رواية ليتني واجهتك الجزء الثاني الفصل الخامس عشر
لم دربهم
بعد شمتاني يـگلبي
الليلة وحشة
الليلة شدّينا الرحال
ولا تناطر چف يعتّك
هذا صوت الريح يدوي
شتلتفت مامش تعال.
°°
ياطير المحنه هم سمعت بطير
ماهزه الحنين لديرته وعشه~~
°°
دفعني على الكاع وصار يضرب بيا مثل المخبل ويشك بملابسي ويتلمسني صرت. اضرب بيا واخرمشو واعضو ماستسلمت
عبدالله؛؛ سنين عشت بعيد بسببج وسبب هذاك النذل
سدره؛؛ ماراح تكدر تحصلني لو اتموت وماكو انذل منك والله انتحر اذا لمستني عبدالله اموت نفسي
رب العالمين جان معايا بكل لحظه من جنت بل سجن جثير استودع شرفي واقرأ ايات على نفسي وانفخ
وحتى بابا من شفتو اخر مره كالي كل سجده اكول بيها يارب استودعت بنتي عندك احفظها واحفظ شرفها من كل ابن حرام
عبدالله؛؛ بعدج اتحبي ونام بحضن غيرج واني شنو مافكرتي بيا
سدره؛لان اختك لطشه وكح.... وهي ذبت نفسها علىَ
من كتلو هيجي عافني ورجع ليورى
عبدالله؛؛انتي شنو تقصدين سلوى شنو لها دخل
سكتت ماحجيت
اتقدم عليه ومسكني من شعري وضربني براشدي
عبدالله؛:سلوى شنو لها دخل جاااوبي
سدره؛؛ الي وصلك علي اتزوج وصلك علي اتزوج منو
عبدالله؛؛ علي اتزوج سلوى جاوووبني علي اتزوج سلوى
سدره؛: اي اتزوجها وانت هلكد عندك غيره عليها
عبدالله؛؛ ولج علللي عدوي يتزوج اختي علللي يتزوج اختتي
دفعني وكام يصرخ
عبدالله؛؛ اني الي اريد اموتو يصير رجل اختي والله ماراح اخليك عايش ياعلي والله
سدره؛: اذا سويت شي لعلي يااعبدالله والله اخليك تندم طول عمرك والله اكتل روحي ورى كولي شلون يجي من كلبك اتاذي انت تعرف علي شلون اتاذه وراك من سمع بخبرك جذاب ماتكدر اتاذي ماتكدر
كاعده وحاصره نفسي يم الحايط غطيت روحي بل خمار اتقرب عليه.
عبدالله؛؛ واثقه من كلامج ماسويها
سكتت ماحجيت ضربني على راسي وصيح بوجهي
عبدالله؛: واثقه من كلامممج جاوبي
سدره؛؛ ماتكدر
عبدالله؛؛ منو الي قتل لؤي
ضليت مستغربه ب سؤالو
سدره ؛: شنو قصدك
عبدالله؛:منو الي قتل لؤي ؟
سدره؛؛ مختار اكيد
عبدالله؛: ههههههه ههههههاي حلوه حبيتها
كام على حييلو ويضحك
عبدالله؛؛هههههه يعمري اشكد فطيره انتي
سدره؛:انت شنو تقصد
عبدالله؛؛هههههه اكفي ههههه خلي اضحك بعد مختار هو الي قتل لؤي وسدره اطلكت من علي الصراحه قزومتي على كولت هذاك الكو.... اني جنت حاب علي يموت وبعد مايموت ناخذ ويلادج وبعدها انتي ماراح تكدرين بدون ويلادج راح اني اخطبج وعيشج احلى عيشه
جسمي كلو كام يرجف عقلي اتشوش عبدالله كدامي يضحك ويجي ويروح ويحجيلي
عبدالله؛؛ بس حبيبج الاثول جان شايل لؤي ويركصو والغبي الي كتلوو اكتل علي امبدال مايضرب علي ضرب لؤي هههه بس لاتخافين حبيبي لحكتو كبل ب لؤي طلقه خليتها براسو وبح راح
هو يحجي ويضحك واني جسمي كلو كام يرجف الكلمه ماتطلع من حلكي اسناني وحده ادك بل ثانيه مصدومه
اريد استقبل الصدمه مادا اكدر لان
ولايوم ولاعمري ولا لحظه ولاثانيه فكرت عبدالله هو الي سواها لان لؤي مات كدام الكل وعلى ايد مختار هو جان يرمي
عبدالله كعد مقابيلي ويدحك عليه اتمددت وحضنت روحي وابجي وارجف ضليت ابجي واشهك
سدره.... لا عبدالله لا الله يخليك لاتجذب ابوس ايدك
عبدالله... بعد ماشفتي شي حتى رجلي راح اخليج تبوسها مو اني الي انرفض
عضيت اصبعتي وصرخت
سدره... اخخخخ يالندم اخخخخخخخ اني اني استحق الموت استحق كلشي يصير بيا بس لؤي ماات لؤي ماات ب سببي اخخخخخخ ياكلبي اخخخخ الندم
مااات مااات بسسببي ماات لؤؤي
عبدالله؛؛ وهسا ماكدامج غير تمشين معايا لسوريه لو علي راح يموت مثل مامات لؤي
اتعدلت وصرت امشي على ركبي رجليه احس ماحس بيهم
ياريت اخويا الي قاتل لؤي انكول قتلو مامتعمد بس راح اعيش طول عمري بهذا العذاب
وصلت يم عبدالله صرت اصرخ واني ابجي
