رواية ليتني واجهتك الجزء الثاني الفصل الخامس
علي يكول
هّلـي شمَدريكِـم انه اتچـُوة بـٰ النـار ..
،
لـَ كاظم أسماعيل الگاطع 💜
سدره اتكول
انتهينه
وانتهى الما ينتهي وخلص حچينه
كاضم الگاطع
مختار يكول
يحرگ الروح الحچي الما نگدر إنگوله
احمد العبيدي
علي
ضلينا الي اليل بل مستشفى الطبيب بلغنا هليوم مانكدر انطلع المريض الي باجر وانقرر
عمي بل مستشفى اتعارك معايا
ابو عبدالله؛؛ انت بلا غيره شلون اتجيبها لبيت فهمني
علي؛؛ عمو مو وكت هذا الحجي نحنا بمكان عام
ابو عبدالله؛: عجل يمتى الحجي من اخويا جوات الكاع يصير
علي؛؛ هسا انت ليش كاعد تتفاول عليه ان شاء الله ماكو شي
ابو عبدالله؛: لابارك الله بيك ياتباع المره
استغفرت ربي وطلعت من المستشفى ادخن بعد تفكير طويل قررت سدره اتروح لهلها بس ابويا يصير زين هلمره راح اخذها ماعوفها شنو ب يدي بعد لو حتى بعد سنه سنتين ثلاثه الي يجي يوم واخذها خلي ابويا يصير زين والله كريم اي واحد بمكاني
لو اشكد من جان يحب مرتو مايكدر يتخلى عن ابو وهو ابو جاي يموت وفوكها ماراضي عني اني سدره ماعوفها لو شنو من يصير ونفس الوقت ماراح اغضب ابويا ....ركبت سيارتي ورجعت لبيت
وحجيت لسدره كل الي صار وكل الي دا افكر بي بس سدره لحظتها ضاجت وعصبت وطلعت من البيت ....!!
سدره
طلعت من باب الحوش ولحكني علي
علي؛: وين طالعه انتي مخبله
سدره؛: رايحه على جهنم الحمره انت مالك شغل بيا
علي؛؛ خليني اوصلج بس كوليلي وين اتروحين
سدره؛؛ ماعليك اركب بتكسي مامحتاجه منك شي
علي؛؛ لاوالله بكيفج تركبين بتكسي امشي معايا
سدره؛؛ انت واحد جذاب ضحكت عليه وجبتني من تركيا الي هينا وبعدها اتكول ماكدر اسافر ابويا
علي؛؛ سدره الله يخليج كاافي الي بيا مكفيني حرت والله بينج وبين ابويا اذا عفت ابويا اخسر الدنيا وخسرت الاخره واذا عفتج اموت اهون عليه من فراكج
سدره؛؛ انت عفتني من زمااان تفتهم من زمااان
دا امشي وهو ماسك ايدي مايخليني امشي
سدره؛؛ عوف ايدي
علي:: امشي كدامي انفضحنا نحن بالشارع يالا امشي اوصلج على اهلج امشي شبيج
سحبني من ايدي وركبني بل سياره وقفل البواب عليه وراح جاب جنطة اثنين كبار مالتي خلهم بل صندوك وجا ركب بل سياره ومشينا الطريق كلو امخليه راسي على جام
علي؛؛ سدره حبيبي والله ماعوفج اني شلون اعوفج بس فهميني اتخلى عن روحي سدوره والله حتى من طلكتج كلت فتره وارجع كلشي بس وضع ابويا مادا يسمح انتي لازم اكثر وحده تفتهمين عليه
ماردت اسمع شي من عندو فتحت المسجل وعليت صوتو
من شافني هيجي سكت ة الجنط خلهم يم الباب وفتحلي باب السياره نزلت من السياره اتقدمت على باب بيت اهلي
علي؛: سدره اني رايح خلي بالج ماعوفج والله سدروتي احبج واعشقج
ماكدرت التفت ورايا نزلو دموعي سمعت شغل السياره وراح التفتت لكيتو واكف براس الفرع ينتظرني ادخل مسحت دموعي ودكيت الجرس
مرتين وسمعت صوت مختار يكول اي اي كلبي كام يدك سريع من سمعت صوتو اخويا صارلي 10اشهر ماشايفتو
رغم الي سوى بس ماتحملت اول من فتح الباب
مختار؛: سدره
سدره؛:مختار يروحي
حضنتو كل قوتي ونبجي ويبوس براسي وايدي
مختار؛؛ سامحيني ابوس ايدج سامحيني اني هجمت بيتج اني فرقتج عن حب طفولتج اني فرقتج عن ويلادج
سامحيني سدره سامحيني
سدره!؛الله يسامحك يااخويا اتضل اخويا وكلبي مايشيل عليك وكلنا نغلط
هلكد بجينا واحد يحضن بل ثاني مسح ادموعي ومسح على راسي
مختار؛: فوتي حبيبتي فوتي
سحب الجنط مالي بل كراج وحضني من كتفي ودخلنا جوى وجسمي كلو يرجف ....!!
