رواية ليتني واجهتك الجزء الثاني الفصل السادس والعشرون
گلبي الـرچيچ يـحب زلمهہ عنـودي♥️
نزلت من الطياره
واني البس النظارات الشمسيه مالي التفت لاخويا وابتسمت واني مدمعه اخخخ العراق بي كل ذكرياتي الحزينه و كل ذكريااتي الحلوه
سدره اماني صهيب الكلية مالتي طفولتي دراستي اهلي وبيت عمي مرضي والي اهم منهم كلهم حبيبي
نزلت راسي وبجيت خلى اخويا ايدو على كتفي ويهدي بيا
_ماكدرت انسى احس هو واكف بكل مكان
جهاد؛: الي مثلج قويه الي كدرت تغلب على مرضها تكدر اتصبر روحها يالا انروح حبيبتي
_اريد اروح لمقبره وعندي حساب لازم اصفي
جهاد؛: قصدج بيت عمي مو؟
اي بيت عمك
شلت النظارات مسحت دموعي وطلعنا من مطار اربيل
اخذنا سياره اتوصلنا بيها لموصل
طلعت المرايا دحكت بيها على روحي شالي الاسود والبدي والتنور السود الي ماكدرت البس غير لون ماكدرت اخلي على جسمي لون وحبيبي مو معاياا
دحكت على وجهي ااييي ياجناات كبرتي وملامح الكبر بدأ يبين عليج
مواليدي 86 بس احس عمري الي بالثامنين نزلت المرايا ودحكت من الجام على الطريق
اش صاير بعراقي ومحافظتي ادمر كلشي بيها خليت راسي على الجام واخذتني الذكريات ...
ماكو احساس وكلام بالدنيا كلها يوصف شعوري من مات لؤي
من مات حبيبي يمكن محد راح يصدك اذا كلت ماذكر لؤي من مات
بس اتذكر مقطع اخير جان
'' اخذنا شمعه بيتكم الحجي بعد مايفيدكم ''
هذا الي جنت اتذكرو وهاي الهوسه الي اتذكرها بعدين شنو صار ماتذكر!!!!
وكل الي صار معايا والي سويتو على جثه لؤي اهلي حجولي هو
احس نفسي مثل الطفل الي فتح عيونو على الدنيا مكان غير مكانو
اني وين ومنو وين لؤي!؟؟
ام جنات؛: ماما حياتي انتي جنات
جنات؛: منو جنات
ام جنات؛؛ بنتي ماجاااي تذكر بنتي فقدت الذكراة
حجى الدكتور كلام بالانكليزي والمترجمه كالت
اتفضلو اطلعو بره
طلع الدكتور امي وابويا من العياده وصار يحجي معايا وصار يخلي صور كدامي في سبيل ارجع اتذكر
ومن بين كل الصوره بس لؤي الي كدرت اتذكرو
انتو كلكم كلتو جنات فقدت عقلها وجنات اتخبلت الي صار معايا مو جان سهل الي صار معايا مو قليل حبيبي وب يوم زواجنا يروح مني
ليش واي ذنب لؤي راح ومات واني بحسرتو وهو بحسرتي
بعد علاج طويل وبعد تعب اهلي عليه كدرت اتذكر اهلي وبديت اتذكر كلشي اشويه اشويه وكعدت مع اهلي وجنت دوم اسالهم على لؤي الله يرحمه
مات كبل كال شي قبل مايموت ب يومها اخويا كال
جهاد؛: علاوي كال بالطريق كالي جنات امانه ومات
خليت ايديا على وجهي وبجيت وشهكت وضربت على نفسي وصرخت بس حبيبي مايرجع بعد كوني واحلى شي جان بحياتي مايرجع
اهلي يهدون بيا بلكي انسى بس شلون انسى شنسى احد يكولي
ضحكتو ماتنسى كلامو الحلو هوستو جمالو لو اناقتو لو عشرتنا الحلوه لو لمسات ايدو وهمساتو لو بوساتو
لؤي ماكدرت انسى ولاعمري راح انسى
مر سنين نحنا هليوم ب 2017والحادث صار 2011يعني لؤي صارلو 6سنوات متوفي بس اني عندي البارحه توفى
راح احجيلكم عن حياتي اشويه وشلون وصلت لخارج
طبعا هذا الشي عرفتو من اهلي
بعد دخول داعش لعراق اهلي طلعوا واخذوني معاهم الي مع الاسف سنين اني بالمصح وماكدرت اتعالج
ولاصرت زينه هذا العراق العظيم بعد ...طلعنا لتركيا ومن بعدها طلعنا تهريب ل يونان وبعدها رحنا لمانيا
عشنا هناك بالمانيا واول شي اهلى سوى هو بدو يعالجوني عند الاطباء وهيجي كدرت ارجع واطيب ...