سدره؛؛ الله يخليك الله يخليك ياعبدالله كولي كاعد اتجذب عليه زين شلون شلون فهمني لا جذاب مختار هو الي قتل لؤي هو هو مو كدامي وكدامك
وكدام امة محمد مختار جان يضرب طلقات وجت طايشه على لؤي ومات
عبدالله؛؛هاي كدامج وكدام الناس
سدره؛؛ انت جذاب مااصدك بيك
طلع موبايل من جيبو وطلعلي صور شلون كاعد واحد بغرفة عبدالله ب بيت اهلو وسلاح كدامو ودا يقنص على بيت اهل جنات
من شفت الصور كمت اضرب على نفسي واصرخ وابجي والطم شعري كلو صار ب يدي اشكد مالطمت ونتفت ب شعري
سدره؛؛يول ليش ليش هيجي سويت ليش دمرت حياتهم ليش دمرت حياتي انت مريض نفسي مريض عبدالله
شنو ذنب لؤي شنوو ذنبو اكتلني وخلصني اني استاهل الموت والله استاهله والله
لؤؤؤؤؤؤؤوي اخخخخخ ياااعمري ياااخويا اخخخ ياكلبي يمه هذا كابوس والله كابوس ليش ليش صار كل هذا الشي
ضميرك وين جان من علي يحضنك ويبجي على كبر لؤي وين وين جان ضميرك وتشوف جنات كدام عينك فقدت عقلها وعمي وعمتي وحركت كلبهم
ولك عبدالله عمتي نومتك بفراش واحد انت ولؤي وعلي ليش كولي لييييييييش
عبدالله؛: اعذريني جنت دا اكتل علي و الغبي ضرب لؤي هههه وانتي جنتي تعرفين من البدايه كتلج ماراح اخليج تكونين سعيده مع علي
دحكت عليه بنظره اريد اكطعو هجمت علىَ وصرت اضرب بي واغلط علىَ وافشر يمكن غلطت غلط بحياتي ماصاير على لساني هيجي شتم
سدره؛: الله يكتلك الله ياخذك ياريت لو اخويا كاتل لؤي ولاراح اعيش بهذا العذاب طول عمري ولك مابلاش الله عاقبني وخلي علي يطلكني ويتزوج غيري الله عاقبني ب سبب كتمان سري مابلاش الله اخذ مني ابني
اكرهك اكرهك والله ماراح احبك لو تصبني ذهب من راسي الي رجلي مجرم حقير كتلت اخوك يانذل ولك اني وعشره مثلي ومثلك نروح فدوه لرجل لؤؤؤؤي والله جان حباب لؤي والله مايستاهل والله اني السبب اني اني
مسك حنجي قوي
عبدالله؛؛ مو مهم حبيتني او لا المهم اني اخذ الي اريدو واحصلو كاافي كاافي عاد ماعندج غير تجين معايا
سدره؛؛ لو اتموت ماراح اجي معاك افتهمت ياحقير
عبدالله؛:؛ اي موافق مامشكله اتضلين حالج حال الايزيديه هينا وكل مااشتاكلج اجيج وعلي اخذ ثاري من عندو
سدره؛؛ ياساقط علي بحالتين ميت لان انت غدار ونذل
عبدالله؛؛ههههه والله طلعتي تفتهين سدره هسا مثل شرب الماي اكدر اكتل علي لان علي بحكم الدوله اسلاميه مرتد لان اعلامي ومحد يكدر يكف بوجهي
سدره ؛: الله ياخذك ياحقير
عبدالله؛؛ هذا مكانج هينا واني راح اروح بعد اشويه اجي بين ماكولهم يجيبون راس علي
مشى وصل لباب كتلو
سدره؛؛ امسك عقد عليه اني موافقه اتزوجك بس اترك علي يروح بحالو
التفت عليه وصفك ب يدو
عبدالله؛؛ هسا صرتي اتشتغلين عقلج صح
لميت نفسي وكمت على حييلي
سدره؛: وعلي شنو راح يصير بي
عبدالله؛؛ هذا مو شغلج
سدره؛؛ ماراح اوافق تعقد عليه الى حد ماعلي يطلع خارج الموصل
عبدالله؛؛ شنو يثبت على كلامج
سدره؛؛ صادكه بكلامي لان علي مو قليل عليه
عبدالله؛: شوف اذا كذبتي عليه بحرف واحد سدره حسابج راح يكون عسير اني راح اروح لسوريه وارجع بعد مارجع اريد علي مابل موصل وانتي حاضره هينا ولاتحاولين تنهزمين مع علي لان اسمج موجود بكل سيطره راح يكون واذا مانمسكتي بالعراق تنمسكين بسوريا اني مراقبج سدره وراح اعرف وين تروحين وين تجين
سدره؛؛ماشي بس يعني راح اطلع هسا
عبدالله؛: اي راح اطلعج
سدره؛: بس اني تهمتي على مود عمر
عبدالله؛؛ لاتخافين اني اخذت جهازج ومسحت كلشي بي والي اخذ جهازج مايكدر يحجي
سدره؛؛ ماشي بس علي شلون راح يطلع من الموصل الطريق مسدود وماعرف اذا طريق كركوك بعدو مفتوح
عبدالله؛؛ طريق كركوك انسد بس يكدر يطلع قجق هو يعرف هذا الشي اكيد
سدره؛؛ تمام بس ماريد فضايح بل منطقه وياخذوني
عبدالله؛؛ اذا مو هيجي عجل شلون اخذج
سدره ؛:ماعرف دليني على مكان اني اجيك
عبدالله؛: بعد اربع اشهر تجين على عنوان .......
