رواية ليتني واجهتك الجزء الثاني الفصل السادس عشر
سدره اتكول
ضل دك ياكلبي شبيك مو هسا موتك
بلكي يجيك الي جان يغفى على صوتك
......
إلى أيامي المتبقية...
مرّي بسلام..
أنا لا أطلب فرحًا، ولا حتى أملًا،
فقط... مرّي بهدوء.
أنا لم أعد ذلك الشخص الذي يقف كلما سقط،
السقوط الآن يُرهقني...
والوقوف... صار مؤلمًا أكثر.
فإن كان لا بدّ من المرور،
فمرّي بخفة...
بلا صخب... بلا ألمٍ كونِي
لطيفةً بي...
فأنا أقاوم منذ زمنٍ طويل،
ولم يبقَ فيَّ إلا بقايا إنسان...
يحلم بالسكينة. 🖤
سدره
طلعت من البيت ودا امشي لعنوان الي كالو عبدالله
وصوت صهيب باذني لاتروحين سدره لادمرني حياتج ونفسج وويلادج اذا رحتي راحت اتصيرين داعشيه
اتذكرت من صاحتني اماني وكالت صهيب يريدج
طلعت اشوف شبي
سدره؛: ها صهيب
صهيب؛؛ تعالي اكعدي عندي شغله معاج
اماني راحت كالت ارضع بنتي واني وصهيب كعدنا
صهيب؛؛ انتي مو على بعضج شبيج سدره فهميني
سدره؛؛ مابيا شي بس تعبانه
صهيب؛؛ مال سمعتي الدواعش يكولون راح ناخذ علي قصي اني هاي ماصدكتها اذا مشت على علاوي واهل علاوي عليه ماتمشي شبيج سدره احجيلي طلعلي الي بكلبج سدره اني كلبي مامرتاح واحس وراج قصه شنو الي صاير كوليلي
ماكدرت امسك دمعتي من صهيب سالني هذا السؤال وصفنت بوجهه
سدره.. صهيب
صهيب... سدره كولي شكو اني اخوج
خليت ايديا على وجهي وكمت ابجي صايره مثل البالون جنت انتظرت احد يطخني حتى انفجر
صهيب؛؛ ابجي ريحي كلبج بس كوليلي واحجيلي شنو وراج
رفعت راسي واني ابجي واشهك
سدره؛؛ من 2001من جنت ب بيت عمتي عايشه جنت اشوف حركات من عبدالله مو حلوه بس جنت اكول لا ماكو هيجي شي واكذب نفسي
يوم من الايام صار زواج حمودي اخو علي وجانت اكو علاقه بيني وبين علي وهسا ناجحه لرابع اعدادي
علي كالي حضريلي القاط وخلي بالغرفه مالتي بين ماااجي من الحلاق
دخلت لغرفة علي احضر القاط جنت ظهري على باب ماحسيت غير الباب انفتح عبالي علي بس نصدمت بعبدالله
صهيب؛: عبدالله شنو يريد
سدره!؛ بالبدايه عبالي علي كتلو ها حبيبي جيت ماحجى اتقرب عليه ولمسني التفتت لكيت عبدالله كاعد يتحارش بيا
صهيب؛: يتحارش بيج ليش
احجي وابجي واني اتذكر انهاريت بالبجي
صهيب؛: سدره الله يخليج لاتبجين عقلي بداء يتشوش كملي واهدي
سدره!؛ بعد ماسمعت شي
صهيب؛: كملي
سدره؛؛كمت اصيح بوجهو وكتلو اش كاعد اتسوي هينا خلى ايدو على حلكي وهددني اذا علي خطبني وافقت راح يكتل علي اني خفت حيييل بس كتلو راح اكول لعلي عليك ياحقير اتخلي عينك عليه وانت تعرف اكو بيني وبين علي علاقه هددني ب وكتها عبدالله جان معروف ب سوالفو المكسره ويسكر ويوميا ابو طادرو من البيت
خفت وماحجيت لاحد على هاي السالفه وانت اول واحد كاعد احجيلك
صهيب؛: زين ليش ماحجيت لعلي وكتيلو ابن عمك هيجي
سدره؛؛ صهيب كالي محد راح يصدكج اذا حجيتي لعلي واكولهم هي تتحارش بيا واطلع كومه حجي وسمعه مو زينه عليج واخلي علي يعوفج وعمي يطردج من البيت واني جنت صغيره وخفت
صهيب؛:كملي
سدره ؛:رجعت بعدها على بيت اهلي حتى انهزم من عبدالله وضل يلحكني لسنوات
الى حد يوم العقد مالي هم هددني وكالي اذا وافقتي اقلب حياتج حجيم ومااخليج اتعشين مرتاحه يوم واحد
اني اكره علي علي سرق واخذ من عندي طفولتي ومحبة اهلي فوك كل هذا اخذج مني
اشكد حاولت اشكد نصحتو واذكرو بايام الطفوله
جان يستهزه ويضحك على كلامي ويكولي هذا حجيج كله مايفيدني
ضلت معناتي سنوات كل مره احاول احجي لعلي اخاف واخاف لا عبدالله ياذي علي جنت افكر بعلي اكثر ماافكر ب روحي بس ياريت لو كن واجهت علي ياريت انتهت قصتي مع علي من جنت بالرابع ولا بعد كل هاي السنوات انتهت بحب جنونين واطفال اثنين
صهيب يمكن جنت انسى هذاك الوكت واكول حب مراهقه صار بحياتي وراح والتهي بدرسي واكدر انسى علي يمكن هو جان من درس ب بغداد اتعرف على غيري وينساني بس اني جنت ثوله جنت غبيه اني غبيه
كمت اضرب على راسي وابجي واكول اني غبيه
صهيب؛؛اهديي سدره وفهميني شنو علاقة عبدالله ب طلاكج من علي مختار الي قتل لؤي وانتي اطلكتي بسبب هذا الشي
سدره؛؛اخخخ مختار ياعيني على اخويا ضيع صحتو وحبيبتو وشبابو اني ماخسرت حياتي ب سبب مختار صهيب مختار هو الي خسر حياتو ب سببي عرفت
صهيب؛: فهميني ليش سدره راح اتخبل
سدره؛:هو الي كتل لؤي عبدالله
صهيب ضل مصدوم بوجهي
صهيب؛: انتي اشكاعده تحجين لؤي
سدره!؛هو اعترفلي بهذا الشي
صهيب؛: بس ..بس لؤي مات كدام الدنيا كلها على ايد مختار سدره
وبديت احجي لصهيب عن كلشي وابجي صهيب يسمعني شال ايدو دكها بالكااع احجي وانهار بل بجي
