رواية ليتني واجهتك الجزء الثاني الفصل الواحد والعشرون
سدره
ضليت اسمع الاغنيه وابجي صدك كلماتها جانت بالصميم
كمت اتابع التعليقات واصدقائو يعلقون بعض من عندهم يتشاقون معا وكلها تعرف جرح علي شنو
شفت هيثم كاتبلو
لازم حنيت
اشويه ورد علىَ كالو
لاياثور اني يمته نسيت حتى احن
صهيب محشش علىَ وكاتبلو
بس ناقصلك بطل ب... وتكمله السهره
ضحكت على تعليقاتهم واني كاعده ابجي مسحت دموعي وكعدت اقرأ التعليقات الي حد ماتعبت طفيت جهازي
ونمت وقبل مانام دعيت رب العالمين اذا نحنا مانجمع يشيلو من كلبي ويشيلني من كلبو ويخلينا انعيش مرتاحين .....!!
كعدت ثاني يوم الصبح اتصلت بعمر سالت علىَ وعرفت هو بخير
جان كلبنا معاهم كل وقت جنت ادعي ربي يحفظهم
اتصلت بيا اماني وعزمتني على الغده اعتذرت لان ماجان عندي وهس بس رفضت واصرت اروح
سبحت وسبحت الجهال خليت زينب الشغاله هي اسمها اشويه صعب لهذا غيرت اسمها اني واني ماحب اكول خدامه لان كلنا خادمين لربنا ...
دخلت لغرفه طلعت فستان بينصل لحمي لونه وقمصله لون احمر وبوت طويل احمر
اتمكيجت وبدلت لفيت الملفع(الشال) واخذت الجنطه بين ماكملو الويلاد
اخذتهم واخذت زينب وطلعت بالسياره اشتريت سياره لان اني متعلمه ماكدر اضل بدون سياره وعمر ساعدني بيها وتقريبا اكثر من النص هو دفع اشكد ردت من عنده لايدفع بس ماقبل وكال انتي انطيتني سيارتج بالسقوط مال موصل ....
بالطريق و علي اتصل ماجاوبت فصل ودك مره ثانيه
جاوبتو
سدره؛الوو
علي؛؛ شلونج سدره
سدره؛؛بخير وانت
علي؛؛ الحمدالله اشتريت ايباد لويلاد وراح اخليهم ب بيت عمر اذا كدرتي اتمرين اخذيهم
حسيت بي مايريد يدخل بيتي لان هذيجه المره صارت مثل الطرده
سدره؛:اني معزومه ب بيت صهيب وليش ماتجي اتشوفهم لو بطلبت بعد ماتريد اتشوفهم
علي؛؛ اني راح اخذهم مثل قبل عندي بل اسبوع يباتون
سدره؛:بس اني ماريد ويلادي يم مرت ابوهم علي
علي؛؛ ماعليهم شي اني اخذهم الخميس من ارجع من الدوام ارجعهم السبت من اريد اطلع
سدره؛؛ هاي هي براحتك بس تعال انت انطيهم راح يفرحون بي
علي؛؛من اجيبهم هينا عود انطيهم
سدره؛:براحتك
سلمنا وسديت الجهاز وصلت بيت صهيب وجانت اختو هم راجعه من تركيا
فرحو بجيتي وخطيه اماني ماقصرت واحتارت شنو اتخلي وهلكد عمتها بوست بيا ومن شافتنا تبجي
ام صهيب؛:الله لاينطيهم لداعش شلون اخذوج من عدنا إلى هسا اتذكر منظرج وانتي تبجين وتصرخين
يمه يمه
تحجي وتضرب على رجلها
اماني؛؛ راحت هذيجه الايام ان شاء الله ماترجع يارب
سدره؛: والله انتو ماقصرتو معايا والشي الي سويتو ماينوفي ابد
ابو صهيب !؛انت بنتنا يابا واخت صهيب واماني
سدره؛: الله يعزكم ويخليكم
كملنا الاكل وغسلنا المواعين كعدنا وحدنا اني واماني واتفاجأت من سالتني
اماني؛؛ ليش ماوافقتي بصهيب؟
سدره؛؛ صهيب على شنو
اماني؛؛من طلبج لزواج
سدره؛؛طبعا مااوفق اني ماافكره بهيجي شي و مستحيل اخونج لوحتى مو جان هذا شي حقيقي بعدين انتي منين عرفتي
اماني؛:صهيب كالي قبل مانهزم من داعش
صهيب؛؛اماني اريد اكولج على شغله اخاف انمسك واموت
اماني؛؛ اسم الله حياتي ليش هيجي تحجي
صهيب؛؛ الدنيا كلشي بيها وسامحيني عليها
اماني؛؛شنو هي
صهيب؛؛انتي تعرفين حق اليقين اني مافكر ب بنت غيرج مستحيل انتي حبي وماليه عيوني بس الي سويتو حتى انقذها من عندهم
اماني؛؛ مافتهمت شنو سويت
صهيب؛؛طلبت من سدره الزواج
بهذيجه اللحظه ماتحملت كمت اصرخ وابجي وهو يهدي بيا
سدره؛؛ ماتوقعت منج هذا الشي اماني اتشكن بينا
اماني؛؛صدكيي مو شك بس راح يضل اسمها اتزوج عليج اني ماتحمل اشوف صهيب يتزوج عليه سدره لوحتى انتي
سدره؛؛ واني توقعين اخونج مثلا لو صهيب يخونج ومع منو؟ مع اختج
اماني؛؛ لاوالله صح انهاريت وبجيت بالبدايه بس حجى معايا وضليت زعلانه فتره بعدين رضاني
صفنت على اماني وكلبي يحجي اشكد جنت اني غاليه على اماني وصديقتها واكثر من اختها
بس يمكن جان عندها اموت ولاتشوف صهيب يتزوج عليها نحنا البشر ويمكن خصوصه النساء رب العالمين خلى بينا صفة الانانيه
ليش تلوموني من كتمت سري عن علي انانيتي دمرتني جنت مستعده يمكن اخسر حتى اهلي و ويلادي اسم الله عنهم وكلشي بالدنيا بس لااخسر علي اني حبيت علي بكل انانيتي
يمكن اتشوفوني بالغت ب كلامي لحبي من عنده بس اني عمري13سنه وعشت ب بيت عمتي حبيت علي واني عمري 14سنه اتعلقت بي روحي ودنيتي صار هو
جنت انتظر يوم بعد يوم حتى نكبر ونتزوج وانعيش احلامنا الي وعدني بيها
17سنه مرت وحبي لعلي مانقص بالعكس زاد حتى من صرت ادعي ربي يطلعو من حياتي جنت اتعلق بي بعد اكثر اكعد بالليل واتوسل بربي
سدره.... ربي ارحمني ربي ابتليتني بهذا العشك ربي والله مااتحمل اني نايمه بنار وهو نايم بحضنه مرته تقبلها يالله تقبلها اني يصير بيه هيجي....
