رواية ليتني واجهتك الجزء الثاني الفصل السابع والعشرون 27

جنات 

طلعت بالشارع كمت اصرخ وكل الجيران التمت على صوتي 

ابن عمي طلع ركض عليه سحبني من حجابي وصار يغلط عليه 

فوتي بنت الكلب فضحتنينا 

دفعتو وصرت اضربه اني مو ضعيفه حتى واحد يسترجي يمد ايدو عليه 

سحبوني الجيران ودخلوني ب بيتهم وركضوا على بيت عمي اريد بس اطلع اشوف اخويا اش صار بي ومايخلوني 

اكو زلمه دخلني ب بيتهم كال لمرتو لاتخلينها تطلع 

جنات؛: اريد بس اشوف اخويا الخاطر الله 

اخوج رجال بنتي وين تطلعين تجيج ضربه هسا شي

جنات؛:والله ماسكت عن حقي لاوالله 

يفوتني ومايفيد عفتهم وطلعت ركضت بره دخلت لبيت عمي لكيت الزلم كن سحبو جهاد وكلو صاير دم وملابس مشكوكه وعمامي واكفين يهدون

جنات؛: جهاد حبيبي هاي اش مسوي بيك 

جهاد ؛: مابيا شي 

عمي الاول؛؛ يالاا ولو من هينا وديرو بالكم تصلون ثاني مره

رفعت اصبعتي وصرت احجي بكل صوت عالي واعصابي كلها ترجف 

جنات؛: انتووو ناس ماعندكم خوف من الله  ياظالمين  ياحراميه 

ابن عمي؛؛ اكولج انتي شو ادبسزز 

جنات؛: ولك تجاوز عليه والله اطيح حضك اذا اني ادبسزز انت كو... لان اني عرضك 

هجمت علىَ واحد من الزلم سحبني وكالي 

مايصير بنتي اتسوين هيجي انت مره وانتو اهل حلوها بينكم 

جنات؛؛ يااعمو هذوله الي اتكول عليهم اهلي اني ب يوم عرسي اقارب زوجي ضرب طلقات وجت طلقه على زوجي واتوفى لحظتها ماتحملت الصدمه ودخلت مستشفى امراض عقليه 

الكل؛: لاحوه ولاقوه الا بالله

جنات؛: وهمه ستغلوا مرضي واخذو من بيت عيالي مبلغ جبير وباعوني ب فلوس. عافوا كتال نسيبهم يمشي ومحد يلمسو وهسااااا اريد كل فلس اخذو يرجعو لبيت عمي وغصب عنكم 

جهاد؛: امشي جنات خلي يولون 

جناات؛؛ اني جنات وماسكت عن حقى 

عمي الثاني ؛؛فلس واحد مالج يمنا 

الزلم كلها كالتلهم مالكم حق الي سويتو حرام عليكم جهاد سحبني من ايدي وكالي خلي نطلع قبل ماطلع وكفت بوجه بيت جدي والعفو. بسقت بوجهم 

جنات؛: ياكواويد 

جهاد؛: اشجالجج 

جنات؛؛: هذوله كلاب هذوله مو عمامي 

رادو يضربوني والناس وكفت كدامنا طلعنا من بيتهم. هو يصيحون ويغلطون علينا اخذنا نفس الرجال ودخلنا لبيتهم وخطيه ماخلونا انروح الا نتغده خطيه ويلادهم دخلو الجنط بعد مارموها بالشارع بيت عمي سلمنا على الناس وطلعنا من عندهم 

جهاد؛: هسا وين انروح انروح على بيت عم لؤي 

جنات؛؛ لازم اتخبلت اروح عليهم انروح على اهل اماني همه اكيد هسا يعرفون بيت عمي وين راحو 

جهاد؛: يالا امشي 

اخذنا تاكسي وطلعنا لبيت اهل اماني وصلنا هناك بيت اهل سدره كلو محترك 

جنات؛؛ هاي ليش هيجي بيتهم 

جهاد ؛؛ والله ماعرف 

جنات؛؛ امشي يالا ندك الباب 

اتقربت دكيت الباب طلعلي ولد صغير فتح الباب 

جنات؛: مرحبا ياحلو 

هلوو 

نزلت لمستواه بستو وكرصتو من خدو لان يشبه اماني 

جنات؛: انت منو 

اني لولا 

من كال اني لؤلا عصر كلبي غمضت عيوني ماتحملت طفرت الدمعه 

اخخخ ياامونه حتى نفس الدلع كمت وكفت جاني صوت اماني اتصيح 

اماني؛؛ ول لؤي لؤلا ماما تعال وين طلعت 

فتحت الباب وكفت كدامها هي ضلت جامده بمكانها من الصدمه وكعت بالكاع 

اماني

جيت لبيت اهلى اني وصهيب وويلادي جنه واكفين نغسل المواعين اني والبنات ولؤي يلعب مع جهال اخويا واختي بالحديقه 

شفتو طلع بره غسلت ايديا وطلعت اشوفو انفتح الباب وجنات صارت مقابيلي ضليت مصدومه الحقيقه جنات انقطعت اخبارها من زمان حتى صهيب ماجان يعرف عنها شي من دخل داعش 

من صدمتي احس رجليه بعد مايحملوني وكعدت بالكاع اريد احجي ماكدر بعد وجنات واكفه دموعها تنزل ومبتسمه معقوله جنات رجعت يعني صدك طابت 

جنات؛: والله عيب عليج قابل شفتي جني حتى تكعين 

اماني؛: جنووووو ولي كلبي راااح يكف 

جهاد؛: يمعود اركضي عليها راح اتموت هاي 

جنات؛ههههه وين لؤي عنج جان خوش حشش عليج 

ركضت عليه هي تبجي واني ابجي 

اماني؛؛ الله عليج انتي طبتي تذكريني يعني 

جنات؛؛ وثول اي والله شلون ماتذكرج هههه

اماني؛؛ يروحي يعمري انتي هههه 

رجعت احضنها وابوس بيها كمت اصرخ 

اماني؛: صهههههب جنات رجعت تعاااال شوف اختك رجعتنا اختنا وحبيبتنا 

طلعو كلهم على صوت صراخي وبجي احس لؤي رجع عاش 

صهيب 

جنه ببيت اهل اماني خلصنا غده خليت ايديا على عيوني توي غفيت اسمع اماني اتصرخ وتبجي 