صهيب؛: شنو اكولج ..بس فهميني شنو احجي معاج سدره لؤي مات بعد كلشي يتصلح كلشي يرجع لمكانو ممكن بس لؤي اخخخ بس فهميني ليش ماحجيتي ليش ماكلتي انتي لعلي
سدره؛: خفت والله خفت لا مايصدكني انت تعرف هو اشكد يحب عبدالله
صهيب؛: وطزززز كوليلو اتصدك او لا هاي اني سدره كدامك وهذا ابن عمك هيجي وهيجي صدكت صدكت ماصدكت طبك الف مرض انتي ليش هلكد جبااانه فهمني
ولج يخطف بنتج مرتين ويحاول ياخذ شرفج وتمشين واتكوليلو صار وتبجين وبس لاتسوي شي لعلي
صهيب اتعصب حيييل واني ماسكتت من البجي مد ايدو على وجهي وب عصبيه يمسح دموعي ونتر بوجهي
صهيب؛: امسحي ااااامسحي هاي دموعج ال.... بس تبجين جبااااانه انتي اكبررررر جبااااانه شفتها بحياااااتي
من 2001 يتحارش بيج وساكته منو مايكولج هو الي اغتال علي انتي لو كن حجيتي من الاول جان شكو حلكو لان يعرفون عبدالله ساقط وبعدين انتي دا اتكولين لؤي كالي وحجى معايا يعني جان اول واحد وكف معاج هو لؤي اخخ ياسدره اش اكولج مادري مادري
لحظتها دخلت اماني
اماني؛: هاي شبيكم ليش تبجين سدره
صهيب؛؛ عوفينا وحدنا اماني
طلعت اماني بدون ماتحجي شي وصهيب بس يدحك عليه واني ابجي
صهيب؛: وهسا انتي انتفقتي معا حتى علي يطلع منها تزوجين عبدالله
سدره؛؛ ماعندي غير حل داعش يرجمني بعدين عبدالله ماينكدر علىَ
صهيب؛: لان انتي غبيه اي غبيه جنه نكدر على عبدالله يوم الي ماجان ب يدو سلطه بس هسا عبدالله صار جيش بظهرو ماراح نكدر علىَ غير ربج يكدر
سدره؛: شنو اسوي شنو الحل اني ماريد اتزوجو
صهيب؛؛ اذا اتزوجتي راح اتصيرين داعشيه واول شي خلي كدامج سدره واذا ماباعج لجماعتو سوا بيج مثل مايسون بالسبايا مالهم
سدره؛: عجل اعوف علي يموت
صهيب؛؛بابا انتي مافكرتي ب روحج مره وحده
علي رجال بس انتي مرة سدره انتي وكعتي ب يد عبدالله
اي عوفي علي يموت لان لو كلتي هذا الكلام لعلي راح يكولج اموت الف مره ولاالشرف ينمس سدره الموت اهون من الشرف سدره انتي مريضه مريضه بحبج لعلي
لاتروحين واني اضمج وماخليهم يلمسوج سدره
سدره؛: عوفني صهيب ماريد اورطك اني دخلت بهاي المعركه واني راح اطلع منها
صهيب؛: ماراح تكدرين سدره تطلعين لو تنتهي اتصيرين داعشيه او تدخلين سجن لو تنتهي ب رجم من ايد داعش وتموتين
سدره؛؛ خلي اموت وحدي واتاذه وحدي يكفي لؤي مات ب سببي ماريد اذيك انت هم
صهيب؛: مو بكيفج
سدره؛: لا بكيفي عوفني
صهيب راسو كام يوجعو اشكد مانقهر طلعت الشمس ركبت ب سيارة علي ورحت لموصل
وصلت بيت عمتي فتحت الباب الحوش ودخلت سديتو وجا كدامي من طلعنا لؤي من البيت عريس ورجعنا جنازه
دنكت براسي ابجي اتقربت فتحت باب المطبخ
عمتي كدامي واكفه على الطباخ تطبخ واني ولؤي راجعين من الكلية ولؤي يصيح
لؤي؛ها حجيه صار الاكل
ام علي؛دسلم ياابني بعدين
لؤي؛؛ مو جوعان ماجاي اشوف من اكل اسلم
سدره؛؛ ههههه ابو بطن مايفيد معاك
لؤي؛: ولي شنو ابو بطن جاي ادرس طب طب اني يعني بلحك اكلي كلها باجه حتى ماجوع
كمت اضرب راسي بالحايط وابجي اش سويتي بروحج ياسدره اش سويتي دمرتي نفسج ودمرتي الي اتحبيهم ولككك اخخخخ عضيت اصبعي ندددم
غلطه غلطه خلتني ادفع عمري خساره سر ضميته بس دفعني عمري وعمر اعز صديق على كلبي
سر ضميته وكل ظني دا اسوي شي صح
بس دمرت الكل معايا غلطه خلتني العمر كله انام على المخده واني ندمانه
نام مهموم ولاتنام ندمان بس اني نمت مهمومه وندمانه نمت واني ابجي نمت واني جبال من الهموم على صدري
دخلت لبيت امشي بي وابجي واودع كل ذكرى حلوه بهذا البيت ومو حلوه صارت خصوصه حركات لؤي الله يرحمو اشكد صعبه الواحد من يعيش بحالة ندم
سدره... لؤلا حباب
لؤي... كامت تلوك كولي شتريدين من الاخير
سدره... لؤي انت ليش هيجي كل ماادلعك عبالك عندي مصلحه معاك
لؤي... لان اعرفج وحافظج يالا هسا كولي
سدره...هههه لؤي والله ماري ماخلتني انام بالليل الله عليك اكتبلي واجبي حباب والتقرير ماكتبته هم
لؤي... ياكسوله خميس جمعه ماكدرتي تكتبين بس هذا حال الكسلان
سدره... اني مو كسلانه هاي لو جنو جان كتبتلها الواجب بس سدره ماتكتب اوكي شكرا ماريد
مشيت وعفته وهو يضحك رحت اكتب واني دموعي تنزل على ملزمه من صعوبة المواد وبالليل مانمت بعدها دقايق ماحسيت غير حط اوراق كدامي ويضحك
سدره... شنو هاي يمته كتبت
لؤي.. ههههه ادري بيج ماري ماخلتج اتنامين سمعتج هليوم تكولين لامي ماري ماعرف شنو بيها ماخلتني انام ورحت كتبت شلون اكتب واجبي ومااكتبلج
ضحكت واخذت الواجب منه واشكد مافرحت كتله
سدره... شكرا شكرا لؤلا والله اني حييل احبك
جاني صوت علي من المطبخ يصيح
علي... راح اجي اكسرج سدره الفطيره هاي الكلمه بس الي تكوليها
لؤي... هههههه سمعنا
سدره... هههه راح انكتل هليوم..