علي
وصلتها لبيت اهلها ورجعت ضليت واكف براس الفرع شفت مختار طلع كبل شغلت السياره ومشيت كرهي جبير لمختار ماريد اشوفو كدامي ابد
سدره
وصلت يم باب المطبخ ومختار كام يصيح
مختار؛؛ يوووم يابا سدره رجعت
اهلي كلهم ركضو على المطبخ بابا وماما وسماء وطارق نزعت حذائي واتقدمت عليهم
سدره؛: بابا ماما
انصدمت من رده فعل بابا من كالي
ابو سدره؛: انتي شنو جاي اتسوين هينا اني انطيت خبر انتي مالج مكان بينا
التفتت على الكل كلهم يبجون اتقربت على بابا حضنتو دفعني
ابو سدره؛؛ لاتقربين عليه اني مو ابوج ولاعندي بنت ثالثه
خمس اشهر ماكدرت ارفع راسي بين الناس خمس اشهر اذا مشيت بل شارع يكولون هاي بنتو اطلكت وانهزمت الله اعلم مع منو
اني ينزل راسي ياسدره بين الناس اني الي طول عمري اكولج انتي رفعت راسي اتنزلين راسي هيجي وهلمره جايتني انتي وبطنج الناس شنو راح اتكول محد راح يصدك بيج ومثل مادخلتي من هذا الباب تطلعين من هذا الباب
سدره؛: لا بابا ابوس ايدك والله اني ماسويت شي والله سافرت لان ماعندي حيله ماعرف وين اروح اخذو ويلادي اخذو حسين وهو يرضع مني والله ماسويت شي حرام اني انهزمت من الناس انهزمت من الكل ردت اعيش مرتاحه كلت بلكي اذا عشت وحدي ارتاح
ابوسدره:؛ اطلعي ماريد اشوف وجهج وكلبي وربي ماراض
بعد ماكملها وكعت على رجلو وصرت ابوس برجلو
سدره؛؛ لا بابا ابوس رجلك لاتغضب عليه والله اموت ولااشوفك فديوم ماراضي عليه الله يخليك سامحني سامحني بابا
بابا من شافني هيجي نزل عليه وحسيت بي خلى ايدو ع راسي وسمعت بي كام يبجي حضني من راسي
ابو سدره؛؛ ليش هيجي سويتي ليشش مافكرتي بابوج وباخوتج راح اتنزلين راسهم
سدره؛: والله مانزل راسكم ماعاش الي ينزل راسكم اني طاقتي خلصت قررت اسافر بلكي انسى بس ماكدرت سامحني حباب بابا
ابو سدره؛: الله يسامحج ويسامحنا يابنتي
ماما تحضني وتبجي هي وسماء وطارق سمعت مختار اتصل بعمر وكالو سدره جت الظاهر جان بل بيت لان خمس دقايق وجا هو واسو ويلادو يركضون
حضنت عمر وابجي وهو حاضني
عمر؛؛ ليش هيجي رحتي ومافكرت بينا
سدره؛؛ الي صار بيا ياعمر مو قليل والله مو قليل
عمر؛: حقج خيتو حقج والله محد يلومج
بوست اسو ويلاد عمر عمه مشتاقيلج يعمري اشكد احبهم
كعدنا كلنا وكعدت حجيتلهم من يوم الي طلعت من عندهم الي حد هسا
عمر؛: يعني علاوي اشناوي يسوي
دنكت براسي وجريت حسره
سدره؛؛ علي انتهى من حيااتي اني بعد مارضى ارجعلو عمي اذا غضب من علي عمرنا ماراح انشوف السعاده وكفت على حييلي وكتلهم
سدره؛؛ شوفولي فتوه اذا جان طلاكي واكع لو لا لان من اطلكت جنت اعرف بروحي حامل
