رواية الثلاثيني الملتحي الفصل التاسع بقلم عذراء آل شمس
شوفي رفل قسم بالله
لووو لبستي هذا اللبس مرة ثاني
اشككهن عليج
من كلي هيج شهكت وخليت
ايدي ع حلكي متفاجأه جرئته
ما اتوقعته هيج يكول
باوعت عيني بعينه
ويباوعلي بغيض
عفته ونزلت اركض
هااا رفل شبيج وجهج اصفر
لااا ماما مابيه شي
لااا بيج شي ترى حاسه عليج
بس عبالي بنيتي الحلوة تسولفلي
ودا انتظرج تسولفيلي
ماادري بيج تضمين عليه
تدللين ماما بالبيت بس
مو هناا
واباوع ع بابا المطبخ
بالبيت احجيلج
بقيت اساعد ماما بالطبخ لحد ما
اجوا المدعوين وصبينالهم الاكل
وانتظرناهم خلصوا غسلت المواعين
وماما عزلت البيت
ورحنا
سولفت الماما الي صار
وما ضميت عليها بس من كال
انتن تكيفن ع هالسوالف
رجال فايخ تقطنه ادري
اذا اكوللها خاف ضغطها يصعد خفت عليهاا ماكلت
ماماتي ترى استاذ رسلان
كلامه صحيح رغم كان جريئ
بألفاظه بس من خوفه عليج
دا ينصحج
يي ماما بس مو هيج
يتدخل بيه كأني وحده من عائلته
رفل ترى دائما اكولج
ماما البسي لبس مستور
لا تلبسين ضيق
بس انتي اذن من طين واذن من عجين
اففففف ماما انوب انتي
عفتها ورحت لغرفتي سبحت وبدلت واتمددت ع فراشي افكر بالي صار اليوم
وانقهرت كولش وحزت بكلبي
ليش هيج يكول عليه انمار
شنو لان حالتنا فقيرة يفكر بيه
تفكير سيئ شنو مثلا كل فقيرة سيئه
وتحب الفايخ والعنده فلوس
ماتهمني الفلوس بكد ما يهمني البشر
ذاته
اخلاقه
شخصيته
تربيته
افففففف التفكير اخذ حيز بليلتي
ثاني يوم رحت بعد الجامعه ع ماما وجان يوم عادي شفت رسلان بس حسيته يتهرب من نضراتي
وبقينا ع هالحال شهر حتى سلام ماكو بيناتنا
وبعد الشهر
جنت كاعده بالحديقه الورة البيت مالتهم جانت امتحانات الكورس الاول وادرس
اجاا علي
هاااا رفل كاعده هناا
يي والله دا ادرس
شلونج خما عندج شي صعب
لااا الحمدلله تمام
السلام عليكم
هلاا رسلان اليوم جاي من وكت
سويت نفسي ما منتبه لوجوده ونصيت ع ملازم
يي خلصت شغلي وطلعت
شلونج رفل سلمي ترى السلام ل الله
رفعت راسي وحاجبي وحجيت
الحمدلله بخير اعذرني ماانتبهت لوجودك
اتخوصر ويخزر
ايباااه ليش ماانتبهتي هيج اني ماانشاف لو خفاش واني ماادري
نصيت اكتب
مثل متشوف مشغوله بدراستي مو مال انطي واخذ بالكلام
فهم بسماري وراح وعلي استأذن من بعده وراح
بقيت ادرس ومشت الايام وخلص الكورس وعطلت
وكعدت بالبيت ومارحت ويه امي
قضيت العطله اكل ونت ونوم
وطلعات ويه صديقاتي دائما نتمشى العصريه
وبعد العطله وبيوم عيد الحب ١٤/٢ راسلني رقم غريب ع واتساب
مرحبا
منو
شلونج
منو
رسلان
ها اهلا
هلا بيج
شلونج
تمام بأحسن حال
عساج بخير
الحمدلله وانته
رفل اني اعتذر منج ذاك اليوم جرحتج بكلامي
اعتذارك مقبول
ليش تكوليها بدون نفس
واحد يعتبرني وحده مو زينه وصائده لرجال الثروات شنو تريدني اجاوبه من يعتذر مني
هههههههه ضحكتيني
صائده لرجال الثروات حسستيني بفلم هندي
ليش مو هذا كان قصدك
هههههه لااا
يي
لاااا
كلت ييي
واني كلت لاااا يعني لاااا
اففففففف شتريد مني هسه
اريد ابدي وياج صفحه جديده
