رواية ليتني واجهتك الجزء الثاني الفصل الحادي عشر
سدره
ركضت على مختار مسكتو من راسو وبابا ركض مسك رجلينو الي حد مافكو
من فكو الصرع كمت ومشيت بدون مااسالو حتى شلون صرت
رجعت لمطبخ اكمل الكيك جا بابا عليه
ابو سدره؛: ليش بابا سدره هيجي مع اخوج
سدره؛؛ اكرهو دمرلي حيااتي
ابو سدره؛؛ هذا قدر
سدره؛؛ القدر صار من ايدينا
ابو سدره؛؛ الله يهديج على اخوج ويحنن كلبج
سكتت ماحجيت شي صحت سماء وطارق اخذو ماري وحسوني لحديقه يلعبوهم واني هم حضرت عصير طبيعي
وكمل الكيك اخذتو وطلعت بره قطعت وخليت كدامهم وخليت عصير
جت اسراء باستني وكعدت
سدره؛؛ اشو انتي ماكو
اسراء؛؛ والله امي مريضه جانت وملتهيه معاها
سدره؛؛ خير ان شاء الله
اسراء؛؛ طكت عبوه يمهم وجفلت وصاير بيها سكر
سدره؛؛ خطيه الله يشافيها
اسراء؛: انتي شلونج
سدره؛؛ الحمدالله
اسراء؛؛ حسين بعدو يبجي على عمتج
سدره؛؛ بس من يرجع من عندهم يضل يضوجني بس شنو اسوي اتحملو
اسراء؛؛ يتعود
سدره؛؛ خلصتو اكل
الكل؛: اي خلصنا
سدره؛؛ يالا كومو غسلو كلكم
كامو الويلاد يغسلون واندك الباب
سدره؛: اشو اسو انطيني حجابج
اخذت الحجاب وطلعت لباب فتحتو لكيت ولد شباب واكف بره كن شفتو كم مره بس ماصاير بينا سلام او شي اكثر شي شفتو من مختار احتركو ايدينو
السلام عليكم
سدره؛: وعليكم السلام اتفضل
مختار موجود
سدره؛؛؛ اي موجود منو اكولو
كوليلو مصطفى
سدره؛؛ ماشي هسا اكولو لحظه
دخلت كلت لطارق وراح كال لمختار ومختار طلع
اسراء؛؛ لاتضلين تفكرين وتنقهرين انتي حلوه ومثقفه ودكتوره والف واحد يبوس ايدج
سدره؛؛ ههه انتي شنو تحجين مخبله اني اتريدين اتزوج
اسراء؛: ليش ماتزوجين وبعدين لاتزوجين مو مهم بس عيشي لنفسج ولويلادج والله اكل واشرب واطلع واجي واخذ اجازه اسافر بيها
سدره؛؛ تعبانه اسو بالدب (كوه) اروح لدوام وارجع
اسراء؛؛ انتي كن تعبتي نفسج ياحبيبتي والله نفسي اهم من كلشي
سدره؛: ويلادي ودوامي همه متعبيني
اسراء!؛ وكلها بصفحه وتفكيرج بعلي بصفحه
سدره؛؛ ماكاعد يطلع من بالي اسراء تعبت
اسراء؛: لازم يطلع من بالج انسي فكري شلون اتعشين اروح لسوك اشتري ملابس اشتري ذهب اطلع ادخل ويلادي اهتم بنفسي وبجمالي
سدره؛؛ ومن يجي الليل
اسراء؛؛ اوف سدره ماعرف شنو اكولج زين عندي فكره لجه
سدره؛: شنووو
اسراء؛: ليش ماتراجعين عند طبيب نفسي على اقل اشويه يخفف حزنج وتحجين لبكلبج لطبيب
سدره؛؛ معقوله ارتاح اذا رحت لدكتور
اسراء؛؛ بعد انتي دكتوره وتعرفين هذا الشي
سدره!؛ ماعرف والله شنو اكولج افكر بل موضوع ان شاء الله
كعدنا اني واسراء نحجي جا طارق عليه يريد ياخذ ويلادي وويلاد عمر بره يلعبون اني ماحب الجهال تطلع بره لح عليه ووافقت
ضلو يلعبون بره بعدها رحت اريد اصيحهم اتقربت يم الباب سمعت مختار يحجي مع صديقو مصطفى يكولو
مختار؛؛ تعبت ابو الصوف شنو اسويلها حتى لاتضل زعلانه مني هي اختي احبها اكثر وحده من بين اخواني
مصطفى ؛؛ كولها احجيلها هي مو جانت تعرف انت عندك علاقة حب كولها اني هم مثلج اتاذيت
مختار؛: اي امبله جانت تعرف
مختار جان يحب وحده معا بالجامعة جان دائما يحجيلي عنها وحتى ماما راحت خطبتها مره واهلها رفضو لان ماجانو يزوجون غريب بس من صارت سالفة لؤي الله يرحمو وعلاقتي خربت بمختار ماعرف شنو صار بعدها
مصطفى؛: ترى انت هم ماتفرق عن ام حسين هم انت ازوجت وعلي هم اتزوج اكيد راح كلبها ينكسر واتصالحك
مختار؛؛؛يمكن حالي مااكثر من حال اختي
من سمعت مصطفى كال هيجي ضربت على صدري كبل
سدره؛؛ يعني تبارك اتزوجت
لاعشتو عليك يااخويا والله الي صار معاك هم مو قليل بس والله اني ماكاعده اتحمل الي صار معايا
انقهرت على مختار لحظتها حييل ...... صحتلو من ورى الباب
سدره؛: مختااار
جاني مبتسم
مختار؛: ها خيتي كولي
سدره؛: خلي طارق يفوت الويلاد كلهم
مختار:؛اي تدللين
خطيه حبيبي يحجي معايا ومامصدك اني حجيت معا مبتسم صيح طارق ودخلو الويلاد جوى اخذت الويلاد وسبحتهم واني سبحت وغسلت الحمام وخليت الملابس بالسلة وطلعنا
سشورت شعري وشعر ماري وبدلتلهم وشغلت التلفزيون وخليتهم كدامو
اندك باب غرفتي
سدره؛؛ فوت
مختار؛؛ سدره اكدر احجي معاج
سدره؛؛ عليش
مختار؛؛؛ سدره انتي اكثر وحده من بين اهلي احبج ومايهون عليه اشوفج زعلانه ولاضايجه سدره والله اني جاي اموت اكثر منج اني اكو بركبتي روح ماتت اكو بركبتي دم
دحكت علىَ بنظره مليانه حزن
سدره؛؛ اني خسرت بسببك جثير يامختار خسرت ابني ورجلي وبيتي بسبب طيشك
خليت ايدي على وجهي وكمت ابجي اتقرب عليه وحضني ويبوس براسي
مختار؛؛ والله حقج شنو من اتكولين حقج بس والله اني هم مثلج خسرت سدره تبارك اتزوجت اتزوجت بس دخلت السجن بعد كل هذاك الحب اني هم خسرتها وايديا الي الله اعلم شنو راح ينفتحون لو لا سامحيني الله يخليج
كاافي اتعيريني بذنبي كاافي طيف لؤي لاحكني وانوب انتي اني خسرت صحتي وظيفتي وشبابي وحبيبتي وكلشي ممكن جان يصير حلو ب حياتي انقلب مر
حضنتو واثنينا نبجي
سدره؛: تعبانه عللي عافني وحدي عافني وحضن مرتو الي حلف وعدني مايلمس غيري لمس والي حلف مايتخلى عني اتخلى
رغم كلشي خسرتو بحيااتي بس علي هدني هد من راح ماكاعده اكدر انسى اعرف اذيتك بالكلام حييل وجنت قاسيه عليك بس والله ماعرف شنو اسوي من حركت كلبي وانت هم الي بيك يكفيك