بس بعد مارجعت جنات رجعت بحزني رجعت بالغرفه محبوسه اربع وعشرين ساعه وصوره لؤي كدامي وماتفاركني دقيقه وحده
بديت اتعب وامي وابويا جانوا ينقهرون عليه واتمرضو وبلغو طبيبي بهذا الشي
والطبيب اتصل بيا وطلب مني يشوفني واصر اروح علىَ
ورجعت اروح مره ثاني عند الطبيب وصار يحجي معايا
جنت دائما احجي لطبيب وابجي ومرات انهار ماتحمل
ليش اني ماتذكر ليش نسيت شلون مات لؤي نسيت كلشي من انقتل وجنازتو وحتى اهلي كالو حاولت انتحر وكل الشي وماتذكر
لدرجه يحجولي شغلات اضل صافنه مستغربه اني جنت اسوي هيجي
كلشي رجعت اتذكر بس من لحظة انقتل لؤي اني نسيت
الطبيب كالي الصدمه جانت جبيره عليج وقويه لهذا عقلج ماكدر يتحمل الصدمه ونسيتي هذا المنظر
رجعت ب فضل الله صرت زينه بس مو هذيجه جناات الي تضحك وتشاقه لا صرت انسانآ هادئ وجنت امثل القوه كدام اهلي لخاطرهم
ب يومهم اقترح عليه دكتوري ارجع ادرس دراسات عليا طبعا اكيد رفضت لان شلون اكدر ادوم ولؤي ما معايا
حاولو مره مرتين الى حد ماقتنعت وقررت ادرس من جديد ...
بس الي صدمني اكثر من هذا هو اخو سدره من سالتهم عنو اش صار بي
مع الاسف عمامي مستغلين مرضي واخذوا من اهل لؤي فلوس اتخبلت شنو من طمع شايلين يومها اتعاركت مع ابويا شلون هيجي يصير
ابو جنات؛ماكدرت على عمامج شنو اسوي
جنات؛: هيجي اني رخيصه عندكم بعتوني ب فلوس بس اني اعرف شنو اسوي بس خلي تحرر الموصل وارجع وشنو صار انطوا بيت عيالي الفلوس
ابو جناات؛؛ عمج قصي بالفاتحه ضربتو جلطه وانشل
جنات؛: شنووو يعني يابا هسا مشلول
ابو جنات؛: لا صار زين بس الشي الي مادري يحزنج او لا هي سدره
جناات؛:سدره شبيها
ماجنت متوقعه ممكن يصير مع سدره هذا الشي مستحيل علي يحبها ويتخلى عنها صح لؤي اخو علي بس سدره ماجان الها ذنب بس صدمني بابا من كالي
ابوجنات:: عمج قصي فرض على علي يطلك سدره ويسحبون الجهال
كبل دكيت على صدري وكعدت اسمع ابويا
جنات؛: واش صار علي طلك سدره
ابوجنات؛:مع الاسف اي طلكها
جنات؛: ماصدك هيجي بكل سهوله زين سدره شعليها اعرف اخوها الي كتل رجلي بس سدره ماتستاهل هذا الشي
ابووجنات؛؛؛ السبب جان من عمامج المبلغ الي رادو جان غالي وبيت عمج ماكدرو يدفعون هذا المبلغ وب نفس الوقت جان اخو سدره مريض بالسجن
وجان ابو سدره يدز ناس على عمج في سبيل يتنازلون عن الدعوه جان رافض بس من عمامج طلبوا فلوس عمج نزل الدعوه مقابل طلاك سدره والفلوس
جنات؛: بس اريد اعرف اريد افتهم عمامي شنو من بشر الخاطر الله بعدين (يابا قصي ) ليش هيجي يسوي ب سدره والله خطيه وحرام علىَ
وعلاوي هيجي هو هم حمل ذنب لؤي بركبت سدره وعافو الي كتل لؤي يمشي ويعيش حياتوا وسدره الي شالت الذنب وحدها استغفر الله ياربي زين اش صار بحال سدره
ام جنات؛: حسب ماسمعت من طلكها جانت حامل ومايعرفون بيها وحتى لامن اتجيب ياخذون ابنها منها سافرت لتركيا بدون محد يعرف بس بعدين علي كن لكها
جناات؛: وصار عندها طفل ثالث
ام جنات؛: لا لان عمج زوج علاوي وسدره من القهر جابت من وكت ومات الطفل
ضليت فاتحه عيوني وحلكي مصدومه علي اتزوج اش كاعد يصير معقوله بعد كل هذاك الحب
رغم سدره اخوها الي قتل زوجي بس هي شعليها قابل هي كالت اكتل لؤي واني متاكده الله يعلم سدره اشكد اتاثرت بموت لؤي لان لؤي جان غالي حييل على الكل
جنات::انتو كاعدين تشاقون لو صحيح!؟
جهاد؛: والله العظيم صحيح شبيج ولو تعرفين اتزوج منو
جنات؛: الله عليك اتزوج منو
جهاد؛: بنت عمو هاي الي جانت ساكنه مقابيلهم
جنات؛: جذاااااب سلووى
جهاد؛اي والله العظيم اتزوجها
جنات؛: اصخام براسك علي عفت سدره واتزوجت سلوى الحيه واي وشنو صار بعدها وليش يتزوجها
ابو جناات؛: هاي شبيج بابا مو صار ساعه نحجي انكولج عمج راد
جنات؛: اعرف بابا عمي راد بس علي شلون يقبل يتزوج ويطلك وفوك كلها سلوى!!!
