رواية ليتني واجهتك الجزء الثاني الفصل الثامن عشر 18

سدره

احتــــاج الى صرخـــة تفجـــــر مــــا بداخلي وتــجعلني اتنــفس بعمـــق ڪـم هو موجع الصمـــــت الـــذي بداخــلي الان 💔

دخلنا لغرفه وسد الباب جسمي كله يرجف سد الباب والتفت عليه 

مصطفى؛- شلونج 

كبل رجعت ليورى ونزلت دمعتي لزكت نفسي  بالكنتور 

مصطفى؛:شبيج تبجين 

نزلت راسي وكمت ابجي انهاريت 

اتقرب عليه حاول يهدي بيا ابتعدت عنو وخفت يلمسني واريد احجي ماكدر 

سدره؛؛ان...هيييي 

مصطفى؛: اهدي سدره اشجالج 

كعدت على التخت واشهك انهاريت فدمره  بالبجي

مصطفى؛: بعدج اتحبي 

من سالني هذا السؤال احس ضربني على كلبي كمت احجي واني منهاره 

سدره؛: الله يخليك لاتمم هذا الزواج 

مصطفى؛: اهدي على كيفج الي كدامج مو همجي واني اتفهم وضعج بس كوليلي شنو بيج 

ماكدرت اكمل بعدني ابجي ومنهاره راح جاب ماي وانطاني الكلاص 

مصطفى؛؛ سدره اشربي هذا الماي وعد مني اتفهم كل وضعج بس اهدي وماريد احد يسمعنا بره 

اخذت من عندو واشرب الماي والكلاص يريد يكع بكثر مارجف 

سحب المقعد وكعد كدامي اخذ البطانيه ولف كتوفي بيها 

مصطفى؛؛ ارتاحيتي بعدج بردانه 

هزيت براسي 

سدره؛؛اي ارتاحيت شكرا 

مصطفى؛: ادللي احجيلي شنو قصتج ليش هيجي تبجين من عقدت عليج الى حد الان

بديت احجيلو وامسح دموعي وتنزل 

سدره؛؛ انت تعرف بمختار ضرب طلقات بزواج ابن عمتي الي اخو ابو حسين وماري 

مصطفى؛؛ اي اعرف هذا الشي واعرف شلون اطلكتي من علي عمج راد هذا الشي 

سدره؛؛ انت تعرف علي 

مصطفى؛: اتوقع مرتين شايفو ومجرد سلام بس اني ومختار لاتنسين اصدقاء روح بروح واني الوحيد الي جان يحجيلي كلشي بس الي ماعرفتو انتي ماتريدين هذا الزواج

سدره؛:مثل مانجبرت اطلك انجبرت على الزواج اعرف مو ذنبك بس نفس الوقت مو ذنبك اتعيش مع بنت كلبها مومعاك 

ياريتني كدرت اصارح علي بالحقيقه مثل ماصارحت مصطفى بكلشي وكل الي بكلبي 

سدره؛؛؛مو قصرت بيك صدكني بس العشره الي جانت بين وبين ابو ويلادي خلتني ماكدر ارتبط باي شخص من بعدو 

دنك براسو اشويه وبعدها رفع راسو كالي 

مصطفى؛؛ الي اتريدي يصير بس كولي شنو الي اتريدي؟ 

سدره؛؛ اطلكني 

مصطفى؛؛ يصير بس مو هسا 

سدره؛: يعني؟ 

مصطفى؛؛ من يجي الوكت المناسب راح تعرفين  يمته 

بعدها كام وكالي اخذي راحتج 

سدره؛؛ مصطفى

مصطفى؛؛ اي سدره 

سدره؛؛ شنو الي خلاك تزوجني وانت اعزب 

مصطفى؛؛ وانتي بعدج بهذا التفكير اعزب ومطلك 

سدره؛؛ ماراح انسى فضلك 

هز براسو واخذ ملابس ودخل لحمام  ضليت متوتره واخاف ابدل لايطلع مصطفى من الحمام 

ضليت كاعده بمكاني سمعتو اتحمحم 

مصطفى؛؛ احم سدره 

سدره؛؛فوت مصطفى 

طلع من الحمام وشافني بعدني بملابسي حتى الحجاب مانزعتو 

مصطفى؛:اكو ماي حار اذا اتريدين اخذي راحتج 

سدره؛:شكرا 

رحت طلعتلي ملابس من الجنطه ودخلت سبحت ارتاحيت واشويه اعصابي هدت 

طلعت من الحمام لكيتو فارش بالكاع ونايم صليت العشه  ورحت اتمددت بفراشي وبالي يم ويلادي  خطيه

دعيت رب العالمين مصطفى يضل على رأيو ومايتغير

التفتت علىَ وافكر واحجي بكلبي 

ماحسيتك فرحان مثل اي عريس من شفتك ماعرف شنو الي خلاك ترتبط بيا 

بعد تفكير طويل نمت بدون ماحس على نفسي   كعدت الصبح  لكيت مصطفى كاعد على لابتوب ماعرف شنو يقرأ

سدره؛: صباح الخير 

مصطفى؛: صباح النور شلونج هليوم

سدره؛: الحمدالله تسلم 

مصطفى؛؛يسلمج يالا كومي حتى نطلع عليهم لان اقاربي ضلو البارحه ماراحو 

سدره؛؛ ماشي 

كمت وعدلت فراشي لكيت هو شايل فراشو سد الابتوب والتفت عليه 

مصطفى؛: سدره ماريد احد يحس نحنا ماكو شي بينا امي ماريدها تعرف واذا سالتج كوليها كلشي تمام 

