رواية ليتني واجهتك الجزء الثاني الفصل العاشر
فلاش باك لميس
من جانت كاعده بالسياره مع زوجها يحجون بعد الحجي الي صار بينهم ميس سكتت اشويه وبعدها كالت لمحمد
ميس؛؛ اني عندي فكره وان شاء الله يارب تنجح
محمد؛:شنو عيني كولي
ميس؛؛ مره شفت بمسلسل هم مثل علي اهلو جبرو عالزواج وب يوم العرس جرح ايدو وعلى اساس هذا نيشان
خلي علي سوي هيجي
محمد ضل يدحك على ميس عجبتو الفكره سكت وبعدها كالها
محمد؛: عجل اسمعي اش اريد اكولج
ميس؛؛ اي
محمد؛؛ ماتخلين احد ياخذ العشه غيرج لعلي وسلوى من تاخذين العشه اتكولين علي هيجي
ميس؛؛؛اكيد ب بالو هيجي شي هو
محمد ؛؛ ميخالف ذكري واخذي معاج شاش انطي هو
ميس؛؛ ماشي
ومن صار وكت العشه اخذت ميس الصينيه وراحت لغرفة علي دكت الباب وطلع علي
علي؛؛ تسلمين
ميس؛؛ وينها
علي؛؛ بالحمام ليش
ميس؛؛ هذا شاش محمد دزو ويكول خلي يجرح نفسو بس يكون مكان محد يشوف بيك مجروح
علي؛؛ ب بالي هذا الشي
ميس؛: لاتروح تحجي
علي؛؛ لاتخافين روحي بالج امين
ميس؛؛ ماشي
نزلت ميس راحت وعلي دخل لغرفه من كعد على التخت ويشرب الجكاره جان يفكر بهذا الموضوع
من اتقرب لسلوى وباسها من ركبتها بس حتي يترك اثر ومحد يشك بهذا الموضوع لان اكيد امها راح تطلع اتشوفها
علي
اتقربت على ركبتها تركت اثر وهي استسلمت رفعت راسي عنها وكمت اتعدلت
سلوى؛؛ بيك شي
علي؛؛ احسج عشتي الدور زايد
سلوى؛؛مافتهمت
علي؛؛ هسا راح افهمج
طلعت رجلي وجرحتها وخليت القماشه البيضه عليها صارت دم بعدها لفيت رجلي بالشاش مال الجرح
كمت على حييلي ورميت الوصله عليها
علي؛؛ هذا نيشانج وياويلج اذا احد عرف
هي اتعدلت وضلت ادحك مستغربه
سلوى؛: يعني؟!!!
علي؛؛ يعني كتلج من قبل هذا الزواج ماراح يتم لهذا لاتعشين الدور انتي مرتي
لان هذا الشي ماراح يصير
سلوى؛؛: بس اني والله احبك علي
علي؛؛ بس اني والله ماحبج اعذريني
سلوى؛؛ شنو سويتلك اني حتى هيجي اتسوي معايا
علي؛؛؛ اكولج سلوى لادوخين راسي كومي بدلي راح تجي امج وانطيهم هذا واقسملج بالله وداعت ويلادي اذا صار واحد عرف بهذا الموضوع اعيشج عيشه اخليج تمنين الموت الف مره يالاا كومي
رحت اتمددت بفراشي ورميت المخده مالها بل كاع هي طلعت من الحمام امبدله
علي؛: نامي بالكاع
سلوى؛؛ بس
علي!؛ بدون حرف يالا
اتمددت بلكاع واشويه واندك الباب كامت على سريع شالت المخده والغطا وجت امها وخالتها وامي يباركلونا امي تعرف شنو الفلم اني اترخصت وطلعت
يم لباب وسمعت خالتها اتكولها
كلشي تمام
سلوى؛؛ ها اي خاله كلشي تمام
من سمعت هيجي ارتاحيت نزلت جوى وامي لحكتني
ام علي؛؛ هذا شنو ليش ماخذها
علي!؛ ماخذتها لاتخافين
ام علي؛؛ لا تجذب عليه علي
علي؛: والله هاي رجلي شوفيها هاي لعبه مني
ام علي؛؛ اي ابني الله يرضى عنك
اشويه وراحو امها وخالتها ردت اطلع فوك وامي صاحتني ابويا يريديني اول من دخلت كالي تعال اتقدم اتقدمت علي باسني وباركلي
ابوعلي؛؛ هسا اني راضي عليك الله يرضى عنك
هزيت براسي وطلعت من الغرفه طلعت فوك لكيتها نايمه على التخت
علي؛؛ اني شكتلج مو كتلج نامي بالكاع
سلوى؛؛ اي
كامت نامت بالكاع ....!