مختار؛؛ مالومج حقج بس لازم انقوي نفسنا وانعيش
كدرت اسامح مختار لان هو هم ماجان ذنبو صح جان طايش وخسرت ب سببو جثير بس هو هم الي خسرو مو قليل باسني من راسي وخدي وراح
اشويه وطلعت سماء
سماء؛؛ سدره مختار يكول تجين انروح نتعشى بل غابات
سدره؛؛ هاا والله ماعندي وهس
سماء؛؛ ديلا عفيه حبابه خلي انروح
سدره؛؛ عمر وين
سماء!؛ موجود ب بيتو
سدره؛؛ اذا عمر يجي كلنا انروح
سماء؛؛ اوكي
راحت واشويه ورجعت كالت عمر يكول اي انروح
نزلت جوى اني واسراء حضرنا جدر دولمه وطبخنا على النار وكملنا كل اغراضنا وبدلنا وطلعنا
كعدنا يم الماي بابا وماما هم اجوي كلنا طلعنا عمر ومختار راحو يشترون دجاج مشوي ورجعو
رتبنا الاكل بين مارجعو وكعدنا كدرت اشويه ارتاح يم الماي ويلادي ويلاد عمر هم اشويه فرحو
مختار جان من ياكل اذا بل معلقه ماما اطعمو واذا لفه جانت ماما اتسويلو وب يدو اثنين ياكلها
احاول اضحك واسوي روحي فرحانه لخاطر اهلي واطفالي كملنا عشه واخذنا الويلاد انلعبهم
عمر اخذنا وركبنا بل بلم حتى هينا ذكريات علي ماتعوفني معايا اشكد جنه نطلع ونجي هينا
جنت اخاف مرات لان اعلامي جان يكولي سدره لاتضلين اتخافين الي كاتبو الله هو يصير
مخليه حسوني بحضني وماري بحضن مختار ماما وبابا ضلوو يم الاغراض ماقبلو يكومون
ويلادي ويلاد عمر فرحانين ويصفكون ونحنا نضحك عليهم انشوفهم الماي
كملنا وتعبنا ورجعنا لبيت غسلت وغسلت لويلاد وبدلتلهم ونومتهم ورحت غسلت مواعين العشه ونظفت المطبخ
وطلعت فوك خطيه ماما هم تعبانه بل بيت ونحنا بيتنا جبير وسماء بعدها صغيره واسراء بيتها وحدها صح تجي خطيه اتساعد ماما وانتظف معاها بس هيا هم بيتها ويلادها
بعد تفكير طويل الي حد ماعقلي كام يخربط ويفقد التركيز اخذتني النوم
كعدت ثاني يوم بدلت وطلعت لمستشفى على الدوام واتصلت بدكتور نفسي وحجزتو يمه وبديت اروح عندو ....!!
علي
مسكتها شبعتها كتل امي ورى الباب اتصيح عوفها
ام علي؛؛ عووفها ول علي راح اتموت ب يدك
علي؛؛ اني اريدها اتموت حتى اخلص
سلوى؛؛ والله الي افضحك مابيك خير انت مو رجال
يالله فقدت وازيد بل ضرب اريد بس تسكت كسرتها تكسير
علي؛؛ ولج اسكتي اسكتي لاتجاوبين راح اتموتين ب يدي
سلوى؛؛ ماسكت
علي؛: ولج حتى الكح .. مو هيجي صلفه مثلج اني مو رجال اني ما بيا خير
سحبت الحزام وصرت اضرب بيها كامت توسل
سلوى؛؛ والله اسفه والله بعد ماعيدها
علي؛؛ هليوم اشعل اهل اهلج ولج انت بنت البارحه تجاوزين عليه
سلوى؛؛ والله بعد ماعيدها والله
مسكتها قوي من حنجها
علي؛: شوفي اذا ثاني مره شفتج اتعيدين هاي السالفه اطيح حضج والله اموتج اذا هسا مو موتج مره الخ ادفنج
اني رجال غصب عنج وعن الي خلفوج اذا انتي هيجي ميته على الزواج جان رفضتيني وجان اتزوجتي من قبل
دفعتها وطلعت فتحت الباب
امي دخلت تركض عليه
ام علي؛؛ ول علي اش سويت بيها
علي؛: طبها طوب خلي اشوفها شلون اطول لسانها عليه
ام علي؛؛ روح روح اطلع من كدامي حرام عليك
مشيت ونزلت جوى وابويا يصيح لان سمع صوتنا
ابو علي؛؛ ول علي الله يكسر ايدك شلون اتمد ايدك على بنت اخويا
بهمس
علي؛؛ هسا اكفر بيك وبنت اخوك استغفر الله ياربي طلعتو الواحد من دينو
ابو علي؛: ول تعاااال مو دا احجي وياك
علي؛: ها يابا جيت
ابو علي؛: شبيك مع مرتك ليش جنت تضربها
علي؛: تجاوز عليه
ابو علي؛: بنت محمد ماجنت اتكولها على عينج حاجب بس بنت اخويا تضربها والله اكسر ايدك اذا ثاني مره شفتك تضربها
علي؛؛ بنت محمد جانت محترمه نفسها وماتجاوز ومريحتني بله يابا بربك اتجيب سلوى على سدره اي سدره جانت تدرس طب عام واتساعد امي بل بيت اشو هاي كلشي ماعندها وماتساعدها
ابو علي؛:ابني بالكلام الحلو المره تجي بالكلام
علي؛: الا سلوى تجي بالضرب
ابو علي؛: علللي ماقبل اتمد ايدك عليها
علي؛؛ اي يابا صار
ابو علي؛؛ دمشي روح شوفها
طلعت من الغرفه ورحت كعدت بل صاله ولا طلعت اصلآ كمت غسلت ورحت لمطبخ شفت امي طابخه فرغتلي اكل وكعدت اكل جت امي تحجي
ام علي؛؛ هيجي اني كتلك اتمد ايدك عليها
علي؛: ياست الحبايب ياحبيبه ربي يخليكي يااامي
ام علي؛؛: ول علي كاعد اتغني
علي؛: لعد شنو اتريدين ابجي
ام علي؛؛ خطيه ابني كوم شوفها والله جسمها متزرك من الوجع
علي؛؛ يوم عاشت ايدج على الاكل طيب اكول سدره منو وين جان اكلها طيب من عندج متعلمه
ام علي؛؛ غير اني ربيتها هسا كوم شوفها
علي؛؛ لو تضلين تحجين من هينا لباجر هم ماكوم اشوفها لو اتخلين اكل لو اروح انام
ام علي؛؛ اكل بس بعد لاتضربها
علي؛؛ خلي هي بنت ابوها واتعيد هذيجه السالفه
ام علي!؛ ول امي مو هيجي بس هي اتحبك واتريد اتمم زواجك منها
علي؛؛ اشو قلبتي
ام علي؛؛ لا والله بعدني على كلامي بس خلي ابوك يمشي الي اطلكها منك
علي؛؛ الله كريم
كملت وكمت رحت انام
نمت وكعدت العصر تفقدت مكان ويلادي حييل جانت ماري متعلمه كل ما ياذن امي اتكولها كعدي بابا وتجي اتكعدني
اتعوذت من الشيطان وكمت رحت اتوضيت وجيت اصلي كملت
علي؛؛يوم وين هاي
ام علي؛: عوفها امي الله يرضى عنك
علي ؛ ؛سلوووووى وينج تعاااالي ووووينج تعااالي انزلي
جت وكفت على الدرج
سلوى؛: هاا شنو اتريد
علي؛؛ بااابا شنو انتي ماتوبين احجي عدل لااطلع اكسرج
