#عائلة_زوجي_المجنونة
الجزء الاول
#ملحوظة لا انصح بتتبعها لزوي القلوب الضعيفة
هل جربت يومآ ان تعيش وسط اشخاص غريبين لا تستطيع فهمهم او الارتياح لهم والاحساس بانك مكروه وسطهم وغير مرغوب في وجودك والاسوا ان تكون مجبر على البقاء معهم وسط كمية من الاسرار الغامضة والاحداث الغريبه تخيل ذلك الشعور ماكد ستخاف وتحس بالخطر.
عمري مهنسى الي شفته في بيت زوجي وكمية الالم والمعاناة الي عشتها وسط عيلته المجنونه الي خلتني اعيش اسوا ايام حياتي
اسمي ميار عندي 27 سنه جسمي رياضي ورشيق ملامحي جميلة جدآ ولوني ابيض بشتغل في شركة سيارات
وضعي صعب اوي لاني مبقدرش اوفق بين شغلي والعناية بامي المريضة احنا ملناش حد الا بعض ابويا اتوفى من زمان وسبلي مسؤولية العناية بماما والحمدالله كنت ادها.
قبل اسبوع اتقدملي زميلي بالجامعة شاب ناجح وجميل اوي اسمه هاني كنا بنحب بعض من ايام الجامعه واتفقنا نتجوز بعد التخرج وانا وعدته اني مسبوش خالص مهما كان
امي كانت مبسوطه اوي لاني وافقت اخيرآ على عريس هيا كانت قلقانا عليا اوي لاني رفضت عرسان كتار قبل كدة والحمدلله تم الزواج على خير ورحت معاه لبيت عيلته بعد موعدني يشتريلي بيت قريب انشاءالله اما بالنسبه لامي اخدتها معايا تعيش ببيت زوجي لانو معندهاش حد غيري يهتم بيها ويرعاها هاني شرحلهم وضعي والحمدالله مكنش عندهم اعتراض على وجودها وسطهم
هاني عرفني بافراد عيلته اولآ امه مكارم ودي بقى ست تخينة اوي وملامحها مخيفة جدآ وشكلها كانت رافضة للزواج من اساسو بس واضح ان ابنها جبرها توافق عليه ثانيآ ابوه خالد وده راجل كسول وطول الوقت بالبيت لا شغله ولا مشغلة ثالثا اخته الصغيرة هدى ودي بنت عصبيه اوي وشاذة وبتلبس ملابس مثيرة دائمآ
واخيرة اخوه الصغير محمد وده شاب باين عليه مدمن مخدرات و جسمه ضعيف اوي
اول ليا يوم مع عيلة جوزي صحيت الصبح وهاني لسه مصحاش فضلت اتامل في وشو الجميل وانا مبتسمة فجاءة صحا وقلي صباح الورد والياسمين يا ست الحلوين قلتله يسعد صباحك يا تاج راسي
قلي يلا بينا نفطر الخدامة زمانها جهزت الاكل
قلتله بالنسبه لامي هيا مبتقدرش تتحرك انا...
قاطعني وقلي متخفيش انا عينت خدامة خاصة تودلها الاكل لحد عندها وتشوف طلباتها
قلتله ربنا يخليك ليا يا اجمل هاني بالدنيا ويريح قلبك زي مريحت قلبي
نزلت انا وهاني وقعدنا عالصفرة حسيت بشعور غريب اوي مكنتش مرتاحة لعيلة هاني وللمكان حاسه ان في حاجة وحشة حصلت في البيت ده لاحظت ان هدى ومحمد كانو ببصولي بنظرات غريبه ومخيفة جدآ لدرجة اني مسكت ايد هاني وانا برجف هاني قعد يضحك عليا وقلي مالك يا يار يدك زي التلج خايفة ولا ايه قلتله لا بس يمكن من التكييف
والدة هاني نزلت وقعدت عالسفرة وفجاءة قامت مخضوضة اوي وشهقت شهقة عاليه وحطت ايدها بصدرها وندهت للخدامة واول مجاتها ضربتها ضربة قوية لحدي مطارت انا كنت هجري من الخوف بس هاني مسكني وقلي متخفيش انا جنبك اهدي يا يارا في ايه؟؟!!