طلعنا نركض اني والكل لكيت اماني واكعه بالكاع وجنات حاضنتها واثنينهم يبجون ضليت مصدوم جنات التفت عليه 

اماني؛: شوف صهيب جنات رجعت ومابيها شي 

صهيب؛: هاي انتي 

كامت على حيييلها وكامت تضحك 

جنات؛:هههه لا خيالها تعال احضن اختك ولك مشتاقتلك 

صهيب؛؛ خرب بيج والله صدك جنات هههه 

اني عمري ماشفت سدره وجنات غير خواتي سحبتها وحضنتها بستها من راسها 

صهيب؛: الف الحمدالله على سلامتج ولي شلون وين رحتي  والله العظيم ياجنو من فاركتكم مايعبر يوم اذا مااذكرج انتي والغالي ياريحة الغالي ياريحة اخويا 

جنات 

خطيه والله اماني وصهيب يقهرون كومنا اماني من الكاع وكلشويا تحضني واتبوسني 

جهاد؛: انتو كضوها بوس وحضن واني نسمطت بالحر 

صهيب؛؛ ول هلا والله اختك طيرت عقلنا

جهاد؛ههه هلا ب صهيب يابا والله حقكم 

سلمت على اهل اماني ودخلنا جوى واماني وصهيب مامصدكين جيتنا بعد السلام صهيب التفت على اخويا جان باقي اثر ضرب بوجهو لان بدل وغسل ب بيت الناس خطيه الله ينطيهم 

صهيب ؛: هاي شبي وجهك 

جهاد؛: عوفك سالفه طويله هاي بس كولنا شنو سالفة سدره وشنو عندها علاقه مع عبدالله طلع وصدك هو الي قتل لؤي الله يرحمو 

صهيب دحك على اماني وهززز ب يدو 

صهيب::دحكي ام لولا العالم اش تلفق حجي 

اماني؛: صخام براسهم وعمه بعينهم كلمنا يحجي على اختي هيجي شنو عندها علاقه شنو بطيخ

جنات؛: لعد شنو هذا الحجي 

اماني؛؛ هاي شبيج جنات وانتي توقعين سدره اتسويها واتخون علي لو تحب واحد من بعد علاوي وبعدين كل الزلم الدنيا ماضل الا عبدالله الدايح حشا السامع 

جهاد؛: والله يااماني هي جنات ماصدكت وكلمن حجى على سدره وكفت بوجهو بس نحنا نريد نعرف الحقيقه 

جنات؛؛ اني ماتوقع سدره اتخون علاوي او سدره هيجي اخلاقها بس نفس الوقت اني ماعرف شنو الحقيقه 

صهيب؛: اخخخ اخخ ياجنو لو تعرفين سدره شنو عانت وشنو شافت جان كسرتو سنون كل واحد يحجي على سدره مو زين ولج اكثر من داعش رجمها وطلعها وحده مو شريفه  حشاها كدام امه محمد 

جنات؛: يمممه صحيح تحجي 

انصدمت كبل دكيت على صدري شنو داعش رجمها 

صهيب؛: اش احجيلج و اشكولج سالفة 16سنه ماتنحجي ب يوم وليله 

جنات؛؛ شنوو 16سنه احجيلي صهيب ماكاعده افتهم 

صهيب؛؛: هذا ياعيني عبدالله النذل جان يتحارش ب سدره من جانت بالرابع اعدادي ..........الخ 

صهيب يحجي واني مصدومه ياحقير ياعبدالله هلكد جان علي يحبك هيجي تطعنو من ورى ظهرو 

جنات؛: لولا حبيبي اريد اكولك على شغله 

لؤي؛؛:اي حياتي كوليلي شبيج 

جنات؛: بس الله عليك مو تروح تحجي لعلاوي اخاف اتصير فتنه 

لؤي؛: والله ماكول كوليلي 

جنات؛: ليش سدره من اتشوف عبدالله دائما ترتبك وبس اتريد تنهزم من عندو 

رفع راسو لفوك ونفخ بضجر توقعت ضاج من كلامي 

جنات؛؛ خمه زعلت والله مو قصدي 

لؤي؛؛: لا حبيبي عليش ازعل بس هذا الشي اني كن انتبهت علي وخوفي ياجنات عبدالله امسمع حجي لسدره وسدره اتخاف تحجي 

جنات؛: معقوله عبدالله يسوي هيجي 

لؤي؛؛؛ اثق بكل الدنيا بس ماثق ب عبدالله علاوي مشكلتو مايركز على تصرفات الي مقابيلو ونظرتاهم جنو اني لمحت عبدالله جم مره يدحك على سدره بنظره ماعرف شلونها  واسكت ماكدر احجي اني اراقب الي مقابيلي من جوى لجوى بس اعرف شنو غايتو 

جنات؛: يجوز نظرتو مابيها شي نظره عاديه 

لؤي؛؛ههه نحن شباب ونعرف النظره عن نظره تختلف 

جنات؛؛ليش ماتلمح لعلي 

لؤي؛؛مستحيل هذا الشي اش اكلو عبدالله يدحك على سدره نظره مو حلوه مايصدك مره كتلو اني ماثق ب عبدالله يدخل بيتنا 

جنات؛: واش كالك 

لؤي؛اش كالي كبل صدني وكالي دنجب واسكت حتى حجي ماتعرف تحجي هذا اخونا واتربه معنا وامي ربتو من هاي السوالف 

