رواية ليتني واجهتك الجزء الثاني الفصل الرابع عشر
لكنك لا تعرف مرارة التجاوز لشيءٍ ظننته أبديًا .
سدره متت خوف من شفت الدواعش هجمو على بيتنا طلع بابا يركض هو وماما والويلاد
ابو سدره؛::اش صاير شكو
سدره؛: بابا الد.له الاسلام.ه نزلو على بيتنا
ابو سدره؛؛ شنو يريدون هذوله الله لايوفقهم
مختار؛؛ يريدون عمر يسلم نفسو
امي دكت على صدرها وكامت تبجي
ام سدره؛: يمه لاتحجون لعمر لايروح يخاف علينا ويسلم نفسو ويجي
سدره؛؛ المشكله اذا ماسلم نفسو ياخذون بيتو
ابوسدره؛: خلي ياخذو بيتو ولاياخذون اخوج
سدره؛؛ اكيد بابا عموري مااهم من البيت
دخلت جوى رحت على الغرفه بوست ويلاد وحضنتهم همزين ماحسو
اتمددت يمهم وضليت افكر ياربي شنو راح يصير بحالنا
ثاني يوم الصبح كعدت وبابا قرر نطلع بس هلمره اني الي رفضت
ابو سدره؛:انتي مو جنتي مصره على طلعه ليش غيرتي رايج
سدره؛:؛اذا طلعت من الموصل ويلادي راح يضلون يم علي واني ماعوف ويلادي يم مرت الاب لو الدنيا تنقلب
ابو سدره؛؛ ماباقي بس طريق كركوك نطلع من عندو سدره اذا انسد هذا اخر منفذ
سدره؛؛ روحو انتو اني ماعوف ويلادي مستحيل علي مايقبل اخذهم
مختار؛؛ احجي معا كوليلو
سدره؛: ماكولو بعد كتلو ثلاث مرات ورفض والله مارجع انزل نفسي لو اموت
ابو سدره؛: والحل باابا اني ماعوفج وحدج
سدره؛؛خليي ياخذون بيت عمر باجر عمر يرجع والموصل تحررر والبيت بيتو اكبر واحد مايكدر ياخذو مادام باسمو
اذا اتريد ضل انت معايا وخلي ماما ومختار وسماء وطارق يطلعون
ام سدره؛؛امي ماعوفكم لو كلنا نطلع لو كلنا انضل تحت رحمه الد.. له السلام. يه
جنه انخاف انكول دا. عش حتى نحنا وبينا جان عمر دائما يوصينا يكولنا حتى الحيطان صار عندهم اذان
بعد ناقش طويل رفض مني الطلعه ورفض من ماما اتروح
قررنا انضل كلنا وماكو طلعه
بعد ثلاث ايام جان العصر جنت لابسه دشداشه قصيره ومخليه سماعات باذني ومشغله اغنيه هيثم يوسف
ياناس رحمو بحالي من ايدي راح الغالي
كاعده اسمعها واتذكر ايامي مع علي جنت بالسياره كاعده بالكراج الي يم الباب المشترك بينا وبين بيت عمر
ماحس الي واحد فتح الباب من بيت عمر ودخل يمه شفتو خفت كمت اصرخ شعرو ولحيتو وملابسو وسلاحو
سدره؛؛ انت منووو
الداعشي؛: انتي منو
سدره؛؛ انت داخل لبيتنا
الداعشي؛: استري نفسج يامره
سدره؛؛ داخل لبيتي واستري. نفسج يامره هو الاسلام هيجي علمك تدخل بيت بدون احم ولادستور
نزلت من السياره وكفت بوجهو مانكر جنت خايفه بس لازم مابين ضعفي كدامهم على صوتي واصراخي جوي اهلي يركضون وطلعو بعض من الدواعش من بيت عمر
والله يحجي معايا عبالك جاي يحجي مع مرتو يدحك عليه من فوك لجوى
اهلي من ركضو وشافهم مختار كبل سحبني ورى حتى يسترني لان جانت ملابسي دشداشه قصيره ونص ردن واني بيضه ونظارت الدواعش ليا مو راحه ابد
ابو سدره؛: اتفضلو اش رايدين
الداعشي؛: بيت المرتد عمر شنو يصير منكم
ابو سدرره؛؛ابني يصيرر
الداعشي ؛: وينو
ابوسدره؛: من دخلتو على الموصل هو ماكو انفقد وكلشي مانعرف عنو
الداعشي ؛: وين مرتو وويلادو
ابو سدره؛؛ اهلها اخذوها وطلعو هم مانعرف وين راحو
