رواية ليتني واجهتك الجزء الثاني الفصل الثاني والعشرون
هـوّ أبن روحـي وَعزيز عُيونـي
سدره
صرت ابادرو لحظه بالحظه بس اخر شي اتراجعت لان الي كاعد يصير حرام وضميري منعني اسوي هذا الشي
دفعتو عني وكمت ابجي
علي؛: شبيج
سدره؛؛ماريد
علي؛؛ ليش ياكلبي
سدره؛: الي كاعد يصير حرام ماريد تقربلي
مسكني من خدي وهمسلي
علي؛؛انت مالي واول واخرها راح ترجعين على ذمتي
سدره؛؛لا
علي... بس اني رجلج سدره ومو غريب عنج بس هاي الليله واوعدج مانسويها بعد الى حد مانمسك عقد
سدره... بالدين انت مو رجلي هاي من الكبائر
علي؛:زين ليش خليتني ابوسج ومن وصلت اخر لحظه اتراجعتي
سدره؛؛ مادري ضعفت كدامك
كمت من يمو وسحبت ملابسي لبستها دحكت على َضاج سحب الجكاره وكام يشربها وهو منتكي على التخت ويدحك عليه
سدره؛؛ لاتضوج عفيه
علي؛؛ اكوم اروح
سدره؛؛ ها اتروح
علي؛؛انتي مو ماتقبلين
سدره؛؛ يعني لو استغفرالله اي روح عادي
علي؛؛ ههههه تعالي نامي بحضني عجل
سدره؛؛ ما زعلت
علي؛؛ زين خلي ارضيج
سدره؛؛ بس بدون انحراف
رم الجكاره وكام حضني من ظهري وصار يدغدغ ب بطني
سدره؛؛ههههه لا حبيبي هههه كلبي راح
شالني بحضنو وهو يكركز عليه
علي؛:انعل ابو كلبج لابو حبيبج
سدره؛:ههههههه
نزلني على التخت ورجع يبوس بيا حاول معايا يجامعني بس رفضت اعرف بيها كلها حرام ومايصير حتي يلمسني بس اكو شي اهون من شي
علي؛؛يابا اشكد عنوديه
سدره؛؛ لا انت صارلك فوك الخمس سنوات ماتحمل هلكم يوم لو اكو من يعوضك جان
علي؛؛ دروحي محد يعوض مكانج
سدره؛؛ عجل انام بحضنك وبس
علي؛؛ تعالي حبيبي
الليل كلو ماخلاني انام يكرص بيا ويبوسني وكل ماغفى افز على ايدو جاي يتلمسني
سدره؛؛ كاافي منحرف اريد انام
علي؛؛؛هههه نامي انتي شعليج
سدره؛؛هههه يالا تصبح على خير
درت ظهري عنه وحضني من ظهري وسحب اذني عضها
علي؛؛ ومن اهلو حبيبي
رجعت بعد سنين طويله نمت بحضنو اتمنيت الشمس ماتطلع واتمنيت اضل العمر كلو بحضن حبيبي ردت من ربي يجمعني بي ويطلع عبدالله وسلوى من حياتنا صار عندي شك سلوى الها دخل بكلشي واتوقع هي انطت رقمي لعبدالله.....
كعدت من الصبح قبل مايكعد
رحت غسلت وبدلت وخليت قوري الجاي على النار
رحت بخيت عطر الي يحبو وعدلت شعري
رجعت سويت جوله بالغرفه اخاف مخربطه من هوسة البارحه
رتبت الميز الاصغير الي باالغرفه ورجعت رحت امشي لمطبخ
واسمع صوت القوري يصفر نصيت النار وخليت جاي لان احب اغلي الهيل والماي وحدهم وبعدها اخلي الجاي واطفي عشر دقايق بين ماحضر الريوك
بديت احضر بالريوك واتذكرت ليلة البارحه وابتسمت
اتلمست شفتي وكلبي يدك سريع ماحسيت غير حضني وايدينو على بطني وراسو بركبتي
صباح العسل ياعسل
التفتت وحاوطت ايديا اركبتو طبعت بوسه خفيفه. على شفتو
صباح النور يعمري انت
شنو هذا الجمال من الصبح
غير لكه (الك)
حضني وباس راسي وشم شعري
اووف اشكد احبج
يالا يالا كدامي روح ب سرعه قبل مايبرد البيض
هههه صار
ادفع بي من المطبخ واريد يطلع يصل لباب ويرجع عليه يريد بوسه وانهزم من عندو
كملت الريوك استغليت مابين هو بالحمام يغسل رحت رتبت التخت وخليت ورد
وخليت الريوك على الميز
جا يدحك على الغرفه ويبتسم
شبسرعه لحكتي اتسوين كل هذا
هههه يالا حبيبي تعال اكعد بين مااجيب الجاي
مشيت من يمو ومسكني من خصري وشم ركبتي
اووف اشكد احب عطرج سدره
حياتي عوفني
صار يشم بركبتي ويطبع بوساتو بديت افقد نفسي واني بيدو غمضت عيوني وصار يجر ب شفايفي
حسيت جرحها بكثر ماعضها سحب كلينس ومسح الدم من شفتي ....
علي؛؛ اذيتج حبي
سدره؛؛حتى اذيتك اليه احبها
حضني وخلى راسو على كصتي
علي؛؛ ايام قليله وخليج بحضني وماخلي الدنيا كلها تبعدني عنج سامحيني يعمري ابتعدت عنج كل هاي السنوات
سدره؛:المهم ماتعوفني بعد ولاتخلى عني
علي؛؛ وعد محد بعد يبعدني عنج
باسني من كصتي وراح وكف يم الشباك المنظر كلش حلو رحت جبت الجاي وكعدت اتريكنا ومره اني اطعمو ومره هو يطعمني وكل اشويه يضحكني
علي؛؛ يالا عمري دايمه اني اروح لبيت قبل لايكعدون الويلاد
سدره؛: هليوم ماعندك دوام مو
علي؛: لا حبيبي
وكف كدام المرايا يعدل بنفسو ويغطي ركبتو
علي؛: هاي شمسويه بركبتي
سدره؛؛هههه حبيبي وبكيفي
سحبني ولزكني علىَ
علي؛؛لو حبيبج صدك جان خلتيني مو اخر لحظه واتراجعتي
سدره؛: مشكلتك اتحمل منحرف الليل كلو جنت احس عليك تلمس بيا
علي؛: على كولتج حبيبي وبكيفي
سدره؛؛ههه هسا شلون راح تطلع هيجي
علي؛؛لعد شلون
سدره؛: اني عندي يشمغ (شماغ)
اخذو البسو بركبتك
علي؛:اذا بي عطرج جيبي
سدره؛؛اي لحظه
رحت لكنتور طلعتو من الكنتور وسحبت عطري المفضل وبخيت علىَ ولفيتو بركبت علي
علي؛؛ اووف يامحمد على هاي الريحه ابد لااتبدلها ولاتبخين غير عطر
سدره؛:تدلل حيااتي
باسني وطلع من البيت رحت الم الصحون وانظف البيت ....