تمر عليه ايام ابجي وماحس بروحي واني اكعد على ضو الشمس والكي روحي نايمه على السجاده
مااحس على نفسي من نمتي واني دا اتوسل بربي يطلعو من كلبي
دمرني علي بحبو والله دمرني ودعائي كانما دا ادعي ربي زيد هذا الحب بقلبي
صرت لدرجه اطلع الفديوات مالتو واسمعو صوتو وانام وابجي
تعبت مليت انهاريتي
الدعاء الي جنت ادعي انقلب عليه علي حبو جاي يزيد بكلبي ماجاي ينقص شنو اسوي راح اموت كلبي يريد يكف احس مرات من كثر ماابجي
كعدت ب نص الليل اشرب ماي وكلبي يوجعني فركت كلبي سحبت الموبايل دحكت على ساعه لكيتها الساعه 2
زتيت(ذبيت) الموبايل بصفحه ورجعت اغفى ضليت افكر وابجي المشكله من صرت قريب عليهم زاد ولعي بي وحبي وصرت اذا يوم ماشوفو اضوج
ضليت افكر هسا شلون اش كاعد يسوي ووووو....
تعبت كمت اضرب على راسي واصيح
سدره؛؛كااافي كاااافي اطللللع من ررررااااسي كاافي اريد انساك
مرت خمس سنوات على طلاقنا واني ماكدرت انسى ليش شلون اكو يطلكون من هينا ويتزوجون من هينا اريد اصير مثلهم ماريد اتزوج غير شخص بس اريد اعيش كلشي عندي
فلوس وبيت وسياره وويلادي بس ماعندي راحه صدكوني عمر الراحه ماجانت بفلوس ابد
كلشي كدرت اشتري بفلوسي بس ماكدرت اشتري الراحه لان راحتي جانت مع شخص هو الراحة بالنسبه الي
انهاريت بالبجي كعدت وحضنت روحي سحبت التلفون دكيت علىَ بدون تفكير
علي
جنت نايم ومااعرف اشكد الوقت بالليل فزيت على صوت الموبايل يدك
لكيت سدره تتصل اريد افتح الجهاز ومتردد مااريد اسمع خبر مو زين انوب فتحت الجهاز وكملت صوت سدره تبجي وبس صوت شهكاتها تجي
علي؛؛ الخاطر الله كوليلي اشصاير ترى دمي نشف
سدره؛؛ اريد انسااكك علي جااي اموت ارحمني
هي كالت هيجي لو مكطعه كلبي احسن موتتني خلتني اكرها اليوم الي جيت بي
علي؛:يروحلج فدوه علي وعشيرتو بس لاتبجين جاي اتكطعين كلبي
سدره؛؛ انتي حقير نسيتني نسيت حبي حتي منعتني اشوفك بطلت جنت اشوفك قبل واصبر روحي ب شوفتك
اتعدلت وسحبت جكاره وتركتها اطلع الي بكلبها
علي؛:مو انتي اتريدين هذا الشي ياحبيبي موانتي كتيلي عوفني بحالي ليش هسا جاي اتعذبني بهذا كلامج
سدره:؛ماريدك ماريدك عللي اريدك تطلع من حياتي وبس
سدره
مرات البشر من الحركه الي بكلبو مايعرف شنو يحجي بس المهم يطلع الي بكلبو
ساعة اريدو يمي وابتعد عن الدنيا كلها وساعة اتمنى لو اعوفو هو والدنيا
علي؛:بس كوليلي شنو الي اتريدي يصير
جاي اتكطع بكثر مابجيت
سدره؛:احبك علي احبك ليش ماجاي تفتهم عليه ليشش
شلت الموبايل وضربتو بالحايط كمت اصرخ واكسر بالغرفه
سدره؛:كاااافي اطلع من حييياتي الله ياخذك ان شاء الله وياخذ عمي معك وياخذ عبدالله الي دمرنا كلنا
ياريت انت الميت واني الي واكعه بالمستشفى ولاهذا العذاب صار خمس سنوات وكل يوم اكول بيها اني قويه بس مع الاسف اني جاي اضعف اكثر
كسرت كلشي بالغرفه وكعدت بالكاع حاضنه روحي وابجي رفعت راسي لكيت ويلادي يبجون وزينب حاضنتهم
زينب؛؛ماما سدره حسون وميري جتير خافو
فتحت ايديا وهمست تعالو
اتقربو عليه همه الي حضنوني ويبوسون بيا
حسوني؛؛ ماما منو امزعلج اني كبرت وماخليج تزعلين
ماري؛: ماما شبيج
سدره؛: مابيا شي يروحي اخذهم زينب ينامون
ماري؛؛ تعالي نامي يمنا
حسوني؛؛ اي ماما اني خفت عليج تعالي
سدره؛:روحو لغرفه اغسل واجي وانتي زينب روحي نامي الصبح نظفي الغرفه
رحت لحمام غسلت ودحكت على وجهي بالمرايا صاير احمر بكثر ماضربت علىَ اخذت نفس عميق
ورحت لغرفه فرشت بالكاع ونمت ونومت الويلاد بحضني .....