الداعشي ؛: اكيد ماتعرفون اذا عرفنا بيكم تعرفون مكان عمر راح يكون عقابكم مثل عقاب عمر
ابو سدره؛؛ كتلك الي عندي
همه ودا يحجون اشرت لسماء اتجيبلي حجاب الصلاه وراحت جابتو ولبستو
الداعشي؛: صادرو البيت يالا
سدره؛؛ هيييي شنو يصادرون البيت بكيفكم
عمر حييل تعب بهذا البيت هو واسراء جانو دائَما يجبون ويخليون ويرتبون
اسراء جانت تحتار شنو اتخلي بي واربع وعشرين ساعه اتنظف وتركض من شفتهم دا ياخذون البيت ماتحملت وكفت بوجهم
الداعشي؛: لا انتي ولاالي اكبر منج يمنعنا
سدره؛: لادا اشوف راح امنعكم موتني واخذ بيت اخويا
شنوو انتوو ومنو اشجابكم علينا
الداعشي؛؛ نحنا جاي انطبق شرع رب العالمين عليج وع امثالج ياسافره ياساقطه
من كالي ساقطه احس اعصابي كلها كامت ترجف من لعصبيه مختار مسكني بابا يسكتني ماسمع احد ولاضل خوف بكلبي منهم
سدره؛: ماكو ساقطين بل دنيا غيركم انتو اذا الاسلام هيجي اشاهدو اني اتبريت من دين الاسلام
احجي معا واصرخ بصوت عالي
الداعشي؛: وتكفرين هم وبدون اي خوف
رفع سلاحو عليه بابا وكف كدامي
ابو سدره؛: الله يخليكم روحو اخذو البيت بس لاتاذون بنتي
الداعشي ؛: اطلع من كدامنا احسن ماندفنك انت وهي
صارو يصيحون على بابا ماتحملت اتقدمت علىَ ودفعت السلاح
سدره؛؛ اااااطلعووو الله لايوفقكم
مختار؛: سدره يمعوده سدره
سدره؛؛ عوفني شنو انضل تحت رحمتهم الي متى
اتخبلت صرت اضرب بيهم وادفع سحب اقسام دا يضربني واحد منهم مسك السلاح بابا ومختار سحبوني
الداعشي؛: خلي اقتلها بالك
الداعشي ٢؛: نسيت شنو كالنا الحجي قبل مايروح
من كالو هيجي نزل السلاح مافتهمت شنو يقصد سحب الاسلكي وصيح
الداعشي؛: تسمعيني ام عائشه
ام عائشه؛: اي اسمعك حجي
الداعشي ؛: تعالي على حي.....
سد الاسلكي وشاف الموبايل ب يدي سحبو من ايدي وصيح فتشو البيت
ركضو الدواعش يفتشون بيتنا حاول يفتح موبايلي بي باسورد
صار يصيح بوجهي افتحي الجهاز ورفضت اذا انفتح جهازي بي شغلاته سوده كلها محادثات بيني وبين عمر ودا يحجي على الدواعش
سدره؛؛ ماراح افتح هذا شي خاص بيا ومنو انت حتى افتحلك جهازي
سحبني من ايدي ورجعها ليورى وضربني براشدي احس فلش وجهي من ضربني
ابويا ومختار اتخبلو اتقدمو عليه والدواعش رفعو اسلحتهم على بابا واخويا
الداعشي؛: نحنا كلشي مايكف كدامنا مو تجين انتي الي طولج شبر تكفين بوجهنا افتهمتي
سدره؛؛ راح يجي يوم والله ياخذكم لو ياخذنا ويخلصنا من ضلمكم
الداعشي ؛: نحنا الدوله الاسلاميه غصب عنج وعن خشمج
هو ويحجي معايا مسك خشمي وداسو
سدره؛؛ لا تنسى ان الله لينصر الدوله العادله ولو كانت كافرة
دفعني وجبرني افتح الباسورد الشي الوحيد الي جان واكف كدامي هو ويلادي صح خفت بالبدايه بس
شنو فايده العيشه اذا اعيش جبانه كدام دوله ضالمه احتلتنا جنت خايفه لا اموت واعوف ويلادي سلوى اتربيهم
الوكفه الي وكفتها كدام داع... ش لووكفت نفسها كدام عبدالله ماجان دمرلي حياتي
شاف المحادثات بيني وبين عمر اتخبل مسكني الداعشي رجع رفع السلاح بوجهنا وصار يصيح علينا
الداعشي؛: وين عمر اعترفو وينو.