سلوى:؛ماكلت شي
علي؛؛ تعااالي انزلي جيبلي نفاضه وسويلي جاي
نزلت بدون ماتحجي واني شلون ادور حجه بس حتى تنكلع عن راسي صح هي اطول لسانها معايا بس اني ماطايقها احس بس اريد تحجي حتى اضربها واذيها حتى تطلب الطلاك
علي؛؛ اشو احجي معاج ماتجاوبين
سلوى؛؛ مو دا اروح
علي؛؛ كولي اي صار
سلوى؛؛ اي صار
علي؛؛ يالا انقلعي تعالي تعالي اكولج
سلوى... ها
علي... تعرفين سدره من جنت اكولها سويلي جاي شنو جانت تكول تكولي اخليلك عيوني معاهم
ام علي... علي كااافي
علي... روحي انقلعي
راحت اتسوي جاي وبل كوه تمشي من الكتل
ام علي؛؛ امي الله يخليك هله هله بيها هم خطيه
علي؛: هي جانت تعرف من البدايه لهذا ماحاجه تفتح هاي السالفه معايا
ام علي!: ميخالف امي انت اتخاف الله حرام عليك
علي؛: الله كريم
كاعدين وجت امها علينا دخلت سلمت وكعدت سلوى جابت الجاي وجان ايدها مضروب عليها قدمت الجاي لامها وامها انتبهت عليها
ام سلوى؛: هاي شبيج سلوى شبيها ايدج
سلوى؛: ها مابيا شي
ام سلوى؛؛ شنو مابيج شي وايدج
سلوى؛: وكعت
ام سلوى؛: ها غير اديرين بالج ياابنتي
سلوى؛؛ ماجنت منتبه وكعت
حسيت امها ماصدكت بس لفت السالفه اصلا ماتكدر تحجي تحجي حجيها لايقدم ولاياخر
مشت الايام وسلوى اتغيرت نوع ما كدامي بس ورايا ماعرف شنو الي دا يصير غير رب العالمين
امي من نوع ماتحجي ولاتحب تعتمد على احد اني جنت ارجع من الدوام اشوفها تشطف اتنظف وامي تطبخ
مره مرتين ارجع الساعه وحده الظهر اشوفها تشطف البيت وهيجي وكت مو مال الشطف واني اضوج اذا الكي ماي بالكاع
علي؛؛ هاي ليش تشطفين بهيجي وكت
سلوى؛؛ مو جنت انظف جوى
اني من رجعت اداوم ماكمت اتريك بالبيت اروح مع جماعتي اتريك لهذا ماطلب منها تكعد اتسويلي ريوك
جنت احجي معاها وجانت ميس موجوده بهذيجه اللحظه
ميس؛:غير من النوم يابا
سلوى؛؛ انتي محد حجى معاج
علي؛؛ سللللوى
سلوى؛؛ شعليها هي تدخل
ميس؛؛ ترى علي سلوى ماتشتغل بس غير كدامك من اتقرب جيتك اتكوم تشطف وعلى ما يوم كن كملت كل شغل البيت
سلوى؛: علي جذابه لاتصدكها اصلا هي بل دوام وين اتشوفني
ميس؛؛ والله اذا اكو جذابه بالدنيا هي انتي هليوم صفا مريض واخذت اجازه وماكدرت اروح لدوام وجيت على يوم الساعه بل 11 ولكيتج بعدج نايمه
علي؛: يعني التالي وياج انتي ماتستحين على روحج احتاريت شنو اسوي معاج
سلوى؛؛ اني مليت منك ومن البيت ومن امك ومن عيشتك كلها
ام علي؛؛ليش يابنتي شنو امسويه اني معاج
ميس؛؛ اتروحين فدوه لرجل امي جلبة هي اكو عمه بالدنيا مثل عمتي
علي؛؛ مليتي مني ومن البيت ومن امي موو
سلوى؛؛ شنو اني جارية حتى الجارية احسن مني
علي؛: هسا اشوفج شلون انتي جارية
دخلت جوى سحبت حجاب الصلاه وطلعت بره رميتو عليها
علي؛؛ البسي
سلوى؛: ليش
علي!؛ كتلج البسي يالا بره كدامي
سلوى؛؛ لا عفيه مو قصدي
علي؛؛ بره بره ماريد اشوف خلقتج انتي مو مليتي من عدنا يالا ماريد اشوف خلقتج ورق طلاكج تصل لباب حوشكم
سلوى؛: ماطلع لو تموتني هم ماطلع
راحت تركض على ابويا واتصيح عمووو
ابو علي؛؛ شبيج يابا اتصيحين
سلوى؛؛ عموو علي يطردني على اهلي واني ماريد اروح
ابو علي؛؛ ول علي انت ماتصير ادمي
علي؛؛ لاماريد اصير ادمي مع هيجي شكول يالا كتلج ولي لهلج
ابوعلي؛: انت تطلع من البيت وسلوى ماتطلع
علي؛؛ يابا اتبدي هاي عليه
ابو علي؛؛ ماتطلع مرتك من البيت وخلي عقل براسك كاافي مشاكل
علي؛؛ ماريدها ماحبها بليتني بيها ليششششش ارررريد ااااعررررف شنووو استفاديت من هذاااا الزواج اني ناقصلي شلعان كلب تجيني عزرائيل اتسود عيشيتي وللللج اتروحين فدوه لهذيجه النادره
ابو علي؛؛ ااااطلع انعل ابوك لابو سدره معاك
سلوى؛: عمووو والله ماسويت شي
علي؛؛ خطيه اشكد مسكينه ولي انتي حيه من جوات التبن بس علي يعرف شنو معدنج
ام علي؛: علي يوم روح اططلع كاافي اتعصب ابوك
علي؛؛ خلي اتولي لهلها ماريد اشوف خلقتها
ام علي؛: ميخالف امي بس روح
طلعت من الغرفه وحلفت يمين سلوى ماتبات هليوم بل بيت كامت امي حجت مع ابويا ودزها لهلها احس من اتروح تمسكني راحه مو طبيعيه
ثاني يوم رجعت اني كاعد بغرفة سدره دكت الباب ودخلت
علي؛: خير شكوو اني مو كن كتلج لاتدخلين غرفة سدره
سلوى؛: بس اريد احجي معاك
علي؛: عليش رجعتي
سلوى؛: عمي كالي ارجعي
علي؛: روحي هسا سوي عشه لاتخلين امي تشتغل وبعدين عود احجي سالفتج
سلوى؛: اي صار
راحت وسوت عشه واتعشينا وغسلت المواعين ونظفت المطبخ وسوت الجاي يابسم الله هليوم النادره فول
جت كعدت يمي
سلوى؛؛ اريد احجي معاك
علي؛؛ روحي فوك هسا اجي
سلوى؛؛ راح اتنام فوك
علي؛؛ اكيد لا بس بين ماابويا يدخل لغرفه
سلوى؛؛ اي
راحت واشويه وطلعت فوك لحكتها دخلت اول من دخلت جت لابسه فستان نوم ومكياج وشعر وعطر اتقربت يمي بدون سابق انذار باستني من خدي
سلوى؛؛ اسفه مو قصدي ازعلك
علي؛: الاسفه افتهمنها والبوسه هم انكول ويلاد عم بس الملابس النوم شكو
سلوى؛؛ علي اني احبك والله اذا اتزوجنا اعيشك عيشه اتخبل
علي؛؛ واذا هذا الزواج تم اخليج تخبلين واعيشج عيشه عمرج ماكن شفتها بطلي سوالفج لان هذا الزواج ماراح يتم وامسح الخرابيط من وجهج وبدلي ملابسج وكصري لسانج وساعدي امي واني راح اقبل اعتذرج
سلوى؛: بس
علي؛؛ تصبحين على خير
