رواية ليتني واجهتك الجزء الثاني الفصل الثامن والعشرون
سدره
دخلت لغرفه ابجي اخخخ ياعذاب الضمير الي دمرني الله ينعلك عبدالله
اندك باب الغرفه
سدره؛؛ فوت
فتح الباب بابا ودخل جا كعد يمي وحضني
ابوسدره؛: ليش تبجين باباتي
سدره؛؛ بابا جنات رجعت
ابو سدره؛؛ واذا رجعت مو هاي صديقتج من الطفوله
سدره؛؛؛ماعندي عين اشوفها ماكدر بابا عذاب الضمير دمرني
رفعني عنو ومسح دموعي
ابو سدره؛: اريدج اتصيرين سبعه ماريد اتضلين جبانه سدره كومي غسلي وروحي لبيت عمتج كاافي تختلين من الناس والي صار بعد صار مانكدر انرجع شي ولا انغير شي
سدره؛؛ماكدر بابا شلون اشوفها فهمني
ابو سدره؛؛مو انتي الي قتلت لؤي ولااتكولين اني السبب انتي بلعكس سويتي كلشي يطلع ب يدج بس. حتى لااحد يتاذه وسبحانه هيجي رب العالمين كاتب روحي اكعدي وسلمي عليها وراح يصير بينكم عتاب وخلي شنو يصير بس لاتختلين من احد
هزيت براسي وكمت غسلت وسحبت الحجاب مال الصلاه وطلعت رحت لبيت عمتي
اول من دخلت سمعت علي يكول لجنات مالج اي حساب يمها
سدره؛؛ شلونج جنات
جنات؛؛ هلاو غلا هلا ب صديقه الطفوله هلا بلي شاركت ب دمار حياتي
درت وجهيي دموعي تنزل
ام علي ؛؛ تعالي امي تعالي اكعدي
مسحت دموعي واتقدمت على جنات
سدره؛؛ جنو حياتي.
وكفت على حيييلها ردت احضنها دفعت ايديا
جنات؛؛ لااااطخيني بس فهميني ليش ليش تضمين هيجي سر وانتي واثقه من روحج ماعندج شي معا فهميني
سدره:؛: والله ماجنت اعرف هيجي راح يصير
جنات؛: هو ماجان يهددج اكتل علي شلون يجي من كلبج اتضلين ساكته
سدره؛؛ الله يخليج جنات لاتحمليني فوك طاقتي اني تعبانه
كتفت ايدها وحجت
جناات؛: تعبااانه ومن شنو ترى كلشي اتصلح وكلشي رجع لمكانووو سدره وهذا علي راح ترجعيلو بس ممكن اتصلحيلي السنين الي فاتت من عمري وترجعيها ممكن ترجعيلي لؤي
سدره؛؛ كاافي الله يخليج كافي بعد ماتحمل اللوم بيا اني هم اتذيت واتعذبت والله ماجنت اعرف عبدالله نذل لهاي الدرجه
جنات؛: الي يتحارش ب مرت اخو شنو هذا فهميني هذا في قمه النذاله والسقوط ذنبي بركبتج الى يوم الدين وراح كل سجده ادعي عليج الله ياخذ حقي منج ومن عبدالله
صهيب؛؛؛ هاي اشجالج جنات
طلعت من بيت عمتي ابجي لحكني علي ماجاوبتو دخلت لبيت اهلي مسكني من ايدي وكفني
علي؛: سدره اكفي
سدره؛؛ عوفني عووووفني بحالي اني تعبت تعبت من اللوم والعتاب ومن حجي الناس الي تطعن ب شرفي وماكاعده ترحمني
وكعت بالكاع ابجي حضني علي ويبوس براسي
سدره؛؛تعبت والله تعبت
علي؛: كاافي يروحي لاتسوين هيجي بنفسج الي صار صار وانتي مالج ذنب
كومني ودخلني جوى لكيتهم كلهم واكفين بالمطبخ يدحكون من الشباك علينا عفتهم ورحت لغرفه سديت الباب وابجي واشهك واتذكر كلام جناات راح ترجعين لعلي بس اني الي راح مني لؤي كلشي تصلح ورجع بس لؤي مارجع ذنبي بركتبج الي يوم الدين
مستحيل مستحيل اكدر ارجع لعلي وجنات مستحيل هذا الشي يصير وارجع لحضن علي ماكدر كل غفوه وكل حضنه ولمسه راح اتذكر جنات وكلامها ليه
كمت لميت اغراضي واغراض ويلادي اندك باب غرفتي لكيت اماني بوستني.