سدره؛؛تمام بس على مود ويلادي

مصطفى؛؛ بعد الظهر انروح انجيبهم 

رتبت الغرفه وعدلت نفسي وزرعنا  اني ومصطفى ابتسامه مزيفه على وجهنا وكامو يهلهلون ويبوسونا وباركونا

حضرو الريوك البنات وكعدنا كلنا واني بل كوه اكل لكمه 

ردت بس يمشي الوقت حتى يروحون واريد اجيب الويلاد 

الحمدالله اتغدو وراحو واني هم اتحضرت وطلعنا اني ومصطفى على اهلي نزلنا ودكينا الباب طلع مختار 

مختار؛: ول يابا هلا والف هلا 

مصطفى؛؛ هلابيك ضلع 

اتسالمو بس مختار مابارك لمصطفى ولاباركلي كلت اكيد لان يعرف بيا ضايجه 

كعدنا ب بيت اهلي بس بعدني وجهي ثكيل كدام اهلي واشكد يحجون معايا لو احجي كلمتين لو مااحجي حسوني وماريه من شافوني يبوسون بيا بس مصطفى راد ياخذهم يحضنهم ماقبلو

ماري؛: نحنا مانريدك اتصير ابونا نحنا ابونا بس بابا علي 

مصطفى؛؛ياحبيبتي منو كاال انتو عندكم غير بابا علي طبعا علاوي هو ابوكم بس اني اعتبروني عمكم او خالكم مثل مختار وطارق 

حسوني؛؛ مانريد نجي معاك 

ويلادي كبرو وصارو يفتهمون دنكت لمستواهم وبوستهم 

سدره؛؛ محد راح يصير غير بابا علي ابوكم

مثل ماكال عمو مصطفى بس نحنا راح انضل عند عمو بين مابابا يجي وياخذكم 

ماري؛؛وانتي هم تجين معنا لو هم اتعوفينا وحدنا

سكتت ماجاوبتها التفتت على مصطفى 

مصطفى؛: انتو اتروحون اتشوفون ابوكم وماما اتشوف خالو عمر وترجعون  عند ماما  

حسين؛؛ بكفيج ماما انتي لاتزعلين 

سدره؛: قربانك اصير حياة ماما وانتي ماري 

ماري؛؛ بس اني اريد بابا اشتاقيتلو 

كامت تبجي وحضنتها ودموعي تنزل قبلها وبكلبي مو بس انتي حتى اني يابنتي بس هذا قدرنا 

مسحت دموعها وبستها 

سدره؛؛ والله راح يجي يوم واتشوفين بابا يابنتي بس اصبري 

ماري؛: بس بابا مايكدر يحجي مريض ومن يحجي كلمتين معايا وخالو عمر يكول مايكدر 

سدره؛؛ ليش شبي 

مختار؛؛ اشويه شقيقه جانت هايجه وماكدر يحجي معاهم 

خفت حييل شبي علي ....قنتعت الويلاد واخذتهم معايا لبيت مصطفى 

دخلت لبيتهم وام مصطفى باستهم وهمه سلمو عليها 

ام مصطفى مره جبيره بس بعدها على حيييلها رتبت ملابسي وملابس ويلادي انطوني غرفه لويلادي ماقبلت ام مصطفى ينامون معانا بالغرفه وعيب ومايصيرويلادج اكبار 

انجبرت اخليهم ينامون وحدهم نومتهم بالليل وجيت انام لكيت مصطفى يفرش فراشو 

سدره؛:مصطفى لاتنام بالكاع اني انام 

مصطفى؛: لا مايصير 

سدره؛؛ انت مامرتاح اكيد متعلم على التخت 

مصطفى؛؛عادي مو مشكله والله 

اصريت ماقبل وحلف ماينام على التخت اول يوم جنت استحي انزع الحجاب وجنت ماريد ابين شي يجذب مصطفى جنت حييل خايفه من هذا الشي 

بس ثاني يوم

ام مصطفى؛: سدره بنتي انزعي الحجاب وخلي مكياج اشويه انت مشاء الله عليج مثقفه وتعرفين بهاي السؤالف 

سكتت ماحجيت شي بس مصطفى كالها 

مصطفى:؛اني احب اتكون على طبيعتها سدره مو قاصره يوم 

سكتت امو ماحجت شي جانت تسالني دائما حبلتي ب ساع بماريه ماتاخرتي 

مره عشرة ايام على زواجي من مصطفى ونفس ماهو ماتغير لا حاول يتقرب مني ولاحاول يسمعني كلمه تجذبني بيها 

بعد العشره ايام طلبت من مصطفى اروح على اهلي بس رفض 

سدره؛؛ زين ليش 

مصطفى:؛اهلج راحو سدره 

انصدمت وين راحو 

سدره؛؛ وين راحو شنو اتكول 

مصطفى؛: مادري بس جاني معتز وكالي طلعو من بيتهم

سدره؛؛ ماسالتو وين راحو

مصطفى؛:امبله سالتو وكالي وماعرف وبيتكم وبيت عمتج حركو داعش

من سمعتو كال هيجي كمت ابجي عرفت عبدالله ماراح  يعوفني بحالي اكيد عرف بيا اتزوجت وراح ينتقم 

