رواية لبوة الحياة الفصل الرابع والعشرون بقلم ساره العبيدي د
#لبوة_الحياة
البارت الرابع والعشرون____25___ألاخير
@أبرز المعجبين
لا تجبروا احداً على اعتناق ارواحكم فالحب مثل الدين لا أكراه فيه 😍
أسيد: خو ماكو شي شذكرج هسه بلمدرسة
جوري: فدوه حباب انت مو وعدتني انك تخليني اكمل دراستي عفيه فدوه الله يحفظك
أسيد: زين نفترض خليتج تكملين جهال منو يمهم منو يهتم بيهم ياحبيبتي خلي نأجل الموضوع هسه
جوري: جهال انت مو تحبني وهم اطفالك ساعدني بيهم ههههههه عفيه فدوه لخاطر حبك لي وافق
أسيد: تلزميني من ايدي توجعني ماشي منا لوكتها الله كريم
جوري: فدوه الكلبك حبيبي شكرا هسه راح اروح انام لان تعبت من جهالك
عفته ونمت وهو اجه بصفي وحضني بقى يبوس بيه وحاضني الي ان غفينا
كعدت الصبح لكته كاعد هو وجهال يناغي لهم رحت سويت ريوك لاسيد وغسلت لجهال وسويت لهم حليب أسيد تريك وطلع وجهال ناموا الحمدلله عاقلين بس يكعدون ياخذون مميه واغير لهم وينامون
اني رحت انظف البيت واحظر الغده
مرت ايامي بهدوء أسيد كل هاي الفتره عوضني عن اهلي كلهم
كلش سهل وحباب ومايرفض لي طلب
ياسمين خطيه حملها كلش متعبها كلشي تاكله ذبه علاقتها بزياد زينه الحمدلله
دائما نتخابر احنا مو خوات بس لكن صديقات أكثر
اهلي وأهل أسيد ما اوصل لهم بس امه اوقات تتصل تغلط وتمل وتسده
اوقات افتح خط واعوفها تحجي واروح أكمل شغلي
رجع أسيد بعد المغرب من المحل تعشينا وكملنا جبت شاي له جان يكول
أسيد: حبيبتي اني اعرف ماتروحين لأهلي واني مانعج مو انتي لكن امي خابرتني خطيه تريد تشوف جهال مهما يكون تبقى امي خطيه عمري باجر نروح عليهم يومين ونرجع
جوري: براحتك أسيد بس انت تعرف أمك ماتحبني معرف ليش بس تغلط عليه
أسيد: ميخالف حياتي لخاطري اي شي تحجي ماعليج بيهم احنا مارايحين نتكاون نغير جو ونرجع
جوري: ماشي أسيد بكيفك لتشوفه أنت
أسيد: فدوه الكلبج حبيبتي الغالية
ثاني يوم كعدت الصبح لكته كاعد هو وجهال حضرت ريوك لاسيد وغسلت لجهال وسويت لهم حليب وحضرت اغراضنا وطلعنا واسيد كل طريق يغني وأخذ فواكه لهم
وصلنا وطبينا لهم لكنه عمي وعمتي ولبنات كاعدين
وكف عمي بوجهنا وأخذ طه
عمي: هلا بلغوالي هلا بجهال الغالي نورتوا بيت جدو
جوري:هلا بيك عمو شلونك شخبارك
أسيد: هلا يابه شلونك شخبارك
عمي: هلا بيكم ولدي
ولبقيه فرحانين بيهم ويباركون لنآ
الا زوجت عمي مو عاجبها عجب أسيد سلم عليه وخله سلسبيل بحضنها
واجيت سلمت عليها دارت وجه عني
عفتها وكعدت يمهم
شسويلها والله مامسويه شيء بيها بس معرف ليش تكرهني
عمتي: اي ست جوري ليش كاعده غرفتكم فوك نفس ماهيه روحي خلي اغراضكم بيها ونزلي ساعدي بنات لو متعلمه على جاهز
جوري: اي عمه هسه رايحه اساعدهم ليش معرف اصلا بيتي اني اطبخ مامتعلمه على جاهز
عمتي: اي خوش لعد كافي تحجين روحي ساعديهم بالغده
صعدت للغرفه طبيت ريحتها كلش مو طيبه تخنك معرف ليش فتحت شباك وخليت اغراض جهال وملابسي بلكنتور تفاجأت بلكنتور مرشوش بي شئ ماعرفه كلت يجوز لان صار زمان محد منظفها هيج صار
عفتها ولبست ملابس بيت ونزلت اساعد البنات حضرنا الغده وكملنا تنظيف وصعدت للغرفه وسبحت لكت أسيد لازم جهال ومسويلهم مميات
جوري: فدوه لليساعدني اسودي تعبان تنام لو تبقى كاعد
أسيد: لا عمري اذا تعبانه نامي
مشطت شعري واجيت اريد انام استغفر الله هم لكت شئ على الفراش
جوري: أسيد أسيد تعال شوف شنو هذا على الفراش
أسيد: عمري شنو شكو
جوري: معرف شنو هذا على الفراش وصخ معرف بي شئ
أسيد: عمري ماكو شئ شيلي جيبي غيره ونامي
غيرت الفراش ونمت واني بالي الف حسبه ليش هيج وشنو هذا اوف اوف نزلت دموعي لو بيبيتي موجوده جان علمتني شسوي وشصرف ما مرتاح قلبي لهاي سالفه ابد
نمت كعدت العصر ولكته نازل ومنزل اطفال والله راح يعلمهم عليه مايبجون غير ركض عليهم شالهم 🤦♀️🤦♀️
كمل اليوم عادي عمتي واكفه على حرف وياي ما احجي سالفه الا ترد عليه
صعدنا للغرفه ونومت جهال واسيد معرف شبي شو كوه يحجي وياي شسالفه اليوم شصاير كلش مامرتاحه
كعدت ثاني يوم الصبح سبحت وغيرت للجهال ونزلت جوه لكتهم كاعدين يتريكون كعدت وياهم
كملنا ريوك وكل واحد راح لشغله بقينا بنات
عمتي اخذت جهال واني رحت اساعد البنات بشغل
صعدت اشوف عمتي وين راحت بطه وسلسبيل لكتهم نايمين و عمتي بالغرفه تبخر بيها
جوري: عمه شنو هذا يخنك ليش بغرفتنا جهال خطيه صدرهم
عمتي: انجبي بنت الفكر قابل شنو هو بخور حتى تصير ريحة الغرفه طيبه احسن من خيستج
عافتني وطلعت واني مجاي ارتاح من اجيت لليوم مامرتاحه احس اكو شي جاي يصير
اجه أسيد وعمي وحضرنا الغده واني سويت زلاطه و البنات فرغوا الغده
صبيت الشاي رحت اقدم لهم اخذ أسيد وعمي
وصلت لعمتي جاي اقدم لها اخذت الشاي وصبت على ملابسها اني نصدمت جاي تسوي هاي
عمتي: عمه بعينج ماتشوفين ليش هيج تردين تاخذين حقج تحركيني ولج حسبي الله ونعم الله بيج الله لا يوفقج لحكوني
أسيد: عمه عمه ماتشوفين شبيج صرتي ثوله كومي يمه بنات جيبو مرهم شي امي
عمي: يمه ليش هيج اعتبريها بمكان امج مايصير تسوين هيج بيها
جوري: كعدت ابجي والله عمو ماسويت شي هيه وكعته مو اني والله هيه ليش انا اسوي هيج بيها
عمتي: نوب جذبيني تتهميني هيج امشي ولي عني عود معتبرتج بنتي
عفتهم وصعدت فوك مصدومه والله العظيم مو اني هيه شنو لتريد توصل له حسبي الله ونعم الوكيل بيج بكد امي وهيج تتصرفين
صعد أسيد ونار بين عيونه
أسيد: ولج شلون هيج سوين بأمي ماتستحين اني اكول عاقله تالي طلعتي من جوه لجوه مثل الحيه
جوري:: أسيد صدك تحجي يعني انت مصدك صار اني سويته معقوله شنو ماتعرفني ليش أمك من البدايه ماتحبني معرف ليش
أسيد:: امي لو انتي لي مامتحمله تشوفيها هسه بس صارت الج فرصه حركتي رجلها لعد لو وحدج شنو سويتي بيها
جوري:: أسيد خاف الله لا تفوت حضك بيه والله العظيم انا ماسويت هيج هيه أخذت شاي صبته على نفسها حتى تكول اني سويت هيج وتتهمني كدامكم
أسيد:: انجبي لسانج بطلي ماريد اسمع صوتج فهمتي لو لا يلا ولي كدامي انزلي اعتذري لها
جوري:: راح انزل حسبي الله ونعم الوكيل ماكول غيرها راح انزل وحوبتي يم الله
اجه لزمني من ايدي وضربني راجدي
أسيد: شنو ولج تتحسبين عليه انعل واليدج فهمتي لو لا يلا نزلي حيوانه
نزلت واني ابجي مصدومه معرف اباوع لتصرف عمتي لو لتصرف أسيد لي انكلب 180 درجه احس نفسي بحلم مجاي اصدك شوكت اكعد منه
اعتذرت منها وبست رأسها وصعدت بقيت لليل مانزلت بس ابجي على حظي وعلى بيبيتي عافتني وراحت ماكالت منو لي من بعدها اخ شكد محتاجه وجودها
استاذ أسيد ولا سأل عني ولا عن اطفاله
اجه من راد ينام
أسيد: شبيج كاعده تلطمين انطمري ونامي
جوري: تريد تنام نام منو يمك
أسيد:: لا اريد حقي يلا لو بس بيج لطم محد يغلبج
جوري: أسيد ليش هيج تتصرف وياي سامع شي بدر مني شي
أسيد:: لا مابدر شئ اني مزوجج اريد حقي لو تردين ازوج عليج بكيفج
تقرب عليه وشكك ملابسي ويضرب بيه مثل وحش يهجم على فريسته اني احجي وابجي وهو ولا يمي اخذ حقه وراح سبح نار بين ضلوعي معقوله ياربي جاي يصير حتى ما اعتذر لي ولا أهتم اصلا نام وعافني
ثاني يوم نزلت لكته كاعد يتريك ويه عمتي
عمتي: اي جوري خاتون نومج للظهر لعد شوكت تكملين شغلج
جوري: بعد وكت ماصارت حتى ساعه 9
عمتي: عفيه لسان شطوله بس ترادين بلحجي
أسيد: ست جوري حظري نفسج لان زواجي قريب
جوري: شنو قصدك مافهمت
أسيد: راح ازوج يعني حظري روحج شنو احجي كردي مافهمتي
جوري: شنو تزوج شنو حظري نفسج منو كالك اقبل اني
أسيد: هههههههههههههه وانتي شنو قبلتي او رفضتي حيوانه وكاعده اصلا معرف شلون حبيتج وكتلت نفسي عليج
عمتي: مو حجيت بس مافاد يلا هسه احنا بيها والله ازوجك سيد سيدها
جوري: عمه حرام عليج هيج سوين ترضيها على بناتج خافي الله
أسيد: شلون تحجين ويه امي واني واكف هيج
ضربني وطردني كبل صعدت اخذت جهال ونزلت ركض كل عقلي راح يجي يركض وراي بس ولا مهتم بروده خبلني شنو صار بهاي يومين ليش تغير ربي ساعدني ماعندي غيرك يعلم بوضعي
اجرت سياره ورجعت للبيت حاسبت السايق ونزلت
طببت جهال للصاله نومتهم كعدت ابجي والطم حظكم مثل امكم باجر على منو تفرحون لو تحسون بسعاده
مر الوقت اني مادري شوكت صارت الساعه كمت شفتها لكتها ب2 ظهر
سويت مميات للجهال وغيرت لهم ورحت خابرت ياسمين تجي العصر عليه
رحت للكنتور طلعت ذهب ولفلوس خليتهم بجنطتي كلت كلشي يصير خاف يطردني وين اروح وعندي جهال اثنين على اقل ادبر روحي بيها
اجت ياسمين العصر وحجيت لها صار ماصدكت أسيد هيج يسوي أكيد اكو شي غلط بلموضوع
وخليته تخابر زياد لان بدوام وحجيت ويا اخذت عنوان حسن صديق اسيد منه ماكو غيره يساعدني لان هو اقرب شخص له
كلت تأخر الوكت المغرب اذن ماترهم اطلع هسه خليتها ثاني يوم كعدت على صوت الباب
طلعت لكته أسيد
اسيد:: ست جوري اجيت اكلج زواجي بس تكمل امي ترتيبات فأنتي تردين تبقين اهلآوسهلآ تردين تروحين الله وياج
جوري: أسيد اني حبيبتك نسيتني اني جوري لي جنت ما تنام الليل الا على صدرها هيج سوي بيه
أسيد:: اني متندم على كل يوم وياج شلون جنت معاشر حيوانه معرف
طبك الباب كل قوته وراح وكعدت يم الباب ابجي جاي يصير أريد افهم ياربي ساعدني
عفت جهال يم ياسمين واجرت سيارة ورحت لبيت حسن خلص مالازم اسكت بعد بيتي راح يروح ربي ماعندي اب يكون سندي بس انت ربي قادر قدير ساعدني اللهي
وصلت دكيت الباب طلعت بنت شابه سلمت عليها وسألتها عن حسن كالت طلع
كتلها خابري الله يوفقج كوليله زوجة أسيد تريدك ضروري
طلعت امه عليه وطببتني جوه انتظره
واني دموعي ماسكتت
ام حسن: بنيتي احجي شبيج شنو صاير وياج
جوري: اخ ياخاله شحجي شكول ماعندي أحد غير زوجي هو كتل نفسه عليه ماخله شي ماسوا حتى بس اوافق وجان كلش زين ومدللني رحت لاهله يومين تغير فجاه صار ما يطيق يشوفني وضربني وطردني هسه اجه يكول اريد ازوج تريد تبقين لووتروحين بكيفج خاله شسوي ساعديني وين انطي وجهي
ام حسن:: خاله لا تلومين الولد مو بيده وحسبي الله ونعم الوكيل على سوه هيج بيج شغلتج عندي اعرف مريه اهنا بلمنطقه هيه تحل مشكلتج بس خلي يجي حسن يؤدينا
اجه حسن بعد ساعه تقريباً وحجيتله كل صار تفاجأ مثلي لان يعرف أسيد شكد.يحبني وشنوسوه علمودي
اخذنه للمريه وحجيت لها صار
جوري:: عرفتوا مشكلتي ساعدوني وين اروح ماعندي غيركم اعتبروني بنتكم الله يوفقكم مالي لا اب ولا ام وين اروح شسوي حسبي الله ونعم الوكيل
المريه:: بنتي مشكلتج محللوله وزوجج مسويله عمل كره وتفرقه لا تلومي هسه هو يشوفج مثل حيوانه كدامه
جوري:: ليش هيج منو سوه هذا الشئ بيه الله لا يوفقه
المريه: لي سوه الشئ منج وبيج
