رواية جوزي ياحتة سكره كامله بقلم هايدي محمد

والان مغ احدث ابداعات المتألقة /هايدى محمد – جوزى ياحتة سكره

واقعيه
ياست هانم انتى ياهانم هاتفضلى بترغى كتير فى الزفت ده
......يوووووه بقى عايز ايه انت مابتزهقش من الاسطوانه دى

........مانتى لو شايفه احتياجاتك مش هقول الاسطوانه دى ارحمينى بقى انا مش متجوزك علشان أفضل اقولك اعملى وسوى

........اييييه يعنى ماليش نفس افك شويه عن نفسى طول اليوم تنضيف وغسيل وطبيخ وبس يابت وبس ياواد وجات على مكالمتى مع امى

........وهو يلوى شفاتيه اه ياختى طول اليوم ماسكه الزفت وتقولى خمس دقايق قومى ياهانم اعمليلى طفح

.....ماعملتش اكل

..........نعــــــــم ياختى ماعملتيش ليه اااااه مانتى مش فاضيه

......لا يااستاذ علشان حضرتك ماسبتش فلوس اجبلك منين أسرق علشان اعملك اكل

.........لا ياهانم ماتسرقيش اصلك مش ست تعرف تتصرف زاى باقى الستات

ستووووووووووووب

قصتى قصه واقعيه بتتكلم على بيوت كتييير فيها أشباه رجال وفيها ستات هى الرجاله مغصوبه على العيشه علشان كلمه((مطلقه))كلمه فى مجتمعنا العقيم كلمه عيب كلمه بتحمل عبئ كبير على صاحبها أن الست المطلقه ست خطافه رجاله خرابه بيوت ست ماحدش يتعامل معاها وفى الاخر تبقى من ضحيه مجنى عليها لجانيه الكل يتجانبها

قصتنا فيها نماذج كتير من تضحيه الراجل والست فيها الست إلى بتدور على نفسها تجرى ورا شهواتها

وراجل بيجرى ورا شهواته وراجل بيحب بيته وبيخاف ربنا وراجل كل همه نفسه وبس

هنشوف كتتتتير اووى فى قصتنا مين جااااهز معايا

♡الحلقه الاولى♡
♤جوزى ياحته سكره ♤
✍بقلم هايدى محمد 🖎
☆اللهم صلى على سيدنا محمد وعلى آله وأصحابه أجمعين ☆

هتنزل يوم ويوم

لتخرج ساره من تحت يدهم وتجرى على الشارع لتذهب إلى منزل أهلها وجسدها كله مورم من كثره الضرب ودموعها تسبقها

لتقابلها والدتها من على باب المنزل لترى ابنتها تنزف من جميع أنحاء جسدها لتصرخ بصوتها على ابنتها

ام ساره::مالك يابنتى حصل فيكى ايه احكيلى لتنهار وتنهمر دموعها

ساره::وهى تدخل وترمى بجسدها على اقرب كنبه تعبت اووى ياما تعبت من جوزى وأمه كل يوم ضرب وشتيمه واهانه اشتغل وهو قاعد فى البيت لامم أصحابه حواليه اشى شاى اشى قهوه وغير فلوسى اللى بيصرفها على المحروق اللى بيشربه ولو اتكلمت اتبهدل واضرب

أم ساره ::ببكاء على حال ابنتها لا اله الا الله

ساره::ابوس ايدك ياما مش عايزه ارجعله تانى ان شالله اعيش خدامه تحت رجلك انتى وابويا واخواتى بس مارجعش للحيوان ده تانى

ليدخل والدها من باب المنزل يراها بهذا المنظر

ابو ساره::مالك يابت ايه اللى خرشمك كده

أم ساره::حسبى الله ونعم الوكيل فى جوزها وامه ضربوها لحد ماعدموها العافيه

ابو ساره::اكيد بنتك عملت حاجه غلط اصل الناس مش مجانين علشان تضربها من باب للطق كده

ساره::لا مش مجانين بيضربونى علشان الفلوس البيه عايز ياخد الفلوس علشان يحشش بيها

ابو ساره::احترمى نفسك وانتى بتكلمى على جوزك بت قليله الادب صحيح بجحه

ام ساره::ياخويا خلى البت هنا لحسن ممكن فى مره يموتها

ابو ساره::يموتها ولا يعمل اللى يعمله مش حسن ماتبقى مطلقه وتجبلنا العار ياوليه اتلمى احسن يمين بعظيم

ام ساره::بسرعه خلاص ياخويا خلاص اللى تشوفه .....لتنظر إلى بنتها بقله حيله قومى يابنتى قومى روحى بيتك

ساره::ببكاء ياما علشان خاطرى ياما

ام ساره:ماباليد حيله يابنتى ربنا يصلح حالك

ساره::يعنى بعد البهدله دى عايزين ترمونى تانى ليه وبعد اللى عمله ده بتقولوا ارجعى بدل ماتربوهم انتوا أهل انتوا لو ناس غريبه قلبها هايوجعها على منظرى انا مش هسامحكوا مهما حصل مهما حصل