مصطفى؛: اهدي لا تبجين سدره البيت يتعوض وباجر ان شاء الله كلشي يتصلح

اهلي ضل بالي يمهم ليش راحو ليش عافوني جانو يكدورن ينهزمون واني انهزم معاهم 

طلبت من مصطفى يروحون الويلاد يحجون مع ابوهم هم رفض وماقبل 

مشت الايام ولا اني عرفت شي عن اهلي ولاويلادي عرفو وسمعو صوت ابوهم

رجعو مثل من جنت ب بيت صهيب يبجون على اابوهم كلمره اخوفهم واكولهم بعدين الدوله الاسلاميه يضربوني بالحجار اذا طلعتو يسكتون ويجون ثاني يوم نفس الشي 

بس هلمره قررت لويضلون يبجون النهار كلو ماخليهم يرحون يحجون مع ابوهم 

هليوم صارلي فوك الخمس اشهر  متزوجه من مصطفى مصطفى مثل ماهو لاتغير ولا ضايقني اصلا مو جنت عايشه مع زوج جنت عايشه مع اخويا 

بس امو جانت الوحيده الي جانت دائما اتكولي ليش ماحبلتي وكلمره تسالني من تجيني الدوره الشهريه تكعد تبجي 

اذكر اخر مره كاعدين على الغده

ام مصطفى؛:ابني أخذ مرتك على الدكتوره 

كبل مصطفى التفت عليه وكالي

مصطفى؛:ليش ماكتيلي مريضه 

سدره؛؛بس إني مو مريضه

مصطفى؛: عجل عليش للطبيب

ام مصطفى:؛اريد اشوفها ليش ماحبلت الي حد الان

مصطفى؛: بله يوم هو هذا هم حجي بعدين سدره كلشي مابيها عندها اطفال اثنين واني ماريد هسا خلي الموصل تحرر بعدين والله كريم 

ام مصطفى؛: راح انموت تحت القصف ومحد نقذنا اني مالي دخل اريد اتروح سدره لدكتوره

مصطفى ضاج وكام من الاكل يستغفر امو هم ضاجت وراحت لغرفتها 

كومت ويلادي وغسلتلهم واخذتهم على الغرفه حنى ينامون الظهر 

رجعت شلت الاكل وسويت جاي لمصطفى واخذتو لمكتب

جان عندو مكتب يكعد يقرأ ويرسم بي 

دكيت الباب سمعتو كال فوت فتحت الباب ودخلت لكيت يرسم  بنت 

ما جنت ادخل لمكتب مالتو ماجنت احب وهو هم جنت اشوفو هو يدخل ينظفها مره طلبت من عندو كالي اني احب ب يدي امسح الاغراض وارجعهم حتى اعرف وين خليتهم

سدره؛: هاي الجاي مصطفى 

مصطفى؛؛ عشتي خلي على الميز اذا ماكو زحمه 

خليتو على الميز وردت اطلع كتلو

سدره؛؛ اسفه 

مصطفى؛؛ على شنو 

بعدو يرسم ومالتفتت عليه 

سدره؛: خليتك بموقف مع امك

مصطفى؛:عادي امي متعود عليها ولايهمج 

درت ظهري دا اطلع اتذكرت اهلي الي انكطعو عليه وصهيب واماني الي ماعرف عنهم شي الي انكطعو قبل ماتزوج مصطفى 

سدره؛؛ مصطفى عفيه اهلي 

عاف الفرشه والتفت عليه هو والكرسي 

مصطفى:؛صدكي ماعرف وينهم بس همه بخير 

سدره؛؛ شلون تعرف همه بخير وصهيب ماتعرف شي عنو 

مصطفى؛؛ صهيب من صار مع داعش ماكمت امشي معا 

اني اعرف صهيب ومصطفى جانو يعرفون بعض من زمان 

لهذا سالتو عن صهيب  

طلعت من عند مصطفى ورحت اغسل مواعين دموعي تنزل كلهم عافوني وحدي وراحو

اهلي ليش عافوني وماكالو  وين راحو

صهيب اخخخ على صهيب كل فكري عندو شنو راح يسوي اذا دخلو الحشد صهيب خسر نفسو بسببي 

واماني الي فقدت كل اخبارهم تعبت من التفكير رحت نمت يم ويلادي 

كعدت العصر مالكيت مصطفى موجود  اشويه وجاني فرحان ويصيح سدره يوم وينكم 

سدره؛: ها مصطفى اشصاير 

مصطفى ؛: معركة الموصل راح تبدي بدايه شهر العاشر

ام مصطفى فرحت ورادت اتهلهل بس مصطفى مسك ايدها 

مصطفى ؛: اش يوم الخاطر الله لااحد يسمعنا 

ام مصطفى ؛: والله من فرحتي

ماري؛:عمو مصطفى يعني شنو معركة الموصل 

مصطفى؛؛ تعالو عند عمو ب ساع واكولكم شنو معركة الموصل

ركضو حسوني وماري على مصطفى شالهم وباسهم 

مصطفى؛: راح اكولكم على سر بس ماتحجون كدام احد وتنطوني وعد 

ماري وحسوني؛: وعد مانكول 

مصطفى ؛: رااح اتشوفون بابا عن قريب 

من كالهم هيجي كامو يصفكون وصيحو هيييي 

ماتحملت كمت ابجي ودخلت لغرفه فرح على حزن صهيب كل تفكيري شنو راح يسوي صهيب وعلي من راح يشوفني واني متزوجه 