صهيب ؛: صحيح كلامج جناات وكن كالها لؤي الله يرحمو بس هيا ماكالتلو خافت 

جنات؛: خافت مووو لعد هيا دمرت حياتي ولؤي ب سببها صار جوات التراب اني اعلمها بس اشوفها هسا بيت عمي وينهم 

صهيب؛:سدره اتحملت فوك طاقتها جنو ماناقص بس انتي تجين اتكمليها 

جنات؛: اي صحيح اتحملت شوف اكولك صهيب كلنا نعرف علاوي زين اشكد يحب سدره وراح يزعل ويتعصب وانت كلتها سدره حاولت تنتحر وعلي من سمع رجع الويلاد وطلب منها يرجعون وهي رفضت مو صحيح 

صهيب؛:امبله صحيح 

جنات؛؛ هسا هي مو امسويه روحها كرهت علي عود وبعد ماتحبو والله جذاب مو شهر شهرين مو سنه سنتين باجر ينسون ويرجعون واحد بحضن الثاني واني اعيش طول عمري ابجي على كبر لؤي 

كلتها ودنكت براسي ابجي 

اماني؛؛ يروحي انتي لاتبجين 

جنات؛انتو محد بيكم حاس الي اني حاسه بي ياريت لو لؤي مطلكني الف مره وعايفني وياريت لو عايشه معا ويوميا يكتلني ويسب بيا وباهلي ولا اشوف جنازتو ياناس يوم عرسنا يوم زواجنا الي نحنا سنين نحلم بي اني ولؤي تالي ماتالي هيجي ب سهوله يروح يموت وعلى حساب منو على حساب الدكتوره سدره والله خافت لاتحجي 

صهيب،؛: حقج والله ومحد مايكول حقج بس كوني انتي مكانها مو راح اتخافين تحجين ل لؤي 

جنات؛:اني مو ضعيفه شخصيه مثل اختك اني جنات القويه واوكفو عند حدو وخلى مستمسك ب يدي واكعدهم كلهم واشوفهم الدليل والله ياعيني صدكوا صدكوا ماصدكوا مشكلتهم المهم اني واثقه من روحي ومن نفسي ماعندي شي معا اشدعوه هلكد اني جبانه 

اماني؛؛جنات يصير الدم لركب انتي اشكعده تحجين 

جنات؛:ويصير طبو مرض هذاك الوكت محد راح يكف مع عبدالله جتله زين يخرط الاول والتالي 

صهيب؛؛هسا المهم الي صار صار والحياة بعد كدامج ياجنو وان شاء الله رب العالمين يعوضج 

جنات؛؛ لاتكمل ماكو شخص بالدنيا ياخذ مكان اخوك بعدين مو كلشي بالحياة الزواج حبيبي بعدين اني جاي ادرس دراسات عليا وان شاء الله اخذ اعلى شهاده 

صهيب؛؛ عفيه عليج 

جنات؛؛ هسا انروح على بيت عمي 

اماني؛: لاتخابرهم صهيب خليها مفاجأة

صهيب؛: هو هم هيجي اكولج جنات شفتي ويلادي حلوين 

جنات؛؛ اي والله مشاء الله يخبلون بعدين ليش ماخذين دلع حبيبي 

صهيب؛؛ ول اول من جابت اماني كتلو هلا ب لولا ومشى عليَ الدلع وهاي سدره الاصغير 

عوجت بحلكي 

جناات؛: وشبي اسمي ماتسمون 

الكل؛:هههههه 

اماني؛: والله العظيم اني كن كلت بس تجيني بنت ثانيه اسمي جنات

جنات؛؛ لا حبيبتي اتشاقه اخاف هم حضها يطلع مثل حضي

اماني؛: على اساس حض سدره فوك النخل دنجبي 

جنات؛: ههه يالا كومو انروح 

اتحضرنا وطلعنا كلنا ب سياره صهيب لاربيل وصلنا بيت عمي كلبي كام يدك سريع 

اماني؛: كلبها راح يطلع من مكانو

جنات؛؛اتخيلت نفسي راح ادخل واشوف لؤي بينهم 

جهاد؛: اش كلنا نحنا مو كلنا نطلع من التخيلات 

جنات؛:اوكي مو بيدي والله 

نزلت من السياره وضليت واكفه ادحك على البيت عمي توتر وماعرف شنو احساسهم من راح يشوفوني من بعد كل هاي الاسنين 

جهاد من كالي لان الطبيب طلب مني ماضل اتخيل شغلات واكول لو لان حالتي النفسيه ماتسمح بهذا الشي بعدين راح اضل اعيش بالخيال وانسى الواقع ...

اماني؛:يالا حبيبتي دكي الباب 

اتقدمت ودكيت الباب وجاني صوت ولد فتح الباب ورحب بينا بس ماعرفني ولااني عرفتو 

جناات؛: انت ابن منو لاتكول حسين حسوني مالحك يكبر هلكد 

قصي محمد؛؛ هههه لا اني قصي ابن محمد ليش انتي تعرفينا 

جنات؛: ياحبيبي كبران تذكر عمك لؤي 

قصي محمد؛: اي اتذكرو 

جنات؛: اني جنات مرتو 

قصي محمد؛: عمه جنات انتي عمه جنات شلون ماتذكرج ول يوووم تعالي شوفي 

صهيب؛: اشش تعاال اكف وين اهلك 

جنات؛: تعال ابوسك 

بوستو حبيبي كبران صاير شباب 

قصي محمد؛: اهلي جوى كاعدين يتعصرون (وجبه خفيفه تصير بعد اذان العصر) 

صهيب؛: دفوتي كبل عليهم شبيج جامده 

سحبت نفس ودخلت لبيت وكلت 

جنات؛: السلام عليكم 

محد رد كلها صارت تصفن بيا..