سدره؛: عرفتو
عبدالله؛: ام عائشه ام عائشه
صيح ام عائشه وجتي
ام عائشه؛: اتفضل حجي
عبدالله؛:جيبلي سجل السجن
ام عائشه؛؛ تامر حجينا
راحت جابت السجل وجت معاها قلم اشرلها تطلع
ماعرف شنو كتب بل سجل وقع علىَ رفع السجل كدامي
عبدالله؛؛ اقري شنو مكتوب
سدره؛:شنو هذا
عبدالله؛؛ اقري
قريت مكتوب بالسجل
اني الامير ابو حفص العراقي
امسمي روحو ابو حفص فوكها اتروح فدوه لنع.ال ابو حفص اي والله
تم هروب امراة باسم سدره محمد علي من حكم الزنه وتم شاهدت كل من ابو فلان وابوفلان وابو فلان وابو فلان
اربع اشخاص ذكر اسمهم على السجل قريت الورقه الى حد ماخلصت افتهمت من الورقه مكتوب بيها عبدالله لكاني ازني والي جان معايا هذوله زلم يتشغلون معا
همه شهدو اربعه واني انهزمت من عندهم ومكتوب بيها اني متزوجه والشخص الي جنت معا جان اعزب وعبدالله جلدو بس بحكم اني متزوجه ارجم
من قريتها ضربت على صدري
سدره؛؛ ليش هيجي
عبدالله؛؛؛ هاي الورقه معايا راح اتضل بحاله اذا حاولتي تنهزمين او ماجيتي راح ادزها لقاضي الشرعي الي هينا
لحظتها خفت خفت بشكل وتوترت بلعت بريكي وكتلو اوكي
عبدالله؛؛ من هينا يومين علي لازم يطلع من الموصل
عرفت عبدالله راح يغدر بعلي بس مجرد صيح ام عا ئشه اخذتني ورحت لسجن لميت اغراضي على السريع ولبست ملابسي وطلعت من السجن
وكفت تكسي ابو التكسي ماقبل اصعد معا كالي الدوله الاسلاميه مايقبلون اصعد مره وحدها
ضليت واكفه جثير بالشارع محد يقبل يكفلي تالي رجعت على السجن طلبت منهم
ام عائشه؛؛ ها اشرجعج لازم عجبتج الكعده عدنا
سدره؛؛ صيحيلي ابو حفص
ام عائشه؛؛ ابو حفص نايم هسا ماكدر اكعدو
سدره؛؛ كعدي كوليلو سدره رجعت وهو ماراح يحجي شي
ام عائشه؛؛ ماشي انتظريني
راحت ورجعت معاها عبدالله وصل ليمي
عبدالله؛؛ ها سدره اشو رجعتي
سدره؛؛ عبدالله اني وين هاي ماكن جيت هينا
عبدالله؛؛ انتي بل..... ليش
سدره؛؛ اني اريد اروح وصار ساعه واكفه بالشارع محد يقبل يكف
عبدالله؛؛ اي ليش ماتعرفين الدوله الاسلاميه مايقبلون مره تصعد وحدها بالتكسي
سدره؛؛ ديلا هسا شلون اروح
عبدالله؛؛ امشي بعدين انتي وين عندج فلوس تاخذين تكسي
سدره؛؛ كلت من اصل البيت
عبدالله؛: يابيت هذا
سدره؛؛بيت اهلي غير
عبدالله؛؛اهلج ماساكنين نفس البيت
سدره!؛وينهم عجل
مشيت معا وهو دا يحجي معايا استغربت اهلي وين راحو
عبدالله؛: الدوله الاسلاميه صادرو بيتكم والسيارات على مود عمر
سدره؛؛ انت صحيح تحجي
عبدالله؛؛ قابل اجذب عليج
سدره؛وخليتو احد يكعد بي
عبدالله؛؛ لا اني ماقبلت بس لاتخافين من ارجع من سوريه ارجعهم
سدره؛؛ زين ماتعرف بيهم هسا
عبدالله؛؛ امبله بيت خالج
قبل مايوكف تكسي كتله
سدره... عبدالله اترجاك
عبدالله... شتريدين
سدره... لاتغدر بعلي اذا غدرت بي والله اكتل نفسي ورا الي تريده اسوي بس عوفه يعيش اتوسل بيك
عبدالله... انتي الي وصلتي نفسج الي هاي الحاله
سدره.. انت دمرتلي حياتي دمرتني عبدالله
عبدالله.... لو مدحكه بعيوني بيوم من الايام وعرفتي اشكد اني جنت رايدج جان ماذيتج ولو انتي مشيتي معايا جان هسا لؤي عايش
دنكت براسي ابجي والله مابجيت على احد بجيت على لؤي لؤي يستاهل الواحد يبجي على العمر كله
عبدالله.... روحي يالا
سدره... ماراح تغدر
عبدالله... خلي يطلع وماراح اكتله
سدره.... زين شنو راح اكولو على مود يطلع
عبدالله... كوليلو اني ومن دا اطلع من السجن سمعت الدوله الاسل.. اميه يكولون راح نقتل الاعلامي علي قصي جانا امر
سدره... راح يصدكني
عبدالله... راح يصدكج
سدره... بس اخاف مايطلع لان ويلادنا
عبدالله.... طلعي حجه ماتعرفين اتجذبين يعني كولي بارده ماكدر ويلادي يتمرضون
سكتت واتذكرت ماري
سدره... اي ماري ماري عندها ربو وماتحمل البرد
عبدالله.. يالا لعد امشي
مشيت دا يمسك تكسي التفتت عليه وسالني
عبدالله...شنو ويلادج منو منهم ماات
سدره... محد اسم الله عنهم
عبدالله... لعد ليش كلتي الله عاقبني واخذ مني ابني
سدره... اها جنت مثكله من سافرت وبعدين علي لكاني بتركيا لان صهيب جان يعرف مكاني ورجعني لعراق عمي جبر علي يتزوج سلوى ومن تزوج ولدت ابني ميت
عبدالله... ههههه زين مات عود اعوضج بااحسن منه
فكيت عيوني وباوعتله اشكد حقير ونذل
سدره... خلي ب بالك شي اذا تزوجتني مو معناها راح احبك اعرف اني اتزوجتك بس حتى انقذ علي
