إنها تعبانة كانوا أهلها... كانت محتاجة تسمع كلمة تطمنها، أو تحس إن فيه حد ممكن يسندها. لكن للأسف، محدش فيكم سمعها، ومحدش اداها فرصة تشرح اللي جواها. بالعكس، 
مازن نزل عينيه للأرض، وبدأت ذكرياته ترجع له واحدة ورا التانية.
مازن:
— افتكرت...
رفع عينيه للدكتور، وصوته بدأ يتغير:
— افتكرت يوم ما رجعت من بره بعد اللي حصل... أنا وقفتها وقلت لها إني مش عايز أتكلم معاها، وزعقت لها، ومادتهاش حتى فرصة تتكلم.
حط إيده على وشه، وكمل بندم:
— كانت واقفة قدامي بتحاول تشرح، وأنا كنت قافل وداني عنها.
عمران اتكلم بصوت مكسور:
عمران:
— وأنا كمان... لما رحت لهم، قلت لها أبشع كلام ممكن يتقال. كنت غضبان، ومفكرتش للحظة إنها ممكن تكون محتاجة حد يسمعها.
حط إيده على وشه، وبص للأرض.
نذير:
— إحنا عملنا فيها كده؟ وهي كانت تعبانة ومحتاجة لنا؟
كان نذير مصدوم من اللي بيسمعه، ومش قادر يستوعب إن تالا كانت شايلة كل ده لوحدها.
نديم هز راسه ببطء، وكأنه بيحاول يفتكر كل كلمة قالها لها.
نديم:
— أنا كمان ظلمتها... كنت فاكر إني بدافع عن كرامة العيلة، ومفكرتش حتى أسمع منها.
الدكتور أيمن ساب لهم لحظات يستوعبوا الكلام، وبعدها قال بجدية أكبر:
الدكتور أيمن:
— وفيه حاجة تانية لازم تعرفوها... تالا وصلت قبل كده لمرحلة نفسية خطيرة جدًا، وكانت عندها محاولة سابقة لإنهاء حياتها.
ساد الصمت تمامًا.
مازن رفع رأسه بسرعة، وعينيه اتسعت من الصدمة.
مازن:
— إنت بتقول إيه يا دكتور؟!
نديم:
— لا... لا، مستحيل!


تعليقات