ظهري على باب وابجي انفتح الباب ودخل مصطفى

مصطفى؛:سدره شبيج تبجين 

كمت علي حييل وكتلو 

سدره؛؛اذا اتحررنا اطلكني 

مصطفى؛:ليش هذا السؤال شفتي شي مني مو زين اني امي احد امضوجج ماعد امي سالفة الاطفال 

سدره؛؛ انتو جنتولي اهلي وماقصرتو لا معايا ولامع ويلادي

مصطفى؛؛ لعد ليش تريدين تطلكين وليش جاي تبجين خايفه لايعرف بيج اتزوجتي 

الي حد هسا اني ماعرفت ليش مصطفى اتزوجني تصرفاته حركاته نضراته كلها ماتوحي هو يريدني  لو هو جاي يريديني شلون يكدر يجيب طاري علي كدامي شلون مايضوج 

سدره؛؛ بس فهمني انت شنو غايتك من اتزوجتني 

مصطفى؛: مادام معركة الموصل راح تبدي الأوراق لازم تنكشف

سدره؛؛ اوراق شنو 

مصطفى؛: اكعدي حتى اكولج 

مستغربه اوراق شنو كعدت وكعد مقابيلي وصار يحجيلي

مصطفى؛؛ يوووم مااريد اتزوج هي كوه

ام مصطفى؛: اريد اشوف ويلادك قبل ماموت شوف شلون ابوك  مات وماشاف اطفالك 

استغفرت ربي واخذت السويج وطلعت وامي اتصيح ورايا هذا حالها من مات ابويا قبل خمس سنوات يوميا تفتح معايا موضوع الزواج اتخاف لا ماتلحك اتشوف اطفالي مثل ماابويا ماشاف ركبت السياره وطلعت دكيت الباب على بيت خال مختار طلع طارق عيونو حمر 

مصطفى؛؛ ول شبيك طارق 

طارق؛. اختي 

مصطفى؛؛ شبيها رضيعتك احجي يمعود خوفتني 

طارق؛: راح يرجموها الدوله الاسلاميه بعد اشويه 

وكعد بل كاع يبجي الله اكبر على الضلم الي كاعد يصير 

اني سدره شايفج ومختار جثير يحجيلي عنج 

مصطفى؛؛  شفتج كم مره ومره دكيت الباب وانتي جنت طالعه لدوام  وسلمت عليج 

سدره؛؛ اي اتذكر هاي صح اي كمل من طارق كام يبجي 

مصطفى؛: دنكت علىَ كمت اهدي كول يالله حبيبي انت رجال مايصير تبجي 

طارق؛: هاي اختي كلشي ماشافت من حياتها وهيجي يسوون بيها 

مصطفى؛؛ وين مختار كوم معايا لاتبجي 

طارق ؛؛ مختار راح ويلادها يريدون يحجون مع ابوهم 

مختار حالتو اتعس من طارق وكل عين هلكبرها من البجي من صار وكت الحكم وجان داعش يرجمج كلبي احترك عليج وعلى ويلادج وعرفت انتي مظلمومه لحظتها 

بس رب العالمين ماتركج وكف معاج ياسدره 

رجعت لبيت ضايجه وروحي طالعه وافكر بيج 

انتو بيت ابوعمر عمركم ماطلع من عندكم شي  عيب ليش داعش حتي يرجمج 

قبل ماخطبح بكم يوم تقريبا ماجنتي ب بالي انتي لدرجه اخطبج لان  ماجنت اعرف شنو وراج وليش السبب الي خلى داعش يرجمج وهم اني احب بنت عمي واريدها بس من صار السقوط طلعت مع اهلها لكركوك جانت تدرس واني دا انتظرها بس تحرر حتى اخطبها بس امي اتضل اتلح عليه على سالفة الاطفال ولازم اتزوج 

سدره.... عندك تواصل معاها 

مصطفى.... اي شلون ماتشوفين يوميا العصر اروح لمحل النت احجي معاها 

سدره... عرفت عقدت عليه 

ضحك بطرف شفته وهز بيده 

مصطفى...والله اذا عرفت الا تخبل هي يوميا تسالني تكولي اخاف اتزوجت ونسيتني واني اكولها لاوالله وصح اني ماكاذب عليها المهم خلي اكملج 

كتلج قبل ماخطبج بكم يوم اندك الباب طلعت افتح الباب لكيت صهيب

مصطفى ؛: صهيب شنو هذا 

صهيب؛: مو مهم تعرف شنو هذا المهم جاي اكولك الك لو لذيب 

مصطفى؛:يخسى الذيب فوت 

دخلتو جوى وجان متلبك واحسو بس يريد يمشي

صهيب؛: تعال اكعد لاتسوي جاي ولاكلشي بس تعال  

مصطفى؛شبيك صهيب شنو الي وداك مع هذوله اشجالك يمعود 

صهيب؛: اني راح اطلع  من الموصل ماراح اضل 

مصطفى؛: وين اتروح وانت هذا شكلكك 

صهيب؛؛ اني من دخلت مع داعش لان جنت مضطر بعدها كدرت احجي مع عمر وكتلو اني راح اجيبلك معلومات عنهم كل بين فتره 

بس اريد اسمي مو داعشي  اضل وعمر وافق وعلمني شنو اسوي وكمت اشتغل مع خليه نايمة 

سدره؛؛ يعني صهيب مع عمر يشتغل 

مصطفى؛: اي يشتغل مع عمر 

سدره؛؛يالله اشكد فرحت 

لحظتها حييل فرحت وشكرت ربي لان صهيب طلع مع الجيش صهيب ذكي مستحيل يعوف نفسو بهيجي مكان وعرف شلون يتشغلها صح 