سدره 

بعد مارجعو ويلادي ب خير وسلامه الحمدالله حاول علي معايا ارجع بس رفضت وحتى عمتي حجت معايا وعمي وكتلوهم الي شفتو بسببو وماجان سهل عليه اتوقعت هو اول الناس راح يرجع يضمني بحضنو 

طلبت منهم كلهم لااحد يفتح هذا الموضوع معايا 

وعلي كومه يراسىلني اشوف الرسايل وماقرأ ولاجاوب على اتصالاتو 

الى اخر شي مل وترك بس جاان دائما ينشر ستوري حزين لو اغنيه يعرفني بيها احبها 

ماكرهت علي ومستحيل اكرهو بس اني عندي كرامتي ومستحيل ب سهوله ارجعلو وكلبي زعل من عنده 

اني جنت غلطانه صح بس عقابو ليه جان صعب حييل وقاسي

عذبني باغلى شي بالدنيا عندي همه ويلادي 

وحرمني منهم ...

انجبرت اخلى على كلبي حجره واعيش رغم رجعت علاقتنا مع بيت عمتي وصارو همه يجون واهلى يروحون بس اني  مستحيل اصل 

جانت الدنيا صيف وسماء والطارق جانو مخلصين امتحانات الكلية بعد مادخلوا اثينهم قانون وجيهان هم جانت مخلصه ورجعو من الموصل 

اني نقلت دوامي لاربيل بعد ماكملت النقل وارجع ادوم ان شاءالله

بهاي  الفتره اختي اسماء اجرت بيت وطلعت لان البيت صار صغير علينا واني هم قررت بس ابدي ادوم ارجع وحدي ...

جنت دائما  انتبه على تصرفات جيهان وسماء اربع وعشرين وحدهم كاعدين يكفون يشتغلون يحجون بس افوت اني يسكتون 

جيهان حانت مفضوحه اكثر من سماء تمسك الموبايل تضحك 

حسيت عندها شي ويوم من الايام صحتلها وطبعا اني فتحت هذا الموضوع مع مختار بس مختار رفض وكالي اني مامفكر بالزواج اشكد حاولت يكولي بعدي على عهدي فقررت اشوف جيهان شنو اتكول بهذا الموضوع 

سدره؛: جوجو 

جيهان::ها امي 

سدره؛؛ تعالي احجي وياج 

جيهان؛؛ اي صار جيت 

دخلنا لغرفه وحجيت معاها 

سدره؛: شوفي جيهان اني اريد افتح موضوع معاج وهذا الموضوع ابويا وامي مقررين بهذا الشي يعني بس يمسك الشيخ العقد 

جيهان؛: مافتهمت شنو يعني 

سدره؛: نحنا قررنا نزوجج لمختار!!!! 

جيهان 

من دخلت لبيت اهل سدره واني ابد مافكرت فديوم ب مختار او طارق او اي واحد منهم بلعكس جنت احسهم اخوتي واهلي بس الي صار 

بعد تحرير الموصل اجوي بيت خال سدره من دبي عدنا 

وجان معاهم ولد شباب كلش مرتب وحلو وكشخه جذبني حييل بس نفس الوقت اني ماردت اتعلق بي ردت عمو عمر يكون دائما فخور بيا ب تربيتي 

مره حييل اختنكت وجان الوقت متاخر بلليل طلعت لحديقه وكعدت ابجي على اهلي حييل مشتاقتلهم 

ماحسيت غير واحد كالي 

قحطان ؛؛ هذا منو هينا 

مسحت دموعي وردت اكوم 

جيهان؛:اني هينا 

قحطان؛: اكعدي ليش كمتي اسف ازعجتج 

جيهان؛: لا مصار شي بلعكس 

قحطان؛؛عادي اكعد

جيهان؛: اتفضل 

كعدنا وصرنا نتعرف ونحجي شنو ندرس واشكد عمرنا بعد سكت اشويه وسالني 

قحطان؛:ولو مامن حقي ادخل بس ليش جنتي تبجين 

جريت حسره بقهر 

جيهان؛؛ اخخخخ ياكلبي 

قحطان؛: سلامتج من الاخ شبيج بيت عمتي مو زينين معاج

جيهان؛:بيت عمتك همه اكو احسن منهم سدره وعمو عمر وبابا محمد وماما رحمه وكلهم ماخلوو  عليه قصره بشي صرفو عليه وصلوني ودخلوني بكلية مانسى فضلوهم الى يوم الدين وكلها بصفحه سدره الي اشترتني من داعش وهي ماتعرفني اني منو نقذتني من داعش واعمالهم وكل لحم كتافي من خيرهم 

قحطان؛: هذا خير رب العالمين واذا جان الدين مايربطنا تربطنا البشريه 

جيهان:: نفس كلامك كالولي اول من دخلت بيتهم اتصدك اني جنت ماخذه نظره على المسلمين مو خوش ابد لان قتلو امي وابويا كدامي 

قحطان؛: اويلي يابا هاي شنو كن شفتي انتي 

جيهان؛: الحمدالله على كل حال بس ب سدره واهلها عرفت الدين الحقيقي وشنو معنا الاسلام ودخلت ب دين الا سلام بكل حب 

قحطان؛؛ مبروك عليج انتي مسيحيه جنتي 

جيهان؛؛ اشكرك لايزيديه  ..وجاوبي لسؤلك ليش جنت ابجي جنت مخن 

ماتحملت ونزلت راسي ابجي وانهج 

قحطان؛؛ لاحوه ولاقوه الا بالله 

اتقرب مني رفع راسي ب يدو ومسح دموعي بطرف اصبعتو 

قحطان؛؛ لاتبجين 

جيهان؛؛ اني خسرت اهلى بالدنيا وبالاخره 

قحطان؛: مو بكيفج هذا الكلام تحجين انتي ماتعرفين اذا رب العالمين يدخلهم الجنه لو لا 

جيهان:: بس اني بحثت ب هذا الموضوع جثير 

قحطان؛: اهلج وكل واحد مات على ايد داعش هذا مات مظلوم ونحنا مو نعلم الغيب حتى انقرر وبعدين هاي العيون الحلوه ماتلوك عليها البجي 