صفحتك القديمه بعد بيهااا ليش عايفها وتبدي بالجديده
هاي شبيج رفل لا تطوخيهاا راح اتصل بيج
الوووو اعتذر والله
اوك استاذ رسلان
شنوووو شنو اوك ليش هيج تحجين بأنفه
شتريدني احجي لعد
رفل
هااا
اني معجب بيج ترى
ومن هاي الكلمه بديت اميل لل كلام وياه ويراسلني يوميه بدون انقطاع
حبيت كلامه كان رغم عصبيته
بس التمست غيرة من كولشي يحيط بيه
التمست حب لذاتي مو لجسدي او شهوة
التمست حب رجل لوطنه
رغم كان كلامنا بدافع الصداقه
لكن اني حسيت العلاقه دا تجري لطريق الحب
حاولت اتماسك عواطفي ومشاعري لكن
ضعفت كدام شخصيته وطريقه تعامله
بقينا لحد امتحانات الكورس الثاني نحجي دائما ع اتصال ورسائل دائمه وشوفات يوميه وكلي بأخر امتحان الج عازمج ع غدا رفضت بالاول وبعد توسلاته قبلت عزومته
خلصت امتحانات الكورس وبأخر يوم اتأنقت جنت مجمعه فلوس وقبل بيوم
ورحت لمجمع مال ملابس تنزيلات القطعه ع 20الف اشتريت بدي كيبور لون جوزي
وبي رباط اسود قصير وبي خرز بيض وبنطرون كيلوت اووف وايت
ثاني يوم كعدت من ال ٦ سبحت شسورت شعري
سويته من فوك عدل ومن نص طوله برمته وخليتله سبري مثبت
وبدلت وطلعت بدون مكياج كلت بعد الامتحان اخلي مكياج بالحمامات واطلع حتى يكون مكياجي نظيف وجديد لان اذا اخلي الصبح للضهر يسيل
خلصت الامتحان ومااعرف شنو جاوبت بالي يم موعدي وكلبي يدك اسرع من اي شي
سلمت الورقه وطلعت اتجهت للحمامات خليت مكياج مرتب اساس ع ايلاينر ماسكارا كحل يبرز عيوني
حمرة برونزيه وباودر خدود برونزي واضاءه ورتبت حاجبي بالتاتو وعطر هادئ وطلعت
اتصل بيه رسلان كال لا تطلعين انتظريني راح اجي اخذج
انتظرته اباب الجامعه اجاااا صعدت وياج
هلاووو رسلان والابتسامه شاكه حلكي
شطالعه اليوم
اباوع ع لبسي واحجي
بيه شي
تموتين
خجلت من كلامه ونضراته الي اول مرة اشوفهن مليانات حب وفرح
شغل اغنيه اليسا حاله حب ويدندن ويه الاغنيه ويباوعلي نظرات خاطفه وعينه ع طريق
اني هنااا خجلت ع فرحت ع هواي امور جديدة عليه
وصلنا للمطعم اجااني فتحلي الباب مثل المسلسلات هههههه
وطبينا للمطعم
كلي شنو تاكلين كتله ع ذوقك
كال تاكلينه شاورما لحم وفنكر وعصاير ومقبلات وكذا
كتله اوك ع راحتك
قدمولنا المقبلات اكلنا ونحجي بمواضيع عاديه سألني ع امتحاني
جابولنا شاورما وفنكر وعصير ليمون وبرتقال كوكتيل
كملنا اكل بس ماشبعت لان مااكلت شي بس يباوع عليه
بداا يحجي
شوفي رفل علاقتنا صارلها اشهر رسائل واتصالات ودائما نتشاوف وبصراحه اني كولش انعجبت بيج وبشخصيتج رغم انتوا عائله فقيرة بس شفتج ماعندج اي تذمر من عيشتج ودا التمس بيج تتباهين بنسبج وشغله امج وتدرسين قانون هذا شي طموح بس درجاتج كولهن ممتاز هذا فعلا شي بالخيال
اشكرك ع هالمجاملات
لاااا مو مجاملات بالعكس هاي حقيقه
وبصراحه اني اتعودت عليج وع وجودج بحياتي
مدا اكدر ابقى يوم بدون مااسمع صوتج
مرات بعز انشغالي واتصل بيج بس مجرد اسئلج شلونج شخبارج واسده احس نفسي عطشان وارتويت بصوتج
هناااا لو تجون عليه مدي ابجي ع هالكلام
اول مرة واحد هيج يكولي ومو اي واحد