نزلت وعفتها رحت لغرفة الجوى دخلت وسحبت مخده سدره رغم من زمان خلص العطر الي بيها بس احب احضنها على اقل مخده سدره احسن من اكابل وجه هذيجه
بعد خمس اشهر من عقدنا اني و سلوى حياتي ماشيه لابس بيها كم مره حاولت سلوى تقرب مني جنت اصدها
يوم من الايام اتعاركنا واتجاوزت وكتلتها ودزيتها لهلها وحلفت يمين بعد ماترجع ماحس الي المغرب صوت عمتي اخت ابويا تحجي واتصيح طلعت حتى اشوف شكو اش صاير لكيت سلوى وعمتي وعمي
عمة علي؛؛ انت ماتستحي على روحك انت هم تحسب نفسك رجال
علي؛: رجال غصب عن الي يرضى والي مايرضى
عمه علي؛: من هذا مرتك بعدها بنت
من كالت هيجي احس ضربتني على راسي ضربه قويه
ابو علي؛؛ شنوووو قصدج اختي هذا الكلام
عمه علي؛: قصدي ابنك يعرفو ياااقصي علي ماكن اتزوج سلوى وزواجهم الى حد الان ماتم
علي؛؛ هذا الشي مو صحيح وامها شافت النيشان بعيونها
ابو سلوى ؛؛ طلك بنتي علي
علي؛: والله فضل اذا طلكتها لان اني اصلا مليت منها ومن عيشتها واخر شي طلعت بعدها بنت
ابو علي؛: علللي هذا الشي صحيح لو لا
علي؛: لا مو صحيح
عمه علي؛؛ امبله صحيح واني هسا مستعده اخذها على الدكتوره واتشوفها واذا طلعت ماخذها لو اتموتها بعد محد يدخل
اختي عبير جانت موجوده بهذيجه اللحظه
ابو علي؛: ماحاجه دكتوره عبير تكشف عليها
عبير؛؛ اني مالي دخل
ابو علي؛: غصب عنج يالا اني ماراح احجي كلمه هسا الى حد ما اشوف هذا شي صح لو لا
عبير؛: امشي عيني صدك الي استحو ماتو امسويه فضيحه رجلي ماااخذني
عمه علي؛ بلا حجي زايد اخذيها واتاكدو
عبير اخذت سلوى وراحت ورجعت بعد اشويه
ابو علي؛؛ هاا شنو صار صحيح الحجي لو لا
عبير؛؛ جذابه علي ماخذها ومو بنت
اني اعرف اختي حجت هيجي حتى تطلعني من الموقف الي اني بي
ابو علي؛؛ ليش عمو سلوى مو عيب تحجين هيجي على رجلج
عمه علي؛: منو مايكول عبير اتجذب حتى اطلع اخوها من المشكله
عبير؛؛ عمه اني ماجاي اجذب وعلي هو يطلع روحو من هاي المشكله اني كشفت عليها كطبيبه مو كاخت علي
ابوعبدالله؛؛ منو الصادك منو الجذاب انتي اتكولين سلوى مو بنت وسلوى اتكول علي ماتقربلي يعني شنو ترى والله اذبحها واخلص منها
عبير؛؛ هذا الي شفتو كدامي اني
عمة علي؛؛ عبير تحلف على القران سلوى مو بنت
عبير؛: لاوالله وليش حتى احلف اني منطيه قسم احجي الصحيح
ابو علي؛: كلام عمتج صحيح جيبي القران واحلفي
عبير؛؛ ماكدر احلف
عمة علي؛؛ لعد انتي اتجذبين
عبير؛؛ احلف ماعندي مانع بس هسا ماكدر احلف
عمة علي؛: عجل علي الي يحلف هو ماخذ سلوى
علي؛: وانتي شعليج ياهو مالج اخذتها او ماخذتها
عمة .علي؛: عجل نحنا منطيك بنت مثل الورد حتى ادحك عليها
علي؛؛ شووووفي انتي طوختيها ترى
ابو علي؛؛ احجي عدل مع عمتك
علي؛؛ كااافي عاد شنو انتووووو مرتي طلكتها ب سببكم واتزوجت سلوى وكلت ابويا مريض ميخالف بس هسا مال تجين تجبريني اتمم زواجي منها هذا الشي تحلمين بي
عمة علي؛؛ عجل انت مو رجال
علي؛؛ رجال غصب عنج احترمي نفسج
عمه علي؛؛ شفت قصي شفت تربيه مرتك ابنك ماكن تمم هذا الزواج
علي؛؛لاعيني امي احسن منج وتربيتها تسواج على اقل امي ماتدخل بهذا وهذا ويلاد اخوتها يموتون عليها
ابو علي؛: ولك علي تضحك على ابوك اتكول اخذتها واتجذب
ابو عبدالله ؛؛ علي ابني اذا مريض انت جانت رحت اتعالجت
علي؛؛ دحك هذا الثاني اش كاعد يحجي لازم انت ماتشوف اذا مريض منين جوي ويلادي من الحايط
عمه علي؛: الله اعلم هذيجه مو راحت لتركيا ورجعت حامل وكلشي توقع
من كالت هيجي احس نار شبت بيا
علي؛: دحكي سدره اشرف منج ومن بنت اخوج هاي الي كاعده اتسوي مشاكل وادور ..... حجيتها بالقلم العريض
عمي اتعصب رفع ايدو دا يضربني مسكت ايدو
علي؛؛ ماسمحلك اتمد ايدك عليه افتهمت واخذ بنتك وفارجني بريحه طيب
ابو علي؛؛ اذا سلوى طلعت من هذا البيت امك طالك ياعلي
علي؛؛ اااامي شنوووو دخلها بالموضووووع كااافي ترى خليتها بلا ملح ماتموت واتخلصنا
ابو علي؛؛ ولك كووواد تحجي معايا هيجي
ام علي؛؛ علللي روح كاافي ماقبل تحجي مع ابوك هيجي
عمة علي؛؛ امداج ياماريه ابنج مو رجال وروح شوف حسين وماري منو ابوهم
علي؛: انعل ابوكم ولابو الي بلاني بيكم اني مو رجال وحسين وماريه مو ويلادي
وانكلب البيت بالصيح واستفزوني بكلمة انت مو رجال
لو طلكت سلوى بهذيجه اللحظه لو راح ينطبق التهمه على سدره ورجولتي تنمس وكلشي عند الرجل ولا الرجوله هي بعد ضل بيها قسم ضل بيها وعد هي سدره بعد ضاكت الجرح
سحبت سلوى من ايدها
علي؛؛ مو رجال مو هسا اعلمج ياضحى (عمتي)شلون اني مو رجال
سحبتها واخذتها فوك وامي وكفت مقابيلي
ام علي؛؛ لاياامي لاتسويها
علي؛! يمه بالج من طريقي وصلت حدها
ام علي ؛؛ اتعوذ من ابليس ياابني لاتخونها
علي!؛ ماضلت بعد بيها مجال
مسكتها وصعدت فوك وامي وكعت تبجي دخلتها الغرفه وكمت اضرب بيها شبعتها كتل
علي؛؛ ولج اني شنو كتلج شنوووو
سلوى؛: لان ملللليت
علي؛؛ والله انعل ابوج لابو الي جابج عليه
سحبت عبايتها وشكيتها ودفعتها على التخت
سلوى؛؛ علي الله يخليك خايفه
ركعتها براشدي طبعتو مكانو
علي؛: خاأااايفه مووو
وصرت فوكها ووووو ..... كمت اتعدلت سحبت الجرجف لي جوها
علي؛؛ ماريد اشوف خلقتج الزفره كدامي بعد تف عليج وعلى غيرتج وعلى ابوج الك...