ام جنات؛؛ مو عمج الدكتور كال اذا ضربتو جلطه هلمره يموت وكل مره جان يتخربط بيها على مود علي يتزوج
جناات؛؛ معقوله عمي هذاك الحنون هيجي صار اعرف موت لؤي مو قليله علىَ بس خطيه والله سدره ماتستاهل
قهرتوني حييل
مسحت دموعي لان صدك لحظتها بجيت على سدره سدره صديقتي من الطفوله واكثر من اختي
جنات؛: سوت الي براسها سلوى وصار عندو اطفال منها
ام جنات؛:الى مادخل داعش همه ماجان عندهم اطفال بس ماعرف هسا اذا عندهم او لا
جنات؛: وسدره؟
ام جنات؛:والله بنتي مادري اني كطعت علاقتي معاهم بس هيجي جنه نسمع من الجيران مرات نشوفهم
جنات؛: وانتي يااماما ليش تكطعون علاقتكم بيهم
ام جنات؛؛ياابنتي شفت هيجي رحتي من ايدي تخبلت وماردت بعد اشوفهم
جنات؛: بس من تحرر الموصل راح ارجع اني مشتاقتلهم حييل
ابو جناات؛: من تحرر الموصل كلنا نرجع اش عدنا كاعدين هينا
ب يومها حييل انقهرت على سدره ماجان الها ذنب بلي صار ابد بس هسا كل الذنب هي اني رجعت حتى اصفي حسابي مع كل واحد اتاذيت ب سببو فزيت من صفنتي على صوت اخويا
جهاد؛: يالا حبيبي وصلنا
عدلت نفسي ونزلت من السياره ....
مختار
كعدنا من النوم نركض على صوت امي واسراء يصرخون
ركضنا اني واحمد عليهم صرنا نضرب بالباب
دفعنا قوي وكسرتنا لكينا سدره واكعه بالكاع
وكاصه شرايين ايدها
شلتها بحضني وطلعت اركض بيها اول من فتحوا باب الحوش محمد وعمو قصي صاروا كدامي
محمد؛؛ هاي اش صاير بيها
ابو علي؛: الله لايرضى عنك ياعلي ولايوفقك بحياتك راحت البنت
فتح محمد السياره وخلينها وعمتي ركبت معنا وهي تبجي وتضرب على نفسها وطلعنا بوجهنا لمستشفى
ام علي؛: راحت بنتي يمه راحت الخاطر الله استعجل
اسراء
منظر سدره وهي بالحمام والدم موتنا خوف ومانعرف عايشه لو ميته
مختار ومحمد وعمه ماريه اخذوها لان اصلا عمي وكع انهد حييلو عمتي ضلت اتصرخ وتضرب على نفسها
الى ماغمى عليها بالكوه يالا كدرنا انكعدها اسماء ركبت السياره مالتها وعمي وعمتي راحو معاها وماعدنا غير الدعاء ياربي والله سدره ماتستاهل ....
مختار
وصلنا المستشفى وكمنا انصيح سديه الخاطر الله طلعو يركضون الممرضين اخذو سدره من عدنا ودخلوها لغرفه العمليات
كعدنا نتظر اتصل محمد بيهم وبلغهم يامستشفى وجوي
وجان معاهم عمو قصي
كعدنا نتظر طلع الدكتور وطلب دم لان خسرت دم جثير
رحنا نركض اني وحمودي حتى نتبرع
اتبرعنا واخذو الدم اشويه وطلعوها جانت فاقده
اخذت التلفون واتصلت ب علي
علي
اخذت حسوني اركض بي لمستشفى واخذو مني صار يفحصو الطبيب
وانطو علاج وابر بين مانزلت الصخونه عندو اخذ المغذي وبالكوه قبل ياكل اشويه
كعدت يمو انتظر بين مايخلص المغذي كعدت ماري بحضني
ماري؛ بابا
علي؛: ها باباتي
ماري؛؛ الله يخليك خلي نرجع على ماما
علي؛: ان شاء الله حبيبتي بس حسوني يصير زين اوعدج راح نرجع ونشتري بيت جبير وانعيش بي واني وانتي وماما وحسوني
ماري؛: صحيح بابا
علي؛؛ والله يابا وعد هاي هي بعدما اريد اشوف دموعكم ولادموع امكم
حضنتها وبستها اخذت وعد على نفسي هاي هي كاافي الي صار انتهى مابيدينا شي بعد بس خلي حسوني يصير زين ماريد شي ثاني من رب العالمين
ضلينا الى الصبح بالمستشفى صار زين الصبح اخذتهم ورجعت لبيت
خليتهم يكملون نومتهم ورحت اريد انام اشويه دك الماسنجر لكيت مختار يتصل اخذت التلفون وجاوبتو جاني صوتو يصيح
علي؛؛ الو
مختار؛:شوووف علي الى هينا وكااافي عاد ااذا ابن عمك ساقط هذا مو ذنب اختي اقسملك بالله اذا علي سدره ماتت الا اخذ روحك بعدها هلمره عاد صدك اصير قاتل
علي؛؛ اكولك احترم نفسك ولاتجاوز
