رواية لبوة الحياة الفصل السابع عشر 17 بقلم ساره العبيدي

‏لو عادَ مُعتذِرًا مِنِّي غفرتُ لهُ

كأنَّ ما كانَ قبلَ اليومِ ما كانا

إلَّا إذا كانَ بَعدِي قد هوى أحدًا

لا أستطيعُ لِذنبِ الشِركِ غُفرانا ❤🌼

شبيج شكو هيج دكين الباب ماتكولين ناس موجوده بهلبيت 

المريه:  ليش اكول هيه الناس تستحي حتى اني استحي منهم ما أكسر الباب على رأسهم 

بيبيتي: خير يمه تعرفينا نعرفج محتاجه شي عندج شي ويانا شنو هلحجي هذا  وانتي منو حتى هيج تحجين ويانا وتتهجمين علينا 

المريه:  ماراح ارد عليج لأنج بكد امي  بس راح اسالك سؤال  ترضين ينهدم بيت حتى وحده ثانيه تفرح ليش انطاكم كلبكم تكسرون بنيه مالها أحد  بس إن شاء الله حوبتي ماتعداكم 

بيبيتي:  يمه شنو هالحجي  خاف غلطانه بالعنوان منو اخذ منج واي بيت نهجم احجي عدل مجاي أفهم  شتقصدين 

المريه: يعني أنتم ماتعرفون هيج كبل وافقتوا تتطوا مريه منكم ما سألتم شعنده ماعنده

بيبيتي: شوفي ترا صبرت هواي كافي تحجين بالالغاز شعندج كولي ماعندج سالفه روحي والله يسامحج على سويتي ماناقصنا حجي ومشاكل 

المريه: يا الالغاز خاله اني زوجة زياد هجمتوا بيتي الله لا يسعدها ان شاءلله 

كامت تبجي وتدعي واحنا صافنين وحده بوجه الثانيه هاي جاي تحجي شوكت زوج ليش ما كال 

  

بيبيتي: زياد زوجج دام هيج تردي يصير  طبي جوه فهميني الموضوع وشوكت صار هيج واعتبري لبنيه مطلكته اني هم مايعجبني انطي بنتي لواحد مزوج واهجم بيت بنيه ثانيه 

اخذت بيبيتي المريه للاستقبال وغمزت لي اني لبست عباتي ورحت على اهل زياد دكيت الباب طلعلي أبو زياد 

جوري: صباح الخير عمو  محتاجه ام زياد بموضوع  موجوده 

أبو زياد:  صباح النورر بنتي اي تفضلي جوه 

طبيت جوه  كتلها كومي وياي وصيحي زياد بيبيتي تريدكم هسه ضروري ضروري خير صاير شي  معرف أمشي  وياي وتعرفين 

خوش روحي  هسه  اكعد زياد واجي   كتلها ماروح الا رجلي على  رجلكم  راحت كعدته بسرعه اجه خايفه عباله ياسمين بيها شي  كتلهم ماكو شي  امشوا وياي وتعرفون.   اخ اخ ماصدكت وحده  بينا تفرح من قلبها تالي هيج  طلعت مزوج يا نسيبنا الغالي ربي ان شاءلله يطلع  حجيها مو صحيح 

اخذتهم ورحت لكت المريه وبيبيتي وياسمين بلاستقبال كاعدين

زياد اول ماشاف المريه 

زياد: هاي انتي شعندج اهنا اني مو كتلج عوفيني مستحيل اقبل بيج زوجه لي كم مره حذرتج وكتلج ابتعدي عنا نوب لاحكتني اهنا 

جرها من شعرها وصارت تحجي ليش هيج عفتني حرام عليك والله احبك ليش وعدتني نزوج تالي بسهوله تنازلت عني علمود وحده مراهقه ماتفهم شي  اني متاكده تريد توصل للتريده وتعوفها احجي كول لهم تحبني 

زياد: انجبي بنت نعال اني شوكت وعدتج شوكت كتلج احبج وأريد ازوجج منو كالج اتشرف بوحده مثلج نسيتي اصدقائي ويوميه بيت واحد نايمه تردين تذبين بلاج عليه ترا والله طلقه براسج وانظف العالم من وصخج ماخلي أحد يعرف ارضج وين فهمتي لو لا 