كملت شغلي جان بعد وكت وشويه نعسانه رحت نمت
حسيت اسماء اختي دا تكعدني
سدره... هممم هلا اسماء هاي انتي
اسماء... اي كومي كلت اجي امر عليج
اتعدلت وكعدت بالتخت وهي كعدت مقابيلي دحكت عليه وفتحت عيونها مصدومه
سدره... شبيج
اسماء... سدره شنو هاي
سدره... شنو مافتهمت
دحكت على نفسي واتذكرت اركبتي غطيتي نفسي كبل وهي صارت اتصرخ عليه
اسماء... هاي اركبتج شنو هاي فهميني
سدره... مابيها شي والله انطخيت
كامت قفلت الباب وهي عصبيه سحبت الجرجف وتصيح عليه
اسماء... لج ادبس.... انطخيتي تضحكين عليه هاي بصمات ليش طفله ماعرف
سدره.... احجيلج والله بس نصي صوتج لاتصرخين عليه كدام الجهال والعامله
كمت من تخت ومشيت وهي بعدها تصرخ وتضرب على رجليها
اسماء... والله انتي بلا اخلاق ماتستحين هيجي بابا واثق منج وعايفج وحدج وهذا شكلج منو هذا علي مو جاوبي علي
سدره... اي علي بس والله مصار بينا شي والله
اسماء... لج سدره لاتضحكين عليه دحكي على صدرج واركبتج وتكولين مصار شي انتي ماتخافين من الله هذا زنا زنا ياااحيوان.... ه
سدره.... والله العظيم مصار شي والله والله
اسماء.... لاتجبين طاري الله على لسانج لو تعرفين الله ماجان تسوين هيجي هسا اخابر عمر وهو يعرف شلون يتصرف معاج
شالت التلفون وركضت سبحته من ايدها
سدره.... انتي مالج علاقه بحياتي لاتدخلين
مسكتني من شعري ولفت شعري على ايدها وصار تغلط وتصرخ وتضربني على ضهري بكل قوتها وهي اختي الجبيره مااكدر امد ايدي عليها
اسماء... اني مالي علاقه اني اطمسين راسنا بالوحل ومالي علاقه والله اذبحج قبل ماعمر يذبحج والله
سدره.... كااافي وخري عني مو من حقج اتمدين ايدج عليه
أسماء... اكبر منج واكسر راسج هم لج انتي يمته تفتهمين علي تزوج وعاش حياتو وهذا الي كاعد يصير مجرد رغبه يااغبيه
سدره.... مو رغبه مو رغبه يحبني واحبه ابو ويلادي رجلي خلفت منا
اسماء... مو رجلج لج المره والرجال بينهم كلمة حلال وكلمة حرام وانتي وهو ماضل بينكم شي اسمه حلال رجال غريب منج شلون اتنامين معا شلون لج انتي الشريفه الطاهره الي تصلين تسوين
هيجي
كعدت على التخت تبجي وادحك عليه اتقربت عليها وكعدت كدامها وكمت ابجي معاها
سدره.... والله مصار من الي تفكرين بي والله ماجذب عليج راد يصير بس اتراجعت وعرفت الي كاعد يصير حرام
أسماء.... سدره شفتي روحج بالمرايا شفتي صدرج واركبتج
سدره.... اسماء الله عليج صدكيني ماصار والله مصار حبابه لاتكولين لعمر والله يذبحني والله
أسماء.... خلي يربيج من جديد
سدره... كوني بمكاني واي شخص راح يضعف والله بس والله مصار اي شي بينا هسا اخابر علي كدامج واسمعي من عندو
خابرت علي وجاوبني
علي... ها حبيبتي
سدره... علي الله يخليك أسماء هسا جت عندي وشافت اركبتي ولعبت بيا طوبه واتريد تكول لعمر والله عمر يذبحني اذا عرف اكولها والله مصار شي بينا ماكاعده تصدك
علي... لاتبجين ولا تضوجين وينها انطيني هي
انطيت الموبايل لأسماء وهي كامت تحجي على علي واتعصبت علىَ
علي... هسا استهدي بالرحمن وعلى كيفج
اسماء... انتو تعرفون الرحمن
علي.... يااسماء ياااختي والله العظيم مصار شي بينا يشهدالله هاي انتي اختها بالحق انتي اتغطين عليها
اسماء.... اني مااغطي على شي حرام باجر حبلت اطمس راسنا كلنا
علي.... يمعوده وين رحتي صار بيها حمل مااخليها تحبل مكتفين بحسوني وماري حاليا لاتخافين هههههه
علي يضحك واسماء اتعصبت علىَ بالزايد
اسماء.. علي عوف سدره بحالها
علي... صار تدللين من الله ياخذني اعوفها
أسماء.... والله هاي اول واخر مره مره الخ اوصلها لعمر
علي... اكولج انتي كاعده اتهدديني بعمر اذا هو رجال يطخها اذا ماكلبت الدنيا على راسه
اسماء.... انت لو تحبها صدك ماتاذيها وانت هاي تصرفاتك دا اتاذي سدره
حجى علي مع أسماء اشويه وهدت سدت الموبايل
سدره... اسفه والله بعد مااعيدها
اسماء.... ماتضلين وحدج ترجعين على بيتنا انتي مو محل ثقه
سدره.... اسماء شبيج ترى اني موصغيره
اسماء.... اي عايشين بتركيا نحنا مو مطلكج ويجي ينام معاج
سدره... اجيبلج القران احلف على مصار شي من الي ب بالج
قنتعتها وبوستها راحت وهيا ضايجه مني
علي
طلعت من سدره واني فرحان وعدت نفسي هلمره خلص ماكسرها لو شنو من يصير
ومحد راح يكدر يكف بطريقينا
وصلنا البيت دخلت وسلمت لكيت ميس اتنظف بالمطبخ وامي امخليه الخضراوت كدامها اتلكط بيهم
علي؛:ست الحسن وين
ميس؛؛لازم غريب عنها ماتعرف ماتكعد الى اذان الظهر
ام علي؛:وين جنت انت
علي؛: عند صاحبي
دخلت جوى لغرفه لكيتها ثور ونايم
علي؛؛سلوى سلوووى ماجاي احجي معاج اكعددي كاافي
سلوى؛؛همم
علي؛؛وجعمم كومي
سلوى؛؛ شتريد من عندي
علي؛؛كومي ساعدي امي وميس وخلي عندج غيره اشويه حرام عليج ميس حامل وموظفه وامي مره جبيره
اتعدلت وب ضجر
سلوى؛؛ وين جنت البارحه
علي؛؛مو شغلج يالا كومي ولاتكعديني اريد انام
شلت الشماغ على ركبتي دا اتمدد وكام اتصيح
سلوى؛؛ شنو هاي ركبتك
علي؛؛ نفسج ماسمعو
سلوى؛؛ جنت عندها مووو اني سمعت صوتها شلون تضحك
علي؛: اي عندها جنت عندج مانع اقسملج بالله ااذا ماسكتي هسا اطلكج
سلوى؛؛ لا ماراح اسكت دا اشوف
شلت ايدي وضربتها براشدي
علي؛: اطلعي بره احسن مانزع الحزام عليج ب سرعه
كلت بررررره ماريد اشوف خلقتج الزفره
طلعت بره وهي ماسكه خدها قفلت الباب وراها ورحت اتمددت الله بلاني ب مره نقمه
جنت اتمنى يوم من الايام اجي لبيت الكيها امخلص كل شغلها وتستقبلني احسن ماعندها مثل ماتسوي جانت سدره لو ميس مع محمد
هاي سنين مرت وميس ومحمد حياتهم حلوه مشاء الله ميس مرتبه ونظيفه وعاقله ومن تحجي رزنا بالكلام مو مثل الي عندي اتخيط واتخربط
خليت ايدي على عيوني واتعوذت من ابليس ونمت كعدت على صوت الموبايل يدك سدره جاوبتها واسماء تحجي حجيت معاها وهديتها سديت الموبايل شويه واندكت الباب الغرفه
ماري؛؛ ابونا الحلو يالا كوممم
حسوني؛:ابو حسوني والله عيب نايم
ههههه اجوي روحي من الدنيا من بعد امهم كمت اتعدلت وفتحت الباب ابوس بيهم ......
