رواية ليتني واجهتك الجزء الثاني الفصل الثاني عشر
علي يكول
لا تشكي بعد لتگول مجروح
ماضل بعد واحد يواسيك
واصبر على جرح واتحمل النوح
لان غير الصبر محد يداويك
لا هذا زمن كلشي يراويك
لتخل الدمع بلعين مفضوح
ولا تبجي بعد اذا وكتك ياذيك
عبير؛: اخويا احمد ربك يمكن بيها صالح الك
علي؛؛ واني اش كايل قابل كن كفرت استغفر الله حامد ربي
عبير...اني اسفه اخويا والله حاولت اساعدك وكذبت عليهم وكلت هي مو بنت حتى اطلعك من المشكله
علي... ماحاجه لاعتذار الرجال من احد يمسه برجليته يهد الدنيا
عبير؛؛ مرتك
علي؛: بس لاتكولين نعاااالي لان من اتكولين مرتك تجي كدامي
2 ت
عبير؛: سدره مو
علي؛: اكو غيرها
راحت عبير واني كملت جكارتي ودخلت لحمام سبحت وطلعت وراسي يريد ينفجر من الوجع الي صاير بي امي كاعده على القنفه كعدت بالكاع وخليت راسي بحضنها
وكامت تفرك راسي
ام علي؛؛ ليش هيجي سويت علي
علي؛؛ يوم الخاطر الله ماريد اسمع احد
ام علي؛: ماراح احجي شي بس عمرك لاتفكر اطلكها لان راح تكسرها مثل ماكسرت سدره
1 ت
عبير؛: هاك علاوي الجاي
علي؛؛ عشتي ..
جا محمد نزل من فوك هووميس سلمو وكعدو جانو طالعين وماشفناهم هليوم
محمد؛؛ شبيكم مو على بعضكم هليوم الكل وجها مكلوب
عبير؛: ماكو شي
ميس؛؛ علي شبيها عيونك حمر
عبير؛؛ تهمو علي وتهمو سدره مو شريفه وحسين وماريه مو ويلاد علي وبعدها علي اتعصب وصار الي صار
2 تع
محمد؛؛ اكصلكم ايدي اذا ابوها ابن حلال
ميس؛؛ هاي اشكد ماتستحي على نفسها اشكد عيب صدك الي استحو ماتو
عبير؛؛ابويا حلف على امي بل طلاك اذا سلوى اطلكت
محمد؛؛ ابويا حييل زودها ماشلون من جان ماعيب يحلف على امي بل طلاك بعد هذا العمر
علي!؛ ابوك كن اخرف
محمد؛؛ انتي ماتحجين كلمه يمه عليش ساكته
ام علي؛: اذا حجيت او لا مايقدم ولاياخر بس اذا فكر علي وهاي كدامكم يطلك بنت عمو اني اول الناس اكف بوجهو مو لان ابوكم حلف عليه لاوالله بس سلوى صارت بركبتو هسا ومرتو يكفي سدره كسرنها وخلينها بركبتنا هلمره سلوى والناس خوش تحجي علينا
محمد؛: ارضى بقسمتك ونصيبك ابو حسين
علي!؛ من انعل ابو هيجي قسمه ونصيب اي والله
عبير؛: ول يااخويا انت اشجالك والله ماتذكر فديوم قبل موت لؤي الله يرحمو اتمد ايدك علينا واصلا انت تخبل من واحد يضرب حرمه (مره)
علي؛؛ هيا سلوى هم مره نتحسب على كلن اني اريد انام هسا باجر الصبح تنجب ترجع لبيت ولو اموتها ب يدي هم مالكم دخل بينا
محمد؛: الله يريح بالك
علي؛؛ تصبحون على خير
الكل؛؛ وانت من اهلو
رحت نمت وصار ثاني يوم جنت تعبان حييل لهذا ماكدرت اروح لقناة كعدت سالتهم سلوى رجعت كالو بغرفتها طلعت فوك عليها فتحت الباب ودخلت
سلوى؛؛ انت اذيتني بالضرب وعمتي جانت عدنا وكالتلي ليش ماتحبلين بلكي علي يصير زين معاج واني كتلها علي مايريد اطفال هسا يكول عندي بس هيا دحكت على وجهي وعرفتني مادا احجي الصحيح ولحت عليه وحجيتلها وهيا راحت حجت لابويا والله مالي دخل
علي؛؛ مالج دخل اتجذبين فوكها سلوى اني شنو حذرتج مو كتلج ماتحجين جااااوبني مو كتلج
2 ت