خجلت من كالي اتحممت وهو رجع ليورى 

جيهان؛:؛راح اروح انام 

قحطان : جيهان عادي انصير اصدقاء 

هزيت براسي اوكي اخذ مني رقمي واخذت رقمو وصرنا نحجي دائما وجان دوم يراسلني جان شخص حباب ومثقف وجان محد يعرف بيا احجي معا فقط سماء 

بديت احس اهتمام من عندو خصوصه اذا جنت اتمرض كل اشويه يدزلي رساله اريد اتصل اسمع صوتج 

واني جنت احجي كلشي لسماء وجانت اتكولي اصبري هم الاصدقاء يصير بينهم هيجي شي واذا يحبج خلي تطلع من عندو 

بس ماكدرت اسيطر على احساسي حبيتو وجنت ادعي رب العالمين يعوضني 

الى حد مايوم من الايام اتعمدت اغلق جهازي لان تعبت ردت ابتعد واشوف اذا جان يحبني لو لا 

ضليت يوم كامل مغلق الى حد ثاني يوم العصر جت سماء عليه 

طبعا نحنا جنه عايشين ب بيت عمهم ابو هيثم لان دراستنا واني من تحررت الموصل انقلت من كركوك لموصل 

سماء؛: اكولج هذا قحطان خابرني عصبي 

جيهان؛: صحيح خابرج 

سماء؛: اي والله يكولي جيهان على شنو ساده الموبايل وانتي صدك على شنو كن غلقتي موبايلج 

جيهان؛: مادري ردت ابتعد اخاف 

سماء؛؛ وعلى شنو اتخافين 

جيهان؛: اخاف لا اتعلق بي زايد ويطلع مجرد اصدقاء لااكثر 

سماء؛؛والله اني هم جان عندي شك بهذا الشي بس من خابرني ويصيح بالتلفون عرفت يحبج 

جيهان؛: الله عليج سماء لاتخلين ب بالي 

سماء؛: هههه عشتو على اساس انتي ماب بالج دكومي افتحي موبايلج كومي 

جيهان؛: انتي اش كتيلو 

سماء؛؛كتلو مابيها شي بس عندها دروس كومه ومافاتحه 

فتحت الجهاز وجتني الأشعارات ماكو برنامج اذا ماكن راسلني علي حتى على الخط متصل وينج جيهان ليش ماكو بالي يمج جاوبي من تفتحين ضروري اتراسليني 

من شافني فتحت كبل دك 

قحطان؛: انتي ماتكوليلي وينج 

جيهان؛: احم شلونك 

قحطان؛: مو زين 

جيهان؛: ليش 

جان عصبي سمعتو هدأ وكالي 

قحطان؛:شلون اصير زين وماسامع صوتج اني 

ضليت ساكته ماحجيت وكلبي يدك سريع 

قحطان؛: جيهان 

جيهان؛: اممم 

قحطان؛: اني معجب بيج واحبج 

من سمعت هيجي كالي ماتحملت سديت الموبايل وكمت ابجي واشهك معقوله رب العالمين راح يعوضني دخلت سماء شافتني ابجي جت عليه حضنتي كبل 

سماء؛: شبيج تبجين اش صاير ولج دا احجي شكو 

جيهان؛: طلع صدك يحبني صارحني

سماء؛؛ ههههه يامخبله شكو تبجين يالا هاي دموع الفرح والله لو مابيت عمي جان هلهلت 

جيهان؛: هههه

سماء؛؛ اي هيجي اضحكي وامسحي دموعج والله الا اتعيشين احسن عيشه ب دبي يالا جاي يتصل عليج جاوبي بس مااتباردين المشاعر كبل انتظري فتره وبعدين 

هزيت براسي وسحبت نفس وجاوبتو وماحجيت غير كلمتين وهو بيها يحجيلي اني حبيت واريدج على سنه الله ورسوله وطلب مني احجي مشاعر بس اني كتلو انطيني وقت 

وبالفعل فتره واني هم كتلو على مشاعري ب يومها 

قحطان؛؛هههههه اتحبني والله جنت واثق اتحبيني 

جيهان؛: كاافي اخجل

قحطان؛: ههه ولج اني هم اموت عليج وربي بس اخلص هاي السنه كبل اجي اخطبج ونزوج 

جنت فرحانه بعلاقتي ب قحطان حييل وجنت واثق من عندو لان هو جان ابن خالهم ومستحيل يلعب عليه او شي 

بس الي صدمني سدره من خطبتني لمختار 

جيهان؛:بس اني 

سدره؛؛ لاتحجين شي هسا فكري زين وماراح تلكين احسن من اخويا 

طلعت سدره وسدت الباب وضليت ابجي شلون اني مستحيل اكدر ارفض طلب سدره الي سوتو ليه جان جبير وهذا اقل شي اكدر اقدم الها ونفس الوقت مستحيل اكدر احجيلها الصراحه لان خنت ثقتهم بيا 

سحبت الموبايل ودكيت على قحطان سمعني ابجي

قحطان؛: شبيج فهميني 

جيهان؛:سدره رادتني لمختار 

قحطان؛: شنووو بكيفها لازم

جيهان؛:سدره سوتلي جثير وماكدر ارفضلها طلب ونفس الوقت ماكدر اوافق 

قحطان؛:مو بكيفها سدي سدره مثقفه وماراح تغصبج على شي 

جيهان؛: اش راح اتسوي 

قحطان؛: روحي هسا بعدين احجي معاج باي 

سد الخط ولحظتها دخلت سدره 

سدره؛؛: جنتي تحجين مع منو 

سدره 

شفت ملامح جيهان اتغيرت اني شكيت ب جيهان قبل سماء لان سمعتها مره اتكول لسماء اني احبو حييل 

من طلعت من الغرفه ضليت واكفه سمعت تحجي بالموبايل بس ماعرفت مع منو دخلت لغرفه 

وهي شافتني اتلبكت 

سدره؛: منو هذا الي اتحبي وعندج علاقه بي

جيهان؛:اسفه والله 

سدره؛: اسفه على شنو جيبي جهازج احسن ماصيح عمر والله 

جيهان؛؛ ماعندي شي 

سدره؛: جيهان جيبي افتحي الموبايل 

اخذت الموبايل من ايدها 

سدره؛؛ افتحي دا اشوف هاي هيجي واثقين من عندج اتخونين الثقه اني مو كتلج جيهان اني امج وماتضمين عليه شي

دنكت راسها تبجي 

جيهان؛: والله مو بدي انتي اشكد اتحبين عمو علاوي واني احبو هلكد 

سدره؛: بس عمج علي مو غريب ولا صاحبتو بالجامعه

جيهان؛: وقحطان هم ابن خالج 

استغربت قحطان اش جابو عليها.