سدره
بعد ماطلعت اسماء كعدت الويلاد وريكتهم والشغاله كملت كل شغل البيت بدلنا واتحضرنا وطلعنا لبيت اهلي
دخلت سلمت عليهم وبوست ماما وبابا وشفت مختار مشاء الله وضعو كلش زين الحمدالله
ويلادي اكيد ركضو على بيت جدهم كبل جان عمر هم موجود اتصل بيا حسن
سدره؛؛ ها بذات
حسن؛: والعباس ابو فاضل اني مو بذات و ب اربيل بس ماندل بيتكم
سدره؛صحيح تحجي
حسن؛؛ والزهره
سدره؛؛ اوكي دحك انت وين هسا
حسن؛: اني يم بارك سامي عبدالرحمن وانوب ابو التكسي مايفتهم عليه عربي
سدره؛؛ اي خوش هسا انطيك جيهان هي خلي تحجي معا
جيهان هاج حبيبي دلي ابو التكسي على بيتنا
جيهان؛؛ ليش منو جاي
سدره؛: حسن
جيهان تحجي كردي ودلت ابو التكسي على بيتنا وعمر طلع ينتظرو بره جابو وجا دخل سلم على ماما وبابا
والكل
حسن؛:ها خالتي شلونج
سدره؛؛الحمدالله وانت شلونك اش هاي المفاجئه
حسن؛؛والله جنت طالع لبغداد كلت قبل ماروح على اهلي اجي اسلم عليكم
سدره ؛:حياتي كل الهلا بيك
اشويه ورحنا استقبلنا خالي جا من دبي رحنا لمطار جبنا وجينا
سدره:؛هاي شنو قحطان كن كبرت مشاء الله اخر مره شفتك بيها جنت صغير
قحطان؛:هذا العمر زا واحد يكبر
سدره؛؛ اي والله وين وصلت هسا بالدراسه
قحطان؛:اخر سنه قانون
سدره؛: اي عفيه حلو القانون
قحطان؛: والله اختيار خالج
قحطان يصير ابن خالي من زمان ماكن شفتو وهسا يالا شفتو
ضليت هذاك اليوم بتت ب بيت اهلي وثاني يوم بعد الغده رجعت لبيتي
المغرب حبيبت اطلع الويلاد لمول وحضرتهم وفرحو يعجبهم ياكلون بالمول اخذت الشغاله معايا وطلعنا وياريت ماطلعت
علي
جنه كاعدين بلليل وهدير جانت عدنا طلبت مني انروح لمول
هدير؛؛علاوي خلي انروح لمول عفيه
علي؛والله ماعندي وهس
هدير؛؛ اكو جهاز كهربائي عجبني وسالت علىَ كالو ب كافور ماجدي مول ماطول
علي؛؛ يالا امشي
هدير،؛: خلي سلوى هم تجي معنا
علي؛؛لا
هدير؛: انت ليش ماتقبل تطلع مرتك
علي؛؛ تطلع بس معايا ماتطلع
هدير؛:الخاطري حباب
علي؛؛ خاطرج جبير بس ماتجي
هدير؛؛ اني هم ماروح
علي؛: لاتروحين خلي محمد ياخذكم
سلوى؛: علي محتاجه ملابس
علي؛؛ باجر روحي مع البنات
هدير؛؛ دكوم علاوي لاتضل باهت
ام علي؛؛ دكوم يااامي اختك جاي تطلب من عندك
علي؛؛ استغفر الله ياربي شرفو يالا امشي ست سلوى
بدلي
راحو يتحضرون واني دخلت لغرفه لكيت سلوى اتبدل رحت طلعت ملابسي وكمت ابدل جت عليه وحضنتي من ظهري
سلوى؛: بعدك زعلان مني حبيبي ماكافي هذا البعد
شلت ايدها والتفت عليها
علي؛؛ انتي ماعندج كرامه ارجعلج اركبتي مزركه والف مره كتلج ماحبج وبعدج تجين تنازلين خلي اشويه عندج كرامه وصيري ثكيله بلكي اشويه احبج
سلوى؛ ماكو كرامه بالحب
علي؛؛؛هههه هذا مو ضاحك عليج اصلا كل الكرامه بالحب يعني هسا ادوس على راسج واتكولين عادي احبك خلي افهمج مقولة الكرامه ماكو بالحب اذا جان اكو حب من الطرفين وصار زعل هينا انشيل الكرامه ب صفحه وانقدم تنازل اشويه عرفتي عزيزتي يالا فضيني وكملي
لبست قميصي وطلعت من الغرفه
اشويه ولحكوني شغلت السياره وطلعت لمول
هدير؛؛ اني اروح لكافور وانتو اشترو ملابس
علي؛؛. اوكي
راحت هدير لكافور وسلوى رادت ملابس
سلوى؛؛ ادخل لهذا المحل
علي؛؛ يالا ادخلي فضيني
دخلنا وجاي ادور بالملابس عجبها بدي ولونو فستقي
سلوى؛: اخذ هذا
علي؛؛ اشو خلي اشوفو عليج
خليتو عليها
سلوى؛: حلو
علي؛؛ هو انتي سمرا وتلبسين لون فستقي تطلعين بادنجانه هههه
لحظتها هي هم ضحكت عيني ضربت بالمرايا شفت سدره بالمرايا التفت لكيتها واكفه بس ماجاي تسمع صونا واكفه وعيونها مدمعه رميت من ايدي القميص وطلعت امشي اروحلها هي شافتني مشت وعافتني ....
سدره
طلعنا لمول اتعشينا وكملنا وردت اتسوك اشويه جنت امشي والشغاله ماسكه ايد حسوني وماري تمشي كدامي
جنت ادحك وشفت علي واكف بالمحل ودا يكدر القميص على سلوى لاا وفوكها كاعد يضحك وطالعين سوى وين الهجر بالموضوع اتخبلت لووما كدام جان همجت عليها كطعتها ب باسناني هي ورجلها
شفت علي جا يتقرب عليه مشيت ومدنكه راسي رجع كسرني رجع خيب ضنوني رجع دمرني وكذب عليه
مشيت وهو لحكني وصل ليم سحبني من ايدي
علي؛؛ سدره
سدره؛؛ شيل ايدك من يمي ماريد اسمع اي صوت منك كمت اقرف منك
علي؛؛ ولج والله
سدره؛؛ كذااب انت كذاب
سحبت ايدي ومشيت
علي؛ بس خلي احجي معاج
مشيت بدون ماسمعو طلعت كبل لسياره واسوق منهاره صرت من اطلع قهري اريد اكسر احس اعصابي ترتاح صدك
وصلت البيت ودخلت لغرفتي وقفلتها وصرت اكسر بالغرفه وابجي واصرخ
سدره؛؛ اكرهك حقير كذااب والله اتحبها والله
وكعت ورى الباب ابجي
سدره؛؛ ليش ادمرني ليش اتاذيني شنو سويتلك اني شنو
ماري؛؛ ماما الله يخليج جاوبني
سمعت ويلادي يبجون وزينب وتحجي معاهم الظاهر اخذتهم لان صوتهم راح
كمت من مكاني ورحت لتختي اتمددت واني حاضنه روحي وابجي ....
