رواية ليتني واجهتك الجزء الثاني الفصل الخامس والعشرون
رجعنه منين ما جابتنه الأيام ،
سدره
رجعت لبيت مكسوره اخويا حاضني وابجي ودموعي تنزل
كسرني علي اني استاهل كلو من ايديا
شافتني امي رحت لحظنها ابجي واشهك
سدره؛؛ راح يااماما واخذ ويلادي معا علي دمرني كسرني
ام سدره؛: رب العالمين هو جبار الخواطر
كمت اضرب على نفسي وابجي واصرخ
سدره؛: رب العالمين ماجاي يشوف حالي حتى ويلااادي انحرمت منهم حتى ويلادي يايووم اني عليش عايشه فهميني كوليلي عليش عايشه
مختار؛؛يااختي هذا اختبار من رب العالمين ماتعرفين شنو رب العالمين كن ضملج باجر
سدره؛؛ صدكني ضملي اصخم ابد ما مضمولي شي زين
ام سدره؛: استغفر الله لاتكولين هيجي كومي معاايا
سدره؛:اررريد ويلاددي اريددهم ماتحمل بدونهم وي يوم اتخيلي لو نحنا تنكطع اخبارنا عنج شنو يصير بحالج والله ويلادي بعدهم صغار شنو ذنبهم يعيشون بعيدين عني شنو ذنبهم
اخذتني امي لغرفه اتمددت وابجي واشهك على نظر عيوني ضلوا امي والبنات كاعدين يم راسي وامي اتمسح على راسي
من كثر مابجيت غفيت كعدت على ايد تلمسني فتحت عيوني لكيت عمتي يمي اتعدلت وحضنتها
سدره؛؛: يوووم علي راح راح واخذ ويلادي معا
ام علي؛: ليش اتروحين فهميني ليش اتروحين اتشوفي شنو الغايه من عندها
سدره؛؛ ثوله مافتهم لو جنت افتهم جان ماضميت سري لسنين طويله
ام علي؛: اشجالج فهميني نحنا انريد علي يهدأ اتروحين اتشوفين هذاك منبوش الصفحه اش راد من عندج
سدره؛؛ طلعنا بالطريق وعمر صار يحجي شلون عبدالله اعترف
عمر؛:: بعد مانقلت عبدالله لسجن بغداد بديت احقق معا بالبدايه رفض يحجي وجنت اضربو يضحك
عبدالله؛:هههههه ضل اضرب من هسا لبعد سنه هههه ماعندي شي واخوك هو الي قتل لؤي
عمر؛؛ ولك كوواد لاتضحك اكو شهود على انت داعشي وخطفت سدره وضربت صهيب بس الخطف وحدو يخليك تنحكم اعدام بس اني ماريد بس شهود راح تعترف وغصب عنك
وضليت احقق معا ايام واحتاريت شلوون استخدم سلوب معا حتى حاربتو بالماي والاكل ومن بداء يعطش قرر يعترف كعدتوعلى الكرسي كدامي خليت ايديا على الميز وصيحت بي
عمر؛: اعترف بكلشي
عبدالله؛: اريد مااي
عمر؛: من راح تعترف راح انطيك ماي منو الي قتل لؤي
عبدالله؛: اني خليت واحد يطلع يقنص على بيت عمي بس الغبي دا يكتل علي كتل لؤي
عمر؛؛:وليش حتى تكتل علي
عبدالله؛: اريد ماي
عمر؛؛جيبوله ماي
جابوا ماي لعبدالله شرب
عبدالله؛:وهسا شنو الي اتريدو هاي اعترفت اني قتلت لؤي
عمر؛:اااحجي معايا عدل افتهمت لااطيح حضك تعرف جاي تحجي مع منو؟
عبدالله:: هههه جاي احجي مع اخو حبيبتي
من كالي هيجي ضربتو بوكس خليت يطلع دم من خشمو وحلكو
عمر : من تحجي مع ال.... عمر احجي ب احترام ودير بالك ثاني مره اتجيب طاري عرضي على لسانك اكصو افتهمت وهسا احجيلي من البدايه يالا انت محكوم اعدام محكوم
عبدالله؛: ب سبب ابويا صرت اكرها علي لان جان دائما يكولي ماتصير مثل ابن عمك جان دائما يضربني ويحرمني من شغلات جنت اشوفها عند علي اتمنى اتصير عندي
عمر؛: هذا الشي من جنت صغير وكل طفل يصير عندو اشويه غيره من الثاني بس من كبرت مافكرت هذا الشي غلط
عبدالله؛: لا لان جنت افكر دائماً من اكبر راح اصير احسن من علي وراح اخلي الناس اتحبني مثل مايحبوون علي راح اخليهم كلها اتكول عبدالله ماكو غيرو بس من كبرت وبديت اشوف نفسي وين اني وين هو قررت انتقم
واذيتو باقرب الناس عليَ اذيتو ب سدره
سدره جانت ذكيه وحباب وشاطر بس جانت جبانه وجنت واثقه بيها ماراح تحجي واتكول لعلي عليه خصوصه من جان يحجيلي على علاقتهم واشكد واحد يحب الثاني جنت واثق سدره تدفع عمرها كلو ماتخسر علي
وردت انتقم وصرت اسمع سدره حجي وردت اخرب علاقتهم ردت علي ينخذل من اقرب الناس عليَ بس ماكدرت بهذا الشي
بالبدايه ماجنت احبها جانت بس تعجبني لان حلوه ولاني جنت اكرها علي حسيت مايستاهل ياخذ هيجي بنت حلوه وجنت مصر اخرب علاقتهم علي جان كلشي يحجيلي عن علاقتهم بس بعدها اكتشفت روحي احبها ومتعلق بيها
ردت وحاولت بكل الطرق اخذها بس فشلت لحد ماتعرفت على جماعه وكالولي تعال معنا لسوريه اكو شغل هناك
قررت اروح وحاولت اترك سدره اتعيش مرتاحه وب يومها وعدتها اعوفها وبعد ماذيها بس لاكن فشلت بهذا الشي لان من سافرت لسوريه لكيت شغلي هو مع تنظيم القاعده
وصرت اشتغل معاهم وصار عندي فلوس وكلشي ماجان ناقصلي وهذا الشي الي خلاني اكتل علي .