مشيت وطلعت لغرفتي سديت الباب وكعدت ورى الباب حاضنه روحي وابجي واشهك اتوقعت فرحت لان عبدالله طلع من حياتنا اثاري الي جايني اتعس
فززني صوت باب غرفتي يندك كمت فتحت الباب لكيت مختار جايب الجنط
مختار؛: سدوره هاي اغراضج هاي شبيج تبجين
سدره؛؛ مختار ماريد اعوف علي
حضنتو وزدت بل بجي
مختار؛؛ كاافي تبجين يااختي الله يخليج مادا اكدر الندم دا ياكل بيا ياريت سمعت كلامج ولا صار الي صار
ابتعدت عنو واشهك بل بجي
سدره؛؛ ج. هيييي جاي ا اموت حتى النفس صار صعب عليه اتنفسو
مختار؛؛ كوليلي شنو اسوي واكدر اطيب جروحج لو جروح جنات الي اتخبلت بسببي انتي وجنات ولؤي وعلي وعمتي وعمج كلكم ذنبكم بركبتي سددددره راح اتخبل اني هم مثلج جاااي امووووت
فتح ايدينو وصار يصيح
مختار؛: بهذوله ايديا كتلتو بهذوله كتلتو وهو عريس
صار يضرب على راسو ويصيح ويبجي
سدره؛؛ مختار شبيك اهدي الله يخليك
شفت مختار انصرع كدامي وكع بل كاع وصار يرجف ماعرف بي عندو صرع اتخبلت ركضت على سريع خليت وصله بحلكو حتى لايعض لسانو وصرت اصيح وابجي
سدره؛؛ ووووووي يوووم الحكي مختار انصرع
طلعو كلهم على صوتي يركضون مسكو عمر من رجلو وابويا مسك راسو بس حسيت عليهم ابد ماتفاجئو وعرفو شلون يتصرفون
امي واكفه على صفحة تبجي وسماء
اشويه ومختار فكو
عمر؛: ها صرت زين
هز براسو
سدره؛؛ مختار حبيبي يمته صار بيك صرع
مختار؛؛ من ..من جنت ..بالسجن
اتقربت امي علي وحضنتو وتبجي
ابو سدره؛:بيك شي يابا
مختار؛:لاتبجون مابيا شي بس اريد انام راسي يوجعني
ام سدره؛؛ اي امي صار كوم على فراشك
عمر اخذ مختار على فراشو وجا
سدره؛؛يعني انتو تعرفون بمختار بي صرع
عمر؛؛ اي نعرف من جان بل سجن بس اني ماكتلكم ولاجان يعرف بيج اطلكتي وسافرتي من طلع من السجن عرف وجتو الصرعه كدام اهلي وعرفو
عفتهم ودخلت جوى ابجي يالله بعدو شباب صار بي صرعه مختار راح يعيش كلو عمرو هيجي عايش مع الصرع
ارتاحيت شويه وكمت اخذت ملابسي اسبح غرفتو يمي اتصير فتحت الباب لكيتو نايم سديت الباب وطلعت سبحت وبدلت ورحت صليت العشه وكعدت اصفح دزيت رساله لصهيب شافها ومارد عليه
كلت اكيد زعلان مني
بدلت السيم كارت مالي وفتحت الحسابات القديمه لكيت علي كن راسلني
سدره حبيبي من تفتحين راسليني 🗨️
جان فاتح نت من شافني فتحت كبل دزيلي
مو كتلج راسليني 🗨️
ها🗨️
وجعا 🗨️
😏
😘
اهووو ماريد بوسه منك 🗨️
ههههه ليش 🗨️
هيجي بكيفي 🗨️
سدره بعدج ضايجه 🗨️
لا عليش اضوج شوفني شلون دا اضحك 🙂🗨️
والله ماعوفج بداعت حبنا ماتخلى عنج بس خلي ابويا يصير زين يابعد هلي 🗨️
اريد انام 🗨️
اوكي نوم العوافي 🗨️
دزيتلو هاي (.)