علي
رجعت لسلوى واني اعصابي صارت نار
علي؛: يالا امشي
سلوى؛؛ اشو من شفتها كلبت
علي؛؛ كتلج امشي كدامي لااعوفج هينا
شلت التلفون اتصلت ب هدير كتلها تعالي وجت
هدير؛؛ اش صاير
سلوى؛:, شاف ست الحسن هينا ومدري اش
خنزرتها كبل
علي؛:يالا ورايا
هدير؛؛روح انت نحنا نجي بعدين
علي؛: احسن
مشيت وعفتهم اتصلت بمحمد
علي:::ابو قصي عفت سلوى وهدير بالمول تعال اخذهم
محمد:::شكو شبيك عصبي من صوتك
علي... ماكو شي مع السلامة
سديت من عنده
وطلعت بالسياره لبيت سدره دكيت الباب طلعت الشغاله
علي؛؛ وين سدره
شغاله؛؛ماما سدره قافل الباب مايقبل يجاوب
رحت لغرفه دكيت الباب ما تجاوب
علي؛؛ سدره افتحي الباب لاتضلين مخبله ماكو شي يضوج والله
سمعو صوتي الويلاد وطلعو يبجون
ماري؛؛بابا ماما ساده الباب على نفسها
علي::لاتخافون باباتي هسا اشوفها روحو لغرفه
رجعت دكيت الباب ماطلعت رحت جبت درنفيس وفتحت اليد ودخلت لكيتها متمدده على التخت ....
سدره
جنت اسمعو يصيح سدره من ورى الباب بس ماريد اشوفو ولاعندي طاقه اكوم اول من دخل لغرفه شافني اش امسوي استغرب
علي؛؛ هاي شنو امسويه انتي مخبله
غمضت عيوني حسيتو اتقرب يمي وحضني
علي؛: حبيبي
كمت من يمو وصرت اصيح علىَ
سدره؛: ماريدك ماريد اسمع منك اي كلمه كذبت عليه
علي؛؛ لج والله ماكذبت
سدره؛؛ انت اتحبها انت اتريدها واكف معاها واتقيس الملابس عليها وتضحك معاها وماتحبها ماريد اشوفك
كام وصار يحجي هو ابو الحق
علي؛: لو احبها جان كتلج احبها ماخايف منج افتهمتي وبعدين اني طلعت على مود هدير وهاي خبالاتج بطليها انتي جبيره مو صغيره
سدره؛؛ اتريد تثبتلي انت صارلك ثلاث اشهر هاجرها وكل هاي السنوات بينكم ماحبيتها
علي؛: اقسملج بالله يامره ماحبيت غيرج والله وهاي من حركت حسين جزت نفسي وكمت ماريد اشوف وجها كدامي والمدير مالي مسافر بس انتظر يرجع حتي انهي العقد ونسافر
سدره؛؛ ماراح اسافر معاك لواتموت
علي؛؛ ولج مخبله
كعدت على التخت وخليت ايديا على وجهي وابجي
سدره؛؛ والله انت ماتحبني تضحك عليه وبس اتقنع بيا ومانسافر
كام يضحك عليه وجا يمي
علي؛؛ هههه بس لو تبطلين خبالاتج يابعد روحي
سدره؛؛ الله ياخذ روحك
علي؛؛ هههه مو بعدين انتي تاذين
سدره؛: ماتاذه
علي؛؛ اشو شيلي ايدج خلي الله ياخذ روحي اذا ترتاحين بهذا الشي
سدره؛: عوفني ماحبك
علي؛؛ ميخالف
شال ايدي عن وجهي وكعد يمي
علي؛: ول يابا شنو هاي عيونج حبيبي هذا كلو على مود شفتني اضحك معاها
سدره؛؛ تضحك عليه انت
حضني من راسي وباسني
علي؛؛: شلون اضحك عليج قزومتي ولج انتي حبيبتي وام اطفالي والي سويتي اليه لا سلوى ولاعشيرتها يسوون ياروحي والله احبج واموت عليج
اشو هاي عيونج الي صايرين حمر من بجي الغيره
رفع راسي وباسني من عيوني ونزل على شفتي باسها ومسح دموعي
سدره؛؛ اتحبني ؟؟
علي؛: شلون ماحبج يامخبله
سدره؛: لعد على شنو ادلل هذيجه
علي؛؛ والله مامدللها هدير رادت تشتري من كافور اغراض وهي رادت ملابس واخذتها معايا يعني اعوفها بدون ملابس حتى الله يحاسبني اذا ماصرف عليها
سدره؛:اشكد مؤمن على اساس منو جان يريد من عندي قبل البارحه
خلى وجهي بين ايدو ويدحك على عيوني
علي؛؛ غير انتي حبيبتي وكل حياتي ويمج انسى كلشي
باسني من شفتي وبدون ماابادر رفع راسي كمخني على خدي بالشقه
علي؛:ماتبادريني
سدره؛؛ماا.... زعلانه
علي؛: تعالي هسا ارضيج اني اعرف شنو علاجج
كام راح شد اليد مال باب وسد الباب وقفلو وجا كمت من التخت
سدره؛: عليش قفلت الباب
علي؛: اريد ارضيج غير
سدره؛؛ماعليه
علي؛؛ بكيفج على اساس
جا علي وشالني من رجلي وزتني على التخت وكام يعض ويبوس بي
سدره؛: عوفني روح على هذيجه مرتك
كمت اضرب واحجي مسكني من ايدي وخلى شفتو على شفتي وصار يبوس بيا صرت ادفع بوجهي ماريد يبوسني بس بالتالي اكيد ضعفت وبادرتو
كام عني وصار يفتح القميص مالتو
سدره؛؛ لاتسوي شي
علي؛: خليني
سدره؛؛ لا ماريد
علي؛: براحتج
سدره؛: نومني على صدرك
رجع كام يبوس بيا وسحبني قلبني على نمت على صدرو وهو يلعب ب شعري
سدره؛: علي
علي؛: ها يروحي
سدره؛: عشت مع مرتك نفس الاحساس ؟
علي؛: يشهد الله مافديوم عشت معاها هيجي احساس اصلا جان تمسكني كابه مو طبيعيه بعد ماكوم وجنت مرات اتخيلها انتي
غفيت على صدرو حسيت علىَ سحبني صفح وهو يتلمس وجهي ويبوس بيا
بعدها ماحسيت على شي غير على دكة موبايل علي
سدره؛: منو
علي؛: اهلي
سدره؛؛ جاوبهم
علي؛: ماحاجه حبيبي اكوم اروح
سدره؛: ليش ماتنام هينا
علي؛: عندي دوام ياكلبي انتي
سدره؛: اوكي براحتك
اتعدلت سحبت موبايلي الساعه 11كام على حييلو وراح على المرايا مسح الحمر الي صارت على وجهو وشفتو
طلع من الغرفه عرفت بي رايحه لحمام لحظتها خطرت ب بالي شغله كمت عمقت الحمره مالتي
اشويه وجا سحب القميص مالتو رحت البسو هو وادكم بالقميص
علي:: لاتضلين خبله قزومتي
سدره؛: اغار عليك مو من حقي
علي؛: طبعا من حقج بس دحكي كسرتي الغرفه
سدره؛: عادي باجر اجيب احسن منهم
علي؛: يالا حبيبي محتاجه شي
سدره؛: سلامتك حبي
طلعت وراى وصلت لباب الشقه باسني من خدي من باسني من خدي حضنتو وخليت اتصير على قميصو حمره
سدره؛: احبك علوشتي
علي؛: اموت بحبج حبيبي
سلم وطلع ودخلت جوى شفت الويلاد نايمين لان همه وقتهم بالعشره ينامون طلبت من الشغاله اتروح اتنظف الغرفه واني اخذت البرنص ورحت اسبح بالحمام ....