جان عندي تواصل مع علي وجنت اعرف وين يشتغل دزيت جماعه عليَ وخليتهم يراقبوا وبعدين اغتالوا
ضربت ايديا على ميز وصيحت بوجهو
عمر؛: يعني انت الي اغتاليت علي
عبدالله؛: اي اني
عمر؛: ياساقط كمل
عبدالله؛:بعد مافشلت بموت علي ومرت سنين وصار زواج لؤي جت الفرصه ليمي
ب يومها جنت واكف واسمع سدره اتكول لمختار لاتضرب طلقات اخاف من صوتهم بس مختار عاند الا يضرب كلت بكلبي جتك الفرصه ياعبدالله
اكتل علي وسوي فتنه بينهم بعدها نحنا راح ناخذ ويلادنا وانتو تسحبون بنتكم وباعتبار ماكو احد بالعشيره غيري اعزب اكيد كلها ماراح تقبل تزوجها
راح اني اتقدملها واخليها غصب عنها اتوافق وهيي اكيد راح توافق لخاطر ويلادها رحت وخليت واحد يطلع ب غرفتي ويقنص على بيت اهل جنات
ومع ماا مختار ضرب طلقات هو ضرب بس الغبي ضرب لؤي مكان مايضرب علي
عمر؛ اشكدك نذل وسافل بس فهمني وين شعورك وين احساسك وانت تقتل اخوك شنو من حقد انت شايل
عبدالله؛: علي اخذ مني طفولتي وماكافي من كبرنا اخذ مني البنت الي احبها
عمر؛: ولك حيوان انت الي اخذت من علي كلشي انت الي حرمتو من مرتو واطفالو وانت الي دمرت حياتهم اما حياتك انت الي دمرتها بيدك صدك انت مريض نفسي
كمل واختك الها يد سلوى
عبدالله؛: هي ماجانت تعرف كلشي ولاتعرف اني الي قتلت لؤي بس قبل فتره جنت ابحث على الفيس على حساب علي لان حساب علي قديم وماغيرو لكيتو دخلت على منشورات جان ناشر صورتو هو ويلادو
جنت اريد الكي اثر يوصلني لسدره ب صدفه دخلت لتعليقات واكلب لكيت صفحه كن علقت مكتوب سلوى واسم ابويا عرفت هي سلوى
دخلت لفيس مالها بحثت بل اصدقاء لكيت اخوتي معاها عرفت هي سويت صفحه باسم بنت ودخلت عليها
عبدالله؛: مرحبا ممكن الرد ضروري
سلوى؛؛ منو
صرت احجي معاها بحجه اني بنت من الفيس وحابه اصير صديقتها خليتها تثق بيا بعد فتره كتلها راح اكولج على سر بس اذا احد عرف بي انهي حياتج وحياة رجلج
سلوى:؛؛انتي منو اش اتريدين مني
عبدالله؛:من اتكونين وحدج اتصلي بيا
سلوى؛: هسا اني وحدي انتي منو
كتلها اني عبدالله ماصدكت بس من حجيت معاها اتصال صدكتني وصرت اسالها عن علي وكالتلي مو زين معايا وبعده يحب سدره ويريدها كتلها اني راح اخلصج من سدره بس انطيني عنوانها ورقمها
وهي جابتلي العنوان والرقم هذا الي هي لها شغل بي وسالتها بوكتها صح سدره تزوجت كالتلي اتزوجت بس هسا تخلص من داعش وزواجها كذب
عمر؛: ماسالتك ليش امخبي روحك
عبدالله؛: امبله كالتلي وكتلها اني صرت مع داعش من جنت ب سوريا وماكدرت ارجع لعراق
عمر؛: شلون كدرت تنهزم من داعش
عبدالله؛: نحنا مع داعش وبكل سهوله نكدر نهزم نلعب بالفلوس لعب جنه جان اكو واحد يسوي هويات امزوره وطلبت من عندو يسويلي وحده باسم كردي وكدرت اسوي
عمر؛: يااانذال وجنتوا تذبحون الناس اذا تطلع انتو جيتو تشوهون الدين اش سويتوا بالعالم دمرتوا العالم ذبحتوهم وكتلتو ويلادهم وموتهم من الجوع وانتو الله اعلم اش جنتوا تاكلون وتشربون
عبدالله؛: اني انسحبت لجانب الايمن والي اكثر جانب اتاذه من الايسر جنت اشوف العطش والجوع ونحنا جنه ناكل لحم والخبز وكلشي يخطر عبالك جان عدنا
عمر؛: والله انتو زباله والله الاعدام بحقكم قليل لو بس الله يمكني واكدر اطلع قانون الا اخل كل واحد اذى اهل الموصل والعراق عامه يتكطع والله حتى سجن ماخليلكم كبل نار واحرككم وسدره ليش خليت داعش يرجمها
عبدالله؛؛؛ سدره اني وهي انتفقنا نتزوج وهي انطتني وعد وكالتلي اترك علي يروح واني مستعده اتزوجك
وافقت اتزوجها كتبت كتاب اني شفت سدره تزني وكتبت اسماء اشخاص يشتغلون معايا لو اكولهم موتوا يموتون
كتلها سدره اذا ماجيتي على العنوان بعد فتره راح اخلي داعش يرجمج
وهي وافقت تجي وبعد ماطلع علي من الموصل