سدره؛: محد يعرف غيري اني وين عمر
لحظتها دخلو نسوان مخمرات من فوك لجوى اسود وشالين سلاح ب يدهم
الداعشي؛: اخذوها هاي
سحبوني من ايدي الداعشيات وركضت ماري تدفع بيهم وتصرخ وتبجي
ماري؛؛ماااامي لاتاخذون امي من عندي
الداعشي دفعها وكعت على الكاع انضرب راسها وماصحت اتخبلت احس فقدت دمها صار بطولها وفاقده بنتي
اهلي ركضو عليها واني صرت ادفع بيهم وابجي بنتي يمه بنتي الخاطر الله مايفيد مايسمعون سحبوني واني اصرخ
سدره؛؛ الله يخليكم خلوني اشوف بنتي بنتي ماتت مااااارررري بابا الله يخليك اخذها مختار ساعد بنتي
شفت مختار شالها ويركض بيها ابويا مايعرف يركض ورى ماري لو يركض عليه
اخذوني الدواعش وطلعو ركبوني بالسياره وجنت بس ابجي واصرخ باسم ماري وحده منهم كالت
كااافي اسكتي دوختنا ب بجيج
سدره؛؛ الله لايوفقكم الله لايرضى عنكم ان شاء الله الكافر احسن منكم
مسكتني من راسي وضربنتي بل جام مال سياره كبل صيح بيها الداعشي الي كاعد من كدام
على كيفج بيها مانريد نتعاقب
مادا اتشوف لسانها اشكد طويل
اتركيها
اخخخ لو بس
وسكتت من الشي الي اني بي وبالي يم ماري ماجا ب بالي كلامهم شنو يقصدون
وصلنا يم السجن مالهم واني بعدني ابجي عيوني ورمو سكتت مااحجي اي كلمه ماعرف بنتي عايشه لو ميته شنو صار بحالها الي ضربتني عرفت بيها هاي الجبيره مالهم اسمها ام عائشه وهي مسؤاله عن السجن
جان ايديا بيها كلبجه سحبوني من ايدي ودفعوني بالسجن مع النسوان من شفتهم زدت بالبجي يالله وين جايه اني
جان بالسجن اكوو نسوان وبعض منهم يزديات كامت وحده وجت عليه
هلا بيج لاتخافين نحنا خواتج كلنا سوى
لحظتها دا احجي اتذكرت كلام عمر
عمر؛:لاتنطون. ثقه لاحد ولاتختلطون مع احد حتى الناس الي جنتو تعرفهم لاتحجون شي كدامهم ديرو بالكم
ضليت ساكته ماحجيت شي عفتها ورحت كعدت وحدي خليت راسي على رجليه وكمت ابجي ضليت ابجي وادعي يارب احفظلي ويلادي يارب مالي غيرهم يارب ماري مابيها شي
مرت ايام ولااحد جاي عليه ولاحد سال صار عندي احساس بنتي ماتت واهلي مابعد يجون عليه حتى لااسالهم
النهار والليل كلو ابجي على ماري خصوصه ماعرف عايشه لو ميته
ملابسي جنت البس حجاب الصلاه واغسل باقي ملابسي ويرجعون ينشفون ارجع اغسل حجاب الصلاه
نفسيتي تعبت حييل اكل جانو ينطون الصبح كلاص جاي وصمون وحده وجبن مثلث قطعتين والغده يجبون تمن ومرك والعشه تمر ولبن
من جنه نسبح ينطونا صابونه وحده ومو دائما
اكل جدا قليل ونفسيتي ادمرت فدمره ماجان عندي غير امسك القران واكعد اقرأ وادعي رب العالمين يفرجها عليه المشكله كل ماتجي داعشيه اسالها يمتى يطلعوني اتكولي ماجا دورج بالحكم
اربع وعشرين ساعه الدمعه ماتنشف من عيوني نسيت كلشي نسيت الدنيا ومابيها بس بنتي اريد اعرف شنو الي صار بيها
يوم من الايام واني صارلي ثلاث اشهر بلسجن لااهلي ولارحمه الله ولاحكم داعش نزل عليه
انفتح باب القاعه الي نحنا بيها والداعشيه دفعت بنت يطلع عمرها 14 او 15سنه جوى وجانت تبجي وحالها اتعس من حالي وصغير ركضت على ام عائشه
سدره؛: ام عائشه الله يخليج بس كوليلي ليش اهلي مادا يجون عليه قسمت عليج برب العالمين جاوبني
ام عائشه؛: لان ممنوع الزياره عرفتي هسا
سدره؛؛ الله يوفقج بس اريد اعرف بنتي عايشه لو ميته
ام عائشه؛: كاافي سدره يالا
راحت وسدت الباب وكمت ابجي واصرخ عليها
سدره؛؛الله يخليج ابوس ايدكم اريد اعرف بنتي واهلي شنو صار بيهم دخيلكم دخيلكم اريد اعرف بنتي ماتت لو عاشت
وكعت بالكاع وماسكه باب القاعه وابجي رفعت راسي لكيت هاي البنت ادحك عليه وتبجي
