رواية لبوة الحياة الفصل الرابع عشر بقلم ساره العبيدي
" الكُل يُطالبك أن تُقاوم .. لا أحد يعلم صعوبه أنك تُحاول ولكن لا تستطيع."
جاي يحجي ونفتح باب الغرفه دخلت أمه اني و أسيد بقينا ساكتين احنا خجلنا من تصرفها وهيه ولا عبالك
ام أسيد: شنو كلت حامل من شوكت هيه حامل حتى تخبئ علينا شصاير ومنين حامل
أسيد: يمه انتي جنتي تسمعين علينا يعني حتى بغرفتي مكدر احجي شئ
ام أسيد: ماجنت اسمع عليكم ردت اطبب الملابس من السطح وسمعت كلمة حامل ونصدمت ماصار زمان مزوجين شبسرعه حبلت واحنا مانعرف
أسيد: ماكلت حامل كلت شاكين حامل نريد اخذها باجر لدكتوره لان من خابرتني الحجيه كالت يجوز حامل لا تحجي الا تتأكد هذا كل الموضوع لو انتي مو امي عرفت شلون اصرف معج أني مااقبل احد يسمع عليه من احجي يعني وين اخذ راحتي لعد
ام أسيد: اني امك لا تعلي صوتك وعيب تتهمني هذا اتهام وعافته وطلعت
اني بقيت ملتزمه صمت ما أحب أدخل نفسي معها واني أعرفها تكرهني تريد بنت اخوها معرف اختها اوي اني مشتاقه عليكم صدك بطرانه اصلا احمدي ربج اخذت ابنج حسبي الله ونعم الوكيل بيكم مستقبلي راح بسبب ابنك ونوب مو عاجبها
اسيد: جوري ويه منو جاي تحجين
جوري: ويه نفسي لو هم حرام مايصير
عفته ورحت امدد نوم اريح لي من الواقع المخربط جاي أعيشه
كعدت ثاني يوم الصبح ونزلت للمطبخ لكت ام أسيد وعمي كاعدين
جوري: صباح الخير
عمي: صباح النور هلا بنيتي شلون صرتي
جوري: الحمدلله عمو اتريكت لو احضر ريوك لك
ام أسيد: لا ننتظرك غير انتي جنتنا لازم نتريك من أيدج جان باقيه نايمه للظهر فدمره غده
جوري: عمه ساعه 9 بعد وكت
عمي: ماعليج عمو شوكت ماتحبين كعدي دام زوجج وياج وهسه سويلي شاي من أيدج الحلوه
جوري: ان شاءلله عمو
رحت سويت الشاي وحضرت ريوك وهيه بس دردم وعمي يرزل بيها وهيه ماتسكت ليش تكرهني معرف شنو مسويه لها لو عليه ما اجي عليكم إبنك لطش بيه. استغفر الله ربي
كملت ريوك وخليته يمهم واني ما اشتهي شربت شاي بحليب وكعد أسيد اتريك وياهم وكملوا وكمت أغسل المواعين وعمي وعمتي راحوا للصاله
مندمجه اغسل المواعين وطبعاً لازم انصير مطربات ونغني ههههههه حسيت أيد صارت على خصري فزيت
أسيد شوكت تبطل سوالفك تعبانه تره لعبت نفسي كافي عاد
ماحجه شي عافني وطلع للمحل وكملت تنظيف وسويت الغده وكوه متحمله ريحة المطبخ
صعدت لغرفتي حتى اسبح قبل مايجي اسيد واصب الغده
سبحت واذن الظهر صليت ونزلت حتى اسوي زلاطه واصب الغده
كملته ونظفت المطبخ وصعدت والله درج تعبني صاعده نازله نازله صاعده 🤦🏼♀️🤦🏼♀️🤦🏼♀️
العصر حجز لي عد دكتوره ورحنا كالت ماكو شي ولازم اكل لان بداية حمل وبعدني صغيره ولازم انتبه لنفسي اوف دكاتره شكد يخوفون الواحد
رجعنا للبيت واسيد جاب عشه من المطعم طبينا للبيت لكناهم كلهم بصاله و أسيد بشرهم بحملي
فرحوا الا عمتي عوجة حلكها وكامت حتى ماكالت مبروك
صدك نقهرت صح ماردت اسيد وماردت الطفل بس تحز بنفسج شخص هيج يتصرف وياج بلا سبب وذنب
عفتهم صعدت لغرفتي بدلت وصليت ونمت كعدت الفجر تقريباً صليت وقريت شوي قران