واني جان عندي شغل بسوريا رجعت وكلت لسدره تعالي يالا صار الوقت
سدره ماجت وكذبت عليه وبمجرد عرفتها كذبت دزيت الكتاب لقاضي وخليت على بيت اقاربكم كلهم ناس تراقبهم حتى بيت صهيب
حاولت اخذ صهيب واخلي تحت التعذيب بس صهيب بايعهم والامير الي اكبر مني ماقبل اذي صهيب كالي هذا واحد من عدنا صار
حتى بعد ماراقبنا بيتهم وعرفت سدره عنده ماكدرت اسوي شي
لان صهيب ذكي كلش وبسرعه حبوا صهيب واصلا ماضل عندي شغل مع صهيب
بعد ماجابوا سدره لساحة الحكم اني جنت ملثم واكف بصفحه ادحكلها
اني ماجنت اريد اقتلها جنت بس اريدها تخاف حتى بعدها راح توافق تزوجني ونروح لسوريا
من صار داعش يضربها دزيت واحد يوقف الحكم
وثاني يوم جاني امر اروح لسوريا بمهمه مستعجله
واني كلت من ارجع راح اعتقلها ومااعوفها الا وهي زوجتي
بعد مارجعت من سوريا دزيت جماعه ياخذوها لكيت بيت اهلك ماموجودين اتخبلت صرت ادور عليها
وين راحت كلهم جانوا ماموجودين حتى جيرانكم اهل اماني ماكو
وحتى صهيب واهله كلبت الدنيا عليها وصرت ادور عليها بكل مكان وهي ماكو مالها اي اثر
حتى الامراء الي معايا وصيتهم على سدره وكتلهم اني اريد هاي البنت واريد اتزوجها بس ماعرف وين ساكنه
بعد فتره لكيت اسمها بالمحكمه متزوجه من حركة كلبي رحت حركت بيت اهلك وبيت علي
حاولت ادور على عنوانها بس ماجان اكو وقت طلعت هويه ونهزمت من الموصل لان معركة الموصل جانت راح تبدي
عمر؛؛والله ياعبدالله لو اكطعكه وصله وصله كلبي ماراح يبرد بيك
صيحت الجنود اخذوا بعد ما وقع على الاعتراف ودزيتو لقاضي
وكدرت القي القبض على جثير دواعش جانوا ب اربيل موجودين باعتراف من عبدالله على مكانهم
صار يتوسل بيا ويكولي اريد اشوف سدره لازم اشوفهم والله اني متندم طلبت هذا الشي من عندج وانتي رفضتي
رجعت علىَ وكتلو كام يبجي واتوسل بيا بس يشوفكم لاخر مره
ام علي:؛ ومن شفتي شنو كالج
سدره؛: رحت مع عمر ودخلت لمكتب مال ضابط عافنا الضابط وطلع وجابوا عبدالله من شفتو جسمي كلو كام يرجف خوف حضني من كتفي عمر
عمر؛: لاتخافين هذا الي كدامج جردي 🐀
وكفت على حيييلي وهو مدنك براسو رفع عيونو عليه وكام يبجي
عبدالله؛: ليش ماجا
سدره؛؛ لكه عين اتشوفو كل الي سويتو بينا اتريد اتشوفو
عبدالله؛: سامحوني
سدره؛: انسامحك بعديش انسامحك فهمني
اتقربت علىَ وصرت اضرب على كتفو
سدره؛: دمرتلي حياتي دمرتني وجاي اتكول سامحوني 16سنه وانت زارع الخوف بكلبي 16سنه
واني اذا بيها اضحك ساعه ابجي شهر خليتني امشي وادحك ورايا واخاف
كم مره حاولت تغتصبني كم مره اذيتني بيها
جاااوبني كم مره انت الاعدام قليل بحقك ولك
ماكافي اني وهلمره دمرت حياة صديقتي اخذت منها الشخص الي جانت تحلم بي طول عمرها وجاي اتكول سامحوني
عمر؛: كاافي اهدي لاتلمسين هذا القذر
سدره؛: ماتحجي اخرسيت تذكر شلون خليت داعش ياخذني ويرجمني وطلعت مو شريفه كدام الناس كلها
بكل عين وقحه اتكولي احبج بكل عين وقحه اتكولي سامحوني ماكافي الي سويتو جيت تريد تاخذ شرف بنتي
الي بعدها بطول لعبتها شنو انت من بشر فهمني والله اعلم شنو سويت بالبنات الي مثلي الله اعلم كم يزيديه وكعت ب يدك ومارحمت بحالها اذا اني جنت مرت اخوك ومارحمت بحالي هذوكه شنو سويت بيهم
شوووف اني جيتك هليوم ماعلى مود البي طلبك اني جيتك وكسرت كلمة علي الي الله اعلم اش راح يسوي بيا من بعد هاي اللحظه جيتك بس حتى كلبي يبرد واشوفك انت مذلول وجبان واشوف دمعتك مثل ماجنت اتشوف دمعتي وماترحمني اعدامك لاشي عن 16سنه الي شفتها
عبدالله؛؛ اني انحكمت اعدام يعني راح اموت سامحوني
