رواية ليتني واجهتك الجزء الثاني الفصل الثالث
علي
مر خمس اشهر على غياب سدره حالتي النفسيه صارت صفر وماجنت اعرف النوم شنو الليل كلو اكضيها ادخن كسرو ظهري اعز ثلاث على كلبي لؤي وسدره وعبدالله وكلهم اختفو من حياتي جانت عندي قوه اشويه بس عبدالله من اختفى فدمره حييلي انهد
اشكد دزينا جماعه على سوريه ويسالون مايجبون الخبر الصحيح ناس اتكول مات وناس اتكول مخطوف وبعضهم منهم يكولون مالكينا عنو اي خبر الله اخذ مني اكثر ناس احبهم اخر خبر وصلنا على مات بل قصف وجان الخبر اكيد ب يومها انهد حييلنا كلنا
جنت من اضوج واختنك احجي الي بكلبي لعبدالله وهذا هم راح حطموني
خلص العقد مع القناة الي جنت اداوم بيها طلبو اجدد العقد بس رفضت وكعدت بل بيت ماعندي خلك لاي شي ماري احسها سدره الثاني من اتشوفني ضايج تجي تكعد يم راسي واتبوس بيا وتضحكني
خمس اشهر احس صار عمري بيها سبعين سنه احس جنت كل ماامل من حياتي ضحكت حسوني وماري اترجع بيا الامل اشويه واكول راح يجي يوم وسدره ترجع اني متاكد
حسوني صار يمشي بس عاقل مو مثل ماري وكحه كدر يتعلم على غياب سدره
ابويا بهاي الفتره كدر يحرك بعض من اصابع رجلينا والدكتور انطانا بي امل يرجع يمشي ان شاء الله
صهيب ابد مانكطع من عدنا وجان كل مده قصيره يجي عدنا بس الي شغلي جان دائما يكص صور لحسين وماريه لو يصورهم فديو صار عندي شك بديت ارقب صهيب من ياخذ صور بس ماكدرت اصل لنتيجه حتى مره كدرت احفظ رمز جهازو واخذتو بدون مايحس وشفت كل البرامج مابي شي
يوم من الايام اتصل بيا عمر جنت متمدد بغرفتي جاوبتو
هلا عمر
تعال بسرعه على المركز
ليش لكيت سدره
تقريبا
جايك جايك بس البس
كمت على سريع لبست ملابسي واخذت السويج وطلعت من كثر عجلتي امشي وادكم بل قميص ركبت بل سياره ورحت طياره على مقر عمر دخلت على المكتب
علي؛: ها عمر لكيت سدره
عمر؛؛ اشك ب سدره سافرت خارج العراق من مطار اربيل
علي؛؛ شلون فهمني
عمر؛: اني صارلي كل هاي الاشهر ادور وكدرت احصل تسجيل كاميرات الي بكل مطارات العراق تقريبا بس الوحيد اربيل ماكدرت بس دا احاول
علي؛: وشلون انت متاكد هذا الشي
عمر؛: اني رايح على اربيل هسا عندي صديقي مسؤال بل بيشمركه يكدر يساعدنا بهذا الشي
علي ؛: جاي معاك عمر
عمر؛؛ خليك
علي؛: عمر عوفني على راحتي
عمر؛؛ يالا بس روح جيب مستمسكاتك كامله
علي؛؛ يالا رايح انتظرني
رجعت على البيت جبت كل الاغراض الي احتاجهم ورحت على بيت عمر صعد معايا ب سيارتي وطلعنا لاربيل وعمر كل اشويه يتصل بهذا المسؤال
وصلنا اربيل وانوب الاقامه ازدحام خلصت باكيت كامل
عمر؛: علي شبيك راح تخبل
علي؛؛ عقل ماضل براسي عمر خايف اتامل ويطلع كلشي عالفاضي
عمر؛: كول يالله رب العالمين مايضيع تعبنا
اخذنا الاقامه بعد وقت طويل ودخلنا اربيل وجنا مواعدين المسؤال بل مطعم التقينا بي وسلمنا وكعدنا واني كاعد على اعصابي
صارو يحجون عمر وهذاك المسؤال وبعدها كال كومو معايا