هذا رسلان فارس احلامي والشخص الوحيد
الحسيته وياه بالامان والحب
شبيج ساكته رفل
ترى بعدني ما كلت شي
رفل ارفعي راسج خلي عينج بعيني
واجا كعد.بصفي وخله ايده ع حنجي ورفع راسي ترى حبيتج
_________________________________________
رند
بقيت انتظره لل٣ بليل وهوة مارجع
جنت انتظره بالمطبخ
من التعب خليت راسي ع طاوله الطعام ونمت
وصبح ب٨ اجت ام رفل ورفل كعدني ورحت لفراشي رفل ساعدتني سألتها ع انمار كالت ما موجود
خليت ونمت
كعدت ب١١ ع صوت انمار ويوسف يشاقون
صحت رفل مااجتني الظاهر ماسمعتني
اجاني انمار
صباح الخير بنوتي
صباح الانوار
واني كاعده بفراشي وتخوصرتله
وين جنت البارحه وشوكت اجيت
واجاني منصي يباوع عليه ويحجي
وانتي شعليج ليش تحاسبيني
احجي بصوت عالي
غير زوجي واحاسبك
بالمطعم اجتك وحده وما درتلي بال اخذتها ورحت ومن رجعت طلعت
ما الج دخل لا تدخلين بشي ما يخصج
لااا انمار تخصني ونص
شنو كعدتي بهل بيت لعد
اعتبريني مو زوجج
اعتبريني مثل السابق ابن خال ابوج فقط
لعد ليش اتزوجتني هاا ليش
الصمي ولا تعلين صوتج عليه
لااا ما الصم مو رند الي تسكت عن حقهاا
يحجي بأستهزاء
يي خاتون وشنو حقوقج
اشر علي
انته كلك ع بعضك من ضمن حقوقي
الصمي وكافي كلام زايد مااتزوجتج حتى تتحكمين بيه
يي لعد ليش اتزوجتني
تعرفين ليش مايحتاج اكول
رند اتجفي شري احسلج
ترى بعدج مشايفه وجهي الثاني
مااريد اقهرج خليج حبابه
شنو يعني تريد تسهر وتصاحب وكل ما شفتك تراسل وتضحك وتجيني ركبتك مزوركه وتريدني اسكت ليش عيني اسكت ماعندي لسان لو ماعندي كرامه لو ماعندي تسلط
دا انجبي شنو هالكلام الكرامه شجابها ع تسلط
كمتي تمضرطين بكيفج
لاااا مدا امضرط هذا كلامي
تنجبين وما الج دخل بيه
طلع انمار واني ازوهرت بكلامه
مثل العكره الي ع ريك
وشبعت بجي جان يمي مزهريات
شمرتهن وكسرتهن واجتني رفل كالت
خفت من استاذ انمار وماكدرت اجي وبقت تهدي بيه
العصر رحنا اني ورفل للعلاج الطبيعي
الظاهر انمار ماكو لان سيارته ماكو
ويوسف هم ماكو
رحت للعلاج ورجعت هلكانه التمارين هالفترة تعبتني كولش دا اتأذه منهاا
رجعت سبحت ونمت كعدت ب١١ بليل ماكو احد بالبيت
اتصلت ع رفل كالت رايحات البيتهم وانمار من جانت بالبيت هوة ماكو طالع ويوسف يم امه كالت راح اتصل بي اكوله رند وحدها بالبيت
بقيت بمكاني اتصفح بيأس وقهر
تعبانه نفسيتي
اتذكرت انمار وعدني يزورني امي واخويه
ليش ما زورني شنو خلف بوعده لو نسى
بقيت لل١ ونص كاعده وجعت وسمعت طبكه باب المطبخ وصوت المفاتيح
صحت
منووو اجاااا
واجاني صوت المفاتيح تطكطك الضاهر هذا انمار
وكف اباب الغرفه
اني اجيت
هلا بيك
جوعانه ترى
مااعرف اطبخ شسويلج اجيبلج فواكه لو اجباس نساتل من اجباس نساتل يوسف لو اسويلج لفه جبن
اريد اندومي
منين اجيبلج
عدنا تلكه بالكاونتر كارتونه
وهذا شلون يصير
تعال ساعدني اكعد بالكرسي حتى اروح للمطبخ اسوي
دا يشيلني
لا انمار الدكتور اليوم كال لازم بعد تساعدوني من اريد.اكعد.بالكرسي وشوي شوي اترك الكرسي وامشي ع عكاز