سدره؛: موت الجلب لاوالله جان عندي جلب من مات حييل انقهرت علىَ لان جان وفي مو مثلك جان الجلب ارحم منك كتلك جيت حتى كلبي يبرد واشوفك انت مذلول مثل ماشفت اختك مذلوله بس لو ما نحنا عرب وراح يحجون علينا جان رفعت دعوه عليها وكلت هاي اتضم على داعشي جانت صارت حالها حالك وهسا كلبي برد بيكم انتو الاثنين ولاتفكر يوم من الايام راح اسامحك راح اتموت وتلقي رب العالمين وبركبتك كومه دم
عبدالله؛؛؛ بس اني حبيتج والله
من كالي هيجي صرت اضربه بالجنطه على وجهه واصرخ وعمر يهدي بيا
عمر؛؛؛ سدره سدره كاافي عيب من الضباط والعسكر صوتج
سدره؛؛؛ جاي تسمع شنو يكول يكولي حبيتج ياحب عبدالله ياحب الي دا تحجي عنه الي يحب مايسوي هيجي الي يحب ماياذي
اني كضيت عمري احمي علي واضحي لعلي لان احبه الحب اني اني الي حبيت بي علي مو انت
اتحبني؟ واطلعني مو شريفه كدام الناس
اتحبني؟ وتريد تقتلني
فهمني عن اي حب دا تحجي ليش الي مثلك يعرف يحب انت ماحبيتي ولاعمرك عرفت تحب انت جانت عندك رغبه الي لااكثر
ولانك تكرها علي ردت اتاذي
عبدالله؛؛؛ اعترف بالبدايه ماجنت احبج وجنت ارغبج بس وجنت اريد اذي علي بس سدره انتي دمرتيني
سدره؛؛؛ اششش اسكت اشش عبدالله لاتكمل منو دمر منو بس كولي منوووووو انت ماعندك كرامه شخص مايريدك مايحبك مو مايحبك انما اكرهك والله والله اكرهك
لك عبدالله حتى ايدك بستها وكتلك عوفني وماعفتني كتلك اخذ فلوسي وذهبي وسيارتي بس اتركني اعيش مرتاحه دمرتلي حياتي انت جنت سجينه خاصر بحياتي اني عيوني ماشافت غير علي جنت اتوسل بيك واكولك ماحبك اني فتحت عيوني لهاي الدنيا ماشفت غير ابن عمك وانت مارحمتني
علي من لحمك ودمك خنته تعرف شنو احمد ربي انت راح تموت واكو كومه دم بركبتك
سحبت جنطتي حتى اطلع وكفني من كالي
عبدالله؛: اولهم بنتي ومرتي
التفت علىَ يبجي مثل الطفل
سدره؛:منو هذوله بنتك ومرتك شنو
عبدالله؛: اني ردتج تجين هليوم مو بس حتى اتسامحوني اكو شغله وماعندي غيركم وهاي امانه بركبتكم ياسدره انتي وعلي
سدره؛: ياامانه
عبدالله:: من طلعت من العراق وعشت ب سوريه صرت مع داعش وجان اكو امير معاهم جبير حبني جثير وصرت ايدو اليمين وهمه عندهم عادي اذا عجبك واحد اتزوج اختك او بنتك جاني وكالي اريد ازوجك بنتي وفكرت بالموضوع حتى اصير قريب من عندو وجان عندو فلوس وانطاني بيت وافقت اتزوجها
يحجي ويبجي واني مستغربه على كلامو
اتزوجتها وجانت حلوه وخوش بنت وصغيره بعدها بس اني كلبي ماحب غيرج جنت كلما اتذكرج امسكها اشبعها كتل شوفتها المرار والويل وعذبتها بس هي جانت اصيله وصبرت معايا
حبلت وجابتلي بنت مثل الكمر واول من طلعت من بطنها سميتها على اسمج سميتها سدره
حييل حبيت بنتي واتعلقت بيها خصوصه لان اسمها مثل اسمج
بدت تكبر كدام عيوني وجانت شايله جمال عيونها وضحكتها يمكن من حبي الج جنت اشوفها تشبهج
بعد سنه هم مرتي حبلت وجابت هلمره ولد بس ماجنت احبو بكد ماحب سدره بس مع هذا جنت حنون علىَ وماحرمتو من شي ابد ولافديوم كتلو فلان احسن منك
مرتي سمتو يحيى ...وطول هاي الفتره ماكدرت احب مرتي جنت اجييلها سكران لبيت وامسكها اكتلها واحتار شنو اسوي بيها واني مادري بروحي واكعد الصبح الكيها مزركه واعرف اني كن كتلها
بنتي كبرت وصار عمرها 8سنوات يوم من الايام جبت بالبيت مشروب وكعدت اشرب والى حد ماسكرت الي الاخير
وضليت اصيح باسمج الى حد ماكعدت بنتي وجت كعدت بحضني وتلمس لحيتي جت امها اخذتها من حضني بس دفعت امها وطلعتها من الغرفه واخذتها على غرفه ثانيه وقفلت الباب عليها
ام علي؛: صخام ولي كملي سدره ليش
سدره؛: اقذر خلق الله عبدالله
عبدالله ؛:صارت امها تصرخ من ورى الباب افتح الباب عبدالله الله يخليك بس بعد سكران والسكران كلشي يسوي ماحسيت على شي غير مرتي تضرب بيا وتبجي
من كالي هيجي عبدالله كعدت كبل
سدره؛: اش سويت
دنك راسو وزاد بالبجي
عبدالله؛: اغتصبتها اغتصبتها بدون ماحس على روحي اش كاعد اسوي