علي
انغلق الخط و رجعت ادك عليها ماكو مغلق ضلي بالي يمها
دحكت لكيت سلوى كاعده
سلوى؛؛شبيها ادك عليك ب نص الليل
سحبت نفس وطردتو لفوك رجعت ليورى منتكي على تاج التخت
علي؛: انتو كل وحده الي بيكم رادلها كلب جبيرررر
سلوى؛:وليش اني شنو امسويتلك اشو صار فوك الشهرين انام بالكاع وساكته
علي؛؛هههه والله ضحكت انتي ساكته خليني اني الي ساكت وعمرج لاتحلمين ترجعين اتنامين يمي بعد الي بيني وبينج خرب لو هو يمته اتصلح بس قبل جنت اجي يمج اخليج تنام يمي بعد هذا الشي شيلي من بالج
سلوى؛؛انت ليش ماحبيتني؟
علي؛؛ههههه
سلوى،؛؛ليش تضحك
علي؛؛لان سؤالج سخيف ومو منطقي
سلوى؛:امبله منطقي
علي؛؛ ونفرض منطقي انتي ماسالتي روحج هذا السؤال ليش ماكدرتي اتعيشين معايا مرتاحه وسعيده اني كتلج من البدايه ماراح اتعيشين مثل ماسدره جانت عايشه مستحيل لان اني ماردتج والشي الي يصير بالغصب يضل طول عمرو ينغصب عليك
سلوى؛؛ انت بس عليه قاسي عبالك ماسمعتك اتكولها يرحلج فدوه علي وعشيرتو
علي؛: واسمعي قابل خايف وكدامج اكول هذيجه تستحق هذيجه الحب الحقيقي اخخخ نار سدره ماتطفى بكلبي الله عليج تساليني ليش ماحبيتني واني وهي حبنا ماينسى صارنا 17سنه واحد يحب الثاني وماكدرنا نسى رغم البعد الي صار بس كل يوم وكل لحظه وكل دقيقه ب بالي
لج سلوى الله خلق كل البشر وخلاهم يتنفسون اوكسجين الا علي يتنفس سدره تشوفين هذا الهوى والنفس الي كاعد يصعد وينزل هذا مو هوى رب العالمين هاي سدره
سلوى؛:ع
علي؛؛ اطمري وعوفيني ب ضيمي
ضليت كاعد ادخن وانتظر يصير الصبح بس شفت الشمس طالعه كمت بدلت وسحبت سويج السياره وطلعت لبيتها ...!
سدره
حسيت على زينب دا تكعدني
سدره؛؛همممم
زينب؛؛ماما سدره علي يريدك
فتحت عيوني كبل اشجاب علي
سدره؛؛وينوو
زينب؛؛بالصاله
كمت على حيييلي وطلعت وكف من شافني
علي؛؛ شلونج ضل بالي يمج
سدره؛؛ اشجابك
علي
وصلت لبيتهم دكيت الباب طلعتلي الشغاله فتحت الباب وطلبت مني ادخل دخلت لصاله كعدت اشويه وطلعت سدره
لابسه دشداشة قصيره ونص ردن و عطرها الي ضرب بخشمي خلتني احجي معاها وابلع بريكي
سدره
واكف يدحك عليه من فوك ليجوى
سدره؛؛ دا احجي معاك اشجابك عيونك وين
اتقرب عليه ومسكني من خصري كبل وحضني
علي؛؛ضل بالي يمج جيت اشوفج
رفعت راسي ادحكله عيوني تتوزع على وجهو وعيونو وشفتو بدون تفكير بدون سابق انذار كتلو
سدره؛؛ خلي نهزم
فتح عيونو مصدوم بلي دا اكولوو واصلا اني مصدومه على روحي وصح كلتها بس ما واثقه من نفسي اسويها
علي؛؛نهزم ؟؟
سدره؛؛اتحبني
علي؛؛ وين نهزم
سدره؛؛ كتلك اتحبني جاوبني على سؤالي
علي؛؛طبعا احبج واموت عليج
سدره؛؛خلي ناخذ ويلادنا ونهزم لخارج وانعوف كلشي ورى ظهرنا
كبل حضني وكام يبوس بوجهي وراسي
علي؛؛ ماعوفج هلمره وعد لو شنو من يصير وين اتريدين اجي معاج
سدره؛؛تعبت مابعد اكدر انساك انت مالتي
علي؛؛ وعد اخليج ب جفن عيوني سدره هذا الشي جان لازم يصير من البدايه
سدره؛: اسال روحك انت الي عفتني واتخليت عني