صهيب؛ المشكله الخليه النايمة هسا انمسكت وخايف لايعترفون عليه من التعذيب بس اكو وحده كن كسرت ظهري ماكدر اعوفها 

مصطفى؛: منو هي

صهيب؛ اخت مختار الي رجمها داعش قبل كم يوم وحاول يقتلها 

مصطفى؛: ماتكولي شنو سالفتها هاي البنت والله حركت كلبي

ياعيني يااخويا حتي انت بهذا حالك اتفكر بيا 

صهيب؛؛ هاي سالفتها سالفه اني راح احجيلك شنو سالفتها بس اذا انمسكت وانقتلت اتكولها خلي اتسامحني لان طلعت سرها وخلي تحجي لعلي على كلشي لاتضل ساكته 

مصطفى؛: وصار صهيب يحجيلي كلشي من قصتج من عبدالله بختصار الي حد مارجموج 

كمت ارجف من سمعت مصطفى يعرف بقصتي خفت لاحجى لمختار او احد 

مصطفى؛؛ شبيج ليش كمتي ترجفين 

سدره؛:خمه حجيت لاحد 

مصطفى؛: صهيب كالي اذا صار بيا شي اتكولها خلي اتكول لعلي  بس صهيب عايش 

سدره؛؛ زين وينو 

مصطفى؛؛؛ يم اخوج عمر ب اربيل

سدره؛؛ ليش ماكالولي من راحو واهلي وين صارو 

مصطفى؛؛ اهلج موجودين ب قريه ..... لان عبدالله متاكد هو شعل بيتكم وبيت عمتج 

سدره ؛: حقير ونذل ماخلاني اعيش دمرني ودمر حياتي 

مصطفى؛: لاتزعلين بس السبب منج تدرين هيجي موضوع ماينضم ابد 

خليت ايديا على وجهي وكمت ابجي 

سدره؛:اعرف اعرف والله السبب مني اني غبيه بس مصطفى خفت والله اني جبانه خفت لااخسر علي ومايصدكني ونفس الوقت خفت يصدكني وعبدالله ياذي علي وشفت هاي شلون كتل لؤي ومنو يصدك هسا اذا كتلكم مو مختار الي كتلو  راح اكيد اول شي يكولون جاي تبري اخوها من بعد كل هاي السنوات حتى علي يعوف مرتو ويرجعلها والحجي الي اشكال والوان 

مصطفى؛عجل ام حسين السر يضل هيجي انتي لازم اتصلحين الي انكسر ب سبب كتمانج وتواجهين علي 

سدره؛: اخاف يكولي هستوج تجين من بعد كل  هاي السنوات واتكولين ابن عمك هيجي مصطفى عبدالله صارلو 15سنه وهو يتحارش بيا 

مصطفى؛: اووف والله ماعرف شنو اكولج ياسدره 

سدره؛: مادري زين شنو طلب منك صهيب 

صهيب؛؛ اني ادري جاي احملك واعرف مو كل رجال يتحمل هاي المسؤليه بس هاي حياة وموت ومختار صديقك والصديق وقت الضيق 

مصطفى؛: خليت ايدي على صدري وكتلو تم الي اتكولو انت ومختار واخت مختار على راسي واني كدها 

صهيب؛؛ اعقد عليها اخذ ابو اماني وروح اخطبها وخلي ابو اماني يكول لابو سدره وهو يفهمو اني فهمت عمي اكو واحد يريدها وراس جبير بداعش وهي رافضه  اني طلبت منها الزواج بس رفضت مصطفى اذا ماتكدر كولي 

مصطفى؛: لو اعرف ادفع عمري راح اسويها هاي اخت صديقي بس ليش ماطلعها معاك 

صهيب؛؛ صعبه مصطفى اسمها بالسيطره مال داعش واخاف لاهلمره دا اريد اسوي زين وتكع بيها 

مصطفى؛:  روح صهيب وبالك امين اني كدها 

حضني وطلع وهو يامني عليج وضليتي ببالي وقررت اخطبج  جيت وفاتحت امي بالموضوع بل بدايه رفضت 

سدره؛؛ بحكم اني مطلقه وانت اعزب 

مصطفى؛؛ اي بس هي تعرفني من اريد شي اخذو لهذا ضليت الح عليها الي حد ماوافقت

رحت لابو اماني وكتلو صهيب دزني عليك 

ابو اماني؛: تم 

اخذت ابو اماني وطلعنا لابوج وهذا كلام ابو اماني 

ابو اماني؛؛ ابو عمر نحنا مانكدر نكف بوجهم بس نكدر نحمي عرضنا نحنا نعرف اخلاق بنتك سدره شنو ونعرف الي صار معاها من كذب داعش 

صهيب طلع جان يتشغل مع ابنك عمر مع الخلية النايمه التابعه لحشد بالموصل وهاي الخلية انمسكت وكدر صهيب يطلع هو وبنتي واهلو قبل مااحد يعترف علىَ من التعذيب وانهزمو وقبل مايطلع كالي عمي سدره امخلين عينهم عليها ورايديها واكو واحد من الدواعش رايدها ورافضه وهيجي سوى بيها وحسب ماكالي صهيب ماراح يتركوها بحالها هي هزمت عمر وعلي وهذا الداعشي يريد ياخذها غصب عنها لهذا هلمره راح ينتقمون ابو عمر زوج بنتك بين مالله يفرجها 

