رواية لبوة الحياة الفصل العشرون بقلم ساره العبيدي
متى نتغير؟
" بعد أن يصفعنا أحدُ الذين أعطيناهم مكانةً خاصة ومساحة آمنة ، لا نتغير وحسب .. بل نكبر مئة عام "
راح. للمطعم جاب عشا ورجعنا للبيت لكنا الباب مكسور والبيت مكلوب بايكين ذهبي ولفلوس
😭😭😭😭
خابر أسيد الشرطه واجو حققوا بلموضوع لكن شنو الفايده راح كلشي بقيت ابجي اكو هديتي مالت ذهب من بيبيتي راحت حسبي الله ونعم الوكيل شنو هالنفس الدنيه خلتكم هيج سوون
أباوع الاثاث متبهذل ونص متكسر حسبي الله بيهم كعدت بلكاع وابجي ليش مامكتوب لي أفرح نفس العالم ليش كل ما افرح بشئ لازم أخسر شئ مقابل له ربي معقوله مامكتوب لي الفرح لو هاي اختبارات منك والله تعبت من كد ظيم من شئ لشئ ثاني ماصدكت أسيد صار زين وطلعت حامل بتؤام لازم انقهر تطلع من عيوني
أسيد يهدأ بيه واني ابجي مستمره بالبجي من تنلجم تهيج هواي جروح بقلبك. تلتم عليك كلهم
أسيد: كافي حبيبتي فدوه الج المهم انتي زينه كله يتعوض اعتبره صدقه على رأس اطفالي خلص روحي ارتاحي بين ماحظر العشا لأحلى أم بدنيا يلا قلبي كافي كومي غسلي وارتاحي فدوه الكم
جوري: مو تعبت ليش كل ما افرح اخسر شي بلمقابل استغفر الله العظيم
كمت غسلت وجهي واباوع البيت شلون منثور كل شي بصفحه صليت وجاب العشا يمي وتعشينا وراح وده المواعين وبقى كاعد يمي نسولف ويحاول يضحكني ويشاقيني ههههههه مقرر هو يسمي الولد واني البنيه
جوري: لا عيوني أني حبلت واني تعبت واني اسمي عود من تحبل أنت سمي بكيفك
أسيد: ولج شلون اني اسمي قصدج اصير مريه مثلج لو بس لسانج يقصر راح تصيرين أم اويلي
جوري: عزه لا مو هيج ههههههه يلا عيني متعلم على لساني مهم اني موجوده ههههههه
أسيد: اي عمي ام ابراهيم تمون على ركبه مو على جفصات بس
جوري: لا ما اقبل ممنوع نسمي ابراهيم الولد. طه والبنيه ريحانه اممممم هيج على اسم امها
أسيد: اي ليش مانسميها فجل فلفله عليش ريحانه
شنو هاي الاسماء منين طلعتيها
جوري: ترا أنت كلت البنيه بكيفج فما من حقك تدخل
أسيد: موافق بس بشرط وغمزلي
جوري: او سوالفك سخيفه ماتبطل اروح انام بصاله احسن لي
ردت اطلع وصار كدامي وبطني بنص فاصله ههههههه خلي اروح عيب اطفالك موجودين
أسيد: ابقي بداعت الغوالي والله ماسوي شي بس انيمج على ايدي
جوري: تمام اذا سويت شي انت تطلع بره تنام مابيه حباب
نام واجيت بصفه وبقه يهمس بشعاره وغزله وكام يغني
تعال لحبك اني اشتاك ولشوفتك اتمنه
تعذبني ليالي جفاك تلوعني واظل اهواك
يالخدك ورد ورد جنه
لعيونك يهزني الشوك واضوي شموع للملكه
ويمر طيفك يناغيني اصيحن حيل وبحركه
اول مره اسمع صوته هيج حلو. بقيت صافنه بصوته
جوري: أسيد شنو هالصوت ليخبل فدوه ابقه غني
شكد صوتك حلو ليش ماتصير فنان
أسيد: يصير عندي معجبات خاف ياخذوني منج عادي اذا عادي من باجر اصير فنان
جوري: اي عادي مهم تصير فنان وصوتك يخبل
بقى يشعر ويغني الي أن صار يطالب بمكافاه ههههههه
وكالعاده ماينطي مجال كبل يهجم وينسيني كل شي وياخذني لعالمه 😍
كعدت الصبح لكته كاعد قبلي وبادي يرتب بلاغراض يرجع كل شي مكانه رحت سويت ريوك وتريكنا وماقبل يروح للمحل بقه وياي نهار كله