لؤي.... والله اني عبالك مخلف مرتك وناسيها
علي...غصب عنك
لؤي... هههه تدلل انت ومرتك تعالي ادرسج
سدره...هههه اي والله ياريت حباب
مشيت واني ادحك لطخم لؤي شلون كاعد يدرسني ومن ماعرف ارد يضربني على راسي
دخلت لغرفتي اخخخ ياكلبي حيطان هاي الغرفه تشهد على حبنا اني و علي بهاي الزوايه ضحكنا وهينا باسني وهينا شالني وهناك حضني
علي؛: وين بوساتي
سدره؛: حرام رمضان ماكو بوس
علي؛: بعد ماذان الفجر
سدره؛؛ بس صيح امساك
علي؛؛ ولا صيح امساك بعد
سدره؛؛ ههههه ماكدرلك
اتقربت على خدو وبستو
علي؛: هاي شنو وين تصرف معايا
سدره؛؛ علاووي
علي؛؛ياعيون علاووي
سدره؛: احبك بس عوفني اقرأ قران راح ياذن
علي؛؛ خلي اتسحر بيج
سدره؛؛ مو تسحرت
علي؛: لاااااا سحور بقزومتي يختلف
شالني واخذ شفايفي
سدره؛؛ اخخخ حبيبي
شمرني على التخت
سدره؛؛هههههه كاافي صاير وكح
علي؛:هههه خطيه على اساس انتي مو وكحه
سدره؛؛ههه غير انت فسدت اخلاقي
عفت ذكرياتي وسديت باب غرفتي وصعدت فوك وصلت لغرفة لؤي الله يرحمو جيت افتحها لكيتها مقفوله جربت واحد من المفاتيح الي عندي انفتح باب الغرفه
اويلي عليك يااخويا وصديقي نفس ماهي مثل ماعفتها عمتي ماجانت تقبل احد يلعب بيها ويغير شي بيها
بعدها فرشة البيضه على التخت وبعدها الملابس بالكنتور معلكه بعدها هذيجه جنات تضحك كدامي ولؤي يمشي ويركص راح ياخذ الي يحبها
سدره؛؛يمكن صار الوكت الي اجي يمك يالؤي بس ياوجه
لميت كم شغله من اغراض لؤي وجنات طلعت صورهم مال خطوبه وصور جثير همه ماخذيها مع بعض وصور زواجهم اتذكر بوكتها اتصل المصور وكال لعلي طلع صور زواج اخوك ب يومهم من راح جابهم اشكد بجينا
لميت صورهم كلها ماخليت شي لكيت جنطه ورى الكنتور سحبتها وخليت بيها الصور وشغلات الي اخذتها من ملابس لؤي الله يرحمه
طلعت منها ودخلت لغرفة سلوى وعلي دورت على صور لان عرفت البيت راح ياخذو الدواعش والصور حرامات
لكيت البوم واحد كلبت بي لكيت زواجهم اشكد علي ضايج ومخنوك ياعيني عليك ياحبيبي
اخذتو وطلعت رحت لشقة محمد هم سويت هيجي نفس الشي ولميت كل الصور اهم شي هذا
دورت خفت لاكن فلوس وذهب ناسيه ميس مالكيت غير الصور
عمتي جانت عندها صور كومه من جنه صغار ومن وكتهم همه
جانت مخليتهم ب جنطه جبيره وشاليتهم
رحت عليهم طلعتها وفتحت الجنطه كلها البومات جنه دائما انحب انشوفهم وعمتي تكعد اطلعهم واتشوفنا اشكد جانت اتصورنا من بين الصور لكيت صوره جنه صغار
المصور جان يفتر قبل بالشارع وشايل كاميره معا وجنت صغيره وجايه ب بيت عمتي وعبدالله هم جان جاي عندهم
اتذكرها الصوره الي حد الان جنت بالثالث ابتدائي
واكفين نلعب اني وهدير وجنات ولؤي وعبدالله وعلي
ابو علي؛: تعالووو ياويلاد تعالو اخذو صور
رحنا نركض على عمي وكفنا كلنا سوى وعبدالله وكف بالنص حضن علي من جهه ولؤي من جهه
واخذنا صوره وجانت صوره فوريه طلعها المصور وانطاها لعمي وعمي شوفنا هي
سدره؛؛ اني احلى كلكم طالعه
علي؛؛ هو انتي قزمه دحكي عليج اقصر كلنا
سدره؛؛احلى منك ابو راس
عبدالله؛: بالكم اني احلى منكم كلكم
سدره؛ امبله اني احلى منك ومن ابن عمك
عبدالله؛؛ اشكد مغروره
سدره؛؛ طبعا اني اصير مغروره لان راح اصير دكتوره
ابو علي؛؛ هههههه ليش عمو الدكتوره مغروره اتصير
سدره؛: اي عمو مغروره
ابو علي؛: هههه بس بنتي الحلوه ماريدها اتصير مغروره
سدره؛؛ عمو اشاورك
ابو علي؛؛ ههه يالا عمو شاوري
نزل عمي لمستواي وكتلو باذنو
سدره؛؛ اني مغروره بس على علاوي وعبود لان يكولون نحنا احلى منج
ابو علي؛؛ ههههههه يابا يابا من سوالفج
علي؛؛ امشي امشي عبود نلعب
عبود؛؛ يالا علاوي امشي نحنا مانحجي مع وحده مغروره
سدره؛؛ اني مااحجي مع الي مو حلوين
ابوعلي؛: لا عمو لاتتكاونون روحو العبو يالا كلكم سوى
ياريت ضلينا على هذيجه الايام ياريت ماحبيتك ياعلي وضليت انت وعبدالله اصدقائي
سحبت الجنطه مال صور ومشيت سياره عمي ومحمد ولؤي وميس كلهم بالكراج كلها راح اتصير ب بطن داعش ربي ياخذنا حقنا وحق كل واحد انظلم
نزلت الخمار وطلعت من بيت عمتي ركبت بالسياره ورحت لتلعفر عفت ويلادي يم اماني
وصلت بيت صهيب وكلت لصهيب على الصور كالي هسا ندفنهم بالحديقه حتى لايضيعون
جاب صورهم هو هم ودفنهم
ارتاحيت حيييل من اتصل علي وكالي وصلنا تركيا حيييل فرحت وصل بالسلامه بعد كم يوم راحو لاربيل سكنو ....!
علي
من طلبو داعش انسوي توبه اتوقعنا صدك مايحجون معنا بس بدينا نسمع يوميا سحبو فلان جان مع الشرطه والجيش وقتلو وذبو بل خسفه
ماجنت اكدر اطلع ب سبب ويلادي ماجنت اكدر اعوفهم
وب سبب ابويا ماجان يقبل يعوف البيت
بعدها جت سدره وبلغتني بهذا الشي طلعت وماكدرت اخذ ويلادي وسدره لان ماري مريضه
طلعنا الطريق جان برد ومطر وتعب ومشي وضلمه ابن حمودي اتمرض ب سبب البرد بس الحمدالله كدرنا نصل تركيا بخير وسلامه عمر اتصل بيا وكالي مكانكم حاضر بعد فتره رحنا لاربيل لكينا عمر ماكن قصر ماجر البيت ومشتري اغراض الضروريه لبيت ومتسوك
حسيت ابويا بداء يتندم من شاف وكفت عمر وسدره جت ضحت بروحها ومافكرت شنو داعش يسوي اذا عرفو هي الي بلغتني .....!!
سدره
وصلت العنوان الي كال عبدالله علىَ وكالي اني كاع ب سياره موصفاتها .......