دفع عمر الحساب وكمنا رحنا لمطار اربيل دخل على غرفة المراقب طلع الهويه مالتو الكل كامت طلب منهم يطلعون تسجيل الكاميرات ب تاريخ الي انطينا تقريبا فوك الساعه وكدرنا انشوف سدره
من صدمتي رجعت ليورى اني وعمر صرنا واحد يدحك على الثاني صهيب انطى جنطه سوده لسدره وبعدها سدره هم رجعت انطتو جنطه وحجو اشويه بعدها باسها من راسها وراحت
علي:: لا يانذل جنت تعرف بيها والله جنت شاك والله
اني هينا من شكيت مو شكيت ب نيه مو زينه شكيت صهيب يعرف مكان سدره ومايحجي
طلعت من المطار عالسريع وعمر يحجي مع هذاك الرجال اشويه وطلع يركض ورايا
ركبت السياره وهو ركب
عمر؛: علي شبيك اتخبلت وين رايح
علي؛: شفت جنت متوقع والله والله بس الله يخلصك من ايدي ياصهيب هليوم بس الله
عمر؛؛ مادري شنو اكولك بس اكيد سدره طلبت من عندو المساعده وساعدها ومن باب هي زميلتو
علي؛؛ ولك عمر زميلتو شنوو خمس اشهر كلبي مشتعل بنار وماعرفت شنو النوم ونسيت طعم الاكل والنذل يعرف مكانها وساكت ويسوي روحو شريف ويجي يدور معانا
جنت اصيح بوجه عمر ومتعصب شغلت السياره ورجعت بيها لموصل بوجهي لتلعفر وكل اشويه عمر يكول راح انسوي حادث واني ماسمعو وصلت لبيت صهيب دكيت الباب جاني صوت ابو فتح الباب سلمنا
ابو صهيب؛؛ خير يابا بيكم شي
علي؛: وين صهيب عمي
ابو صهيب ::بغرفتو فوتو ويلادي
دخلنا وهو دخل قبلنا يصيح صهيب اول من طلع من غرفتو وشفتو كدامي ركضت علي ضربتو ب بوكس وصرت اصيح وعمر مسكني
علي؛: ووووووينهاااا ياكوااااد تعرف مكاااانها وساكت
صهيب؛: اتمد ايدك علي؟؟؟!!!!
علي؛واكسر راسسسسسك عوفني عمر
رجعت مسكتو من ياختو وابو كام يصيح
ابوصهيب؛: انتو شبيكم جاي هادين على ابني
علي؛: اسال ابنك الكواد شنو امسوي
صهيب؛؛ماراح اردلك هي الخاطر لؤي وهو بل كبر واتضل اكبر مني
علي؛؛ ردها يالا نذللل خمس اشهر ونحن مشتعلين ب نار وتطلع انت الي مهزمها
اماني كبل دكت على صدرها وتقربت تحجي مع صهيب مسكتو من ايدو وخضتو
اماني؛: انت هزمتها صحيح صهيب ااااحجي صحيح وينها سدره وين
صهيب؛: اني ماهزمت احد وماعرف سدره وينها
هو كال هيجي واني نزلت بي ضرب المشكله مايردلي الضربه عمر وابو مسكوني واني اصيح واضرب بي
علي؛: احححجججي وووينها ب عيوني شفتك انطيتها جنطه سوده وسلمت عليها ب مطار اربيل
عمر؛: احجي صهيب نحنا مشتعلين ب نار
ابو صهيب ؛؛ الييييي دا يحجووونا الويلاد صحيح اذا ماحجيت الصحيح اغضب عليك صهيب
صهيب دحك على ابو ورجع دحك علينا
صهيب؛: عوفوها بحالها شنو اتريدون منها هي مرتاحه
علي؛؛ ولك صهيب كلبي نار احجي بعد مابيا حييل لاصبر ولاامد ايدي عليك
صهيب؛: انساها سدره اتاذت ب سببك عوفها اتعيش حياتها
علي؛؛ بس كولي وينها عايشه ميته
صهيب؛؛ كتلك مرتاحه
عمر؛: ليش سافرت ليش بس اريد اعرف
صفن بوجهنا وسكت
صهيب؛؛ اذا لكيتها شنو راح اتسوي تكدر اتصلح الي صار
علي؛: ارجعها على ذمتي والله ماعوفها دقيقه وحده