سلوى؛؛ والله هي والله مو اني انت تعرف عمتك شلونها
علي؛: واني هم اعرفج انتي شلونج
احجي معاها واضربها راشديات وتبجي وتتوسل
علي؛؛ ماتوقعتج هلكد صلفه الي هاي الدرجه تصل بيج ولج ماستحيتي ماستحيتي وابوج وعمج وعمتج يحجون بيج وين راح الحياء لا فوكها ابوج الكواد يكولي اذا مريض اتعالج
الطبيب النفسي الي جنتو اراجعو وقبل كلشي بفضل الله سبحانه وتعالى
صرت قوية وكدرت اعتمد على نفسي مر ثلاث سنوات تقريبا من اخر مره شفت بيها علي ب بيت عمتي واني ماشايفه علي غير بالتلفزيون فقط
حتى من جنت اروح لقاربي اتصل بيهم حتى بس لاالتقي ب علي اخاف هو عندهم او شي اجذب اذا اكولكم نسيتو لاوالله مستحيل ماكدرت
بس اتعودت على الجرح
و كل ماتنزل دموعي على اكول مايستاهل نساني نسى حبي نسى حناني نسى سدره
شنو اوصفلكم هاي السنتين الي عشتها اني ومختار جنه انسافر ونطلع ونجي سافرنا جثير لخارج العراق بس جان الشي الوحيد الي يضوجني كل مادز خبر مع ميس اخذ ويلادي ماجان يقبل علي جنه كل عطله اني ومختار انقرر وين انسافر
مختار؛: يالا اتهون
سدره؛: ان شاء الله طالع لدوام
مختار؛؛ اي والله يالا محتاجه شي
سدره؛؛ سلامتك كبدي
دزيتلو بوسه بالهوى ومسكها ودخلت جوى
لكيت ماما اتبدل لماريه حتى اتروح لروضه شافتني وركضت عليه
ماري؛: مااما جيتي
1 تع
سدره؛؛ يعمر ماما شلونج
ماري؛: زينه مشتاقتلج
سدره؛ كلبي اني الاكثر وين بوساتي
ماري؛: اممواح احبج مامي
بوستها وسلمت على الكل راحت ماري اتريكت وغسلت واتريكت معاهم جا باص الروضه واخذها اتحب دائما اني اركبها بالباص وابوسها واودعها
رجعت جوى طلعت لغرفتي سبحت وجيت اتمددت بوست حسوني لكيتو بعدو نايم فدوه لعمر ابني اشكد حلو خليتو بحضني ونمت
الحمدالله مختار كدر يسوي عمليات ورجعت ايدينو انفتحت عندي خالي ساكن بدبي وكدرنا انسفرو لدبي ونجحت العمليات الحمدالله وقدم على شركه وكدر يتوظف بيها
2 ت
كعدت على بوسات ويلادي
ماري؛؛ ماما يالا كومي حيااتي
سدره؛: ماري عوفيني انام تعبانه
حسين؛؛مو لح الوح على بابا
ماري؛: كول اروح مو الوح
حسين؛: مامي مالي اتعيبني (عود اتعيب عليه ههه)
سدره؛؛ اي امي كمت
كمت وسحبتهم اثينهم على التخت وادغدغ بيهم
حسوني؛؛ مامي متت هههه
ماري؛؛ ههههه ماما بعد ماتحمل كلبي راح هههه
سدره؛؛ ماتخلونا ماما اتنام ماتخلونها هاااليش
ماري؛: ههههه توبه
سدره؛؛ هههه الله يحفظكم ياروحي
اخذتهم بحضني وبوستهم وكمت حضرت ملابسهم وبدلتلهم هليوم خميس وميس تجي تاخذهم
سدره؛؛ ماري ماما انتي وحسوني ماتذوبون كلب بابا ويوم
دنكت براسها وكالت اوكي ماما ماري تعبتني ب تربيتها اكثر من حسين وكحه ومثل علي طبعها عنوديه عكس حسين حباب وهادى واني ماحب اضرب طفل ابد اصلا الضرب مو سلوب التعليم بس جنت ازعل منها وهي من اتشوفني ازعل تجي اتبوس بيا
سمعت ميس ادك هورن طلعتهم ونزلت ميس بوستني وبوست الويلاد واخذتهم
دخلت جوى اتغديت وغسلت المواعين وكعدت على النت اشويه اسوي بحوثات واحب اقرأ جثير واسحب معلومات حييل اضوج من يروحون ويلادي بس شنو اسوي هم ابوهم وبيت جدهم الهم حق ....!