وبعدها كمت انام يوميا بلليل بغرفتي ماطلع فوك يوم من الايام طلعت اقدم على قناة حتى ابدي اداوم بيها رجعت
دخلت لغرفتي فتحت الكنتور شفت ملابسي بغير خانه منو غيرهم كمت اصيح
علي؛؛ يوووم وينج
ام علي؛؛ ها وليدي
علي؛؛ ليش اتغيرين مكان ملابسي
ام علي!؛ ابني مو اني
علي؛؛ عجل منو
ام علي؛:سلوى حبت اتغير اشويه بغرفتك
علي ؛: منو سمحلها اصلآ تدخل الغرفه باي حق
طلعت عليها فوك صرت اصيح عليها
علي؛: انتي شلون تدخلين غرفة سدره
سلوى؛؛حبيت ارتبها لكه(الك) اشويه
علي؛؛ محد سمحلج تدخلين بيها افتهمتي واذا شفتج ثاني مره تدخلين غرفة سدره اكسر رجليج
اني ودا اتعارك معاها سمعت صوت سدره نزلت اركض اريد اصدك اذني الي سمعتو نزلت وشفتها كدامي كطعت كلبي
من صارت تبجي وتوسل بيا اطلكها لو بيدي اكولها مصار من هذا الحجي وماخنتج انطيتها الويلاد على اقل اخفف من حزنها اشويه
فتت لاستقبال واسمعها تبجي هي وامي وميس تهدي بيهم
بس طلعت طلعت من الاستقبال وكفت بالباب ادحك على امي شلون تبجي عليها
ميس... يوم الله عليج كاافي ضغطج راح يرتفع
ام علي.... والله والله لو ادري بسدره راح تنكسر هاي الكسره جان ماااخليتك تزوجها لبنتي يااعلي والله ادعي عليك بكل سجده اذا لمست سلوى.......
مسكني وجع راس قوي وشقيقه احس راسي يريد ينفجر طلعت على سلوى فوك لكيتها كاعده وب يدها الموبايل سحبت الموبايل من ايدها وضربتو بل كاع وسحبتها من شعرها
علي؛؛بنت الكلب شلون تحجين معاها هيجي شلون
سلوى؛:اريد احرك كلبها اريدها تنساك
علي؛: والله هليوم الي احرك اهل اهلج يابنت النع...
ومسكتها وبديت اضرب بيها واطلع كل قهر كلبي بيها
سلوى؛: لو يضل اخر يوم من عمري الى انسيك هي
علي؛: لاانتي ولاعشيرتج يكدورن انساها
امي وميس صارو يضربون عالباب
ام علي؛: علاوي عوفها الله يخليك علي
علي؛: تحجين معاها هيجي ولج ماكافي الي سويتو اني بيها وانت تجين اتزيدين همها والله انعل ابوج
اول من ضربتها تجاوز بعدين من كمت ازيد بل ضرب كامت تتوسل وتبجي
سلوى؛؛ عوفني الله يخليك بعد ماتحمل عوفني
دفعتها على التخت وجها مزرك وشعرها صار ب يدي وطلعت
ميس؛: ليش هيجي علي اشجالك
ام علي؛؛ ليش ياامي حرام عليك
علي؛؛ فهميها لهاي البنت ال.. لب مالها شغل مني ولاب ويلادي ولاام ويلادي لاوحق الله ادفنها هي وعايشه ....!!