بيبيتي: اوكف وليدي أنت مزوج البنيه لو لا  هيه كالت أنت زوجها واحنا هجمنا بيتها من وافقنا تزوج ياسمين 

زياد:  لا حجيه والله معرفها ولا عندي صله بيها بس  هيه لاطشه بيه اني مايشرفني احجي ويه شكولات من حظن لحظن  

جيبي القران أحلف عليه والله العظيم ما أعرفها ولا عندي شئ معها 

بيبتي: جوري أمشي جيبي القران و تؤضوا تعالوا اثنينكم احلفوا وحوبة القران تبين بيكم  

المريه:لا خاله اني ما أحلف هو يعرف كلامي صحيح مامجذبه بحرف واحد

بيبيتي:لعد اذا هيج احلفي على القران شكو خايفه 

زياد: حجيه اني مستعد أحلف وبمكان المره الف مره أحلف والله العظيم معرفها ولا عندي شئ معها 

هسه أحلف على القران 

حلف زياد وهيه ماقبلت عاد بيبي طردتها وماصدكت بكلامها وحجت ويه زياد وصته على ياسمين 

وام زياد: اعتذرت عن صار وعدت بيبي ما يصير غير لتريده 

نسد الموضوع وبقوا تغدوا عدنا لان بلا ريوك وراح يأذن الظهر وبيبي حلفت عليهم يتغدون يلا يرحون 

كمنا اني وياسمين حضرنا الغده سوينا دجاج بالفرن وزلاطه وخابرت جدي بسوك يجيب سمج شوي ويا وبيبسي  وكملنا  انجمعنا كلنا على الغده وزياد بس يباوع على ياسمين ياعيني هههههههه 

رحت نمت بعد الغده وعفت المواعين على ياسمين 

واني نايمه حسيت شخص صار بصفي عبالي ياسمين اجت تنام 

درت وجهي عليها حتى احجي وياها افهمها بصار خاف مقهوره خطيه لان هيه من نوع تبقى ساكته ماتحجي ابدا كل صار الصبح وهيه بس تباوع ماتحجي ولا تدخل بشئ 

درت وجهي لكت أسيد شجابك اهنا وشكو يمي. جاي العصر لو الا هسه 

أسيد: ردت اجي العصر بس ماصبرت كلش مشتاقلج شوكت تحسين بيه والله شلعت گلبي وحركتي عشيرتي كافي كافي 

جوري: كافي ليش أنت شوكت حسستني بحبك  من اغتصابك لي لو من الشك والعصبيه لو أسلوبك لي تحسسني بي اني بلا تربيه وأخلاق 

أسيد: انتي كل سالفه وكلتي اغتصابك ترا اني هسه زوجج خلص انسي يعني شي صار حقي وثاني شي هلاغتصاب صار نعمه بحياتي راح يجيبلي قطعه منج واسلوبي وشك بسببج انتي ماتعرفين تتصرفين كل مره اجي اشوفج لكاج  بموقف ما شآءالله مشرف 

جوري: بدأ كلامك العسل مالي خلك بلا شئ نفسيتي تعبانه خلي أنام أعرف الحجي وياك بلا نتيجه 

رجعت انطيته ظهري ونمت وهو رجع حضني من ورا خله ايده على خصري بقى يبوس ويشم بين وحاضني سحبني له

أسيد: وهو يهمس بأذاني مشتاقلج حبيبتي كافي والله تعبت من بعدج عني اني ماصدكت نزوج تصيرين حلالي تالي رجعت نفس معاناتي حسره اشوفج حسره اتقرب منج 

جوري: ترا أمك السبب يوميه مسويه سالفه وتريد تخلص مني لو انت متفق معها تموتني حتى ترتاح مني 

كام طفر من فوكاي صار بوجهي 

جوري:شبيك تخبلت اكو واحد هيج يكمز ماتكول حامل والله يالله وين الخبل يجي عليه 

أسيد:هههههههههههههه صدك ضحكتيني الحمدلله والشكر صرت مخبل عندك مقبوله منج 

حبيبتي عمري هسه فهميني يعني انتي كلتي امي السبب يعني اذا اشوف بيت وحدنا تجين وياي 