صهيب؛؛ كد كلامك علي
علي؛: كد كلامي احجي دخيل ربك
صهيب؛: اذا سدره اتاذت هلمره هاي الضرب الي ضربتني هو راح اردلك هو
عمر؛: احجي صهيب
صهيب؛؛ سدره سافرت حتى اتعيش مع ابنها وتبعدت عنكم كلكم
من كال مع ابنها كعدت كبل رجليه مابعد يحملوني
علي؛؛ يعني...هي حامل
صهيب ؛؛ اي حامل ومن طلكتها جانت تعرف بنفسها حامل جت وطلبت مني اساعدها واتنزل الطفل بس اني ماقبلت وحجيت عليها بعدها فكرت اتسافر واتعيش حياتها بعيد عنكم كلكم
علي؛؛ يادوله
صهيب؛؛ ب تركيا عايشه يم اقاربنا سدره جانت ضاعت لو ماساعدتها طلبت مني لو اساعدها لو اسوي روحي ماسمعت شي اذا انفقدت كون انت محلي شنو راح اتسوي
عمر؛؛ غلط صهيب الي سويتو غلط جان سويت اي شي منعتها من السفر جان جيت وكلتنا
صهيب؛: سدره اقرب عليه من عندك ومن عند علي واني ماكدر اغدر بيها واحجي على سر امنتني هو لو مانجبرت هسا
علي؛؛ اريد عنوانها ويويلك صهيب اذا حجيت وكلتلها عرفو
عمر؛: لا انت مايفيد معاك هيجي الحجي اني اعرف شنو اسوي امشي معايا
صهيب؛: وين
جبرنا صهيب واخذنا معانا جبر وسحبنا موبايلو
علي؛؛ عمي نحنَ نتعذر على الي صار
ابو صهيب؛: ولايهمك عمي هو هم اخوك
اماني؛: عفيه علاوي وين ماخذين صهيب
علي؛: لاتخافين راح انخلي عدنا بين مااسافر اجيبها
طلعت من بيتهم وركبت بل سياره ومشى عمر لمقر جان عندو خفاره هذيجه الليله عمر دخلنا لمقر سجلت عنوان سدره كامل
سويت ترجمه بل تركي كتبت بل كوكل وسجلت على ورقه صهيب نايم يم عمر بل مكتب مال مقر واني اخذت السياره ورجعت لبيت حضرت اغراضي وحجزت ثاني يوم لتركيا ثلاث ايام يالا كدرت اسافر بهاي الفتره كلها صهيب يم عمر ماعافو الى حد ماوصلت تركيا واخذت تكسي وانطيت العنوان لابو التكسي وصلني حسب وصف صهيب الي رحت اعرف رقم الشقه دكيت الباب وطلعتلي سدره.....!!!
سدره
انصدمت ب جيت علي جسمي كلو كام يرجف من خوفي سديت الباب بوجهو ودفع الباب ودخل وحصرتني ورى الباب وخلى ايدو ع حلكي اتنفس سريع وصدري يطلع وينزل موتني خوف سكوت علي ضل يدحك عليه وعلى بطني وبعدها كالي
علي؛: ليش هيجي سويتي
جسمي كلو يرجف رفعت ايدي وشلت ايدو عن حلكي رحت امشي وكعدت على القنفه وهو هم كعد مقابيلي ضلينا واحد يصفن بوجه الثاني اخر شي طلع جكاره استغربت علي مايدخن
سدره؛: ليش ادخن
ضحك بطرف شفتو
علي؛: انت هذا الي هامج ليش ادخن
دحكت عليه جوات عيونو سود وحيييل ضعفان وتعبان شعرو الي ماكن حلقو ومنظرو كسربكلبي
سدره؛: ليش جيت
خلا الجكاره بحلكو ويصفن عليه يسحب ويرجع ينفخ ضل هيجي لحد ماخلص الجكاره
ماتحملت وكفت وصرت اصرخ بوجهو
سدره؛: شكوو جيت شكووو لحكتني عوفني بحااااليي عوفني اررريد اعيش كام اتقرب عليه ومسك ايدي ورجعها ليورى
علي؛؛ اتعيشين بدوني اتعيشين بدون حسين وماري الى حد هسا تسالني عليج جااااوبني
سدره؛: صح ويلادي غالين عليه ومتت من خسرتهم ولهذا السبب قررت امشي حتى لاتحرمني من الي بطني
