رواية لبوة الحياة الفصل السابع بقلم ساره العبيدي
سلاماً على قلوب قتلو فيها الحنان فأصبحت لاتشتهي أحداً . !❤💔
دكتور متعرضه لصدمه لازم نحولها عنايه مركزه هسه ضروري والا نفقد المريضه....
حولوها عنايه مركزه وبقت شهر كامل فاقده الوعي
نكلب حال البيت وين كان وين صار الكل تغيرت ملامحه صار الحزن مغيم عليهم
نسوان خوالي كل وحده رجعت لبيتها خالتي هيام اخذها زوجها لان هم عيال وأكيد ماراح يقبلون تبقه اكثر من هاي المده....
ريم بس تبجي منا اخوها ومنا بيبيتي
خوالي ناس لزمت شغل محلات وتجارتهم
وباقي يراجعون على بيبيتي
اني وياسمين تقاسمنه شغل ياسمين تخبز وتطبخ واني انظف واساعدها بلمطبخ
أسيد كل هاي المده ماتركنا يوميه من صبح يمنا لليل حتى شغله همله بسببنا وانشغل ويه امي بحسام
امي نشغلت بحسام لي صار لا اكل ولا نوم واذا ينام لحظه يفز يصيح ويبجي مابقه سيد ما اخذنا عليه لان بعده طفل وهيج يصير منظر كدامه هو احنا كبار مو حاضرين موقف لحدالان مامستوعبين صار
اخر شي أخذه أسيد وامي على سيد بلمنطقه كال لهم شغله مو شغلة سيد لازم يراجع طبيب نفسي
امي سمعت هيج تخبلت ابني تخبل يعني شنو احد يفهمني من مصيبه لمصيبه ربي مكدر اتحمل بعد مصايب
أسيد: خاله كولي يالله وعوفي الموضوع عليه والله ارجعه احسن من قبل بس شغله يراد لها صبر اكيد بعده طفل وخايف شنو تتوقعين منه مامستوعب صار ومصدوم انطيني وكت وثقي راح يرجع احسن هسه خلي اوصلكم للبيت عندي كم شغله اخلصهم واجي عليكم
وصلتهم للبيت ورجعت لازم اخلي ولد ثقه بلمحل مالتي مايصير ابقي مغلق راح اخسر هذا محل رزقي
خابرت صديقي حسن لان هذا اخويه واثق بي على روحي
الو هلو حسوني شلونك شخبارك محتاجك بخدمه
حسن: هلاوغلا حبيبي بخير انت شلونك اتفضل ابو ابراهيم عيوني لك
أسيد: ههههههه خلي ازوج عود يجي ابراهيم محتاجك تفتح بلمحل بمكاني تعرف صار مكدر اعوفهم خطيه ماعدهم أحد وضعهم كلش تعبان
حسن: بعيوني تدلل بس خايف عليهم لو على ام ابراهيم ههههههه
أسيد: ههههههه لا تخاف حتى ماشفتها كل هاي فتره وقلبي نار على شوفتها اخ لو بس مو بنت عمي عرفت شتصرف وياها
حسن: العاشق الولهان خف علينا شوكت تريد اجي عليك اخذ مفاتيح
أسيد: ههههههه اذا تكدر مو زحمه عليك ياريت هسه حتى ارجع عليهم
حسن: ماعرفتك شنو هذا الاحترام ههههههه تمام جاي بطريق
أسيد: مو صوجك صوج يحترمك يلا تعال ولي عن خلقتي هسه
مع السلامه
حسن: هذا الزين هيج ينهان جاي عمي واني الممنون مع السلامه
سديت الخط طبعاً حسن ماكدر اضم عليه شيء كلشي يصير وياي يعرف قبل أهلي صح ماعندي اخ لكن هذا اخويه بقيت انتظره وبالي يم جوري اوف لخاطرالله شكد مشتاق للسانها المتبرئ منها شوكت اشوفها هسه اكيد مقهوره تاكل تشرب شكد حاولت اشوفها واحجي وياها بس ماكدرت لان اني غريب عن بيت جدها مكدر اخذ راحتي كلش واطب داخل البيت نص ساعه واجه حسن انطيته مفتاح المحل وشغلت سيارتي وطلعت لهم واني فرحان ان شاءلله اكدر اشوفها يوم بس ليش هيج تكرهني اني ما أذيتها بشئ رغم لسانها مكدر لا اقسي عليها ولا اجرحها بلكلام لا اضربها اخ ياجوري ماكون أسيد اذا ماخذتج غصب
وصلت دكيت الباب فتحته خالتي
السلام عليكم خاله وين حسام
ام جوري:هلا وليدي وعليكم السلام بالغرفه كاعد وحده
أسيد: عادي خاله تسمحيلي اطب عليه
ام جوري: اي يمه بالغرفه الفوك علئ ايدك اليسرى طب بيت بيتك ماكو احد غريب بس بنات عمك
أسيد: تسلمين خاله اروح اشوفه اني
طبيت واني قلبي يركص فرح راح اشوف ام لسان رغم اعرف راح ضوحني بكلامها بس مو بيدي قلبي يريدها
طبيت من باب المطبخ لكت ياسمين
السلام عليكم خيتي شلونج شخبارج
ياسمين: وعليكم السلام خويه الحمدلله انت شلونك
أسيد: بخير الحمدلله اريد اشوف حسام
ياسمين: اي تفضل فوك موجود بالغرفه
أسيد طبيت بصف مطبخ غرفه وبعدين درج صعدت اكو غرفتين وصاله بلطابق الثاني وبصف غرفتين حمام
اسمع صوت دردمة حجي اكيد هيه لسانها الله يساعد جاي تحجي عليه رحت امشي للحمام لكته مشغله الغساله ولابسه دشداشه نص ردن ورافعه دشداشه مالتها اشتعلوا عشيرتج على هاي وكفه وشعر مصعدته فوك نازل للخصر كمت ارجف عليها اوف مشتاق لكلشي بيج شهر واني يوميه اتمنى اشوفج تقربت لها خليت ايدي على خصرها ردت اسحبها عليه بس لازم تخرب لحظات الحلوه بسبب فطارتها ولسانها.
