رواية ليتني واجهتك الجزء الثاني الفصل الرابع
علي؛؛ حبيبي خلي نتغده بعدها انروح لبيت
سدره؛: لا علي عفيه بعد ماتحمل اريد اشوف ويلادي
علي؛؛ نتغده واشوفج الويلاد تدللين عمري
اصر علي نتغده بعدين
بل كوه اخلي الكمه بحلكي اتغدينا وبعدها اخذنا سياره وطلعنا لبيت عمتي ....!!
عمر
بعد ماعرفنا ب صهيب هو الي مسفر سدره اخذتو يمي الى حد ماعلي سافر لسدره حتي يرجعها
جيت دخلت لبيت بعد فوك الخمس الاشهر من غايب سدره دخلت لاهلي بخبر عنها
عمر:؛ السلام عليكم
الكل؛؛ وعليكم السلام
عمر؛؛ اريد ابشركم بشاره بس اريد اتكونون هادين
ابوسدره؛؛ احجي ابني شنو
عمر؛؛ سدره
امي كبل دكت على صدرها وكالت
ام سدره؛: لكيتوها جاوبني عموري لكيت اختك
صارت تبجي وتضرب على رجلها
ام سدره؛؛ كولي ابني اختك ميته لو عايشه
عمر؛؛ يوم اهدي والله مابيها شي
مختار؛؛ وينها شنو الي صاير بيها هسا
عمر؛؛ سدره من طلعت من البيت انهزمت لان جانت حامل وخافت لا من اتجيب علي ياخذ ابنها منها مثل ماخذ حسين وماري وهي عايشه ب تركيا يم اقارب صهيب
ابويا يريد يحجي بعد مايكدر بس اشرلي ب يدو ركضت جبتلو ماي امي انهارت
ابو سدره؛؛ كولها ..دير ..بالها... اتشوفني شكلها
ام سدره؛؛ لا يابو سدره الله يوفقك ماصدكت اشوفها
ابو سدره؛:اتشوفيها ..ولييي رحمه بنتج سودت وجهنا بنتج حااامل تعرفين الناس اش راح تحجين علينا اش راح اتكول..
عمر؛؛ الي يجيب طاري اختي على لسانو ماااخلي عايش
مختار؛؛ منو يسترجي يحجي على سدره سدره اشرف من الشرف نحن واثقين من اختنا والله الي يجيبها طاريها
ابو سدره:؛ دير بالك اتخليها تجي
عمر؛؛ علي راح يجيبها وسدره لازم ترجع لبيت يكفي الي صار معاها ب سببنا نحن
ابويا اتعصب وصار يصيح ورفض وجود سدره بينا وامي من هينا اتخربطت مانعرف شنو انسوي البيت دخل بحالة توتر مو طبيعي الى حد مااجا اليوم الي رجعت بي سدره ....!