وكفت بصفحه ومتردده ياترى اكدر انهزم من عندك ياعبدالله ياترى اكدر لو لا
شفتو كاعد بل سياره وينتظرني
ماري؛؛ ماما وين انروح
دحكت عليها ورجعت دحكت على عبدالله عبدالله الي حد الان ماشافني
سدره؛؛ ماراح اخليك تلمسني ياعبدالله ماراح اخليك اتحصلني لا بحلال ولا بحرام الموت اهون عليه من اخلي مجرم مثلك يلمسني رضيت وفوضت امري لرب العالمين هو خلقني هو كفيل بعبدو
شغلت السياره ومشيت طاير بوجهي لبيت صهيب وصلت هناك دكيت الباب طلعي صهيب
صهيب؛؛ عرفت راح ترجعين جنت واثق سدره ماتسلم نفسها لواحد مجرم دمر حياتها
سدره؛؛ اريد احمي نفسي صهيب واحمي ويلادي من عندو ماريد انطي روحي الله يخليك
دك على صدرو
صهيب؛؛ واني اخوج سدره فوتي وانطيني سويج السياره
انطيتو السويج ودخلت جوى
راح بالسياره واني دخلت اماني ماتعرف الى حدالان كل الي صار
اشويه اتاخر صهيب على مارجع ومن رجع سالتو
سدره؛؛ ها وين رحت
صهيب؛؛ اتخلصت من السياره
سدره؛؛شلون
صهيب؛؛ رميتها بل جول مكان بعيد
سدره؛؛ اخاف احد شافك
صهيب؛؛ لاتخافين سديت الجوم ومشيت بيها واتلثمت
اماني؛؛ اش صاير
صهيب؛؛ سدره مطلوبه
اماني؛:ليشش شلون عرفتو
صهيب؛؛ عرفت اني من طريقه جماعه المهم هسا انتي لازم اتضلين هينا
سدره ؛: اني اريد اطلع خلي هذا القجقجي الي اخذ بيت عمتي ياخذنا
صهيب؛؛ اول شي ماتكدرين وثاني شي هذا مسكو الدوله اسلاميه وكتلو
سدره؛:اصخام صدك تحجي
صهيب؛؛ اي والله الله يخلصنا منهم يارب
سدره؛: امين صهيب شلون على مود اهلي
صهيب؛: لازم ينقلون من بيت خالج ويروحون لغير بيت
سدره؛؛ زين همه اكيد عرفو الدوله اسلاميه هسا اني انهزمت وراح يروحون على بيت خالي خايفه على بابا ومختار وخالو
صهيب؛؛ مالج دخل بيهم همه زلم يكدرون بس انتي مره اذا وكعتي بيدهم ماراح يرحموج سدره
كعدت ادعي يارب احفظ اهلي محد ياذيهم
سماا
اني سماء الاخت الصغيره لسدره الي بدت القصه ب ولادتي
كعدت من النوم جنت نايمه الظهر ضوجه وماكو دراسه ومانكدر نطلع انخاف والدواعش اخذو بيتنا وسيارتنا
كمت اروح اشوف سدره شلونها لان هاي الفتره من طلعت من داعش لو كاعده تقرأ قران وتصلي لو تكعد على الموبايل وماتحجي معنا على كد السؤال والجواب
دخلت لغرفه ماكو هي ولا ويلادها رحت اشوف بل حمام ماكو
صيحت ماكو هي كعدت اهلي كعدو مالكو السياره مال علي يالله وين راحت سدره نحنا انخاف عليها حيييل
اتصلنا ب صهيب واماني كالو ماكو عدنا واصلا هي ماتروح على احد غيرهم
ماحسينا غير الدواعش دخلو على بيتنا وصار يفتشون ويصيحون متتنا من الخوف
الداعشي؛؛ وينها
مختار؛؛ منو هي
الداعشي؛: الدكتوره سدره وينها
ابو سدره؛: مانعرف والله وين راحت
الداعشي ؛: اتجذبون فوكها اخذهم
اخذو بابا ومختار وخالو مسكنهم وكمنا نبجي جلبنا بيهم ماردنا انعوفهم بس الدواعش الله لايوفقهم دفعونا وجان اقوه منا واخذو بابا ومختار وخالو
امي ومرت خالي وبناتو كمنا نبجي ونضرب على نفسنا مانعرف وين سدره وشنو الي يريدون منها بل ضبط وليش هيجي دا يصير بيها كل هذا
اول مره اخذوها بسبب وكفت بوجهم وشافو محادثه بينها وبين اخويا عمر هسا ليش
خالي ماجان عندو ويلاد بس بنات اثنين وضلينا نحنا نسوان وحدنا
مختار
مانعرف سدره وين صارت وين راحت وشنو الي يريد منها داعش بالضبط
اخذونا الدواعش ورمونا بالسجن
الداعشي؛: من هينا الكم نص ساعه اذا ماعترفتو بمكان سدره وين
راسكم يصير ب باب الطوب
مختار؛؛ والله مانعرف
الداعشي؛؛ اي انشكت الكاع وبلعتها مو اني اعلمكم
صار يغلط ويفشر علينا راح الداعشي
ابو سدره؛: وين صارت اختك ليش اختفت سدره وبعدها صارو يدورون عليها مختار انت تعرف شي
مختار؛: لاوالله يابا ماعرف شي وشنو الي كاعد يصير مادري
خالو؛: سدره مالازم تكع بيدهم عرفو بيها هزمت علي
مختار؛؛ يمكن لهذا السبب
ابو سدره؛: اكيد مايمكن اخخخ يابنتي اش كاعده اتوكعين نفسج ب مشاكل
مختار؛؛ هي هاي سدره من يومها الشي الي اتريدو لازم تاخذو يابا انت كلو سببك ضليت ادلل بيها على ماطمست راسنا بل وحل ضلت تلحك ورى علي ونحنا وكعنا بيها
ابو سدره؛: ادعي ربك اختك تطلع منها وخلي شنو يصير بينا نحنا يصير عجل ليش زلم السجن لرجال
مختار؛: ان شاء الله تطلع منها لو هذوله اذا رادو شي ياخذونو
بعد نص ساعه جا الداعشي
الداعشي؛: تعترفون وينها لو تاكلون العقاب انتو بكانها
ابو سدره؛؛ مانعرف ثق بالله مانعرف
صارو يحققون معنا ونحنا انكولهم مانعرف جوي الدواعش شدونا وصارو يضربون بينا
وعذبونا انواع التعذيب والجلد ومابس هذا عطش وجوع ضلينا ايام نحنا معلكين ويضربون بينا
ابويا رجال جبير هو وخالي مسكوهم يضربهم
مختار؛: ويلااااادين الكلب عووووفهم تعالوووو عليه تعالوووو
الداعشي؛: نحنا ويلادين الكلب واختك الزانيه شلونها
كولنا كولنا وينها قابل حرام علينا وحلال على غيرنا
مختار؛: اختي اشرف منكممممم ياجلاب..... اللللله
ضلو يعذبون بيا الي حد مابديت افقد ابويا كام يصيح
ابو سدره؛: عوفو ابني وتعالوو عذبوني بمكانو اااابني مريض
الداعشي؛؛ اي نحنا انريد المريض حتي يعترف
جان كل مره داعش يعذبني بيها جنت انصرع كدامهم وهمه ماكو اي رحمه بكلبهم
اخر تعذيب عذبوني هو فتحو ظهري وخلو بي ملح بعدها ماحسيت علي شي ....!!
سدره
موبايلي كسرتو وماضل عندي اي برنامج حتى ويلادي بطلو يحجون مع ابوهم
اشكد حاولت اطلع بس صهيب جان يكولي خطر عليج ماتكدرين تطلعين من الموصل الي سوريه اسمج موجوده بل سيطره اكيد
اهل صهيب ماقصرو ابد ومافرقو بين ويلادي ويلاد اماني
جان عندهم سرداب جوى جنه كلما صهيب يشوف اكو خطر او شي عليه يكولي انزلي سدره على السردب
همه عندهم كاميره مخليها بل شجره ماتبين ودائما فاتحين على الكاميره
النت انكطع بل موصل وشالو التلفزيون
صارت بس محلات اكو العالم يحجون بيها بل نت ممنوع بل بيت اكو
ويلادي بس يبجون يريدون يحجون مع ابوهم
يوم من الايام صهيب كاعد بالهول واني واماني بل مطبخ ماحسيت كام يصيح
صهيب؛؛ سدره سدره اركضي على السردب الدواعش
على سريع حضنت ويلادي وركضت بيهم جوى
جنه مخلين على باب السرداب برده جبيره وراها تلفزيون وميز
ركضت جوى وصهيب طفى التلفزيون يالله متت خوف ماكو بيني وبين الموت شعره
صهيب
دخلو داعش لبيتنا بدو تفتيش
الداعشي؛: وين سدره محمد
صهيب؛:جانت زميله معايا بلعمل بس من دخلتو انتو الله يحفظكم ويطول بعمركم سمعت بيها طلعت من الموصل
الداعشي؛؛ شنو شغلك انت
صهيب؛؛ طبيب
الداعشي؛؛ وين جنت داوم انت
صهيب؛؛ جنت ادوام ب مستشفى .....