علي؛؛والله بعد ماعوفج وروح لؤي ماعوفج لو على موتي
سدره؛؛يمته انروح
علي؛؛ ثلاث اربعه ايام ماكو اكثر من اسبوع انطيني مهله وانروح بين ماخلص شغلي وانهي العقد
سدره؛؛ ماشي وين انسافر
علي؛؛انروح لتركيا لو مصر بكيفج
حضنتوو وبجيت واني راسي على صدرو
سدره؛؛ احميني حبيبي دفيني بحضنك اريدك وحدك انت ليا
علي؛؛ لاتبجين يروحي اني وحدي الج والله
كعدنا على القنفه وهو يمسح براسي ويبوسني
علي؛:احبج قزومتي احبج ياام ويلادي يااحلى شي صار بحياتي
سدره؛:تعبانه علي
علي؛:حاس بيج والله واوعدج راح اعوضج على كل لحظه زعلتي بيها ونزلت دمعتج والله بعد ماخليج دموعج تنزل حتى بفرح ياسدروتي
اشويه وباسني من شفتي وكام
علي؛؛اني راح اروح حبيبي اجيج العصر اوكي عندي برنامج هسا
سدره؛:لاتعوفني حباب
علي؛؛ ماعوفج والله حياتي بس اخلص الحلقه واجي اوكي
هزيت براسي وطلع وطلعت ورى سديت الباب خايفه ب سبب الشي الي صار قبل فتره مشيت واني اتذكر
قبل كم يوم اتحررت المنطقه مالنا ورحت مع هيثم على الموصل
ردت اشوف بيتنا الي دمرو داعش وحركو رحت وصلت بيت اهلي
نزلت من السياره وشفتو محروك كلو بجيت على تعب بابا الي راح سنين امي وابويا يرتبون بي
هذا البيت كبرنا واتربينا بي ذكرياتنا كلها راحت داعش دمرنا ودمر كلشي بينا
دخلت لبيت وابجي وكلشي محروك صعدت فوك اخخ غرفتي وغرفه مختار غرفه طارق
كلشي محترك بيها الله لايوفقك ياعبدالله وكون ربي ماتشوف الجنه ولاتشم ريحتها
حسن؛:وينكمممم
سمعت صوت حسن اشكد هذا الولد حباب ماعافنا لحظه من شافنا
حسن؛ خاله
مسحت دموعي وضحكت اضحك علىَ من يصيحلي خاله
سدره؛: تعال خاله الي اتخلخل اعضامك
حسن؛:هههه شلونج فوك ماكولج خاله
سدره؛؛ يول والله صغيره اني دحك عليه شوف من احجي معاك ارفع راسي
حسن؛؛ انتي مو صغيره انتي قزمه
سدره؛:هههه احسن من طولي طول النخله وعقلي عقل الصخله
حسن؛؛ههه اني صخله الله عليج
سدره؛: حشا الصخله حبيبي اقصد حشاك كولي شخبارك امك واهلك
حسن؛:والله امي وابويا الحمدالله زينين واختي فاطمه دا تدرس صيدله
سدره؛؛ يعمري هي جان حلمها اتصير بمجال الطب وانت اشوفك صاير عسكري
حسن؛؛ خلصت سادس علمي وصارت شغله الدواعش والجهاد واطوعت بالحشد
سدره؛؛وانت مخبل اتعوف دراستك
حسن؛؛ لعد مخبل اعوف الدواعش يدخلون بينا ويطشرون عرضنا هذاك الوكت خليت الشهاده تنفعني
سدره؛؛ هم حقك
حسن؛؛بس تحرر الموصل كلها ان شاء الله ادخل كلية العسكريه
ماري؛؛ماما انروح نلعب اني وحسوني يم الباب
سدره؛:اخاف عليكم ماما
حسون؛: الله يخليج ماما
سدره؛: ديلا بس لاتروحون بعيد
حسن؛: وانتي تعالي احجيلي ليش عفتي رجلج بعد كل هذاك الحب اتعاوفتو
سدره؛؛ يبوووو سالفه طويله
حسن؛؛اكولج احجيلي هسا انتو رحتو بعدها وانكطعتو
سدره؛: واني شمعرفني نسينا ناخذ رقم التلفون مالكم واني مره جيت لبغداد سالت عليكم كالو اهل المنطقه شالوو من زمان
حسن؛؛اي شلنا اخذنا بيت اكبر يالا احجيلي
سدره؛؛ قبل كلشي عندي جنطه مدفونه بالحديقة طلعها واحجيلك
حسن؛:يالا خاله
سدره؛هم كال نع...