علي
رجعنا لعراق وماعرف شنو العاصفة الي منتظرتنا اني وسدره ب بيت ابويا
الطريق كلو ماسك ايدها وايدها ترجف اعرف بيها متوتره وخايف من رده فعل ابويا
وصلنا البيت نزلنا من السياره ضلت جامده بمكانها
علي؛: يالا حبيبي انفوت
سدره؛؛ خايفه علي
علي؛؛ صيري سبعه اني بظهرج قزومتي يلا
هزت راسها ومسكت ايدها اتقدم رجل وترجع تكف وكل اشويه احجي معاها فتحت الباب ودخلت ماري تلعب مع اخوها بل كراج شافتني صيحت بابا وركضت عليه
سدره
جنت خايفه حييل ومتوتره ماعرف شنو الي راح يصير وصلت بيت عمتي اقدم رجل وارجع ليورى وعلي يهدي بيا دخلنا لبيت
ماري وحسوني يلعبون سوى ماري شافت ابوها ركضت على وحضنتو ضليت جامده بمكاني اريد اتقرب احضن ماري ماكدر بعد رجليه جمدو ماري عافت ابوها وركضت اتصيح جده بابا جا
سدره؛: علي ماري ماعرفتني ولاحتى حسوني شوف شلون فات يركض جوى
علي؛: ميخالف حبيبتي راح يذكروج صدكي
دخلنا جوى وعمتي وعمي كاعدين بالصاله وهدير يمهم اتقرب علي شال حسوني وحسوني يضحك مع ابو كلهم استغربو من جيتي عمتي من شافتني كامت تبجي ماتحملت واتقدمت عليه
ام علي؛: سدره امي وين جنتي
سدره؛؛ يوووم
صرنا وحده تحضن الثانيه ونبجي عمي صرخ بعمتي
ابو علي؛: ابتعدي عنها عوفيها
ام علي؛:يارجال هاي بنتنا
ابو علي؛: كتلج ابتعدي لاتخليني اتعصب
عمتي ابتعدت عني وهي تمسح بدموعها صار علي يحجي مع ابو ماسمعهم كل الي بيا هسا اريد احضن ويلادي ماري ادحك عليه وتصفن اتريد تذكرني ماتحملت كعدت بل كاع وفتحت ايديا
سدره؛؛ ماري يروحي اني مامي تعالي عندي ابوس ايدج اتذكريني
دحكت على علي وعلي كالها
علي؛؛ هاي مامي رجعت مو جنت اكولج راح يجي يوم ومامي ترجع
ماري؛؛ مامي
سدره؛؛ اي اني مامي تعالي الله يخليج اريد اشمج
ماحسيت الي ماري كامت اتصرخ مامي وتركض عليه وتحضني وابوس بيها واحضنها واشمها
سدره؛؛:يعمري يعمري والله متت بدونج احبج حياة ماما اموت عليج
ماري؛: مامي اهبج
سدره؛؛ يروحي ياكوني انتي ماريتي
ابوسها من خدودها واشم ركبتها وابجي واشهك اخخ ياربي شلون عفتهم خمس اشهر شلون
مسحت دموعي والتفتت على حسوني واكف ورى عمتي وحاضن ثوبها وخايف من منظري
سدره ؛: حسوني ماما الله يخليك تعال عندي
ماتحملت كمت وكفت على حييلي واتقربت على سحبتو بقوى لحضني وكام يبجي وجلب ب ثوب عمتي
علي؛؛ سدره عوفي خايف منج لان دا تبجين
سدره؛؛ علي حسين نساني نسى اني امو عفيه حسوني ماما اني امك والله احبك مو كتلك لاتنساني ليش نسيتني
علي
منظر سدره وهي تبجي وتحضن بل ويلاد تحرك بل كلب اني جنت دائما اشوف صورتها لويلاد حتى لاينسوها بس جنت احجي لماري جثير عن امها بس حسوني قهرني نساها
اخذت سدره من ايدها وكعدتها
علي؛: اهدي حبيبي اسحبي نفس يذكرج صدكي بس ارتاحي
سدره؛؛ شوف نساني يخاف من عندي حسين ماجان ينام الي بحضني ونساني
هدير؛: والله محد كالج عوفيهم ومدري وين روحي