انت مريض واني اكرهك تكولي دحكي بعيوني ياعيون الي تحجي عنها مليانه حقد
سكت وضحك
وكف تكسي وانطى حك الكروه وكالي اركبي كال لابو التكسي اخذها على منطقه ....الي ساكن بيها خالي
ضليت الطريق كلو ابجي على لؤي الله يرحمو مات بسببي اويلي ياعلي لو عرفت الحقيقه شنو راح اتسوي واخخخخ على جناات الي خربت حياتها ب سببي وسبب كتماني وياعيني على مختار اشكد ضلمتو
فززني من صفنتي صوت ابو التكسي وصلنا اختي
نزلت من التكسي ونزلت اغراضي يم بيت خالي جان الدنيا شته ومطر
مشيت لبيت خالي ودكيت الباب طلعي خالو
اتفضلي منو
سدره؛؛ خالو انا سدره
حضني وكام يبجي ويبوس بيا واثنين نبجي
سدره؛: خالو اهلي هوني (هينا)
اي حبيبي خالكي هوني ادخلي
دخلت جوى اركض واصيح وينكم اني سدره رجعت
اهلي طلعو يركضون ويبوسون بيا واني احضنهم وابجي
ابوسدره؛؛ ولج يابا هديتي حيييل بس كوليلي شلونج احد لمسج
سدره؛؛ لا باباتي ماما قربانكي
نزلت على ايدها وابوس بيها ومختار وسماء وطارق حاضنيني ويبجون
عيوني ماجنت اكدر ارفعها كدام مختار خجلانه حضنت سماء وطارق
مختار؛؛ سدره حياتي الحمدالله على سلامتج
سدره؛: مختار حبيبي
ماتحملت انهاريت بعد اكثر بالبجي حاضنتو وهو يبجي ويهدي بيا
مختار؛؛ كاافي حبيبي كافي فرجت
سدره؛؛تعبااانه يامختار تعبانه
مختار؛؛ بعد اخوج اروحلج فدوه خمه اذوج هذوله الكلاب
صارو يهدون بيا ودخلوني جوى جيهان يالله نسيتها وينها
سدره؛؛ وين جيهان
ابو سدره؛؛ يم اخوج صارت
سدره؛؛ امانه بابا تحجي صدك
ابو سدره؛؛ الحمدالله كدرت اطلعها
سدره؛؛ شكرا بابا لكه شلونها
ابو سدره؛: الحمدالله مرتاحه وعايشه يم اخوج واختج وضعها زين وعمر مرجعها لدراسه
سدره؛: الله يوفقو يارب ويبعد عنوو ويلاد الحرام
الكل؛؛ اللهم امين
خال سدره؛خالو سدره محد اذاكي
سدره!؛ لا خالو الحمدالله محد لمسني
سدره؛: اريد سيارتك خالو
ابو سدره؛؛ وين تطلعين يابا الله يخليج
سدره؛؛ رايحه يابا ولا يضل بالكم عليه اذا احد سالكم عني كولو اخذوها الدوله اسلاميه ومانعرف عنها شي بس خالو وصلني
خال سدره؛؛ اي حبيبي تدللين بس وين
سدره؛؛ لبيت عمتي
امي كبل صيحت بوجهي
ام سدره؛؛ ياعمه ياعمه هاي
سدره؛؛ لعمتي كم عمه عندي يعني
ام سدره؛: اشعندج هناك فهميني ماكافي هذاك ماخلاج تطلعين صارلج ست اشهر بالسجن
سدره؛: دخولي لسجن جان بي خير نقذت بنت بعمر الورد من ايد ناس ماتخاف الله
ام سدره؛؛ والله اذا انتي اسمكي سدره اطلعي من البيت دا. اغشع الا اكسغ رجليكي
سدره؛؛اذا ماغحت يقتلون علي انت اش دا تحكين
ابو سدره؛؛ منو كالج هذا الكلام
كمت طلعت بدون مارد عليهم امي لحكت ورايا اتصيح
سدره؛؛ خالو لو اتوصلني لو اغوح (اروح)وحدي
خال سدره؛: امشي خالو اوصلكي
ام سدره؛:تعاااالي احكي معاااكي منو قالكي هذا الكلام
سدره؛؛ اني سمعتهم باذني سمعتهم دا يقولون راح ناخذ الاعلامي علي قصي اتغيدين (اتريدين) يقتلونو واضل ساكتي لاوالله
ام سدره؛: ضلي
واغانو (وراى) والى حد ماتموتين وهو يحضنو مغتو (مرتو)
سدره؛؛انتي ماعليكي اذا دا اموت في سبيل علي يعيش غوحي (روحي) قربانو تصيغ
ام سدره؛؛ الله يصخمن وجهكي ياسدره اش قاعدي تعملين بغوحكي
ابو سدره... سدره بنتي تعالي
سدره....مااجي اعذروني
ضلت امي تحجي ورايا مااهتميت اريد بس اخلي علي يطلع ويخلص جنت حييل خايفه من عبدلله لايغدر
ركبت مع خالي بالسياره وبالطريق كتلو
سالني وكتلو خالو اني ودا اطلع من السجن سمعت دواعش اثنين يكولون راح يجي امر ناخذ علي قصي وخالي صدك بالبدايه كالي خطر عليج وشفتي شنو صار بيج ب سبب عمر بس اني عنوديه اصريت وصلنا بيتهم كتلو خالو روح
ماقبل اصريت راح
نزلت من السياره واتذكرت عبدالله وكمت ابجي دكيت باب الحوش جاني صوت قصي ابن محمد فتح الباب شافني
سدره؛شلونك حبيبي وين عمك
قصي؛: هلا عمه سدره الحمدالله على سلامتج عمي دا يصلي جوى
دخلت جوى ويلادي صارو كدامي ركضو عليه يبجون اني ابجي يمه ياربي ماري تحرك بكلبي
ماري؛؛ ليش عفتنا ورحتي ليش
سدره؛؛ والله ماعفتكم والله والله احبكم يااامي بعد مابتعد عنكم وين بابا كوليلي
ماري؛؛ كاعده يصلي جوى هو ويوم
بوستهم مسحت دموعهم ودخلت جوى لكيت علي يصلي وعمتي نزلت ميس يمكن ابنها كالها جت عمه سدره
ميس؛؛ سدره حبي الحمدالله على سلامتج
كثر مابجيت ماكدر اطلع الكلمه بس ابجي واشهك حضنتني وضليت ابجي بحضنها