رفعت نفسي وكمت امشي واني امسح بدموعي رحت كعدت بمكاني وجت البنت كعدت يمي
ضلت ادحك عليه وتبجي تريد تحجي معايا وخايفه ضلت ساكته نص ساعه وماحجت بعدها كالت
خاله ليش تبجين
رفعت راسي وزدت بالبجي التفتتة عليها وكتلها
سدره؛؛ ماتكوليلي انت اشجابج هينا
خاله اني مو مسلم واخذوني
يايمه احترك كلبي عليها تحجي وتبجي سحبت راسها وحضنتها
كامت تبجي وجسمها كله يرجف وتحجي وبل كوه اطلع الكلمه
خاله كتلو امي وابويا واخويا كداااامييي
يايمه كلبي احترك عليها صدك من يكولون من اتشوف مصيبه غيرك اتهون عليك مصيبتك
جيهان,؛: شنو ذنبنا الي نحنا مو مسلمين قتلو امي وابويا واخويا واخذوني اني
احضن بيها وابجي واشهك معاها حتى ماكدر اهديها ضلت تبجي بحضني وطلعت الي بكلبها مسحت دموعها وبستها
سدره؛: رب العالمين مايعوف عبدو مضلوم هو خلقج وماراح يتركج صدكي شنو اسمج انتي
اسمي جيهان
مرت أيام وجيهان جانت تبجي واجي اهدي بيها مرات اكعد معاها ابجي
تعبت نفسيتنا ب شكل مرت 15يوم على جيهان جت ام عائشه دا تاخذها
ام عائشه؛: يالا انتي كومي
سدره؛: وين تاخذيها
ام عائشه؛: انتي شعليج وشنو دخلج
سدره؛؛ بس كوليلي
ام عائشه؛؛ انباعت
سدره؛؛ ليش هي بضاع حتى تنباع
ام عائشه؛؛وكفتي جثيرر بوجهنا سدره راح تاذين
سدره؛؛ مادا اكف دا اسال سؤال
ام عائشه؛؛ نحنا نسال مو العالم تسالنا امشي يالا انتي
سحبت جيهان من ايدها اتمشيها وجيهان صارت ورايا وتبجي
سدره؛؛ ماراح تاخذيها
ام عائشه؛ليش بكيفج
سدره؛؛ اني راح اشتريها
ام عائشه؛؛دا اكولج انباعت
سدره؛؛ اني احجي مع الي اشترها
دحكت عليه وضليت احجي معاها وبعدها كالت امشي
اخذتني ودخلتني لغرفه اصغيره كاعد بيها داعشي جبير يطلع بكد بابا هو شافني كبل وكف على حييلو
مشاء الله تبارك الرحمن على هذا الجمال اذا هذيجه انباعت اريد هاي
سدره؛؛اني مو بضاعه حتى اتبعون وتشترون بينا وبعدين اني مسلمه لو المسلمه هم تغتصبوها من حجيت هيجي كبل ام عائشه ضربتني كمخه على راسي يعني اسكتي لا تحجين
ام عائشه؛؛حجي اتريد تشتري جيهان من عندك
سدره؛؛ اريد احجي معاك وحدي
ماشي اطلعي أم عائشه وعوفينا وحدنا
طلعت وعافتنا وحدنا
سدره؛؛ اريد اشتري جيهان
وشنو الي تريد منها
سدره؛؛ من حق المره يكون عندها خادم ب بيتها يخدمها واني شفت جيهان وردتها اتصير الخادم مالي
اني اتعمدت احجي معا هيجي حشا جيهان تكون خادم
اممم بس الي مو مع الدولة الإسلامية سعرهم يختلف
سدره؛؛ اني موافقه
رفع ايدو واشر باصابعو اثنين يعني قاطين السعر
سدره؛؛اشكد اخذتها انت
ب 45ورقه
دنكت براسي وجريت حسره وسكتت يعني 90ورقه اني صح عندي فلوس بس ماعندي هذا المبلغ بس مامشكله بابا عندو ومختار هم ضام فلوس
اشوفج سكتتي
رفعت راسي وكتلو
90ورقه مو تمام
اي نعم
100ورقه اخذها
شنو مقابل هاي العشر اوراق
اشوف اهلي راح يصير اربع اشهر ماشايفتهم وماعرف شي عنهم ولاهمه يعرفون
ماشي انطيني عنوانهم
طلع ورقه وقلم سجل عنوان اهلي وجت ام عائشه اخذتني رجعتني لمكاني لكيت جيهان بعدها تبجي جيت يمها كعدت
جيهان؛: ها خاله صح راح تاخذيني
سدره؛؛ اذا بطلتي اتكوليلي خاله راح اخذج ولي حسيت نفسي عجوز
حضنتني و تبجي وتضحك نفس الوقت
جيهان؛؛ الله لايحرمني منج خاله ههه أقصد سدره
سدره؛؛ يعمري انتي لاتنقهرين ان شاء الله خير
جيهان؛؛ شكرا الج هسا عرفت الاسلام هذا مو الي بره
حضنتها ونبجي مبتسمين الحمدالله جيهان ماجان احد كن لمسها او متقرب منها حييل قهرتني يمكن لان صغيره...!!