علي؛؛ بسسس حجي زايد مااريد اسمع سدره من يوم ورايحه اتضل بهذا البيت
ابو علي؛؛ وين تضل عيد
علي؛؛ مثل مادا اتشوف كدامك مرتي حامل واذا واكع الطلاك راح اعقد عليها واذا ماواكع اتضل هينا مرتي اريدها
ابو علي؛: وللللك كككواد تكسر كلمتي
علي؛؛ لاحشا مااكسر كلمتك بس هذوله ثلاث اطفال ماكدر اعوفهم بدون ام
ابويا اتعصب وصار يغلط ويسب بيا
ابو علي؛؛ طلللعوووها من بيتي ولللك عللللي شلون اتخليها اتفوت ب بيتي شلون
علي؛؛اي صار تدلل سدره راح تطلع من البيت واني وويلادي طالعين معاها
هدير: كاافي علي شنو هذا حجيك هيجي تحجي مع ابويا ابوك مايجي بمكانو بس سدره يجي الف وحده بمكانها
ابو علي؛: دا اتشوفين يابنتي ربيت وكبرت والمره غيرتو
علي؛: هدير لو تحجين كلمه بيها حظ لو تنجبين
هدير؛: كلامي صح مابي اي غلط
ام علي؛: ياابو حمودي هاي سدره بنتنا نحن ربينها خلي ترجع اتعيش معانا
ابو علي؛: ولي ماااريه مااكافي الي قتل ابنج يسرح ويمرح بكيفو هلمره اخلي اختو تدخل بيتي لا والحق هذا الشي مايصير
سدره
من شفت منظرهم هيجي ماتحملت كمت ومسكت ايد عمي وردت ابوسها سحبها
سدره؛: ابوس رجلك يا يابا خليني اصير خدامه الك ولامي بس لاتحرمني من ويلادي ومن علي يابا الله يوفقك
ابو علي؛؛: كولها خلي تبعد عني اني مو ابوها لاتصيحلي يابا
كومني علي من مكاني
سدره!؛ عوفني علي هو ابويا لو شنو مايكول انتو الي ربيتوني هيجي بل اخير اتحملوني ذنب اني ماسويتو يابا الله يوفقك انت تعرف بيا اشكد احبك لاتعذبني يابا انت ياما نومتني بحضنك من اني طفله ياما خليت بخاطر علي حتي لايضوجني يابا نسيت من تومنا اني وهدير على كل وحده ايد وتكولي بس تكبرين ازوجج لعلي ومااخليج اتصير جنه لبيت غيرنا يابا الله يخليك شوف ويلادي شوف حسوني ناسيني تقبلها انت
ابو علي؛: ان شاء الله ينسوج طول العمر
علي؛؛ يالا سدره امشي
ام علي؛: وي يوم وين تروح
ماخذ ويلادي وطالعين اني مرتي ماتخلى عنها
ابو علي؛: ولك علي اتعوف اهلك ب سبب مرتك تمشي مع الي قتلو اخوك
علي؛: الي قتل لؤي هو مختار مو سدره اعرف هذا الشي يابا مو سدره لاتحملها ذنب
مسكني علي من ايدي وسحب الويلاد درنا ظهرنا ومشينا
سمعت عمي كام يصيح
ابو علي؛: حسبي الله ونعم الوكيل عليك يابني كون اشوف كبرك يم كبر اخوك قبل ماتطلع معاها اني ماراضي عليك ربي لايرضى عنك لادنيا ولااخره
من سمعت عمي كال هيجي ماتحملت جمدنا اني وعلي بمكانا اويلي دعاء عمي هز كلبوبنا هز سمعت عمتي كامت تبجي واتصرخ
ام علي؛: لااااا لا ياقصي لاتدعي على ابنك
ابو علي!؛: ولج هذا مو ابني هذا عار علينا
التفتنا على عمي بداء يتخربط هدير وعمتي كلبو الدنيا من شافو عمي اتخربط انخاف لا تضربه جلطه ثانيه بعدها يروح بيها اسم الله علي ركض على ابو وكام يبوس ب يد ابو
علي؛؛ يابا ابوس ايدك لايصير بيك شي اهدا والله ماروح
علي