ميس؛؛ كاافي كاافي ياكلبي هاي شنو صاير بحالج
هذوله الي مايخافون من الله شنو كن سووا بيج
كمل علي صلاتو هو وعمتي جوي عليه
علي؛: سدره الحمدالله على سلامتج
سحبني من حضن ميس وحضني وباسني من راسي
علي؛: خمه احد اذاج احد لمسج
بس ابجي واشهك ماكدر احجي كلمه رفعت نفسي من حضن علي يمسح دموعي ويهدي بيا
علي؛؛ كاافي ياعيني تعالي
سدره؛؛ رو ..روح اطل
علي؛؛ اهدي اهدي شبيج وين اروح تعالي
اخذني على المغسل وغسل وجهي ويمسح بوجهي شربني ماي
علي؛؛ جري نفس واهدي
ضليت اجر نفس الي حد ماراحت الشهكه مني
سدره؛؛ سمعتهم يكولون راح ناخذ علي قصي
حضني من كتفي واخذني لصاله جت عمتي باستني وكعدت يمي كعد هو مقابيلي بالكاع واني على الطخم
كام يفرك بايديا لان ايديا ثلجت
علي؛: ايدج ثلج هاي اش صاير بيج ياعيني ليش تكفين بوجهم نحنا مو حمل هذوله ناس مايخافون من الله البيت فدوه لظفرج
سدره؛؛ الله يخليك روح
علي؛وين اروح بس فهميني
سدره؛؛سمعت الدوله الاسلاميه يكولون راح ناخذ الاعلامي علي قصي راح ياذوك انت بنظرهم مرتد وراح يقتلوك
علي؛؛ شلون سمعتيهم
سدره؛؛ من دا اطلع جانو اثنين يحجون وسمعتهم
علي؛؛ زين وين اروح الطريق مسدود
سدره؛؛ تكدر تطلع قجق لسوريه من سوريا لتركيا
لحظتها نزلت سلوى شافتني
سلوى؛؛ انتي اشجابج هينا
سدره؛؛ اني ماجاي على بيت الي خلفوكج
علي؛؛ ماريد اسمع صوتج سلوى
سلوى؛؛ وكاعد تفرك ايدها هم
نزلت اتصيح وعلي كام يصيح بوجها وهيا انفتحت واني ماعندي طاقه احجي دخل عمي مانتبه عليه صيح بعلي
ابو علي؛؛ شبيك مع مرتك انت
سلوى؛؛ شوف عمو شوف منو عدنا
التفت عليه عمي وشافني اتفاجئه
ابو علي؛؛طلعتي
سدره؛؛ اي طلعوني
ابو علي؛؛ ليش تكفين بوجهم خمه احد اذاج شي جوى
سدره؛؛ لا محد اذاني طلعت بخير
ابو علي؛: الحمدالله على سلامتج بعد لاتكفين بوجهم وعمر من تحجي معا امسحي الرسايل و رب العالمين هو يحلها
سدره؛: الله يسلمك يابا نسيت والله امسحهم بس جيت انتو لازم تطلعون
عمي جان يحبني ب شكل بس موت لؤي هيا الي غيرتو عليه وحتى استغربت من سالني بس جان اكو خوف تجاهي
سلوى وجها كام ينطي الوان من شافت عمي
هيجي
ابو علي؛؛ وين نطلع
سدره؛؛ اذا ماطلعتو راح الدوله الاسلاميه يقتلون علي ني ......
وحجيتلو الكذبه الي طلعها عبدالله
بس علي ماقبل يطلع ورد
علي... لا صدك تحجين اطلع انتي بعقلج شي
وكفت على حييلي وكتله واني ابجي
سدره... راح يقتلولك علي والله راح يقتلونك
علي.... الي كاتبو الله هو الي يصير سدره اول من دخلو انتي ردتي تطلعين واني ماخليتج اطلع بس تجين انتي والويلاد معايا
سدره... ماكدر ويلادنا يتمرضون خصوصه ماري تموت عندها ربو
علي... واني اعرف جاوبج شنو لهذا كتلج مااطلع
اتقربت علىَ واحد يدحك بعيون الثاني بوجه مكسور وعيون مغروكه همستله
سدره... الخاطر ويلادنا
علي... بس
سدره... الخاطر حسين وماري الخاطرهم علي مو خاطر اي شخص اطلع
علي... وانتي سدره وويلادنا شلون فهمني شلون اعوفكم
سدره... اني بخير وراح يتغير الجو راح اجيك
حلفتك بالعشره الحلوه الي جانت بينا ياعلاوي تروح
عيونا غوركت وسحبني بحضنه وضمني وبادرته الحضنه واشهك بجي
سدره... روح علي روح
علي... لمره الثانيه سدره لمره الثانيه
رفعت راسي وامسح بدموعي وكلبي اخخ ياعلي لو تعرف شنو صاير معايا
عمتي وعمي والكل صار يحجي معا وبقنعو يحجون معا وهو يدحكنا وعمتي مسكته تبوس بي وتوسل
ام علي... علاوي يمه مااكافي خسرت لؤي واخسرك انت
علي... بس يمه سدره وويلادنا
سدره.. راح اكون بخير اني صدكني
جا محمد وعرف السالفه وكال كلنا نطلع مانضل هينا
وبعد مالكل حجى معا اقتنع
سدره؛؛ هسا اول شي نطلع لتلعفر انروح لبيت صهيب ومن هناك لازم اندبرها
ابو علي؛؛ ماشي يابا حضرو اغراضكم
سدره؛: اني راح اصلي واتصل بصهيب بس لاتاخذون اغراض معاكم جثير لان راح احتمال تمشون جثير
وكفت اصلي كملت صلاتي
سدره؛؛ ماري وين بابا
ماري؛؛ فات لغرفتج ماما
سدره؛؛ اي حبيبي شلونج وحسوني شلونك مامي
حسين؛؛ دين ماما اشتاقيت لكي
سدره؛؛يمه يمه الحلو اشتاق لمامي
ماري؛؛ ماما مانروح مع بابا
سدره؛؛ لا حياتي نحنا مانكدر انروح الجو بارد وانتي عندج ربو اخاف عليج
ماري؛؛ بس لاتعوفينا بعد
سدره؛؛ ان شاء الله ماعوفكم ابد
جان كاعد عمي على القنفه يسبح بالسبحه ويدحك علينا اني وويلادي وكل واحد بمكان يحضر اغراض