سدره
طلعت من بيت عمتي ودموعي على خدي وابجي واسوق كمت عيوني ماشوف بيها من كثر البجي وكفت السياره بصفحه وخليت راسي على الستيرن وزدت بالبجي والشهكات كمت افرك كلبي
سدره ؛:؛اخخ ياربي جاي اموت ارحمني ونسيني عبدك الضالم يارب انت اتكول بكتابك لاتزر وازره وزره اخرى ليش حملوني ذنب مو ذنبي ليش ياربي
حسوني كام يبجي مسحت دموعي واخذتو بحضني هديتو شغلت السياره ومشيت لاهلي وصلت الباب دكيت هورن
طارق فتحلي الباب ودخلت نزلت من السياره ركض عليه
طارق؛: هذا حسوني شلون كن كبر مشاء الله وماري حبيبة خالو تعالي عندي
اخذهم يبوس بيهم شال ماري وحسين بحضني ودخلت جوى عيوني ورمانه من البجي كلهم كاعدين على الميز وماما اتحضر الاكل اتفاجؤوا من شافوني دخلت ومعايا ويلادي
ابو سدره؛؛, باابا سدره شلون جبتي ويلادج
سدره؛؛ عساك يامختار تحترك ب نار جهنم مثل ماحركو كلبي ب سببك
مختار؛؛ كاافي سدره كاافي ارحميني
سدره؛: الله لايرحمك ان شاء الله
اخذت ويلادي دخلت جوى ابجي طلعت لغرفتي وسديت الباب
رميت روحي على التخت وبجيت وشهكت موتت نفسي بالبجي الي راح بعد مايتصلح علي راااح وخلص كلشي انتهى
حسوني وماري خافو من البجي مالتي وكامو يبجون كمت على حييلي وحضنتهم واسكتهم وصرت اضحك معاهم
اندك الباب رحت فتحتو لكيت بابا بالباب اول من شفتو حضنتو وابجي
سدره؛؛ ياريت يابابا ضليت ترفض علي ياريت ماموافقت على زواجنا ياريت
ابو علي؛؛ لا يابابا لاتكولين هذا الكلام الله انطاج اطفال اثنين مثل الورد هذوله همه سندج بل حياة يابنتي امسحي ادموعج مادام ويلادج رجعولج عيشي لنفسج ولويلادج ياسدره
مسح دموعي بابا وباسني من راسي راح اتقدم على حسوني وماري باسهم واني رحت غسلت وجهي وجيت حتى ابدل بابا اخذ ويلادي ونزلهم جوى واني هم بدلت ولحكتهم
جنت ماقبل اجتمع على سفره وحده مع مختار هو بس يشوفني يكوم من السفره ومرات مايقبل يكعد ينتظرني اكمل اكلي واكوم وهو يجي يكعد لان يعرفني بس يكعد اكوم كبل
مرت ايام وكدرت اتعود على حيااتي ب يوم من الايام جنت مخنوكه حييل وجنت مشتاقه لجنات اتمنى لو هي يمي واحجي معاها
صهيب واماني جانو يعرفون مكانها لان ضلت علاقتهم مع اهل جنات مانقطعت
طلبت من صهيب انسافر لبغداد حتى انشوف جناات بالبدايه رفض وماقبل بس لحيت وافق
جان يوم خميس والخميس ويلادي عند علي بهاي الفتره كدرت اخلي حسين يتولع بيا بالبدايه جان يبجي ويصيح ماما بابا يقصد بيها على عمتي ماما بس كدرت الحمدالله يتولع بيا
جنت دائما اخذو معايا بالسياره اشتريلو العاب اطلعو مكانات حديقه ويلعب مع الاطفال
يوم الاربعاء اتصل بيا صهيب وبلغني احضر روحي باجر راح انروح لبغداد فرحت لان راح اشوف جناات
اتصلت ب ميس وكتلها باجر تعالي من وكت لان عندي شغل
ماخبرتها انطيت خبر لبابا وهم ماكتلو رايحه على مود جنات كتلو رايحه مع صهيب واماني اريد اغير جو وماكال شي
ثاني يوم ويلادي راحو لابوهم واني طلعت مع صهيب واماني جان الطريق طويل وتعب وكل اشويه انام واكعد اماني ماجابت ابنها معاها جان الجو حار