علي
هليوم نحنا ب 2014مرثلاث سنوات تقريبا واني ماشايف سدره ولاحتى صدفه جمعتنا
مانسيتها ومستحيل انساها يوم من الايام
جنت اختنك واضوج وكم مرة بمرة اهلوس باسم سدره
جنت كل مااكوم منها تجي سدره كدامي تبجي وهي تكول خنتني يا علي......
2 تع
سلوى سودت عيشتي وماشفت يوم راحه معاها ماعرفت شلون تكسبني ولاتصرفت تصرف خلتني احبها ويمكن هم السبب مني اني ماكدرت انسى سدره رغم عشت مع سلوى علاقه كامله
3 تع
بس ماحسيت بيها ولاشي يشبه سدره ولابيها حنان ولاحب
هليوم جيت ويلادي عندي يوم الخميس احلى يوم بلاسبوع
جنت توني راجع من الدوام بالغرفه الجوى ابدل سمعت صوت ماري يلعلع ام لسان عكس حسين الفقير طلعت لكيتهم كاعدين على القنفه يم امي وابويا
علي؛: كلبه ماتجين على ابوج
ماري؛ اي عيني اذا انت بس كدامك ابو علاوي واني ماتسلم عليه عليش اسلم عليك
علي؛؛ هههه ولج حقيره اني ابوج
ماري؛؛ والله ابويا يحب اخويا اكثر مني
علي؛:؛يابا دكتوره ماري اسفين ونعتذر انتي الكل بل الكل
ماري؛:اوكي قبلت اعتذرك بوسني على هذا الخد وهذا هم
مسكتها وكمت ابوس بيها وادغدغها وتضحك حضنتي وباستني
ماري؛: بابا احبك كومه
علي؛يعمر بابا انتي واني هم اموت عليج وعلى اخوج هليوم وين حابين اطلعكم
سلوى؛: يمه يمه شلون لسان بنت سدره بعد
علي؛؛ سلللوووى كاافي
ماري؛؛ شبيها امي مثقفه ودكتوره وحلوه
علي؛: كاافي ماري بابا شلونها امج
سلوى؛: وانت شكو تسال على امها لازم حنيت
علي؛: جان سويتي فضل لو ماكن نزلتي
ام علي؛؛ كااافي انتو شبيكم بس تناكرون
علي؛؛ هو اني حاجي معاها من حالها اتنط
ام علي؛؛ ميخالف ابني هي هم مرتك وحقها اتغار مالو داعي تسال على سدره كدامها
علي؛؛ لا دشوف اسال وخلي شنو يطلع ب يدها لاتقصر
كضيت يوم حلو مع ويلادي وصار ثاني يوم الجمعه جمعت خواتي كعدت الصبح لكيت الكل يتريك الى سلوى ماتكعد من وكت صارنا ثلاث سنوات متزوجين وطلع شعر على لساني واني اكولها اكعدي من وكت
سلمت عليهم وكعدت معاهم
رغيد؛؛:اكول يابا اشو مرتك ماتنزل من فوك
ميس؛: مايصير عيني تنزل اذا ماطبق الساعه 11
علي؛؛ صفا عموو روح دك الباب عليها وكولها عمي يصيحج خلي هسا تنزل
صفا؛: اي عمو صار
طلع يركض صفا يصيحها واشويه ونزلت سلمت وكعدت
هدير؛: عيني اخاف هاي يوميا هيجي وامي تشتغل وحدها
2 تع
سلوى ميس مو بعمرج افتهمتي محمد من خطب ميس علي جان بل رابع وهسا علي ويلادو بطولو لهذا شنو من تحجي نحترمها وكلامها على راس الي يرضى والي مايرضى
ابو علي؛: كاافي بابا عبير من الصبح مشاكل
عبير؛: اي يابا صار بس اهل قبل كالو ماتعرف خيري لمن اتجرب غيري الله يرحم ايامج ياسدره
نحنا نعرف اش دا يصير ورانا عيب صارلج ثلاث سنوات متزوجه وماعرفتي تكسبين رجلج وعمتج امي مره جبيره وموت اخويا هد حييلها وانتي ملتهيه بالنوم شنو نكول نحنا الموظفات وبيت ورجال واطفال وخفاره
ابو علي؛؛ اني شكلت مو كلت كاافي
عبير؛؛ والله يابا الشي الي صار ابد ماينسكت عليها جان بس انت جنت مريض وجنه مانكدر انكولك شي تخربط انت حييل ضلمت سدره