جوري:ها شوكت كلت هيج اني ثاني شئ اني مرتاحه اهنا كلش 

أسيد: أني مامرتاح اريدج يمي اخذ راحتي وياج اشوفج كل وكت احظنج 

جوري: اكولك أنت كل سالفه عندك حظن شعندي اني طفل 

أسيد: اي طفلج اني مجنونتي ولج غير أحبج راح اشوف بيت قريب على بيت جدج هم حتى تجين وتروحين بكيفج بس وافقي وكولي للحجيه ورجعيلي خبر وها قبل لا آنسه جبت الج جهاز وخليت شريحه بي صرت اخجل اخابر كل وكت على الحجيه نستني حتى صوتج ههههههه 

جوري: الله كريم هسه تعبانه وأريد انام ممكن تروح 

أسيد؛:فدوه للتعبانه ليش ابنا متعبج أكيد على أمه ويغمزلي 

بقيت ساكته ومغمضه عيوني هو سحبني لحظنه حسيت شئ غريب معرف ليش بقيت ساكته وراسي على صدره وايده على خصري ويبوس بيه ويحجي همس معرف شنو صار بيه  أول مره بحياتي احس هذا الاحساس واكون هادئه بقيت بحضنه 

هو كام يتمادئ أكثر اخذ شفتي لتهمه نفس كل مره عبالك شخص عطشان يريد يشبع مايعرف شلون ومنين يبدأ 

بقه يبوس بشفتي وايده تمشي على جسمي الي ان احتلني وبقى مثل نار تلتهمني جزء ورا جزء 

الي ان وصل جزء رجعني لنقطة الصفر بس هو بقى مستمر واني ابجي كافي أسيد ماريد عوفني 

أسيد: ياروحي أنتي عوفي نفسج لي اتخيلي هسه مزوجين ماصار كلشي بينا اريد اخذج هسه النااس بره تنتظر خبر زواحنا خلص حياتي انتي فتحي عيونج اريد اشوفهم اشبع منهم 

جوري:فتحت عيوني اباوع عليه شلون ذايب بيه عبالك محد اكو غيرنا واني ابجي وهو يهمس 

أسيد: لا تبجين يروحي انتي قلبي عيوني لي اشوف بيهم ابقى باوعي بعيوني شوفي بعيوني حبي واشتياقي الج حسي بيهم 

راح اكمل حياتي اكو شخص يأذئ روحه مستحيل أذيج انتي قطعه من قلبي انتي قلبي كله 

سلمته نفسي واخذني للشي لي هو يريده نسيت كلشي صار بكلامه وتعامله معي 

كمل واخذني لحظنه وكعد يبوس بيه مثل طفله غفيت واني بحظنه 

كعدت لكته طالع وحاجي ويه بيبيتي علمود البيت 

بيبيتي: صح النوم يمه كلت ياسمين تكعدج بس ماقبلت  اني موافقه على كاله أسيد أحسن انتم لشوكت تبقون هيج هاي حياه طويله باجر عدكم طفل هو.زوجج مهما يكن وابو طفل من حقه يكون قريب عليكم ومعكم خلي يشوف بيت قريب واني يمج قريبه ان شاءلله ربي يحفظكم ويسعدكم يارب

جوري: خلص بيبي بكيفه 

دك جهاز جايبه أسيد لي طلع هو 

سلم واطمئن عليه وراح 

بالليل خابرت ام أسيد كالت لبيبي باجر اريد أجي عليكم 

ابد مارتاح لها وأكيد وراها سالفه ماتجي لحاله اصلا كل هاي الفتره ولا سألت عني ولا كالت  شلون صرتي 

ورا ماكملنا عشه وتعللنا سوه واجوي خوالي يمنا هم  ب11 صار البيت هدوء ياسمين تحجي ويه الحب واني أسيد خابرني وبقى يتغزل ويرسم مستقبل

اني  مره ارد ومره ساكته اترخصت منه رحت انام 

كعدت الصبح تريكنا سوه وجدي طلع للمحلات ويه خوالي  

وبيبي كاعده بصاله تقرا قران

واني رحت ساعدت ياسمين  بتنظيف وطبخ 

ب11ونص  اجت ام أسيد  وياريت مو جايه عرفت وراها مشكله  .........