رواية عروس البحر الفصل التاسع 9 بقلم نون لاشين

ورد أبيض في كل حتة.. شموع على البحر.. كراسي صغيرة على الرملة.. وممر طويل من الورد بيوصل لحد الماية.

زياد كان بيجري في الجنينة زي المجنون ومعاه وردة في إيده وبياكل ساندوتش في إيده التانية.

زياد بصوت عالي: "يا جماعة الورد ده مش كفاية! جيبوا ورد تاني! والعطور فين؟ أنا قلت رشوا عطر في الهوا عشان الجو يبقى رومانسي!"

الشغالة بصت له باستغراب: "يا أستاذ زياد.. العطر في الهوا؟"

زياد بجدية: "آه! عطر في الهوا! عايز لما العروسة تطلع تشم ريحة حب!"

آدم نزل السلم وهو لابس بدلة كحلي أنيقة.

آدم بصله: "زياد.. إنت بتعمل إيه؟"

زياد بفرحة: "بجهز الفرح يا عريس! أنا مدير الحفلات النهاردة!"

آدم: "إنت مدير إيه؟! الفرح ده صغير وهادي.. عايزينه يكون بسيط."

زياد بعصبية مصطنعة: "بسيط إيه يا عم؟! ده أول فرح حقيقي ليك! لازم يبقى أسطوري! أنا حجزت فرقة موسيقية!"

آدم بصدمة: "فرقة موسيقية؟! إمتى؟!"

زياد بفخر: "من إمبارح.. فرقة كاملة.... هيعزفوا أغاني أم كلثوم على البحر!"

آدم حط إيده على دماغه: ".. أنا قلت فرح بسيط."

زياد بحماس: " البساطة إنك تفرح من قلبك.. وأنا هخليك تفرح لحد ما تعيط."

آدم سكت.. 

في الأوضة.

ملك كانت قاعدة قدام المراية.. ست الحسن كانت بتسرح لها شعرها.

ست الحسن بدموع: "يا حبيبتي.. أنا مش مصدقة إنك عروسة بجد المرة دي."

ملك بابتسامة: "أنا كمان يا ستي.. المرة اللي فاتت كنت خايفة ومتوترة.. النهاردة أنا أسعد واحدة في الدنيا."

ست الحسن حطت إيدها على بطن ملك: "واللي جوه بطنك ده.. أحلى هدية من ربنا."

ملك دمعتها نزلت: "يا ستي.. أنا خايفة على إلين.. حالتها مش كويسة وأنا خايفة الفرح يتعبها."

ست الحسن بحكمة: "يا حبيبتي.. إلين ست قوية.. وهي عايزة تفرح بيكم قبل ما تسافر.. خليها تفرح.. الفرح دوا."

زياد دخل من غير ما يستأذن.

زياد بصرخة: "يا عروسة! جاهزة؟! الفرقة وصلت والموسيقيين بيسخنوا الآلات!"

ست الحسن بعتاب: "زياد يا حبيبي.. استأذن الأول."

زياد بإحراج: "آه آسف يا حاجة ست الحسن.. بس أنا متحمس أوي.. أنا الخال الأسطوري فاكرين؟"

ست الحسن ضحكت: "فاكرين يا حبيبي.. بس الخال الأسطوري لازم يستأذن."

زياد: "حاضر يا حاجة.. من دلوقتي هخبط قبل ما أدخل.. حتى لو الباب مفتوح."

ملك ضحكت: "زياد.. إنت مش هتتغير أبداً."

زياد بابتسامة: "ده سحري الخاص."

.........

بعد ساعة.

الفرح بدأ على البحر مع غروب الشمس

إلين كانت قاعدة على كرسي خاص جنب البحر.. شكلها تعبان بس عيونها بتلمع من الفرحة.

ست الحسن كانت جنبها.. الستين اتعرفوا على بعض بسرعة وبقت بينهم صداقة غريبة.

ست الحسن لإلين: "إنتي أم آدم؟"

إلين بابتسامة: "آه.. وإنتي جدة ملك؟"

ست الحسن: "آه.. يبقى إحنا الاتنين أمهات العرسان."

إلين بدموع: "أنا مبسوطة أوي إن آدم لقي بنت زي ملك.. البنت دي ملاك."

ست الحسن: "وآدم راجل طيب.. ملك محظوظة بيه."

إلين بصت لست الحسن وقالت بصوت واطي: "أنا عارفة إن وقتي قصير يا حاجة.. وأنا عايزة أطلب منك طلب."