بعد تعب وصلنا بغداد اول من وصلنا طلعنا بوجهنا لمستشفى الي بيها جنات
نزلنا وطلعنا البجات مالنا وكدرنا نحجي مع المستشفى وافقوا انشوف جنات
طلعنا لحديقة الطبيب كالنا بالحديقة كاعده واخذنا على مكانها
جانت كاعده وصافنه احس من شفتها شفت لؤي كدامي انهاريت بل بجي اماني حضنتي واثنينا نبجي
صهيب؛؛ سدره اماني اهدو وامسحوو دموكم مايصير اتشوفكم بهاي الحاله بعدين اتخاف
مسحت دموعي وطلبت منهم اروح وحدي عليها اريد اكعد معاها
اتقدمت عليها وهي بعدها على صفنتها جيت كعدت يمها وكتلها
جنو اني سدره ماتذكريني اني صديقتج
التفتت عليه وضلت ادحك مثل الواحد من يريد يتذكر شخص
مسكت ايدها على كيفي وابتسمت بوجها
سدره؛؛. اي حبيبتي اني سدره
سحبت ايدها وعيونها عليه
جنات؛؛لؤي وين
سدره؛؛ اخخخ ياجنات لو تعرفين شنو الي صار من بعدج وبعد لؤي اتصدكين مرات احسدج لان نسيتي كلشي جنات مابس حياتج انهدمت حتى اني
اتصدكين ياجنو علي الي جنت احبو وجنت عايشه معا احلى قصه حب علي الي عرضت روحي لخطر واني فرحانه انطيتو كبدي حتى هو يعيش عافني واتخلى عني
ونام بحضن غيري ياريت لو علي ميت ولا الى سوا بيا جنات حتى عمي الي جنت معتبرتو ابويا الثاني ذلني ياجنو وحملني ذنب عبالك اني الي قتلت لؤي
جنات؛:لؤي
سدره؛؛ صديقتج ضاعت وحياتها انتهت ادمرت اني جنات ادمرت
احجي معاها وامسح بدموعي كامت من يمي وتمشي على كيفها وتحجي مع نفسها بهمس
جنات؛؛ اخذنا شمعة بيتكم الحجي بعد مايفيدكم
راحت تمشي وتحجي هيجي كلبي اتكطع عليها رجعت لصهيب واماني وهمه راحو يشوفها اشويه ورجعو وحالتهم اتعس من حالتي رجعنا الطريق كلو نبجي اني واماني .....!!
ب يوم من الايام جنت واكفه اسوي كيك لويلاد ماري جان عاجبها
سمعت حسوني يضحك بالصاله وصوت الضحك مالو رحت اشوف شبي يضحك واتفاجئت لكيت مختار كاعد يلعبو اتخبلت سحبت ابني من كدامو وكمت اصيح على
سدره!؛ اذا شفتك ثاني مره تلمس ويلادي اكلب الدنيا على راسك افتهمت
مختار؛؛سدره
سدره؛؛ الف مره كتلك لاتجيب طاري اسمي على لسانك اني ماقبل ويلادي الي قاتل عمهم يلمسهم
كام يصيح ويحجي
مختار؛؛ كااافي عااااد الي صار ماجان لابيدي ولابيدج كلما اتشوفيني اتعيريني بذنبي اذا الله يغفر انتي ماتغفرين
سدره؛: لان هو الله يغفر بس لاتحلم يوم من الايام ارجع معاك سدره القديمه واسامحك
مختار؛؛ شنو اسوي حتى اتسامحيني
سدره؛؛ ادفن روحك وانت عايش احسلك لان انت عار وطيشك دمرنا
مختار؛: سدره اني اخوج ليش هيجي كلبج قسى عليه بس فهميني هيجي علي اغلى من اهلج هيجي انتي حقوده طلعتلي
سدره....علي اغلى منك ومن ويلادي ومن نفسي والله ياخذك انت وهو اثنينكم دمرتو حياتي
مشيت وعفتو وكف يصيح ورايا
مختار؛: الخاطر الله تعبت كااافي هيجي اتسوين معاااا سدره جاي اموت اكثر من عندج والله
التفتت عليه وكتلو
سدره؛؛ موت الجلب موت حتى نخلص من عارك
ام سدره؛سدره كااافي اخوج مريض
سدره؛؛ يستاهل اكثر
مسك راسو وكام يبجي ويضرب راسو بل حايط مشيت بدون مارد على
ولااهدي بيا سمعت امي كامت اتصرخ التفت لكيتو مصروع بالكاع ....!!