انصدمت لهل الدرجه انت قذر ياعبدالله ادحك على عمر مصدوم مثلي واكثر ماشفت غير عمر صار يضرب بعبدالله ويسب ويغلط علىَ
عمر؛: يااكواد ياحقير دانت نفسك على طفله ولك مو هاي بنتك يانذل
عبدالله يبجي مثل الطفل وعمر يضرب بي اتقربت اريد اسحب عمر بس وين اني وين عمر
سدره؛؛ عمر عوفو الله يخليك
عمر؛: ولي هذا الكواد بس مااذج اذا بنتو ماسلمت من عندو
سدره؛: عوفو الله يرضى عنك كاافي
واكع بالكاع سحبو عمر من ياختو ومسكو
عمر؛: كمل شنو سويتي بيها بعد هاي المصيبه كمللللل نذل
عبدالله؛؛؛ ماعرف بروحي غير اني بالحمام وجوى الدوش ومرتي اتصيح عليه اصحى من صحيت صارت تضربني ب يدها واتكولي اغتصبت سدره ماصدكتها دفعتها وطلعت اركض لكيت بنتي تبجي وملابسها دم مسكت مرتي وكتلتها وكمت اصيح عليها منو سوى هيجي بيها
ماجنت امصدك روحي اني الي كن سويت بيها هذا الشي رادت تطلع من البيت مسكتها وصعدتها على الدرج ودفعتها من هناك
ضربت على صدري كبل
سدره؛: يااايمه ماتت
عبدالله؛: اي ماتت
ام علي؛: الله ينعلك ياعبدالله
سدره؛؛ بيها خير يوم روحتي لهذا رب العالمين خلاني اروح
ام علي؛: يابنتي كسرتي كلام علي وانتي تعرفين علاوي اشكد جان مقهور
سدره؛: اعرف روحتي جانت غلط بس ردت اروح حتى اشوف عبدالله مذلول ورحت زدت قهر ورجعت تعرفين يوم اشكد عمر انكول علىَ كلبو قوي ادحك علىَ يبجي من سمع حجي عبدالله
عمر؛: ولك انت شنو من بشر بس كولي
عبدالله؛: خفت لاتحجي وتفضحني
سدره: صدك الاعدام قليل بحقك ياعبدالله وينها زين ويلادك وينهم هسا
عبدالله؛: بعد ماوكعت مرتي جبت بطانيه ولفيت بيها بنتي واخذتها لدكتور جنت اعرفو ومنو جان يكدر يحجي معايا وكف النزيف عندها
سدره؛: انتوو ساقطين مابيكم خير كلكم ياانذال
ابوها لمرتك انذل منك لو مانذل مايزوج بنتو لهيجي واحد وينها بنتك
عبدالله؛؛ اني ردتج تجين هليوم على مود هذا الموضوع بنتي تذكر الحادث الي صار معاها بس ماتفتهم امخلي ويلادي عند ولد صاحبي ساكن ب تلعفر اخر مره من انهزمت همه جانوا معايا اريدج تاخذيهم على اهلي واتكوليهم هذوله ويلادي واريدج اتسوين عمليه لبنتي اترجعين عذريتها بس الله يخليج ماريد احد يعرف بيها هي مو بنت حتى اخوتي اني ماريد ادمر
مستقبلهم اكثر من هذا الدمار
كاافي موتت بنتي وهي على قيد الحياة وكتلت مرتي ب يدي
كعد بالكاع ويبجي بقهر وبندم بذل وبضياع بس مع الاسف مايفيد الندم بعد مايفيد ولايرجع شي خلص هاي هي
سدره؛شنو اكولك انت فهمني شنو من كلب يعني معقوله اكو هيجي بشر مثلك ياعبدالله وهسا اتندمت ماكافي كتلت لؤي ورجعت اغتصبت بنتك وكتلت مرتك زين وين اهلها شنو بشر هذوله
عبدالله؛: كتلهم وكعت من الدرج لان ابوها واثق من عندي ماكالي شي ولافكر مستحيل اني اسوي هذا الشي اريدج اتساعدين سدره بداعت ويلادج ساعديها لبنتي
سدره؛:اني مو اختصاصي هذا الشي اعتذر ماكدر
عبدالله؛:بس انتو الاطباء منطين قسم لو يجي الي كاتل اهلج اتساعدينا
سدره؛؛؛ لااا صح طلعت هم تعرف بالقسم والله هم تعرف اكو شي اسمه قسم مالي علاقه اني اصلا اني ماعندي عياده خاصه بيه حتى اسويها ولا الراقبه تسمحلي اسوي هيجي عملية واذا عرفوا ييا حتى شهادتي يسحبوها مني واني مامجبوره اضيع تعبي وتعب اهلي على افعالك هاي مسؤاليه ماكدر واصلا اغلب هاي العمليات تسويها الطيبيه النسائيه واني مو دكتوره نسائيه
عبدالله:: اني ميت بس بنتي الي راح تدمر اتخيلي لو ماري صاير معاها هيجي ماراح اتساعديها
سدره؛: اسم الله عن بنتي بعدين ماري عندها اب يسوى راسك
عبدالله؛:بداعت اغلى شي عندج ساعديها لاتعوفيها
سدره؛؛ انت دمرت حياتي واشكد اتوسلت بيك وطلبت منك اتعوفني ماعفتني وهسا جاي انت توسل اساعدك
عبدالله؛: ساعدي بنتي والله بعدها طفله
سدره؛: وانت من دانت نفسك عليها ماعرفت بيها طفله.