ابوج بالبدايه عارض الزواج وكال ماكدر اغصب بنتي ماكافي طلكتها ودمرت حياتها بس اني ومختار وابو اماني حجينا معا وحتى كتلو بيومها 

مصطفى:ام حسين  امانه ياعمو ب ركبتي  وراح اخذها اختي وارجعها اختي واني كدها 

ابو سدره؛؛؛شنو ذنبك تحمل مسؤولية جبيره 

مصطفى؛؛ ماعندي اي ذنب وبلعكس مو ذنب اذا شلت هم بنت بلدي وبنت ديني عمو اغصبها على الزواج بس لايجي يوم والعرض يروح عمو اني صديقكم والصديق وقت الضيق 

ابو اماني؛:لو حتي وصلت بيك تضربها ياابو عمر بس صدك باجر من ترجع الموصل وتعرف الي سويتو انت راح سدره اتبوس الايد الي انمدت عليها 

مصطفى يحجي واني ابجي

سدره!؛: شنو اسوي حتى اوفيك لو اوفي صهيب لو ابويا وامي مصطفى الي سويتو انت وصهيب ماينسي

جان منتكي على تاج مال التخت اتعدل 

مصطفى؛:اتريدين توفيني 

سدره؛؛ اكيد 

مصطفى؛: مثل ماصارحتني ب يوم زواجنا وكتيلي كلبي مو الك صارحي علي بكلشي

سدره انتي خسرتي علي يمكن ضل خيط امل رجعتكم من راح اتصارحي لو راح ينقطع هذا الخيط لو يرجعكم سوى

سدره صيري قويه ماضل بعد شي تخسري اكبر غلط نحنا عايشين بمجتمع مايسمع لمره

وخصوصه بهيجي حاله يكذبها بس علي يحبج اني متاكد جان راح يصدكج  

وابد لاتكولين فات الوقت شوفي الساعه مشت بس ماوكفت مادامها تحرك يعني اكو وقت كدامنا نصلح اشياء ماجنه نريدها تصير

كاافي صيري قدوه لبنات الي نفس قصتج علمي البنات وخلي كلمن تسمع قصتج يصيرلها درس وماتصير ضعيفه وتخاف 

سدره ؛: راح يصدكني 

مصطفى؛:هينا راح تبين اذا علي جان حبو الج حقيقي لو لا بس اتحملي رد فعلو لو شنو من يسوي اتحملي 

سدره؛: واني خايفه من رد فعلو عبدالله بعد ماينمسك

مصطفى؛: لاغلطانه والله راح ينمسك اذا مانمسك بالدنيا هناك رب العالمين راح ياخذ حقج وحق لؤي وحق مختار وحق زوجة لؤي وحق كل دمع بجتها ماري وحسوني 

سدره؛؛, مصطفى  انت وصهيب شنو اسوي حتى اوفيكم 

انهاريت بالبجي من بدأ يحجي مصطفى الى ماخلص حجينا

مصطفى؛: ماكو بينا دين سدره وكتلج ريحي تعب صهيب خصوصه واجهي لو حتى متاخره 

كمت على حييلي مشيت

مصطفى؛: من راح يفوت الحشد راح اطلكج لان  انتفقت مع ابوج وحضرو روحكم باجر نطلع لقريه الي اهلج بيها

هزيت براسي ودخلت لحمام وكفت كدام المرايا واغسل بوجهي وصوتي بجي اخخخ اشكد مقرف احساس الندم 

اخخخ كل شهكه تطلع من صدري احس روحي بيها تطلع 

ضليت فوك النص ساعه على هاي الحاله فتحت الدوش ودخلت اني وملابسي واضرب على كلبي ماجاي اتنفس مابعد اكدر اتحمل وجع كلبي 

راح تبدي ساعة الصفر لموصل وتبدي وياها ساعتي الصفر شلون راح اوجهك بعد كل هاي السنوات شنو راح اكولك 

اسبح واحجي ب صوت عالي دك الباب مصطفى 

مصطفى؛؛سدره انتي زينه 

سدره؛؛ عوفني الله يخليك

مصطفى؛؛لاتكعين  بالحمام ديري بالج راح اطلع من الغرفه واطلعي كبل ماشي

سدره؛؛ اي ماشي

سديت الماي وسمعتو طلع طلعت من الحمام وبردانه وارجف بدلت على السريع واتمددت سمعت الباب يندك ماكدرت اجاوب انفتح ودخلت ماري 

ماري؛ماما شبيج ترجفين ياااا ماما جسمج نار 

سمعتها طلعت ركضت اتصيح عمو ماما امصخنه دخل مصطفى خلى ايدو على كصتي  وصار  يحجي

مصطفى:!ليش هيجي سويتي ليش هلكد جبانه انتي مجرد فكرتي اتواجهي اتمرضتي 

سدره؛؛احبووو ...اخااف....لامابس ..اخسرو..راح اخسر ويلادي هم 

جت ام مصطفى شافتني ويلادي واكفين يمي مصطفى يسويلي كمدات وارجف 

مصطفى؛؛ يوم اخذي الويلاد وروحي 

يمكن خاف لااهلوس بالحجي كدام امه طلعت اموو واخذت الجهال وضليت ارجف من الصخونه نمت 

كعدت على صوت الاذان لكيت نفسي عركانه صاير ماي وبيدي. كانونه 

اتعدلت لكيت مصطفى كاعد بالكاع وراسو على التخت نايم كمت حتى اسحب المغذي من ايدي خلصان حس علي وكعد 