مختار
بعد ماصار الي صار والداعشي دفع ماري شلتها وركضت بيها لمستشفى بس وصلنا المستشفى دخلتها وهي فاقد
اخذوها الممرضين وصارو يفحصوها ويوكفون الدم
تقريبا ساعه من الفحوصات وضمدو الجرح طلع الدكتور بلغنا الحمدالله ماري مابيها شي مجرد جرح واغمي عليها من اثر الو
تكملة بارت 14
تقريبا ساعه من الفحوصات وضمدو الجرح طلع الدكتور بلغنا الحمدالله ماري مابيها شي مجرد جرح واغمي عليها من اثر الوكعه
دخلها الدكتور هذاك اليوم بلمستشفى وخليت سماء تتصل ب ميس وتخبرهم وجا علي ومحمد يركضون
علي
بعد مادخل داعش لموصل وصلنا سيطرة اربيل ومسدوده رجعنا ماتحملنا ...
مشت حياتنا مع داعش وجان غصب عنا لازم انعيش
طلبو انسوي توبه يعني نحنا جنه كفار وتبنا واسلمنا هيجي برايهم
جان الي مايسوي ويعرفون بي يقتلو رحت لجامع وهناك الدواعش واكفينو دخلت امسك سره
وصل الدور لي يمي دخلت لغرفه مال جامع كاعد رجال جبير داعشي ولحيتو بيضه
السلام عليكم
وعلى من اتبع الهدى
اتكول كافر داخل عليهم على من اتبع الهدى؟!!!
اكعد مقابيلي
كعدت مقابيلو وصار يحجي عن الدين ودين الاسلام كذا وكذا وقبل الي جنت بي انت معصيه وغلط وكفر وشرك بالله هو اني اريد افتهم شنو هو الي سويتو شرك بالله ماعرف بعد ماخلص كلامو كالي
انطق الشهاده وان شاءالله ربي يبارك با اسلامك
نطقت الشهاده وباركلي وكمت طلعت انعل ابوكم لابو شريف الي بيكم كضيت عمري ماعوف صلاه وحده تالي صرت كافر بكلبي ....!
يوم من الايام اتصلت بيا سدره على مود الويلاد اني ماجنت اكدر بدون ويلادي
بعدها صار اعتاب بينا جنت كاعد بالسطح احجي معاها حييل انقهرت سدت الموبايل بكلمه وعد راح انساك
التفتت ورايا على صوت سلوى
سلوى؛: اني شنو بحياتك اذا بعدك اتحبها
علي؛؛ ولاشي
سلوى؛؛ ليش
علي؛؛ يمكن جنتي تعرفين علي اذا انغصب على شي مايحبو بعد لو الدنيا تنكلب
كمت على حييلي حتى امشي جت اتقربت عليه وخلت ايدها على صدري
سلوى؛؛؛ بس اني احبك خلينا انعيش مثل اي رجال ومره
ويصير عندنا طفل وراح اخليك تنساها
علي؛؛ صارلي عايش معاج ثلاث سنوات وماطلعت يوم من بالي ماتكدرين صدكي محد يكدر يطلع سدره من بالي ولاكلبي
بعدين جاي انطيج حقج شنو اتريدين بعد مني
اذا على نومه بالغرفه اني مرتاح بغرفة سدره واذا على الاطفال اني عندي اثنين ماريد
مشيت وعفتها لحكتني مسكتني من يدي
سلوى؛؛ ليش ماتنطني فرصه انعيش بيها فهمني معقوله ليله من اليالي ماكدرت بيها اتحبني
علي؛: مع الاسف لا لان من اتشوفيني انفعلت جثير معاج اعرف اتخايلتها هي بمكانج
يمكن جرحتها بالكلام يمكن الله يحاسبني لان هي هم مرتي بس سلوى ماجان عندها لاضمير ولااحساس اشبعها كتل تجي بعد اشويه هي تعتذر بس حتى لاازعل
واني سدره اذا جنت بس اشويه انتر بوجها تزعل وماترضى بسهوله الرجال يحب يتعذب بحب البنت الي يحبها
اشكد ماجانت المره ثكيله اشكد ماجان الرجال يحبها اكثر عكس من اتكون خفيفه وكل اشويه جت تلحك وراى حتى بس يرضا
مشيت اشويه ورجعت ركضت عليه تبجي وتصيح
سلوى؛:شنو ذنبي فهمني مثل مانت حبيتها اني حبيتك واني كلشي سويت حتى بس احصلك وارضيك واتحبني
علي؛؛ غلطانه انت سويتي كلشي يضوجني ماعرفتي تكسبيني اني ماكولج كلو الصوج منج اني هم ماكدر اطلع سدره من كلبي بس ممكن جنتي تكدرين اتعوضيني اشويه عنها لو شي بسيطه بس انتي ماعرفتي
سلوى؛؛ كولي شنو اسوي فهمني حتى تنساها
علي؛؛ مانساها ركزي كتلج ممكن اتعوضيني اشويه عنها
سلوى؛؛ مافتهمت اتري
علي؛؛ولاراح تفتهمين سلوى صدكي كتلج يوم من الايام ماراح الكي مره بالدنيا تفتهمني بكد سدره
لج بابا انتي عمرج ماسالتيني شبيك ضايج فرحان تعبان مااهتميتي بيا كضيتها بس احبك واموت عليك وماثبتي مافديوم كعدتي معايا وكتيلي علي انت اتريديني متقبلني بحياتك اذا ماتريدني خلي نفترق عشتي على حساب نفسج وكرامتج ولاعرفتي تكسبين علي ولاعرفتي اتحافظين على كرامتج
سلوى؛؛ شنووو هيجي سوتلك حتي ماكدرت تنساها
علي؛؛لاترفعين صوتج اهلي نايمين وسدره اخخخ كلمه اخخ تكفيج
سلوى؛؛ بنت الجامعه ام السحور اتخرب بيني وبينك الساقطه
مسكتها من ايدها وضربتها براشدي صارت تبجي وتصرخ
سلوى؛؛تضربني بسببها بسبب هذيجه الك....