الداعشي؛؛ وليش تركت
صهيب؛ الوالد اتمرض وماكدرت اعوفو وحدو
الداعشي؛؛ الدوله اسلاميه محتاجتك اكثر
صهيب؛؛ شنو قصدك حجي
الداعشي؛؛ قصدي انت طبيب وتكدر اتعالج الجرحه راح ناخذك معنا وتنضم الي الدوله اسلاميه
صهيب؛؛ بس اني وحيد لهلي وماعندهم معين غيري والرسوله صلى الله عليه وسلم جان من يطلع اغلب الاحيان يترك عثمان ابن عفان رضى الله عنه بالمدينه او علي ابن ابي طالب رضي الله عنه يحافظون على النساء لان هذا الشي هم جهاد
الداعشي؛؛ هسا نحنا دوله اسلاميه وماكو شي يخوف
صهيب؛: لعد شنوجان وكت الرسول صلى الله عليه وسلم مو دوله اسلاميه
الداعشي ؛؛ اكيد ونحنا ماشين على منهج الرسول صلى الله عليه وسلم وهسا لازم تجي معنا
لو اضحى بروح واروح اني بيها لو سدره تروح بيها اني اعرف هاي سوالف عبدالله بس حتي يخوفني واعترف على مكان سدره
صهيب؛: ماشي حجينا انت ودوله الخلافه على راسي واميرنا ابو بكر البغدادي
طبطب على كتفي
الداعشي؛؛ عفيه بالمجهاد البطل
ابو صهيب؛: صهيب وين رايح
صهيب؛؛ اني صارلي انتظر كومه هاي الحظه اروح مع دوله الخلافه بس هسا صار الوكت
الداعشي؛: امشي
ابو صهيب؛؛ اغضب عليك صهيب اذا رحت
الداعشي؛؛: الجهاد فرض عين وبر الوالدين مو ضروري
صهيب؛؛ بس ابويا
الداعشي؛: كتلك مو ضروري
رحت مع الدواعش واني ماكاعد اعرف الي كاعد اسوي صح لو غلط بس المهم سدره ماتكع ب يدهم سدره دخيل عندي شلون افرط بيها
اخذوني تحقيق بدون مايسوون شي معايا وبعدها دخلوني وطلبو مني ابيعهم
وباعيت الدوله الا اسلاميه على شرع الشيطان كل لحظه بيها اتردد تجي صوت ماري باذني
ماري؛؛ ماما راح اتعوفينا مثل مابابا عافنا
وبكلبي اكول لا ياماري ماراح اتعوفج امج واني خشمي يشتم الهوى
كملت البيعه وانطوني ملابس الدواعش الي هيا ملابس افغاني وانطوني طبابه وصرت اداري الدواعش والي المسجونين من كثر التعذيب
واكف بالطبابه وماشوف الي مختار صار كدامي ظهرو كلو دم جابو الدواعش ورمو على السديه
اتخبلت شفت كمية التعذيب الي ماكلها صرت اركض هينا وهينا مثل المخبل جانت انفاسو الاخيره كلت مستحيل اكدر انقذو مات خلص بس ضليت ساعات واني على مختار حتى عالجتو بس بعدو فاقد
سدره
ماعرف شنو الي صار فوك ماحسيت غير اماني نزلت تبجي وتصرخ
اماني؛: راااح صهيب رااح سدره
سدره؛: اش صار اماني الخاطر الله
اماني؛؛ بايعهم صار معاهم على مود ينقذج
احس اماني ضربتني على راسي بكلامها ماحسيت غير اماني وعمها دا يكعدون بيا ويبجون
سدره؛: اش صاير
اماني؛؛ غمه عليج
اتعدلت وحضنت اماني ونحنا نبجي
سدره؛؛ سامحيني اماني اسفه سامحيني الله يخليج
اماني ؛؛ لاتلومين بروحج هو نحنا عايشين تحت حكم ضالم
ابو صهيب؛؛ كوومي يااعمو واتعوذي من ابليس
مشينا اني واماني وعمها حاضن ويلادي وطلعنا لكيت ام صهيب تبجي على السجاده حضنتها اماني ويبجون ويشهكون
اماني؛؛ عمه صهيب صار داعشي راح تلطخ دمو بناس ماعندهم ذنب
ام صهيب؛؛ياررب وحيدي يارب
ايام مشت ونحنا بيت صهيب صار عباره عن عزه اسم الله
ماتحملت منظري واني يمهم
لبست ملابسي وطلعت عليهم كاعدين بالصاله
اماني؛؛ وين شو مبدله
سدره؛؛ اني راح اروح
ابو صهيب؛؛ وين اتروحين عمو
سدره؛راح اسلم نفسي وخلي صهيب يرجع بس ويلادي وصلهم لاهلي
ابو صهيب ؛:عمو سدره صهيب مانسجن حتى يطلع صهيب صار معاهم افتهمت عليه لو الموصل كلها سلمت نفسها صهيب ماراح يرجع داعش ماراح يعوفون صهيب
سدره؛؛عوفني عمو الله يخليك اروح
ابو صهيب؛؛ ابني رجال وكد حمل الي شالو جان من الاول كالج سدره اني مو حملج واخاف على نفسي روحي
بس ابني رجال وكدها حالج حال بنتي سدره بنتي محاميه وهم جان داعش دا يكتلها وعبرنها وهسا اني عندي بنت ثانيه وهم لازم احفظ عليها
اماني؛؛ حبيبتي سدره رب العالمين ماينسانا نحنا مظلومين
حضنتها وضلينا نبجي بس ماطلعت من بالي فكره اسلم نفسي
ماري؛: اريد احجي مع ابويا
سدره؛؛ ماكدر ماري الي بيا مكفيني
حسين؛: اني هم اريد بابا
سدره؛؛ استغفر الله شلون افهمكم يارررب كاااافي خبصتوني على ابوكم ب شنو تحجون ماكو اي اتصال بينا
كامت ماري وزعلت وحسوني هم زعل بس مايسوي شي يزعلني كام باسني
حسوني؛؛اوكي مامي بكيفج
سدره؛: اروحلك فدوه انت واختك
ام صهيب؛؛ شبيهم بنتي ويلادج
سدره؛؛ خاله يبجون على ابوهم تعبت خصوصه ماري خبصتنا على ابوها
ام صهيب؛؛ تعالي تعالي ام كذلة الحلوه
كامت ماري راحت على خاله وهي تبجي وتمسح بدموعها
ام صهيب؛؛ شبيج حبيبتي مو حرام هاي العيون الحلوه تبجي
ماري؛؛ عجل مو حرام اني ماااحجي مع ابويا
ام صهيب؛؛ يايمه
ضربت على رجلها ام صهيب ودارت وجها باسف حتى اطفالنا كبرو فوك عمرهم
ام صهيب؛؛ ياحبيبتي انت تقبلين بابا يعيش عيشه مو حلوه
ماري؛؛ لا ماقبل
ام صهيب؛: هسا بابا عايش يم خالو ومرتاح وراح يجي ويشوفج
ماري؛: راح يطول عليه اني بس اريد اسمع صوتو والله اشتاكيتلو
ام صهيب؛؛ مايصير حياتي احسن شي واحلى من انشوفو وتكعدين بحضنو
ماري؛؛ يمته يجي
ام صهيب؛؛ من اتصلين وتدعين بكل صلاه رب العالمين راح يقبل دعائج
ماري؛: زين نحنا ليش ماطلعنا مع بابا
ام صهيب؛؛ لان بارده وموزين عليج
ماري؛: ليش امي وابويا ماعيشين ب بيت واحد مثل خاله اماني وعمو صهيب وعمه ميس وعمو حمودي
سدره؛: كااافي تسالين ماري
ام صهيب؛؛ عوفها بنتي شوفي حبيبتي انتو جنتو صغار حيييل
ماري؛؛ مثل سدره جنه صغار
ام صهيب؛؛؛ اي مثل سدوره الاصغيره وماما اتمرضت وبابا هم اتمرض وراحو على الدكتور وكالهم لازم ماتعيشون سوى ب بيت واحد بعدين اتموتون
ماري؛؛ ليش عمه ميس وعمو حمودي مااتمرضو
ام صهيب؛؛ لان ابوج جان يحب ماما اكثر ما عمو حمودي يحب عمه ميس
افتهمتي حياتي
ماري؛؛ اي جده افتهمت
ام صهيب؛؛ عفيه بالسبعه يالا روحي بوسي ماما ولاتضوجيها
اتعلمو من ويلاد صهيب يصيحون جده وجدو جت ماري باستني وكالتلي اسفه ماما ماقصدي ازعلج ....