ابو علي؛: ليش هلكد طولتي جوى
سدره؛: مادري والله يابا ماجانو يقبلون يحكموني الى هليوم يالا عافوني
ابو علي؛؛ ماراح تكدرين تجين معنا
سدره؛؛ يابا ماري عندها ربو وماتحمل
ابو علي؛:دير بالج على نفسج وويلادج سدره
سدره؛؛ان شاء الله ياب
طلع علي من غرفتي دحك علينا اني وويلادي ورجع كال
علي؛؛ سدره والله مايجي من كلبي اعوفكم
سدره؛؛ اذا انت بخير وويلادك راح يصيرون بخير
علي!؛وام ويلادي
سدره؛؛ ام ويلادك هم مادام ابوهم بخير هي هم بخير
ابتسم بوجهي
سدره!؛ بس اريد موبايلك حتى اتصل ب صهيب
علي ؛: اي ادللي
فتح الموبايل وانطنا هو دكيت على النت على صهيب جان بعد اكو نت بس شبكه ماكو اتصلت بصهيب جاوبني
صهيب؛؛ هلا ابو حسوني
سدره؛: صهيب اني سدره
صهيب؛سدره طلعتي ولي شلون
سدره؛:عوف هسا شلون ومالون اني بخير وزينه بس جايب بيت عمتي وجاي عليكم
صهيب؛؛: ياهلا بيكم نتظركم
سدره؛؛ ماشي اخويا
سديت الموبايل ماحجيت بصوره عامه لان خفت مراقبه انطيت الموبايل لعلي وبيت عمتي كملو كلشي
سدره؛خلصتو هاي هيا
ابو علي؛ اي خلصنا
دا اطلع من البيت دحكت على علي
علي؛؛ شبيج
سدره؛؛ مالازم تطلع هيجي
علي؛؛ لعد البس خمار
سدره؛؛ اي
علي!؛ ههه شبيج مخبله
سدره؛؛ اي والله شبيك لازم تلبس خمار منو عندو خمار زايد
سلوى؛؛ اني عندي
سدره؛؛انطيني
علي؛؛انت صدك تحجين بابا دسكتي خمار شنو
سدره؛؛ لازم تلبس لو الموت احسن
ام علي؛؛ البس امي
علي مايقبل يلبس معاند والكل لحينا علىَ اخر شي اتعصب وكام يستغفر طلعت سلوى الخمار انطتو سحبو من ايدها بعصبيه
علي:: جيبي انتي هم
ادحك على علي شلون يتعامل معاها شنو ماعندها كرامه هاي البنت اخذ الخمار والعبايه ولبسهم
اني من لبست علي الخمار خوفي من عبدالله
ماعرف ليش ماردت يطلع هيجي
كلبي جان مامرتاح واصريت يلبس
طلعناكلنا ب سياره علي جانت جبير كفتنا جنه كل مانصل سيطره عمتي تدعي
وصلنا تلعفر بيت صهيب نزلنا دكينا الباب طلع صهيب
صهيب؛: ياهلا وسهلا فوتو اتفضلو شنو ابو حسوني ماجاي معاكم
دخلنا لكراج وعلي رفع الخمار عن وجهو
علي؛: فشرت يا واطي
الكل؛: هههههه
بهذاك الموقف ضحكنا كلنا هنيال كلبك ياحبيبي بكلبي ابتسم التفت عليه
علي؛؛ شبيج اضحكي قزومه لاتشيلينن هم الي كاتبو الله يصير
سدره؛؛ ههه هنيال كلبك
علي؛؛يا ستار حسدتني على هاي الضحكه
سدره؛؛ هههه ها راح احسدك
فتحت عيوني كل وسعهم ودحكت علىَ كلها كامت تضحك دخلنا جوى استقبلونا اهل صهيب وماقصور معنا
كعدنا وحجينالهم شنو السالفه ابو صهيب كال
ابوصهيب ؛؛ اني اعرف واحد هو طلع بنتي لنص تركيا وصلها
ابو علي؛: اي وين هذا اكيد ثقه
ابو صهيب؛؛ اي والله ثقه هو يتشتغل بل قجق ويكدر يطلعكم هسا راح اتصل علىَ
ابو صهيب اتصل بهذا القجقجي وكالو اني موجود بل بيت وانتفق معا يجي هسا حتى يتفاهمون
كلها حجت معايا حتى اروح معاهم بس اني رفضت رفض قاطع لان جان الجو بارد وماري عندها ربو يعني اتموت اسم الله
حتى اماني كالتلي عوفي ماري يمي واطلعي رفضت مستحيل شلون اعوفهم من يكول اشكد راح اطول هاي الحرب
لو ماماري جانت طلعت اني بس سبحان الله دائما يكف شي بطريقي بل تالي كلها قدر مكتوب من رب العالمين
كمت طلعت اساعد اماني بل عشه
سدره؛؛ شلونج امون
اماني؛؛ بخير والله مشتاقتلج يروحي خمه اذوج جوى
سدره؛؛ لا الحمدالله
اماني؛؛ شنو سالفه جيهان
سدره؛؛ خطيه هاي اخذو الدواعش .......الخ
اماني؛؛ خطيه والله قهرتيني عليها
سدره؛: الله يخلصنا من ضلمهم يارب
اماني؛: امين
جت ميس وكفت معنا اتساعدنا سوينا عشه
اماني؛؛ بله ميس سؤال
ميس؛: اي حبيبي جواب
اماني؛:علي شلون علاقتو ب مرتو
ميس؛؛دمار علاقتهم
اماني؛؛ شعجب ماخلفت من عندو
ميس؛؛ علي مايقبل
ضليت صافنه على ميس هي وتحجي كمختني اماني
اماني,؛: وين صفنتي
سدره؛؛معقوله حبها بكثر ماجان يحبني
ميس؛: جان شنو ولي علي ماطلعج من بالو ابد
سدره؛: شمعرفج انتي
ميس؛؛ هو يحجيلي دائما ويكولي مالكيت ب سلوى شي يشبه سدره ولالكيت بيها حنان ولاحب يمعود سدره اكو رجال ينام مع مرتو وبعد ساعه يمسكها يكتلها
اماني؛: يضربها
ميس؛؛ يبوو دائما يكتلها وكل مره يعيرها يكولها سويتي فضيحه حتى بس اخذج بس مال تريدين احبج واعيشج مثل ماعيشت سدره تحلمين والله كدامي كم مره
اماني؛: عمه بعينها وشلون متحمله هاي
سدره؛: اتحبو يابعدي اتحبو
ميس؛: بس هو مايحبها يمعوده