سدره؛: قحطااان؟؟؟؟!!!!! 

جيهان؛: والله من جا عدنا وجنه مجرد اصدقاء وبعدين حبينا بعض و عدني بس يخلص الامتحانات يجي يخطبني 

سدره؛: افتحي موبايلج 

اخذت الموبايل فتحتو اخذت من عندها ومشيت بدون مااحجي معاها شي ورحت اشوف المحادثات لكيت مابيها شي عابر الحد بلعكس حجيهم مليان حب واهتمام فرحت لجيهان حيييل لان راح تنسعد ب بيت خالي وخصوصه قحطان ولد مثقف وحباب ودارس وماعلى قصر ومن يم الماده عندهم بيت وشقه وخيرهم جثير مشاء الله وخالي هم عندو مشاريع بل عراق يعني بين قوسين انكولها طاكين 

مختار 

بعد ماعشنا ب اربيل بعد فتره كدرت اقدم على شركه واشتغل بيها 

جنت كاعد بالمكتب مالي اتصل بيا قحطان ابن خالي 

مختار؛:ول هلا عاش من سمع صوتك يابا 

قحطان:؛عشت بعز مختار شلونك 

مختار؛:؛الله يسلمك ابن خالي انت شلونك 

قحطان؛: تمام الحمدالله شوف ابن عمتي خلي نحجي اخ لاخو بدون زعل بدون حراج لثاني 

مختار!؛ كول اش صاير اكيد نحنا اخوه 

قحطان؛:انت اتريد جيهان؟؟

مختار؛؛جيهان لاوالله اني حاسبها مثل اختي واكثر 

قحطان؛؛:سدره اتريدها لكه صح

مختار؛؛ اي صحيح واهلي هم رادو وعمر كلهم فتحو معايا الموضوع بس اني رفضت وكتلهم مو قصره ب جيهان بس اني ماريد اتزوج لا جيهان ولاغيرها بس ليش 

قحطان؛؛اني اريدها وبس اخلص الامتحانات اجي اخطبها 

مختار؛: اي شكو بيها والله ماتلكي احسن منها بس انت منو كالك اني اريدها او شي 

قحطان؛: والله سمعت 

مختار؛: ول لوتي كول من الاخير اكو تواصل بينكم وفضها 

قحطان؛: هههه هيجي شي بس هسا ريحتني لان سدره خطبتها هليوم 

مختار؛: سدره خطبتها؟؟؟ 

قحطان؛: اي والله 

مختار؛: معليك سدره اكو دلغه براسها وكن حست على جيهان ورادت تختبرها اختي واني اعرفها..

سدره 

دز رساله على موبايل جيهان قريتها مارديت ضل يدز اقرأ مارد اتصلت بي اني 

قحطان؛؛ ها حبيبي ليش ماتردين شبيج 

سدره؛؛ حبتك حيه ام سبع روس ماعيب عليك 

قحطان؛: ها سدره هلا ب بنت عمتي شلونج

سدره؛:وعمه الي تعمي عيونك 

قحطان؛؛ هسا ليش تحجين عليه اني شنو مسوي 

سدره؛: بكيفي احجي عليك اش عندك مع جيهان 

قحطاان؛: احبها واريدها واريد اتزوجها 

سدره؛: مانطيك 

قحطان؛؛: والله اجيج من دبي ركض 

سدره؛: عادي اركض مانطيك 

قحطان؛:ول سدره والله هاي البنت اتربعت بكلبي يااختي انتي شايفه اشكد بريئه وحلوه وناعمه تنكرط هسا انتي مو حبيتي لحكتني اني على شنو

سدره؛: اخخ حبيت... بكلبي اش حصلت من الحب غير اكلت وحل حشاك 

قحطان؛والله اخليها برموش عيوني واعوضها عن كل لحظه شافت بيها حزن 

سدره؛: اي اي اااااسممممع جذب

قحطان؛ههههههه والله ضحكتني 

سدره؛: اي والله شبيك هذا حجي علي جان قبل يكولي عمري ماخليج تزعلين ولاانزل دموعج هو اني قبل ماجنت اعرف شنو الزعل بس اخذت علي عرفت شنو الزعل وشنو الدموع 

قحطان؛؛ صدك مادا يحاول يرجعج مادام رجع الويلاد 

سدره؛: امبله بس اني رافضه

قحطان؛: وليش 

سدره؛؛ لاوووالله وكرامتي؟؟؟ 

قحطان:؛: والله مادري شنو اكولج الله يهديكم ويلم شملكم بس هسا انطيني احجي مع جيهان 

سدره؛ ؛:لو تموت مانطيك هي على ماتصير حلالك 

قحطان؛؛لاسدره صدك تحجين والله مايمر يوم اذا ماسمع صوتها 

سدره؛: ابد 

قحطان؛: اوكي سدي 

سدره؛: ماشي 

سديت من عندو مابيها خمس دقايق ودك تلفوني خالي جاوبتو وبعد السلام كالي 

ابو قحطان؛: خالو اني اعتذر منج على مود قحطان بس والله يريدها بالحلال وكلنا نعرف هذا الشي 