وطفيت النت وذبيت الموبايل وضليت اليل كلو افكر ب ويلادي لازم اجيبهم يمي بس ماعرف شلون سحبت الموبايل الساعه 2بل ليل فتحت نت لكيت علي ساد نت
راسلتو وصلت بس ماجاوب يعني عندو نت اتصلت بي اخخخ ياكلبي اشكد احب صوتو اول من يكعد من النوم
ها حبيبي
اريد ويلادي
اي ميخالف بس خليني انام الله يخليج
كتلك اريد ويلادي
اممم
علي
نايم وموبايلي دك سحبت الموبايل وعين مفتوح وعين مغمض شفت سدره تتصل جاوبتها وبلكوه احجي معاها وعيوني مغمض
سدره؛: يالله منك علي تسمعني كتلك اريد حسين وماريه
علي؛؛ اي وبعدين
سدره؛؛ شبيك انت نايم
علي؛؛؛ شبيج ياكلبي مكعدتني من النوم اتريدين ويلادج انت حلمانه سدره
سدره؛:؛ لا ماحلمانه لان اصلا مانمت واني افكر بيهم
علي!؛ اكفي خلي اتعدل وحتي اركز احجي معاج
وهاي سحبنا جكاره كمل حبي
سدره؛؛ اني مو حبك لاتكول حبي
علي؛؛ كملي عمري
سدره؛؛ نعالك
علي؛؛ههههههه الله ينعل ابليسج غصيت بل جكاره
سدره؛؛ تستاهل
علي؛؛ لحبيبج
سدره؛؛ علي اريد ويلادي
علي؛؛ اي ميخالف وداعتج اني ويلادج سوى نجيج بس اصبري ياكلبي اشكد ماعندج صبر
سدره؛؛ يمته من يصيرون بل كليه تجوني جيب ويلادي والله كريم بين ماتجي انت
علي؛؛ والله دا احلفلج قبل ماتجيبين نحن مسافرين ان شاء الله بعدين تعالي اكولج تحبين ويلادج اكثر مني موو
سدره؛؛ جريت حسره وسكتت بعدها جاوبتو... يشهد الله احبك اكثر من ويلادي يمكن بس ماكثر من بابا بس هذوله اصغار اريدهم بحضني حسوني يصيح لعمتي ماما ماريد ينساني ماريد يعرف غيري ام
علي؛؛ ان شاء الله يصير خير
سدره؛؛يمته اتجيبهم
علي؛؛ ماكدر هسا اصبري سدره
سدره؛: اووف اصبري سدره اتحملي سدره ميخالف سدره ابويا مريض سدره طبج مرض سدره الله يشيلني ويخلصني من هاي العيشه
علي؛؛ لا ياكلبي ليش طبج مرض وليش الله يشيلج بس اصبري
سدره؛: لصبر حدود واني فرط صبري
علي؛؛ انما لصبر حدود اااااه حدود
سدره؛؛ اشكد كلبك ريان كاعد اتغني
علي؛؛ شنو اسوي لعد الطم انتي كعدتني ساعه 2من النوم واريد ويلادي اجيبلج جهالج هسا بهذا اليل افتحي كاميره اريد اشوفج
سدره: ما عليه مافتح
علي؛؛ افتحي كتلج اشوفج ماري وحسوني
سدره؛؛ اممم لحظه
سدره
كمت شغلت الضو وفتحت كاميره
سدره؛؛ وينهم
علي؛؛ منو همه
سدره؛؛ الويلاد
علي!؛ نايمين
سدره؛: دير الكاميره عليهم
علي؛؛ مالي دخل اريد اشوفج
سدره؛؛ بس ماريد اشوفك
علي؛؛ اي سدي عيونج والله جذابه هسا لو ودج نايمه بحضني
جان كاعد اتمدد ورفع الكاميره وهو نايم بلا تشيرت
هههههه
علي؛؛ شبيج اشو صفنتي
سدره؛: ها مابيا شي
علي؛: بعدج اتريدين اتشوفين ويلادج
سدره؛؛ ها اي
دار الكاميره عليهم نايمين على التخت اثينهم يم علي حياتي كلت بكلبي شنو يصير لو اني يمكم اتعمد يطول داير الكاميره عليهم بس ردت يرجع الكاميره على نفسه
علي؛: شفتيهم
سدره؛؛ اممم اروح انام
علي؛؛ قبل اربع ساعات كلتيلي دا اريد انام ومانمتي وكعدتيني من النوم واتكولين اريد انام هسا ماكو نوم