بعد شهر ضبط من غياب صهيب كاعدين كلنا ساعه 10 بلليل اندك الباب
ابو صهيب طلع يفتح الباب وكام يصيح
ابو صهيب؛: صهيب جااا
رجلينا كامو يرجفون بس الصدمه الي شفنا بيها صهيب صدمتنا كلنا مو عبالك صهيب داخل علينا واحد داعشي غير صهيب ملابسو مال داعش وشعرو وسلاح بصفحتو ولحيتو الطويله كلنا نبجي واماني وام صهيب شافو صهيب هيجي كامو يلطمون ويضربون على نفسهم
ام صهيب؛؛ جيت اشجابك كولي اشجااااابك ماريد اشوفك صرت مجرم حالك حالهم
اماني؛؛ ليش هيجي ياصهيب ليشششش فهمني
صهيب؛؛ الشرف اغلي منج ومن امي وابويا وويلادي
حضنهم ويبجي معاهم ويبوس بايد امو وباماني
يارب منظر يبجي الصخر ويلادو ماقبلو يروحون علىَ ماعرفو خافو
فوك النص ساعه اماني وعمتها منهارين يبجون وهو عيونو حمر دم ودموعو تنزل يحجي معاهم ويهديهم وحضنهم وكعدهم التفت عليه
صهيب؛؛ شلونج سدره
ماكدرت اجاوب عفتو وركضت لغرفه ابجي واضرب على نفسي
سدره؛: كلوو بسببي سببي يارب شيلني وخلصني يااااارب جم روح ادمرت بسبببي جم روح
ضليت ابجي واضرب على روحي الي حد مادخلت اماني حضنتي وتبجي معايا
اماني؛؛ انت اختي واخت صهيب ومستحيل واحد يعوف اختو واكعه بمحنه ويتركها
سدره؛؛ وصهيب الي دمرتو حياتو ب سببي
اماني؛؛ رب العالمين رحيم وراح ينصر سدره كومي صهيب يريد يشوفج
كمت ورحت لهول
صهيب؛؛ تعالي مخبله شبيج تبجين
سدره؛؛ ابجي عليك وعلى حضي
صهيب؛؛ لاتبجين عليه تبجين عليه شنو اني رجال واحمي نفسي
سدره؛؛ شلون راح اطلع نفسك من هاي الورطه
صهيب؛؛ رب العالمين راح يطلعني
سدره ؛؛ اني راح اسلم نفسي
كبل كام يخنزرني
سدره؛: شبيك هيجي ادحك عليه
صهيب؛:بكيفج هي الشغله مو بكيفج
سدره؛: لعد انت صرت داعشي على مود تنقذني
صهيب اتعصب وكف وصار يصيح عليه
صهيب؛: وكت من جنه طلعات وجامعه وكافتريا وضحك ونسه وكيف جنتي اختي بس هسا اااااختي من وكعت ب شده والله اسف اسد بابي بوجهج موو
اسمممعي زين سدره اني راااااجع تعباااااان مالي خلللك لسوالفج التعبانه ولخبالاتج
ابو صهيب؛: احجي معاها خلي تعقل بدلت وردت تطلع اتسلم نفسها لو مانحجي معاها
صهيب:؛عفيه سدره هيجي اتروحين تعبي ب بلاشي مووو
سدره؛؛ مو انت
صهيب؛اااااااانتي شعليج شعليج فهميني مالج دخل اني ماجيت شكيتلج وكتللللج
سدره؛ رااااح اروح
صهيب؛: سدره انتي شبيج مخبله
سدره؛: وانت
صهيب؛هم رجعت كالت انت باااااابا طبني مرض طبني مرض
كااام يصيح بكل صوتو
اماني؛؛ صهيب الله يخليك صوتك انفضحنا
صهيب؛: ماكاااعده تسمعين اختج اشكاعده تحجين
سدره؛؛ شنو ذنبهم امك وابوك ومرتك وويلادك
صهيب؛؛؛ لااااا اعوفهم يلعبون بيج مووو
سدره؛اذا هسا انت اتعالج باجر راح يجي يوم واتصير اتقاتل معاهم من راح اسلم نفسي كل المشاكل اتروح احسن من ايدك تلطخ بالدم
صهيب؛؛ اي اني راااح اخلي ايدي تلطخ بالدم بس دمج انتي اول وحده
سحب السلاح من جيبو وخلى على راسي
صهيب؛: اتريدين اتسلمين نفسج لدواعش حتى واحد واحد ياخذ شرفج
كلهم كامو يصيحون علىَ
ابو صهيب؛؛ شبيك انت اتخبلت
صهيب؛؛ جاوبني اتريد الدواعش واحد واحد يغتصبج
سدره؛::كاعد ترفع سلاحك عليه؟
صهيب؛؛ اكتلج واخلص منج ولااشوف شرفج مطشر بين هذوله الجلاب
سدره؛؛: وانت شنو اتموت حتى تتقذني
صهيب؛؛ اذا رب العالمين كاتبلي اموت راح اموت لاانتي ولاكل امة محمد تكدر تكف يوجه ملك الموت
كعدت وكمت ابجي وصهيب يصيح عليه من شافني ابجي كام يصيح عليه بعد اكثر
صهيب؛؛ هم بجت الخاطرررر الي خلقج صيري قويه ليوم واحد بس
سدره؛؛ ماكدر ماكدر اني هيجي انخلقت ضعيفه وجبانه
صهيب؛؛ كلنا انخلقنا ضعفاء بس صنعنا من الضعف قوه
شوووفي سدره هذا بيتج وتكعدين وتسكتين الي اتريد يصلج ليم رجلج لااخوج يخلي قصره عليج ولااختج وامج وابوج هذوله افتهمتي
خلي هلمره اسمع هذا الكلام ينعاد شوف اش اسوي
اذا هلمره خليت السلاح براسج وتركتج تحجين هلمره كبل طلقه براسج على اقل اكول نايمه بالتراب ولانايمه بين جلاب
اماني؛: ياعيني كاافي كول يالله انتو اثينكم هم الي بيكم امكفيكم
صهيب؛: استغفرالله يارب اريد ماي عطشت
ركضت اماني جابت ماي لصهيب ولكل كعدت يمي باستني ومسحت دموعي وشربت ماي وهديت كام يحجي صهيب اشويه مع اهلو وبعدها التفت عليه
صهيب؛؛ شوفي سدره من طول عمري احلم يصير عندي خوات اكثار جنت احب يصير عندي اخت وماجان يعجبني يصير عند اخ ابد وهاي امي كدامج اساليها
ام صهيب؛؛ اي والله صحيح
صهيب؛؛ لان البنت اتصير حنونه اكثر من الولد صح الاخ يلعب معايا ممكن يصير صندوق اسراري بس يجي يوم ويلتهي ويتغامض عن اهلو ممكن
بس البنت اتضل تشيل هم اخوها وابوها وامها اتشيل هم هذا وهذا سبحان الله جنت دائما اكول لامي
يوم خلي يصير عندي اخت ثانيه بس رب العالمين انطاني اخت وحده بس والحمدالله هاي هم اتغربت مو مهم المهم هي مرتاحه بحياتها
من دخلت لكلية واتعرفت على لؤي الله يرحمو وعرفني عليج وعلى جنات واماني وصارت علاقتي بيكم قوية صدكي ياسدره رب العالمين حققلي امنيتي بعد سنوات طويله