عبير؛؛ بله دقيقه خليها اني احترم نفسي عيني هذا بيت ابويه وشنو من احجي بكيفي واني محترمه نفسي ودا احجي كلمة الحق صح فات الاوان بس الي صار اكبر غلط من بديناج على سدره نسيتي روحج ونسيتي فضايحج
محمد؛: يمعودين كااافي شبيكم شبيج عبير كلبج محمل من الصبح
عبير؛: اني كلبي صار محمل ثلاث سنوات عليها وانكول ميخالف تعلم اتصير زينه اتصير احسن بس مادا يفيد كل مره انكول بيها ابويا مريض مانكدر نحجي كلمه وينقهر بس هسا ابويا رجع يمشي الحمدالله وضعو صار زين والله سدره اذا ماتسامحنا الي كلنا نحترك بجهنم بسببها
ميس: سدره كلبها طيب اتسامح بس ضل الحرج ماتنسى هي جانت اتموت على علي نسيتو شلون امها جانت اتريد اتموت وماراحت عليها وكالت لعمر اني ماعندي اهل
عبير؛: اي والله صحيح بس نحنا جنه بهذيجه الفتره الجرح حار وجنه انطلع كل قهرنا بيها والله خطيه جانت تحبنا وتموت علينا ومن نجي تشيلنا بالصلوات
علي؛:على اساس هي ماتعرف اني بعدني احبها غشيمه
ابو علي؛: والله انت مايفيد معاك
علي؛: ابد بكلشي كدرت تتحكم بيا بس ماتكدر اطلعها من كلبي
ماجنت اريد اطفال من سلوى اول شي ماحبها وحياتنا كلها مشاكل ومن اجيها لو مره بل شهر لو ماروح اصلا لو هي تجي وتلزك
هم يجي طفل ويصير بي مرض نفسي من المشاكل
وماكو اي استقرار بحياتنا وعلاقتنا واكفه على شعره كم مرة بمرة اتصير مشكله واكتلها وادزها لهلها ويروح ابويا يرجعها لو عمي يكولها ماعندي بنت تزعل
كم مرة بمرة اكولهم ماريدها وتصل لطلاك وابويا يحلف على امي اذا طلكتها امي تطلك وبعد هذا العمر يكولون ام حمودي اطلكت بسبب ابنها علي ....!!
هليوم جمعه اني دائما الخميس باليل اكمل كل شغلي حتى شطف وكنس وكلشي اسوي ونحنا كل جمعه انسوي دولمه لهذا من الليل اكعد الف الدولمه واشيلها بالثلاجه حتى الجمعه اكعد متاخره
يروح عمر ياخذ جدريه و يجيب باجه ونجمع كلنا نحنا وبيت اسماء وبيت عمر على سفره وحده بين مايرجعون الزلم من الجامع نحنا امحضرين كلشي ودا انصب بل غده
جانت ايام حلوه وماتنسى باباوماما وعمر ومرتو اسراء ويلادو فرح وفاروق واسماء واحمد ويلادها واني ومختار وسماء وطارق
نلتم كلنا ونتكاون اني ومختار على المخ مال باجه واخر شي عمر ياخذ الروس يكسرها ويطعمنا كل واحد اشويه اشويه
من انخلص الاكل الكل اتنظف ونغسل مواعين ونكعد انحضر الفواكه والحلويات والجاي وتبدي السوالف والضحك والدومينه والورقه وكل يحجي نكته لو يسوي حركه نضحك
يضلون هذاكم اليوم يباتون والسبت يطلعون من الصبح يرجعون
خابرتني اماني وكالت راح نجي عندكم واني هليت بيهم واتحضرت جان يوم السبت العصر
اندك الباب طلعت عليهم بوست اماني ولولا يمه اشكد حلو حبيبي وسلمت على صهيب ودخلو جوى اضحك على اماني شلون تمشي هي وبطنها عبالك بطه
سدره؛؛ ولج شنو هاي صايره
اماني؛؛ غير هاي سدره يمته تجي ياربي تعبتني حييل
سدره؛:.بس لاحضها يصير مثل حض خالتها يمعود امونه لاتسمين على اسمي