علي؛:وولج اسكتي مااريد اسمع صوتج اشش
خليت ايدي ع حلكها ودفعتها ب غرفتها واضرب بيها وماتسكت تغلط
سلوى؛؛الله لايوفقك ولايوفقها دمرتو حياتي
علي؛؛ ولي بنت الكلب منو دمر حياة منو ها منو مو سويتي فضحيه بس حتى اخذج
ضربتها وسحبت الحزام اضرب بيها كامت تتوسل
سلوى؛؛ الله يخليك كاافي بعد ماتحمل
علي!؛ اذا سمعت صوتج اذبحج افتهمتي
سلوى؛؛ اي اي
ذبيت الحزام وطلعت من الغرفه هو اني روحي واصله لراس خشمي بطرانه مشيت واني احجي لو يجي جد جدج هم ماحبج هي كوه
نزلت جوى اتمددت بغرفة سدره جت امي عليه دكت الباب
علي؛؛فوت
ام علي؛: شبيك امي صوتك مع مرتك
علي؛: يمه طفرتني بحياتي ماشايف هيجي مره يوم اكشر من تزوجتها ابتليت خمه ابتليت لطشت بديني والله والله. لو مانتي جان من زمان طلكتها وخليتها اتولي لهلها
ام علي؛: ياابني اتعوذ ابليس حرام عليك مايجوز تضربها مو من شيمت الرجال يضرب المره
تعرف مايفيد الحجي معايا عافتني وطلعت بعد فتره نزلت ميس تركض من فوك ونفسها رايح
ميس؛: علي
علي؛: شبيج تركضين على كيفج
ميس؛: الدوله الاسلاميه اخذو سدره
ضليت مصدوم بوجها شنو اخذوها سدره وكعت ب يد داعش
علي؛: انتي اش كاعده تحجين
ميس؛: سماء اتصلت بيا هسا وكالتلي وكفت بوجهم جوي ياخذون بيت عمر وماري راكضه عليهم حتى لاياخذونها دافعها واحد من عندهم وكن انشك راسها وهسا همه بل مستشفى
اتخبلت كمت اركض مثل المخبل ركبت سيارتي ولحكني محمد حتى ماعرفت وين يامستشفى محمد اخذ اسم المستشفى وطلعنا بوجهنا وصلت لكيت خالي ومختار وعمتي
علي؛؛ شنو صاير ب بنتي
ام سدره؛وكعت والدكتور طمنا مابيها شي
علي؛؛ وينها هسا اريد اشوفها
ام سدره؛؛ بعدها فاقده دا يخيطون راسها
محمد؛؛ عمه سدره شبيها ليش اخذوها
ام سدره؛: لكو محادثه بينها وبين عمر وكفت بوجهم واخذو
جانت ام سدره وضعها ابد مو زين تحجي كلمه وتسكت واكف ماحسينا غير وكعت بالكاع شلنها والممرضين ركضو اخذوها ودخلوها لردها رحت لدكتور حجيت معا وكالي وضع بنتي تمام مابي شي
شفت ماري تبجي جيت اتقربت عليها بوستها وشلتها بحضني
علي؛؛: يعمر ابوج انتي شلونج
ماري؛؛ باابا اخذو ماما الله يخليك رجعها
علي؛: راح ترجع حيااتي راح ترجع مامي ماتعوفج
تبجي على امها شايلها بحضني وجا مختار كدامي اويلي من اشوفو لو ب يدي اخلي ايدي بركبتو واكتلو خلاص من شافني يم ماري طلع صحتو التفت
علي؛؛ هي انت احجي معاك
مختار؛؛ معايا
علي؛؛ لعد مع الي خلفوك عود كول لهلك ماري وحسوني عندي بين ماترجع سدره
مشيت وعفتو ودزيت محمد جاب حسوني وضلو عندي بس جنت ادزهم كل مده بطلب من ويلادي يريدون ناناتهم وجدهم بس كل هاي الفتره يبجون على امهم بعد همه كبروو مو مثل قبل حتى ينسوها ...!!