ست الحسن بقلق: "إيه يا حبيبتي؟"

إلين: "لو.. لو أنا ما رجعتش من ألمانيا.. اعتني بآدم.. هو من بره قوي بس من جوه طفل صغير محتاج حد يحضنه."

ست الحسن دمعتها نزلت: "متقوليش كده يا حبيبتي.. إنتي هترجعي بالسلامة.. وهتشوفي حفيدك."

إلين بابتسامة حزينة: "ياريت يا حبيبتي.. ياريت."

.........

الموسيقى بدأت.

العود كان بيعزف لحن هادي.. والناي كان بيغني مع الموج.

زياد كان واقف جنب الفرقة بيوزع.

زياد للموسيقي: "يا أستاذ.. الأغنية الجاية عايزها "ألف ليلة وليلة".. عشان الجو يبقى رومانسي."

الموسيقي بدهشة: "بس يا أستاذ.. إحنا فرقة كلاسيك."

زياد: "ما تعملوها كلاسيك بقى.. ألف ليلة وليلة بالنأي.. يلا بينا."

الموسيقي هز راسه بضحك وبدأ يعزف.

.........

آدم كان واقف عند الممر بيستنى ملك.

قلبه كان بيدق بسرعة.. أكتر من أي يوم في حياته.

زياد قرب منه.

زياد: "إنت كويس يا عريس؟ وشك أصفر."

آدم: "أنا متوتر يا زياد."

زياد بضحك: "متوتر؟! إنت بتفتح فرع شركات في كل الدنيا ومش بتتوتر.. ودلوقتي متوتر عشان فرح؟!"

آدم: "الفرح ده مختلف.. المرة دي حقيقي."

زياد ربت على كتفه: "متقلقش.. كل حاجة هتبقى حلوة.. وأنا جهزت مفاجأة ليك."

آدم بريبة: "مفاجأة إيه؟"

زياد بابتسامة خبيثة: "لو قولتك مش هتبقى مفاجأة.. استنى وشوف."

.........

الموسيقى اتغيرت.. لحن هادي وجميل.

ملك طلعت من الفيلا.

فستان أبيض بسيط.. طويل لحد الأرض.. حجاب أبيض ناعم.. وشها من غير مكياج كتير بس عيونها بتلمع.

إيدها في إيد ست الحسن.

الكل سكت.

آدم وقف مكانه.. 

زياد بص لآدم وضحك.

زياد همس: "اقفل بقك يا عم.. الدبان هيدخل."

آدم ما سمعهوش.. كان بيبص على ملك كأن الدنيا كلها اختفت.

ملك قربت بخطوات بطيئة.. وكل خطوة كانت بتخلي قلب آدم يدق أسرع.

لما وصلت قدامه.. ست الحسن حطت إيد ملك في إيد آدم.

ست الحسن بدموع: "خد يا آدم.. دي أغلى حاجة عندي في الدنيا.. حافظ عليها."

آدم مسك إيد ملك وإيده كانت بترتعش.

آدم : "وعد يا حاجة.. هحافظ عليها بروحي."

الكل زغرّد.

زياد زغرّد بصوت عالي.

زياد بصرخة: "يلا يا جدعان! الفرح بقى حقيقي! الخال الأسطوري فرحان!"

إلين كانت بتعيط من الفرحة وست الحسن حاضنتها.

آدم مسك إيد ملك وراحوا ناحية البحر.

آدم وقف قدام ملك على الرملة.

آدم بصوت واطي: "ملك.. المرة اللي فاتت ما اديتكيش خاتم حقيقي.. زياد هو اللي جاب الشبكة.. النهاردة عايز أديكي خاتم مني أنا."

آدم طلع علبة صغيرة من جيبه.

فتحها.. جواها خاتم ألماس بسيط بس حلو أوي.. وفيه حجر أزرق صغير.

آدم: "الحجر الأزرق ده لون البحر.. البحر اللي جمعنا.. واللي شاف أول خناقة بينا.. واللي شاف أول بوسة بينا."

ملك : "آدم.. ده حلو أوي."

آدم حط الخاتم في صباعها.

آدم: "الخاتم ده مش بس خاتم جواز.. ده عهد.. عهد إني هكون ليكي كل حاجة.. لحد آخر يوم في عمري."

ملك حطت إيدها على خده: "وأنا هكون ليك كل حاجة يا آدم."

آدم قرب منها.. ومسك وشها بإيديه الاتنين.

وبسها.

بوسة طويلة.. عميقة.. تحت نور القمر.. وصوت الموج بيغني حواليهم.

زياد كان بيبص عليهم من بعيد وبيمسح عينه.