صهيب؛؛ هذا ذهبج جنت شايلو وصار لازم يرجع لجه
سدره؛؛ لا ماقبل صهيب هذا اني بعتو لكه
صهيب؛؛ وهذا هديه مني الج
سدره؛؛ اني ماقبل هاي الهديه اعذرني
رجعتو وخليتو بحضنو ورفض
صهيب؛؛ اذا ماخذتي تخرب بيني وبينج
3 ت
سدره!؛ يرجع حقك وحقي
صهيب؛؛ لا ماقبل
سدره؛؛ غير هذا الحجي ماعندي اني
لحيت علي سكت اشويه وبعدها وافقو اخذت الذهب وجان عندي فلوس انطيتو المبلغ كامل اشويه وراحو
الطبيب سلم وطلع وجان عندي مراجع كاعده اسالو كتبتلو على علاج وانطيتو واتشكر وطلع
مدنكه على الموبايل مالي جاني صوتو اي والله هو صوتو مانسيتو ابد مانسيت صوتو مستحيل
2 ت
علي؛: شلونج دكتوره
ضليت مدنكه والدمعه احسها صارت بعيوني سحبت نفس عميق ورفعت راسي جاوبتو وكانما مو علي الي كدامي بس عيوني اتجذب حبيبي كبران والشيب طاك براسو تعبان
1 ت
سدره؛؛ تمام شنو عندك
علي؛؛ الي كدامج علي سدره
سدره؛؛ اي واذا هلا بيك
علي
السكرتير؛؛ دكتوره سدره
من كالي دكتوره سدره كلبي رجف
علي؛؛ سدره محمد علي
السكرتير؛؛اي نعم
بس ردت يصل ليمي السره حتى اشوفها بعد سنتين ونص راح اشوف سدره من صار وكتي ودخلت عليها صدمتني رده فعلها بس عيونها تحجي غير
سدره
من كلبي كومه عتاب من شفتو فتحلي كل جروحي بس ماراح اذل روحي من جديد كاافي مذله اتعاملت معا هو مريض واني دكتوره
2 تع
سدره؛؛ اتفضل اكعد
علي؛: شخبارج
سدره؛؛ هههههه
من كالي يمكن حامل ماتحملت كمت اضحك
سدره؛؛ ههههه ممكن اتصير لان انت متزوجلك رجال
علي؛؛ هههه خلف الله عليج يعني اني مره
سدره؛؛ لا بس مرتك الرجال كوم اتمدد على السديه
كام اتمددد على السديه وفتح القميص مالو من كمت افحصو فتح دكم القميص كلها عبالك متعمد دحكت على وكمت ابلع بريكي مشتاقتلو ياربي حييل ليش مادا اكدر انسى ليش هو الوحيد مايطلع من بالي ومن روحي وكلبي
خليت ايدي مكان الزئده دستها وشلت ايدي
سدره؛؛ احتمال الزئده دوديه
علي؛؛ فديتها الي الدوديه الي خلتني اشوفج بعد كل هذا الوكت جان من زمان تجي
2 ت
سدره؛: هه دكوم وروح اخذ سونر وتعال على الطوارئ لان راح يخلص الدوام وهاي فحوصات هم سويها
دا امشي ومسكني من ايدي
علي؛: مشتاقلج
اخخخ ياكلبي ولمست ايدو دحكت على وماكدرت انطق بحرف سحبت ايدي ودرت ظهري كعدت على الكرسي ودنكت براسي كتبتلو على سونر وفحوصات رفعت راسي هو دا يدحك عليه ويسد بدكم القميص
سدره؛؛ هاي ورقه روح سوي هاي الفحوصات وتعال بس اسال عليه بل طوارئ تلكاني
علي؛؛ هههه مايصير كلشي
سدره؛: دروح اخذ سونر وفحوصات وبعدين انشوف
علي؛: ماشي جيبي يابا
اخذ الورق وطلع وصل يم الباب التفتلي
علي... سدره
سدره... دكتوره سدره اذا سمحت
2 ت
ابتسم بوجهي
سدره... امم اتفضل شنو تريد استاذ علي
اتقرب عليه وحط ايدينو على الميز ودنك
علي... ليش هلكد صايره حلوه
سكتت وصفنت بوجهه وبعدها كلت
جان كاعد يمي طبيب مقيم ولد شباب اسمو انس يطلع بعمر مختار جان يدحك على علي كاللي
انس؛؛ شبي
سدره؛؛ بي زائده ويخاف يسويها
علي؛؛ اخاف شنو بابا مو عيب