مختار؛: اني محترم نفسي بس الظاهر انت الي مامحترم نفسك وماتعرف اش كاعد تسوي هاي مبدال ماتحضنها وتخفف عنها
بس صدك طلعت بلا وفه انت الى ماتموت انت عايش ب فضل سدره لو ماكبد سدره جان هسا حتى عظم ماكن ضلم بيك
علي؛؛ وانت جاي اتعيرني بهذا كلامك يعني؟
مختار,,؛: والله تفتهم اعيرك تفتهم اذكرك بكيفك هاي بس رجع الويلاد سدره جاي اتموت
علي؛: شوف طز بيك وباختك ومحد يهمني بيكم هي الي جابت على نفسها هذا شعندها اتروح اتشوف واحد كواد دمر حياتها وحياه الكل معاها لو هي منطيتني اشويه مجال جان سامحتها وحتى على ذمتي ارجعها
مختار؛: اختي مابحالك ولاحال ترجع على ذمتك ويمكن الله يريدلها الخير الي عافتك بس حبيت اكولك يااعلي سدره حاولت تنتحر وهسا نحنا بالمستشفى وحبيت ابلغك اذا صار بيها شي ثق بالله هلمره حتى ابوك راح يكف معاها واذا ماتت الا ادفنك قبلها
سد الخط بعدها اتخبلت شنو سدره حاولت تنتحر شنو بالمستشفى
كمت امشي وارجع كعدت وخليت ايديا على راسي واهز بجسمي
رجعت دكيت على مختار حضرني
خابرت محمد ماعندو نت خررررب اتصلت ب ميس
علي؛: الووو ميس
ميس؛: هلا علاوي
علي؛: سدره شبيها صح حاولت تنتحر
ميس؛: وعليش كاعد تسال عليها انت مو دمرتها
كمت اصيح اني صاير اعصاب وهاي تلعب بعصابي
علي؛؛:بلا هذاالحجي كولي سدره شبيها
ميس:: يعني شنو اتريد يصير بحال ام واخذو منها جهالها
كصيت شراين ايدها والحمدالله لحكو عليها وانت ماتعرف هاي الفتره شنو عانت ب سببك انت خذلتها علي دمرتها
انت جنت بعيون سدره الكل بلكل واتزوجت وعشت مع مرتك ومانستك وضلت اتضحيلك
ميس تحجي واني ساكت وادري كل كلامها صحيح بس الي صار عليه مو جان سهله كلشي بي حد وهي ماخلت لعبدالله حد من اول دقيقه لهذا عبدالله اذاها واذنا كلنا
علي؛؛؛ كلامج صحيح بس هي
ميس؛: اذا كلامي صحيح ليش عفتها
علي؛: اني حذرتها وكتلها لاتروحين ليش راحت لو اني صدك طلعت سدره من حياتي جان كلت مشكلتها خلي اتروح بعد ماتهمني بس اني من كتلها لاتروح معناها يابنت اكو امل نرجع بس انطيني مجال اطلع من صدمتي عاندت وراحت سوت الي براسها وشوف نهايتها
ميس؛:العمر جاي يمشي علي انت مو هذا كلامك دائما اتكول
ويلادك جاي يكبرون وهمه يوم بحضن امهم ويوم بحضن ابوهم كاافي عيشو لنفسكم لحياتكم وانسو الي صار
مانكدر بعد نرجع شي لؤي الله يرحمو غالي على كلبنا وجنات هم غاليه بس هذا قدرهم بلحياة ياعيني ولؤي هذا يومو صدكني لو حتى ماعبدالله الي جان كاتلو جان صار اي شي حتى يموت بهذا اليوم لان اقدار الموت ماتغير علاوي وروحت سدره على عبدالله جان بيها خير وصدكني هي راحت حتى اتشوف عبدالله اشكد مذلول والله اتكول يبجي مثل الطفل ويتوسل وكلبي مارجف والي سوى عبدالله مابس معنا طلع مجرم خطير والله خلصنا من عندو يااخويا
علي؛؛ يصير خير ان شاء الله
ميس؛؛يعني افتهم راح ترجع
علي؛؛ اكيد راح ارجع
ميس؛:ههههه والله ادري بيك حنون ومايهون عليك اتعوف سدره يول اشكد جنت تجي تحجيلي واتكولي لو سدره شنو من اتسوي اتضل اول حب بحياتي
علي؛؛ههه والله احبها ليش اني اكدر من دونها بس هي عنوديه
ميس؛: الطيور على اشكالها تقع مثلك على اساس انت مو عنودي
علي؛؛ ههه يالا ام خشم اروح اكمل شغلي وبلكي اتخابريهم وتسالين عن سدره ورديلي الخبر بس دحكي
ميس؛؛ اي
علي؛: لاتكولين كدام احد اني راح ارجع ماشي يابا
ميس؛: اوكي
تسالمنا وسديت الموبايل وكملت شغلي وحجزت حتى ارجع لعراق بعد اياَ
صار موعد الرحيل
ماري؛؛ بابا وين انروح
علي؛: عندي لكم مفاجأة اتخبل
حسون؛: يعني ماراح انشوف ماما
حضنتهم ومبتسم اقلعت الطياره وجعنا ل بلدنا ....