علي
طلعت من عند سدره ورحت لبيت وصلت هناك لكيت الكل كاعد بالصاله يتعلل خواتي جانو جاين سلمت ودخلت لغرفه ابدل لحكتني سلوى
سلوى؛؛ علىي وين رحت
علي؛: يمته رجعتو انتي وهدير
سلوى؛؛ اتسوكنا ورجعنا وانت مانطيتني فلوس اخذت من هدير
علي؛: مامشكله اني انطيها بعدين
سلوى؛: بس انت وين رحت
علي؛: اني كم مره كن كتلج ماتساليني وين رحت وين رجعت مو شغلج هذا اخذي هذوله الملابس واغسليهم
شالت القميص واشتمتو
علي؛؛ شكو سالمين
سلوى؛: هاي شنو
علي؛؛ حمرة مال مره ليش
سلوى؛: وتجاوبني هم بكل صراحه
علي؛: اي اني صريح ماجذب
سلوى؛؛ علي هاي حمررة
علي؛: ههههه واني كتلج هاي حمرة كتلج غير شي
سلوى:: يوميا جاي ونايم معاها
علي؛بيها شي
سلوى؛؛ بس كولي ليش هيجي اتسوي بيا شنو سويتلك اني يوم تجي اركبتك ويوم حمرة على القميص
علي؛؛ هذا اني يعجبج يعجبج مايعجبج الباب يسع جمل
سلوى؛؛ اني بعد ماتحمل
علي؛؛اتريدين اطلكج عادي ماعندي مانع
صارت اتصرخ وتحجي على سدره رفعت ايدي دا اضربها وركضت بره تبجي وتصيح باابويا
ابو علي؛: اش صاير عمو هم تتكاونون
سلوى؛: شوف عمو ملابس علي شلون عليهم حمرة والبارحه رجع الصبح كلها علامات على ركبتو الي حد الان موجوده تقبلها
ابوعلي؛: لاوالله ماقبلها ولك علي هاي هيجي تالي تربيتي اتروح لك..... هيجي اني ربيتك
علي:: اني مارايح لك... جذابه
سلوى؛:عمو والله يروح لبيت سدره وينام معاها
ابويا اتعصب وصار يغلط ويصيح ردت اضرب سلوى ومسكوني الويلاد
علي؛؛: بس عوفوني خلي اخلص عليها
رغيد؛: كول يالله اخويا بعدين هي مرتك واتغار عليك من حقها
علي؛؛ ولج مرتي شنو ليش هي هم بشر مااااريدها ماااحبها ياناس ياعالم ياهوو ياجيران
عبير؛؛ حرررام علي حرام هذا زنا
علي؛: شوووفي لو ماتكولين لابويا لو اتكولين جدج لو اتكولين الدنيا كلها بعد محد يوكفني عن سدره
وهاي كدامج فتت جوى اخذت السويج والموبايل واغراضي وطلعت
علي؛: هاي اني رايح لبيتها صوجي اني قشمر اجي على هيجي شكول جنت نايم هسا عندها ومرتاح جيت على وجهج عليش
محمد؛: يمعود مخبل انت وين طالع
علي؛: عمري33سنه العمر جاي يمشي واكمل حياتي مع سلوى واخلي هيجي يروح فاضي لاوالي خلق محمد حررام اني اريد اعيش بالحرام
ميس؛: امسك عقد عليها وعليش تكع بالحرام
سلوى؛؛ انتي كل البلوه من جوات راسج انتي حيه
ميس؛؛. عليش حيه عيوني اشو لاانتي ولا الف وحده مثلج تكدر تسعد علي مثل ماسدوره سعدتو
علي.... بعدين مو سدره الي تخليني ازني بيها
عبير؛؛ اي صح كلامج ميس وانتي جنتي تكدرين اتخلين علي ينسى سدره ب تعاملج وسلوبج حتى اذا ماينسها لخاطر تعاملج معا يصير زين معاج
هو رجال حتى لو يتعصب ويحجي مايصير تكفين كدامه وتجاوبين كلمه بكلمه بس انتي حجى كلمه جاوبتي عشره لا تشوفينا كلنا مرتاحين وعاشين ب بيتوتنا ترى كلنا زلمنا تتعصب وتحجي بس مانكف كدامهم وقت العصيبه وبعد خمس دقايق لو ناخذ الثوب الي عليهم يكولون بالعافيه هاي سلفتج مو كدامج صار سنين ماتعلمتي منها محمد مو من يتعصب يلعب طوبه بيها وتسكت وبعد شويه يجي يبوسها كدامنا لان محترمه نفسها و سدره جانت من زمان جبيره بعيونا خصوصه اخر شي الي سوتو مع علي كبرت حييل وحتى بعيون ابويا بس اتضلين انتي بنت اخو ومايكدر يفرط بيج
سلوى؛؛ يعني انتو طلعتوني اني الي موزينه اشو اخوج مايقبل إلى حد الان اخلف
علي؛؛دانتي روحي ربي نفسج علمي نفسج بعدين خلي عندج طفل اتربينو واتعلمينو ولج انتي شايف ويلادي اشكد نظيفين هذيجه امهم فدوه لعينها
هدير؛؛ هسا انت وين رايح واشدعوه من شفتها هيجي بالمول كلب وجهك
علي؛: اني طالع واقسم بالله اذا خالي محمد عرف او ويلادو اني دا اروح على بيت سدره وعلاقتي رجعت معاها اكلب حياتكم جحيم كلكم
ابو علي؛؛ لاتروح ولك علي
طلعت بدون ماجاوبو دكيت الموبايل على سدره
علي؛: ها سدره كاعده
سدره؛: اي كاعده ليش
علي؛: جايج
سدره؛؛ اوكي....