زياد بيكلم نفسه: "أنا اللي عملت كل ده.. أنا البطل الخفي في القصة دي.. بس عادي.. الخال الأسطوري مش محتاج شهرة."

وبعدين راح ناحية الفرقة.

زياد للموسيقي: "يا أستاذ.. الأغنية الجاية "على حسب وداد قلبي".. يلا!"

.........

بعد الفرح.

الكل راح ينام.. والفيلا هديت.

في أوضة آدم وملك.

ملك كانت قاعدة على السرير بتبص على الخاتم الجديد.

آدم خرج من الحمام وقعد جنبها.

آدم: "مبسوطة؟"

ملك بابتسامة: "مبسوطة أوي.. أحلى يوم في حياتي."

آدم حط إيده على بطنها: "إنتي كويسة؟ البيبي تعبكي؟"

ملك: "لأ.. هو كويس.. بس أنا حاسة بغثيان خفيف من الصبح."

آدم بقلق: "غثيان؟! ليه ما قولتيش؟"

ملك بضحكة: "لأنك كنت هتلغي الفرح."

آدم بجدية: "ملك.. صحتك أهم من أي حاجه في الدنيا."

ملك حطت إيدها على وشه: "أنا كويسة يا آدم.. الغثيان ده طبيعي في أول الحمل.. الدكتور قال كده."

آدم باس جبينها: "متخوفينيش تاني.. أنا قلبي مش بيستحمل."

ملك ضحكت: "إنت اللي كنت بتخوفني من برودك.. ودلوقتي بقيت خايف عليا."

آدم جذبها لحضنه: "البرود ده راح من أول يوم شوفتك فيه.. إنتي دفيتي كل حاجة جوايا."

ملك بصت لية بعيون مليانة حب.

ملك بصوت واطي: "آدم.. أنا عايزاك تحضني.. عايز أحس بيكي جنبي."

آدم مسك وشها وبسها 

آدم : "أنا عايزك كل لحظة يا ملك.. بس خايف على البيبي."

ملك بضحكة: "الدكتور قال إن مفيش مشكلة في أول تلات شهور.. بس بهدوء."

آدم ابتسم ابتسامة خبيثة: "بهدوء يعني؟"

ملك اتكسفت: "آدم!"

آدم ضحك وشالها على السرير .

آدم همس في ودانها: "هكون هادي أوي.. أوعدك."

بدأ يقبلها ببطء.. على جبينها.. على عيونها.. على خدها.. على رقبتها.

كل بوسة كانت بتخلي ملك ترتعش.

إيده راحت على كتفها وبدأ يفك زرار الفستان ببطء.

ملك حست بدفا إيده على جلدها وقلبها دق بسرعة.

آدم بص فيها بعد ما الفستان نزل.

آدم بصوت مخنوق: "إنتي.. إنتي مش حقيقية.. إنتي حلم."

ملك مسكت وشه: "أنا حقيقية يا آدم.. وأنا بتاعتك."

آدم .. إيده على خصرها.. وجسمه قريب من جسمها.

الحرارة بينهم زادت.. والأنفاس بقت سريعة.

آدم همس في ودانها: "بحبك يا ملك.. بحبك بشكل يجنن."

ملك  "وأنا بحبك يا آدم.. أكتر من أي حاجة في الدنيا."

صباح اليوم التاني.

زياد دخل المطبخ وهو بيجري.

زياد بصرخة: "يا جماعة! يا جماعة! في خبر!"

آدم كان بيفطر مع ملك.

آدم بعصبية: "زياد.. كل ما تدخل كده بتخوفني."

زياد بفرحة: "متخافش المرة دي! المحامي بتاعك في قبرص كلمنى. كريم اعترف!"

آدم بدهشة: "اعترف بإيه؟"

زياد: "اعترف بكل حاجة! قال إنه زوّر عقد الشراكة.. وقال إن سعاد كانت شريكته في التزوير.. وقال حاجة تانية مهمة."

آدم بجدية: "إيه؟"

زياد: "قال إن في راجل تالت في الموضوع.. راجل كان بيشتغل مع جدك اسمه "رشدي".. وهو اللي خطط للموضوع كله من الأول."

آدم اتجمد.

آدم: "رشدي؟! ده كان شريك جدي من زمان!"

زياد: "آه.. وكريم قال إن رشدي لسه عايش وسكن في القاهرة.. وهو اللي كان بيحرك سعاد من ورا."

آدم قام من الكرسي.

آدم بغيظ: "يعني سعاد كانت مجرد أداة.. والراجل اللي ورا كل ده لسه طليق."

ملك بقلق: "آدم.. متعملش حاجة متسرعة."