حسن؛:ههههه غير احترمج شلون
سدره؛؛ اني ماريدك تحترمني يااخي
حسن؛؛ اكولج سدره بيني وبينج الله عليج
سدره؛؛ اي كول
حسن؛؛ هاي البنت الحلوه الي جانت معاج منو
سدره؛:يابنت
حسن؛؛ يمعوده شبيج تنطي شبه بيج
سدره؛:هاي اختي سماء التوام مال طارق
حسن؛؛ خررب انطيني رقمها
سدره؛؛39
حسن؛:مشكور
سدره؛؛هههههه
حسن؛هههه
راح اشترى كرك لحفر كعد يحفر بالكاع واني احجي بس اشكد اجتماعي ويسولف ويضحك
سدره؛؛ هذا ياعيني بعد ماتزوجنا اني وعلي وصار عدنا ماري وحسوني وب 2011ضبط اخو علي اتزوج
واخويا مختار ضرب طلقات يوم العرس وسكتت
حتى كمت استحي اجذب هاي الجذبه العوجه
حسن؛:وو شنو
سدره؛:نزلت طلقه علىَ وقتلت لؤي الله يرحمو
حسن؛:لاااا استغفر الله ياابو الفضل واش صار بعدها
سدره؛:حملوني ذنب اخويا وطلكوني من عند علي ..........الخ وهاي قصتي
حسن؛؛ يبووو ادري كل هاي التضحيه واتبرعتي بكبدج لعلي وبل اخير يعوفج حتى ابويا لايموت مايموت ويخلصنا وفوكها اتزوج يمعود اني امي وابويا اتوسلو بيا بس لااروح مع الحشد وعفتهم ورحت بس مو معناها ماحبهم لاوالله اموت عليهم
سدره؛:اش اسوي هاي قسمتي بعدين انت ماتعرف اهل الموصل عندهم راي امهم وابوهم اهم من كلشي والله حساني لو تشوف عمي شلون جان يدعي مستحيل تكدر تطلع من باب الحوش
حسن؛دروحي والله اخذج واخذ ويلادي وانعل ام الدنيا
سدره؛:هههه
حسن؛:ههه اي والله شبيج اكولج هذا الولد الي جان معاج اش صار من عندو
سدره:: عبدالله هذا انفقد ب سوريه جان يشتغل هناك وانفقد من صارت شغله سوريه
حسن؛؛اي اكولج خاله هنا دفتني الجنطه
سدره؛اي هينا احفر بعد اني دفنتها عميق انت شلون عرفت اني هينا
حسن؛؛حضرت ال..... عمر كالي روح على بيتنا بفلان منطقه سدره هناك لاتضل وحدها
سدره؛؛يعني جان عمر ال..... مالك وانت ماتعرف
حسن؛: لاوالله بس هو بعد ماشفتكم عرفني
سدره؛:امممم
اشويه وطلع الجنطه فتحتها لكيت الذهب مالنا واغراضي باقي موجود مثل ماهو
حسن ::ها سدره ماناقصلها شي
سدره... لا الحمد الله هاي ذهبي وذهب امي والبنات
حسن... شنو رايج سدره هسا اضربج على راسج بالكرك واخمطهم وانهزم خوش صفقه بيهم
سدره... هههههه لا لا انطيك همه بدون ماتضربني
حسن... هههه اشكد جبانه
يرفع الكرك واني كاعده بالكاع وهو واكف على حيييله يريد يضربني بالشقه
حسن... دخلي اضربج يصير عندج فقدان بالذكراه وتنسوين ابو حسين
سدره.... اني حبيت علي بكلبي وبروحي ماحبيتو بعقلي لان من حبيت ابو حسين جنت طفله وعقلي ماكامل وضليت طفله بحبي اله يعني حتى لو افقد الذكراه راح كلبي يضل يدك اله
حسن.. َلحظه لحظه خلي اعزف
سدره.... ههههه ترى اخلي عمر يعاقبك
حسن... هههه كلشي ولاسيدي عمر يايا اشكد قاسي
سدره... جذاب والله ماكو احن من عنده
حسن...حبيبتي هذا عليج انت اخته حنون مو علينا نحن الجنود مالته يعني هسا اني هذيجه المره جان عندي استراحه وخلصت واجبي وصديقي واكف هو جا وشاف صديقي دايخ ومريض والله العظيم كعدني بطلقه يم راسي يمكن نسلي انكطع
سدره؛: هههه ليش
حسن... يكولي من شفت صديقك مريض ليش ماضليت انت واكف بمكانا
سدره...هههه صح مابي شي كلامه
حسن...غير الليل كله ماسك واجب بعد ماشفتج كتله سيدي طلعنا عرف يكولي اني ابويا ماعرفه فشلني ابن الذين آمنوا
سدره... هههههه انعل يومك حسن
حسن.. َهههه اي اضحكي هذا الي تكولين علىَ حنون
سدره... والقران من اطلكت من علي وانت هم مثل ابني واخويا جنت مثكله ولدت ابني ميت جنت ابجي يكعد فوك راسي يبجي معايا يبوسني من ايديا وراسي يكولي بس كوليلي شنو اسوي اروح اكتلهم كلهم حتى كلبج يبرد
حسن:::.ال.... عمر يبجي ماصدك هههه
سدره... لا صدك بس هاي عسكرية لازم يكون قاسي معاكم وعاشت ايدك حسون
حسن؛؛ وايدج خالتي
سدره؛:هم كال خاله
حسن؛؛ههه الله عليج عوفيني اصيحلج خاله ومره سدره عادي
سدره؛:ههه ديلا بكيفك يمته اتروح لبغداد
حسن؛:والله صارلي شهرين مارايح بلكي الَ... عمر يكول ل... يخليني انزل
سدره؛؛ان شاء الله عود سلملي عليهم
حسن؛كتلهم شفت سدره هوايه فرحو
سدره؛: اي خطيه يالا انروح
حسن؛: امشي اوصلج وين اتروحين
سدره؛؛بيت عمتي ماتحرور مو
حسن؛: يامنطقه؟
سدره؛بحي.....