علي؛؛ ماجنت ناوي اخذهم واحرمج منهم ابد كلت فتره واخليهم يمج ابويا مريض وماكدرت اخلي بخاطرو
سدره؛؛ لو عرفت بيا حامل جان اطلكني
علي؛؛ اكيد لا
سدره؛:لهذا خفيت عنك حملي وهسا روح من وين ماجيت
عاف ايدي ومشيت وظهري عليه صار
ماحسيت غير مشى وحضني من ظهري وخلى راسو بركبتي حسيت بي كام يبجي ماتحملت التفت وحضنتو وصرت ابجي واشهك
سدره ؛: علي الله يخليك اني مال ذنب اني صح اخت الي قتل اخوك بس والله مالي ذنب ليش هيجي عمي يسوي بيا ليش
علي؛: سدره موتني غيابج دمرتني ماعرفت النوم ماكدر اعيش من دونج تعالي نرجع ونكف بوجهم كلهم
سدره؛؛ وعمي
علي؛؛نحاول معا واذا ماقبد مانضل بل عراق انسافر
احس اشكد مابجينا رجليه بعد مايحملوني كعدت بل كاع اني وعلي ومسكنا ايدين بعض وصار يبوس بيهم ونبجي
سدره؛: احبك يعمري لاتعوفني
علي؛؛. ماعوفج وعد ماتخلى عنج لو مهم يكون الثمن غالي اسف سامحيني لان طلكتج اوعدج يتصلح كلشي
سدره؛: انت الي سامحني علاوي
لحظتها اتحرك ابني واثنينا ضحكنا دنك علي على بطني وباسها
علي؛: عرف ابو جا وكام يركص
سدره؛؛ههههه
علي؛؛ بنت لو ولد
سدره؛: ولد وسميتو من هسا علي
علي؛؛ هههه على اسمي
سدره؛: اي يروحي
خليت راسي على صدرو وابجي وهو يمسد على راسي ويبوس بي رفع حنجي قرب شفتو وباسني ماتحملت بادرتو وصرنا انبوس بعض بكل حب وشوق ونسينا روحنا نحنا مطلقين
فززنا صوت الباب
علي؛: منو يجيج
سدره؛؛ هاي اكيد زينه كرايب صهيب روح فوت ماريد اتشوفك
راح دخل لغرفه واني طلعت دحكت من العين السحريه لكيت الدليفري شلون نسيت فتحت الباب اخذت البيتزا من عندو وانطيتو حسابو وراح ماتحملت ريحتها فتحتها وصرت اكل منها وامشي
شفت علي واكف كدامي ويضحك عليه
سدره؛؛ اسفه حبي تعال اكل اكيد جوعان
علي؛: ههههه بعد وكت طيرتي نصها
سدره؛: اممم اني شعليه هذا ابنك
دزلي بوسه من بعيد
علي؛: قربانج وقربان ابني
سدره؛: هههه اسم الله تعال حبيبي
رحت لمطبخ عندي كب حلب طلعتها وكليتها بين ماعلي غسل وجا شافني كام يساعدني ويسوي زلاطه وكل اشويه لو يبوسني لو يكرصني
رتبنا الميز وكعدنا ناكل شلت قطعه بيتزا وطعمتو ورجعت اكلت من مكان الي اكل منها دائما احب هاي الحركه وهو نفس الشي
سدره؛؛ شلون عرفت عنواني
علي؛من صديقج غير
سدره؛؛ ليش حجالك
كعد حجالي كلشي من البدايه حيييل انقهرت من عرفت بي ضرب صهيب عصبت علي
سدره ؛: ليش تضربو انت ماتعرف صهيب اشكد ساعدني
علي؛؛ من حركت كلبي سدره الناس اكلت وجهنا امج وابوج مايكدرون يطلعون بل شارع وكل هذا نحنا شنو صار بينا مافكرتي
خليت ايدي على وجهي وكمت ابجي
سدره؛؛ ماعرف الي سويتو جان غلط او صح بس اني تعبت نفسيتي عمي فرض عليك اطلكني وتاخذ الويلاد مني اني شنو ذنبي
حضني ومسح دموعي
علي؛؛ كاافي يروحي مامهم اذا جان صح او غلط الي سويتو المهم انتي مقتنعه الي بل سويتي
هديت اشويه وكمت اشيل بل صحون وعلي ساعدني سوى جاي واني غسلت مواعين