آدم بص لملك: "متقلقيش.. أنا مش هعمل حاجة بنفسي.. القانون هيأخد مجراه."

زياد بجدية: "أنا كلمت المحامي بالفعل.. وهنقدم بلاغ ضد رشدي النهاردة."

آدم بص لزياد : "شكراً يا زياد."

زياد بابتسامة: "شكراً إيه يا عم.. أنا الخال الأسطوري.. بحل المشاكل قبل ما تحصل."

.........

بعد أسبوع.

الكل كان جاهز للسفر لألمانيا.

إلين كانت في كرسي متحرك.. حالتها ساءت 

ست الحسن كانت معاهم.. وآدم رتب لها كل الأوراق.

في المطار.

زياد كان بيشيل شنط كتير.

زياد بعصبية: "يا جماعة الشنط دي كتير أوي! إحنا رايحين علاج مش رايحين نفتح مول!"

آدم بضحك: "الشنط دي بتاعتك إنت يا زياد.. إنت اللي جبت معاك عشر شنط."

زياد: "آه طبعاً! أنا محتاج هدومي.. وأنا كمان جبت ألعاب للبيبي!"

ملك بضحكة: "زياد.. البيبي لسه في بطني."

زياد بجدية: "بالظبط! لازم يلاقي ألعاب مستنياه لما يطلع.. أنا مش هضيع وقت."

إلين ضحكت .

إلين: "زياد يا حبيبي.. إنت أحلى حد في العيلة دي."

زياد دمعه نزلت: "يا  إلين.. إنتي قولتيلي أحلى كلمة في حياتي.. أنا هعيط."

آدم بضحك: "إنت بتعيط كل خمس دقايق يا زياد."

زياد: "أنا راجل حساس.. ده مش عيب."

.........

في برلين.

المستشفى كانت كبيره وحديثة.

الدكتور الألماني استقبلهم.

الدكتور بالإنجليزية: "أهلاً بكم.. أنا الدكتور شولتز.. اطلعت على حالة السيدة إلين.. والحالة محتاجة نبدأ الكيماوي فوراً."

آدم بقلق: "فرص الشفاء كام يا دكتور؟"

الدكتور بجدية: "لو بدأنا دلوقتي.. الفرص بتوصل لـ 75%.. بس العلاج هيكون طويل.. تقريباً ست شهور."

آدم بص لأمه.

إلين بابتسامة: "أنا جاهزة يا دكتور.. أنا عايزة أعيش أشوف حفيدي."

الدكتور ابتسم: "إذن هنبدأ بكرة الصبح."

.........

في الشقة اللي آدم اخدها في برلين.

الكل راح يرتاح بعد السفر.

ملك كانت قاعدة على السرير بتعاني من الغثيان.

آدم دخل بسرعة ومعاه كوباية زنجبيل.

آدم بقلق: "اتفضلي.. الدكتور قال الزنجبيل بيخفف الغثيان."

ملك شربت وشكرته.

ملك بابتسامة ضعيفة: "شكراً يا حبيبي."

آدم قعد جنبها وحط إيده على بطنها.

آدم : "ملك.. أنا خايف عليكِ.. الغثيان بيزيد كل يوم."

ملك: "ده طبيعي يا آدم.. الدكتور قال إن أول تلات شهور أصعب.. وبعدين هتحسن."

آدم : "أنا عايز أكون جنبك كل ثانية."

ملك: "إنت فعلاً جنبي يا آدم.. في كل لحظة."

آدم حط وشه على بطنها.

آدم بصوت واطي: "يا حبيبي الصغير.. ماما تعبانة شوية بس هتبقى كويسة.. وإنت كمان هتبقى كويس.. بابا بيحبكم."

ملك حطت إيدها على شعره وابتسمت.

.........

في الليل.

آدم وملك كانو في السرير.

ملك كانت نايمة على جنبها وآدم حاضنها من ورا.

آدم باس كتفها 

آدم همس: "ملك.. إنتي صاحية؟"

ملك بصوت نعسان: "آه.. لسه."

آدم: "أنا عايز أقولك حاجة."

ملك: "قولي."

آدم: "أنا حاسس إن الفترة دي.. رغم كل التعب.. أحلى فترة في حياتي.. إنتي جنبي.. البيبي في بطنك.. ماما بتتعالج.. زياد بيعمل مصايب.. أنا مبسوط يا ملك."

ملك دارت في حضنه وبصت فيه.

ملك بابتسامة: "وأنا كمان يا آدم.. حتى مع الغثيان والتعب.. أنا مبسوطة لأنك جنبي."