اقسم بالله ضعت وكعت بين مرتي وبين ابويا مابيا اتخلى عن سدره ولابيا اعوف ابويا يغضب عليه
سدره مالها ذنب بلي صار سدره مالها دخل اني ماكدر اكسرها واعوفها
من شفت منظر ابويا اتخربط ماعرف بعد شنو اسوي
ام علي؛؛ علاوي يوم ابوك راح يروح من ايدينا
هدير؛: كلو ب سببج حقيره انتي السبب
سدره
علي دا يشيل عمي ركضت علي
سدره؛؛ لا علي لاتحركو
علي!؛ لازم اخذو على المستشفى
سدره؛؛ مو زين لا عوفو دا اتخاطر ب حياتو
علي!؛ شنو اسوي لعد
سدره؛؛ راح نتصل بل اسعاف عندك رقمهم
علي!؛ اي اي عندي
علي عا لسريع اتصل بل اسعاف وجت الاسعاف اخذو عمي ومحمد وميس فوك سمعو صوت الاسعاف نزلو ركض اتخبلو وانصدمو من شافوني
محمد؛؛ شبي ابويا اش صاير هينا
هدير؛: اتخربط من شاف هاي الحقيره وعلي عصبو
محمد؛؛ حسابكم بعدين
اخذو عمي وراحو وعمتي والويلاد راحو معاهم ضلت هدير وميس هدير اتصلت ب دكتور فؤاد وتبجي جت ميس عليه حضنتي وهي تبجي
ميس؛: عمري سدره وين جنتي
سدره؛: ميس
حضنتها تحجي معايا واتمسد على راسي واثنينا نبجي
ميس؛: كاافي كلبي كلشي يتصلح
اندارت علينا هدير وهي ب يدها الموبايل وتبجي وتصرخ
هدير؛: ان شاء الله ياسدره ماتشوفين الخير يارب والله والله اذا ابويا صار بي شي الي اكلج ب سناني ياجلبه
وهجمت عليه اتريد تضربني وميس صارت بينا ولحظتها دخلت ام عبدالله وسلوى وسلوى تبجي وتصرخ
سلوى؛: جيتي وجبتي البله معاج الله لايوفقج
ام عبدالله؛: ياجماعه كولو يالله سدره بنتي اكسر الشر وفوتي لغرفتج امي
هزيت براسي وسحبتني ميس وشالت حسوني ومسكت ماري من ايدها ودخلنا لغرفه اول من دخلت لغرفه ضليت واكفه بالباب وادحك عليها
ميس؛: فوتي سدره
سدره؛؛ ياترى راح يجي يوم وارجع على هاي الغرفه
ميس؛: رب العالمين مايضلم عبدو حشالله بس يريد من عدنا دعاء
دخلت لغرفه وامسح بدموعي سديت الباب وكعدت على التخت افتريت بل غرفه وابجي كعدت على التخت سحبت مخده علي وشميت عطرو بيها حضنتها ودفنت وجهي بيها ابجي واشهك
سدره؛؛ اااااااه ياربي ولللكم ااااموت من دونو والله اااموت اخذذو عمررري وسنيني ولاتاخذون حبيبي مني
ميس؛؛ سدوره حياتي كولي يالله كااافي حبيبتي مو زين على الي ب بطنج
سدره؛: ويي ميس نار بكلبي ماتطفي نااار ميس خمس اشهر مرت والله متت بيها من دون علي احبو ميس اكثر من ويلادي واكثر من روحي ونفسي بعد ماتحمل بعد ماتحمل البعد ميس تعبت والله تعبت والله
صرت اضرب على وجهي واصرخ مسكت ميس ايديا وحضنتي واتهدي بيا
ميس؛: كاافي سدره كاافي اشجالج دحكي على ويلادج شوفيهم شلون كامو يبجون
دحكت على حسوني وماري كاعدين بل زوايه ويبجون خافو مسحت دموعي واتقربت عليهم سحبت ماري بحضني وحسين ركض على ميس يحضنها يخاف مني شالتو ميس بحضنها واتسكت بي
سدره؛: لاتبجين ماري ياروحي اني احبج
مسحت دموعها وصرت العبها وهي تضحك حسوني من شافني العب ماري وتضحك نزل من حضن ميس وجا كعد يم ماري ياروحي اشكد يشبه علي ودبدوب الي حد الان ماكدرت اشيلو واضمو اتعمدت اخلي ماري بحضني والعبها حتي بلكي يجي بحضني