وهو يحجيلي على حسوني وماري وكل اشويه دموعي تنزل ويمسحها صب كوبين جاي وكعدنا نشرب جاي بس جثير يشرب جكاير
سدره؛: حبيبي ليش هلكد تشرب جكاير منو علمك عليها
علي؛؛ ثاني يوم الي سافرتي عبدالله الله يرحمو انطاني جكاره
انصدمت من كالي الله يرحمو كبل دكيت على صدري
سدره؛: شنوو شنو الله يرحمو شنو عبود مات
علي؛: ليش ماتعرفين صهيب ما كالج
مادري ليش انقهرت رغم اذاني حييل كمت ابجي وعلي حاضني
علي؛؛ كاافي يروحي اتوقعت صهيب كن كالج
سدره؛: شلون مات
علي؛؛ سافر لسوريه وراج بكم يوم وبعدها اقل من شهر انفقد ودزينا جماعه ب جماعه لسوريه تسال عليه واخر شي وصلنا عبدالله مات بل قصف كل مره جانو يكولون شكل بس اخر مره كالو مات
هلكد بجيت وعلي يهدي بيا من شافني هيجي ابجي ماتحمل ادموعو كامو ينزلون وطلع لصاله كمت غسلت ورحت لصاله صوت بجيو ويكول
علي؛: ياربي والله كسرت ظهري ب لؤي وعبود هذوله الي اغلى من روحي كسرت ظهري بيهم
اتقربت علي واخذت الجكاره من ايدو وطفيتها وبستو من خدو
سدره؛؛ رب العالمين هيجي كاتبنا انشوف مانكدر نعترض على حكمو كوم حبيبي ارتاح انت جيت من سفر تعبان
هز براسو وكام طبطب على كتفي وراح يسبح بين ماسبح اني حضرتلو ملابسو وغرفتو واخذتلو المنشفه
سدره؛؛ علي حياتي هاي المنشفه
فتح الباب وسحبني من ايدي وقفل الباب كبل
سدره؛: علي اش دا اتسوي
علي؛؛ اريدج اتسبحيني
سدره؛؛ علي حرررام نحنا مطلكين هسا
علي؛؛ روحي سدره اطلعي شلون نسيت هذا الشي
ب سرعه طلعت وسديت الباب خفت 1
دخلت لغرفتي اتمددت وماحسيت على روحي من غفيت ....!!
علي
شفت سدره اويلي بنت كلبي شلون صايره شوقي الها ماينتهي جنت مقرر اخذها واخذ ويلادي وانروح لخارج العراق مستحيل بعد اخسرها ....
نسيت هيا محرمه عليه دخلت اسبح وجت سحبتها من ايدها بس ذكرتني لحظتها اني واسبح افكر هي هسا مرتي لو طليقتي لان حامل وطلقتها ياترى وكع الطلاق
كملت وطلعت فتحت باب الغرفه لكيتها نايمه دحكت ومبتسم امخليه ايدها جوات راسها وايد على بطنها غطيتها زين وطلعت
رحت لغرفه ثاني لكيت محضره ملابسي بدلت وجيت انام ماكدرت مشتاقلها حييل كلشويه استغفر الله واكول بنفسي
يمعود علاوي حرام مايصير اكعد شبيك
ماتحملت كمت رحت لغرفتها فتحت الباب على كيفي ودخلت جيت فتحت الغطا ونمت يمها خليت ايدي على بطني ودفنت راسي بركبتها ونمت ماحسيت عليها غير كاعده اتصيح فوك راسي هههه مخبله
علي؛؛ شبيج بابا انتي مخبله كاعده اتصيحين
سدره؛: ليش ااتنام يمي مو حرام
علي؛؛ يعني من جانت اكو بينا علاقه ماجنت احضنج وابوسج
سدره
كعدت من النوم لكيت علي امخلي ايدو على بطني ونايم اتعصبت علي خفت لانكع بل حرام
سدره!؛ صح جنت اتبوسني وتحضني بس هسا وحد اخاف نكع بالحرام
علي؛: انطيني بوسه مانكع بكلشي
هو متمدد واني كاعده يمو رافع راسو عليه ويدفع شفتو لكدام يعني بوسيها
علي؛: اممم يالا
شلت المخده وضربتو بيها