بصقت عليها وطلعت نزلت جوى رميت الجرجف بوجه عمتي
علي؛: رجال غصب عنج افتهمتي
ابو علي؛؛ ولك علي
علي؛؛ الله لو يشيلك لو يشيل علي
طلعت من البيت وركبت سيارتي ماعرف وين اروح افتر مثل المخبل بالشوارع الموصل خابرتني امي ماجاوبتها
رجعت عبير ادك جاوبت
عبير؛؛ الو علي وينك
علي؛: خير
عبير؛؛ هاي اش كن سويت بمرتك صار عندها نزيف واخذنها على المستشفى
علي؛: لاتتصلين بعد عود اتصلي من اتموت
عبير؛: تعال لازم تجي
علي؛؛ لااريد اشوف خلقتها ولااريد اشوف واحد بيكم
وسديت الموبايل بوجها ....يتبع
ليتني_واجهتك_ج٢
الكاتبه ؛: مريم الطائي
سدره اتكول
#مال ارجعلك وادك #بابك ذليل
لا وحق #الضاع من عمري #بهواك
لو #عمت عيني #وضوه العالم بديك
لا تضن #عيوني تتوسل #ضواك
#طاري حبك #والصور والذكريات
من رحت #ذبيتهن كلهن #وراك
#وشما طولت هم تنتهي #وباجر الشده اجتازها.
ما اريد #رحمه من البشر .. بس رحمة #الله اعتازها.
علي يكول
لا تشكي بعد لتگول مجروح
ماضل بعد واحد يواسيك
واصبر على جرح واتحمل النوح
لان غير الصبر محد يداويك
لا هذا زمن كلشي يراويك
لتخل الدمع بلعين مفضوح
ولا تبجي بعد اذا وكتك ياذيك
علي
رجعت لبيت بوقت جان متاخر دخلت بدون حتى ماسلم
فتت لغرفه ولحكتني عبير
عبير؛: علاوي
علي؛: ها
عبير!؛ شلونك
علي؛:تمام
عبير؛: اخويا احمد ربك يمكن بيها صالح الك
علي؛؛ واني اش كايل قابل كن كفرت استغفر الله حامد ربي
عبير...اني اسفه اخويا والله حاولت اساعدك وكذبت عليهم وكلت هي مو بنت حتى اطلعك من المشكله
علي... ماحاجه لاعتذار الرجال من احد يمسه برجليته يهد الدنيا
عبير؛؛ مرتك
علي؛: بس لاتكولين نعاااالي لان من اتكولين مرتك تجي كدامي
عبير؛: سدره مو
علي؛: اكو غيرها
عبير؛؛ ضلمنها حيييل اذينها وهي مالها دخل بكل الي صار بس الله يهدي ابويا على سوى
علي؛: طلعيلي ملابس وسويلي جاي
عبير؛: اي تدلل ماتريد عشه
علي؛؛ ماجوعان بس راسي يوجعني
عبير؛؛ علي ماتشوف سلوى
علي؛طبها مرض عليش اشوفها
عبير؛: ترى حييل وضعها جان مو زين ولو مانشوف الدكتوره الهويه وهي صديقتي جانت اتصير حاله اغتصاب
علي؛؛ اي هي اتموت على الاغتصاب الله يخليج عبوره كملي شغلج وروحي مابيا حييل اسمع هاي بيها سبع ارواح كلشي مايصير بيها
عبير؛؛ ي تدلل
راحت عبير واني كملت جكارتي ودخلت لحمام سبحت وطلعت وراسي يريد ينفجر من الوجع الي صاير بي امي كاعده على القنفه كعدت بالكاع وخليت راسي بحضنها
وكامت تفرك راسي
ام علي؛؛ ليش هيجي سويت علي
علي؛؛ يوم الخاطر الله ماريد اسمع احد
ام علي؛: ماراح احجي شي بس عمرك لاتفكر اطلكها لان راح تكسرها مثل ماكسرت سدره
عبير؛: هاك علاوي الجاي
علي؛؛ عشتي ..
جا محمد نزل من فوك هووميس سلمو وكعدو جانو طالعين وماشفناهم هليوم
محمد؛؛ شبيكم مو على بعضكم هليوم الكل وجها مكلوب
عبير؛: ماكو شي
ميس؛؛ علي شبيها عيونك حمر
علي؛؛ راسي يوجعني
ميس؛؛ ست الحسن ماكو
عبير؛؛ انتو جنتو تعرفون بعلي وسلوى
محمد؛: على شنو
علي؛: اي جانو يعرفون
محمد؛؛ اش صاير يمعودين احد يحجي
علي؛؛ اتزوجتها
محمد؛؛ شنوو وليش هيجي سويت
علي؛؛ تصبحون على خير
محمد؛: تعاااا ل احجي معاك شنو اتزوجتها شهل الحجي مالك شنو بنات الناس لعبه عندك يوميا تكسر وحده واتعوفها واتخلف واتعوفهم بركبة امهم
عبير؛؛ محمد على كيفك
محمد؛؛ اسمعي انتي شنو هذا الحجي
ام علي؛؛ حمودي مو صوجو
محمد؛؛ شنو مو صوجو شنو
عبير؛؛ سلوى سوت فضيحه وجت عمتك وعمك هينا و
محمد؛؛ و شنو كملي
عبير؛؛ تهمو علي وتهمو سدره مو شريفه وحسين وماريه مو ويلاد علي وبعدها علي اتعصب وصار الي صار
محمد؛؛ اكصلكم ايدي اذا ابوها ابن حلال
ميس؛؛ هاي اشكد ماتستحي على نفسها اشكد عيب صدك الي استحو ماتو
عبير؛؛ابويا حلف على امي بل طلاك اذا سلوى اطلكت
محمد؛؛ ابويا حييل زودها ماشلون من جان ماعيب يحلف على امي بل طلاك بعد هذا العمر
علي!؛ ابوك كن اخرف
محمد؛؛ انتي ماتحجين كلمه يمه عليش ساكته
ام علي؛: اذا حجيت او لا مايقدم ولاياخر بس اذا فكر علي وهاي كدامكم يطلك بنت عمو اني اول الناس اكف بوجهو مو لان ابوكم حلف عليه لاوالله بس سلوى صارت بركبتو هسا ومرتو يكفي سدره كسرنها وخلينها بركبتنا هلمره سلوى والناس خوش تحجي علينا
محمد؛؛ والله مادري مادري شنو اكولكم احس لؤي من راح راح كل الخير وكل الفرح معا
ميس؛: هي مو جانت رايده علي حصلتو وينها هسا
عبير؛؛ امها اخذتها
علي؛؛ اني كتلها اذا احد عرف بهذا الموضوع اعيشج عيشه اخليج تمنين الموت الف مره واني بعد ماطلكها الي اخليها تندم على اليوم الي اجت بي
محمد؛: ارضى بقسمتك ونصيبك ابو حسين
علي!؛ من انعل ابو هيجي قسمه ونصيب اي والله
عبير؛: ول يااخويا انت اشجالك والله ماتذكر فديوم قبل موت لؤي الله يرحمو اتمد ايدك علينا واصلا انت تخبل من واحد يضرب حرمه (مره)
علي؛؛ هيا سلوى هم مره نتحسب على كلن اني اريد انام هسا باجر الصبح تنجب ترجع لبيت ولو اموتها ب يدي هم مالكم دخل بينا
محمد؛: الله يريح بالك
علي؛؛ تصبحون على خير
الكل؛؛ وانت من اهلو
رحت نمت وصار ثاني يوم جنت تعبان حييل لهذا ماكدرت اروح لقناة كعدت سالتهم سلوى رجعت كالو بغرفتها طلعت فوك عليها فتحت الباب ودخلت
سلوى؛؛ علي
علي؛؛ لا عزرائيل جاي ياخذج روحج
اتقربت عليها سحبتها من شعرها
علي؛: سويتي الي براسج
سلوى؛: الله يخليك تعبانه
علي؛؛ ليش جااااوبني ليششش هيجي سويتيييي شلون وصلتي الحجي لعمتي
سلوى؛؛ والله احجيلك بس شعري اتكطع
علي؛؛ ااااحجي ليش هيجي سويتي
سلوى؛؛ انت اذيتني بالضرب وعمتي جانت عدنا وكالتلي ليش ماتحبلين بلكي علي يصير زين معاج واني كتلها علي مايريد اطفال هسا يكول عندي بس هيا دحكت على وجهي وعرفتني مادا احجي الصحيح ولحت عليه وحجيتلها وهيا راحت حجت لابويا والله مالي دخل
علي؛؛ مالج دخل اتجذبين فوكها سلوى اني شنو حذرتج مو كتلج ماتحجين جااااوبني مو كتلج
سلوى؛؛ والله هي والله مو اني انت تعرف عمتك شلونها
علي؛: واني هم اعرفج انتي شلونج
احجي معاها واضربها راشديات وتبجي وتتوسل
علي؛؛ ماتوقعتج هلكد صلفه الي هاي الدرجه تصل بيج ولج ماستحيتي ماستحيتي وابوج وعمج وعمتج يحجون بيج وين راح الحياء لا فوكها ابوج الكواد يكولي اذا مريض اتعالج
سلوى؛: سامحني عفيه
علي؛؛ الله لايسامحج ....!!