سدره؛؛ يعني مانام
علي؛؛ امبله بس تعالي نامي بحضني
سدره؛:احم من تحجي هاي السوالف اروح انام
علي!؛ صارت بيها احم هههه سدره
سدره؛؛اممم
اتمدد وخلى ايدو عكس ورث جكاره وصفن عليه
علي!؛ افتح دكمت الدشداشه
سدره؛؛ لاوالله ماتشتهي
علي!؛ افتحي سدره خلي اشوف اشويه
سدره؛؛ مو اني تلفزيون مالك
علي!؛ هسا قابل اش دا اسوي مح افتحي
يدزلي بوسه واني هم ضعيفه كدامو فتحت دكم الدشداشه
علي؛: بعد كلهم
سدره؛؛ يكفي مايصير حرام
علي؛؛: اني حافظج حفظ
سدره؛؛؛ لعد مادام حافظني حفظ لعد سديت
علي؛؛ لا سدره يالا
سدره؛؛ اممم هاي فتحتهم
علي ؛: نزلي الكامير
سدره؛؛منزلتها
علي؛؛ بعد
سدره؛؛ اممم كاافي
علي!؛ اخخ يامحمد على هذا الجمال
سدره؛؛هههه امانه اكعد راحه
علي؛؛ سدره اريدج
سدره؛؛ اي هسا اطلعلك من الموبايل
علي؛: اجيج
سدره؛؛ علللي اكعد راحه والله اسدو
علي؛؛. امممم احبج
ساعه صافنه بوجهو وهو يتغزل بيا ويدزلي بوسات
علي!؛ صار ساعه كاعد اتغزل وانتي ساكته دا احجيلج كلمه
سدره!؛ علي
علي؛؛هاي ياكبد علي
غصيت بجيتي اريد اطلع كلمه اختنكت بيها
سدره؛؛ هذا حضنك الي وبس اموتك اذا خليت غيري بي
كمت ابجي وسديت الخط رجع يدك عليه غصيت بل بجي كثر مابجيت وشهكت حتي بطني كامت توجعني
صار يدزلي رسايل شفت الموبايل
سدره حبيبي جاوبني امانه الله عليج لاتبجين بعد كلبي 🗨️
مايهون عليه والله اشوف دموعج 🗨️
تتوقعين علي يسويها ويخلي غيرج بحضنو 🗨️
رجع دك جاوبتو واني ابجي
سدره!؛ ها هيييي
علي؛: ليش ليش ياحبيبي البجي
سدره؛؛ خايفه
علي؛؛ من شنو ياكلبي
سدره؛؛ خايفه لايجي يوم وتنساني وتحضن غيري اموت من بعدك والله اموت
علي؛؛ لا ياكلبي اسم الله بعيد عنج الموت شنو هذا الحجي
اني اسويها واخلي غيرج بحضني هذا الحضن لقزومتي وبس
سدره؛؛ خايفه لا مثل ماعمي غصبك اطلكني يجي يوم ويغصبك تزوج
علي؛؛ لا حياتي ميصير هذا الشي كوني على ثقه بس هسا امسحي دموعج وماريد اشوفهم يجي يوم ويتصلح كلشي سدره لؤي صارلو كلو عشر اشهر ميت يعني حتى مو سنه والجرح بعده حار واهلي شنو يبدر من عندهم لازم نتحمل ونصبر مو صحيح
سدره؛؛امبله حبيبي صحيح بس والله اني لو شنو امسوين بي موافقه بس طلكوني منك
علي؛؛ ميخالف حياتي اتهون يجوز الطلاق بي صالح النا
سدره؛؛ ماعرف
حجينا اشويه واني ودا احجي معا سمعت مختار صرخ صرخه احس بي رج البيت اريد اكوم رجليه شنجو
علي؛؛ سدره شنو هذا الصوت
سدره؛:م مختار علي
علي؛؛ كومي شوفي شنو هيجي كام يصرخ
كمت بل كوه اسحل بروحي سحل وصلت الدرج بعد ماتحمل نزلت اركض وصلت لمطبخ لكيت تنور الكهرباء مشتغل
ومختار واكع بل كاع
علي؛؛ سدره شنو صاير احجي
وكع الموبايل من ايدي اجوي باابا وماما يركضون اتقدمت على مختار قابض ايدينو حاولت افتحهم ماكدرت امي كامت اتصرخ وتبجي ماشافت منظر مختار حارك ايدينو ركضو سماء وطارق على بيت عمر يصيحون اني وبابا حاولنا انشيل مختار ماكدرنا
اني وبابا حيييلنا انهد جا عمر يركض