حسن؛: لا بعد يمعوده الموصل راح انرجعها لاهلها ان شاء الله
سدره؛؛الله يحفظكم ويحرسكم
طلعنا بره
سدره؛؛ يالا حسوني ماري ماما يالا انروح
ركضو عليه الويلاد وركبنا بالسياره مع حسن طلعنا لبيت عمي جان ينظفون ب بيتهم ويرتبون
اغراضهم كلها انباكت وامدمرني بيتهم قررو يرجعون لبيتهم وبس نور هي ورجلها ضلو ب اربيل
ثاني يوم رجعنا لاربيل وجنت امشي بالمعامله مال ويلادي على مود المدرسه
بس المدرسه مال ماري مانفتحت بعد لهذا ماكدر ادخلها بغير مدرسه اذا مايعبروها هي تستحق ثالث بس حسين لا اول وهم حجيت مع المديره مالته كالت اعبرلج حسوني مامشكله
جانو حيييل متساهلين مع الطلاب بسبب الحرب
واني كن علمت ويلادي على قراءه والكتابه وخصوصه جنت ادرسهم من جنه ببيت صهيب ....
جنت اسوي غده وجاني اشعار على واتساب رحت فتحتو انتظرت بين مايحمل ومن حمل جانت الصدمه
ويلاد جانو يلعبون ب باب بيت اهلي واحد مصورهم
عرفت بي هو والله اتاكدت بي عبدالله كمت ارجف دزيتلو
منو ؟؟
ههههه خيالج الي ماراح يفاركلج طول العمر
من صدمتي كعدت بالكاع كبل وضربت على كصتي
دا اكتبلو شفت حضرني متت شنو اسوي ياربي رجعت على سريع دخلت على الرقم واتصلت بي طلع مغلق
سدره؛؛ الله يكتلك ويشيلك ماخلصت منك ياعار خلص صبري فرط بعد ماتحمل .....
الى حد هذا اليوم ماتصل بعد بيا ولاجنتي اي رساله من عندو
طلعت من صفنتي ورحت لكنتور طلعت ملابسي وبدلت واكدت على زينب ماتفتح الباب لاي شخص ماتعرفو
ركبت سيارتي وطلعت لسوك اخذت جهاز واخذت كم غرض وطلعت لبيت
ضليت النهار كلو انتظر علي الى حد ماصار العصر اتصل بيا وكالي جاي
رحت بدلت وعدلت نفسي وجاء وجايب معا تاب اثنين لويلاد
علي؛؛ شلونج حبيبي هليوم
سدره؛الحمدالله زينه
علي؛؛ بعدج على قرارج ماكو تراجع بعد
ابتسمت بوجهو وهزيت راسي
علي؛؛ يالا بابا هاي نزلتلكم يويتوب والعاب وممنوع اتنزلون اي برنامج
سدره؛: امسح المنتجر
علي؛؛ خليت علىَ رمز واصلا ربطتهم بجهازي يالا باباتي روحو لغرفتكم
ماري وحسوني؛؛شكرا بابا
علي؛: روح بابا انتو
بوسو ابوهم وراحو لغرفه جا كعد يمي وحضني من كتفي
خلى راسو بركبتي
علي؛؛ اوف اشكد مشتاك لعطرج
سدره؛؛ علي
علي؛؛ها يروحي
سدره؛: الي حد مانرجع نمسك عقد لاتسوي هاي السوالف اخاف نكع بالحرام
علي؛؛ هسا اجيب الشيخ ونعقد
سدره؛: بس اني ماقبل ارجع على ذمتك اذا ماطلكها
علي؛؛ بس نسافر اتصل بيها واطلكها
سدره : عجل هناك نمسك عقد بعد احسن
علي؛؛ براحتج قزومتي
ضلينا كاعدين نحجي ونسولف صار المغرب راد يروح حسوني كام يبجي
حسين؛؛ بابا الله يخليك لاتروح
علي؛؛ ياباباتي كافي صار اشكد اني هينا
ماري؛؛لاتروح عفيه اتعشى معنا
سدره؛؛ اي علي ضل لاتروح اتعشى بعدين
علي؛؛ تدللون يابا انتو وامكم شتحبون تعشون
ماري؛؛بيتزا
سدره؛؛ ادري ماتبزعين من البيتزا
علي؛:ههه تدللين حيااتي وانت حسوني
حسوني؛بكيف امي الحلوه
كرصتو من خدو
سدره؛:يمه قبان ابني الحلو انت
علي؛؛ وانتي ام حسوني الحلوه
سدره؛؛ بكيفك حبيبي
علي؛؛اكو مطعم يسوي مندي نطلب
سدره؛اي عادي
اتصل بالمطعم طلب لحسوني وماري وزينب بيتزا وهمبركر على ذوقهم وطلب مندي ومعا مقبلات ومشروبات
زينب رتبت الميز بين ماوصل الاكل كعدنا على الميز ورتبنا الاكل وعلي ب يدو يوكلني اني وحسوني وماري
ماري؛؛ بابي ومامي
علي؛؛ اروح فدوه لضحتكم وضحكت امكم
التفتت عليه واني مخليه ايدي جوى حنجي وصافنه علىَ
غمزلي بعينو وحجى
علي؛؛ ها ياحلو تصفن اشوفك
سدره؛احبك
علي؛؛اموت عليج الله لايحرمني منكم
ماري؛بابا ليش مانعيش سوى
علي؛ عن قريب بابا ان شاء الله
ماري وحسوني!؛ هيييي
علي وسدره؛؛هههههه