سدره؛؛ هههه يالا عجل هسا اخليك تحت المشاهده وتصوم وبعدها ادخلك لعمليه باجر الصبح بين مايجي الدكتور
علي؛؛ هسا انطيني مسكن وهي اتفض
سدره؛: علي والله تنفجر ب بطنك بعدين
علي؛؛ مايصير كلشي
سدره؛؛ يالله انت اشكد عنودي دا اكول تنفجر
انسى؛؛ اني وين شايفك
علي؛؛ افتح قناة..... وراح تعرف وين شايفني
انس؛: لا صدك امانه هذا انت
وكام انس على حييلو وباس علي
انس ؛؛ حبيبي اعذرني والله ماعرفتك واني اكول وين شايفك
علي؛؛ غالي
انس؛؛ يمعود الحجيه اول من تفتح التلفزيون الصبح اتكول طلعولي هذا الولد الحليو
علي؛؛ هههه الله يحفظها سلمنا عليها
انس؛؛ حبيبي
سدره؛؛ يعني هسا انت مصر والله علي عمليه سهله
علي!؛ جيبي عادي
اني وانس نحجي معا مايفيد عاند كتبت ورق وخليت يوقع عليها من طلع سالني انس
انس... دكتوره سدره شنو يصيرلج استاذ علي
سدره... ابن عمتي
بكلبي ابن عمتي وكل حياتي
طلعت اريد اروح اشتري اكل من بره اني دا امشي اسمع وحده اتصيح ورايا سدره دكتوره التفتت واتقربت
سدره؛: عبير!!!!!
عبير؛؛ سدره مشتاقتلج
اتفاجأت حضنتي بالشارع وكامت تبجي
2
تحجي وتبجي حتى اني استغربت من شفتها
سدره؛؛ لاتبجين عبير انتو ربيتو سدره وتعرفونها كلش زين
عبير؛: كل الي صار بيج ب سببنا وبعدج اتحبنا
سدره؛؛ اتضلون اهلي الي ربيتوني عمتي شخبارها وانتي شلونج
عبير؛؛ زينه امي بس تعبانه واني هم الحمدالله ماجنت اعرف ادوامين بهاي المستشفى
سدره؛؛ اي ادوام بيها وشعجب ماكن شفتج الي حد الان
عبير؛؛ صارلي سبوعين ادوام هينا وتعرفين اني دكتوره اخصائيه مادوام يوميا
سدره؛؛ اي صح شنو رايج نكعد بمكان
سدره؛: اي حجى معايا وجاني وطلع عندو زائده وماقبل يسوي عمليه جبرني اكتبلو ورقه وقع عليها وطلع
عبير؛؛ شكد عنودي ليش هيجي يسوي
سدره؛: ماتعرفين علي يضوج من العمليات
عبير؛؛. مامرتاح ابد بحياتو سدره علي من فقدج فقد كل الامان
سدره؛: كل الي صار ما جان ذنبي صح مختار اخويا بس اني شعليه حتى عمي هيجي سوى بيا
عبير؛؛ والله اني دائما اكولهم وحتى يوم الجمعه اتعاركت معاهم الي صار قدر مكتوب بعد
سدره؛؛ على كولتج قدر مكتوب بس بكلبي سؤال عبير
سدره؛؛ يجي يوم ويحبها مثل ماجا يوم وعاش معها علاقه كامله
عبير؛؛؛ صارلهم ثلاث سنوات متزوجين تقريبا الي مايحب بالبدايه مايحب بل نهايه تصدكين هذيجه المره ميس كالتلي علي حاجيلها كايلها من انام مع سلوى اهلوس باسم سدره والله بعده يموت عليج والله هذيجه المره دخلت على غرفتكم لكيته حاضن مخدتج ونايم حتى صورتكم انتو الاربعه مخليها يم راسو
دنكت براسي واتنفست بحسره
سدره... وشنو الفايده عبير انتو حييل شديتو معايا ضلموتوني حملتوني ذنب اني مامسويته عمي الي حد هسا احبه وماكدرت احقد علىَ طلكني من علي وهو يعرف اشكد نحب بعض نحنا وبعد كلشي زوجه سلوى سلوى الي اكرها واموت منها
عبيرر... حقج شنو الي تكولينا وتحجين حقج والله محد يلموج جان جرحنا حار وقلوبنا محتركه وماجنه نعرف شنو انسوي بس من خسرتي ابنج صحينا على نفسنا وعرفنا نحنا ضلمناج الله عليج سامحينا سدوره بداعت العشره الي جانت بينا