بعد مرور سنتين ونص
سدره
هليوم اني سدره الدكتوره القوية هليوم اني غير عن البارحه صرت قوية ب فضل
الطبيب النفسي الي جنتو اراجعو وقبل كلشي بفضل الله سبحانه وتعالى
صرت قوية وكدرت اعتمد على نفسي مر ثلاث سنوات تقريبا من اخر مره شفت بيها علي ب بيت عمتي واني ماشايفه علي غير بالتلفزيون فقط
حتى من جنت اروح لقاربي اتصل بيهم حتى بس لاالتقي ب علي اخاف هو عندهم او شي اجذب اذا اكولكم نسيتو لاوالله مستحيل ماكدرت
بس اتعودت على الجرح
و كل ماتنزل دموعي على اكول مايستاهل نساني نسى حبي نسى حناني نسى سدره
شنو اوصفلكم هاي السنتين الي عشتها اني ومختار جنه انسافر ونطلع ونجي سافرنا جثير لخارج العراق بس جان الشي الوحيد الي يضوجني كل مادز خبر مع ميس اخذ ويلادي ماجان يقبل علي جنه كل عطله اني ومختار انقرر وين انسافر
راتبي اصرفو على الذهب والملابس وعلى ويلادي اريد انسى جرحي ومن اضوج اطلع كل قهر بل ملابس كدرت اعيش لنفسي ولويلادي مثل ماكالي بابا عيشي لنفسج ويلادج بس اخخخ ضل علي حسره بكلبي
جانت عندي خفاره بالمستشفى وخلصت الساعه سبعه الصبح حييل تعبانه
ركبت بالسياره ورحت لبيت وصلت البيت اكيد كلهم كاعدين هسا وكت دوام دكيت هورن مختار طلع
فتحلي الباب ودخلت نزلت من السياره
اتصافحت معا
سدره؛ ها حبيبي الحلو شلونك
مختار؛: الحمدالله عيني دحكي على عيونج
سدره؛: اسكت وخليها ميته تعب بس اريد اكمل حتى استقر على شغله
مختار؛: يالا اتهون
سدره؛: ان شاء الله طالع لدوام
مختار؛؛ اي والله يالا محتاجه شي
سدره؛؛ سلامتك كبدي
دزيتلو بوسه بالهوى ومسكها ودخلت جوى
لكيت ماما اتبدل لماريه حتى اتروح لروضه شافتني وركضت عليه
ماري؛: مااما جيتي
سدره؛؛ يعمر ماما شلونج
ماري؛: زينه مشتاقتلج
سدره؛ كلبي اني الاكثر وين بوساتي
ماري؛: اممواح احبج مامي
بوستها وسلمت على الكل راحت ماري اتريكت وغسلت واتريكت معاهم جا باص الروضه واخذها اتحب دائما اني اركبها بالباص وابوسها واودعها
رجعت جوى طلعت لغرفتي سبحت وجيت اتمددت بوست حسوني لكيتو بعدو نايم فدوه لعمر ابني اشكد حلو خليتو بحضني ونمت
الحمدالله مختار كدر يسوي عمليات ورجعت ايدينو انفتحت عندي خالي ساكن بدبي وكدرنا انسفرو لدبي ونجحت العمليات الحمدالله وقدم على شركه وكدر يتوظف بيها
كعدت على بوسات ويلادي
ماري؛؛ ماما يالا كومي حيااتي
سدره؛: ماري عوفيني انام تعبانه
حسين؛؛مو لح الوح على بابا
ماري؛: كول اروح مو الوح
حسين؛: مامي مالي اتعيبني (عود اتعيب عليه ههه)
ماري؛؛ ههه اتعيبني
حسين ؛؛ مااااما
سدره؛؛ ولي ماري كاافي على اساس انتي ماجنتي تحجين هيجي
ماري؛؛ نو ماجنت احجي هيجي
سدره؛؛ ههههه اسكتي لاكوملج
ماري؛؛ ههه ديلا ماما عفيه كومي
سدره؛؛ اي امي كمت
كمت وسحبتهم اثينهم على التخت وادغدغ بيهم
حسوني؛؛ مامي متت هههه
ماري؛؛ ههههه ماما بعد ماتحمل كلبي راح هههه
سدره؛؛ ماتخلونا ماما اتنام ماتخلونها هاااليش
ماري؛: ههههه توبه
سدره؛؛ هههه الله يحفظكم ياروحي
اخذتهم بحضني وبوستهم وكمت حضرت ملابسهم وبدلتلهم هليوم خميس وميس تجي تاخذهم
سدره؛؛ ماري ماما انتي وحسوني ماتذوبون كلب بابا ويوم
ماري؛: هم راح اروح واشوف سلوى
سدره؛؛عيب ماما كولي خاله
ماري؛؛ ماما ماحبها هي ماتحبنا
سدره؛:ماري كلت عيب
دنكت براسها وكالت اوكي ماما ماري تعبتني ب تربيتها اكثر من حسين وكحه ومثل علي طبعها عنوديه عكس حسين حباب وهادى واني ماحب اضرب طفل ابد اصلا الضرب مو سلوب التعليم بس جنت ازعل منها وهي من اتشوفني ازعل تجي اتبوس بيا
سمعت ميس ادك هورن طلعتهم ونزلت ميس بوستني وبوست الويلاد واخذتهم
دخلت جوى اتغديت وغسلت المواعين وكعدت على النت اشويه اسوي بحوثات واحب اقرأ جثير واسحب معلومات حييل اضوج من يروحون ويلادي بس شنو اسوي هم ابوهم وبيت جدهم الهم حق ....!
علي
هليوم نحنا ب 2014مرثلاث سنوات تقريبا واني ماشايف سدره ولاحتى صدفه جمعتنا
مانسيتها ومستحيل انساها يوم من الايام
كل اغنيه وكل مكان وكلشي حتى هوى الله يذكرني بيها
بعد ماخذت سلوى ضليت سنه كامله ماتقربلها
وبعد اصرار منها وهي ضلت تحاول رجعت اتقربتلها مره ثانيه ماحبيتها ولاكدرت احبها
من جنت اتقربلها ولاعبالك هي مرتي وحلالي
عبالك جاي اسوي شي حرام
جنت اختنك واضوج وكم مرة بمرة اهلوس باسم سدره
جنت كل مااكوم منها تجي سدره كدامي تبجي وهي تكول خنتني يا علي......