عبدالله؛: جنت سكران ومادري بروحي والله
واكف كدامي يتوسل بيا ويبجي دحكت على عمر اشرلي ب راسو يعني شنو دنكت راسي حكيت وجهي رفعت راسي وكتلو
سدره؛: عبير راح اتساعدها
عبدالله:: عبير بنت عمي ؟؟
سدره؛: اي عبير هي دكتوره نسائيه وعندها عياده واني راح احجيلها
عبدالله؛:بس اني ماريد احد يعرف بنتي صاير معاها هذا الشي
سدره؛:ليش انت تتوقع ويلادي لو ويلاد محمد بالمستقبل راح ياخذون بنتك انت جاتل عمهم المهم هاي هي مالك شغل بعد اني قبل ماراح اخذهم لهلك راح عبير اتسويلها العمليه بعدين تلعفر الي حد الان ماتحررت انطيني العنوان بالضبط واذا اكو رقم تلفون
عبدالله؛: اي اكو وموجود ب موبايلي اسمو ...... وعنوانو .....
عمر؛:ماشي اني راح افتح موبايلك واخذ الرقم
عبدالله؛: تتوقعين عبير راح توافق
سدره؛: والله عاد اذا وافقت وافقت اذا ماوافقت شعليه اني
عبدالله؛؛ سدره الله يخليج لاتعوفيني بنتي
سدره؛: الله كريم يالا عمر خلي انروح
عبدالله؛:ماراح اتسامحيني وتبرين الذمه
ضحكت مستهزه بي
سدره:؛هههه اسامحك اني نقطه ب بحر عن العالم الي اذيتها الي بينك وبين رب العالمين ينغفر بس الي بينك وبين الناس ماينغفر عبدالله تذكر من جنه نام بالسطح وعمتي تحجينا قصه
دنك براسه هز راسه باي ويبجي
سدره؛؛؛ حجتنا قصة قابيل من قتل هابيل وكالتنا شكو قطرة دم راح تنزل على الارض الى يوم القيامه هي بميزان قابيل لان هو الي علم البشريه على قتل
بيومها محمد كالها يمه بس قابيل تندم
كالتله عمتي اكو فرق بين الندم والتوبه ورب العالمين ذكر قابيل اصبح من النادمين ماكال اصبح من التائيبن لو تاب جان رب العالمين سامحه بس هو تندم لان ماجان يعرف وين يخلي جثة اخو
انت ياعبدالله مثل قابيل انت ماتبت انت تندمت لان وصلت لنهاية
اذا اني سامحتك مرتك راح اتسامحك لو جنات لو دم لؤي الي بركبتك لو اعلم كم يزيديه اغتصبتها لو غدرك لعلي لو بنتك الي دمرت حياتها ترى بنتك جان عمرها 8سنوات يعني تذكر هذا الشي بعد كم سنه راح تكبر وتعرف شنو انت الي سويتو بيها عبدالله
وهذاك الوكت راح تنعلك الف مره وكره واني عن نفسي مااسامحك لو يضل اخر يوم من عمري يالا عموري
طلعت وعفتو يصرخ ورايا
عبدالله؛؛؛كولي لعلي وبيت عمي يسامحوني سدره ويلادي امانه بركبتكم وخصوصه بنتي سدره
رحت ابجي شنو من بشر انت ياعبدالله فهمني شنو من بشر ولك بنتك هاي بنتك حيوان مريض نفسي طلعت وكفت يم السياره بين ماجا عمر ركبنا السياره ورحنا لفندق ثاني يوم رجعنا ....
ام علي؛:يايمه هذا شنو من بشر
سدره؛:اتصدكين يوم اني مصدومه الى حد الان شوفي حتى اتمرضت بعد مارجعت من القهر بس هسا شلون اقنع عبير
ام علي؛: تقتنع ماتكول شي اني احجي معاها بس والله مالخاطر بس لان هاي طفله ومو ذنبها
سدره؛: واني يوم ادمرت حيااتي
ام علي؛؛ خلي عينج بعين رب العالمين هو القوي
باستني عمتي وطلعت وضليت ايام وليالي ابجي على ويلادي وماكو شي يوصلني لعلي اشكد ارسالو مايرد عليه وادزلو بصمه ابجي واتوسل بس سمعني صوت ويلادي مايقبل يرد
علي
سافرنا لمصر واستقريت هناك سدره كسرت كلمتي واذتني من راحت شافت عبدالله
ماخلت لوجودي اي اهتمام وسوت الشي الي براسها يمكن جنت لو عدت فتره اسامحها لو خلتني ارتاح اشويه
جان رجعت الماي لمجاريها
بس سوت الي براسها واني سويت الي براسي خلتني اكع ب دوامه بيني وبين نفسي ليش حتى اتروح اتشوفه ليش حتى تكسر كلمتي واتروح ليش تبجي وتوسل اسامحها وليش من اني اجي اكولها كلمه ماتقبل تسمعني
روحتها لعبدالله دمرت نفسها بيها ودمرتني حتى اني معاها ابد مو جان سهله عليه احرم ام من اطفالها وكل هاي الفتره الي حرمتها من اطفالنا جان لويت اذن الها
حتى توب ماتضم عليه سر ثاني مره بس هي سوت العكس الي صار ابد ماجان سهله سنين انت عايش وابن عمك تحسبو اخوك تالي يطلع يغدر بيك هيجي
يمكن جانت رده فعلي اذاها بس الحقيقه اذتني اكثر
عشت بمصر ويلادي مايمر يوم اذا مايسالوني عن امهم ويبجون ويريدوها وجنت يوميا اكذب عليهم شكل وباجر تجي وهليوم تجي