ندارت عليه أسيد 😳😳😳
شجابك أنت شنو سالفتك مشتغل حرامي كبل
أسيد:صدك ماتخجلين انتي مامتربيه اذا كبل اريدج لان احبج هسه غصب اخذج بس حتى اكسر راسج واعلمج شلون تحجين وتحترمين
جوري:ههههههه تعلمني لحجي ياريت تعلم نفسك بنات الناس مو لعبه عندك ولا شرف رخيص والبيت له حرمه
أسيد:اي صح بيت له حرمه وراح اعرف شلون اسكتها تقربت لها رجعت ايدي لخصرها سحبتها عليه جسمي صار على جسمها هيه مصدومه تريد تصرخ كبل خليت شفتي على شفتها هيه تبعد بيه واني بعالم ثاني الا اعلمج أسيد شنو ظاهر ماتجين بالطيب ماتركتها الا شفت دموعها نزلت شفايفها بيهم دم
عفتها وطلعت مارحت حتى على حسام نزلت طلعت لكت خالتي بلاستقبال دكيت الباب وكتلها خاله اني طالع اجي العصر لان حسام لكته نايم
طلعت للسياره حتى مارجعت لبيتنا ولا للمحل بقيت افتر بشارع كرهت نفسي من شفت دموعها بس تستاهل لسانها بنت.... أستغفرالله
اني حرامي تالي الوكت شوكت تفهم اريدها زواج لازم اخلي حد لهاي سالفه بس الوضع مايسمح احجي شسوي ابقى منتظر وهي كل مره تتجاوز اكثر اني اعلمج ياجوري غصب اخذج وتحبيني بسيطه
جوري ماكان بالبيت غير امي وياسمين وحسام بعد كلبي بالغرفه تعبان مانصدك ينام
ريم راحت هيه واخويه صغير تجيب علاج من صيدليه
جدي وخالي وسام يم بيبيتي وبقية الولد بشغل
ياسمين بلمطبخ تسوي الغده
واني نظفت البيت وصعدت للطابق الثاني اغسل ملابس بلحمام الفوك احسن حتى كبل اشر الغسيل على سطح وانزل
طبيت للحمام الملابس شكد شغلة الغساله واني احجي عليهم شكد شنو صار شهر مو غاسلين ملابس والله تعب والله خطيه اني ظهري نكسر شوكت يبدأ الدوام وبس أدرس المدرسه عشق 🤦🏼♀️
مندمجه احجي ويه نفسي وماحسيت غير ايد على خصري كمزت من مكاني لكته مكروه
شوكت اخلص من هذا الكابوس المزعج بقه يحجي وكل مره اكيد هو صح واني غلط
صار حجي وتكاونه فجأه تقرب خله ايده على خصري سحبني عليه اريد اصرخ سكتني بشفايفه حاولت ابعده احسسه بلغلط جاي يسوي وهو ولا يمي نزلت دموعي شافهم ابتعد وطلع على السريع
كعدت بلكاع ابجي ربي ابعده عني ماريده ولا اريد قذارته نذل مكروه العار ولا عبالك بنت عمه كل هذا لان ماعندي أب يخاف منه ويحترم وجوده مالازم اسكت لازم لزمه حده ظاهر ناوي على الشر وياي
مالازم أسكت حقير نذل شلون يتجرأ هيج يتصرف وياي
احجي وابجي
امي وراي واكفه منو هذا ليتجرأ شنو سوه وياج
جوري: يمه من شوكت انتي اهنا منو شكو.
ياربي شحجي الله لا يوفقك أسيد كله بسببك أن شاءلله حادث سير ارتاح منك لو بس ماخذيك بمكان خالي وارتاحيت منك.
امي: شبيج صافنه احجي وياج منو هذا وشنو سوه