سندني وكعدني ع كرسي رحت للمطبخ طلعت ٢ اندومي بالخضار اعشقه (منو يحبه اني اعشقه ورة ماانشرلكم البارت اروح اسوي 😘😘)
طلعت كدر تيفال لون وردي يسوي طعم الاندومي يختلف عن الكدور الباقيه نوعيته تختلف جانت ماما هيج تكول
فتحت الاندومي وكسرته بالكدر وخليت بهاراته ورشات خفيفه من فلفل حار فتحت بس فلفل واحد رشيت منه شويه وخليت علي خاشوكه دبس الرمان وخاشوكه كجب ورفعت راسي دا احجي ويه انمار حتى يخلي مي للكدر اشوفه صافن ع تحركاتي
شبيك صافن
دا اشوفج شكاعد تخبطين سويتيها خبيطه
هسه دخل يستوي وضوكه شكد طيب
دولي تالي اكل سلابيح
ايعععع شنو هالكلام
يي لعد.جذب
اففففف انطينه من يمك سراحيه مي
انطاني وخليت ع كدر غطيت الاندومي بالمي بس مو هوايه ع قياسه حتى يصير بي نكهه
يي ست رند متخوصر ويحجي
مبين عليج تعرفين تطبخين
مااعرف اسوي بس الاندومي والمعكرونه واسباكيتي ومقبلات
يصفك ويحجي بأستهزاء
كره عيني ع هيج مرة
وفوكاها تتباهى تعرف تسوي اندومي ومعكرونه
يي لعد تريدني اجذب عليك
لا يابه ليش الجذب
خله انمار الكدر ع طباخ وكعد ع كرسي بالمطبخ
وحجينا ولا كأنا الي اتعاركنا الصبح
انمار
اممممم
انته مو وعدتني نروح نزور امي واخويه
يي وعدتج
شوكت توديني
تصدكين اذا كتلج ناسي وعدي
شوفي بس باجر عندي عكب باجر
التحق
اذا تردين نروح باجر الظهر
يي فدوة ياريت
استوة الاندومي وخلاه انمار بكاسه جبيرة وكتله اريد ٢ خواشيك لان مكسر ماينأكل بالشوكات
شتسوي بالخواشيك الاثنين
اريدك تضوكه
دروحي مااخلي بحلكي
دضوك مالتي وشوفه والله طيب
خله ايده ع حلكه وحجه شبيج بابا دومج تجفصين انتبهي لكلامج
ليش اني شكلت
شنو ضوك مالتي
عزااااا شكد عيب
والله مو قصدي
انته ليش تفكيرك منحرف
دروحي يا منحرف
غير كلامج خارج قوس
نيته صافيه بس انته نيته وصخه
لزمني من ياخه تراكي هاااا ولج بدينا بالغلط
اييي عوف ياختي ما غالطه عليك اني
دضوكه فدوة
يباوعلي بخرة وتالي
قصدي اكل الاندومي وشوف طعمه
اكل اول خاشوكه واخذ الثاني والثالثه
هاااا شلونه
يي ولج طعمه طيب
لعد اكل ويايه
لااا انتي جوعانه اكلي
عود من يخلص نسوي بعد اندومي
اكلنا الاندومي وطلعت تفاح وبرتقال وكيوي واكلنا وانمار جاب كرزات من غرفته
بقينا سهرانين نسولف ونشاقه لل٣ وخلال هالكعده موبايلاته ماسكتت رسائل ع اتصالات اخر شي سواه صامت
نمنا كعدت ب١٢ سبحت وبدلت واتريكت
سألت عن انمار كالوا بالحديقه
طلعتله
صباااح الخير
صباح الضهر بنوتي
ههههه شلونك
تمام وانتي
الحمدلله
حضرتي ملابسج حتى نتغده ونطلع
يي لابسه باوع واتريكت
شلابسه ولج
بدي وبنطرون وتريدين تطلعين بيهن
رادلج عبايه
ماعندي
سهله هسه ادز رفل تجيبلج من االمول القريب علينا
راح اروح اسبح واصلي واتغده بين ماتروح رفل وتجيبلج ونطلع
اتفاجأت بي يصلي ماشايفته يصلي
بعدين شلون يصلي وهوة يشرب
شنو هذا من بشر
حرت بتكوينه
جابتلي رفل عبايه وجواريب وشال واتراكات ملونه
وداخليات
كالت انمار موصيها عليهن
بس اني لابسه اسود
مااعرف هوة كال وجبتلج
وطلب لون احمر الداخليات
عزاااا كالج اريدهن لون احمر