لاحظت ان محمد وهدى كانو بضحكو وخالد ابو هاني كان هادي جدآ وكانو محصلش حاجة
مكارم والدة هاني وقفت والشرار يتطاير من عينيها وقالت للخدامة انا مش قلتلك مش عايزة اكل نباتي في السفرة
هاني وقف وقالها انا الي طلبت منها تجيبو لان يارا بتحبو اوي
مكارم بصتلي بصة مرعبة وقلتلي اه فهمت بصي يا حبيبتي من اليوم لازم تتعودي على نظامنا الغذائي ومش كدة وبس لازم تحبيه كمان احنا مش بناكل اكل نباتي يا عنيا لانو مضر بالصحة
قامت اخدت الاكل ورمته بالزبالة وخبطت الطربيزة وقلتلي الكلام ده مفهوم يا يا يارا ولا لااااا جاوبي
قمت جارية ودخلت اوضتي حسيت بخنقة و مقدرتش اعيط حاسة بشعور غريب اوي هاني جالي بعد نص ساعة وقلي معلش مش مسموح لحد يقوم من السفرة الا بعد نص ساعه
قلتله انا مش مرتاحة في المكان ده ارجوك خدني من هنا انا حاسه ان في حاجة وحشه بتحصل حوليا بس مش قادرة افهم انا اسفه بس عيلتك مش طبيعية واديك شفت بعينك الي عملتو امك معايا وقوانين عيلتك غريبه اوي
هاني قلي الحاجات دي عادية جدآ وبتحصل احيانآ متستغربيش من ردة فعل امي الزائدة اصلها مش بتحب الاكل النباتي اسمعي يا يارا انتي جيتي من ناس هاديين فشي طبيعي تتخضي من ردة فعل امي اما بالنسبه للقوانين مسيرك تتعودي عليها دي مسالة وقت بس
قلتله انا هستحمل بس عشانك يا حبيبي
قلي كلها كام شهر واخدك لبيتنا الجديد وقتها هناكل كل حاجة عاوزنها خدي جبتلك اكل انا خبيتو من ماما عشانك مهنش عليا اسيبك جعانه
حضنتو وقلتلو ربنا يخليك ليا يا حياتي انت طيب اوي وحنين
انا وهاني كنا هنروح لشهر العسل في اليوم التاني لجوازنا بس حصلت مشكلة صغيرة بالشغل الي ماسكه هاني وابطر يسافر ويفضل شهرين هناك كنت حزينة اوي ومهمومة لاني هبطر اعيش لوحدي مع عيلته الغريبه دي بس قبل ميروح قلي اسمعي يا يارا لازم تكوني قوية زي معرفتك كلها شهرين وارجعلك عاوزك تتحملي عشاني انشاءالله بعد مرجع هنروح لبيتنا الجديد ونعيش فيه اجمل ايام حياتنا ونعمل كل الي نفسنا فيه فاكرة ايام الجامعه لما قلتيلي لما نتجوز هكون ست بيت شاطرة انا بقى عايزك تكوني اد كلمتك
قلتله اكيد فاكرة ودي حاجة تتنسي برضو روح اللهي ينصرك ويرجعك ليا سالم غانم يا حبيبي وتاج راسي ومتشيلش هم انا مستعدة اتحمل نار جهنم عشانك يا عمري
قلي هتصل واطمن عليكي كل يوم باي يا حياتي و خلي بالك من نفسك لا اله الا الله
= محمد رسول الله
بعد مهاني راح فكرت ازور خالتي حسيت ان في حاجة مش طبيعية لانو محدش من اهلي زارني من يوم جوازي لما جيت اطلع لقيت الباب مقفول فجاءة مكارم جات وقلتلي مينفعش الزوجة تشوف اهلها او يشوفوها قبل اربعين يوم من جوازها دي تقاليد عيلتنا ولازم تلتزمي بيها
قلتلها مينفعش انا لازم اطلع دلوقتي مش كفاية التزامي بتقاليد اكلكم
خالد ابو هاني بعد مسمع صوتي العالي جا معصب وهو شايل عصاية قام ضربني بيها وقلي يلا ارجعي لاوضتك يا بت احنا معندناش بنات بتطلع قبل الاربعين
خفت اوي جريت دخلت اوضتي وانا بعيط حاسه اني عايشة بسجن وحوليا اسرار كتيرة وناس غامضين اوي بجد هتجنن لو فضلت في البيت ده بس اعمل ايه لازم اصبر واتحمل لحدي مهاني يرجع
بليل الساعه واحدة صحيت على اصوات غريبه بتشبه اصوات اطفال بلعبو وهما مبسوطين وسمعت صوت واحدة بتقلهم متمشوش بعيد الفطار جاهز
انا استغربت اوي فطار ايه ولعب ايه احنا بنص الليل البيت ده بجد غريب والي عايشين فيه اغرب قمت نزلت تحت اشوف في ايه ملقتش حد خالص بس سمعت صوت بنت بتبكي وتان من الالم بس معرفتش مصدر الصوت جالي احساس رهيب جدآ ان في حاجة وحشة وبشعة خالص بتحصل وبسرعة اتراجعت بخطوات خايفة ومترددة فجاءة في حد مسكني من الخلف.........................
الجزء الثاني من هنا
تعليقات: 0
إرسال تعليق