رواية لبوة الحياة الفصل الثالث عشر بقلم ساره العبيدي
هاي لعيونكم 😂😂 لأن كل مانزل بارت طالبين بارت مفاجأه. كولوا اني مو زينه وياكم
إذا أشتدَ بيننا الفراق
و أشتد بك الحزن ... عُد لي
شاجرني أو عاتبني .. لكن لا تحزن وحدكَ
فَالاهتمام الذي نجدهُ في ... لحظاتِ ضعفِنا
أجمل من ألف عبارةِ حب ❤😔
وصلنا طلعت دكتوره نسائيه بقيت صافنه بيبي بيج شي شكو جايبتنا اهنا اكو شي صاير
بيبيتي:لا ماكو شيء بس ما ملاحظه اكلج ونومج
جوري: اي طبعاً نفسيتي تعبانه مجاي اكدر انسئ الصار مو سهله
بيبيتي: بعدج صغيره هسه نطب للدكتوره وتعرفين
بقيت ساكته شنو تقصد اني مابيه شي صح اكلي قليل وبس أنام بس مايوجعني شي هذا طبيعي بسبب تعب 🤦🏼♀️
وصل السره مالنا طبينا اني ساكته بيبيتي تحجي ويه دكتوره
دكتوره:ها ياحلوه شبيج شنو الاعراض لعندج
جوري: كلشي مابيه دكتوره بيبي خايفه لحالها اني بس ما اشتهي اكل ماحب الأكل دسم وبس انام لان تعبانه من مشاكل صارت وياي
دكتوره: تمام تفضلي خلي افحصج وبعدين نقرر شنو بيج
كلش خجلت اول مره اجي لدكتوره وتفحصني فحصتني وكملت كالت روحي سوي هذا تحليل وتعاي
رحت اني وبيبي سوينا تحليل بين مايطلع تحليل ردت ارجع للبيت بيبي تلح وترزل بيه هسه اني اعرف شنو بيه شكو جيبيني لدكتوره والله خجلتيني كدامها
بيبيتي: تنجبين وتسكتين يولي هواي صبرت شكد تسألين هسه كتلج تعرفين ونتأكد شنو بيج
اخذنا تحليل ورجعنا للدكتوره
دكتوره: حبيبتي ولو بعدج صغيره مفروض ماتسوين هسه بس الف مبروك
بقيت صافنه هاي شنو تحجي
بيبيتي: يبارك بعمرج بنيتي تسلمين
سحبتني وطلعنا اني صدمه ورا صدمه تمر عليه
جوري: بيبي هاي شنو حجت يعني أني شنو شكو
بيبيتي:حامل حبيبتي انتي وكامت تبجي مامصدكه اشوف اطفالج كبل ماموت الله ينطيني عمر واربيهم بيدي
جوري:بيبي شنو جاي تحجين شنو حمل شنو طفل كمت ابجي والطم بالعياده والنسوان تسأل بيبي شبيه ليش هيج سويت ماردت عليهم اخذتني وطلعت اجرت سياره رجعنا للبيت
كالت ممنوع تكولين لاي بشر ابقي ساكته هسه
وصلنا البيت رحت لغرفة بيبي كعدت الطم وابجي وامي وياسمين على صوتي اجوي عبالهم صاير شي بيه
لحكتني بيبي امي سألتها
يمه شبيها جوري وين رحتوا ليش هيج رجعت صاير شي
بيبي:ماكو شي بنتج مدلله هيج تسوي اطلعوا بره اني احجي معها
طلعوا بره بقيت اني وبيبي
بيبيتي:حرام جاي اسوي اعرف شلون صار واعرف ماتنسين الموقف بس هذا قطعه منك قبل مايكون من أبو وانتي راح تتعبين بي وتحملي بطنج مو أبو لذلك فكري زين اعرف بعدج صغيره مو كد المسؤؤليه هاي بس اني وياج مهما يكون هذا رزق من الله
جوري: بيبي جاي تحجين اني ما ابقي بطني سوي اي شئ وخلصيني منه اني اريد اكمل دراستي نفس البنات ليش من دونهم اني هيج اتأذه الله لا يوفقك أسيد كله بسببك حسبي الله ونعم الوكيل دمرت حياتي ومستقبلي بقيت ابجي والطم على خدي
بيبي:شوفي اذا فكرتي تنزلين طفل لا اعرفج ولا تعرفيني حرام يمه والله حرام شنو ذنب هلمخلوق كولي يالله كومي تؤضي وصلي ركعتين ترتاحين بعدين اني وياج يمه عفيه كومي كافي بجي ولطم خليها على ربج كريم ماينساج
كمت تؤضيت فرشت سجاده كعدت اصلي ودموعي تنزل جمر كملت صلاه ونمت على سجادة الصلاه
اسمع بيبي خابرت أسيد كالت له تعال أريدك بموضوع
أسيد: كاعد بلمحل اني وحسام ساكتين بسبب صار رجعنا مثل الغربه عبالك ماعرفه ولا يعرفني بس.السلام الصبح من يجي ومن يرجع باقي نهار بس من احتاج شي اسأله وهو كذلك
يمي ولد صاحبي يجي يتسوك مني دائماً كاعدين نشرب شاي دك جهازي
الو خاله
بيبيتي: هلا يابه وليدي تعال للبيت هسه ضروري
أسيد: خير صاير شي جوري بيها شئ
بيبيتي: تعال وتعرف صاير
بقيت بقلق استأذنت من الولد وصيت حسام.يسد.مكاني
طلعت ركض.الف فكره اجت بالي اني كل هاي فتره كان تواصلي ويه بيبيتها اطمئن عليها من خلالها كل وكت اخابرها.....