جنات
نزلت من السياره بلمكبره دحكت لكبور وماعرف ياهو منهم كبر حبيبي وصديقي وكلشي بحياتي
جنات؛:وين كبروو
جهاد؛؛ ماتذكرين وماحاولتي تذكرين مقطع صار هينا
هزيت براسي لا
جناات؛: شنو الي صار اني حضرت دفنتو
جهاد؛:لا ماحضرتي بس الفجر ثاني اليوم الفاتحه دورنا عليج ومالكيناج انتي قبلها كن كلتي لسدره وين دفنو وسدره كالتلج بمكبرتنا وجيتي هينا والفجر دورنا عليج ولكيناج نايمه على كبر لؤي الله يرحمو
نزلت دموعي اشكد اتاذيت عجل اني من بعدك حبيبي وعلى فراكك
مشيت مع اخويا واني ابجي الى حد وصلنا كبرو
جهاد؛: اتوقع هذا
جنات؛: ليش ماكو اسم وليش هيجي مكسور الوناسات (شاهدة القبر)
جهاد؛: والله مادري بس شوفي كل الكبور مابيها اسم بله خلي اسال هذا الرجال عمي عمي بلازحمه
شاف رجال جاي يمشي راح علىَ حجى اشويه بعدين حضنو الظاهر يعرفون بعض بعدين اتقربو عليه
السلام عليكم
جنات؛: وعليكم السلام
جهاد؛: جناات هذا جيرانا ابو قااسم اتذكرتي
جنات؛:اها هلا عمو شلونك
ابو قاسم؛: هلا بيج بنتي والحمدالله على سلامتج مشاء الله صايره زينه
جنات؛: الحمدالله عمو عمو ليش هيجي الكبور كلها مابيها اسماء
ابو قاسم؛: والله يابنتي الدواع.. ش ماجانو يقبلون انخلي اسم على الكبر وياكبر علي اسم يكسرو
جنات؛؛الله لاينطيهم ان شاء الله
جهاد؛: عمو انت جنت معنا من دفنا المرحوم مو
ابو قاسم؛: اي شلون عجل وهذا كبرو
جهاد؛: اني مامتاكد زين
ابو قاسم؛:لا ابني هذا كبرو اني كل مره اجي اقراأ الفاتحه على روح ميتنا واجي اقراأ الفاتحه على روح لؤي الله يرحمو
من كال هذا كبرو احس شفت لؤي كدامي صرت ابجي واشهك اتقربت على الكبر
جنات؛؛حبيبي لؤلا يعمري شلونك جوى التراب تعرف اشكد اتاذيت من بعدك تعرف شنو صار بحالي المشكله ماجاي اصدك انت متت لان ماجاي اتذكر
سمعت الرجال سلم وراح وجا عليه اخويا حضني
جهاد؛: ادعيلو حبيبتي
جنات؛؛ جهاد اريد اتذكر اريد اتذكر لحظتها من لؤي مات حتى اصدك حبيبي مات وعافني زين ليش هيجي صار ليش عافني وراح لؤلا حبيبي لو تعرف شنو الي صار من بعدك ولو تعرف منو الي قتلك انت متت ضلم والله حرام حرام ياحبيبي رحت مني بدون ذنب
حضنت الكبر وضليت ابجي وطلعت قهر كلبي الي صارلي سنين طويله مضموم بجيت وعاتبت حبيبي بس مافاد ولاراح يرجع اخخخخ الموت اخخخ
حضني اخويا وكومني عن الكبر مستحيل راح يجي يوم وانسى لؤي ومستحيل شخص يكدر يجي ياخذ مكانو
جهاد؛: يالا جنو انروح
جنات؛ خليني اشويه معا
جهاد؛: اخاف تكعين
جنات؛؛ روح اكف بعيد
راح وكف بعيد خليت راسي على كبرو ودموعي نكعت التراب اخذت اشويه تراب وشميتو
جنات: أخخخخخ يا حبيبي، نار نار بقلبي ما تطفى ولا راح تطفى بيوم، لو كل عشيرة عبدالله ماتوا. لؤي، لولا يا كبد جنات، إنت يا روح جنات، إنت يا كلشي بحياة جنات، إنت اللي عساها جنات لا عاشت من بعدك حبيبي.
عهد عليّ كدامك وكدام رب السماوات والأرض، محد يلمسني بعدك. عفتني بنت وراح أرجعلك بنت، ويجي يوم ونلتقي، ويجي يوم الدنيا راح تخلص.
الصبر صعب، ميخالف، أني اتحملت سبع سنوات حتى يصير يوم زواجنا، بس يمكن رب العالمين كاتب علينا نتحمل العمر كله، وأني رضيت باللي كتبه رب العالمين.