عمر؛؛ هاي شبي مختار
سدره؛: مختار حارك ايدي وسادهم ماكدر افتحهم مختار اخويا الله يوفقك افتح ايدك مختار
مسكو عمر وحاول يفتح ايدينو بس انسلخو سلخ
سدره!؛ خلي ناخذو على المستشفى عمر
عمر شالو شيل المشكله مايقبل يساعدنا ويمشي جسمو مخشب بل كوه كدرنا انخلي بل سياره
سحبت عبابه ماما ورحنا معا اني وبابا لحظتها عرفت مختار خسر ايدينو اثينهم وصلنا لمستشفى واخذو الممرضين كامو يعالجون وكفت معاهم اساعدهم بس ماتحملت منظرو وهو يصرخ
سدره؛؛ دكتور المريض معا صرع
من سمع الدكتور عندو صرع دخلو ع غرفه العمليات تقريبا ساعه وطلع الدكتور
سدره!؛ ها دكتور بشرنا شنو وضع المريض
دكتور؛؛ المريض مع الاسف ماكدرنا نقذ ايدينا وانقبضو بس لاتخافوون اكو علاج وعمليات
جنت متوقعه هذا الشي لان مختار مشغل تنور الكهرباء ومن صار حار طابع ايدينو اثينهم على التنور وراجع سادهم ومن سدهم انقبضو
راح الدكتور وطلعو مختار من غرفه العمليات واخذو على غير غرفه فك البنج وهو بدحك على ايدينو مقبضاات مايكدر يفتحهم بابا ماتحمل كام يبجي
ابو سدره؛: ليش هيجي صار وليدي ليش هيجي سويت
مختار هو ويدحك على ايدينو يضحك ودموعو تنزل
مختار؛: هههه اني قتلت لؤي بهذا ايديني وهذا اقل شي لازم يصير بيهم
عمر؛: مختار كاافي اتسوي هيجي بروحك حرام عليك
مختار؛: هههه حرام متوهم عمر الحرام اني قتلت اخويا وب يوم عرسو الحرام طيشي دمرني الحرام سدره انهجم بيتها ب سببي ودموع عمتك ومرض عمك ومرض جنات هذا كلو الحرام ياعمر هذا اقل شي لازم يصير بيهم عرفت اقل شي
سدره؛: الي سويتو حرام يامختار عذبت روحك حركت روحك
مختار؛: خليني سدره اضوك الم على اقل انسى شويه جرحي عوفوني وحدي وروح خابرو امي وكولها اني بخير
امي ضلت بل بيت ماكدرنا ناخذها معانا جانت منهاره تبجي عمر اتصل باسراء وطمنها على مختار مابي شي ومابلغها ايدينو انسدت
علي جان كلشويه يتصل بيا وارفضو اخر شي جاوبتو
علي؛: ول حبيبي وينج ضل بالي
ماتحملت بجيت
علي!؛ سدره اش صاير
سدره؛: علي مختار حرك ايدينو وسدهم وانقبضو
علي؛: لااااا اثينهم
سدره؛؛ اي والله اثينهم
علي؛؛ وليش هيجي سوى
سدره؛؛ يكول حتي انسى جريمتي انسى جرحي
علي؛: الله يشافي
سدره؛؛ احسك فرحت
علي؛: فرحت شنو شعليه بي الله يشافي هاي مصيبه مابيها شماته
سدره؛: لاوالله كاعد اتجاملني
علي:؛: هاي شبيج ياعيني شنو اجامل كتلج الله يشافي اكعد الطم مثله اش اسوي
سدره؛؛ اصلا انت تمنى مختار يموت
علي؛: استغفر الله اذن الفجر اروح اصلي عيني الله يهديج
سدره؛؛ الله وياك
سديت الموبايل قبل مايجاوب اني هم من القهر ادور عركات عمر طلب مني ارجع لبيت بس رفضت ماقبلت
اصريت ياخذ بابا ويروح
كام اخذ بابا ورجع رحت اتوضيت وصليت الفجر ودعيت ربي يطفي هاي النار ب نورو الكريم رحت يم مختار لكيتو نايم لان الدكتور انطى مسكن خاف من الالم لاينصرع
كعدت عالكرسي ماحسيت على روحي من غفيت فزيت على صوت مختار يون من الالم...!!