يصير اختي ثانيه بس رب العالمين اكرمني بخوات اثنين نفس اليوم انتي وجنات
جنت افرح لفرحكم واحزن لحزنكم وسبحانه الله رجع اخذ جنات ولؤي من عندي واطلب من رب العالمين يشافي جنات ويرحم لؤي
جنات اختي جانت وجرحها الى حد الان يدك بكلبي هاي اختج كدامج اساليها مايعبر يوم اذا ماذكرها وادعيلها
اتريدين اخسرج اكو اخ يتخلى عن اختو ياسدره فهميني اذا اتخليت عنج اني مو رجال اذا عفتج بين ناس عندهم العب بعراض بنات العالم عادي صدكي ادفن روحي قبل محد يلمسج
سدره؛؛ الله لايحرمنا منك مثل ماطلعتني من هاي المصيبه رب العالمين ان شاء الله مايعوفك
صهيب؛؛رب العالمين مايعوف عبد مكسور خاطر هو اسمو الجبار يجبر كلوبنا
ارتاحيت من صهيب حجى معايا اشويه حضنت ويلادي ونمت الحمدالله فكر صهيب ماكن اتغير ابد بلعكس يكرهم ويموت منهم
ومشت الايام والاشهر صهيب يجي ويرجع لدوام ويوم الي يروح انضل نبجي علىَ بعدعشر اشهر اني دخلت ب بيت صهيب جان شهر الرابعه 2015
ونحن حاليا ب شهر رابعه 2016
ورجعت ماري ادك على راسي اريد احجي مع بابا وتبجي بكثر مابجت اختنكت بس ركضت خليت بخاخ بحلكها كلنا نحجي معاهاا اتصيح تبجي
ماري؛؛ اررريد باااابااا اريد احجي مع بابا
سدره؛؛ يابنتي الله يخليج كاافي وين اخذج وين
ضلت ساعتين تبجي وصهيب يمسكها ويحضن بيها ويبوسه مايفيد تركض لباب الحوش اتريد تطلع وتصرخ الا اروح على بابا ونمسكها اندخلها جوى
اخر شي صهيب كال اخذها بل سياره هي وحسوني وانجبرت ادزهم واخذهم وراحو يحجون مع ابوهم ورجعو فرحانين ويضحكون راح نفس اليوم صهيب رجع لدوام مع داعش
كاعدين كلنا بالليل وطفت الكهرباء وماحسينا غير انكسر الباب ودخلو الدواعش علينا كمنا انصرخ ونبجي وبس نحضن ويلادنا رجعت الكهرباء عبالك جانو يعرفون عدنا كاميره وحتى لانشوفهم طفوها
اتقدم الداعشي عليه سحبني من ملابسي وضربني براشدي
الداعشي؛؛ راح يصير سنه ادور عليج ب تالي لكيناج هينا يازانيه
سدره؛؛ محد زاني غيركم حسبي الله عليكم ياكلاب
الداعشي؛؛ اخذوها
اخذوني وابو صهيب جلب بيا مسكني ودفعو ابو صهيب واماني اتصرخ وتبجي هي وعمتها وويلادي اخخخ يارب كطعو بكلبي يبجون ويصيحون ماااماا اماني حضنتهم وغطت وجهم
اخذوني لسجن وكل ظني راح اشوف عبدالله بس لاكن ماشفتو
بعد عشر ايام من السجن الانفرادي طلب القاضي الشرع يشوفني وجانت يوم المحكمه
شدو ايديا ورجليه طبقه سوده من فوك ليجوى وكفت كدام القاضي الاشرعي الي لحيتو اطول من حياتي وعلم داعش الاسوده الي سودت عيشتنا كلنا وكل عراقي وسوري
سدره؛؛ السلام عليكم
القاضي ؛؛وعليكم السلام انتي سدره محمد علي
سدره؛؛ اي نعم اني سدره محمد علي
القاضي؛؛ شنو جان عملج قبل دخول الدوله الاسلاميه
سدره؛؛ دكتوره
القاضي؛: جنت مهزومه من حكم وشرع الله الي هو الرجم بالحجاره
سدره؛؛: هذا الشي مو صحيح لان اني ماسويت شي
القاضي؛؛ هاي ورقه كدامج اموقع عليها احد امراء الدوله اسلاميه
صار يحجي القاضي معايا واني صافنه شنو اسوي حتى اطلع من هااي المشكله
سدره؛: يمكن الشخص الي دزلك هيجي ورقه اني سويت لزوجتو عمليه وماتت ب يدي لهذا صار معاكم وراد ينتقم
القاضي؛؛ ابوحفص امير معروف بالدوله الاسلاميه ورجال صادق وامين مايكذب واكو شهدو علىج
سدره؛؛ لو حتي جان اكو الف شهاده عليه اني اريد عقاب الاخره احد خلفاء الراشدين جت مره علىَ وكالتلو زنيت شنو اسوي
كالها استري نفسج اني ماسويت شي ولازنيت ورب العالمين شاهد على كلامي ماسويت شي يغضبو
القاضي؛؛ المره الي جت اعترفت بذنبها بس انتي ماجاي تتعرفين ونحنا مسكناج مسك يد
سدره؛؛؛اعترف بذنب اني ماكن اقترفتو
القاضي؛: مايفيد كل هذا لكلام
صيح دخلو الشهود جوي اربع شهود وكفو كدام القاضي وكلهم نفس كلامهم
القاضي؛؛ واحد بعد الثاني يحلف على القران شاف سدره تزني
الاول؛؛ اقسم بالله العظيم وبكتاب الله الكريم انا رايت سدره قدوقعت بمعصة الله وهو الزنه
اني من شفتهم هيجي انهاريت بالبجي وكمت اصرخ بلكي يصير بكلبهم رحمه وشفقه عليه
سدره؛: الله يخليكم عندي ويلاد اثنين بدون اب والله اذا عفتهم اني شنو راح يصير بحالهم زين انتو مافكرتو برب العالمين شنو اتكولون باجررر معليكم من ابوحفص والله جذذذااب والله اني شريفه شررررريفه ياامة محمد
القاضي؛بدون صوت
الثاني:؛اقسم بالله العظيم وبكتاب الله الكريم انا رايت سدره قدوقعت بمعصة الله وهو الزنه
الثالث؛:اقسم بالله العظيم وبكتاب الله الكريم انا رايت سدره قدوقعت بمعصة الله وهو الزنه
الرابع؛:اقسم بالله العظيم وبكتاب الله الكريم انا رايت سدره قدوقعت بمعصة الله وهو الزنه
حلفو كلهم على القران واني ابجي منهاره وكعت بالكاع
سدره؛؛ حسبي الله ونعم الوكييل حسسسبي الله ونعم الوووكيل
القاضي؛: توبي لله عزوجل واذهبي لله انتي نظيفه
وكفت وكمت اصيح علىَ
سدره؛؛ اااااااانظف منكمممممم ومن دولتكم يااااكافرررر
القاضي ؛؛ ياعاهرررره لان قضينا عليج وعلى امثالج
سدره؛: ماكو ساقطين غيركم ياجلااااااب جهنم