سدره
بعد يومين ضبط جنت كاعده صاحت اسمي ام عائشه وكالت اهلج جاين عليج اتخبلت كمت على السريع طلعت مع ام عائشه
ام عائشه؛؛ وين هيجي طالعه
سدره؛؛ لعد شلون
ام عائشه؛؛ هاج هذا خمار البسي
سدره؛؛ وليش حتى البس
ام عائشه؛؛ امير المؤمنين حفظ الله امر بجميع النساء بل لبس الحجاب الشرعي
سدره؛؛ واني طالعه ترى دا اشوف ابويا
ام عائشه؛: البسي بدون نقاش ماتلبسين ماكو طلعه
اخذت الخمار من عندها واني استغفر ربي لبستو اسود من فوك لجوى
اخذتني وطلعت وصلت ليم اهلي بابا ومختار وامي وسماء وطارق وماري نور عيوني وحسوني حبيبي
شفتهم رفعت الخمار عن وجهي
بابا كبل كام يبجي ويصيح سدره بنتي ركضت علىَ ابجي واحضن بي
سدره؛: بابا حبيبي
ابو سدره؛؛ شلونج باباتي احد لمسج احد اذاج
سدره؛: لا بابا لا حياتي اني بخير
احضن ب بابا وماري وحسوني حاضنين رجلي ويبجون
دنكت عليهم ابجي وكل شهكه تطلع من عندي احس اتشك صدري ابوس بيهم كل مكان بوجهم وايدهمم
سدره؛؛ شلونج حياتي اش صار اتاذيتي
ماري؛؛لا مامي خيطو راسي وطبت
سدره؛؛يعمري انتي حسوني مامي شخبارك
حسوني؛؛ دين مامي تعاي اني بكي عليج
سدره؛: ياكلبي لاتبجون اني راح ارجع
خطيه كلهم يبجون خصوصه من حضنت ويلادي اشكد نحنا قاسين على اهلنا من شفت ويلادي نسيت امي الا هي حضنتني
سدره؛: ماما حياتي شلونج
كمت احضن بيهم وابوسهم واحد واحد انطوني ربع ساعه اشوف بيها اهلي من خلصت الزياره ويلادي مسكوني ويبجون مايقبلون يروحون
سدره؛؛ماري حسوني ماما انتو اتحبوني
حسوني وماري؛؛ اي
سدره؛؛ اذا مارحتو مع نانا وجدو هسا راح ازعل من عندكم حيييل
ماري؛بس نحنا مانريد انضل يم بابا انريد انضل يمج
سدره؛؛ لا حياتي بابا يحبكم حييل وبس راح ارجع راح اخذكم
حسوني ؛: احبج مامي
سدره؛؛ يعمر مامي انت يالا روحو
حسوني باسني وراح لبابا بس ماري رفضت عنوديه ب شكل
ماري؛: ما اروح اريد اضل معاج حبابه
سدره؛؛ ماري راح ازعل حييل منج روحي الله يخليج كاافي حركتو كلبي
بل كوه الا خليتها اتروح صحت بابا
سدره؛؛ بابا باجر لازم تجي وجايب معاك 100ورقه
ابو سدره؛: ليش هذا المبلغ
ام عائشه؛: يالا خلصت الزياره
سدره؛؛ بابا مختار يعرف رمز القاصه مالي واخذ من مختار ولازم اتجيبون هذا المبلغ باجر ضروري وانت كمل الباقي
ابو سدره؛: اي يابا صار باجر هيجي وقت اني يمج
سحبتني ام عا ئشه وصحت
سدره؛بابا لاتنسى شغله حياة او موت بابا
ابو سدره؛؛ بالج امين
اخذتني ورجعت لسجن كعدت ابجي واشهك جت جيهان يمي تمسح بدموعي
جيهان؛؛ اش صار بنتج عايشه
سدره؛؛اي عايشه الحمدالله بس قهرتني هيا واخوها
ضلو امجلبين بيا
جيهان؛؛لاتنقهرين سدره الله يحلها
سدره؛ان شاء الله
ضليت هذاك اليوم بس انام من القهر طلبت من ام عائشه يجي هذاك الرجال الي راد ياخذ جيهان وكالت باجر راح يجي
صار ثاني يوم وجا بابا معا الفلوس اخذتهم وردتو ينتظر
رحت لد... اعشي انطيتو فلوس وقعت على اني اشتريت جيهان
رجعوني ليم بابا وام عائشه جابت جيهان كمت على حييلي حضنتها ودموعي تنزل واني مبتسمه
سدره؛؛ كتلج رب العالمين مايعوف عبدو مضلوم وانتي يتيمه لو حتى ماجنتي من دين الاسلام بس اتضلين العبد الي خلقج رب العالمين ويشفق على خلقو