لا انطاني ورقه وكالي جيبي المكتوب بيهااا
خرب ادري بي منحرف بس مو لهل درجه
اجاني انمار واني بغرفتي اباوع ع ملابس
هااا عجبنج
يي اشكرك بس اني ماانزع الاسود
عوفيهن كولشي بوقته حلو البسي الجابتلهن الج حتى نطلع
لبست الشال والعبايه فوك ملابسي وجواريب وبوتين
طلعنا و صلنا لل محافظه ب٤ دخلنا للمقبرة اول ماشفت المقابر بجيت هنااا صاروا جوا التراب
هناا الروحي اتعلقت بيهم وكلبي يسألني عليهم ودموعي ماتنزل بس عليهم
وصلنا لقبر امي وبصفها حيدر وقريب عليهم قبر بابا يبعد.عنهم بكم قبر
اتلمست اسم امي وخليت راسي ع قبرهم وابجي واحجي وياهااا
ماما اشتاقيتلج تعاي شوفي شصار بيه من بعدج
يوم ليش عفتيني ليش مااخذتيني وياج
المن عايفيني للقهر والمذله يماا من بعدج صفيت وحيده بدون اهل بدون عزوه يماااااااا بعياط كرامتي راحت بالرجلين من اخذني اخوج لو تشوفينه شسوة بيه هوة وابنه
احجي بيأس شوفي حالتي صرت مقعده مااكدر امشي
ماما ادعيلج عد ربج انشافه حتى اكوم ع رجلي واعين نفسي
من بين دموعي اضحك
ماما اتزوجت انمار الجنتي دوم تمدحين بي
ورحت ع قبر حيدر واتلمس اسمه وكأني اتلمس وجهه واحجي
حيدر حبيبي اني اختك دا تشوفني اجيتكم اليوم وشوف منو اتزوجت
هذا انمار اخو اصدقائك علي ورسلان الي جنت تحبهم وبس تسولف بيهم
احجي واضحك بأستهزاء
شوف اختك الجنت تكول عليها زعطوطه اتزوجت
بس اتزوجت بدون بدله بدون اهل بدون سند اتمنيتلكم تكونون موجودين حتى تسلموني لزوجي حيدر لو تدري شصار بيه من عقدولي وانتوا ما موجودين
وبقيت ابجي والطم بدون وعي اتهسترت اختنكت
اتذكرت سوالف انمار وعلاقاته بس ماكدرت احجي شي
اخذني انمار وصعدني بالسيارة
وطول الطريق ابجي
وداني للامام وطلب من مرة
عمرها تقريبا بالاربعين تزورني وخطيه ماقصرت زورتني
ومن وكفت يم الامام حسيت
طريق النجاه انفتحلي رغم
بجيت هوايه يم شباكه بس حسيت براحه نفسيه رهيبه اول مرة هيج احس
رجعتني هاي المرة لأنمار بعد ما زرت واتشكرنا منها وكال انمااار
خل نروح نفتر بالسوك ومن بعدها نرجع نصلي بالحضرة ونتعشى بمطعم ونشوفلنا فندق انام بي
لااا مالي خلك افرارة خل كبل نروح للفندق
شبيج كولش اتكئبتي
يي لعد اكو وحده اتشوف اهلها بكبرهم تصير زينه
اني جبتج الهم عبالي تتحسن حالتج شو انوب حالتي ازدادت سوء
انمار فدوة تعبانه
يله اوديج للفندق وارجع للحضرة وفد ساعتين واجيج اخذج نتعشى بمطعم
ماكو اي اعتراض
اوووك بس خل ارتاح
كان يوم كئيب عليه وداني للفندق حجزلنا وصعدني بالغرفه وراح ووبعد ساعتين اجا اخذني اتعشينا وافترينا اشترى انمار حلويات وكذا واتوسلت بي نرجع للفندق ورجعنا
اتمددت ع سرير واجاا انمار دا يتمدد
هااا راح تنام يمي
ليش عندج اعتراض
يي روح نام بغير غرفه
ليش عيني انام بغير غرفه اكو احد غريب
يي اكو احد غريب
منو الغريب ست
انته ما تحسبني زوجتك ليش تنام يمي
شلوون بله ماحاسبج زوجتي
مو انته كتلي ما الج دخل بيه وانتي تعرفين سبب زواجنا
بنتر وانتي شنو بله لازمتها عليه وكل كلمه تفسريها براحتج