حياتي، راح أصبر وراح أتحمل، ويجي يوم وألحقك يا قلبي إنت. بس أطلب من رب العالمين يعجل لي بيوم أشوفه بي وأشوفك.
بست كبرو وكمت جا جهاد مسكني ورحنا لسياره وطلعت لبيت عمامي ...
سدره
تعبت ودمرت نفسيتي حاولت اصل لعلي وراسلتو جثير بس هو نسى نسى حبي ونسى كلشي ب لحظه
لو جان يحبني صدك ماجان يعاقبني هيجي عقاب اني غلطت مانكر والي زاد غلطي من رحت شفت عبدالله
بس ويلادي محد يحس ب قيمة الضنه الا الام عذبني بيهم خلاني اخذ درس طول عمري مانسى
اتعلمت سدره لو شنو من يصير ماضم
بسبب نفسيتي الي تعبت على ويلادي وسبب عذاب الضمير قررت انتحر وبلحظه شيطانيه
دخلت لحمام اني وابجي كصيت شرايين ايديا ...
فتحت عيوني لكيت الكل يم راسي كمت ابجي واصرخ
سدره؛:ارررريد ويلادي اريددهم بعد ماتحمل الله يخليكم احجو خلي يحس بيا اني ام ام ياناس وكلبي جاي يحترك والله اشتاقيتلهم
ابجي والكل تحجي معايا حتى اهد مافاد الى حد ماضربتني الممرضه ابره ونمت
بعد ماصحيت كتبلي الدكتور خروج وطبعا بعد فضينا القانون مع الاسايش واخذو افادتي
طلعت لبيت وبس ابجي وماقبل اكل الي يحجي معايا اصرخ بوجهو ثاني يوم جوي جيهان وسماء وطارق وعمر من الموصل
البنات يحضنون بيا ويبجون
سماء؛: ليش هيجي اتسوين بروحج منو الي يسوه
سدره؛؛ ويلادي الي يسون
جيهان؛: اهلي ماتو وماصدكت الله انطاني ام مثلج هيجي اتعوفني منو الي من بعدج
خطيه تحضني وتبجي
سدره؛؛كاافي حبيبتي بنتي اني زينه مابيا شي
سماء؛: لو صدك انت اتحبين ويلادج ماتسوين هيجي
طارق؛:سماء شبيج كاافي
سماء؛: كافي هي مو اني يوم من الايام جانو ويلادها راح يفتخرون بيها لان جانت دا اتموت على ايد داعش بس هسا لو كن ماتت جان ضلو العمر كلو منزلين راسهم امهم ماتت كافره ومنتحره
خلت ايدها على وجها هي وتبجي وطلعت بره
حجو معايا كلهم وكلها اتصبر بيا وبيت عمتي ماعافوني دقيقه وحده
بعد يومين جنت كاعده بالحديقه وجان حسن عدنا وجيهان واكفه ب صفحه تقرأ واني وسماء وحسن ومختار كاعدين بالحديقه مختار جالو تلفون وطلع بره
حسن كل ماينزل اجازه ما يطلع من الموصل ويروح لبغداد يجي على اربيل ويطلع لبغداد وكل ماينزل يخابرني يكولي خالتي اشتاقيتلج ويجي عدنا بس ماعرف ليش كلبي يحسني جذاب ماجاي عليه ابو دروب
حسن؛؛ سدره بله الله عليج صدك جذب اتسوين هيجي
سدره؛: ترى تحجي كلمه زايده اكوم اولي
حسن؛: على كيفج خالتي هاي سكتنا
سماء:: انت ليش اتكولها خالتي
حسن؛:وانتي شعليج اتغارين
صارلي اشكد ماكن ضحكت بس من حسن يجي يضلون يدهرون هو وسماء
سماء؛: اغار عليش هاي اختي حبيتي شوف شلون احضنها
حضنتي سماء وباستني
جان حسن يشيل ايدو يضربها
سدره؛:ول ليش تضربها انشلت ايدك
حسن؛: ههههه هيجي
سدره؛: قربانج اصير حياتي انتي
بستها وكرصتها من خدها
علي
وصلنا اربيل واخذنا سياره وطلعنا لبيت من وصلنا المنطقه ويلادي كامو يصفكون
حسين؛؛رجعنا على ماما رجعنا
ماري؛؛؛ اي والله رجعنا