علي
جنت احجي مع سدره وسمعت صوت مختار يصيح عرفت بعدها كن حرك نفسو ماكول فرحت ولانقهرت علي مشكلتو
سدره جانت ضايجه واتريد تتعارك ردت انهي المكالمه حتى بس شفتها سدت الموبايل ضجت ومادكيت عليها
لان تصرفها غلط
كمت اتعوذت من الشيطان وصليت الفجر كعدت اقراء قران الي حد ماطلع الصبح بدلت وطلعت لمستشفى
اشوف ابويا انتظرنا الدكتور يجي اتاخر اشويه وبعدها جا بلغنا حالتو مستقره ونكدر انطلعو
طلعنا ابويا لبيت وهناك عماتي موجودات وتعال علاوي شنو يخلصك من حجيهم
اول من دخلت استلمتني عمتي ضحى اخت ابويا ودك حجي وغلط هي اشكد ماتحب سدره وماصدكت على الله
ضحى؛؛ جبتها ولك عليوي حتى اتموت ابوك جبتها وماخفت شنو راح يصير بي
ابو علي؛؛ شفتي يااختي يفضل امريتو علينا
ضحى؛: تربيه ماريه ابد مو تربيه اخويا
علي؛؛ اتوقع جبتي طاري امي قبلها ولؤي سكتج وهسا اني هم اسكتج امي دير بالج اتجبين طاريها
امي اشرتلي اسكت
ضحى؛؛ اتشوفين اتشوفين ياماريه شلون يحجي مع عمتو
ماريه؛؛يااختي بس بلا غيره يقبل على امو الحجي
ضحى؛؛ والله جان من الاول بلحك انتي وبنت اخوج ترجعون لهلج من يوم مالؤي صار جوات الكاع
ابوعبدالله؛؛ ولك انت اكبر واحد بلا غيره جاي فرحان وجايبها وبطنها لحلكها وماتعرف هذا ابنك لو لا
ضحى؛؛ ليش سدره حامل
ابوعبدالله؛؛ حامل وجانت دايحه ب تركيا
ضحى؛: ومنو يكول هذا ابنك ياغبي
ماتحملت كمت وكفت اصيح عليهم
علي؛: صارر ساعه ساكت وماحجيت بس مال تتهمون مرتي ب شرفها حدكم عاد الي هينا وكاافي مرتي اشرف منكم كلكم الي انتو تحجون عليها
ضحى!؛ والله بس الله يعلم من ياملهى حامل بي
هينا بعد ماتحمل شكو شي كدام كسرتو وصوتي يرج
علي؛: الكوووواد الي بيييكم يجيب طاري مرتو اشك حلكووو اذا اتشوفون مرتي كح.... فانتو شفتوها بعيونك
عمي شال ايدو وضربني براشدي هلمره اتخبلت بل زايد
ومحمد مسكني
محمد؛: يمعود علي كاافي
ابو عبدالله؛: نحنا ك.. اب ول كواد عمتك ك....
علي؛؛: الي يتهم مره شريفه مابس ك... اب وكوايد هم
عبدالرحمن:؛ علللي بس اشجالك امشي
علي؛: مرتي اشرف منكم ورررررااااح ارجعها غصب عن شواربكم افتهمتووووو
سحبوني واصيح عليهم
علي؛: الطفل الي ببطنها ابني اااااابببنننني ومحد بيكم يسترجي يكووول مو ابنك اطهر منكم هي
محمد خلى ايدو على حلكي ويصيح عليه
محمد؛: شبيك اتخبلت هيجي تحجي مع عمك وعمتك
علي؛: لللللعد يكول مو ابنككككك خلي يروحون يشووووفون نفسسسسهم همه اصلهم من وين بعدددين يجون على مرتي ضللللوووو ورايا الي حد ماهجمو بيتي
اخذني هيثم وطلعنا حتى لااضل بل بيت ونتعارك طلعنا ومارجعنا الي الليل الكل رايح اتفاجئت باول من دخلت هدير اتقدمت باستني
علي؛: شكو هذا البوس
هدير؛ ان شاء الله الف الف مبروك والله لو ماموت لؤي الله يرحمو وعبدالله الي اهلهل
علي؛: اش صاير
هدير؛:مبروك عليك الخطوبه ابويا خطبلك سلوى وعمي وافق
احس انسطرت على راسي ضربه وجتني على راسي امي وخواتي وحتى ميس وجهم مكلوب لان ماجان يريدون سلوى ولايريدون سدره تاذه وحتى هدير هي هم ماجانت اتريد بس حتى تحرك كلب سدره .....