علي
محمد جان ماخذ ابويا لدكتور ومايعرف سدره جت اخذت الويلاد
رجعو من الطبيب وكعدنا بعد ماسالنا شنو كال الطبيب ابويا سال على الجهال
ابو علي.... وين ويلادك علاوي ب بيت عمهم؟
علي.... لا
ابو علي... عجل وينهم
علي... انطيتهم لامهم
ابو علي.... شنووووو شلون تخلي ويلادي يم قاتل عمهم
علي.... مختار مو مجرم مختار صح سوى جريمه بس مو معناها هو مجرم
ابو علي..... ادافعولو هم ويلادك ماينامون هليوم ب بيت جدهم لو اكلب البيت على راسك
علي.... شوف يابا كتلي طلك مرتك طلكتها كتلي تزوج بنت عمك اتزوجتها مثل ماانت فرضت عليه اني ابنك اني هم افرض على ويلادي وين يعيشون
ابو علي.... كلامي يمشي عليك وعلى ويلادك افتهمت
علي... صار تدلل سلووووى وينج
سلوى.. ها علي
علي.... انتي طالق اذا ويلادي رجعو عاشو عندي
ابو علي..... ولك علي شو انت ماتستحي
علي... اذا انت ماتقبل ويلادي يعشون يم قاتل عمهم اني مااخلي مرتي تربي ويلادي وامهم عايشه بكيفك اتحب سلوى تطلع من البيت لو حسوني ماري...
اتعصب وكام يحجي سكتت ماجاوبته.....
مرت ايام واني بعدني مع سلوى مثل مااني هي بغرفتها واني بغرفه سدره
مر شهر على عقدي منها جنت ارجع من الدوام اشوف امي وحدها تشتغل واتنظف اسالها اتكولي
ام علي؛؛ جانت اتساعدني واني كتلها روحي
اطلع عليها فوك اشوف الغرفه مثل ماهي وكاعده كدام التلفزيون لو على الموبايل تحجي مع اقاربهم
علي؛؛ انتي ليش ماتنزلين اتساعدين امي
سلوى ؛؛ وعليش اساعدها
علي؛:؛شنو عليش اتساعديها شنو انتي بلا غيره
سلوى؛؛ ليش انتي منطيني حقي كامل حتى اني انطيك حقك
مسكتها من ياختها ركعتها براشدي
علي؛: شوفي ثاني مره اتعيدين هاي السالفه اطيح حضج
سلوى؛: ليش تضرب
علي؛؛ اكسر راسج هم
سلوى؛: هسا اكدر انزل على عمي واحجيلو كلشي
هي كالت هيجي لو النار صارت تطلع من عيوني
صرت اضربها راشديات
علي؛؛ شنو اتكولين لعمج اححجي شنووو
سلوى؛؛ اكووووول انت مامتزوووجيني والنيشان جان جذذذذب كلو
علي؛: وتحجينها هيجي بكل صلافه
سلوى؛؛ اااااي احجيها وماخايفه
علي؛؛ ولي اسكتي شنو انتي من شي
سلوى؛؛ ماسكت انت مابيك خير لو بيك خير جان اخذتني
علي؛؛ لا يابنت الك.. اد
ونزلت بيها دك ضرب اضرب بيها واريد اسكتها ماتسكت الخاطر الله شنو من عين صلفه....