ضحكت بطرف شفتي والتفتت صفح واهز راسي باسف
سدره... تشكريني؟! ياريت كدرتو تصحون على نفسكم من جنت اني عندكم
عبير... كتلج والله جرحنا جان حار لاتشيلين بكلبج يمكن يجي يوم ويتصلح كلشي بينج وبين علي
سدره... يتصلح؟ ههه سويتها مره وحده وذليت نفسي واتندمت من شفته شلون سد بابه بوجهي مارجع اكرر نفس الغلط واذل نفسي مو سدره الي ينداس عليها مو سدره
عبير... بس هو بعدو يحبج وانتي بعدج اتحبي انتو اطفال وحبيتو بعض شلون راح ينسي هذا الحب بيوم وليلة
سدره... قصة حلوه جانت بحياتي وانتهت ياعبير واني علي هسا ماشوفه غير ابو ويلادي وابن عمتي وبس
سدره.... خيطتو وطاب
عبير.. بس ترك اثر
سكتت وبعدها كالتلي
عبير... عادي نضل على تواصل اني وانتي
سدره... اذا تحترميني رايي ماريد اتواصل مع اي شخص من عندكم وصدكيني لو ماويلادي حتى ميس مااخلي رقمها يمي وحتى مرات تتصل بيا واتعمد ماجاوبها عوفكم بعيدين عني وعوفوني سعيده
3 ت
عبير... تمام حياتي هذا الشي انتي حر بي
كعدنا تقريبا ساعه وبعدها سلمنا وطلعنا ضليت بالمستشفى هذاك اليوم
مع اذان المغرب دا اتفقد المرضى وطلعت من الردها ماشوف الا محمد كدامي وممرضين واكفين على السديه كلبي نغزني عرفت علي صار بي شي ركضت على السديه لكيت علي مغمي علىَ جا الطبيب يركض يشوفه وكام يفحصو وطلعت الزائده شعره وتنفجر ب بنطو اشكد عنودي كتلو لاتروح مو زين الطبيب كبل دخلنا لعمليات وسوينلو عمليه والحمدالله نجحت
واني طلعت لحكتو لكيت عمي وعمتي وسلوى وابو عبدالله بس بين كلهم عمتي مشتاقتلها حييل ادحك عليه اتريد تحضني بس اتخاف من عمي ماتحملت كبل حضنتها وكمت ابوس بيها
ام علي؛؛: سدوره شلونج امي
1 تع
سدره؛؛؛ بخير يوم الحمدالله انتي شلونج
ام علي؛؛ قربان عينج ياامي اشكد حلوه صايره شفتج بالصدريه البيضه تذكرين من جنتي تحلمين بيها
سدره؛؛ اي يوم حققت حلمي يابا شلونك
رغم الي سوى عمي بيا بس الله يشهد ماكرهتو واضل انطي عذور سلمت علىَ وماكتلو عمو
سدره؛: يابا شلونك
2 تع
ماردلي السلام عمتي طبطبت على كتفي يعني لاتنقهرين رحت اتقربت على علي دا يفكو البنج
محمد..///. علي كاافي شبيك تخلبت
علي..////. انجب... انت
محمد..///.اشكرك
علي...//// دكتوره... سدره... تكولي... دكتوره... سدره... اذا... سمحت.. اي والله دكتوره... على... راسي...وراس... الي... خلفني... سدره... تذكرين... اول بوسه... بستج.. وضربتني... براشدي... وكمتي تبجين... هههههه
2 ت
ساعه يضحك ساعه يبجي هو هذا البنج هيجي يسوي بالواحد
2 تع
علي.../// محمد
محمد... ها اخويا
علي..///// انت... انت.. برايك... اكو... واحد... يطلك.. وحده.. شكره... وياخذ... وحده... زرك
علي.... ادري... شعندي... قوس... قزح... يوميا على لون ..... سدررررره... تعالي... حبيبتي... تعالي... ياكبدي... اغفي... على صدري.. تعالي
.. انسيج.. همج وتنسيني... همي...