سدره
اتصل بيا علي ماجنت متوقعه راح يجي بس من سمعت صوتو عرفت بي متعارك وصل البيت دك الباب
رحت فتحت الباب ودخل
سدره؛: اش صاير
علي؛: امشي لغرفه الويلاد نايمين مو
سدره؛؛ اي طبعا
دخلنا لغرفه وبعدها كالي
علي؛؛قبل ماروح اغسل شفت القميص ماجان بي شي شنو غايتج من اتخلين حمرة على قميصي
جاوبتو بكل برد اعصاب وبكل صراحه
سدره؛؛ غايتي اخرب بينك وبينها
علي؛: انتي تعرفين ماكو شي بينا صالح شنو هو الي اتخربي
سدره؛؛ مادري هيجي عجبني
علي؛؛ انتي هم صايره خبيثع شنو هاي سوالفج مال المسلسلات
سدره؛؛اني خبيثه علي يعني هسا ثبت انت اتحبها
واني جاي افرق بينكم موو اوكي
عفتو ورحت اتمددت على التخت وخليت المخده فوك راسي جا عليه سحب المخده
علي؛؛هم رجعنا على خبالاتج
سدره؛: شوف نفسك انت بالاول
علي؛: وشبيج هيجي تنترين بوجهي
سدره؛: اني كاعده انتر لو لان ست سلوى حجت ماتقبل
علي؛:اني ماجاي اتعارك معاج اني جاي اكولج ليش هاي الحركات الي مالها داعي وانتي واثقه من حبي الج
كمت كعدت وكمت احجي
سدره؛: اني صح واثقه من حبك بس والله ما واثقه انت ماحبيتها والدليل إلى حد الان ماسافرنا ممكن اعرف ليش
علي؛: الف مره كتلج يابشر ماحبها ماريدها
سدره؛: الله ماتحبها وعلاقتك الكامله معاها شنو بله
علي؛:اروح ل....
سدره؛: اي روح ولاتجي يمها وجاوبني على سؤالي ليش ماسافرنا
علي؛: كتلج المدير مسافر وبس يجي انهي العقد
سدره؛: اي المدير سافر على حضي
علي؛؛ شنو كاعد اجذب عليج اني
سدره؛: والله مادري
علي؛؛ اشو انتي صايره حتى حجي ماتعرفين تحجين
مو صوجي اني القشمر الي اجي عليج
سدره؛: والله الي اخرب حياتك معاها واذا عفتك اتعيش معاها فوك الخمس السنوات فلااخليك اتعيش العمر كلو مرتاح معاها
علي؛: والله الله وايدج خليني اطلكها بدون ماامي تاذه
سدره؛: اي شلون جذب مسفط امي باجر هم من نسافر هاي اذا سافرنا هم ابوك يطلك امك مو
علي؛؛: لكل حادث حديث
سدره؛؛ والله اذا مانهيت العقد باجر ابطل ماسافر واني جاي احلف
علي؛؛ شنو كاعده اتهدديني مشكلتج لاتسافرين على اساس هو بكيفج تجين معايا ورجلج فوك راسج
سدره؛:اني مو سلوى حتى تغلط عليه
علي؛: احسن شي اروح اولي
سدره؛ اي اي روح نام بحضنها
علي؛؛الله يشيلني حتى اخلص منكم
طلع من الغرفه وسمعني اكول اللهم امين رجع مد راسو وكالي
علي؛؛ عود حني راسج
راح وكمت اضحك اسمعو يصيح
علي؛؛ مخبله وربي
سمعت صوت الباب طلع كمت قفلت الباب ورى ورجعت لغرفتي ضليت افكر وين راح معقوله رجع لبيت شلت الموبايل دكيت علي
علي؛: خير
سدره؛: لاتخاف ماسال عليك
علي؛؛ لعد عليش تتصلين مو اتكولين امين حتى اموت
سدره؛ديلا مو اني نبي حتى تنقبل دعائي اشو حتى الدعاء الي ادعي ينقلب ضدي
علي؛: ليش اش داعيه وانقلب ضدج
سدره؛: شغله هسا كولي وين انت
علي؛؛ رايح على بيت نور هيثم هينا
سدره؛: اها اوكي
علي؛: هسا ماكتيلي اش كن دعيتي
سدره:: اممم
علي؛؛ وجعممم بلا امم
سدره؛: ليش حبيبي
علي؛: ترى ارجع
سدره؛؛تعال
علي؛: وعيونج اسويها وارجع
سدره؛: واني جاي اكولك تعال
علي؛ سدي هاي لفت ورجعت
سد الخط ودقايق سمعت صوت الباب رحت فتحتو لكيت واكف بالباب
علي؛: رجعت لولا
سدره؛؛ هههه احبك
حضنتو كبل وبستو
سدره؛؛ مو قصدي اضوجك من خليت حمرتي علي القميص بس اني اريدك اتعوفها
علي؛؛اني متعلم هاي مو اول عركه وفدوه. لجه يمعود
شالني من رجليه ورفعني
سدره؛: هههه اخاف
علي!؛ تعالي هينا
شالني بحضنا واني اضحك ودخلنا لغرفه
سدره؛؛ نزلني حبيبي
نزلني وباسني من شفتي
علي؛؛ حضري روحج بعد يومين انسافر
سدره؛؛ صحيح
علي؛؛ وداعت هاي الغمازه الحلوه
سدره؛؛ ههههه واخير راح نجمع من بعد ست سنوات
علي؛؛ ههه ان شاء الله ياكلبي انتي يالا تعالي اريد انام باجر عندي دوام اكمل البرنامج وانهي كلشي واجيج
رحنا نمنا ونمت بحضنو واكيد الليل كلو يتلمسني ومرات احس علىَ جاي يبوسني
صار الصبح كعد قبل ماالويلاد يكعدون
غسل واتريكنا وبوسني وطلع
رجعت اكمل نومتي نمت كعدت بل 10
دك التلفون عليه رقم غريب واني طبعي اجاوب على الرقم الغريب عادي
سدره؛:الو
المتصل ؛:بالاربعه العصر اشوفج ب ......
عرفتو هو كمت ارجف خفت حييل
سدره؛: عبدالله الزفت اشجابك يمي
مااكررر
سد الموبايل واعصابي كلها ترجف كمت اصرخ علىَ
سدره؛: الووو عبدالله النذل جاوبني
لحظتها دخلت ماري وشافتني احجي بالتلفون
ماري؛؛ ماما شبيج
وكعت على التخت ابجي اشجابو ياربي على اربيل اشجابو بس اريد اعرف
اتقربت عليه ماري تمسح بدموعي
ماري؛: مامي انت يمته اتبطلين تبجين واشوفج دايمن فرحانه
سدره؛؛ لاتخاف ياامي مابيا شي
ماري؛: بس اني انقهر عليج اشوفج بس تبجين
سدره:: لاتنقهرين عليه اني بخير روحي العبي مع اخوج
ماري؛: ماما منو جان يحجي معاج
سدره؛: محد حيااتي روحي
راحت ماري رجعت ادك على الخط طلع مقفل ضليت حابسه روحي بالغرفه وكلشويه اروح وارجع وافكر اروح لو لا
اخر شي قررت اروح رحت لكنتور طلعت ملابسي بدلت وسحبت سويج السياره ورحت ....