علي؛؛هاج حبيبي
فتحت حلكي وطعمني
علي.... شنو يالله مو حلك فستقه
دنكت بخجل اضحك
علي... ههههه فدوه لربي على هاي الضحكه
سدره... هههه كافي اخجل والله
علي... هههه منو جان يعاركني اذا ماتغزل بيج
ضحكنا وعيوني دمعت واتذكرت ايامنا قبل ياريت كدرت اوكف عبدالله عند حده من هذيجه اللحظه بس ماينفع الندم بعد
كملنا الاكل وغسلنا وفتحت التلفزيون الشغاله سوت جاي وجابت لعلي علي ماعجبو لان خفيف اشتهى من ايدي كمت سويتلو جاي وشربنا اني وهو
دك تلفون علي وفصلو عرفت هي زت التلفون ب صفحه وهمس
علي؛؛عن قريب اخلص منج ان شاء الله
رجع يدحك على التلفزيون واني صافنه علىَ
سدره؛؛ماحبيتها
التفت عليه
علي... انتي مخبله
سدره؛؛ يعني معقوله
علي؛؛ لاوالله ماحبيتها اصلا من صارت وشعلت حسوني هجرتها
ابتسمت بفرح
ودرت وجهي لتلفزيون سكتنا شويه بعدها سالته
سدره... علي
علي.... ها حبيبي
سدره... ليش ماخلفت منها هي ماتخلف لو انت ماتريد
رفع الكوب يشرب جاي وردلي
علي... اني ماجنت اريد مجنون اخلف منها
سدره... ليش
علي.... شنو ليش اربعه وعشرين ساعه نتعارك
سدره... علي هي تحبك من زمان شلون ماكدرت تحبها انت
غوركت عيوني واني كلتها التفتلي وكرصني من خدي
علي.... لان احبج انتي
سدره.... بس قلب الرجل يكدر يحب اكثر من وحده مو مثل المره
علي... مابي مجال قلبي يحب اكثر من وحده لان انتي ماخذته كله
سدره... بس بيك مجال تزوجها مو
كلتها بنتر ابتسم ورفع الجاي يكمله
سدره... شو سكتت
علي... ليش ادوخين نفسج اني راجع الج مو لغيرج
سدره.... كلشي اسامحك علىَ حتى ابني الي مات وخسرته بسببك اسامحك على بس هاي مااسامحك الى الموت اضل شايله بكلبي عليك لان خلفت بوعدك ونفسك سمحتلك تكون مع وحده غيري
ترك الكوب على الميز الي كدامه واني دموعي صارت تنزل سحبني حضني ويبوسني
علي... لاتضلين حقوده انتي تعرفين اني انجبرت
سدره.. انت رجال ماكو رجال ينجبر على شي
ابتعد عنه سحب الجكاره شعلها ويشرب منها
علي.. اصعب موقف مر وجبرني اتزوجها من وكفت اصيح على ابويا وكتله هذا الزواج مايتم وهو حاول يكوم يضربني ووكع من الكرسي وصار يبجي ويصيح باسم لؤي لحظتها ماشفت كلشي كدام عيني واني حجيتلج بوكتها وكتلج ليش تممت زواجي منها فخلينا ننسى ياكلبي وانعيش
هو يحجي واني صافنه بي داس الجكاره بقوه بالنفاضه ودحكلي وابتسم وغنى
علي.... خلينا ننسى الحزن نام على صدري اطمئن وادفى بالحساسي من تحجي كلبي يدك كلي اني اصيرن عشك من جدمي لراسي حبك ليالي وغنى يتجدد بكل سنه وانت هدية العمر غيرك ولارايد
خليت ايديا بعيوني ودنكت ابجي ضمني لحضنه مره ثانيه
علي... لا تبجين يعمري يااحبيتي ياكبدي
سدره.. خايفه تخذلني مره ثانيه
علي... والله مااخذلج هلمره وعد هسا مرت سنين وابويا ماكولج نسى لؤي الله يرحمه بس مواقفج انتي خلته يندم وشافني اني مامرتاح انسافر ان شاء الله ونتزوج ونرجع بعد كم شهر ونخليهم تحت الامر الواقع تمام
هزيت براسي تمام صار يبوسني ويدغدغني حتى اضحك
اتعللنا واتونست حييل مع علي هذاك اليوم
الويلاد نعسو وهو راد يروح لبيت
علي؛؛ يالا ويلادي وام ويلادي اني رايح
حسوني؛؛ لا بابا اريد انام بحضنك
علي؛؛ لاباباتي ماترهم بعد صدك سدره ماتجين على اهلج
سدره؛: امبله باجر ان شاء الله خالي راح يجي من دبي وهم اسلم عليهم بدون مايحسون
علي؛: خير ان شاء الله حاولي من هسا اتلمين اغراضج وتصفين حسابج
سدره؛؛ ماقررت وين انروح
علي؛؛على مصر ان شاء الله يالا حياتي محتاجه شي
سدره؛: سلامتك حبي
علي... بس انطيني الهويات والجواز السفر مالكم
سدره... هسا انتظرني اروح اجيبهم وارجع
رحت جبتهم ورجعت
