رواية لبوة الحياة الفصل الثالث والعشرون بقلم ساره العبيدي
جوري: الو زياد. شنو هذا تصرف ليش هيج مسوي بياسمين يعني هاي الامانه هيج سوي بيها لا عبالك ماعدها احد ترا كلنا موجودين وبيتي قبل بيت اهلي يحتويها وشغله ثانيه مشاكل مهما تكن مايصير تسب ابويه هو شدخله جاي يمك متكاون وياك جنت معتبرتك بمقام اخويه الجبير لكن مع الاسف
زياد: خيتي انطيني مجال افهمك اول شي اني عصبت وهيج حجيت واني اسف لان غلطت بحق عمي بس ياسمين صايره تدخل ولسان واني مايعجبني لمريه تدخل وترفع صوتها
جوري: والله ياخويه هيه ماغلطت شافت صورة لبنيه لي اجت وسوت مشكله وانت حلفت ماعندك شي معها هسه شجابها عليك من حقها تسالك انت زوجها ولها حق عليك.
زياد': على عيني وراسي بس اني تعبان وهيه تعرف شكد جنت تعبان خلي تنتظر ارتاح عود تسألني. مو تجي تريد تتكاون اني طلعت خلكي وتعبي بيها
هسه اجي اخذها
جوري: لا تجي هسه ولا شي خلي ترتاح عود الله كريم
زياد؛ شنو تطرديني من بيتج
جوري: لا خويه على راسي ماطردك تريد تجي بي وكت حياك الله بس ياسمين ماترجع هسه تعبانه ولي سويته انت مو شويه
زياد:: تمام اجي ويه أسيد وافهمكم الموضوع واني حاضر لاي حساب
جوري: الله كريم خويه يلا اترخص مع السلامه
سديت الخط وحجيت وياها شوفي ياسمين ممنوع ترجعين ويا مو كبل تركضين خلي يعرف قيمتج يتندم على كل كلمه نطقها ابقي اهنا هذا بيتج فهمتي لو لا والله اذا رضيتي بسرعه بعد ما احجي وياج فهمتي لو لا
ياسمين: خلص فهمت مارجع اني اصلا مارجع هيج يسوي بيه تردين ارجع ويا
جوري: اي خطيه ماترجعين ماعرفج اني ههههههه كومي ارتاحي كومي
لليل اجه أسيد ويا زياد.
أسيد: السلام عليكم عمي هو جوري مو حاملها نوب ياسمين معها الله يكون بعونك يا أسيد ههههههه معي ضيف
جوري: وعليكم السلام شنو قصدك مانحمل بسيطه خلي يدخل ضيفك هسه نتحاسب بعدين
دخل زياد ويه أسيد وكعدوا يحجون واني كمت حضرت صينيه عصير وكيك وفواكه وكرزات
صحت أسيد كتله انت شيلها
جوري: اسيد أسيد تعال
اسيد: نعم حياتي
جوري: لا حياتي ولا بطيخ حسابك بعدين شيل صينيه مكدر اني
شال صينيه واني كدامه امشي واضحك عليه يلا بنتي امشي زين لا توكعين ههههههه
أسيد: ترا هسه اوكعها اسكتي احسن
دخلنا للاستقبال لكت ياسمين بصف زياد
جوري: لا حلينا سالفه اني شنو حجيت بله ساعه افهم منو
زياد: خيتي والله العظيم ماعندي شي وياها وحتي اسيد شاف محادثات وهيه دز وكل ما احظرها من حساب تطلعلي من. جهه ودام زعلت هالعيون باجر اروح لاهلها واسيد وياي واحذرها واحذرهم اذا اتصلت عليه
جوري: اذا أسيد وياك لا كملت شغله اني شنو يضمن لي ما اثنينكم تخونون ومتفقين علينا
أسيد: زياد يخون اي بس انا مستحيل محد تعب بكدي ماخونج لو اموت
زياد: هاي شبيك. توني حبايب كلبت هسه عليه