جيهان؛؛؛ لو انطيتج روحي ماراح اوفيج
سدره؛؛يكفي اديرين بالج على نفسج جيهان هذا بابا ابويا راح ياخذج الى حد مااطلع اني بخير وسلامه
جيهان؛: ربي يفرجها عليج ياسدره مثل مافرجتها عليه
سدره؛؛ امين
بابا اخذ جيهان وطلع لحظتها كلت يارب
سدره؛؛ ياربي سويت هذا العمل في سبيلك ثم انسانيه احفظلي هذا العمل عندك يارب
دخلت ام عائشه اخذتني لسجن وبعدها هم ماشفت اهلي مر ست اشهر واني بعدني بالسجن وجا وكت الفرج بس ياريت ماجا
صاحوني وكالو اكو شخص يريد يشوفج طلعت وكل ظني اهلي او كلت يمكن بابا حتى علي خطر على بالي الا الي دمر حياتي ماخطر على بالي
دخلت بغرفه وكعدت انتظر سمعت صوت الباب انفتح التفت ورايا لكيت رجال ملثم كدامي اتقرب عليه وضليت مركزه بعيونو نفس العيون الي شفتها عندنا بالبيت
اتقرب عليه ورفع الخمار عن وجهي ابتعدت خلى ايدو على وجهو وشال الغطه عن وجهو انصدمت بي عبدالله...!!
ضحك ضحكه طويله وكتف ايدينو وجر نفس وهو يدحك عليه من فوك لجوى
عبدالله؛؛ اي ياسدره واخير التقينا بعد كل هاي السنوات كالو حبيب الكلب متزوج غيرج
الى حد هاي اللحظه بعدني بصدمتي واكفه كدامو مصدومه
ماطلعت غير مني بهمس
سدره؛؛انت اشرجعك
عبدالله؛: اش رجعني غير رجعت لحبيبتي
ماتحملت كمت اصرخ علىَ
سدره؛: اشجابك اشرجعك ماكافي الي صار بيا وراجع انت فوكها
عبدالله؛؛ ههه اهدي يعمري ليش اتصرخين هاي امبدال ماتحضنيني واتبوسيني رجعت صارلج سنين ماشايفتني
اتقرب عليه وصرت ارجع ليورى الى حد ماحصرني بل حايط سحب الخمار من راسي وذبو سحبني وقربني
عبدالله؛: مشتاقلج سدره ماكدرت انساج بعد مارحتي دورت عليج جثير ومالكيتج
دفعتو عني ورجعت اصرخ علىَ
سدره؛: انت متت شنو الي رجعك عبدالله سدره ماناقصتك تعرف شنو اني الي مريت بي انت خطفت مني اخويا وبنتي وجبرتتي ارفع دعوه على علي استغليت موت لؤي على ايد مختار حتى تهدم حياة سدره وعلي وهسا راجع وصاير مع هذوله
عبدالله ؛؛ لو رفضتي علي من اول جنتي معايا هسا انتي وامعيشج احسن عيشه
سدره؛: اني مو قليله شرف وغيره مثلك. حتى ادحك على ابن عم رجلي افتهمت اني صح اطلكت من علي بس لاتصور اخذك او اتحاول تجبرني على شي لو اعرف داعش يحكم عليه بل اعدام
كام يصيح وياشر على نفسو
عبدالله؛: اني السلطه اني القوه محد راح يوكف بطريقي محدددد علي راح يموووووت وانتي راح اتصير ليه اني عبدالله الشي الي اريدو اسووووي
سدره؛: تحلم اصير لكه ياعبدالله انت لاسلطه ولاقوه ب يوم وليله راح رب العالمين يشيلكم من الوجود ويخسف بيكم الارض واذا طخيت علي قبل مايدفنون علي راح تسمع بخبر موتي
مسكني من ركبتي
عبدالله؛؛ انتي مالي كتلج راح يجي يوم واخذج كتلج راح يجي يوم واندمج ياسدره
اختنكت صار يخنكني ويحجي عيونو حمر صرت ادفع بي ماكدر دفعني وجسمو كام يرجف كمت اكح وافرك بركبتي
سدره؛: الله يكتلك ياعبدالله نهايتك مثل الجلاب اتموت
مد ايدو بجيبو وطلع حب بلعه اتقرب مني وصرت انهزم مسكني من شعري قوي وضربني براشدي
عبدالله؛؛منو الي راح يوكف عبدالله بهاي اللحظه
سدره؛؛رب العالمين هو الى راح يوكفك
عبدالله؛؛ خلي ربج يفيدج دفعني على الكاع و....