سدره؛:مصار شي خالو بس هو لو يحبها صدك يثبت 

ابو قحطان::وهاي اني جاي اتصل بيج على مود اثتبلج ابني يريدها بس اريد اسال سؤال وصدكيني هذا الشي

من ام واب ومن حقنا نسال نحنا مانعرف اهل جيهان منو وشنو بس من دخلت بيتكم صارت جيهان بنتج واني اتصلت بيج جاي اخطبها من امها

سدره؛: الله يسلمك خالو اسال 

ابو قحطان؛: داعش اذى جيهان 

سدره؛: شوف ياخالو اني كعدت مع جيهان وحجتلي وحلفتها وكتلها لاتخافين احجي كالت والله محد لمسني واني كدام عيوني من جنت  بالسجن جيهان جت لسجن وبعدها اني اخذتها وبدون محد يلمسها هاي الي كدامي بس الي قبلي اني واثقه من جيهان ماتجذب بس ياخالو اذا ناوي تجرحون جيهان انسو جيهان اتصير جنتكم لان جيهان بنتي والي يمسها يمسني واذا جان هذا كلام قحطان فخلي يسمعني عمرو جيهان ماتصير عندو 

ابو قحطان:: لا خالو هذا مو كلام قحطان وصدكيني قحطان ماقبل اسالج هذا السؤال بس كتلج من حقنا نعرف 

سدره؛:انت هم خالي ومع حترامي لكه بس عمر الاخلاق ماب قطرات دم 

ابو قحطان؛: صحيح والله كلامج هي مسلمه وتصلي مو لان تعرفين دينا مايقبل ناخذ بس من اهل الكتاب وهمه مو اهل كتاب 

سدره.... اي خالو اسلمت وبراضتها ومشالله ملتزمه بصلاتها اكثر مني وحتى حجاب تلبس كدام الويلاد 

خال سدره.... خالو اني اطلب ايد جيهان لابني قحطان على سنه الله ورسولو 

سدره؛؛اني انطيتكم اذا الله انطاكم بس اهم شي يخاف الله بيها لان جيهان عندي هي بغلات ماري الله شاهد بنتي الجبيره جيهان 

سمعت قحطان يصيح 

قحطان : ام حسوني هاي روحي شلون ماخاف الله بيها 

سدره؛: ههه الف مبروك حبيبي 

سمعت مرت خالي وبناتو كامو يهلهلون 

خطيه واخير ياجيهان ان شاءالله الايام تضحكلج يارب اشويه وسديت الخط ورحت على جيهان لكيتها متمدده وكن خلت المخده على راسها وسماء كاعده يمها اتهدي بيها 

سماء؛؛سدره ليش هيجي مع جيهان 

سدره؛: مو شغلج هذا واذا عرفت فديوم عندج شي حالج يصير مثلها كووومي جيهان احجي معاج 

اتعدلت وهي تشهك 

جيهان:: اسفه مو قصدي اخون الثقه 

سدره؛: اسفج مايفيدج اني قررت ازوجج

سماء؛: هاي شبيج سدره 

سدره؛: انتي انجبي 

جيهان؛: بس اني ماكدر والله احسب مختار اخويا الله يوفقج لاتسوين هيجي بيا 

سدره؛: ومنو جاب طاري مختار غير خالو ابو قحطان طلب ايدج واني وافقت ههههه بس حبيت اوكع كلبج اشويه 

جيهان ضلت مصدومه وتصفن بوجهي 

سدره؛: هاي شبيج تعالي بحضني 

جيهان؛: الله عليج امي ماجاي تشاقين

سدره؛: لاوالله بنتي هسا جنت احجي مع خالي وطلب ايدج وهاي موبايلج احجي مع قحطان 

جيهان؛؛: احبج احبج انتي امي 

حضنتي قوي تضحك وتبجي 

سدره؛:ههههه يروحي انتي تستاهلين كل خير 

سماء؛: واخيرا مبروك تعالي 

وسماء وجيهان وحده تحضن الثاني وفرحانات ضحكت على ضحكهم وطلعت من الغرفه وسديت الباب وبلغت اهلي وفرحو لجيهان 

رحت اتمددت اشويه وحسوني وماري عند ابوهم جانوا سمعت صووت قصي محمد يصيح 

قصي محمد؛؛ عمه سدره وينججج 

ابو سدره؛: اشصاير 

طلعت من الغرفه خفت لاويلادي بيهم شي اسم الله اريد احجي ماكدر بعد 

قصي محمد؛: جدووو عمه جنات مرت عمو لؤي رجعت وهسا هي عدنا وماكن ضل بيها شي 

كلهم كالو شنوو اش اتكول الي اني ضليت بين صدمتي وبين جا اليوم الي جنات رجعت بي وماعندي عين  اشوفها 

ماكدرت اروح رغم اتمنيت بهذيجه اللحظه اروح واشوفها واحضنها بس ماكدرت سديت الباب الغرفه ودخلت ابجي رجعت جنات جنو طابت ..

علي 

كاعدين كلنا وماحسينا غير وحده كالت السلام عليكم كلنا ضلينا مصدومين من شفنا جنات احس شفت لؤي 

احس لؤي الي رجع مو جنات 

جنات؛: هاي شبيكم اني جنات رجعتلكم 

جنات 

الكل مصدوم اذا ترمي الابره تسمع صوتها 

بس من كتلهم اني جنات رجعتلكم عمتي ماتحملت كامت تضرب على نفسها وتبجي 

ام علي؛؛ يمه لؤي الي كدامي ولكم لؤي احس الي رجع ولج جنات رجلي مايحملوني تعاااالي

ركضت عليها ابوس بديها ووجها واني ابجي وهي تبجي وامسك ايدها

ام علي؛؛ رجعتي ياامي رجعتي يابنتي رجعتي ياريحة لؤي 

جنات؛: يووم قربانج اني اصير حياتي مشتاقتلكم انتو الي ريحة لؤي اني الي اشوف لؤي بيكم ياحبيبتي 