جنت اسوي زلاطه عوجت بحلكي مامصدكه هو مايحبها
ميس؛شبيج تعوجين بحلكج واذا على النومه يعني وين يروح انت تعرفين علي مايروح لحرام وكل شهرين لو شهر دا يطلع فوك عليها ولج الي يحب سدوره مثلج تذكرين حتى اذنج جانت اتصير زركه
ضحكنا اني واماني على ميس من كالت هيجي
اماني؛: ههههه خرب بيج ميس اشكد اتضحكين
ميس؛: هههه اي والله شبيج تدرين سدره مره علي كالي من اتقربلها اكوم اهلوس باسم سدره
اماني.... خطيه لعد اشكد يحبج سدره
ميس... والله مره هم كال لعمتي واني سمعتهم يكولها يمه كتلها سدره وهي كالتلي اني مو سدره اني سلوى يكول لو بيدي اخلي ايدي يخناكها واكتلها كمت عنها وعفتها
دنكت براسي اجر حسرات مو حسره وحده
اماني... يمه شو هاي بلا كرامه
ميس... اي والله
سدره... الله يسعدو
ميس... من كلبج يسعدو
سدره.. شنو اسويلو
سكتنا كلنا وبكلبي هموم الدنيا وكلها بصفحة ولؤي عمري كلها مااسامح نفسي على الشي الي سويته اني بروحي
جا صهيب صاحني علي يريد يحجي معايا رحت علىَ جنه واكفين وحدنا بالصاله طلع فلوس من جيبو وانطاني هيا
علي؛؛ هاج سدره
سدره؛: شنو هاي
علي؛:فلوس شنو هاي
سدره؛: بس الويلاد ما محتاجين
علي؛:اخذي هذا حقهم
سدره؛؛ عندي ويفيدك
علي؛: لاتعاندين اخذي كتلج
اخذت الفلوس من عندو
سدره؛: شنو صار معاكم على مود القجقجي
علي؛: راح نطلع بل اربع الفجر ان شاء الله
دنكت براسي مبرطمه وعيوني دمعت
سدره؛: يعني راح اتروح
علي؛؛ مو انتي اتريدين هذا الشي
سدره؛: اني ماردت الدواعش همه راح ياذوك
علي؛؛ اذا ضل الوضع هيجي لصيف وماتحررت الموصل اسحبج
سدره؛؛ ان شاء الله تحرر الموصل
علي؛؛ امين
صار العشه وصبينا وكعدنا كلنا سوى سلوى لاطشه يم علي لطش عبالك راح يطير
كملنا العشه وغسلنا المواعين ساعدت اماني اشويه وفرشنا الفراش لزلم بل استقبال
ولنسوان بل هول ورحنا اني واماني لغرفتها نسولف اشويه وبعدها نعست ونمت كعدتني اماني بل 3الفجر
اماني؛: سدره كومي حياتي ساعه 3
كمت كعدت رحت غسلت وجهي واكعدهم علي ضل نايم حضرنا الريوك بالصاله وعلي نايم بل استقبال
سدره؛:صهيب علي ماكعد
صهيب؛: يمعود كعدتو نومو ثكيل روحي انتي كعدي
سدره؛؛ شلون مايكعد بكيفو
دخلت على الاستقبال وهو نايم اتقربت يمو خليت ايدي على لحيتو اتلمسها جنت دائما قبل اكولو علي اشكد يعجبني يصير عندك لحيه جان يكول
علي؛: ماكدر حبيبي يصير شبهه عليه
قربت خشمي يم ركبتو وكمت اشتم ريحتو وبكلبي ادعيلو الله يوفقك وتطلع سالم لان خايفه لا عبدالله يغدر بيا
مغمضه عيوني واشم بعطرو ماحسيت غير خلى ايدو على خدي
علي؛:لاتصدكين لو اتزوج عشره من بعدج اتضلين انتي انتي سدره بكلبي مانساج ولااحد يعوض مكانج
دنكت براسي والدموع بعيوني
سدره؛؛ مادامك عايش وبخير وصحه ماريد شي من رب العالمين غير يحفظك وتطلع خارج الموصل سالم
علي:؛دير بالج على نفسج ياانفاسي وعلى ويلادي بس لو ماماري جانت ماعفتج لحظه وحده
سدره؛؛ ان شاء الله تفرج ورب العالمين يطلعنا سالمين
ابتعدت واتعدل مسكني من خصري وباسني من شفتي احس بيها شلع شفتي
علي؛: احبج سدره احبج ياحلى شي صار بحياتي والله العظيم يابنت روحي مانسيتج والله مامر يوم اذا ماذكرتج اني ماعايش ياسدره والله ميت مثلج واكثر
ماحسيت غير سلوى فتحت الباب ودخلت وعلي شفتو بعدها قريبه من شفتي
سلوى:؛ انتي اشكاعده اتسوين هينا
علي:؛ سدي حلكج واطلعي بره
سلوى؛:هيجي علي
علي؛؛ اي هيجي والف هيجي مايعجبج بعدنا ماطلعنا من العراق ارجعج على اهلج
سلوى؛؛ حقيره الله ينتقم منج
اصخام وعافتنا وطلعت يمه هاي لو اني جان قلبت الدنيا كمت اتعدلت وعلي هم كام ماتحملت كبل كتلو
سدره؛: شنو هاي ماتغار عليك
علي ؛: ليش تسترجي تحجي اكسر سنوانها وسنون الي خلفها
اصخام شنو هيجي يسوي وشلون ضرب يضرب الي هلكد اتخاف من عندو
طلعت من باب الاستقبال الخارجي ودخلت على المطبخ اتريكو وكملنا وكعدت الويلاد لازم يشوفون ابوهم قبل مايروح
ماري؛؛ بابا ماراح ترجع بعد
علي؛: لا باباتي راح ارجع ان شاء الله
حسوني؛؛ يمتى جيجي (تجي)
علي؛؛مع خالو عمر راح اجي حياتي بس المهم لاتاذون كلب امكم خطيه ماشي بابا
حسوني وماري؛: اي بابا
سدره اتكول
ودعته وبكلبي نار
ودعته وانا المحتار
ردت اكله لاتسافر
الي يحبك ضلي لخاطر
صار الحزن موالي
ياناس رحمو بحالي
من ايدي راح الغالي ياناس ياناس ....