دا يطلع وحسوني وماري جلبو بي الا انام بحضنك التفت علىَ
سدره؛؛ يالا شنو اسويلهم امشي انروح لغرفتي
فرشو اسنانهم وراحو واني فرشت اسناني ورحت لكيت امخلي حسوني وماري بالنص ودا يحجي معاهم
ماري؛؛جت امي الحلوه
سدره؛؛ يروح امكم انتي بس انتي جذابه اتحبين بابا اكثر مني
ماري؛؛ ههههه اشويه احب بابا اكثر منج بس اني هم احبج
سدره؛؛دروحي بحضن ابوج وتعال وليدي يمي
اتمددت يمهم واسمع علي يحجيلهم قصه
سدره؛؛ علي تدري حسوني هم بي شبه ل لؤي الله يرحمو
علي؛؛ اي ها بابا عاد الذيب كالها سدره الذيب اشكال لليلى
جر حسره وصار يحجي يكمل القصه
سدره؛؛ هههههه ماحافظ القصه اني حافظتها اكثر من قصه حياتي
علي؛؛ههههه
ماري؛؛ بابا ههه وين اكو ذيب يحجي
سدره؛؛ههههه عمه بعينج ماري انتي طفل لو جنيه مافديوم خطر ب بالي اسال يوم هذا السؤال الذيب شلون يحجي
علي؛؛ شبح مو جيل امي جانت اتضل اتجذب ب راسنا وكال الوحش وحجى الوحش الي حد مانام
سدره؛: ههههه لا حشاها
علي؛؛ههههه اي باباتي وين وصلنا
سدره؛: علي
علي؛؛ها يابا
سدره؛: كولي بيت اهل جنات موجودين ب بيتهم وكت داعش
علي؛؛ لا حبيبي طلعو من زمان واصلا علاقتنا انكطعت معاهم يعني حتى جان ابوها اكو سلام بينا بعدين كطعو
سدره؛؛اي تعرف اني رحت شفت جناات
كبل اتعدلت مستغرب
علي؛؛ يمته شفتيها زين شلونها وضعها شنو صاير بحالها
سدره؛: صهيب يعرف مكانها ولحيت علىَ. يالا قبل ياخذني من اتشوفها صاير ضعيفه حييل ومو هذيجه الجنات الحلوه بس صافنه كعدت يمها وشفتها وحجيت معاها كومه بس ماعرفتني بس من كلت لؤي التفت عليه وكالت لؤي وينو بعدين كامت من يمي وهي اتكول اخذنا شمعه .....
اني كمت ابجي وعلي ماتحمل دموعه صارت تنزل
علي؛؛ ولج سدره لوين رجعتيني اخخخ
ماري؛؛ ماما ليش تبجون
سدره؛؛ لاتخافين حبيبتي
مسحت دموعي وكمت اطبطب عليهم حتى ينامون نومناهم اني وعلي
شال حسوني واخذو لفراشو ورجع اخذ ماري لفراشها جنت تعبانه بس اريد انام
مابيا حييل اكوم خليت ايدي على وجهي حتى انام دخل لغرفه
علي؛؛ها حبيبي نمتي.
سدره؛؛ اي والله نعسانه
جا كعد يمي وشغل جكاره ويصفن عليه
سدره؛؛ اشو تصفن
علي؛؛ مايصير ادحك على حبيبتي
اتقربت بستو من شفتو بوسه خفيفه
سدره؛؛ يالا حبيبي حسوني نام
كلتها بدلع ضل صافن بوجهي وهمسلي وهو يدحك على شفايفي
علي،؛؛ بس ابو حسوني مانام
زت الجكاره واخذ شفتي وصار يبوسها بكل قوه سحبت نفسي من عندو
سدره؛؛روح علي الله يخليك
علي؛؛ابد
سدره؛؛لاتعذبني هيجي اني ضعيفه كدامك
علي؛؛ مشتاقلج
سدره؛؛روح كتلك
حضني من خصري وطبع بوسه خفيفه على ركبتي بديت اضعف وماتمنيت الحرام يصير بينا صار يشم بركبتي ويطبع بوساتو وهو يسمعني احلى الكلمات الي خلتنا انروح معا بغير عالم
الي نستني كلشي بهذيجه الليله هو يتعامل معايا بكل حنيه ورومانسيه بادرته
صار بعد اكثر وصار يبوسني بكل لفه
علي؛؛ عطشانج حبيبي
علي؛؛ صار سنين ماشايف هذا الجمال
سدره؛؛اني مالتك وملكك حبيبي
دك تلفونو سحبو وفصلو رجع ضل يدك سحبني وصرت على صدره وصرت ابوس بي وب ركبتو واتعدمت اترك اثر اريد مرتو تشتعل بنار رفعت راسي واني اكوله بكل انوثه ودلع
سدره؛؛جاوبها
علي؛؛ خلي تولي
سدره؛؛ جاوبها علوشتي
سحب الموبايل وفتحو وجا صوتها تحجي معا واني مخليه راسي بركبتو وهو يضحك
سلوى؛الو علي وينك ليش ما جيت
علي؛؛ماجي هليوم يدفع راسي حتى لاابوس اركبتو هو يضحك وياشرلي اكفي
سلوى؛؛ شنو هذا الصوت الي يمك
سحبت التلفون وضحكت اريد حقي اريد ادمرهم هي واخوها وهذا ابسط شي اسوي
اكيد من سمعت ضحكتي تخبلت
سديت التلفون وسويتو وضع طيران ورجعنا واحد يبوس بالثاني ...