الي حد ماحسوني وكع بابفراش مريض وصار لاياكل ولا يشرب وبس يبجي على امو
علي؛: اشجالك ياابني
حسوني؛اريد امي اريد اروح عليها
علي؛؛ هي راح تجي صدكني
حسوني؛؛ ماراح تجي هي جانت تبجي علينا بالمطار وانت اخذتنا من عندها
ضليت الليل كلو اسويلو كمدات ونايم يم راسو ويئن من الصخونه
الصخونه فدمره ارتفعت عندو واتخربط بالزايد حسيت لحظتها خسرت ابني شلتو مثل المخبل واركض بيا دخيلك ربي كلشي ولاويلادي
سدره
شفت علي جان ناشر اغنيه فراكك لاتضن ذلني
انقهرت حييل وبجيت نفسيتي ادمرت بهاي الفتره حتى الصلاه تركتها
وكلها تحجي معايا مايصير حرام عليج لاتعوفين الصلاه
سدره؛: عليش اصلي اذا رب العالمين اخذ مني كلشي
جيهان؛: استغفر الله سدره هاي انتي المؤمنة هيجي تحجين
ام سدره:؛يابنتي حرام عليج الي كاعده اتسوينا شوفي روحج بالمرايا
سدره؛:عوفني وحدي عووووفوني بحالي ارريد ويلادي اررريدهم كلللللبي نار عليهم
صرت اضرب على كلبي وابجي سحبت الموبايل اتصلت بعلي حضرني كبل من كل البرامج
سدره؛: الحقير حضرني يوم راح اموت الخاطر الله بعد ماتحمل
اسماء؛؛ كاافي يااحبيبتي قربانج اصير
سدره؛: ويلادي كلبي راح يكف مابعد اتحمل اني جاي اموت محد بيكم يفتهمني
اسراء؛؛ والله جاي نفتهمج علاوي كلبو طيب وراح يرجع
سدره؛؛ صار شهر شهر وهو مايخليني اسمع صوتهم كرهتو لو يجي كدامي راح اشرب من دمووو
صرت اضرب على نفسي واسحب شعري واصرخ
سدره؛: الله ينعلك عبدالله الله يااااخذك ونخلص من عااركككك ياانذل
جا بابا وسمع صوتي حضني ويهدي بيا
ابو سدره؛: كااافي ياامي يابنتي كاافي اتخبلتي
سدره؛؛ الله يخليك بابا الله يوفقك احجي مع علي اتصل بي خلي يرجعلي ويلادي
ابو سدره؛؛ وداعت عيونج كتلو وماقبل
سدره؛: ماريد شي بس اسمع صوتهم بس ضحكتهم
بالكوه حجوا معايا ويهدوني بس بهذيجه الفتره صرت وحش احس
جنت اكثر وحده حنينه على ويلاد اخويا واختي بس صار العكس صرت اذا اشوفهم يلعبون اروح اكسر كل العابهم وامسكهم اكتلهم
جانو اسراء واسماء مايحجون بالبدايه بس الشي زاد عن حدو جان عمر مايقبل احد يحجي معايا ولاحتى احمد رجل اسماء جان يحجي
جانوا الويلاد من يشوفوني ينهزمون جوى
الى حد مايوم من الايام جانت فرح بنت عمر اتكول لامها
فرح ؛: مامي نظفت الغرفه اساعدج
اسراء؛: لا حيااتي روحي اقري
فرح؛: اوكي ماما
راحت طلعت كتبها وكعدت تقرأ واني كاعده ادحك عليها واسراء كلشويه تجي عليها اتشوفها اش كاعده تقرأ
ماتحملت ليش ويلادهم يمهم ويلادي لا رحت عليها سحبت كل الكتب وشكيتهم وفرح تبجي وتوسل
فرح؛؛ لااااا عمه لااااا الله يخليج
سدره؛: تقرين امج اتقريج واني ويلادي مو يمي
صرت اضربها واشك كتبها
وجت اسراء وماما يركضون لان ب يومها ماجان موجود لا عمر ولا بابا ولا مختار وجيهان وسماءوالطارق يداومون ب جامعة الموصل ... سحبتها اسراء من ايدي وصارت اتصيح عليه
اسراء؛: كااافي اتحملنا بما فيه الكفايه صارلج اشكد تضربين ويلادنا وساكتين اتخبلتي خمه اتخبلتي
سدره؛؛ الله ياخذ ويلادكم منكم مثل مااخذوا ويلادي
اسراء؛: ترى مو نحنا الي اخذنا ويلادج منج
ام سدره؛؛ كاافي بنتي اكسري الشر
اسراء؛؛ اني بعد ماتحمل لو اني لو سدره بهذا البيت
سدره؛: طبج الف مرض روحي ولي
ام سدره؛؛ اسو امي انت بنت اصل ومايطلع منج هذا الشي اكسري الشر لخاطري واتحملي
اسراء؛؛الخاطرج عمه كومي بنتي من يجي جدو خلي يشتريلج غير كتب
ام سدره؛؛امشي انتي الثانيه على غرفتج
سدره؛: عوفيني بحالي مالج دخل مني
ام سدره؛؛ شبيج ياسدره فهميني يابنتي اشكاعده اتسوين بروحج راح تخبلين
سدره؛: انتو المجانين مو اني
صرت ماخاف لامن صغير ولامن جبير صرت كلمن يجي كدامي اذا يحجي معايا كلمه اتجاوز علىَ حتى عمتي الي جنت اموت عليها صرت ما سمعها
ولاصهيب ولااماني ولااحد يكدر بدنيا كلها يسدلي مكان ويلادي لو كل حجي الدنيا
صرت اصرخ وابجي واكسر بالاغراض
امي واسماء واسراء يمسكوني مايفيد
اسماء.... كاااافي كااافي اتخبلتي
سدره.... اريد ووويلادي راح احرك البيت على راسكم والله راح اكتلكم كلكم انتو ونايمين واشرب من دمكم اكرررررهكممممم