كملنا تعلوله ضحك وشقه وماقبلنا يرحون باتو يمنا وخليت ياسمين يمي كتله عود باجر تعال اخذها
أسيد راح شغله وزياد. طلع ويا
بقينا اني وياسمين كملنا ريوك وشغل وكعدما نرتب بنفسنا لان اني مابقه شي لولادتي بعد كم يوم اطب بشهري وكعدنا وحده تسوي شيره للثانيه وحفينا وصرنا كيك
طبيت سبحت وهيه وراي وحضرنا الغده واسيد ما اجه بقه بلمحل لليل اجه اسيد وهم زياد اخذ ياسمين ماقبل تبقه امممممم من زلم
راحو وعشنا اني واسيد. أحلي ليله بحياتنا
مرت الأيام عاديه يملؤها الحب والهدوء
اني واسيد صرنا قريبين من بعض هو كلش حنون ومايرفض لي طلب اهله واهلي محد سال ولا اجه علينا
طبيت بشهري جنت كلش خايفه لان محد وياي لو بيبيتي وياي اخ جان هسه ماعافتني وحدي
أسيد من طبيت بشهري رجع خطيه مايخليني اشتغل شي ويوميه نطلع نتمشه حتى لو رأس الفرع المهم. يمشيني ههههههه ابتلئ بيه بعد.
كنت نايمه اني واسيد ب3 بااليل حسيت باوجاع اسفل بطني
جوري: اسيد أسيد كوم يجوز ولادتي كوم
خطيه كبل فز
أسيد: جوري صدك. تحجين بشنو تحسين احجي ولج شبيج
جوري: شبيه غير احس بوجع جاي يزيد. راح اولد. كوم حظر. جنطه مالتي بلكنتور جيبها وعباتي
جاب اغراض ولوجع يزيد عندي وهو خطيه محتار يلزمني يهدأ بيه لو يحظر سياره والاغراض تحملت وجع وكمت سبحت وخليت عطر وهو حظر سياره والاغراض
صعدنا ورحنا للمستشفى فحصتني دكتوره كالت بدايه ولاده انتظري ساعه تعالي من يشتد الوجع
بقى أسيد بلحديقه يمشي بيه واني متت مابيه بعد حيل انتهيت
رجعنا للدكتوره واني اصرخ من وجع مابيه بعد اتحمل شئ احس روحي جاي تطلع
طبيت لصالة لولاده واسيد يقرا ايات عليه ويهدا بيه وحظني ورحت
ماطولت ساعه ههههههه متت
أخيراً نورت الدنيا سلسبيل وطه
أسيد ماعترض على طه لان على اسم خالي بس ماعجبه اسم سلسبيل يكول مايلفظ ههههههه
طلعنا للبيت لان الحمدلله مابيه شي ماكلت لياسمين خطيه لان حامل خفت تخاف من هسه يصير شي عليها كتله خلي يمر اسبوع عود انطيها خبر
هاي الفتره كلها أسيد يداريني عاف لمحلات على حسام وصديقه حسن
صدك عوضني عن أهلي بعد الاسبوع خبرت ياسمين واجتي تبجي وزعلانه لان ما كلت لها
جابت هدايا لهم مال اطفال وخلت مبلغ بسيط
بقت يومين يمي لان زياد بدوام
ماحجيلكم عن تعب اثنين براسي صاروا وابوهم ثالث 🤦🏼♀️
قررت افاتح أسيد بموضوع اكمل دراستي بس يجي من شغل
اجه بالليل جهال نايمين حضرت العشا له
واتعشه وكمل وجبت الشاي حبشكلات ههههههه حتى يقتنع
جوري: اسيد اريد اطلب طلب منك حباب فدوه وافق وها اذكر وعدك لي هم قبل ماتنطي جواب
أسيد: احجي بلا هاي مقدمات شكو شصاير
جوري': انت مو وعدتني اكمل دراسه هسه اني حققت حلمك وزوجتني وجبتلك وردتين خلي اكمل هسه اجه دورك عفيه حباب
أسيد:: شنو خو ماكو شي شذكرج هسه بله