سدره؛: هاك بوسه هاي خوش بوسه
صرنا واحد يضرب الثاني ويكرص بيا وعضني من زندي كمت اصيح
سدره؛؛اخخخخ اخخخ لا حباب
صار فوكي ومسك ايدي اثنيهم
علي؛: هههه اكولج انطيني بوسه تضربني بل مخده
سدره؛؛ ههه ما ما مانطيك
علي؛؛ غصب عنج تنطين لااغتصبج
سدره؛؛ هههههههههههه متت
علي؛؛ بوسه لو اغتصب
سدره؛؛ ههههه لا لا كلشي ولابوسه
علي!؛ يعني اتريدين
سدره؛؛ هههههه غلطت والله اقصد كلشي ولا الاغتصاب
بيد ماسك ايدي وايد مسك وجهي بي اخذ شفتي باسها ورجع كالي
علي؛:. اخخ عسل
رجع مره ثانيه باس شفتي ورفع راسو
علي؛احبج
ماتحملت بعدها سحبت ايدي على كيفي من جواتو وحضنتو وصرت ابوسو بكل لفه صرنا انبوس بعض بطريقه جنونيه
سدره؛؛ علي بس حباب
علي؛؛ مشتاقلج سدره
سدره؛؛ اتحمل حبيبي خايفه الي دا انسوي حرام
علي؛؛ انتي حامل وطلاكج ماوكع
خفت الي دا انسوي حرام يمكن جنت اكثر من عندو مشتاقتلو وهو شافني ابدرو دفعتو عني وكمت
علي؛: ليش هيجي سويتي
سدره-: اخاف الطلاك وكع علي اخاف الي راح يصير زنا
علي؛؛ ماشي عيني من نرجع لعراق الكي فتوه واذا صح وكع الطلاك اعقد عليج من جديد
هزيت براسي ماشي
سدره؛: كوم حبيبي انصلي العصر ونطلع نفتر اشويه
علي؛: ماشي قزومتي يالا كومي
كمنا صلينا العصر وطلبت من علي احجي مع ويلادي بس كالي خلي من نرجع لعراق اتشوفيهم فدمره
صح حزنت على موت عبدالله بس احس رب العالمين خلصني شرو وراح اكدر اعيش ب سلام مع علي وماكو عبدالله بحياتنا
بدلت وطلعنا جان الجو حييل حلو
طلعنا نمشي على البحر وناخذ صور جنت لابسه قميص مال حوامل وطويل وجواريب شفاف وبوت ابيض وشال بيجي حلو
ماسكه يد علي والايد الثانيه امخليتها على بطني ونمشي
سدره؛: علي اتحبني
علي؛؛ اعشقج مابس احبج
سدره؛؛ لعد صيح بل شارع احبج
علي؛؛ هههه ليش كاعدين انمثل نور ومهند
سدره؛: اذا اتحبني سوي هيجي
ماحسيت غير علي كام يصيح بل شارع
علي ؛: سَني سَڤيوروم احبببببببجججج لاڤيو
العالم التفتت علينا وكامت تضحك
خليت ايدي ع وجهي خجلانه واضحك
سدره؛: بس الله ياخذك فضحتنا هههههه
علي؛؛ هههههه هاي كلتها بل تركي وانكليزي وعربي حتى الكل يفتهمون اشكد علاوي يحب سدره
سدره؛؛: هههه وسدره اتموت عليك
مشيت اني اضحك وحاضنه ايدو شاف واحد يبيع ورد اخذ الباقه كلها
سدره؛؛ اشدعوه حبيبي هلكد
علي؛؛ الورد لورد غير
سدره؛؛ ههه
انطى الحساب لابو الورد وشال ورده خلاها ب شالي والباقي ب يدي يمشي ويشتريلي شغله حييل اتونست بيومها دحك على بطني وكالو
علي!؛ ولك علاوي لاتصير سرسري مثل ابوك علاوي دير بالك
سدره؛؛ هههه يعني ماتغير اسمو
علي؛؛: اذا انتي حابه هذا الشي ليش حتي اغير
سدره؛: اي احب
كرصني من خشمي ومشينا
علي؛: يدلل الحلو مالي يمعود المهم انتي رجعتيلي عساج ماكن سميتي عبسي
سدره؛؛ هههههههه
ضربتو على كتفو
سدره؛: ابني عبسي علوشتي
علي؛؛ دخليك ربج ورب علوشتج اشكد تميعين لا بابا اني عبسي
سدره؛: هههههه احلى عبسي