اني رايحه لربي وباجر راح احاججكم امام الله على الشي الي سويتو بيا والله والله الي راح اقابلو بعد اشويه ماراح اتنازل اي شي كدااام ربي الله ينتقم منك عبدالله ان شاء الله تموت مثل الكلاب
اني سدره الي حرمت كل الزلم على نفسي بالحلال من بعد علي
هيجي اااموت بالاخيررررر حسبي الله ياااربي انتي تعرفني اشكد طاهره يااارب
القاضي؛؛ اخذوووووها وحضرو الحكم
اخذوني واني اصيح وابجي ركبوني بالسياره ونزلوني بساحة الحكم كداام الناس وبمنطقتنا ولكيت ابويا ومختار وويلادي وامي وسماء وطارق
من شفتهم وكعت بالكاع ابجي واصرخ ركضو عليه يبوسون بياو يبجون
سدره؛؛ محدددد بيكم يبجي محددد بيكم اني شريفه وغير ابن عمتي محد لمسني اني شريفه ومحد يكول عليه اني زانيه
الداعشي؛؛امشييي يالا
ماري ؛: مااا ما رااح اتموتين وتعوفينا راح اتروحين ماااما الله يخليج لاتروحين اني احبج والله مو قصدي ازعلج
سدره؛؛ راح نلتقي باجر كلنا بالجنه ماريه لاتنسين هذا الشي ولافديوم تستعيرين من امج ماريه ارفعي راسج بيا امج الي قسمت على نفسها غير ابوج ماتاخذ بالحلال شلون اتروح بالحرام
ماتفتهمين على كلامي شنو دا اكول هسا بس باجر راح تفتهمين حبيبتي احبج امي احبج بنتي ونظر عيني
حسوني ماما هذا راسك اريد دووم مرفوع انت ابن علي وسدره
ويلادي حضنوني مايقبلون يعوفوني خلاص والعالم كلها ادحك عليه ومنظر اني واهلي وويلادي يبجي كل شخص بكلبو رحمه وشفقه
ام سدره؛؛ سدره
سدره؛- عمر سدره ياامي واروحلج فدوه ياحبيبتي لاتنقهرين الجنه لمظلومين لاتنسين ادعيلي انتي وبابا حبيبي احبكم حيييل سماء وطارق بوسولي اسماء وعمر حييل من راح اتشوفوهم
سحبني الداعشي وكومني وويلادي مجلبين بملابسي مايعوفني سمعت صوت اماني صرخت سدره
التفتت وركضت عليه تبجي وتحضني واتبوسني بوجهي وايديا وتحضني
اماني؛؛ احبج سدوره ماراح انساج ابد جنات راحت وانتي هم راح اتروحين مني
سدره؛:يجي يوم وكلنا نلتقي صدكي رب العالمين مايعوف الضلم مستمر سدره ماتتت مظلومه يااامونه مظلومه كولي لصهيب انت احسن اخ جنت ليه كوليلو من اتشوف علي واجهو بالسر الي ماكدرت اتوجهو سدره وخلي علي يسامحني ولاينساني
اماني؛؛ شنو السر سدره
سدره؛؛ هو يعرف صهيب
سحبني الداعشي واني التفتت ورايا واريد اشبع عيوني من ويلادي واهلي واحبابي الي ماشبعت منهم
ساحة الحكم عباره عن دائره مسويها داعش وبصفحه كومه حجاره كعدت على ركبي وصار الداعشي يحجي والناس كلها تشوف
الداعشي؛: الحمددالله الذي من على دوله الخلافه الاسلاميه بتطبيق شرع رب العباد والبلاد
نسال الله ان ينفع بنا بالدنيا والاخره
وان يحفظ شيخنا واميرنا ابو بكر البغدادي
سدره؛؛ اشهد ان لا اله الا الله وحده لا شريك له وأشهد ان محمدآ عبد الله ورسوله
الداعشي !؛قد اكرمنا الله هليوم بتطيبق حكم الزنا وهو الرجم على الزانيه التي امامكم
التفت عليه وكالي
الداعشي؛؛ عندج شي تحجين قبل مانفذ الحكم
اني ميته ميته ماضل داعي لخوف اصلا صحت بكل صوتي
سدره؛؛ ياااااامة محمد ياااامة لا اله الا الله مابيكم رجاال يدافع عني مابيكم رجال يكول وين الي زنا معاها
بس ميخالف كلنا ضعفاء وكلنا مضلومين الي كداااامكم وراها قصه ومحد يعرف بقصتها غير رب العالمين قصتي لازانية ولاهم يحزنون باجر من نلقتي يم رب العالمين هو الي ياخذ حقي
الله شاااااهد عليه وشااااهد على طاهرتي محد لمسني غير ابو اطفالي وماااريد منكم شي بس لاتحجون عليه بعد موتي وتحجون ب شرفي لان شريفه وطاهره
بابا حبيبي سامحني ولاتفكر ب بنتك اتسوي شي غلط ابد
ولاتبجون عليه اني مظلومه ورحمة رب العالمين احسن من رحمة العبد
طارق ماسك بابا و ومختار ماسك ماما وسماء حاضنه ويلادي ومغمضه عيونهم واهلي كلهم يبجون
دنكت براسي وتشهدت وتبقى الحياة فانيه لو اشكد من عشنا بيها
الداعشي؛؛دولة الاسلام
الدواعش؛: باقيه وتمدد
الداعشي؛؛دوله الاسلام
الدواعش ؛:باقيه وتمدد
وصار داعش يشيل الحجار ويضرب بي سدره كدام الناس وكدام امة محمد الي مابيها واحد يدافعه عنها شنو جان ذنب سدره
ذنبها لان كتمت سر وخافت من مجتمع فاشل لامايصدكها
شنو جان ذنب سدره محد يعرف؟
اني راح اكولكم ذنبها جان شنو عبدالله واكو الف وحده مثل سدره ماتت مضلومه و الف واحد مثل عبدالله عاش عار
ذنب سدره الحقد والكره عبدالله ماحب سدره لان الي يحب مايعرف ياذي
وعبدالله جان كرها لعلي جبير بس هو انتقم من سدره
اصلا هيجي شخص مايعرف شنو الحب
كم بنت مااتت مظلومه بحكم عادات وتقاليد مالها معنا اذا شافو البنت شخص اتحارش بيها ماكالو هو مو خوش بالعكس قتلو البنت بما يسمى تنظيف شرف وهي مظلومه
مجتمعنا فاشل ❌عدنا الرجل شنو من يسوي عادي ويصدكون بي بس المره لا مالازم تحجي لازم تسكت اشش لاتحجين اسكتتي وصارت المره اتخاف تحجي الي بكلبها سدره جانت جبانه وضعيفه شخصية مو هذا كلامكم انتو؟
سدره ماجان ذنبها جان ذنبها هي عاشت عند رجال يحبها ويموت عليها بس جانت الثقه الغلط الي عند علي الي جان منطيها لاكثر عدو عنده بالدنيا
ياترى الي مثل عبدالله شنو عقابه وشنو ممكن واحد يسوي بي حتى يشفي جرحه