3 تع
اكثر موقف ضحكني وماتحملت رفع شفايفو ودزلي بوسه
علي.... امممواحح
2 تع
سدره؛؛ هههههه محمد اني راح اروح وبعد اشويه ارجع
محمد؛: ههه روحي يابا فضحنا هذااا المطي
2 ت
مشيت ورحت اشويه ورجعت لكيتو فاكو البنج دخلت ايديا بجيوب الصدريه وامشي بكل غرور هيجي بس اغث سلوى
سدره؛؛ هاي علاوي
علي؛؛ هلا سدره
سدره؛؛ واني هم موجوده اخذت خفارة زميلي كل اشويه راح امر اشوفك اوكي
بهيجي موقف اتحسين روحج منتصره هسا سلوى تشتعل بالنار من غيرتها علي ويمي ههههه
راحو كلهم ومحمد ضل يم علي وكل اشويه جنت امر اشوف علي ثاني يوم وضعو استقر وكدرنا انخرجو بس قبل مايطلع جنت بغرفه الخفارة اشيل اغراضي ماحسيت غير سلوى دفعت الباب ودخلت
سلوى؛؛شوفي ولي لاعبالج علي كال احبج شفتي روحج وماكو غيرج انتي الي ضليتي وحدج وعلي صار بحضني اني علي ليه لو الف مره يكول احبج هو ليه مو لجه لاتنسين هذا الشي
2 تع
سدره؛؛ اي صح لجه بالفضايح مو
سلوى؛؛ انتي شنو قصدج
سدره... تدرين سلوى فد شغله اني وعلي من جنه متزوجين بحياتي ماطلبت منه هذيجه الشغله لان هو ماجان يطيني مجال تعبان ميت مريض نعسان شحدي يدخل لغرفة واني مادخل معا وانام بحضنه
حتى هو ونايم يكعد من النوم يبوسني ويشمني
2 تع
شفتي الفرق بين الحب وقضاء الحاجه
1 ت
سلوى؛: جذابه هذا الحجي طلعتي من عندج علي رجلي وانتي مجرد ام ويلادو
رفعت ايدي وصرت انفض بيدي كتفها على كيفي
سدره؛؛ اني كلشي بحياة علي ام ويلادو وحبيبتو وصديقتو وكلشي وراح يجي يوم علي يكبج مثل مايكب الزباله لان راح يطفش منج ومن عيشتج وهسا اتفضلي اطلعي بره
سلوى؛؛ اخذتو منج موتي علي حبيبي ورجلي اني
محمد؛؛ سدره وينج انتي
سدره؛؛ خلصت دوامي واريد ارجع لبيت
محمد؛: علي يريد يشوفج
سدره؛؛ شنو يريد
محمد؛: مادري والله
سدره؛؛ ماجي وكول لعلي الي صار من البارحه الي هسا يصير بين كل مريض ودكتور
2 تع
مشيت وعفتو بدون حتى ماكول مع السلامه
رجعت لبيت كبل نمت من القهر والتعب ومرت ايام وجت ايام وحبيبتي ماري اتخرجت من الروضه وبجتني ب يومها من كالت اشكرج امي الي تعبت معايا وربتني احسن تربيه الله لايحرمني لامنج ولامن بابا
ماري؛؛ انتي وبابا اثينكم امسويلي حفلة تخرج اني فرحانه لان عندي ماما وبابا مثلكم
سدره؛؛ يعمري يوم الي اشوفج دكتوره مثلي
وشغلنا اغاني وكمنا نركص وبابا وماما وعمي ومرتو كاعدين يضحكون علينا واني ماسكه ايدين ماري اضحك
وبعدها بدت الغيمه السوده تغطي الموصل اشوية اشوية و تغطي حياتنا صار جوها يخنك بدينا
نسمع راح يجون جماعه عندهم لحيه وشعر وراح يلبسونا الخمار ماجنت اصدك وجنت اكولهم جذب ماكو هيجي شي عمر جان يطلع ويفوت يصفن ومقهور واحد بس يحجي معا يصيح كبل مانكدر نفتح هذا الموضوع معا يكوم يصيح علينا
صهيب؛؛ ولج انكلبت تلعفر سدره طلعو ناس ماعرف من وين وراح ياخذون الموصل ودا يقاتلون بالجانب الايمن
سدره؛: ولك صهيب عمر يداوم ب جانب الايمن
صهيب؛؛ اتصلي بي
سدره؛؛ روح روح
كمت مثل المخبله ادك على عمر يدك ومايجاوب نزلت اركض لكيت ماما واسراء وبابا يبجون كمت اصرخ بدون وعي وابجي
سدره؛؛ عمرررر مااات شبيييكمممم تبجون عموري مااات جاوبوني ...