سدره؛؛ يالا ماري انطيني ايدج
ماري انطت ايدها وفتحت اصابعها وصرت اسد اصبع اصبع واكولها
شاح باح مشمش تفاح هينا ذبحنا الديك وهينا جغي (جري)دمو هاي العجانه وهاي الخبازه وهاي الي اتسوي لابوها طبيخ وهاي تجي تعمل دبي دبي دبي
وامشي اصبعتي على ايدها الي ماصل ابطها واتدغدغها وماري تضحك
ماري؛: هههههه مامي
سدره؛: ها يروحي مامي
حضنتي وباستني
ماري؛: توي لحتوني
سدره؛؛ هههه تدللين
كامت من حضني وادحك على حسوني بطرف عيني يدحك علينا ويضحك كام على حييلو وجا كعد بحضني وفتح ايدو
سدره؛:انت هم اسويلك دبي دبي
كام يضحك
سدره؛: عجل اريد امووح
كبل التفت عليه وباسني من خدي يمه ماصدكت من باسني شلتو بحضني وكمت ابوس بي واشمو ماتحملت نزلو دموعي مسحتها بحركه سريعه خفت لايروح ينهزم مني كمت العبو ويضحك فرحان
اشويه وميس اتصلت بحمودي واطمنا على وضع عمي ....!
علي
جت الاسعاف واخذنا ابويا على المستشفى والطريق كلو محمد يحجي براسي ليش جبتها كبل ليش فاجئت ابويا جان حجيت معا جان كتلي بلكي انقنعو
وصلنا المستشفى ونزلنا نتراكض واخذو ابويا يفحصو وامي تبجي وانهدي بيها بس ادعي ربي لا يصير بابويا شي هذا الوكت شنو يصير بحالي اذا ابويا مات وهو ماراضي عني
طلع الدكتور وبلغنا ابويا وضعو تمام والحمدالله لحكنا علي قبل ماضربتو جلطه
دخلت امي شافت ابويا وبعدها حمودي وعمي ماكدر ادخل اشوفو
الدكتور بلغنا اي قهر مره ثانيه تضربو جلطه مايكوم منها بعد هلمره يصير شلل كامل
هلمره صدك ضعت ياعلي وحياتي انتهت وهينا بعد ماكدر لازم اتسامحيني ياسدره
سدره؛؛ يعني شنو هاب هي لازم نتفارك لازم كل واحد يروح بطريق ليش زين بس فهمني ليش اتحملوني ذنب اخويا
علي؛؛ افتهمي عليه الله يخليج لاتصيرين انتي والزمن عليه ابويا بعد ماكدر افتح معا الموضوع خايف تضربو جلطه مره ثانيه ويروح بيها
سدره؛: انت الي لاتصير انت والزمن علي هذوله ثلاث اطفال شلون اكدر اربيهم بدونك وشلون راح يكدرون بدوني
علي؛: اوعدج ياسدره بس ابويا يصير زين كلشي يتصلح علي عمرو مايتخلي عن سدره لو يصير عمرو 100سنه
سدره؛: جذاب انت اكبر كذبه صارت بحياتي علي يكدر بكل سهوله يتخلى عن سدره
سحبت جنطتي ومشيت وعايفه كلشي ورى ظهري طلعت امشي بل ليل وعلي لحكني
علي؛: وين رايحه بهذا الليل
سدره؛: مالك شغل بيا ماريدك بعد بحيااتي ويلادي راح يجي يوم واخذهم من عندك اذا حاولت تحرمني من ماري وحسين راح احرمك من الي ب بطني
علي؛: سدره افتهمي عليه دخيل ربج ابويا
سدره؛؛ افتهمت حييل زين
هديت ايدي وصلت لباب الحوش وكفني صوت ماري وصاحت
ماري؛؛ مامي
غمضت عيوني ودموعي تنزل ماتحملت التفت ورايا مسحت دموعي ومشيت
الي عايشه بي اني بحر من الاحزان عذاب دمار حياتي ادمرت شنو ادعي عليك يامختار على شي الي سويتو بيا....... .....