بعد ساعه 7 اسمع احد يدك باب الغرفه فتحته لكت عمتي ها عمه خو ماكو شي بيج شي محتاجه شي
عمتي: شحتاج منج مثلاً بعد عليه اليتيمه أحتاج منها انزلي اعجني خبز ماعدنا يلا
جوري: حسيت بغصه بصدري نزلت دموعي عمه الموت بيد الله اني اعجن بس خبز معرف اخبز اني
عمتي: شوفي لا تعلميني بلحجي فهمتي كافي متحمله وجودج يلا نزلي وتعلمي شكو بس اكل ونوم
جوري: تره شغل البيت عليه بس خبز معرف شلون اتعلم
عمتي: نزلي اعجني واني اعلمج الخبز
جوري: ماشي عمه
نزلت عجنت واني دموعي صب نقهررت من كالت يتيمه اي صح لو عندي أب لا ابنج ولا انتي هيج حجيتوا وياي عجنت وكملت
ردت اصعد جان صيح عليه وين صاعده ماتسوه بعد سوي ريوك
رجعت للمطبخ حضرت الريوك كعدوا تريكوا أسيد شافني ضايجه وسألني بس مارديت مالي خلك كافي لبداخلي وظيم شفته بعمري كلش كافي
ب11 خلصت تنظيف
عمتي:كملتي شغلج يلفطيره
جوري: اي عمه كملت
عمتي: عمه بعينج يلا شغلي تنور الغاز
جوري: عمه والله معرف اخبز أخاف من النار
عمتي: تربية نستله مو يلا تتعلمين عادي
جبت كداحه حتى اشغل تنور معرف كلشي هيه كاعده وتتأمر
دنكت اشغله وكب بوجهي وشعري مسوته ظفيره ونازل وياي بتنور ماشاءالله واحتركت ايدي وشعري واني اصرخ وهيه ولا عبالك
اجتي بنتها طبعاً هاي ماتحرك.نفسها تحس ماموجوده معنا متت من الحرك متتت لحكوني
جابت بطانيه ولفتني اني اصرخ
خابرت أسيد
اجه ركض شافني تخبل منو مسوي هيج بيج.شلون صار هيج
جيهان جيبي عباية جوري
جابت أخته العبايه واخذني للمستشفى علاجوني
اني روحي ساحت من الألم رغم بس ايدي شي بسيط الحمدلله وشعري من جوه ظفيره طارت نصه واكثر وجهي صار احمر دم من الحراره بس مو حرك الحمدلله
اريد بس شئ يبرد وجهي ودكتور يكول لا تغسلي
ممنوع المي الي ان تهدا حرارة وجه
جاب أسيد مهفه وكعد يهف لي
ساعه وضمدوا ايدي وكتبولي علاج وكص شعري طار صرت ابجي اكثر شئ أحبه شعري
هو يهدأ بيه كمت اصيح كله بسببك لو بس ميته بيوم العرس ولا باقيه وياك
كل من وراك أمك تكرهني هيج سوت كتلها معرف اخبز معرف
شوف أسيد خلص كافي صار بيه بسببك فقدت كلشي نوب تريد عافيتي خلص
طلكني وروح ازوج لتختارها أمك وابنك يبقه بالحفظ والصون
أسيد: جوري جاي تحجين امي كالت الج اخبزي وهيج احتركي
جوري: اي هذا صار وروح ابويه وداعت لبطني هذا الصار
أسيد:نرجع يصير خير
عصب كلش كملنا أخذني وطلعنا ماقبل أروح معا للبيت رجعني لبيت جدي
بيبيتي كامت تلطم عبالها متأذيه كلش واحجي معها وين يلا صدكت
ياسمين كامت تبجي فدوه للتخاف على أختها
ياسمين: هاي هيج يصير بيج ليش ماخابرتي بيبي تجي عليج
جوري:كافي يابعد اختج انتي توني صار هالشي واسيد كبل جابني هنا
عافني يمهم وسلم وراح لبيتهم
حجيت لبيبي كل شي وشلون شاده وياي
امي واخواني راجعين لبيتنا
انطت بيبيتي خبر لامي عن صار كلت هسه تجيني ركض بس هيه لا اجت ولا سالت عادي هيه شوكت خافت لو اهتمت بيه
كاعدين يشاقون ويضحكون وياي بعدين تعبت مايشبعون رحت نمت ماشبع نووووووم
كعدت على وجع بطني ردت اكوم أروح اخذ علاج شفت الفراش بي نقط دم تخبلت صحت على بيبيتي وياسمين........