سلوى سودت عيشتي وماشفت يوم راحه معاها ماعرفت شلون تكسبني ولاتصرفت تصرف خلتني احبها ويمكن هم السبب مني اني ماكدرت انسى سدره رغم عشت مع سلوى علاقه كامله
بس ماحسيت بيها ولاشي يشبه سدره ولابيها حنان ولاحب
هليوم جيت ويلادي عندي يوم الخميس احلى يوم بلاسبوع
جنت توني راجع من الدوام بالغرفه الجوى ابدل سمعت صوت ماري يلعلع ام لسان عكس حسين الفقير طلعت لكيتهم كاعدين على القنفه يم امي وابويا
علي؛؛ ول هلا والف هلا ب ابو علاوي
حسين؛؛ هلا ابو حتوني
ادحك على ماري بطرف عيني اتقلد على حسين بحلكها ههه ركض حسوني عليه يبوس بيا ماري ضلت كاعده بمكانها دارت وجها بصفحه وكتفت ب يديها ذكرتني ب سدره من جانت صغيره هم اتسوي هاي الحركه
نزلت حسوني ورحت عليها عضيتها من خدها
ماري؛؛ ههههه باااابا اخ
علي؛: كلبه ماتجين على ابوج
ماري؛ اي عيني اذا انت بس كدامك ابو علاوي واني ماتسلم عليه عليش اسلم عليك
علي؛؛ هههه ولج حقيره اني ابوج
ماري؛؛ والله ابويا يحب اخويا اكثر مني
علي؛:؛يابا دكتوره ماري اسفين ونعتذر انتي الكل بل الكل
ماري؛:اوكي قبلت اعتذرك بوسني على هذا الخد وهذا هم
مسكتها وكمت ابوس بيها وادغدغها وتضحك حضنتي وباستني
ماري؛: بابا احبك كومه
علي؛يعمر بابا انتي واني هم اموت عليج وعلى اخوج هليوم وين حابين اطلعكم
ماري؛؛ انريد انضل يم يوم وجدو
علي؛؛ بكيفج باباتي
نزلت سلوى من فوك ماري اتموت منها رغم ماتفتهم شنو مرت الاب بس ماتحبها
سلوى؛ماتسلمين لو اكو بحلكج عضم
ماري؛: والله مامي علمتني اذا ادخل بمكان اسلم واني دخلت وسلمت وانتي ماكو يعني من تجين انتي اتسلمين
سلوى؛: يمه يمه شلون لسان بنت سدره بعد
علي؛؛ سلللوووى كاافي
ماري؛؛ شبيها امي مثقفه ودكتوره وحلوه
علي؛: كاافي ماري بابا شلونها امج
سلوى؛: وانت شكو تسال على امها لازم حنيت
علي؛: جان سويتي فضل لو ماكن نزلتي
ام علي؛؛ كااافي انتو شبيكم بس تناكرون
علي؛؛ هو اني حاجي معاها من حالها اتنط
ام علي؛؛ ميخالف ابني هي هم مرتك وحقها اتغار مالو داعي تسال على سدره كدامها
علي؛؛ لا دشوف اسال وخلي شنو يطلع ب يدها لاتقصر
ابو علي؛؛ عللي كاافي
علي؛؛ امشو بابا معايا لغرفه
اخذتهم ودخلت لغرفه
علي؛؛اي باباتي شلونها امج
ماري؛: بابا ماما هذاك اليوم جانت ادحك على التلفزيون وتبجي
علي؛: ليش باباتي شنو جان طالع
ماري؛؛:يعني منو جان طالع غير حبيبي الحلو
اخخ سدره مانسيتني وبعدج مثل مانتي يعني معقوله كل هذا الشي الي سويتو بيج وماكرهتيني
قهرتني ماري بكلامها على سدره حييل ...
كضيت يوم حلو مع ويلادي وصار ثاني يوم الجمعه جمعت خواتي كعدت الصبح لكيت الكل يتريك الى سلوى ماتكعد من وكت صارنا ثلاث سنوات متزوجين وطلع شعر على لساني واني اكولها اكعدي من وكت
سلمت عليهم وكعدت معاهم
رغيد؛؛:اكول يابا اشو مرتك ماتنزل من فوك
ميس؛: مايصير عيني تنزل اذا ماطبق الساعه 11
علي؛؛ صفا عموو روح دك الباب عليها وكولها عمي يصيحج خلي هسا تنزل
صفا؛: اي عمو صار
طلع يركض صفا يصيحها واشويه ونزلت سلمت وكعدت
هدير؛: عيني اخاف هاي يوميا هيجي وامي تشتغل وحدها
سلوى؛؛ ليش اخليها تشتغل وحدها اني شايله كل الشغل
ميس؛: وعمتي كاعده تاكل حب شمس وادحك على علي شلون يقدم برنامج دا اسكتي اسكتي شايله كل شغل البيت
سلوى؛؛ انتي محد اخذ رايج
عبير؛؛ ميس فوك الكل وماقبل احد يتجاوز عليها
سلوى ميس مو بعمرج افتهمتي محمد من خطب ميس علي جان بل رابع وهسا علي ويلادو بطولو لهذا شنو من تحجي نحترمها وكلامها على راس الي يرضى والي مايرضى
ابو علي؛: كاافي بابا عبير من الصبح مشاكل
عبير؛: اي يابا صار بس اهل قبل كالو ماتعرف خيري لمن اتجرب غيري الله يرحم ايامج ياسدره
نحنا نعرف اش دا يصير ورانا عيب صارلج ثلاث سنوات متزوجه وماعرفتي تكسبين رجلج وعمتج امي مره جبيره وموت اخويا هد حييلها وانتي ملتهيه بالنوم شنو نكول نحنا الموظفات وبيت ورجال واطفال وخفاره
ابو علي؛؛ اني شكلت مو كلت كاافي
عبير؛؛ والله يابا الشي الي صار ابد ماينسكت عليها جان بس انت جنت مريض وجنه مانكدر انكولك شي تخربط انت حييل ضلمت سدره
سلوى؛؛ هسا كلشي وكلتي هذيجه
عبير؛:لان تسواج
سلوى؛؛ اكولج اشو انتي تجاوزني عليه صار ساعه واني ساكتلج احترمي نفسج
علي؛؛ سلوى انلصمي
عبير؛؛ بله دقيقه خليها اني احترم نفسي عيني هذا بيت ابويه وشنو من احجي بكيفي واني محترمه نفسي ودا احجي كلمة الحق صح فات الاوان بس الي صار اكبر غلط من بديناج على سدره نسيتي روحج ونسيتي فضايحج
محمد؛: يمعودين كااافي شبيكم شبيج عبير كلبج محمل من الصبح
عبير؛: اني كلبي صار محمل ثلاث سنوات عليها وانكول ميخالف تعلم اتصير زينه اتصير احسن بس مادا يفيد كل مره انكول بيها ابويا مريض مانكدر نحجي كلمه وينقهر بس هسا ابويا رجع يمشي الحمدالله وضعو صار زين والله سدره اذا ماتسامحنا الي كلنا نحترك بجهنم بسببها
ميس: سدره كلبها طيب اتسامح بس ضل الحرج ماتنسى هي جانت اتموت على علي نسيتو شلون امها جانت اتريد اتموت وماراحت عليها وكالت لعمر اني ماعندي اهل
عبير؛: اي والله صحيح بس نحنا جنه بهذيجه الفتره الجرح حار وجنه انطلع كل قهرنا بيها والله خطيه جانت تحبنا وتموت علينا ومن نجي تشيلنا بالصلوات
ابو علي؛: اتسامح او لا مايهمني اتضل اخت الي قتل اخوكم وحرمني منو وهسا الحمدالله اخوكم متزوج وعايش حياتو والله يرزقو الولد الصالح ان شاءالله
علي؛: اللهم لا امين ماريد عندي ويلاد الغاليه يسون ماي العين
سلوى طنكرت وكامت راحت لمطبخ
ابو علي؛: اشو انت ماتحترم مرتك وتذكر ام ويلادك كدامها
علي؛:على اساس هي ماتعرف اني بعدني احبها غشيمه
ابو علي؛: والله انت مايفيد معاك
علي؛: ابد بكلشي كدرت تتحكم بيا بس ماتكدر اطلعها من كلبي
ماجنت اريد اطفال من سلوى اول شي ماحبها وحياتنا كلها مشاكل ومن اجيها لو مره بل شهر لو ماروح اصلا لو هي تجي وتلزك
هم يجي طفل ويصير بي مرض نفسي من المشاكل
وماكو اي استقرار بحياتنا وعلاقتنا واكفه على شعره كم مرة بمرة اتصير مشكله واكتلها وادزها لهلها ويروح ابويا يرجعها لو عمي يكولها ماعندي بنت تزعل
كم مرة بمرة اكولهم ماريدها وتصل لطلاك وابويا يحلف على امي اذا طلكتها امي تطلك وبعد هذا العمر يكولون ام حمودي اطلكت بسبب ابنها علي ....!!