آدم همس في ودانها: "هكون هادي.. أوعدك.👀"

ملك ابتسمت

 "بحبك يا آدم.. بحبك أكتر من كل حاجة."

صباح اليوم التاني.

زياد دخل الأوضة وهو بيجري.

زياد بصرخة: "آدم! ملك! اصحوا!"

آدم قام بسرعة: "إيه؟! في إيه؟!"

زياد بفرحة: "الدكتور شولتز كلمنى.. قال إن أول جلسة كيماوي نجحت بنجاح كبير! وإن استجابة جسم إلين ممتازة!"

آدم نط من السرير.

آدم بفرحة: "بجد؟!"

زياد: "بجد! الدكتور قال إن لو الاستجابة فضلت كده.. إلين هتتعافى في أقل من ست شهور!"

ملك عيطت من الفرحة.

آدم حضن زياد بقوة.

آدم: "الحمد لله يا رب! الحمد لله!"

زياد عيط تاني.

زياد: "أنا قولتلكم أنا الخال الأسطوري! حتى العلاج بيستمع لي!"

آدم بضحك: "إنت مالكش دعوة بالعلاج يا زياد."

زياد: "أنا روحي دعيت لإلين كل ليلة.. يبقى ليا دعوة."

.........

في المستشفى.

إلين كانت على السرير بعد أول جلسة كيماوي.

شكلها تعبان بس بتبتسم.

آدم دخل مع ملك وزياد وست الحسن.

إلين بابتسامة ضعيفة: "يا حبايبي.. الدكتور قال لي الأخبار الحلوة."

آدم قعد جنبها ومسك إيدها.

آدم بدموع: "ماما.. هتتعافي.. وهتشوفي حفيدك."

إلين حطت إيدها على بطن ملك.

إلين بدموع: "أنا عايزة أعيش عشان أشوف البيبي ده.. عشان أحضنه.. عشان أقوله إن جدته بتحبه."

ملك بكت وحضنت إلين.

ملك: "هتشوفيه.. وهتحضنيه.. وهتلعبي معاه."

إلين بابتسامة: "يا ريت يا حبيبتي.. يا ريت."

زياد كان واقف في الناحية التانية بيمسح عينه.

زياد بيكلم نفسه: "أنا مش هعيط.. أنا راجل.. بس الدموع دي مش بإيدي.. الخال الأسطوري عنده مشاعر."

.........

في بره المستشفى بالليل.

آدم وملك كانو بيمشوا في شوارع برلين.

الهوا كان بارد والسماء مليانة نجوم.

آدم حط جاكيت على كتاف ملك وضمها 

آدم همس في ودانها: "ملك."

ملك: "إيه يا حبيبي."

آدم وقف قدامها وبص في عينها .

آدم بصوت جاد: "أنا قبل ما أعرفك.. كنت ميت من جوه.. كنت عايش بس مش حاسس.. كنت أمشي وأتنفس بس مش عايش.. إنتي جيتي ورجعتيلي الحياة يا ملك.. إنتي مش بس مراتي.. إنتي روحي.".

ملك  "وأنتي روحي يا آدم.. من أول يوم."

آدم مسك وشها وبسها 

بوسة طويلة.. فيها كل الحب.. كل الشوق.. كل الأمل.

لما بعدوا عن بعض.. آدم بص لبطنها.

آدم بابتسامة: "البيبي سمعنا؟"

ملك بضحكة: "البيبي لسه حبة أرز."

آدم بوس بطنها: "حبة الأرز دي أحلى حاجة في الكون."

.........

رن موبايل آدم فجأة.

رقم المحامي.

آدم رد: "ألو."

المحامي بتوتر: "آدم.. في تطور خطير في التحقيقات."

آدم بجدية: "إيه اللي حصل؟"

المحامي: "رشدي.. الراجل اللي ورا كل الموضوع.. اتقبض عليه في القاهرة.. واعترف بحاجة خطيرة."

آدم: "إيه؟"

المحامي: "قال إن سعاد مش بس زوّرت عقد الشراكة.. قال إنها كانت بتحاول تسمم ست الحسن من سنة."

آدم اتجمد.

آدم بصدمة: "إيه؟! تسمم جدتها؟!"

المحامي: "آه.. كانت بتحط لها مادة في الأكل ببطء عشان تموت وتاخد البيت لوحدها.. ست الحسن عندها تسمم مزمن من سنة ومش عارفة."

آدم 

بص لملك وهي بتبص على النجوم ومش عارفة حاجة.

جدتها.. ست الحسن.. الست اللي ربتها.. 

الفصل العاشر من هنا