ودعتهم ودعت كلبي معاهم ودعت ايام واسنين مع علي شنو راح يصير بحالنا ياترى راح اموت لو اعيش واصير زوجه عبدالله
وصل لباب الحوش ماتحمل حضني وبجيت
علي؛: سامحيني لان راح اطلع واعوفج انتي وويلادي
سدره؛: نحنا بخير ان شاء الله
راح واني ابجي وهو عيونو مادحكت لكدام كلها علينا طلع ماري صارت اتصرخ ورى
ماري؛: بابا بااااابا لاتروح
حضنها علي وتبجي بحضنو
علي؛: راح ارجع حياتي صدكي
ماري:: اني بعد ماحبك انت وماما دائما اتروحون واتعوفنا اني وحسوني ليش انت وماما ماعاشين بيت واحد شوف صفا شلون عمو حموودي وعمه ميس عاشين سوى الا انتو بعد ماحبكم ماحبكم عافتنا ودخلت جوى علي راد يرجع عليها بس كلنالو روح ماضل وكت
طلع وهو يدحك ورى والدمعه بعيونو
عمي شال مفتاح البيت والسويج مال سيارات وانطاني همه
ابو علي؛؛ خليهم يمج سدره
سدره؛؛ صار يابا
طلع بدون مايسلم عليه قبل مايركب بل سياره كالي
ابو علي؛: تعالي سدره
رحت اتقربت علىَ حضني وباسني
ابو علي؛:لمره الثانيه تنقذين علي من الموت
نزلت دمعتي ودنكت براسي
سدره؛؛ يضل ابو جهالي وابن عمتي والي صار بينا جان مو بل ايد
ابو علي؛: الله يسامحنا
وركب بالسياره حسيت اكو ندم بعيونو على سوى بيا يمكن لان اني ماعفتهم يمكن لان شاف علي مامرتاح بحياتو واتندم مادري
راحو مع القجقجي وعاف علي سيارتو عندي مجرد مشت السياره وكعت بالكراج ابجي وصهيب واماني وابو وامهم يحجون معاايا
ابو صهيب؛: كولي يالله عمو ادعيلهم
سدره؛: شلون راح يتحملون هذا البرد شلون راح يعبرون
صهيب؛؛ ان شاء الله ماكو شي كومي اختي
مسكتني اماني وكومتني دخلت جوى غطتني واني بعدين ابجي سمعت صوت بجي كمت اتعدلت لكيت ماري حاضنه حسوني وتبجي اتقربت عليها
سدره؛؛ ماري ولي امي ليش تبجين بنتي
سحبتها بحضني وماتقبل تحجي بس تبجي
ماري؛: بابا راح وعافنا راح مامي
سدره؛؛ لا امي ابوج مايعوفنا ابوج يحبنا
ضليت احجي معاها وابوسها والى حد ماغفت بحضني قررت لخاطرهم اسوي كلشي اذا ماتزوجت عبدالله راح يرجموني الدواعش وماري وحسوني يضلون بدون اب وام اخخخخ ياكلبي
من نامت اماني جت عليه كالت صهيب يريد يحجي معاج اذا مو نعسانه كمت رحت حجيت معا ..... ؟
الصبح اتصلت بعمر وكتلو بيت عمتي راح يجون لاربيل لكيلهم بيت
عمر؛؛ من حسن حضهم اكو بيت يمنا فارغ قبل كم يوم فرغ
سدره؛؛ يكفيهم
عمر؛: اي يكفي طابقين
سدره؛؛ خوش لعد اجرو
عمر؛؛ ادللي وانتي ماكدرتي تطلعين
سدره؛؛ ويلادي مايتحملون البرد خصوصه ماري اتموت والله اسم الله
عمر؛: الله يفرجها يارب
سدره؛: امين
بعد كم يوم علي اتصل ب صهيب وحجى معنا وصل تركيا الحمدالله بخير السلامه بس ابن حمودي جان مريض كلش من البرد والطريق
رجعت لبيت خالي وضليت معاهم بعد اربع اشهر ضبط ونفس التاريخ الي انتفقنا بي عبدالله دزلي رساله على الماسنجر
عبدالله؛: صار الموعد اني رجعت
كمت ارجف وابجي متت خوف يارب اش سويت بحالي اش سويت ضليت صافنه بر ساله دزلي
عبدالله؛؛ تعالي على المكان الي كتلج على َ
سدره؛: ماشي
كمت بدلت بدون ماخذ ملابسي وبدلت لماري وحسوني وخليت فلوسي بالجنطه
اني قبل فتره مستمسكاتي ومستمسكات اهلي كلها خليتهم بكيس ودفنتهم بالحديقه
اخذت ويلادي وطلعت من البيت جان الدنيا الظهر وكلها نايمه محد حس عليه
دزيت رساله لصهيب وكتلو
سدره؛؛,اني رايحه صهيب
كبل رد عليه
صهيب؛: مخبله وين رايحه
سدره؛؛, على عبدالله
صهيب؛؛ سدره لاتسويها لاتضلين غبيه راح اتصيرين داعشيه اذا رحتي معا وفوكها عبدالله تزوجينو المجرم.
سدره؛؛ مجبوره اذا مارحت الدواعش راح يرجموني صهيب
حجيت معا اشويه وبعدها قفلت موبايلي
ركبت بالسياره وطلعت لمكان الي كالي عبدالله علىَ .....