اماني
بعد ماطلعنا من الموصل بخير وسلامه الحمدالله استقرينا ب اربيل وحياتنا ماشيه
طلبت من صهيب ياخذني على بيت سدره اروح اشوفها
بدلت وبدلت لويلاد وطلعنا دكيت الباب صهيب وصلني عليهم فتحتلي الباب الشغاله
هلو وين سدره
ماما سدره راح
اوكي ويلادها هينا
اي اتفضل
هههه تحجي مكسر ماتعرف تحجي عربي فلبينيه لان
صهيب:: ها حبيبي اتروحين لو تضلين
اماني؛: لاحياتي راح اضل بس اخذ ابني لؤي معاك وعوف سدره عندي
صهيب؛: ماشي يالا بابا لؤلا امشي انروح افتلك
دخلت جوى وطلعتي ماريه بنت سدره تركض
خاله امونه جيتي عدنا
اي حياتي جيت تعالي ابوسج
بوستني واني بستها
اشو امج ماكو ليش
والله ماعرف جاها موبايل وركبت السياره وراحت وماكالت
اخاف طلعت مع ابوج
ابويا هو غير ملتهي ب مرته العوبه شفناهم بالمول وماما انقهرت واتعصبت وبس رجعنا دخلت لغرفه كسرت كل اغراض وجانت تبجي واتصيح
اووف ياربي ليش هيجي صار بيهم وين حسوني حياتي
اي تدللين كاعد يلعب بالتاب
راحت صيحت حسوني وجا يركض عليه ويبوس بيا فدوه ينكرطون واشويه وسدره اجت اتسالمنا واتباوسنا اني وهي احسها حييل تعبانه صيحت ماريه وكالتها اخذي سدره الاصغيره معاج لعبيها ورحنا اني وهي لغرفه
سدره الي مته اتضلين بهذا حزنج كولي
اماني حزني مايروح يكبر يوم بعد يوم يوميا اتخليو نايم بحضنها واتبوسه ويبوسها ويسوي معاها الي جان يسوي معايا
بس سدره خلص انسي علي عاش حياتو وانتي هم لازم تعيشين
شلون انسى شلون امونه فهميني حبنا اني و علي ماينسى ابد ماينسى
بس هو نسى نسى ياسدره افتهمي هذا الشي اخوج غلط غلطه ماتنغفر وانتي دفعتي الثمن عرفتي انتي
كامت اتصيح وتبجي
مو مختار مو مختار الي سواها هذا الشي يااماني عبدالله عبدالله هو الي سوى هو الي دمر حياتي وحياة جنات
هو الي حرمني من علي 16سنه واني كاتمه هذا السر بكلبي هو الي جان يتحارش بيا هو الي فرقنا اني وعلي
والي صار مع جنات ولؤي هو السبب افتهمتي عليه شنو دا اكول عبدالله مو مختار مختار ماله ذنب
ضليت مصدومه من كلامها سدره شنو تحجي اش دا اتكول ليش ماحجت ليش ماكالت ليش ماوجهت
16سنه وهي كاتمه هذا السر بكلبها.......
وكعت بالكاع تبجي وتضرب على راسها واني بعدني بصدمتي
سدره؛: اتخيلي لؤي ماات ب سببي عبدالله كابوس ماجاي يطلع من حياتنا اماني راح اموووت ررااااح اتخبل
اماني؛؛ انتي اشكاعده تحجين سدره عبدالله ليش هيجي يسوي معاج وبعدين عبدالله انفقد ب سوريه موو
سدره؛:ولي يانفقد يانفقد عبدالله امير ب داعش وهسا انهزم منهم وهسا رحت شفتو
مسكتها من ياختها وصرت اخض بيها
اماني؛؛ انتي مخبله اكيد سدره شكو بينج وبين عبدالله الي اتضمين هيجي سر وليش اتروحين اتشوفي اصلا ليش زين منين كدر يتواصل معاج
سدره؛: ماعرف اماني ماعرف
اماني؛؛ اش راد منج زين شلون كتل لؤي مو لؤي مات على ايد اخوج وكدام الكل
سدره؛: اتصل بيا قبل كم ساعه وكالي تعالي ب مكان ...
. بالاربعه العصر
جنت خايفه ومتردده بس بالاخير قررت اروح وصلت المكان الي كال علىَ رحت كعدت اشويه وجا لا عبالك هذاك عبدالله الداعشي
لابسه وكاشخ وجا كعد يمي مجرد شفتو رجعت ارجف ضحك ضحكتو المقرفه وكالي
عبدالله؛؛ هيجي سدوره بدون ماتكولين شلونك شخبارك
سدره؛؛ ش شتريد
عبدالله؛: اني كم مره كتلج اني ماراح اعوفج ابد المهم كن احلويتي مبين حبيب الكلب جاي ينام عندج بالشقه
سدره؛: سلوى الجلبه الي كاعده تحجيلك كل هذ الشي
عبدالله؛: هههههه سلوى شنو شايفه هاي اربيل الي كدامج اعرف بيها شبر شبر
سدره؛؛ شنو اتريد من عندي ليش ماتعوفني بحالي
عبدالله؛؛الصراحه اني شفت بنتج كن كبرت وصايره حلوه لهذا كلت اشويه اخلي بنتها عندي بين ماتغير رايها امها
سدره؛؛ا ان انت شنو ت تقصد
عبدالله؛: يعني لو تجين معايا لو بنتج بمكانج
سدره؛ ياحقير ياجلب والله الا اخبر الاسايش عليك
عبدالله؛:هههه حبيتها
خلى ايدو بجيبو وطلع هويه من جيبو اسمو كردي ولاده اربيل اتخبلت شنو من بشر هذا يالله
عبدالله؛: هسا شفتي بعينج حبيبتي حتى كردي صرت احجي فول لهذا اختاري خلي انسافر
سدره؛: ماجاي معاك دقيقه وحده مستحيل بعد الي سويتو بيا ماتخوفني وشنو اتريد اتروح سوي سوي
عبدالله؛:هههه وانتي كتيها الي سويتو بيا يعني اني اكدر كلشي اسوي بيج فحضري روحج بعد يومين اشوفج ب مطار اربيل
كمت حتى امشي وكفني من كالي
عبدالله؛: لاتكولين ويلادي مايطلعون من البيت وماتكدر اتسوي اخذهم من حضنج ترى ها وقبل مانسافر اريد اتونس
سدره.... عبدالله عندي فلوس وذهب وسيارتي موجودين اخذهم كلهم وروح حتى سفرتك على حسابي اطلع لتركيا وابتعد عني الله يخليك دمرتني انت
عبدالله... ههههه بحال فلوسج اني بس يالا مامشكله مايرد الكريم الأ البخيل حضريهم من نسافر اخذهم
اماني:؛؛ الله يشيلك ياحيوان ولي سدره اش سويتي برووحج اش سويتي فهميني
سدره؛: اماني اتصلي ب صهيب اني ضعت اتصلي بي خلي يجي هو هذا السر الي بينا وبين صهيب الي جنت دائمن تسالنا ونحن مانكولج الحقيقه هو هذا السر الي دمر حيااتي
كمت اصرخ واضرب على وجهي وصل بي لدرجه يهددني ب بنتي وصلت بي درجه يريد يغتصب بنتي وهي بعدها طفله
اماني؛: سدره الله يخليج كااافي بس
سدره؛: يعرف هو يعرف كلشي كتلج
اتصلت اماني ب صهيب واسمعها
اماني؛؛ صهيب تعال هسا على بيت سدره
اماني؛ماصاير شي بس تعال ب ساع