مصطفى؛:كاعده 

سدره؛؛ هسا كعدت اشكرك تعبتك ليش هيجي نايم

مصطفى؛: جنت اانتظر يخلص المغذي واخذتني النومه شلون صرتي 

سدره؛؛ تسلم بس منو شكلي المغذي 

مصطفى؛: جبت مضمد صديقي لبيت وشكلج هو 

كام على حييلو سحب المغذي وشاف حرارتي 

مصطفى؛: لاالحمدالله نزلت حرارتج عركتي مو 

سدره؛؛ اي عركت ارتاحيت 

شلت الكانونه وكمت دخلت سبحت وبدلت  بالحمام وطلعت 

لكيتو نايم ومخلي ايدو على عيونو طفيت الضو ورحت شفت ويلادي وغطيتهم وبوستهم خطيه جانت امغطيتهم ام مصطفى بس ماري تتحرك جثير وتكشف 

رجعت لغرفه صليت وطلبت من ربي يفرجها علينا كامت تقصف الطياره وجان الصوت حييل قريب كمت على السريع اركض ومصطفى ركض قبلي على صراخ الويلاد 

سحبتهم بحضني ويبجون 

سدره؛: بسم الله لا امي لا تخافون

كمنا نقرأ ايات عليهم وشلناهم وشافتنا ام مصطفى 

ام مصطفى؛: خمه بيهم شي سمعت صراخهم 

مصطفى؛: جفلو من الصوت 

اخذنهم لغرفه ونومتهم يمي بالكوه اسكت بيهم كل قصفه يمسكوني قوي يخافون 

ماكدرنا انام الي الصبح ويلادي بس يبجون وخطيه مصطفى من هينا سهر عليه ومن هينا ويلادي 

شلتهم اخذهم انام بغرفتهم 

مصطفى؛: وين اتروحين 

سدره؛:انام بغرفتهم انت ماتكدر اتنام 

مصطفى؛: يابا دسكتي وتعالي نامي هينا هو من الطياره تقصف ماكدر انام بعدين اذا زينه وماتنامين كومي انحضر اغراضنا انروح على اهلج 

سدره؛؛ ماشي 

كمت حضرت اغراضي ردت اساعدو باللم اغراضو ماقبل 

كملت كلشي وسويت ريوك واتريكنا على سريع غسلتهم 

وطلعنا من البيت وهلمره البسمه على وجهي ودعت بيت مصطفى بفرح 

عكس من ودعت بيت عمتي بحزن وبجي قفل الباب مصطفى وكالي 

مصطفى؛؛هانت 

سدره؛: اي والله هانت 

ركبنا بالسياره وخايفه لاسيطره تاخذ هويتنا مشينا مسافه وصلنا السيطره واني بس اقرأ اية

وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ 

ضليت اقراها وانفخ على نفسي والكل واسمع الداعشي 

وين رايح حجي 

مصطفى ؛:؛ والله حجي عندي ابن عمي  يريد يتزوج ورايحين لعرسو 

ال داعشي؛؛ اي الله يبارك بعرسو بس انطيني هويتك من ترجع انطيك هي 

مصطفى؛:تامر حجي الله ينصركم 

طلع الهويه وانطاها مصطفى وكالو اتوكل  اخذ بس هوية مصطفى ...

جنت اني وويلادي ب جنطه صغيره بس الضروري. اخذت

ومصطفى وامو بجنطه صغيره لايحسون علينا 

وصلنا القريه بخير وسلامه طبك السياره بصفحه

نزلنا من السياره دكينا الباب طلع ولد شباب اتسالمو هو ومصطفى 

ودخلنا 

مصطفى؛:اكولك وين ابو عمر ومختار 

جوى بالربعه 

راح الولد يصيحهم رفعت الخمار عن وجهي وطلع بابا ومختار وطارق ذبيت الجنطه من ايدي وركضت على بابا ابجي وابوس بي 

سدره؛؛ اسفه يابابا سامحني عصبتك وصيحت عليك ابوس هاي ايدك واشكرك على سويتو ليا 

ابو سدره؛: انتي امي وبنتي شلون افرط بيج 

مختار؛:لازم عرفت

مصطفى؛؛ اي عرفت 

امبين ام مصطفى تعرفهم لان من دخلنا دخلت كبل عليهم ماحضرت من شفت ابويا واخوتي بوست الويلاد وبوس ويلادي 

مصطفى؛؛ روحي ادخلي جوى لان هذا مكان الزلم 

سدره؛: اي ماشي بس امي وسماء وينهم

مختار؛؛ انتي راح تدخلين وتشوفيهم 

اخذت ماري معايا وحسوني ضل يم طارق دكيت باب المطبخ فتحتو بنت شابه 

اتفضلي حياتي 

اني سدره 

كل الهلا بيج عمري واني رهف اتفضلي 

دخلت جوى امي من شافتني كامت تبجي تريد تكوم ماتكدر ركضت عليها ابوسها من ايدها وجها وسماء حاضتني 

ام سدره؛؛ سامحيني امي مشينا وعفناج 

سدره؛؛مو مهم المهم انتو بخير ياماما سماء حياتي شلونج 

سماء ؛؛ حبيبتي ام حسوني بخير اني مشتاقتلج 

كمت سلمت على النسوان الي كاعدين  جانو جثير كاعدين 

رحبو بينا وجانو نعمه الناس ومن خيرتهم وابد مانسى شلون استقبلو العالم بسقوط الموصل وتحريرها 