سدره
هليوم جمعه اني دائما الخميس باليل اكمل كل شغلي حتى شطف وكنس وكلشي اسوي ونحنا كل جمعه انسوي دولمه لهذا من الليل اكعد الف الدولمه واشيلها بالثلاجه حتى الجمعه اكعد متاخره
يروح عمر ياخذ جدريه و يجيب باجه ونجمع كلنا نحنا وبيت اسماء وبيت عمر على سفره وحده بين مايرجعون الزلم من الجامع نحنا امحضرين كلشي ودا انصب بل غده
جانت ايام حلوه وماتنسى باباوماما وعمر ومرتو اسراء ويلادو فرح وفاروق واسماء واحمد ويلادها واني ومختار وسماء وطارق
نلتم كلنا ونتكاون اني ومختار على المخ مال باجه واخر شي عمر ياخذ الروس يكسرها ويطعمنا كل واحد اشويه اشويه
من انخلص الاكل الكل اتنظف ونغسل مواعين ونكعد انحضر الفواكه والحلويات والجاي وتبدي السوالف والضحك والدومينه والورقه وكل يحجي نكته لو يسوي حركه نضحك
يضلون هذاكم اليوم يباتون والسبت يطلعون من الصبح يرجعون
خابرتني اماني وكالت راح نجي عندكم واني هليت بيهم واتحضرت جان يوم السبت العصر
اندك الباب طلعت عليهم بوست اماني ولولا يمه اشكد حلو حبيبي وسلمت على صهيب ودخلو جوى اضحك على اماني شلون تمشي هي وبطنها عبالك بطه
سدره؛؛ ولج شنو هاي صايره
اماني؛؛ غير هاي سدره يمته تجي ياربي تعبتني حييل
سدره؛:.بس لاحضها يصير مثل حض خالتها يمعود امونه لاتسمين على اسمي
اماني؛؛ لا والله واذا الله رزقني ب بنت ثانيه اسميها جنات حتى اذا جا يوم وجنات اتشافت ان شاء الله تعرف نحنا مانسينها
سدره؛؛ يعمري اشكد حنونه
كعدنا سوالف وضحك ماما وبابا كعدو معانا اشويه وبعدين كامو شال صهيب كيس وخلى بحضني
سدره؛:. شنو هذا
صهيب؛؛ هذا ذهبج جنت شايلو وصار لازم يرجع لجه
سدره؛؛ لا ماقبل صهيب هذا اني بعتو لكه
صهيب؛؛ وهذا هديه مني الج
سدره؛؛ اني ماقبل هاي الهديه اعذرني
رجعتو وخليتو بحضنو ورفض
صهيب؛؛ اذا ماخذتي تخرب بيني وبينج
سدره!؛ يرجع حقك وحقي
صهيب؛؛ لا ماقبل
سدره؛؛ غير هذا الحجي ماعندي اني
لحيت علي سكت اشويه وبعدها وافقو اخذت الذهب وجان عندي فلوس انطيتو المبلغ كامل اشويه وراحو
يوم الاحد بدلت لماري وريكتها واخذها باص الروضه وراحت
واني هم طلعت لدوامي دخلت لمستشفى جنت مقيمه بيها دائما يكعدون طبيب ومقيم بالعياده المستشفى
الطبيب يطلع قبل المقيم والمقيم يضل لان دوام المقيم اطول من دوام الطبيب
الطبيب سلم وطلع وجان عندي مراجع كاعده اسالو كتبتلو على علاج وانطيتو واتشكر وطلع
مدنكه على الموبايل مالي جاني صوتو اي والله هو صوتو مانسيتو ابد مانسيت صوتو مستحيل
علي؛: شلونج دكتوره
ضليت مدنكه والدمعه احسها صارت بعيوني سحبت نفس عميق ورفعت راسي جاوبتو وكانما مو علي الي كدامي بس عيوني اتجذب حبيبي كبران والشيب طاك براسو تعبان
سدره؛؛ تمام شنو عندك
علي؛؛ الي كدامج علي سدره
سدره؛؛ اي واذا هلا بيك
علي
اليل كلو مانمت فدمره اتخربطت وصفحتي اتوجعني واذب من راسي محمد راد ياخذني لمستشفى ماقبلت
بس بالصبح زاد الوجع
رحت على المستشفى الصراحه ماجنت اعرف وين ادوام السدره باي قسم لان هيا عملها كل كم شهر يحولها على قسم الي حد ماتكمل تخصص
سالت السكرتير
علي؛؛ بلازحمه ياطبيب كاعد
السكرتير؛؛ كاعده دكتوره
علي؛؛ شنو اسمها
السكرتير؛؛ دكتوره سدره
من كالي دكتوره سدره كلبي رجف
علي؛؛ سدره محمد علي
السكرتير؛؛اي نعم
بس ردت يصل ليمي السره حتى اشوفها بعد سنتين ونص راح اشوف سدره من صار وكتي ودخلت عليها صدمتني رده فعلها بس عيونها تحجي غير
سدره
من كلبي كومه عتاب من شفتو فتحلي كل جروحي بس ماراح اذل روحي من جديد كاافي مذله اتعاملت معا هو مريض واني دكتوره
سدره؛؛ اتفضل اكعد
علي؛: شخبارج
سدره:؛ زينه الحمدالله وحييل من شنو تشتكي
علي؛؛؛ من شنو اشتكي؟؟ مادري
دحكت على
سدره؛؛ عجل عليش جاي
علي؛؛ من شفت عيونج نسيت الوجع
سدره؛؛ علي
علي؛: عيوني
يحجي معايا بطريقه يخليني اشكد اني مغروره واكابر يخربط بيها كياني واحاول اسيطر على روحي
سدره؛؛ كولي شنو يوجعك اريد اخلص شغلي
علي؛: صفحتي دا اتوجعني ودايخ ودا اذب من راسي يمكن حامل
سدره؛؛ هههههه
من كالي يمكن حامل ماتحملت كمت اضحك
سدره؛؛ ههههه ممكن اتصير لان انت متزوجلك رجال
علي؛؛ هههه خلف الله عليج يعني اني مره
سدره؛؛ لا بس مرتك الرجال كوم اتمدد على السديه
كام اتمددد على ال