رجعت عليه اماني تحضني واتهدي بيا واني بعدني اعصابي منهاره
اشويه واندك الجرس ودخل صهيب يصيح اش صاير
اماني؛؛ صهيب تعال نحنا هينا
صهيب؛: شبيها سدره
سدره؛؛ صهيب رجعت على نفس النقطه
خليت ايدي بحلكي وصرت اعض بيها وارجف سحبو ايدي من حلكي وحضني صهيب
صهيب؛: بس كوليلي اش صاير
سدره؛: بنتي يريد بنتي صهههههيب ماري راحت
اماني؛: صهيب عبدالله رجع
مسكني من كتوفي قوي ويسالني
صهيب؛؛ صحيح الي جاي اتكولو اماني
سدره؛: اي اي صحيح
صهيب؛؛ بنتج مقابل شنو
سدره؛: اذا ماسافر معا راح يعتدي على ماري
صهيب صار عصبي ويحجي معايا وهو صاك على سنونو
صهيب؛: هلمره الوضع اختلف وجا اليوم الي تنكشف بي كلشي افتهمتي ياسدره اذا ماحجيتي كلشي لعلي راح اروح بنفسي احجيلو على كلشي صار من 2001 الي 2017 احجيليو على كلشي صار بهاي 16السنه
لو اعرف راح تخرب الخوه الي بيني وبيج لو اعرف اهلج يذبحوج راح تنكشف الاوراق افتهمتي كااافي كااافي تبجين واتضلين جبانه هاي دموعج مااتفيدج
سدره؛:انتو اصدقائي ورد فعلكم جان جبير شلون اش راح يصير بي فهموني
اماني؛؛ خلي شنو يصير يصير ونحنا معاج عبدالله لازم ينمسك سدره وياخذ عقابو فكري باخوج اشويه الي كل مايصير طاري لؤي يذكرون اخوج هو القاتل
لحظتها دك موبايلي علي دا يدك عليه
سدره؛: هذا علي
صهيب؛؛عوفي لاتجاوبي
اماني؛؛ لا لا خلي اتجاوب لايروح يجي ويشوفها هيجي جاي تبجي
صهيب؛؛ اسحبي نفس وجاوبي
سدره؛ اني وعلي رجعت علاقتنا
اماني؛؛ شلون يعني
سدره؛:حتى دا ينام عندي واني طلبت من عندو انسافر بدون ماحد يعرف
صهيب؛؛ هو شنو كالج
سدره؛: هو فرح حييل وكالي بس انهي العقد مالي وانسافر هاي الكم يوم
رجع دك مره ثانيه سحبت نفس وجاوبتو فتحت مايك
علي؛: ها حبيبي الحلو
سدره؛؛ هلا علي
علي؛: شبيج زعلانه بعدج يابا حقج عليه ارضيج بخبر حلو
سدره؛؛ اي
علي؛؛ اني نهيت العقد وباجر الساعه 7الصبح طيارتنا كلشي كملت
سدره؛: صحيح تحجي
علي؛؛ شبي صوتج كن بجيتي
سدره؛: ها لا جنت نايمه
علي؛؛ اشو احسج مافرحتي
سدره؛؛ امبله فرحت بس خايفه
علي؛؛ لاتخافين حياتي اذا اتحبين روحي لهلج هليوم شوفيهم بس بدون مايحسون
سدره؛؛ اي اذا خلصت شغلي اروح
علي؛: براحتج قزومتي محتاجه شي.
سدره؛؛ سلامتك حبي
بعدها اتسالمنا وسديت التلفون
سدره؛؛ اني ماراح احجي كلشي لعلي راح اسافر معا وهاي هيا
صهيب اتعصب وكام يصيح عليه
صهيب؛: والله والله هذا الله فوكج لو اتروحين لمريخ راح يلحكج عبدالله اني كتلج سدره اذا ماحجيت لعلي على كلشي اني راح احجي يالا امشي اماني
اماني؛ بس ماكدر اعوف سدره وهيجي حالها
صهيب؛: طبها مرض امشي صار عمرها 31سنه وماتعرف تصرف
خليت راسي بين رجليه اني وابجي وارجف
سدره؛: لاتعوفوني وحدي اني تعبت لاتعوفوني مابعد اكدر احارب وحدي خلصوني خلصوني من هذا الهم روحو كولو لعلي خلي يساعدني
حضنتي اماني وتبجي معايا
اماني؛؛ يعمري ياحياتي الله يكون بعونج كاافي والله مانعوفج وحدج علي ماارح يتخلى عنج صدكي
كمت اضرب على وجهي واماني تمسك ايديا
سدره؛: بياوجه اكولو كولي امونه اش اكول اش احجي بعد 16سنه اجي اصارحو بالحقيقه
اماني؛: عبدالله ماراح يعوفج سدره هسا نحنا الي صرنا اعلى من عندو علي راح اتصير عندو رده فعل اكيد بس مجبورين نتحمل
اخذتني وغسلت وجهي اشويه وشافوني هديت حجو معايا وراحو
ضليت بقلق وتفكير وخوف بين اصارح او لا كمت رحت لغرفه الويلاد لكيتهم يلعبون بالتاب
سدره؛: ها ماماتي ليش مانمتو
حسوني؛: ماما ساعه 9بعد تعالي احجيلنا قصه الله يخليج
سدره؛: تعبانه حياتي
حسوني؛:حبابه مامي
انقهرت عليهم رحت اخذت التاب من ايدهم واخذتهم لحمام وبعدها فرشو اسنانهم وراح كل واحد لفراشو
سدره؛: شنو اتريدون احجيكم
ماري؛؛ احجيلنا من اني جيت لدنيا
سدره؛:اي
وصرت احجيليهم شنو ماري جت لدنيا وحسوني كل اشويه ماما احجيلنا شلون اني جيت لدنيا حجيت لحسوني بعدها نامو
ضليت نص ساعه اصفن عليهم وبعدها كمت لميت ملابس حسوني وماري بالجنط
ورحت لغرفتي لميت ملابسي وكل اغراضي المهمه
ضليت الليل كلو اتكلب إلى حد مااذن الفجر كمت اتوضيت وصليت وطلبت من ربي يساعدني
شفت تلفوني يدك رحت علي جاي يتصل
سدره؛: هلا حبيبي
علي؛: صباح الخير كبدي
سدره؛: صباح النور حياتي شلونك
علي؛؛ انتي الي شلونج ضل بالي يمج البارحه شنو جان بيج
سدره؛: اشويه جنت تعبانه
علي؛: حضرتي اغراضج جاهزه
سدره؛؛ اي كلبي حاهزه
علي؛؛ جايج حبيبي اني
سدره؛اوكي
سديت من عندو ورحت كعدت الويلاد والشغاله فهمتها من البارحه وانطيتها تعبها
ماري؛؛ ماما وين انروح
سدره؛: جا اليوم الي نجمع بي اني وابوج حياتي
ماري؛: شنو يعني
سدره؛؛ كومي ياامي بدلي يالا زينب انتي هم اتحضري حتى ترجعين لمكتب وانطي هاي الرساله لهلي باجر
حسوني؛؛ ماما عليش انبدل
سدره؛؛ راح بابا يجي ياخذنا هسا يالا كاافي تسالوني حبيبي
كامو الويلاد بدلو سمعت الباب يندك رحت فتحت الباب علي
اتصافح معايا وبوسني
علي؛؛ يالا حبيبي ماضل وكت على الطياره
سدره؛؛ هسا حياتي بس شوفلي ماري وحسوني
علي؛ اوكي
رحت بدلت وحضرت نفسي لكيت علي ماسك ماري من ايد وحسوني من ايد ثانيه
علي؛؛ يالا ماما نحنا حاضرين
سدره؛؛احبكم يااحلى شي صار بحياتي
علي؛: الايام الحلوه بانتظارنا سدورتي
ابتسمت ومسكت ايد ويلادي وسحبنا الجنط وطلعنا وسدينا الباب ......