احمد زوج اسماء جان نايم وكعد على صوتي وصار يصرخ عليه
احمد.... شبيج انتي اتخبلتي خمه اتخبلتي
سدره.... انت مالك علاقه مو ويلادك الي راحوا هذوله ويلادي والله الا اكتلكم اذا ماجبتوهم
احمد... تكتلين منو
اني منهاره اعصابي واصرخ ومادا احس بنفسي شنو دا اسوي احمد اتقرب عليه وضربني براشدي انهارات اعصابي بعد اكثر
سدره... احمد لاتضربني لاتضربني
اسماء... احمد خطيه
احمد... وخري مو خطيه تكتلينا نحن ونايمين
سدره... واشرررررررب منننن دمككككم
صار يضربني راشديات ومسكني من كتوفي ويخضني
احمد.... كل الي كاعده تسوينا ماراح يصلح شي افتهمتيييي ماراح يصلح
يحجي معايا ويضربني الي حد ماكام ينزل دم من خشمي صرت احجي وابجي
سدره.... والله والله ماجان بيني وبينو شي والله ماجنت احب عبدالله والله اني مو خاينه مو سدره الي تخون علي يكولي بالمطار اكدتي كلام الناس عليج بعد كل هاي التضحيه يكولي هيجي
احمد..... محد يستاهل تسوين هيجي بنفسج
سدره.... ويلادي يستاهلون
وكعت بالكاع ابجي وهو كعد على القنفه يبجي عليه ركضوا البنات عليه يغطون خشمي من الدم
احمد.... اخذوها خلي اتغسل
خلى ايدينا بعيونا ويمسح دموعه انقهر لان ضربني
ماقبلت اكوم بس البنات وكفوا النزيف
صرت ابجي بصوت واصرخ
سدره.... الله ياخذك علي وللللل والله احبك ياااحقيررررر احبك
كلهم صاروا يبجون عليه من كمت اصرخ
دنك احمد عليه وسحب راسي باسني
احمد..... اسف والله مو قصدي اذيج بس اريدج تصحين على نفسج
سدره... وجع كلبي كاعد ياذيني اكثر من ضربك
الله عليك احمد والله اني احب علي والله كل تضحيتي بسببه والله داع... ش رجمني بسببه والله طلعت وحده مو شريفه كدام الناس بسببه
كوله خلي يرجع هو يحبك ويحترمك
احمد... راح يرجع وهو الندمان صدكيني هو هم يحبج بس انطي فرصه خلي يرتاح وينسى كومي بنتي لاتبجين كومي غسلي وبدلي ملابسج كلها صارت دم........
تعبت ومتت وادمرت وضعفت وقررت اصل لنهايه المطاف !!.....
هلا حب شلونج اشو ماكو هليوم
هلوات والله موجوده بس عندي دراسه
ولي .... ماعرفتي شنو صار
اش صار خوفتيني
هاي مرت علي جان اسمها سدره موو
اي سدره
اي طلع عندها علاقه جان مع ابن عم علي عبدالله وب يوم الي مات لؤي جان دا يكتل علي كتل لؤي
انصدمت اش كاعده تحجي مستحيل هذا الشي مختار هو الي قتل لؤي مستحيل
انتي اشكاعده تحجين مستحيل سدره اتسوي هذا الشي سدره اتموت على علي
بكيفج لاتصدكين والله العظيم وحتى على اساس جان ميت وهسا طلع عايش ويكولون الناس رادت سدره تنهزم معا بس علاوي ماسكهم وابن عمو جان داعشي عاد بالسجن هو ومعترف هو الي قتل لؤي
انتي صحيح تحجين الله عليج يعني مختار مو هو الي كتل لؤي
لاوربي مو هو الي كتل لؤي وبكيفج عاد لاتصدكين
راح ارجع اني
وين ترجعين
راح ارجع لعراق
اصخام وعليش تجين عوفج بعيده ومرتاحه
وانتي صدكتي اني مرتاحه اني كل هذا الشي الخاطر امي وابويا اسوي وابين اني مرتاحه بس هسا انتي صدمتني وسدره عندها علاقه مستحيل
والله الناس كلها جاي تحجي واتكول علي ماسك ام ويلادو عندها علاقه مع ابن عمو
ابد ماصدك سدره اتسوي هذا الشي بس بعد هذا راح اجي لعراق
بكيفج بس تجين وجروحج تنفتح من جديد
مانسيتهم ابد
ولاحتى هو مانسيتي
اخخخ ولي شلون انسى فهميني بس كوليلي اش انسى حبو لو دلالو لو ضحكتو لو عيونو
عفت الموبايل وطلعت لابويا
بابا اريد ارجع لعراق
اش ياخذج بنتي
الله يخليك خليني اروح
وحجيتلو كل السالفه وخابر واتاكد من السالفه طلعت صح الي قتل لؤي مو مختار ضليت مصدومه معقوله سدره تطلع هيجي معقوله سدره اتخون علي
حجزت وبعد فتره يالا كدرت ارجع لعراق ....
اسراء
كعدت الصبح اريد ادخل لحمام لكيت الباب مقفول دكيت الباب محد جاوبني شافتني عمتي
ام سدره؛:ها امي صباح الخير
اسراء؛: صباح النور يوم
ام سدره؛:شنو منو بالحمام
اسراء؛: والله مااعرف اشو محد يجاوب
راحت عمتي كبل لغرفه سدره شافت ماكو احد ضلينا اندك على باب الحمام محد يجاوب كعدنا مختار واحمد وكلها كعدت
مختار واحمد كسرو الباب ولكينا سدره واكعه وغركانه بالدم سدره انتحرت ......