بدت الايام تشدد علينا وصرنا مانكدر انام من الليل ولانعرف شنو الراحه صرنا بس ندعي وانصلي ونطلب من رب العالمين 

الفرج ومايعوفنا وحدنا جنت اموت خوف على ويلادي جنت اكول يارب اذا تاخذهم اخذني ولاتاخذ ويلادي 

احضنهم وادعي القصف الطياره وهونات داعش ومانعرف اي دقيقه يجون يطلعونا 

قرب الجيش يصل وكل خطوه بيها ابطال الحشد يتقدم كلوبنا معاهم فرح وخوف وندعيلهم

صاحونا وكالو تعالو مختار يريدكم 

طلعنا اني وماما وسماء لغرفه فارغه وطارق ومختار وبابا هناك ب يد مختار  موبايل 

سدره؛: عمه بعينك اش كاعد اتسوي 

مختار؛: اريد ادك على عمر انشوف وين صارو 

سدره؛: اي مو همه رايحين لسوك وجاين يمعود شيل الموبايل 

مختار؛؛. دا اسمعي هاي شبكه خطين 

يحاول ماكو اخر شي كلت خلي اجرب اني 

مختار؛: هاي مو انتي ماتريدين

سدره:هههه ول والله مشتاكه لعمر

همس باذني مختار 

مشتاكه لعمر لو ابن عمته عمر 

سدره؛؛هههه ادبسزز

سماء؛: وي صح سدره اسو حامل بشهرها وبنت وعمر كال راح اسميها تحرير 

سدره؛؛ صحيح فرحتلو والله يحب البنات عموري

جان الحشد حييل قريب علينا احتمال هليوم لو باجر نتحرر 

دكيت على عمر مغلق رجعت دكيت على اسو جاني صوتها تبجي وتصرخ احس كلبي وكف 

سدره؛؛ يمعود اسراء شبيج الخاطر الله 

اسراء؛: عمررر عمرر ياسدره استشهد قتلو راح حبيبي رااااح

جانت صدمة عمري وهو اني كضيت عمري بس صدمات بعدها انسد الموبايل ادحك على الكل كلها تبجي ماما شكت ثوبها الا بابا ساجد ويصيح

ربي في سبيلك ربي في سبيلك 

اتخبلنا بجيني وصرخنا ولطمنا لمينا اهل البيت علينا امي اتخربطت فدمره وغمى عليها 

اني وسماء وجهنا مايتفسر بكثر ماخرمشنا وجهنا وضربنا

  ابويا واكع بصفحه يبجي هوو وخواني دخلو الزلم سحبوهم 

حالتنا حاله ولايحسد عليها ساعات مرت ونحنا على نفس البجي والقهر امي صحت بس كلشويه كلبها يروح 

فرحتنا ماكملت مرت اربع ساعات ونجمعنا كلنا بغرفة وحده زلم واطفال ونسوان 

والضرب صار موو طبيعي واطفالنا تصرخ وتبجي تخاف من الصوت 

ونحنا بخبر عمر حتى ماضل طعم لفرحه 

ساعات مرت وسمعنا الحشد يصيح بالسماعه 

اطلعو مبروك التحرير وصوت اغاني الحشد 

طلعنا مابينا فرحه الي خلصتنا من داعش وكلبنا الي انجرح على عمر 

كمنا نمشي اني شايله ماري وماري ثكيله بس من خوفي عليها ماعفتها وحسوني عند طارق ومصطفى ماسك ايد امو

ومختار يعبر ماما هي وتبجي وسماء ماسكه ايد بابا 

ماحسيت غير عسكري صار كدامي يصيح 

سدررررره

رفعت راسي اتقدم علينا منو هذا الي كاعد يصيح سدره 

اتقرب عليه وسحب ماري من حضني كبل 

سدره.. منو انت 

لا ياخاله نسيتيني 

شاب طول ولحيه وشوارب  وعلى كولت البنات شارد من الواتباد ههههه  واكف يكولي خاله 

سدره. ولاصغرة بيك بس ماعرفتك 

هاي شبيج خاله سدره اني حسن 

حسن ياحسن 

حسن... الي مره الارهابيه اختالو خطيبج وابويا خبركم وجيتو عدنا 

كبل ضربت على كصتي وضحكت لاارادي 

سدره؛؛ امانه صحيح تحجي انت حسن 

حسن؛: اي والله حسن شخبار خطيبج مدري رجلج هسا صار 

سدره؛؛ ههه يول خطيبي الي تحجي عنو قصدك طليقي  

حسن؛ لاخرب امي دائما اتكول اشكد جانت اتحبه

سدره؛: هاي ويلادي ماريه وحسين 

اخذ ماري من حضني 

حسن ؛؛ يالا تعالو بسرعه لايكع هونات علينا 

مختار عبر ماما وصارت اكو مسافه بينا اشويه بعيده رجع حتى ياخذنا وكعت الهونات ماحسيت غير وكعت بنصنا  والعالم نصها اتكطعت 

وكعنا بالكاع من قوة الهاون

اتعدلت والدنيا ماكلها الدخان 

كمت اصرخ على ويلادي لكيت حسن بعدو شايل ماري وحسوني حاضنو طارق 

مختتار يالله دخيلك مختار وعمر نفس اليوم لاتحرك كلبناياربي  

كمت اركض مثل المخبله بينهم واصيح 

حسن؛:سدددره لاتركضين اتمددي سدره 

العالم نصها مكطعه ومن ضمنهم لكيت مختار واكع بينهم ودمو بطولو ......