ربي بس لا سوت شي بنفسها مره ثانيه هالمره خلص لازم اطلكها وكل واحد بطريقه لا تروح تموت واخسرها للأبد
وصلت البيت دكيت الباب طلعت ام جوري سلمت وطبيت جوه للاستقبال لكت بيبيتها
هلا وليدي
أسيد: هلا حجيه خير شصاير والله قلبي راح يوكف جوري بيها شيء
بيبيتي: تعال للغرفه وياي أحسن
رحت وياها لكت جوري مدده على سجادة الصلاه اوف نبض قلبي اتمنى هسه اكدر اخذج بحضني وانومج على ايدي اخ شكد.مشتاق لصوتج ولسانج
اكعد يمه اريد.احجي وياك
أسيد: كعدت اي اسمعج احجي حجيه
بيبيتي: جوري جوري اكعدي اريد احجي وياكم اثنينكم
كعدت ولكت أسيد درت وجهي عنه سلم عليه مارديت سلام
جوري:تفضلي بيبي احجي
بيبيتي:شوفوا صار قدر ومكتوب والمكتوب مامنه مهرب سوء كان ذنب أسيد او غيره هسه صار يختلف بعد اثنينكم تتحملون نتيجه وتتقبلون الوضع
أسيد: شصاير احجو كافي عاد اعصابي تعبت
بيبيتي: وليدي لا تستعجل محد لعب عليكم غير العجله مالتكم جوري حامل ماريد احد يعرف هسه
أسيد ماصدكت سمعته احس قلبي صار يركص من الفرح ماحسيت على نفسي غير حضنها وابجي مامتوقع ربي رزقني قطعة منها يارب تكون بنيه وتشبه نزلت بست ايدها وراسها اعتذرت منها
بيبي: روميوا كافي غزل ههههههه ماريداحد يعرف نفس ماوصيتكم لان راح يعرفون صاير بينكم بعد اسبوعين يلا كول لاهلك وانتي كولي لأمك
أسيد:اوامر تدللين جوري لازم تروحين وياي والله اخليج بنص قلبي وعيوني
جوري:يحجون اني مالي خلك شيء عفتهم ورحت أنام.
اتفق مع بيبي يجي بالليل ياخذني مشاعري شبه ميته وين كنت اخطط وين صرت
بالليل اجه أسيد أخذني وبيبي توصي بيه عليه وخطيه ماخلت عصاير وكيك وفواكه ماحضرت لي واسيد ماقبل يأخذها يكول ثلاجه مليانه وهيه أبدا ماتقتنع اخذهم خلاهم بسياره ورجعنا لبيت عمي
وصلنا طبيت جوه لكتهم كاعدين بصاله سلمت على عمي خطيه كام عليه وحضني ويبوس بيه
رحت اسلم على زوجة عمي ترد من ورا خشمها كوه تحجي
أسيد طبب سياره واجه لكانا كاعدين واني يمهم
طبب علاليك لي خلتهم بيبي لي
ام أسيد: شنو هاي مو تسوكت الصبح لمنو هاي
أسيد: هاي لجوري من حجيه ماقبلت الا نجيبهم معنا
أم أسيد:ليش قابل مانشتري لو مانأكل عيب هالتصرف شنو كاعدين بصحراء ماكو يمنا لو ماعندي فلوس نشتري
بقيت ساكته اني واسيد صعد الاغراض فوك عافها تحجي
هيه دردم ويه نفسها
عمي:شبيج يامريه عوفيهم بحالهم بكيفهم شيردون يسون
ام أسيد: اي عفتهم الله يعلم شنو مسوين الكم
بقيت ساكته مارديت دقايق وصاح عليه أسيد صعدت فوك عرفت صاحلي حتى ما ابقى يم أمه وهيه ماعاجبها شيء وبس تدخل وتحجي معرف ليش ماتحبني
طبيت للغرفه ماحجيت شيء ويا بدلت ملابسي وطبيت لفراشي نمت
كعدت ثاني يوم عادي مر بسلام مع تدخلات زوجة عمي
كامت نفسي كلش تلعب من الاكل وابد ما اكل ماصدك اكمل شغلي وتطب انام أسيد يحير شنو يجيب بس ما احجي ويا ولا يحجي وياي عايفني على راحتي وهذا لمريحني
بعداسبوعين كاعده بالغرفه فوك اجه أسيد سلم عليه مارديت
أسيد: جوري خابرتني الحجيه تطمئن عليج كالت باجر اخذ جوري لدكتوره منا تراجع ومنا هم كدام أهلك حتى نكول لهم خبر حملج
جاي يحجي ونفتح باب الغرفه.............