علي؛؛هههه كافي بابا هسا من نصل كبل روحو على بيت جدو محمد
نزلنا من السياره ومختار كاعد بالباب يحجي بالموبايل من شافني كبل وكف وضل مستغرب اتقدمت سلمت علىَ
مختار؛؛ هيجي ياعلاوي
علي؛؛ ان شاء الله ماشوف دموعها بعد
مختار؛: تعالو فوت ولكم احباب خالو
بوس الويلاد وفتح الباب ودخلنا جوى
سدره
كاعدين وظهري على الباب وسماء صايره كدامي وحسن بصفي وكلشويه يدفع الكرسي برجلينو يريد يوكعنا
سدره؛؛ هساا كاافي عاد راح نكع
حسن؛؛ هههه اكعي
سدره؛؛ زعطوط انت
حسن؛؛ الله عليج اني الهيبه زعطوط وشواربي وكذا زعطوط
سدره؛: هيبه عشتو ترى حتى الصرصر عنده شوارب
طارق؛؛ لا خطيه مو هيجي هههه
مسك ايدي وعصرها قوي
سدره؛؛؛ عوف ايدي لا اموتك
حسن؛؛؛ كولي اسف اعتذر
سدره؛؛؛ والله لو تموت مااعتذر منك اني خالتك احترمني هههه
حسن؛؛ هههههه لا يابا هاي عفت ايدج خالتي العزيزه
سدره؛؛ خاله اطول مني ويصحلي خاله
طارق؛؛؛ صدك حسن انت ليش تكولها خاله
حسن؛؛ مو اول من شفتها جنت صغير سلمت عليها كتلها خاله ودائما بالبيت من جنه نجيب طاريهم وامي تحجي عنها تكول خاله سدره فااخذ على لسانه اي والعباس
سدره؛؛؛ العباس لطك اشكد يحلف بالعباس
الكل؛؛؛ هههههه
حسن؛؛ ليش غاثج العباس ماتحبينا
سدره؛؛ ترى نحن نحبهم والله هذوله الي ماعندهم عقل حشاك مايحبون اهل البيت رضى الله عنهم جميعأ وعليهم السلام
جيهان؛؛ امي منو هذا العباس
سدره؛؛ عم النبي محمد صلى الله عليه وسلم
جيهان؛؛؛ اها اول مره اسمع بي اني سامعه بالحسن والحسين عليهم السلام
حسن؛؛؛ جيهان صدك اسالج سؤال
جيهان؛؛؛ جواب
حسن؛؛؛ ليش ماتاكلون خس
الكل؛؛ هههههه
سدره؛؛ هههه اشكد سخيف
جيهان؛؛؛ هههه والله ماعرف اهلي قبل ماجانو ياكلونا
اسراء؛؛؛اول من جت عدنا الماعون اذا بي خس ماتغسله
حسن؛؛ ههههه وهسا تاكلينا عادي
جيهان؛؛؛ لا مااكله اصلا مااحبه مو على مود شي بس اني مااحبه
ماحس الي سماء شهكت وضربت على صدرها
حسن؛: وجع شبيج
سماء؛؛ ع علي رجع دحكي وراج
حسن؛؛ والعباس هذا علي
جمدت بمكاني اريد التفت ماكدر اخاف لا يتشاقون معايا وانصدم
ماري؛: مامي نحنا رجعنا
حسين؛؛ مفاجأه مامي
صار جسمي يرجف اريد اكوم ماكدر ركضو عليه الويلاد وستو نفسهم بحضني وصارو يبجون واني ابجي وابوس بيهم
سدره؛: يروحي بعمري انتو والله متت بعدكم
حسين؛: اني هم اتمرضت اشكد مااشتاكلج واحبج
سدره؛: ابويا انت واخويا وعمري ويلادي
حضنتهم وكمت بلكوه لكيت علي واكف بس دموعو تنزل مسحها وقبل مايحجي حجيت اني
سدره؛: اشجابك؟؟
علي؛: جيت ارجع كلشي بمكانو
سدره؛:بعديش؟
علي؛؛اثنينا الي غلطانين انتي ماحجيتي واني الي ماضميتج خلي نرجع
سدره؛؛ اسفه مالك عندي مكان لرجعه والي يربطني بيك ويلادي وعمتي
درت ظهري ومشيت عنو خلاص كاافي عذاب ويلادي ورجعو لحضني قررت والقرار مابي رجعه بعد ماضل شي اسمو علي بحياتي اني مو على مزاجو يمته مايحب يرجعني. يمته مايحب يعوفني
اخذت ويلادي ودخلت لغرفتي وقفلت الباب ماريد اشوفو بعد ....