وثاني يوم خابرتني ياسمين فرحتني بحملها شكد فرحت لها هيه اختي وحبيبتي ان شاءلله يتمم ربي على خير يارب 😍
مرت الأيام هادئه نوعاً ما أسيد كلش زين وياي واني صرت شهر 8 وبديت اجهز لاطفالي وبيبي خطيه وياي تشتري وتجيب واني هم ماخليت شئ ماحظرته الهم
زوجة عمي لازم كل ماتجي تسوي مشكله لو تدخل وشكد تحجي برأس أسيد بس مايسمع لها اجت عليه على اساس حنينه
ندك.الباب العصر اسيد.بشغله
جوري:منو بالباب
ام أسيد:اني عمتج فتحي
جوري: عمه بعينج هو انتي حتي ماتحبيني معرف ليش.تكرهيني
فتحت الباب.طبت جوه كعدت
ام أسيد: شلونج ست جوري كولي اروح اشوف عمي عمتي يجوز محتاجين شي
جوري: والله عمه اسيد مايقبل وانتي هم معرف ليش ماتحبيني
ام أسيد: لانج.غبيه وفطيره المهم اني جايتج بموضوع اني محتاجه وحده وياي بالبيت تساعدني. وانتي ماتقبلين تجين تردين تبقين بيتج لذلك اريد أزوج أسيد بنت اخويه تبقه يمي.وانتي تبقين بيتج واسيد موافقه اجيت انطيج خبر حتى ماتسوين مشاكل لنا وانتي اصلا ماتحبين أسيد من قبل عادي عندج
جوري: مستحيل.أسيد يقبل منو كالج موافق هو مايوافق اعرفه واذا هو موافق اني موافقه وحرام عليج تهدمين بيتي اني مو يمج ولا مسويه شئ الج ليش هيج.حسبي الله ونعم الوكيل
ام أسيد: قصدج اجذب تبقين قليلة ادب مو صوجج الا ازوجه وشوفين تتحسبين عليه ام سحوره
طلعت هيه واني كبل خابرت أسيد
جوري: الو أسيد راح اسألك سؤال فقط جاوب اي اولا
أسيد: ولج شصاير كولي حبيبي شلونك عود اسألي
جوري: بعدين شلونك صدك.تريد تزوج عليه ليش هيج تسوي
أسيد: ههههههه ازوج عليج هو انتي ما مدبرج نوب ازوج ثانيه من وين هلحجي
جوري: امك هسه اجت تكول خطبت له هو موافق بس. تريد موافقتي صدك لو شنو فلم اذا تريد كول موافقه بس طلكني اول والف مبروك
أسيد: خبال انجبي عوفي الموضوع عليه امي ماتشبع مشاكل والله مازوج تخبلت ماصدكت حصلت جوريتي عمري وفروخها ههههههه شكد تحبيني لعد
جوري: مو قصة حب بس ما اقبل تزوج عليه واذا تريد الله وياك بس طلكني اول
أسيد: حبيبي ماكوشي من هذا موضوع هسه عندي شغل اكمل واني احجي ويه امي
رجع للبيت ورا ماكمل شغل فتحت الباب له وكام يهلهل يكولي جبت العروسه واجيت واني ضربته على ايده وعفته ورحت للمطبخ وهو ميت من ضحك عليه ههههههه ومر اليوم حلو مثلي
اخ اجه اليوم الاسود لي نهديت بي مابقه بيه حيل لاي شيء.
نايمه اني واسيد ب11 بالليل لان أنام بوكت واسيد تعود مثلي ينام بوكت دك جهاز أسيد اكثر من مره كعدت اشوف منو يتصل طلع خالي وسام
جوري: الو خالو اكو شي صاير شي
وسام: أني ماردت تعرفين لذلك اتصلت على أسيد امي تعبانه حاليآ احنا بمستشفى.....
جوري: يمه فدوه شنو بيها طمني فدوه خالو شبيها احجي لا ظم عليه
وسام: مابيه شي والله بس تعبت فجأه اخذناها للمستشفى
جوري: تمام خالو هسه اجي انا واسيد
سديت الخط كعدت اسيد. ورحنا ركض واني ابجي وقلبي نار ياربي لا تحرمني منها مابقت لنا بدنيا غيرها ربي من عمري على عمرها ربي كومها بسلامه ردها لي ياربي
وصلنا لكنا الكل موجودين نصدمت أكيد بيها شي ليش يجون كلهم تخربطت وكعت
كعدت لكتهم مشكلين لي مغذي أسيد فدوه بيبي شنو بيها لا تكول بيها شيء ما اتحمل ربي كلشي اصبر عليه بس لا تكسرني بيها ماعندي غيرها يالهي