ام ساره::يابنتى انا مش فى ايدى حاجه وقولتلك وابوكى الله يهديه انتى عارفه لو عصيته ممكن يعمل ايه فينا

لتنظر إليها ساره وهى مازالت تبكى لتذهب من أمامها وتجر خيبه املها معها

ام ساره ::ببكاء ليه كده يابو ساره ده البت مدبهدله

ابو ساره::بقولك ايه يا وليه انا مش ناقص وجع دماغ انتى واحده فاضيه ورايقه وبنتك بنت
..... عايزه تبقى هى الراجل وكلمتها هى اللى ماشيه

ام ساره::يعنى ياخويا يرضيك أنه ياخد فلوسها

ابو ساره::ياوليه مش احسن ماتبقى معاها فلوس ومانعرفش ممكن تديها لمين ولا مين يضحك عليها انتى هاتفضلى كده لحد امتى مابتفهميش وغورى من وشى علشان يمين بعظيم

ام ساره::خلاص ياخويا خلاص ماتعصبش نفسك
⁦✍️⁩جوزى ياحته سكره بقلم هايدى محمد

فى منزل آخر بل فى مكان آخر

تجلس فتاه فى مقتبل العشرينات تجلس وهى تمسك بهاتفها وترسل بعض الرسائل لأحد ما

لتسمع صوت زوجها لتغلق هاتفها سريعا

.....ياسمر انتى ياهانم انتى ياست هانم

سمر::بنفاذ صبر يووووه نعم خير

خالد::ايه ياهانم هانفضل قاعدين ليل نهار وسايبين الدنيا تقلب تعدل لوحدها

سمر::ياخالد منا خلصت اللى ورايا الشقه نضيفه والعيال استحموا وناموا والأكل وجاهز اعمل ايه تانى

خالد::انتى ياهانم مهمله الحمام مش جاهز وانتى عارفه انى عايز اخد حمام

سمر::ياخالد هدومك فى الحمام اعمل ايه تانى انا تعبت من كتر التلاكيك اللى بتعملها دى انت عايز توصل لايه

خالد::بعصبية هوصل لايه ياهانم انتى واحده مهمله فى جوزك مش بيهمك غير نفسك والفلوس وبس

سمر::انا ياخالد انا مش بيهمنى غير نفسى والفلوس بعد كل اللى وقفته معاك والبهدله والذل اللى شوفته معاك تقولى كده بعد كل التنازلات دى تقولى كده صح

خالد::يووووه رجعنا للاسطوانه المشروخه بتاعتكوا ياحريم الهانم مانزلتش النهارده ليه لامى تحت اه ماهى مش فاضيه غير للزفت

سمر::لا مابقتش عيشه دى انا زهقت من دى عيشه كل يوم نكد نكد نكد الله يرحم ايام الفقر إلى كنت فيه على الأقل كنا مرتاحين كنا مبسوطين

خالد::اتخوتى انتى بتعيرينى دى مابقتش عيشه انا زهقت من نكدك وقرفك كل يوم كده ايه مابتزهقيش والله لا تجوز عليكى بسبب نكدك ده

ليذهب خالد ويخرج ويغلق الباب خلفه بشده وينزل يذهب إلى منزل والده

لتجلس سمر حزينه على ماوصلوا إليه
⁦✍️⁩جوزى ياحته سكره بقلم هايدى محمد
تجلس هايدى تمسك المكنسه وتقوم بكنس شقتها لتسمع صوت زوجها وهو يتحدث مع أحد ما على الهاتف خارج المنزل

هايدى::ياختى بيكلم مين ده اكيد بيخونى انا عارفه هو من يومه هما كلهم رجاله خاينه لازم ارقيه يالهوى الرز شاط

لتذهب مسرعه إلى المطبخ ليدخل محمد

محمد::هااااايدى انتى ياووووليه فين الاكل

هايدى::يووووه ياخويا انت مش فالح غير فى كرشك وبس

محمد::انتى هاتبصيلى برضوا فى الطفح منا بتعب علشان اجبلك وتعملى وانتى ايه مافيش دم

هايدى وهى تخرج من المطبخ انا تعبت منك ومن كل حاجه انا خلاص زهقت طلبات امك طول اليوم واخر الليل اطلع أجرى علشان احضر اكلك واخلص الشقه انا خلاص زهقت وتعبت وجسمى تعب من هدت الحيل دى

محمد::اعملك ايه يعنى وعايزه امى تعمل ايه ماهى ست كبيره برضوا

هايدى::يامحمد تعبت امك وابويا والبيت هنا وكل حاجه على رأسى لو اتاخرت على ابويا يلوى وشه عليا ولو على امك تتخانق معايا ولو قصرت معاك انت مابتسكتش مافيش حد قال دى ممكن تبقى تعبانه ماحدش قال كان الله بالعون

محمد::يوووووه بقى انا خلاص زهقت من ام الحوار ده انتى مش بتزهقى دى عيشه بقت تقرف طهقتينى لاراحه هنا ولا فى اى حته أدى البيت ياست علشان ترتاحى وارتاح انا كمان

الحلقة الثانيه من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال