رواية ليتني واجهتك الجزء الثاني الفصل الرابع والعشرون
علي
عبدالله ضرب صهيب ب طلقه وكع صهيب وهو غركان بالدم
ومنظر سدره جاي اتروح من يدينا
احس روحي بعدي مصدوم الي كاعد يصير هذا مو حقيقه هذا كابوس
سدره
طلعني من باب ثاني وجانت ضلمه الدنيا كلت خلص هاي هي انتهيت
ماحسيت غير الشرطه كمزوا من فوك البيت وصاروا فوك عبدالله
انهزمت من ايدو وطلعوا الباقين يركضون من جوى
علي
مجرد سمعنا جطوا الجندو من فوك البيت ركضنا كلنا
هجمت على عبدالله وصرت اضربه احس رب العالمين انطاني كل القوه
علي:؛ولك ليش ياااساااااقط ليششش هيجي تغدر بيا ولك بجيت دم على فراكك والله والله مايمر يوم اذا مااذكركك بي وابجي عليك وانت تطلع بالاخير عدوي ليششش ليششش كولي شنو سويت معاك اني شنوووووو جاوبني
سدره
علي هجم على عبدالله وصار يضربه عمر سحب علي وخلى رجلو فوك راس عبدالله وكلبجه بس علي كل اشويه يريد يهجم على عبدالله ومايخلوا
بس مايفيد اخر شي عمر كال عوفوا وعلي رجع يضرب بعبدالله
صهيب يالله صهيب اش صار بحالو كمت اصرخ
سدره؛؛صهيب عمرر صهيب مااات
ركضت جوى على صهيب لكيت فاقد والجنود شايلي
سدره؛؛صهيب يااخويا سامحني الله يخليك لاتروح انت هم كااافي ذنب لؤي بركبتي الله يخليك نزلوووا لاتحركووا لاتحركوووا
نزلوا بالكاع وحاولت اوكف النزيف بس جسمي كله يرجف
انهاريت بعد اكثر
سدره:؛عمررررر ماجاي اكدر اسوي شي اخويا راح يموت صديقي راح يروح من ايدينا
عمر؛: سدره حياتي اهدي حاولي اتوكفين النزيف الاسعاف هسا راح تصل
سمعت صهيب يهمس
صهيب.. س.. سدر
ايديا كلها دم صارت من سمعت صوته مسكت وجهه واني منهاره
سدره... ياعيون سدره ياروح سدره الله يخليك صهيب اتحمل الخاطر اماني وجهالك
صهيب... س.. سام.. سامحيني
سدره....والله مازعلت منك بالعكس اني ممنونه الك بعمري ياصهيب بس اتحمل ولاتحجي
صهيب... م. مازعلتي
سدره.... شلون ازعل منك بس كولي شلون والله اعز اخواني طارق وانت اعز من طارق ياصهيب والله
رجعت احاول اوكف النزيف جانت الطلقه ب بطنو صار يريد مااي ركض علي ينطي مااي انوب كمت اصرخ بالزايد
سدره؛:لاااااا لااااا اتخبلت لاتنطي مااي
ساعدوني الجندو بين ماجت الاسعاف اخذوا صهيب بالاسعاف واخذوا عبدالله والى حد هسا اتذكر ضحكتو المقرفه
عبدالله؛:ههههههه ماتخلص مني ياااعلي
علي؛؛ ولك كواد هم بعدك عندك لسان تحجي
رجع علي همج على عبدالله يضرب بي بالكوه سحبوا
راح علي ركب ب سيارة صهيب
عمر؛: وين راح اتروح
علي؛: اكو شغله لازم انهيها جا وكتها والله اذا صهيب مات واذا الها يد راح ادفنها وهي عايشه ياعمر والله
سدره؛: اخذني معاك
ركبت معا بالسياره وطلعنا وصلنا اربيل تقريبا الساعه 1 بالليل وطول الطريق هو يسوق عصبي وماحجينا ولاكلمه بس جنت اتصل كل اشويه ب عمر اعرف صهيب اش صار بي
وصلنا بيت عمتي نزل علي يضرب بالباب ويصيح
علي؛:سللللللوووووى هليوم محد يخلصج من ايدي
كام يضرب ب باب الحوش طلع محمد فتح الباب يفرك بعيونو
محمد؛: شبيك انت مخبل
عافو وفات جوى يركض كلها طلعت على صوتو طلعت سلوى
سلوى؛:اشصاير
علي؛: تعالي يابنت الكلب
وصار يضرب بيها محمد وعمي يسحبون سلوى من ايدو ولايفيد اخر شي خلى ايدو بخنك سلوى وكام يخنك بيها
محمد؛: ولك راح تموت عوفها
علي؛: انتي جااان الج ايد بكلشي انتي جنتي تعرفين عبدالله امخلي عيونو على سدره جااووبي راح اموتج ب يدي هليوم محد يخلصج مني
ابو علي؛؛: ولك علي ماتتت مرتك عوفها
عبير؛: اخويا شنو هذا الحجي علاوي اش كاعد تحجي
سدره؛:علي الله يخليك راح تموت بس عوفها شلون راح تحجي وانت مسوي هيجي
علي؛؛ بالحالتين هي ميته
بالكوه خلصنا سلوى من ايد علي اختنكت وصارت اتكح وجها صار احمر
محمد؛: شنو هذا الي سويتو اش كاعد يصير
كعد علي بالكاع وكام يضرب على كصتو
علي؛: اش احجي ولك اش اكول فهمني
ام علي؛: علاوي يمه فهمنا شنو السالفة
علي؛؛ يوم يمه الي قتل لؤي مو ابن اخوج عبدالله هو الي قتل لؤي جان دا يكتلني وكتل لؤي يابا
الكل انصدم واحد صار يدحك على الثاني
ابو علي؛: شنو هذا الحجي اخوك مات على ايد مختار كدام الدنيا كلها
علي؛: ولك يابا النذل امخلي واحد يطلع من بيتهم. يقنص مع ما مختار ضرب طلقات هو ضربني بس جت الطلقه على لؤي
عمي وكع ماتحمل يريد يحجي مايكدر عمتي كامت تضرب على نفسها وتبجي وتصرخ
محمد مسك علي من ياختو وصار يخض بي
محمد؛: مال جاي اتبري سدره كدام الكل افتهمنا وكلنا نعرف سدره مالها ذنب بس مال اتسوي هذا الفلم على ابن عمك اطيح حضك
علي؛: ولكككككككك يااااا فلم ياريت فللللم ياريت كابوووس ولك ماريد لا سدره ولاكلشي بالدنيا بس يطلع الحجي جذب
محمد؛: فهمني انت اش كاعد اتلوص فهمني علي
علي؛: عبدالله جان يكرهني بكد حبي اله جان مخلي عيونو على عرضي الي جنت احجيلو بيها عبدالله طعني خنجر ب ظهري يامحمد
علي حضن محمد وكام يبجي محد بيهم مصدك كلها مصدومه
عمتي تبجي وتضرب على نفسها
ام علي؛؛ ولك يووووم عبدالله ربيتو ب يدي ولك والله ب يدي نومتو انت وهو ولؤي بفراش واحد اسكت اخوك مايسويها علي اسكت
البنات كامو يبجون ويحضنون ب عمي وعمي بعدو بصدمتو
عبير؛: يابا ابوس ايدك لاتضربك جلطه دخيلك
ابو علي؛: اش كاعد يصير
محمد؛:شلوووون عرفت منين جبت هذا الحجي
علي؛: عبدالله موجود جان ب اربيل جان يريد سدره تنهزم معا بس انكشف كلشي وهسا عبدالله بالسجن صار
محمد؛: يعني الكواد عايش ونحن مانعرف
علي؛: اي اي عايش واحد من امراء داعش هاي الحقيره الها يد الها يد بكلشي اني متاكد
سلوى؛: والله ماعرف والله
وكام علي يضرب بيها ركض جاب سكينه من المطبخ وخلها على ركبتها
علي؛؛ اااحجي احجي احسن ماذبحج والله
سلوى؛؛ والله اني مالي دخل ولاجنت اعرف عبدالله هو الي قتل لؤؤي بس هو قبل فتره راسلني وماجنت اعرف بي عايش وطلب مني رقم سدره واني اخذت رقم سدره من موبايل عمتي وانطيتو العنوان مال شقتها حتى اخلص من سدره هو كالي وعدني يخلصني منها
علي؛:ولج انتي مو شريفه ولج ليش تطعنوني ب ظهري ليش شنوووو سويت معاكم اني هيجي اتاذوني
ميس؛:الله يخليك علاوي جيب السكينه واتعوذ من ابليس
علي؛: انتي طالق طالق طالق....
وكعت سلوى وتبوس برجل علي
سلوى؛: الله يخليك سامحني والله احبك والله ماجان قصدي اذيك والله والله ماجنت اعرف عبدالله هو الي قتل لؤي والله
علي؛: ولي والله لو اتبوسين رجلي الف مره هم ماسامحج ياااجلبه ياااااما شريفه امشي معايا
مسكها من ملابسها وطردها بره بالشارع على صوتنا طلع بابا ومختار وطارق وبعض من الجيران
ابو سدره؛: هاي اش صاير سدره اش جابج هينا
علي؛: دير بالج اتحاولين تخطين عتبه هذا الباب
مختار؛: مايصير هيجي اتسوي بمرتك علي
علي؛؛ هاااااا موووو مرتي ماضلت مرتي طلكتها تفتهم طلللللكتهاااااا
مختار؛: اتضل شرفك كووومي اختي ادخلي جوى باجر اني اخذج لهلج
ابو سدره؛؛ كاافي ادخلو جوى كاافي انفضحنا راح يجون الاسايش
مختار
جنه كاعدين اني وسماء وطارق وجيهان على الموبايل ونتعلل فجئه سمعنا صوت صياح على هذا الصوت ابويا وامي والكل كعدوا طلعنا نركض انريد نعرف شنو دا يصير
لكينا مرت علي واكعه بالشارع تبجي وعلي طاردها نحنا كلنا نعرف علي مامرتاح مع مرتو بس ماتصل لدرجه
يطردها بنص الليل بالشارع وعمو قصي وين عنو
حجيت مع علي وجان هاي اول مره احجي بيها مع علي من اخر مره من حجيت يوم داعش حاول يقتل سدره
مختار::: سماء وجيهان كوموها خطيه
كوموها
ودخلنا لبيت بالكراج وجنتي الصدمه علي وكع وكام يضرب على كلبو يبجي
علي؛: طعنوني بظهري طعنوني الي اكثر اثنين وثقت بيهم سدره وعبدالله
مانعرف شنو سالفه وشنو عبدالله وسدره اتقربت سدره على علي بس علي مانطها مجال دفعها
سدره؛: والله ماجان قصدي والله خفت عليك خفت ياذيك
علي؛: خفتي عليه؟ ياريت اني الي متت بمكان لؤي ياريت
ابو سدره؛: اش كاعد يصير شنو عبدالله وسدره
مختار؛: احد يفهمنا
علي؛: ولك مو انت الي قتلت لؤي موو انت عبدالله راد يكتلني وضرب لؤؤي
كلنا انصدمنا اش كاعد يصير شنو مو اني الي قتلت لؤي فتحت ايديا ادحك عليهم واتذكر شلون لؤي وكع وهو غركان بالدم اني الي قتلتو محد غيري قتلو
احس رجليه خدرو كعدت كبل
مختار:؛؛ش شنو مو اني
محمد؛: عبدالله النذل طلع يتحارش بسدره ونحنا غافلين على هذا الشي وهو عايش وهسا انمسك ويوم الي انقتل بي لؤي جان امخلي واحد يقنص من بيتهم علينا حتى يكتل علي بس علي جان شايل لؤي ومن ضرب علي جت الطلقه على لؤي
يمكن خلصت من عذاب الضمير بس القهر صار قاطين
......
سدره
منظر مختار وكلها تبجي ماواحد بينا مانزل دموعهم بابا ضربني براشدي احس فر وجهي مسكني من ملابسي وصار يغلط ويصيح عليه
ابو سدره؛ليش ماحجيتي ليش ماكلتي ولج نحنا مو بعيونج
سدره؛؛ بابا والله خفت والله هددني يكتل علي
ابو سدره؛؛ ولج لو كن جيتي وحجيتي من اول ماجان صار كل هذا الشي ولي سدره نحنا ليش زلم ليش فهميني
سدره؛؛ ابوس ايدك بابا
ابو سدره؛: الله لايرضى عنج ياسدره
صار يضربني وموتني كتل وبالكوه خلصوني من ايدو هدير كامت اتصرخ وتبجي ابويا ماااات
كام علي يركض مع العلم من بابا ضربني ماكام ولاحرك ساكن ولاحتى دحك عليه
جينا على عمي لكينا واكع رادو يحركوا ويشيلونا بس ماخليتهم اتصلنا بالاسعاف
وجت الاسعاف اخذتو طلعوا مع الويلاد سحبني بابا من ايدي واخذني لبيت دخلني بالغرفه وقفل الباب عليه واسمعه يصيح ويدعي
ابو سدره؛: والله الي اربيج واعلمج ياسدره الله لاينطيج ولايوفقج من طول عمري اكول انتي رفعت راسي وهيجي تنزلين راسي
سدره؛: بابا الله يخليك كاافي اتسوون هيجي بيا ارحموني
ام سدره؛: يارجال
ابو سدره؛: والله بس تحجين كلمه ثانيه اخليج معاها بالغرفه
سدره؛: خلي احد يروح يجيب ويلادي خافوا وحدهم طمنوني على صهيب الله يخليكم اتصلوا ب عمر
ضليت ابجي واصيح محد يقبل يفتح الباب ولااحد يجاوبني اخر شي تعبت كعدت ورى الباب وكمت ابجي وحاضنه روحي ضليت هيجي الي الصبح ....
علي
اخذنا ابويا لمستشفى جان الضغط صاعد بس ماضاربتو جلطه الحمدالله
جان نفس المستشفى الي بيها صهيب رحت اشوف صهيب. اماني كلشويه ادك عليه ماكدر اجاوبها هسا تخبل
رحت شفت عمر كالي طلع من العمليه
علي؛: اماني جاي ادك عليه
عمر؛: هم دكت على موبايل صهيب وماجاوبتها
علي؛؛ شلون الدكتور كال وضعو مستقر
عمر؛؛ اي كالي وضعو مستقر بس لازم يعرفون اهلو
علي؛؛ راح اجاوبها واكولها من ادك
اشويه وهم رجعت ادك عليه جاوبتها
علي؛؛ احم هلا اماني
اماني؛: علاوي الله يخليك صهيب ماعرف وين صار كلبي نار
علي؛؛ هو زين الحمدالله
اماني؛: عجل ليش ادك علىَ مايجاوب
علي؛: شوفي هو اشويه اتخربط واخذنا لمستشفى
صارت تبجي وتحجي
اماني،؛: الله يخليك ليش حتى يتخربط لا صهيب بي شي علاوي الله يوفقك كولي اش صاير زين انتو يامستشفى
علي؛؛ نحنا ب مستشفى .....
اماني؛: هسا راح نجي
علي؛: ماشي
سدت الخط وكعدنا نتظر جا عمر كعد يمي خلى ايدو على كتفي
عمر؛:لاتحملوها فوك طاقتها هي لو ماتحبك ماتضم هيجي سر علينا
علي؛:اخخخ ياعمر ياريت لو كن حجت لو بس خلتني بالصوره مو جت بعد 16سنه تكولي الحقيقه وهاي لو مو صهيب جان الله يعلم اش صار ب بنتي
عمر؛:مادري شنو اكولك حقها هي خافت انت تعرف المجتمع الي نحنا بي ونفس الوقت مو قليله علينا كلنا عرفت مرتك اذا جان الها يد لو لا
علي؛؛اي عرفت الي عرفتو منها هو كن راسلها قبل فتره وطالب منها عنوان سدره ورقمها
عمر؛: لازم نلقي القبض عليها
علي؛: لا عمر
عمر؛: الي يستر على داعشي يكون داعشي مثله هذا القانون كل الدنيا تعرفه
علي؛: عمر اني طلكتها لادخلها بالسجون مهم يكون هاي مره
عمر؛: واذا جان الها يد بمقتل لؤي
علي؛: هذا الشي راح تعرفو انت من عبدالله لان سدره كالت عبدالله ماجان يريد يكتل لؤي جان يريد يكتلك
بس لؤي انقتل بالخطاء واكيد سلوى مستحيل اتشارك ب قتلي
عمر؛؛اني راح اطلب نقل عبدالله من اربيل الى بغداد لان حكم اربيل اخف من حكم بغداد واني راح احاول جهدي عبدالله ينحكم اعدام
بس اذا عرفت سلوى الها يد بمقتل لؤي هذاك الوكت راح القي القبض عليها
علي؛: سوي الي اتريدو
اشويه وجت اماني وعمها يركضون بالمستشفى وتبجي
اماني؛؛ وين صهيب اش صاير الله يخليك
علي؛؛ اهدي والله زين وهو بخير عبر مرحلة الخطر
ابو صهيب؛؛ اش صاير علاوي
علي؛؛ هاي سالفه طويله بس صهيب اتصاوب وهسا وضعو زين
اماني؛؛ بي شي كاعد اتجذب عليه عبدالله الحقير هو هيجي سوى بي عبدالله
علي؛؛ اعرف عبدالله وهسا هو صار بالسجن اكعدي اهدي والله زين وضعو
كعدتها وانطيتها ماي ترجف وتبجي
اماني؛:كتل صهيب مثل ماكتل لؤي الحقير علاوي عبدالله هو الي دمر لؤي وجنات هو الي دمر حياتكم انت وسدره
جريت حسره وكعدت
علي؛: بعد وكت حيييل جاين من وكت
اماني؛ والله اني ماجنت اعرف البارحه يالا عرفت وصهيب حجى على سدره وكالها اذا ماحجيتي لعلي اني راح احجي
علي؛؛جنه دا انسافر وهو جا وخلى سدره تحجي كلشي ليه ......
سدره
من بدأ الضو يطلع غفيت على كعدتي وصوتي راح من البجي
ماعرف شي عن صهيب ماعرف جابوا ويلادي رجعت اضرب على الباب واصرخ
عمر
الصبح طلعوا عمو قصي من المستشفى ورجعنا لبيت اني ومختار وعلي وحمودي
مختار بعدو مصدوم وكل اشويه يكولي يعني صحيح مو اني الي كتلت لؤي
وصلنا البيت دخلت اسمع صوت سدره اتصرخ من الغرفه
عمر؛: هاي وين سدره ليش قافلين الباب عليها
ابو سدره؛: الي يطلعها اكسر رجلينو وايدينو
عمر؛؛ بس هذا الشي ما يصير يابا صحيح تحجي
هي هم انضلمت
ابويا اتعصب وكام يصيح
ابو سدره؛: انت عبالك هاي هي انتهت القصه عبالك من انكشف كلشي خلصنا ولك عمر راح مانكدر نرفع راسنا كدام العالم
عمر؛:. كلمن يحجي خلي يحجي اني واثقه من اختي سدره ماعندها شي مع عبدالله بس هي خافت تحجي وجثير بنات بهذاك الوكت يتعرضون لنفس سدره ويسكتون ويخافون
مختار؛:؛يابا خطيه لاتسوي هيجي بيها افتح الباب
ابو سدره؛؛ خطيه ولك سدره مو خطيه انت الي خطيه انت الي ضليت سنين اتعالج ب يدك علما طابوا خطيه انتي خسرت البنت الي جنت اتحبها ول مختار خطيه لؤؤي الي صار جوات التراب وجنات الي الله اعلم وين صفى بيها الدهر هسا
عمر؛؛ صح هي غلطت بس مايصير انصلح غلط ب غلط خلي نفتح الباب ونكعد نحجي معاها وانشوف ليش هيجي ضمت هيجي سر علينا
مختار؛؛. وين المفتاح
حجينا مع ابويا طلع المفتاح من جيبو وستو علينا اخذته ورحت فتحت الباب
سدره
سمعت الباب دا ينفتح انفتح الباب ودخل عمر
سدره؛؛ عموري
عمر؛؛ اخذلج حقج والله
حضنتو وكمت ابجي
سدره؛: سامحوني والله ماجنت اعرف راح يصير هيجي بيا ماجنت اعرف عبدالله راح يكتل لؤي والله
عمر؛؛ الله يسامحج ويسامحنا
سدره؛: بابا غضب عليه وعلي شنو صار بحالو ماعندي عين اشوفو وصهيب عايش لو ميت كلبي نار
عمر؛: عايش الحمدالله وضعو استقر بس لازم تحملين رده فعل الكل واولهم علي
سدره؛:راح يسحب ويلادي مني اني متاكده
عمر؛؛سحبهم راح جابهم وكالي كلها لاتفتح موضوع اتشوف ويلادها
سدره؛؛ بس اني ماكدر بدونهم عمر
عمر؛: مجبوره تحملين اتحملي بين يهداء الوضع هسا علي مكسور
سدره؛: جنت متوقعه راح يكف معايا
عمر؛؛ يكفي خلصج من عبدالله بس هسا ماراح يستقبلج بالاحضان ويكولج راح ترجع الماي لمجاريها اكيد راح اتصير عندو رده فعل هو يحبج حييل
وجانت علاقتكم حلوه ماجان متوقع اتضمين علىَ شي
سدره؛؛ والله خفت والله ليش ماواحد بيكم يفتهمني
عمر؛؛ اذا اكثر شخص بالدنيا يفتهمج هو اني افتهم عليج واني صح انصدمت من الي عرفتو بس جثيرر مثل قصتج
بس الي صدمني شلون كتل لؤي وبدون محد يحس علىَ
تعالي واحجيلي كلشي من قبل ,16سنه الي حد البارحه
سدره؛: اش احجيلك
عمر؛: احجي لو تضلين ٣ايام تحجين احجي اسمعج
كعدت بالصاله والكل كعد بيت اسماء وبيت عمر امي وابويا وجيهان وسماء والطارق صرت احجي وابجي وكلها تبجي معايا
حجيتهم كلشي وماضميت سر
سدره... جنت طفله عمري 15سنه واتحارش بيا وهددني اذا حجيت راح يكول لعمو قصي اني الي سمعته حجي واني الي جنت اتحارش بي واني ماكدرت احجي خفت والله ياناس خفت ورجعت لييت اهلي حتى انهزم من عنده
بس هو دمرلي حياتي وسنين يبجيني دم واتوسل بي واكوله عوفني بحالي
بس هو جان يتلذذ بدمعتي ويكولي اريدج بحلال او حرام اخذج
حتى من اطلكت من علي هو الي خطف ماري وطارق وهددني بيهم لو يقتلهم لو ارفع دعوه ضد علي
شنو اسوي بهيجي موقف برايكم مااخاف والله كالي اذا احد عرف اخلي ثاني يوم راس عمر وعلي كدام باب حوشكم
هو جان ارهابي وكلنا نعرف الارهابيه شنو تسوي جانت قبل
ضليت احجيلهم كلشي وكل موقف مر وكل كلمه كالها وحتى لؤي من شك اكو شي
ابو سدره... بس فهميني كل هاي الزلم ماكدرتي تحجين مو انتي بنتي المدلله مو انتي صديقتي ياسدره مو جيتج لغرفة وكتلج شنو قصتج يابنتي مع داعش ونكرتي
بابا يحجي ودموعه تنزل ماعرف يبجي عليه لو يبجي مني
سدره.... شلون احجي يا بابا فهمني اضيعك مثل ماضيعت نفسي وضيعت اصدقائي اني اذيت كل الناس الي معايا لؤي مات بسببي وجنات فقدت عقلها بسببي
وصهيب لو انطي عمري وحياتي لو اشيل هذا كلبي وانطي اله ماراح اوفي حقه
بسببي هسا بين الحياة والموت اني اش سويت بنفسي اش سويت اش سويت
صرت اضرب على وجهي واصرخ اتقربوا عليه مسكوني من ايديا جيهان تبوسني من ايديا وتبجي
جيهان... امي الله يخليج كاافي ارحمي نفسج الله يخليج
سدره.... كون مااتتت امج قبل ماحبت علي كون ماتت ولا شفت هذيجه الساعة الكشره اني اني انسانه انانيه حبيت علي بكل انانيتي وضحيت الخاطر مااخسرو بس مافكرت بالنهاية شنو راح يصير والله ياعمر والله ماجنت ادري لؤي راح يموت
والله يامختار ماجنت اعرف راح انت تدفع ثمن افعالي والله
والله ارحموني وارحمو بحالي
ماقبلت اتزوجه واني انتفقت معا يتزوجني مقابل علي يطلع خارج الموصل
بس انهزمت ب بيت صهيب ومسكوني رجمني داعش
مختار يبجي مثل مااني ابجي ماتحمل كام يصيح بكل صوته
مختار.... كاااافي كااافي دمرتنا ودمرتي نفسج علي علي علي الله خلقه ماخلقه غيره جنتي مراهقه جنتي راح تنسين لو كلتي من لحظتها وعافج جنتي راح تنسين
انتي جنتي ضحيه لشخص مريض يكرها ابن عمه بس اني ياسدره جنت ضحيه الج
دنكت براسي ابجي ماعندي عيني ارفع راسي كدامه
مختار... اني اخوج ياسدره من لحمج ودمج سنين واني اتعذب كدامج
سنين واني مااكدر انام وكل ماانام طيف لؤي يلحكني ومنظر جنات وثوب عرسها الي تحول من ابيض إلى فستان ملطخ بدم رجلها
سدره تعرفين شنو عانيت بهاي الاسنين تعرفين شنو صار بحالي
لج سدره والله اتمر عليه ايام اروح انام يم كبر لؤي واكولو اني جيتك اريد اموت واخلص من هذا ضميري الي موتني
لج اني من الخوفه الي صارت بيا اذا اشوف طفل يلعب بمسدس مال الالعاب احس نفسي ينكطع واني اتذكر هذاك اليوم
ومرضي كلبج ماجاي يحن عليه من تشوفيني انصرع كدامج
كلبج ماجان يحركج من وكع الهاون واني جنت راح اموت ومااعرف شنو الحقيقه
سدره كل كتف شايل عليهم هاي جبال الشمال كلها
والله 6سنوات واني ماكدر اغفه غفوه زينه ليش ليش هيجي كل هذا الشي على مود لاتخسرين
وحوبتي وحوبة البنت الي حبيتها واهلها زوجوها لغيري غصب عنها وخلتني مااكدر ارتبط ب بنت ثانيه غيرها
هذا الشي كله لان حبيتي علي كلنا جربنا الحب بس مو هيجي سدره هذا مو حب هذا مرض نفسي انتي انسانه مجنونه بعلي
اتقرب مختار عليه ومسكني من ايديا و يبجي واني ابجي
مختار؛: ليش ضلمتي نفسج وضلمتنا معاج
سدره؛: سامحني الله يخليك والله من بعد عرفت الحقيقه جان ماعندي وجه ادحك عليك اني خسرت كلشي لو جنت اعرف راح اخسر هلكد جان حجيت كلشي لعلي من اول من اتحارش بيه عبدالله جان رضيت اخسر علي ولاخسرت هلكد
مختار؛: الله يسامحج نحنا الي ضلمنا نفسنا ب نفسنا
سحب راسي وخليت راسي على صدره واثنينا نشهك بجي
سدره:::سامحني ابوس ايدك والله ماعرفت الحقيقه بس من اخذني داعش والله يامختار
رفعت راسي وهو يمسح بدموعي
مختار:::كلبي ماشايل عليج بس اني حيييل اتاذيت اني ضحيه جنت اكثر منج سدره كل هاي الزلم الي كدامج وخفتي بس عمر وحدو يكدر يوكفه عند حدو
سدره:::بيوم من الايام البيت جان فارغ واني وحدي بالبيت دا انظف بيت عمتي كلهم طالعين
وصلت باب الحوش وطلعت ايدي دا اشطف الباب ماحسيت غير واحد مسك ايدي ودفعني لكراج وسد الباب
من شاف ماكو احد بالبيت حاول يستغل هذا الشي
لحكني وحاولت انهزم من عنده بس ماكدرت دخل لمطبخ وقفل الباب وحاول ياخذ شرفي منه
من كلت هيجي كلهم شهكوا امي كامت تضرب على رجلها وتصرخ وتبجي
ام سدره:::اخذ الي يريده جاوبني اخذ
هزيت براسي لا
سدره:::خليت السكينه على ركبتي وردت اذبح نفسي كتلو اذا ماطلعت راح اذبح نفسي هو خاف وطلع قررت احجي لعلي بس ماري جانت طفله عمرها كم شهر خفت اخسرها وهو وعدني يعوفني وبالفعل عافني وسافر لسوريا ومارجع الى زواج لؤي بس طلع الحقير ضاملي شي اكبر
مختار::شفتي شكد جبان وشلون انهزم هو لو صدك رجال جان راح انتقم من علي لان يكرها مو ينتقم منج انتي مره
سدره::هو يعرف علي اشكد يحبني وراد يخلي علي ينخذل من اقرب الناس عليَ
عمر:::كاافي اختي تبجين كاافي حبيبتي الي صار صار بعد ولؤي هذا قدره الله يرحمه والله ياسدره اذا انتي ابن عم رجلج تحارش بيج
هذيجه المرة مسكنا واحد يتحارش ب بنته بنته الي قطعه من كلبه
والي يتحارش ب اخته هاي الدنيا كلشي بيها الشيطان مامات يااكلبي انتي
ارحمي نفسج شويه وانطي مجال لعلاوي يطلع من صدمتو
والله الي ماكو احسن من رب العالمين مكان الاعدام الواحد راح اخلي ينحكم عدامين والله
عمر ومختار وطارق كلهم حضنوني ويبجون معايا
طارق ::حتى لو علاوي ماسامحج نحن سندج من بعد بابا حبيبتي انتي
من شفت خواني شلون سندوني عرفت اني اشكد جنت غبيه من ضميت هيجي سر...
ميس
جانت صدمه لكل بعد ماعمي اتخربط واخذوا الويلاد على المستشفى
سلوى ضلت بالكراج واكعه وتبجي
هدير؛: تذكرين شلون جنتي اتحشدين بينا يوم مات لؤي على سدره تذكريني شلون ضربتي سدره اعترف اني وكلنا ضلمنا سدره تعااالي هينا يابنت الكلب والله هليوم الا ناخذ حق اخونا منج وحق سدره اتكودين لاخوج حتى تخلصين من سدره
مسكوها هدير ورغيد وعبير دخلوها جوى وسدوا حلكها حتى لاتصيح وصاروا يضربون بيها
ام علي؛: اخذوا حق ابني وبنتي من عندها هاي الجلبه
ميس؛: يوم راح يموتها
ام علي؛: طبها مرض خلي اتموت
عبير ؛: سافله ادبسززز اتكود لاخوها امشي جيبي مكص ميس ااااامشي
رحت جبت مكص وانطيتهم هو ومسكت هدير شعر سلوى وكاموا يكصون بي كصو شعرها كلو
ميس؛: كااافي راح اتموت الخاطر الله
رغيد؛: خلي اتموت الجلبه خلي
اخر شي سحبوها من ملابسها وطلعوها بالكراج
هدير؛: اتضلين هينا مثل الجلبه الي الصبح وادعي ربج لا ابويا يصير بي شي هذاك الوكت بس الله يخلصج من عدنا يابنت الحرام هسا عرفت واتاكدت ابوج ابن حرام لو ماابن حرام مااتطلعين انتي واخوج واحد ازبل من الثاني
هدير فدمره انهارت حتى صاروا البنات يهدون بيها
هدير؛؛ ككححححححح...... لؤي مااات اخوج الزباله كتلو وجنات اتخبلت ومختار الي ضاع من عمرو وعلي الي عاش معاج بالضيم وسدره الي الله اعلم اش شافت من اخوج والي نحنا شوفنا هو مو قليل زباله
والله اذا العشيره ماتبروا من عندكم اذا اني اتبره من عشيرتي
عبير؛؛ كاافي هدير كاافي الله ينتقم منهم
رغيد؛: الله ياخذ حق لؤي منكم ياانذال الله ياخذ حقنا كلنا
وحق كل واحد اتاذه بسبب اخوج الداعشي العار
ميس؛: كاافي بنات الله يخليكم تعالووا فوتو جوى انفضحنا بين الجيران
دخلت البنات جوى وكلنا نبجي خصوصه هدير بجت بجي
حضنتها واهدي بيها
ميس؛: كااافي حياتي هدوره
هدير؛؛ ولي ميس سدره اش شافت من عبدالله ونحنا جنه مانعرف اتخيلي لو وحده من عدنا صار بيها هذا الشي ومتعرضين لتحرش والله مانحجي وراح انخاف مثل سدره واكثر
ميس؛؛ ادعي الله لااهلها واخوج يحملوها فوك طاقتها ابوها ضربها كدامنا
ضلينا كاعدين لصبح وعمتي والبنات وضعهم احس هسا لؤي من جديد مات عمتي ايمانها قوي الحمدالله راحت خلت سجادتها وكامت اتصلي
طلعت اريد ادخل سلوى على اقل اخليها بالمطبخ شفتها نايمه ردت اكعدها
ميس:؛سلوى كومي
كبل طلعت رغيد
رغيد؛: عليش اتكعديها
ميس؛: خلي انصير احسن منها وخلي تدخل جوى اتنام
رغيد؛: اي ادللي بس اني الي راح اكعدها
راحت دخلت جوى رغيد وجابت دولكه ماي وطشت عليها
رغيد؛:كومي جلبه فوكها اتنامين
سلوى؛؛ الله يخليكم كااافي بعد ماتحمل
رغيد؛: عود خلي اهلج العار يعوفج عايشين يابنت الحرام
امشي ميس فوتي جوي وعوفيها خلي اتولي
دخلنا وسدينا الباب صار الصبح واتصلنا بالويلاد كالو جاين
اشويه وجوي الويلاد ومعاهم عمي ابني وعمر ماسكي
عمر؛: على كيفك عموو
علي؛: هاي الجلبه خلي احد ياخذها لهلها
هدير؛: ليش مادز على اهلها همه يجون ياخذوها
علي؛: ماريد اشوف اي واحد بيهم
محمد؛: اني ماروح
قصي ابن محمد؛؛عمووو علاوي اني اخذها
ميس؛: وين اتروح الموصل بعد ماكن اتحررت زين
ابن محمد؛: ماكو شي منطقتنا كلها اتحررت اروح اخذها لهلها
عمر؛؛هاي اش كن سويتو بيها
هدير؛: طبها الف مرض الجلبه والله لوما اشويه جان دخلت المكص ب بطنها
عمر؛؛ المهم قصي محمد ومختاار اخذوها انتو لهلها
مختار؛؛ليش مادز على عمي ابو هثيم مادام هينا هو ويروح ياخذها لموصل
عمر؛: بكيفكم بس احد يروح يجيب ويلاد سدره وحدهم بالبيت
علي؛: اني اروح بس ارجع ماريد اشوف خلقتها هينا وانت عمر كول لسدره لاتحلم اتشوف ويلادي لان حسابي معاها بعد ماخلص
هدير؛؛مالك حق اتحمل سدره
ابو علي؛: اريد اشوفها اااني ضلمتها حييل
علي؛: ماتدخل البيت والله اكسر رجليها عبالك راح انسى شلون اتضم عليه هيجي سالفه
عبير؛: ترى لو اي وحده بمكانها جانت خافت ازيد من سدره ومستحيل نحجي واني من الناس
عمر؛؛ علي كتلك لاتحمل سدره فوك طاقتها
علي؛؛ سهله اروح هسا اجيب الويلاد واجي
علي
طلعت من البيت ورحت لشقه سدره دكيت الباب طلعتي الشغاله كالتلي حسوني وماري يبجون من البارحه على امهم
دخلت جوي لكيتهم كاعدين بالصاله شافوني ركض عليه
ماري؛؛ بابا وين رحتوا وعفتونا انت وماما
علي؛: ماعفتكم حيااتي بس صار عندي شغل وانجبرت اروح شلونكم
حسوني؛: وينها امي
علي؛؛ امك بعدين اتشوفها يالا امشوا
اخذتهم ورجعت لبيت لكيت خالي ابو سدره وخالي هيثم كاعدين والويلاد وامبين حاجيني كلشي لخالي ابو هيثم
ابو هيثم؛:لاحوه ولاقوه الا بالله حقها هي هم خافت البنت بهيجي موضوع اتخاف
ماتحملت كمت اصيح عليهم
علي؛: لا تكول حقهااااا شنوو اني ك.... 16سنه اتضم عليه انتو كلكم تعرفون اني وسدره اكو علاقه بينا من سنه 2000 ومن هذاك اليوم اني ماضم شي على سدره شنو الي جان يصير معايا جنت احجي واكولها واني رجال مو من حقها تعرف بس جنت ليش هي اسمها شريكه حياتي
هيثم؛: انت اول الناس لازم تكف معاها مو تكف ضدها
علي؛: بلعكس اني ما كفت ضدها اني صدكتها وعمري وحياتي ماكالت شي وطلعتها جذابه وهي تعرفني حيييل زين
اني ماجذبها والله لوكن جت وكالتلي جنت راح اصدك بيها وجنت ماراح افضحو
اذا ماامسك علي مستمسك واخلي كدام العشيره بس هسا شنو صار كولي لؤي صار جوات التراب ومختار ضاع من عمرو
وهي هجمت بيتها وخسرتني خسرت حتى ويلادها والله الي خلقني و خلقكم نجوم السمه اقرب عليها من شوفت ويلادها
ام علي؛: حرام يايمه عليك هيجي اتسوي بيها كلشي ولا ويلادها
علي؛؛ ابد ابد مو حرام لعد اني هيجي اتسوي بيا اني تطعني ب ظهري
ولج يمه 16سنه ادري مافكرت ماحست ماكالت اني كل مااخاف راح يزيد معايا مافكرت يوم من الايام وكعدت مع نفسها وكالت خلي اوكفو عند حدو
انتو تدرون هي بنفسها كالتلي لؤي حس مرة من مرات وكالي سدره صارحيني واني جذبت عليَ
اني جنت اثول وجنت واثق ب عبدالله ومافديوم خطر ب بالي هيجي يصير بس هي شنو بيها
هذا الموبايل ليش فهموني
شلت الموبايل رفعتو كدامهم
علي؛؛: هذا الموبايل مابس خلوا حتى نستخدمه لسوالف الجايفه حشا السامع
اخلي بجيبي واي وقت اعرف عبدالله دخل افتح تسجيل واسجل صوتو وتجي اتخلي ب يدي هاك علي هاي سوالف ابن عمك وحده اثنين ثلاثه يعني اني راح اجذبها اكولها لا انتي جذابه كلامي بيها شي غلط
ابو هيثم؛: كلامك صحيح ومحد يكول غلط بس لاتمنع اطفال من امهم
علي؛: من رخصتك خالي ورخصت الحاضرين ويلادي واني حر بيهم احركم ارميهم بالماي امنعهم من امهم ماريد احد يدخل
ماكو شي بعد اخسر الحمدالله البنت الي حبيتها اكثر من روحي لو موتتني ولاضامه عليه هيجي سر وصحتي وخسرتها الحمدالله بعدني بالثلاثين صار بيا ضغط وسكر شكو بعد اخسر
هيثم؛: عوفو هسا همه هم عند ابوهم
ابو سدره؛: يمكن اني ماعرفت اربي صوجي اني
علي؛: لاخالو حشاك انت ربيت احسن تربيه وثقه بالله ماشكيت بااخلاق سدره لو يوم من الايام اشك هي جان عندها شي
صح اتعصبت وحجيت اشكال والوان واني ادري بيها هي خافت وخافت عليه بس الي سوتو غلط واكبر غلط دمرها ودمرنا كلنا معاها
سدره الي حد هليوم الصبح هي جانت اغلى شي بحياتي بس الي هينا ونقطه سطر تنساني وتنسى ويلادي معاها
مختار؛؛ مامن حقك تمنع ام من اطفالها
علي؛: امبله من حقي هسا صار كلشي من حقي ول عوفني وخليني ساكت الخبر ماطش وبعد العالم كلها مادرت ابسط شي راح يكولون الله يعلم اش جان عندها معا وهيجي خافت اسكت رحمه لله
مختار؛،؛: والله الي يجيب طاري اختي
علي؛: اختك هي جابت على نفسها وبعدين ماتكدر اتسكت كل حلوك العالم والي مايحجي كدامك يحجي وراك
وبعدين هاي العار اني مو كلت اخذوها لاهلها
ابو هيثم؛: هسا راح اخذها
محمد؛: من جنت اكولكم عمي ابن حرام جان ابويا يحجي عليه والله العظيم هسا ثبت عمي ابن حرام لان بس ابن الحرام يخلف هيجي
ابو علي؛: اخويا ابوهيثم
ابوهيثم؛؛ عيوني ابو حمودي كول
ابو علي؛: اتكولو دير بالو يصل بيتي ولايشوفني وجهو وهاي بنتو من باجر تروح ترفع دعوه طلاك الا اذوكها الي ذاكتو سدره
ابو هيثم؛: صار اخويا يالا فوتي اخذي ملابسج
علي؛: ماتدخل وماتطلع غير بعبايتها بس روحي ميس جيبي عبايتها والهويه وارميهم عليها
ابو هيثم؛؛ كول يالله
علي؛: يالله الف مره بس ماتاخذ شي معاها يالا ب ساع ماريد اشوف خلقتها الزفره بنت الكلب
ولللللج انتي تتامرين مع اخوج الداعشي هسا اخوج صار بالسجن وشوفي من يطلعو والله لو اعرف ادفع الفوكي والي جواتي حتى اخلي ينحكم اعدام واني علي
دخلت جوي تركض وتبجي اتبوس ب يدي
سلوى؛؛ ابوس ايدك والله ماجان قصدي والله ردت اخلص من سدره
علي؛: لو حتي انتي ماجان الج ايد بكلشي ماراح اخليج دقيقه وحده عندي
سلوى؛؛ والله من حبي الك ردت اخلص منها
علي؛: الله مكر النسوان هذيجه اتصيح من حبي الك ماكلت وانتي من حبي الك يالا ولي من كدامي انعل ابوج لايوم الاسود الي شفت خلقتج بي
دفعتهل وراحت على امي وابويا وتتوسل بيهم بس كلها رفضت تسمع منها رجعت عليه ضربتها ب راشدي طبعت ايدي على وجها
ابو علي؛: طلعووووها من كدامي
عبير؛: يالا ولي خالووو فدوه اخذها مانريد زباله ب بيتنا
اخذها خالي وهي تبجي وتصرخ ماريد اروح
محمد؛؛ اسكتي فضحتينا بين الجيران
سلوى؛؛ الله يخليك كولو
محمد؛: الله لا يخليج لاانتي ولااهلج هو علي بلا شي مايريد يشوف خلقتج انوب جتو هاي
اخذها بالكوه وطلعت دخلت لغرفتي وصيحت البنات يلمون كل ملابسها واغراضها ماريد اشوف اي شي يخصها بهاي الغرفه
اتمددت على التخت وتفكير ياخذني وتفكير يجيبني واعصر دماغي والله عبدالله جان ساقط بس معايا مع عرضي ....
سدره
اشكد البنات حاولو معايا اكل ماجنت اقبل العصر جت هدير وابد ماكن صار سلام بينا ولاحجي حتى جنت اشوفها وجه بوجه ماجان يصير سلام
دخلت ل بيتنا حضنتي وكامت تبجي
هدير؛:, سامحينا والله انتي اختي وصديقة الطفوله
سدره،؛:,بعديش
هدير؛:سدره لؤي جان غالي علينا لؤي اخويا واني ماحملتج ذنبو لان خليتها على نفسي لو صاير هيجي بينا جنت مستحيل راح احجي واكول وجنت خفت اكثر منج
كمت ابجي واشهك
سدره؛؛ بس علي حملني ذنبو كلهم حتى ابويا غضب عليه واخذ مني ويلادي هدير والله خفت جان يهددني اكتل علي لو غتصبج ولو لو .... الخ
هدير؛ادري بيج يروحي انتي والله بس اتحملي علي خطيه من القهر والصدمه صار معا سكر
زدت بالبجي وخليت ايدي على وجهي واشك
سدره؛؛ كلو ب سببي ب سببي علي ادمرت صحتو ب سببي ياريت لو ماكن اتزوجت علي ياريت لو عفتو من جنه مراهقين يمكن كدرنا نسى بعض
هدير؛: كاافي حبيبتي تبجين كومي معايا ابويا يريد يشوفج
اخذتني دا نطلع ابويا ماقبل اروح
هدير؛؛ خالو فدوه خليها تجي ابويا يريدها
ابو سدره؛؛ اخذيها ب ساع
سدره؛؛ هدير شلون راح اشوف عمي باوجهه
هدير؛؛ انتي مامسويه اي ذنب ذنبج ذنب جثيرر من البنات اتعرضوا لتحرش وسكتوا ذنبج عايشه ب مجتمع مايسمع لمره امشي وصيري قويه عبدالله انتهى سدره انتهى من حياتج
سدره؛؛ يعني خلص هاي هي ماكو بعد عبدالله وعلي وابويا واهلي شلون يسامحوني
هدير؛: يسامحون صدكي امشي
طلعت معاها ودخلت لبيت عمتي شفت عمي متمدد. على القنفه رحت عليَ واني ابجي وهو يبجي
سدره؛: والله خفت يا يابا
خلى ايدو على راسي
ابو علي؛: انتي ضحيتي بروحج لخاطر علي وماخفتي من الموت بس خفتي تصلين بهاي المرحله الي انتي هسا بيها خلي عينج بعين رب العالمين ماراح يعوفج وعلي راح يجي يوم ويسامحج
سدره؛: ماضن بعد
ابوعلي؛؛: مادام انتهى عبدالله من حيااتج معناها انتهى كلشي لو حتى علي ماسامحج يكفي انكشف كلشي والباقي راح يجي يوم ويتصلح
رفع راسو لفوك وجر حسره بالم
ابوعلي؛: اخخخخ الشي الوحيد الي مايتصلح هو الموت الشي الي ماراح يتصلح هو لؤي ماراح يرجع
من عمي كال هيجي كلها كامت تبجي جت عمتي حضنتي
علي
جنت كاعد بالغرفه واسمع سدره تحجي مع ابويا
ماري؛: بابا ماما جت
حسوني؛: اروح اشوف امي
علي؛: تعاااااال
فتحت عيوني عليَ وصيحت برطم ورجع كعد بمكانو
ماري ؛: بابا ليش ماتخلينا انشوف امي
علي؛: ماتساليني بعد هذا السؤال افتهمتي
ماري؛: اي بابا
سدره
سدره؛:اني والله ماجنت اريد يصير هيجي والله مو بيدي الي صار
ابو علي؛: من طول عمري واني اكول هذا سندي اخويا سندي زرعت بكلوب ويلادي حبهم ليلاد عمامهم بس اخويا سوى العكس زرع كل الحقد والخبث بكلبهم
محمد؛: جنت اكولك يابا بيت عمي همهم ياخذون الاول والتالي من عدنا يابا عمي مايحبك جنت اتكولي اسكت هذا عمك لو يجي ياخذ كل الفلوس اتكولو بالعافيه
عبير؛؛زرعت بكلبنا كلنا الطيب والمحبه خليتنا انامن على اشخاص زباله دخلوا بيتنا واكلوا من ماعونا ومن كامو دفرو الماعون ب رجلهم
رغيد؛: جنه كلنا عيونا معميه لان جان عدنا ثقه بويلاد عمي جثير وجنه انكول اتربينا سوى وابد مافديوم خطر ب بالنا واحد منهم راح يخونا ويخون الزاد والملح
هدير؛:الغلط بالمجتمع الغلط والعيب بينا نحنا نحجي سرنا لصديقاتنا بس مانجي نحجي سرنا لاهلنا لامهاتنا
ميس؛: لان من نحنا وصغار اتعلمنا وجنه نسمع لاتحجون كلشي كدام الرجال الرجال ما ينحجي شي كدامو نسينا هو الرجال شريكه حياتنا على الحلوه والمره وكلشي لازم يعرف عنا
محمد؛: الذنب ماجان ذنب سدره وحدها الذنب كلنا لان وثقنا ب شخص ودخلنا بيتنا وهو ماعندو خوف الله ب كلبو والي ماعندو خوف الله كلشي يسوي
ابو علي؛: بعد الكلام مايفيد خلص خللللص كلشي انتهى هذا القدر الي مكتوب علينا والحمدالله
ام علي؛: ياعبدالله ربيتك ب يدي نومتك انت وعلاوي ولؤي ب فراش واحد ماخفت ربك ماكلت شلون اكتلوو ليش هل الحقد ومن انت وصغير اكولك هذوله اخوتك عساك ربي ياعبدالله احتركت بنار جهنم
كمت من مكاني ورحت لغرفة علي فتحت الباب ودخلت جوى
علي
اسمع حجيهم واخذتني الذكرياات
علي؛: ول هلا ب عضدي
عبدالله؛: هلا علاوي
كمختو على راسو
علي؛: شبيك ضايج
عبدالله؛: ماشفت شلون طلعت مكمل هليوم ابويا يخلص عليه
علي؛؛ هاك اخذ هاي اللفه اكلها امي سوتها النا وبعدين الله كريم
عبدالله ؛؛ ماكل
علي؛؛ دنجب اكل لؤؤؤؤي ول لؤؤؤؤؤي تعال حبيبي اكل لفتك
لؤي؛: اريد اشتري علاوي من الحانوت
علي؛: وين فلوسك
لؤي؛: اشتريت بيهم بس ماشبعت
علي؛: ههههه ابو بطن
عبدالله؛: دحك هذا اشكد بطران بس همو اكلو هههه
علي؛: هاك اكل هاي لفه واذا خلصتها انطيك فلوسي اني ماريد اشتري
لؤي؛؛ انطيني حباب فلوسك
علي:؛هاك هاي يابا فلوسي ولفه
حضني وباسني وراح يركض يشتري اشويه وجا
لؤي؛: هاي لعبود وهاي لعلاوي وهاي ليه
علي؛؛ ههه هاي شنو
لؤي؛؛ مو امي كالت من ناكل شغله انطعم الكل بيها عاد اني ماطعمتكم من فلوسي هسا راح اطعمكم
علي؛؛ هههه كريم
عبدالله؛: من جيس غيرو ههههه
ضربت كفي ب كف عبدالله وكمنا نضحك
علي؛: يالا روح العب ومن يدك الجرس كبل اتروح لصف مو اتسوي مثل هذيجه المره
لؤي؛؛والله ادخل لصف
علي؛: عفيه الغالي مالتي انت
عبدالله؛؛هسا اش راح اسوي اني
علي؛: اني عندي فكره تعال انسويها
عبدالله؛: شنو هي
علي؛؛ هسا دكوم عبود شبيك
رحنا ورى المدرسه وصرنا اندور على حديده او بسمار اخر شي لكيت بسمار جبت ورقه وقلم وكتبت الدرجات الي طالع بيهم عبدالله مكمل وسجلتها على ورقه ورجعت بالبسمار حكيت الدرجات صار الكارت فارغ سجلت بيها درجات من عندي
عبدالله؛؛ خرب بيك علاوي اشكد ذكي
علي؛: غير انت عضيدي شلون اخلي عمي يضربك
عبدالله؛: والله انت كفووو
علي؛؛ هههه يالا امشي دك الجرس
حضنتو من كتفو ومشينا ومن خلص الدوام رجعنا لبيت وقبل ماطلع لبيت اهلي رحت لبيت عمي جانوا ساكنين ابعاد عنا اشويه قبل
عمي شاف الكارت فرح وبوسنا ويومها انطانا فلوس كلنا
علي؛: إلصديق وقت الضيق عبود
عبدالله؛: والله اني حييل احبك علاوي
طفرت الدمعه من عيني لحظتها دخلت سدره
سدره
دخلت لغرفة علي لكيتو يمسح بدموعو التفت عليه ورجع دار وجهو ركضو الويلاد يبوسون بيا
ماري؛: ماما وين رحتي
سدره؛: مارحت حياتي اني يمكم
حسوني؛: يوم اريد اجي معاج
سدره؛: بعدين حبيبي روحوا هسا يم يوم وجدو
ماري؛: اي ماما امشي يالا حسوني
وطلعو سديت الباب وراهم
علي؛: شتريدين
سدره؛:اريد احجي معاك واريدك تسمعني
يحجي معايا بدون مايدحك عليه سحبت المقعد مال ميز تواليت وكعدت كدامو
علي؛: ماريد اسمعج
سدره؛؛ الخاطر العشره الي جانت بينا بداعت حبنا تسمعني لاخير انت ماتعرف شنو اني جنت اعاني لسنوات بس حتى لاعبدالله يلمسك جنت اخاف لا ماتصدكني عبدالله كالي ماتكدرين
كلشي اكدر اسوي بيج يوم من الايام كلكم جنتوا بره ولؤي وعمتي طالعين يشترون ذهب لجناات ب يومها جنت اشطف باب الحوش ودخل عليه على البيت وحاول ياخذ شرفي
اني حجيت هيجي علي كام من مكانو ومسكني من ملابسي ضربني ب راشدي
علي؛: وضليتي ساكته وماحجيتي كل هذا الشي وسكتي وب يومها جذبتي عليه وسوتي روحج مريضه سوالج شي جاوبني لمسج
سدره؛: والله والله مالمسني انهزمت من عندو خليت السكينه عليه وكتلو اكتل روحي اذا ماطلعت وقررت احجيلك كلشي بس هو هددني وكالي اكول لعلي انتي دخلتني على البيت وانتي جنتي اتسمعيني حجي وخلي عمي يطردج
وكلها راح تكف معايا خفت والله خفت جنت ااخاف لامحد يصدكني جنت اخاف لايسويلك شي وماجان عندي اثبات ولا اي دليل ضدو وجنت اعرف نفسي راح اخسرك
علي؛: من طلكتج ليش ماجيتي وحجيتي مو انتي خسرتي بعد
سدره؛: ماجنت اعرف هو الي قتل لؤي والله وماردت ازيد همك
وكلت اضل اخت الي قتل اخوك بس من اخذوني داعش هو اعترفلي بهذا الشي وشوفني صور عندو شلون قتل لؤي
ب يومها كالي راح اخليج حالج حال اليزيديه عدنا بس اني طلبت من عندو يتزوجني مقابل انت تطلع من الموصل وهو وافق بس اني بعد ماهزمتك مارحت عليَ وانهزمت ب بيت صهيب ومن مسكني رجموني داعش
علي؛: ياريتج ميته ولج ليش هيجي انتي مو واثقه مني هيجي اني مو بعينج ماتجين تحجيلي مو جنه ماخذين عهد على نفسنا ماواحد يضم على الثاني
سدره؛: الله يخليك والله خوفي والخاطرك جنت اعرفك ماراح تحمل هاي الصدمه واعرف بيك مو قليله عليك انطيني عذري
علي؛؛ مالج اي عذر
كام ودار ظهرو عليه وكفت وحضنتو من ظهرو وكمت ابجي
سدره؛؛ والله خفت اني بالتالي مره واخاف سامحني الله يخليك
حسيت بي كام يتلمس ايدي بسته من ظهرو
سدره؛؛ انت حبيبي وروحي وابو ويلادي والله ماغدر بيك والله ماجانت نيتي اغدر بيك
علي؛؛ لمي كرامتج الباقيه واطلعي
رجعت ليورى غمضت عيوني احس ضربني بكلبي
علي؛: راح اسامحج بس اذا رجع لؤي راح اسامحج هذاك الوكت
سدره؛: جيتك وطلبت منك اتسامحيني بس وصلت كرامتي حدك
طلعت من بيت عمتي ابجي اشكد صيحوني ماسمعتهم
رجعت لبيت وعشت بحزني ومن هذاك اليوم ماشفت لا علي ولاويلادي
جانت عمتي والبنات يجون عدنا وعمي اشويه اشويه وضعو صار زين
صهيب صار الحمدالله هم وضعو زين ورحت شفتو خطيه جان يتوجع اشويه
صهيب؛: مو كتلج راح ترتاحين
سدره؛: بس علي اخذ ويلادي مني اتخيل هذاك اليوم اني طلعت بره وهمه جانو يلعبون بالشارع صيح عليهم كبل دخلهم جوى
صهيب؛: الي جاي يسوي علي مااكثر من شر عبدالله
اماني؛: يكفي خلصتي من عبدالله سدره
صهيب ::انتي خمه زعلانه مني
سدره:::اني ازعل منك ازعل من الدنيا كلها مازعل منك ليش انسى فضلك اني انسى انت شنو سويتلي صهيب انت ليش هلكد انسان وفي؟
ابتسم وجر حسره وعيونه غوركت
صهيب::اول من دخلت لجامعه تعرفين انتي شويه بعض من اهل الموصل وتركمان تلعفر مو حييل بينهم
صادقت جثير بس جنت احسهم حشاج منافقين اني بس امشي يحجون ورى ظهري
تذكرين من لؤي مره تعارك بالجامعة
سدره::اي اتذكر بوكتها ماقبل يحجي ليش
صهيب؛::تعارك بسببي اني جنت ماعرفه ولايعرفني مجرد زميل معايا جنت مصادق جماعه واكف واسولف واحجي معاهم
اعزمهم ونطلع وادخلهم ببيتي
فديوم اني جنت واكف معاهم سلمت ومشيت ثاري لؤي واكف قريب من عدنا
واني من ماشي واحد منهم كايل شنو هذا العفري الي تمشون معا
والثاني كال خلي يمعوده شابعين ونسه براسه
لؤي سامعهم ومتعارك معاهم وكالهم عيب عليكم يكف وياكم وتكونون منافقين
وكلمه منهم وكلمه من لؤي تعاركوا بعدها كالي لؤي لاتمشي معاهم هذوله مو خوش ناس يحجون عليك
اني اريد اصير صديقك وخلينا نحن نكون اخوان راح اعرفك على اختي يقصد اماني وخطيبتي وخطيبة اخويا
عرفني عليكم وبعد كم يوم عزمني ب بيتهم من وصلت باب الحوش قبل مادخل مسكني من ايدي وكالي
لؤي؛؛راح ادخلك ب بيتي صهيب وراح اعرفك على امي واهلي بس ياصهيب اذا طلعت مو كد هاي الثقه اركب سيارتك وارجع منين ماجيت
صهيب؛؛مو صهيب الي يخون الثقه يالؤي
ابتسم ودخلنا لبيت وعرفني على بيت عمتج وقبل مايقدملي كلاص الماي راح جاب خبز وملح
لؤي؛؛ يشهد الله اني حبيتك حتى لو ماجنت عربي ماكو فرق
اكلت الخبز والملح وصار بينا زاد وملح ياسدره شلون اخون هذا الزاد والملح هسا عرفتي ليش اني وفي الكم وفي لصداقتنا
مسحت دموعي وصهيب يحجي
صهيب؛؛ من هذاك اليوم صرت اني اخو لؤي ولؤي اخويا وماعندي صديق غيره حتى الاصدقاء الي اعرفهم يحياتي ماتعمقت بعلاقتي بيهم بكثر ماتعمقت ب لؤي الحمد?
تكملة بارت24
سدره:::اني ازعل منك ازعل من الدنيا كلها مازعل منك ليش انسى فضلك اني انسى انت شنو سويتلي صهيب انت ليش هلكد انسان وفي؟
ابتسم وجر حسره وعيونه غوركت
صهيب::اول من دخلت لجامعه تعرفين انتي شويه بعض من اهل الموصل وتركمان تلعفر مو حييل بينهم
صادقت جثير بس جنت احسهم حشاج منافقين اني بس امشي يحجون ورى ظهري
تذكرين من لؤي مره تعارك بالجامعة
سدره::اي اتذكر بوكتها ماقبل يحجي ليش
صهيب؛::تعارك بسببي اني جنت ماعرفه ولايعرفني مجرد زميل معايا جنت مصادق جماعه واكف واسولف واحجي معاهم
اعزمهم ونطلع وادخلهم ببيتي
فديوم اني جنت واكف معاهم سلمت ومشيت ثاري لؤي واكف قريب من عدنا
واني من ماشي واحد منهم كايل شنو هذا العفري الي تمشون معا
والثاني كال خلي يمعوده شابعين ونسه براسه
لؤي سامعهم ومتعارك معاهم وكالهم عيب عليكم يكف وياكم وتكونون منافقين
وكلمه منهم وكلمه من لؤي تعاركوا بعدها كالي لؤي لاتمشي معاهم هذوله مو خوش ناس يحجون عليك
اني اريد اصير صديقك وخلينا نحن نكون اخوان راح اعرفك على اختي يقصد اماني وخطيبتي وخطيبة اخويا
عرفني عليكم وبعد كم يوم عزمني ب بيتهم من وصلت باب الحوش قبل مادخل مسكني من ايدي وكالي
لؤي؛؛راح ادخلك ب بيتي صهيب وراح اعرفك على امي واهلي بس ياصهيب اذا طلعت مو كد هاي الثقه اركب سيارتك وارجع منين ماجيت
صهيب؛؛مو صهيب الي يخون الثقه يالؤي
ابتسم ودخلنا لبيت وعرفني على بيت عمتج وقبل مايقدملي كلاص الماي راح جاب خبز وملح
لؤي؛؛ يشهد الله اني حبيتك حتى لو ماجنت عربي ماكو فرق
اكلت الخبز والملح وصار بينا زاد وملح ياسدره شلون اخون هذا الزاد والملح هسا عرفتي ليش اني وفي الكم وفي لصداقتنا
مسحت دموعي وصهيب يحجي
صهيب؛؛ من هذاك اليوم صرت اني اخو لؤي ولؤي اخويا وماعندي صديق غيره حتى الاصدقاء الي اعرفهم يحياتي ماتعمقت بعلاقتي بيهم بكثر ماتعمقت ب لؤي الحمدالله على كل حال والله يرحمه
سدره؛؛ممنونه الك ممنونه لصداقتك ممنونه لان قدرت هذا الزاد والملح ممنونه الك بعمري ياابو لؤي شنو اسوي حتى اوفيك
صهيب؛؛بس تعالي خلي هاي المخده ورى ظهري وتوفيني
سدره؛؛؛ هههههه حتى بهاي تحشش
صهيب؛؛؛هههه اخخخ ماكدر اضحك وينج ياام لؤلا وين صار الجاي
اماني؛؛ دا اسوي عصير ماسويت جاي
خليت المخده ورى ظهره
سدره؛؛هسا زين كعدتك
صهيب؛؛ اي زين عشتي ديلا بله اكولها سوي جاي تسوي عصير مايفيد عكس العالم
سدره؛؛؛ عاشرتك انتو مو كلشي عكس العالم
مسك بطنه يضحك
صهيب؛؛ هههه لج يافطيره مو نحنا هذوكه الجماعه
سدره؛؛؛ صهيب لاتضل لوتي نفس الشي ههه
صهيب؛؛ هههه
علي
مرت ايام واني بديت اتعب صار السكر عندي خلص ماينزل الا بالانسولين
تفكيري دمرني عيوني ماكامت اتشوف النوم
كل مافكر بلي صار احس راح اتخبل
كل ماكول سدره حقها اتخاف ماكدر
احس ادمرت من اقرب اثنين عليه
ولؤي اخخخ يالؤي الي كسر ظهري الي مات ضلم ياريت اني ميت بمكانك يااخويا
وجنات الي انكطعت اخبارها الي مانعرف شنو صار بيها
يوم عرسهم وايامهم واحلامهم كلها راحت راحت ضحيه لكتمان سدره
اخخ ياسدره اش سويتي بيا ...
ويلاد عمي جوي علينا بس ماسمحنا لهم يدخلون وطردناهم من باب الحوش
سمعنا عمي ضاربتو جلطه من سمع بالخبر ...
ويلادي خبصوني على امهم بس جنت ارفض جانوا يكعدون يبجون ويريدون امهم بس احس كلبي قسى حتى دموعهم صارت ماتشفع
امي وابويا والكل يحجي معايا بس رفضت رفض قاطع
اكعد بغرفتي ساعات وارجع اتذكر من اول من حبيت سدره
اني ليش ماجنت مركز على تصرفات عبدالله
ليش ماحسيت معقوله اني هلكد غشيم
ويلادي جوي يبجون ويبوسون بيا يريدون يشوفون امهم بس ماقبلت
علي؛؛؛كلت لا يعني لا
ماري؛؛ الله يخليك بابا ليش
علي؛؛؛ ماريا والله بس اكوملج انتي واخوج واحد الطخكم بالثاني امشووووو من كدامي
ماري؛؛؛ والله اروح على امي
علي؛؛؛ لاتخلين اسبج واسب امج
حسين؛؛؛ بس امي خطيه هسا دا تبجي علينا
ماري؛؛؛ مااحبك بعد بس احب امي اني احبك اكثر من امي وانت هيجي تسوي بينا
كمت اصيح عليهم وزادو بجي فتح الباب محمد وهمه ركضوا على عمهم
محمد؛؛؛ لاتبجون عموو شبيك انت تخبلت خمه اتخبلت يااعلي
علي؛؛؛ مايروحون على امهم والله اذا سمعت واحد بيهم رايح اكسر رجلينهم ورجلين امهم معاهم
محمد؛؛ اطفال مايفتهمون شنو ذنبهم
صرت اصيح واكسر
علي؛؛؛ لعد انيييي انيييي علي يصير بيا هيجي اني مرتي تطعني بظهري انيييييي اصير مضحكه لناس
ويكولون 16سنه تمشي الماي من جواته وهو ما يدري رااااااح اتخبل يااااناس راااااح اتخبل شلون ماحسيت شلووون كولي
ابو علي؛؛؛ ياابني الي صار بعد صار
علي؛؛؛ عندك بعد صار بس الي سوته بيا سدره والله راح ادفعها الثمن غالي والله عوووووفوني وحيدي اطلعووووا بره
سديت الباب وكعت على التخت جسمي يرجف راح اموت من القهر راح انجلط من التفكير
ماتخلص جكاره الا وشربت الثانيه
فاتت امي لغرفه وكعدت يمي تبوس بيا وتبجي
ام علي؛؛؛ علاوي يمه اروحلك فدوه كاافي تسوي هيجي بنفسك يايوم
علي؛؛ يمه والله راح انجلط والله ماسويت شي مع عبدالله حتى هيجي يسوي بيا
ليش يكرهني شنو الشي الي سويته معا واني مادري
الي تصل بي درجه يحاول يقتلني ويتعدى على عرضي
يمه والله عبدالله جان يسوي مصايب واني اكول لعمي اني سويتها حتى لاينكتل
بس ذكريني وكوليلي مسوي شي معا من جنه اطفال وبسببه حقد عليه
ام علي؛؛؛ الغيره يمه الغيره والله والحسد انت جنت شاطر بدراستك مطيع النا
مافديوم كلنا كلمه اني وابوك اذا ماكلت صار وتدللون
عمك جان يشوفك دائما هيجي معنا ودائما يكول ياريت علي ابني ولا عبدالله ابني
عمك يايمه مايحب ابوك لان جدك منعه من الورث واني جنت اكول لابوك هذا الكلام وجان يتعصب ويحجي ومايخليني ادخل واحجي كلمه
لو جان يحب ابوك جان زرع بكلوب ويلادو المحبه
علي؛؛ وهذا الشي يخلي الشخص يقتل يخلي الشخص ياذي
ام علي؛؛؛ اي يمه الحسد والكرهه والحقد يسوي
علي؛؛؛ والله جان غالي على كلبي حتى صورته هو ولؤي جنت مخليها خليفه لموبايل مانام اذا مااشوفهم هيجي بالاخير انكسر هيجي كسره يمه اني علي وهيجي يصير بيا
رفعت التشيرت مالتي اغطي عيوني وكتوفي تنهز يمكن عيب ابجي
بس والله انكسرت والمصيبه الي وكعت على راسي لو واكعه على جبل جان هدته
.....
سدره
بهاي الفتره ميس جابت بنت وسمتها ليان ❤️ دزتلي صورها لان ماكدرت اشوفها ولامستحيل ادخل لبيت عمتي
عمر جان يمشي ب شغله عبدالله حتى يحوله على بغداد
سدره؛: زين فرق بين اربيل وبغداد شنو
عمر؛؛ الفرق جبير اول شي اربيل احتمال يحكمو 15سنه او 20 وراح يحسبوها يوم وليله وهيجي اذا 15سنه يعني سبع سنوات ونص وراح يطلع واذا عشرين سنه عشر سنوات ويطلع واني ماريد يصير هذا الشي اريد انقلو لناصريه او البصره ومن هاي السجون مال عراق
وفتره وكدر عمر ينقل عبدالله من سجن اربيل لسجن بغداد
وصار عمر هو الي يحقق مع عبدالله يوم من الايام جاني عمر وكالي
عمر؛؛سدره تجين معايا؟؟
سدره؛؛وين
عمر؛؛ لبغداد عبدالله يريد يشوفج انتي وعلي
سدره؛؛ مستحيل اشوفو انت مخبل اكيد
ماقبلت وعصبت ورفضت رفض تام
علي
بشرني عمر عبدالله نقلوا لسجن بغداد وبعد فتره جاني وكالي عبدالله يريد يشوفك
علي؛: دير بالك تفتح هذا الموضوع معايا
عمر؛؛هو رايد يشوفك انت وسدره
علي؛: محد بينا يصل وكول لسدره اذا وصلت ترى اكسر رجلها
عمر؛؛هي ماتصل هم مثلك عصبت وضاجت
علي؛: هاي هي طبو مرض شريد من عدنا
عمر؛؛:احسو ندمان
علي؛: ههه ندمان
سدره
جان عندي فضول دائما اسال عمر على عبدالله وجان دائما يكولي
عمر؛: يسالني عليج جثير ويريد يشوفج
جنت رافضه فكره اروح اشوف عبدالله خلاص
بعد ماعمر حقق مع عبدالله وعبدالله اعترف بكلشي قدم الاعتراف عمر لقاضي وصارت محكمه عبدالله
وطلبو مني اشهد بالمحكمه ورادو شهادتي وشهاده صهيب باعتبار صهيب جان بالاستخبارات وعبدالله ضربو طلقه
ورحنا لبغداد كلنا اني وصهيب وعلي وعمر وعمي هم اصر يجي وبابا
دخلنا لمحكمه وجابو عبدالله ضعفان حييل وجوات عيونو اسود مكلبجين ايدينو ويمشي وهو مدنك براسو
من شافنا كام يصيح بالمحكمه
عبدالله؛: اريد احجي معاكم الله يخليكم لاتخلوني انحكم اعدام اني تبت والله عموو عموو قصي الله يخليك علي بداعت الاخوه الي جانت بينا
علي؛؛؛ولك كواد انت خليت خوه
وعلي هجم على عبدالله ومسكوا
عمر؛؛ تعاال لاتخبل هسا يطردوك
علي؛؛ ولك اتشوف الكواد عندو عين هم يحجي
عمر كال لشرطه اخذوا اخذو وبعدها دخلنا لقاعه دخل القاضي وكلنا وكفنا
كعدنا وصار القاضي يستمع لكل وصارت دعوه مني ضد عبدالله ودعوه من صهيب ودعوه من عمي باعتبار هو كتل ابنو ورجع انفتح الملف القديم الي هو موت لؤي وباعتراف هذا الشي من عبدالله
بعد سامع القاضي لكل اندار على عبدالله
قاضي؛: عندك شي اتكوله
كام يبجي ويطلب من عدنا انسامح
قاضي؛: لو حتى الدعوه يتنازلون عنها راح اتضل جرم داعش بركبتك
عبدالله؛؛ بس اني مارررريد اموووت مااااريد
كام يصيح ويبجي والقاضي صرخ بي سكته
قاضي؛؛ قرار
ضرب القاضي على الميز وكفنا كلنا
القاضي؛: قف أيها المتهم واستمع إلى حكم المحكمة.
بعد دراسة أوراق الدعوى دراسةً دقيقة
، والاستماع إلى أقوال الشهود
ومراجعة الأدلة والتقارير المقدمة
وبعد أن ثبت للمحكمة بما لا يدع مجالًا للشك ارتكابك للجرائم المنسوبة إليك فقد وجدت المحكمة أنك مسؤول مسؤوليةً كاملة عن الأفعال التي اقترفتها وما ترتب عليها من إزهاقٍ للأرواح البريئة
إن الجرائم التي ارتكبتها لم تكن خطأً عابرًا ولا فعلًا اندفاعيًا لحظة غضب
بل كانت أفعالًا حملت بين طياتها قسوةً واستهانةً بحرمة الحياة التي كفلها القانون لكل إنسان.
وعليه، وباسم العدالة، ووفقًا لأحكام القانون، قررت المحكمة الحكم على المتهم عبدالله..... بالإعدام شنقًا حتى الموت عن الجريمة الأولى اربعه ارهاب ، والحكم عليك بالإعدام شنقًا حتى الموت عن الجريمة الثانية وهي القتل المتعمد والخطف الحكم غير قابل لتميز
ولتعلم أن هذا الحكم لم يصدر انتقامًا بل تطبيقًا للقانون وإنصافًا للضحايا الذين سُلب منهم حقهم في الحياة وردعًا لكل من تسول له نفسه أن يسلك الطريق ذاته.
صدر الحكم وأُفهم علنًا ، وترفع الجلسة.
عبدالله وكع يبجي اخذوا الشرطه ويصيح
عبدالله؛:ماااريد اموت مااريد سدره سااعديني والله حبيتج اني والله
اجذب لو كلت مانقهرت عليَ من حكمو بالاعدام لان خسر حياتو على ولاشي بس بشر القاتل بالقتل ولو بعد حين
طلعنا من المحكمه وكمت ابجي حتى علي احس انقهر حييل ماكدر يمشي داخ وكعدوا
صهيب؛: ضارب انسولين هليوم
هز براسو لا
عمر؛؛:شلون ماتاخذ علاجك
علي:: نسيت موجود بالسياره
راح صهيب جاب الابره وضرب علي تحت الجلد
سدره؛؛ شلون صرت
ماقبل يجاوبني
ابو سدره؛؛ ها وليدي
علي؛: الحمدالله خالو يالا انروح
عمر؛: هاك اشرب ماي
علي؛: ترى مابيا شي مو اني الي مثل عبدالله وامثالو يكسرني
من كال وامثالو التفت عليه
عرفت بي دا يقصدني اني امثال عبدالله حييل انقهرت من كلامو بس عمر اشرلي يعني اتحملي
مشينا حتى نرجع بس حسن حلف يمين مانرجع وانروح عندهم
عمر؛: يمعود والله مالازم
حسن؛: صدك حذب سيدي بعدين شنو انتو مامشتاكين اتشوفون اهلي ها سدره
سدره؛: مانريد انكلفكم
حسن؛؛ يمعود خاله دكولي غيرها امشوا
اخذنا حسن لبيت اهلو وخطيه اول من شافونا محضرين الذبيحه
ابو حسن وعلي اتحاضنو واحد يبوس بالثاني
ابو حسن؛؛ والله انت اخ عزيز
علي؛: انت اعز ياابو حسن بس الضروف الي خلتنا مانسال
ابو حسن؛؛؛ حقكم حجالي حسن الله يرحم لؤي والله مايستاهل
علي ؛: الحمدالله على كل حال
دخلنا جوى صدك من شفتهم عرفت السنوات اشكد تمشي سريع كلهم كن كبرو وفاطمه ماعرفتها
بوستهم وسلمت عليهم
سدره؛: مشاء الله هاي شنو كن كبرتو سماء وفاطمه
فاطمه؛: ها الدنيا خاله خمه انضل هيجي
سدره؛: حيااتي فدوه لعمركم شلونكم والله مشتاقتلكم
ام حسن؛؛نحنا الاشوق والله
بعد ماكعدنا وارتاحينا اشويه جاني حسن كعد يمي
حسن؛:الله عليج سدره الي صار صحيح
سدره؛: والله ياحسون هاي الحقيقه
حسن؛؛اووف شلون كواد هذا وشلون كن خطط وحاسب
الله اخذ حقج وحق لؤي الله يرحمه بلكي يالله ترجعين انتي وعلي
سدره؛: مستحيل مارجع بعد احس ماضل عندو ثقه بيا اتصدك صار شهرين مايخليني اشوف ويلادي لو ماازوجة اخو الله ينطيها تطلع من فوك السطح تشوفني همه
حسن؛؛ اتحملي هو هم مريض خطيه والي صار معا هم مو قليل هو اكثر واحد اتاذه
سدره؛:ليش اني ماتاذيت
حسن؛: انتي تعرفين لو انتي عند اهل الجنوب جان ذبحوج حشاج انتي بس مايصدكون بيج ويحجون اشكال والوان
سدره؛: ليش ماحجو عليه اشكال والوان اني اعرف الناس كلها جاي تحجي عليه بس الي صار صار بعد
حسن؛: على كولتج الي صار صار بعد
ضلينا هذيجه الليله عندهم والليل كلو احجي لام حسن وابجي وهي اتهدي بيا
ام حسن؛: والله اني من كالي حسن يوم شفت سدره كتله يول شلونها شخبارها كال متزوجه وصاير عندها اطفال اثنين و انفصلت اتخبلت شلون تنفصل هي جانت اتموت على علي وهلمره صدمني من كاال اتزوج جان مايعرف سبب الانفصال بعدين حجالي شبعت قهر
هاي قسمتج بالحياة ام حسين احمدي ربج واشكري
سدره:؛الحمدالله على كل حال ....
رجعنا ثاني يوم لاربيل ونقلو عبدالله لسجن الناصريه وعمر شايفه ومتوسل ب عمر بس يشوفنا اني وعلي رجع فتح الموضوع مع علي هم رفض وماقبل
بس اني فكرت وقررت اروح لان ثوله وخربت حياتي بعد اكثر من قررت اروح
سدره؛: اريد اروح اشوفو
عمر؛؛ واذا علي عرف
سدره؛؛مايهمني باجر اخذني اشوفو
عمر؛؛ هاي هي بكيفج
ثاني يوم اتحضرت ورحت وبالطريق دك موبايل عمر
عمر؛: هذا علي جاي يدك عليه
سدره؛: جاوبو وافتح سبيكر
عمر جاوبو وفتح سبيكر
عمر؛: هلا ابو حسوني
علي؛: وين ماخذ سدره
عمر؛:ترى هاي اختي وبكيفي وين اريد اخذها
علي؛؛ جااوبني وين ماخذها
عمر؛: هيجي طالعين
علي؛: طالعين ولابس ملابسك مال دوام توني جنت فوك وشفتكم رايحه اتشوف هذاك الحقير موو انطيني هي
عمر؛: علي مو وكت مشاكل هسا
علي؛؛ عمر كتلك انطيني سدره
انطنا عمر التلفون وجنت متردده احجي معا اخذت التلفون وكتلو
سدره؛: ها علي
علي؛؛ وين اموليه هاااا رايحه اتشوفين هذاك الكواد فوك قهري اتزيديني قهر فوك كلام الناس اتاكدين كلامهم عليج
سدره؛: بس اسمعني
علي؛؛ سمعتج بما فيه الكفايه وهسا انتي الي لازم تسمعيني
شوف سدره وحق الي خلقج ااذا مارجعتي هسا الا اشوفج شي عمرج ماكن شفتي اخاف هسا جاي اتشوفين ويلادج بالبوكه اني مو غشيم الا اخليج بحسرتهم هلمره
سمعتي زين هسا ترجعين سمممممعتي
صيح وسد التلفون
عمر؛: راح ارجع ماناقص يعاند معاج بالزايد ترى حتى ابويا صار مع علي
سدره؛؛لا ترجع وكف السياره
ضلينا فوك النص ساعه كاعدين بالسياره
عمر؛: ها نرجع
سدره؛:لا خلي انروح
عمر؛: انتي مخبله ماسمعتي شلون معصب
سدره؛: ماخاف من احد بعد الي براسي اسوي
عمر؛: سدره
سدره؛: اذا اتحبني وتعزني تاخذني هسا
عمر؛؛: انتي تتحملين عواقبها
سدره؛؛ موافقه
اخذني عمر ورحت شفت عبدالله ورجعنا ثاني يوم وضليت بعدها ثلاث ايام مريض من قهري بس الي قهرني اكثر والي دمرني هو علي ....
علي
جنت طالع فوك وشفت سدره وعمر طلعوا وعمر لابس ملابس الدوام صار عندي يقين ماخذ سدره تشوف عبدالله
خابرتها وكتلها واتوقعت راح ترجع لاكن سدره اتحدتني وراح شافت عبدالله
هينا قررت صدك اخلي نقطه على السطر كملت شغلي كلشي وحضرت اغراض ويلادي وحجزت بعد خمس ايام حتى اسافر لمصر
سدره
جا عليه مختار الصبح وكالي
مختار؛؛سدره علي سافر
صدمني ضربت على صدري كبل وكمت ابجي
سدره؛: صحيح تحجي وويلادي راحو معا
مختار؛: قبل اشويه طلع من البيت وسالتو كالي مسافر واخذ الويلاد معا
اتخبلت كمت ابجي واصرخ واضرب على نفسي رحت اركض مثل المخبله على بيت عمتي مسكتني عمتي وميس
ام علي؛ اهدي امي الله يخليج
سدره:: راحوووا اخذو روحي معاهم الله يخليج صحيح ابوس ايدكم علي اخذ ويلادي وراح
زين مافكر بيا زين ماكال هاي شلون راح اتعيش بدون ويلادها
يابا ليش ما وكفتو ليش مامنعتو والله مو بيدي الي صار والله مو بيدي ياناس
موتت روحي اخذهم مني وراح يهدون بيا ولايفيد اصلا اتخبلت بالزايد
سدره؛: اخذني مختار اخذني على علي هسا تاخذني
مختار؛: وين راح انشوفو
سدره؛؛ مالي دخل لازم امنعو لازم ماياخذ ويلادي
رحت على سريع لبست ملابسي وطلعت مع مختار وشوارع اربيل ازدحام موت وكل اشويه اصرخ على مختار
سدره؛: اممشيييي ب سرعه
مختار؛؛ ماكدر هاي شبيج
بالف قل هو الله احد وصلنا المطار نزلت اركض مثل المجنون هينا وهينا لكيتو يمشي وماسك حسوني من هينا وماري من هينا وكعت على ركبي وصرخت
سدره؛: علللللي
التفت كبل عليه شافوني الويلادي ركضوا عليه يبوسون بيا احضنهم وابجي وابوس بيهم
اتقرب علي علينا
علي؛؛ اشجابج
سدره ؛: ليش تحرمني منهم ليش
علي؛؛ كتلج لاتروحين واتحديتيني وفضلتي هذاك لكواد عليه وعلى ويلادي واكدتي كلام الناس عليج
سدره؛: شنو تقصد بكلامك انت
علي؛؛ قصدي واضح قصدي عمري ماشكيت بيج حتى من عرفت الحقيقه بس بعد الي صار ورحتي وضحلي كلشي وبس هذا الله اعلم شنو جان اكو
سدره؛: ماسمحلك تحجي هيجي عليه
علي؛::ومنو انتي حتى تسمحين او لا اذا سمحتي او لا اني حاجي
سدره؛:علي اني سدره
دحكتله بنظره توسل بنظره جنت كل مره ازعل بيها اذا ادحك هيجي علي ينكسر كلبو بس هسا لا ولاحرك ساكن
علي؛:اعذريني وهسا راح اسمحلج اتشوفين ويلادج واتودعيهم
سدره:؛لا تاخذهم مني ماراح اخليك
علي؛: مو بكيفج افتهمتي يالا دا اشوف راح نتاخر على الطياره وبدون فضايح وبدون صراخ وبجي ودعيهم فضيني
وكف بصفحه وضليت اشم بيها وابوسهم وابجي وهمه يبجون جا مسك ايديهم
علي؛: يالا بابا خلي انروح
ماري؛؛ خلي ماما هم تجي حباب بابا
حسوني؛؛,بابا خطيه ماما
علي؛: يالا امشوا بدون كلام
دار ظهرو ومشى وانهاريت بالبجي بعد اكثر
سدره؛: لاتروحون وتاخذون روحي وياكم
من كلت هيجي وكف بس مالتفت عليه ومشى وراح واخذ ويلادي واخذ مني حيااتي الي خسرتها بسبب ابن عمو حضني مختار وكومني وطلعت واني ادحك ورايا ويلادي يدحكون عليه ماكدرت امنعو ماكدرت اخلي مايسافر راح علي رااح
وماعرف والله اني الي خذلتو لو هو الي خذلني
ضلت بعد ويلادي بالفراش وماشفت الراحه وكعت واتمرضت وتعبت حتى صوتهم صار حرام عليه كون ربي احتركت ب نار جهنم ياعبدالله ......