جنات
وصلنا بيت عمامي اخوان ابويا دكينا الباب وفتحو الباب انصدمو بجيتنا وناس تبجي وناس تحضن بينا بس اني جدا بارده بلسلام معاهم
لكيت جدتي كاعده شافتني وكامت تبجي حضنتي وتبوس بيا
جده؛:ماضل بيج شي طبتي طبتي يعني
جناات؛: اي طبت وجيت اصفي حسابي
جده؛؛؛شفتي هاي صديقتج شنو سوت
جنات؛: صديقتي الها حساب ثاني بس شنو وين عمامي الباقين
جده؛؛ هسا يجون بنتي
جوي كلهم بعد السلام وكلها تسال علينا
جنات؛: وين فلوسي
عمي الاول؛:فلوس شنو يابا
جنات؛: الفلوس الي اخذتوها من بيت عيالي لان همه دمرو بنتكم
عمي الثاني؛؛ اي هذا حقنا انت بنتنا ادمرتي ب سببهم
جنات؛: اي واني ماكايله شي اريد فلوسي كل الفلوس الي اخذتوها من بيت عيالي اريدها هسا لان هذا باعتبار حقي واني اريد حقي
عمي الاول؛؛ بس نحنا صرفناها
دحكت عليهم كلهم بنظره استهزاز
جناات؛؛ امممم واني هم كلت نفس الكلام يعني مشاء الله جده انتي دفعه وتموتين ولابسه ذهب ونسوان عمامي حدث بلا حرج
وكفت ومشيت بلبيت وادحك
جنات؛:والبيت شي ثاني امممم حلو هذا كلو براس جنات موو تمام
عمي الاول؛؛ شنو قصدج نحنا مابحال احد
جنات::ههههههه ضحكت مو بحال احد بس ماصدكتو بنتكم تخبل حتى تاخذون فلوس مكانها انتو هم عندكم غيره عمامي
من حجيت هيجي كلها اتخبلت وكامت اتصيح شنو هذا سلوبج وكلامج
جنات؛: طول عمركم تعرفون جنات اشكد قويه وتعرفون جنات لو رادت شي اتحصلو ومو انتو الي تكفون بوجهي اصلا انتو عمركم كلها جانت على طمع ولا حبيتو ماما ولاحبيتوني وكلكم حسدوتني على لؤي وب سبب عيونكم الله اخذو من عندي
عمي الثاني؛؛ نحنا لو صديقتج الد....
رفعت اصبعتي واحجي بكل حركه دم
جنات؛: ماسمحلك تحجي على صديقتي افتهمت وصديقتي اشرف منكم ياحراميه لوكل الدنيا اتكول جانت اتخون رجلها ماصدك ولاالدنيا كلها تعرفها بكدي اني
ابن عمي كام ومسكني من اصبعتي وعصرها
ابن عمي؛؛ انتبهي لكلامج زين افتهمتي ونحنا موحراميه
دفعتو عني وكمت اصرخ بكل صوتي
جناات؛؛ الي يستغلون مرض بنتهم وياخذون فلوس من العالم هذوله شنو ياقانون واي دين وياعشيره اكو هيجي شي والله كل فلس اخذتو راح اتزوعونا هسا
جده؛؛ انتي منو هادج علينج الله لاجان جابج
جنات؛؛ هههه شوف شوف النفاق هسا جانت تبجي والحمدالله رجعتي بس هسا صار بيها فلوس الله لا جابج
لاااااا جده الله جابني وغصب عنكم وفلوس راح ترجع لبيت عمي
عمي الاول ؛؛ابوج ماعرف يربيج اني راح اربيج
شال ايدو دا يضربني جهاد مسك ايدو
جهاد؛: الي هينا حدك
عمي الاول؛: ولكم انتو غضب جاين علينا
جنات؛؛ ترفع ايدك عليه والله ماعاش ولاصار الي يرفع ايدو على جناات لؤي
ابن عمي؛: احترمي نفسي لو تنجبين وتسكتين لو تولين وتطلعين
جنات؛: وانت محد خلى عضم كدامك حتى تحجي ومنو انت صرت ابن البارحه
مرت عمي؛: هذا الي ضل علينا وحده مخبله
كالت مخبله لو صدك اتخبلت هجمت عليها ومسكتها من شعرها
جنات؛: اي مخبله هسا اشوفج المخبله اش اتسوي
مرت عمي؛: خلصوني من ايدها راح اتموتني
جنات:؛والله الى اطلع كل الفلوس من ... ياجلاب تستغلوني مرضي وتعيشون بي
بلكوه سحبوني من عليها
جهاد؛: كااافي الخاطر الله جنات خلي انروح
جنات:: بالك عني والله لو جنتو صدك زلم واكو شوارب بوجهكم جانت ماعفتو الي قتل نسيبكم ومرض بنتكم عايش ويمشي ويرجع بكيفو بس طمعتو بلفلوس
اخويا حاضني من جوي ايديا وادفع بي بس ماكدر علىَ وعمامي يغلطون ويسبون بيا واحد من ويلاد عمامي كالي
ابن عمي ؛؛ لؤي منو بطيخ منو بابا لؤي مات وهسا انتي صرتي لويلاد عماامج فاحترمي نفسج لا احيرج (انهي عليج)
اشكد ماصيحت وصرخت احس بلاعيمي انشلعو
جنات؛:وللكككككك كوووواد انت اتحيرني اتروح فدوه لنعال لؤي اتروح فدوه لتراب الي نايم على صدر حبيبي
جهاد؛: امشي جنات امشي كاافي خلى يولون
سحبني وطلعني من بيتهم وصلت لكراج وابن عمي كالي
تجازوني علينا الى اتزوجج واكسر خشمج يامخبله واني نهيت عليج
جنات؛؛ والله انتو كلكم كواو
يد ومابيكم شريف وانت الي تنهي عليه هاك خلي بحلككك
شلت النعال حاشا للقارى وضربتو علىَ واتخبل وجا ركض حتى يضربني واخويا ضربو
واحد صار يضرب بلثاني ويلاد عمامي التمو على اخويا وعمامي يصيحون حييل بي زايد
من حركت كلبي طلعت بلشارع اضرب على نفسي واصرخ وابجي الحكونا يااناس ياعالم ....