رحنا لسوك اخذنا شغلات منها وحلويات واغراض لماري وحسوني وهم اخذت اغراض لي ب بطني
صلينا المغرب بل جامع وكملنا مسواكنا واتعشينا اتصلت بيا زينه وسالتني ليش ماجيت لمحل كتلها من ارجع احجيلج
ضلينا بره مارجعنا الى 11بل ليل هلكانين تعب كبل سبحنا ونمنا
متمدده بفراشي جا علي عليه دك الباب
سدره؛' فوت حبيبي
علي؛: بعدج كاعده
سدره؛: اي بعدني
علي؛: سدره فراشي مادري شبي يصير اجي انام يمج
سدره!؛ هههه لا ميصير يالا
كمت على حييلي ورحت على
سدره؛: يالا حبيبي من رخصتك اريد انام
علي؛: يعني تطرديني وحبيبج ينام وحدو عادي
سدره؛؛ حيييل عادي
دا يطلع وجان يرجع عليه حصرني بل حايط باس شفتي قوي وطلع دا اسد الباب رجع مد راسو
علي؛: تصبحين على خير سدورتي
سدره؛؛ وانت بخير حبيبي
طلع وقفلت الباب ورى اعرف بي مايكعد راحه خلي استر على نفسي
خليت ايدي ع شفتي اتلمس مكان البوسه وابتسم مشيت لتختي واتمددت واضحك
سدره؛؛ ههههه الحمدالله ياربي
بعد حزن 10 اشهر كامله من موت لؤي الله يرحمو الى حد الان كدرت انام والبسمه على وجهي
ثاني يوم الصبح حجيت لزينه على جيت علي وفرحت حييل
وعزمتنا على العشه وعلي اتعرف على ابو زيد عمر اتصل ب علي وراد يحجي معايا بس ماكدرت خجلت احجي معا
مر خمس ايام وحجزنا حتى نرجع لعراق جنت خايفه حيييل ومتوتره سلمت على زينه واتشكرت منهم على كلشي سوت معاي هي وزوجها خطيه كامت تبجي
زينه؛: فرحت لان راح ترجعين لعلي ونفس الوقت اتولعت بيج
سدره؛؛ حبيبتي ادعيلي فدوه لكلبج ومن تجين لعراق راح انشوفكم اكيد
زينه؛؛ الله وياكم استاذ علي دير بالك على دكتورتنا ترى حييل اتعذبت بغيبك
علي؛؛ صدك جذب هاي روحي ماحاجه اتوصيني على روحي ام زيودي
سدره؛: اشكرك ابو زيد ماقصرت معايا جنتولي اهل ونعم الاهل
ابو زيد ؛: ربي يوفقج اخت عزيزه ام حسين فرحتلج والله من كل كلبي
سلمنا عليهم وطلعنا ابو زيد راد يوصلنا لمطار بس ماقبلنا لان عندو دوام نزلنا الاغراض بل تكسي وركبنا زينه شايله بيدها دولكه ماي وطشت ورانا ويلادها يسولي باي
حييل حبيبت ويلادها وهمه حبوني ودعتهم واني الدموع ب عيون ومتوتره يمته اصل العراق
واشوف ويلادي حيييل مشتاقتلهم وصلنا المطار بعد انتظار ساعتين تقريبا اكثر صار وكت الرحيل ركبنا بل طياره مسكني علي من ايدي ودحك عليه واثنينا مبتسمين واحد بوجه الثاني
سدره؛؛ لاتعوفني حبيبي
علي؛؛ اني وياج يروحي اطمئني
خليت راسي على كتف علي واني مرتاحه راح اعيش بحياة سعيده عبدالله وطلع من حياتنا واخيرا ياسدره رجعت الدنيا تضحكلج من جديد حسيت على علي يبوسني من راسي ويكعد بيا
علي؛: يالا يروحي وصلنا العراق
فكيت عيوني وكلبي يدك سريع معقوله وصلنا يعني راح اشوف ويلادي مسح علي دموعي ومسكني من ايدي
علي؛؛ يالا حبيبي ويلادنا والكل بانتظارنا
هزيت براسي وكمت نزلنا من الطياره ماسكه ايدي علي واسحب نفس قوي ماكوو احلى ريحتج يابلادي انت ريحة احبابي ......