ام علي؛:يابنتي اووووف يايمه ياالؤؤؤي 

حاضنتي وتبجي واتصرخ باسم لؤي كلها كامت تبجي من صغيرها لعمي 

جان كاعد على القنفه نزل على ركبو وسحبني من حضن عمتي 

ابو علي::يابنتي كسرتي ظهرنا والله مثل مارجلج كسر ظهرنا وين رحتي وين اختفيتي 

جنات؛: اخخخخ يابا لؤي عافني وراح وماخذني معا موتني لؤي من بعدو 

ميس؛؛؛جنو حبيبتي شلونج يعمري

جنات؛: شلوني تعبااااانه ياميسسس تعبااانه كبرت فوك عمري سنين لؤي اخذ كل حيييلي 

اشكد حضنتهم وبجيت بهذاك اليوم اشكد طلعت قهر كلبي وحجيت صح ماتذكرت لؤي من مات بس اتاكدت بهذيجه اللحظه لؤي رااح وعافني خلص كلشي انتهى 

ميس حاضنتي واتبوس بيا 

جهاد؛: جنات كااافي مو زين عليج الله يخليج ميس اخذيها خلي اتغسل 

اخذتني ميس وغسلت وجهي واني اشهك وكل شهكه احسها اتشك صدري وتمرد كلبي مرد 

حاضنتي ومشتني لصاله جا علاوي عليه باسني من راسي وحضني 

جنات:؛ الله عليك ياعلاوي لؤي مات كدام عيونك اني ماتذكر من مات يعني صحيح حبيبي راح وعافني 

علي؛: اي ياجنو والله مات

جهاد؛: الله يخليكم كاافي نفسيتها ماتحمل 

هدو بيا وجا محمد هم باسني وحضني وكعدتني ميس وانطتني ماي شربت ارتاحيت وعمي وعمتي كاعدين يمي وكلشويه يبوسون بيا الى حد ماشويه اتغير الجوى 

وبدينا انسولف 

جنات؛: هاي الحلوه تشبه سدره اكيد بنتك علي 

علي؛: اي يولي هاي ماري

جنات؛: يااحياتي تعالي انطيني بوسه انتي حبيبة لؤي جنتي تعرفين عمو لؤي 

ماري؛: اي يوم تحجيلنا وماما هم اتكولي جان يحبج حييل 

جنات؛: اي والله ياكلبي جان يموت عليج واني جنت اغار من عندج

خلت ايدها على حلكها تضحك بوستها وراحت كعدت بحضن علي 

جنات : وهاي الاصغيره منو 

ميس؛؛ هاي ليان بنتي 

جنات؛: واخيرا صار عندج بنت 

ميس؛: هههه اي والله الحمدالله 

اشويه وطلع ولد من الغرفه يفرك بعيونو 

جنات:: وهذا منو لاتكولين كن خلفتي ولد ثاني ميس 

علي؛: هذا حسوني القشمر ههه

جنات؛: ههه ياحبيبي كبران 

علي؛: روح بابا غسل وتعال بوس عمه

حسين؛؛ اي بابا 

اشكد حلوين ويلاد علي وحمودي صفنت عليهم ربي يحفظهم لاهلهم ويحفظ اهلهم الهم بس ربي شنو كن صار لو اني حالي حالهم وهم ارجع واكول الحمدالله على كل حال 

راح غسل ومسح وجاني اتصافح معايا وحتى مايعرفني اني منو 

مرحبا عمه اني حسوني 

جنات؛؛,هههه هلا بحسوني شلونك اني الدكتوره جنات 

حسين ::اهلا وسهلا دكتوره 

جنات؛: يمه قبانو مشاء الله شنو هذا لسان والجمال بوستو والتفت على علاوي 

جنات؛؛ لاتكول تربيتك ادري بيك انت ماتربي هيجي

علي؛؛ هههه هاي تربيه امهم بعد 

رجعت نفسي ليورى واتذكر سدره راحت الابتسامه من وجهي 

جنات؛: على سالفه امهم روح قوقه كولها 

قصي محمد؛: رحت عمه كتلها وضلت مصدومه وماجاوبتني ودخلت لغرفه سدت الباب بعدين ترى عمه سدره ماتفوت ب بيتنا 

جنات؛: اي طبعا ماعندها عين الي توجهني بي سدره جبانه واتضل جبانه لاخر يوم بعمرها 

صهيب؛؛ كومي ماري عمووو اخذي حسوني والويلا والعبو جوى

علي؛: جنات الي صار صار بعد وعبدالله انحكم عدام 

جنات؛: وحقي وقهري ومرضي وكل دمعه نزلتها وبجيت على لؤي من ياخذها 

حمودي؛: رب العالمين اخذ حقج صدكي 

جنات؛؛ انتووو هيجي بكل سهوله نسيتو لؤي 

ابو علي؛؛ ياابنتي ليش تعصبيني محد نسى لؤي والله هو اكو احد ينسى روحو فهميني 

جنات؛: لعد ليش كاعدين دفعون لسدره 

اماني؛: لان سدره هم انظلمت حالها حالج

جنات؛: ممكن اتجاوبني وين علي 

علي؛: شنو وين علي غير اني كدامج 

جنات؛: ولؤي وين صار مو جوى التراب علي راح يضل كدام سدره طول العمر بس لؤي مااات وذنبو بركبة سدره لان ماحجت ولاكالت 

ام علي؛: يااامي يابنتي ياحبيبتي ترى سدره الي شافت والي اتحملتو هم مو قليل عبدالله اذها جثير والله علي من عرف اخذ الجهال منها وسافر ضربها زعل عليها ابوها موتها كتل شنو بعد 

جنات؛؛ والله اني رجعت حتى اصفي حسابي مع كل واحد اذاني واتاذيت ب سببو 

علي؛: سدره مالج اي حساب يمها 

جنات؛: لاا و

شلونج جناات 

رفعت راسي سدره .....