اماني؛؛:شلونج حبيبي
هزيت براسي ورحت اكمل لم الاغراض
اماني؛؛ هاي اشكاعده اتسوين ليش اتلمين اغراضج
سدره؛؛ راح اروح
اماني؛: وين
سدره؛؛ اريد ابتعد ماريد اشوف علي اخاف لاكلبي يوم من الايام يحن وارجعلو
اماني؛؛ واذا رجعتي
ماتحملت كمت اصرخ واضرب على وجهي
سدره؛؛ شنوو واذا رجعت شنووو شفتي كلامها شلون اكدر انام بحضن علي فهميني
امااني؛؛ اهدي الله يخليج ياكلبي كاافي جنات بعدها جرحها حار والايام كفيله بالنسيان
سدره؛؛ مستحيل جنات تنسى حبها للؤي اريد ارجع لمجمع مالي واني ادز ويلادي كل خميس على ابوهم بدون مايجيني
اماني؛؛ براحتج حبيبتي المهم انتي ترتاحين
كملت لم اغراضي وطلعت خبرت اهلي اريد اعيش وحدي بابا كالعاده اشويه عارض بس من شافني ضايجه ومصره تركني براحتي طلبت من اماني اتكول لعلي راح اروح اعيش وحدي علي جا عليه كبل
علي؛؛ وين اتريدين
سدره؛:اريد اخذ شقه مثل الي جنت ساكنه بيها واعيش بيها اني ويلادي وراح اخذ جيهان معايا وادزلك ويلادك كل اسبوع بدون مانت تجي
علي؛: اهاا
سدره؛: اي نعم
علي؛: انتي وجنات ليش تطلعين من هينا
سدره؛: اريد اعيش وحدي وخلص
علي؛: براحتج
مشى وعافني وبدون مايحجي ولايكول لاتروحين ولاشي دخلت لغرفتي سحبت جنطتي وخليتهم بالسياره
سدره؛: يالا جيهان امشي معايا
جيهان؛: بس ماكن حضرت اغراضي
سدره؛؛ اوكي حضري اغراضج وكملي بين ماروح اشوف شقه او بيت واجي اخذج
جيهان : اوكي
اخذت ويلادي وطلعت لمجمع الي جنت بي مالكيت عندهم شقه بس لكيت بيت اثاث كامل غرفتين فوك وغرفه جوى شفت البيت حلو صغير عجبني أخذتو كبل رحت كملت شغلي وجيت نزلت اغراضي خابرت شركه يجوني باجر من الصبح ينظفون البيت اخذت الويلاد ورحت جبت جيهان
اخذتهم عشيتهم بالمطعم اني ماكدرت اكل كملو وطلعت لبيت كضينا الليله شلون ماجان
بين ما صار ثاني يوم ورحت جبت شغاله واجوي الشركه نظفو بيتي
انطيت غرفه لجيهان وغرفه لحسوني وماري
مشت حياتي عادي بس يمكن اني الي ماكدرت امشي احس نفسي كبرانه فوك عمري جثير
بديت ادوم بالمستشفى والهي نفسي بس ارجع لبيت اضل افكر ب جنات وعذاب الضمير موتني رجع علي يراسلني ويحاول معايا ارجع بس رفضت تمامآ
ب يوم من الايام جانت امي عندي الباب اندك طلعت الشغاله تفتح الباب
اني من انتقلت لبيتي هو ماجا جت الشغاله كالتلي علي يريدج رحت طلعت علىَ
سدره:هلا علي شلونك
علي؛: الحمدالله انتي شلونج
سدره؛: على الله اتفضل ليش واكف بره
نزع من رجلو ودخل جوى سلم على امي وجيهان وبوس الويلاد
وكعد يسولف اشويه وامي اترخصت راحت جيهان هم سوت روحها جاها اتصال وطلعت لغرفتها واخذت الويلاد معاها
جا علي كعد يمي سحب نفس ونفخ بوجهي
سدره؛: ياا هاي ليش هيجي اختنكت
علي؛؛ ماترجعين
سدره؛: وين ارجع اذا على بيت اهلى اني مرتاحه هينا
خلى شفتو على ركبتي طبع بوسه وشمها وهمس
علي؛؛ لحضني
دفعتو عني وكمت
سدره؛؛ بطل هاي سوالفك وكتلك اني مارجع
علي؛: هسا مو اعتذرت منج كم مره وكتلج اثنين غلطانين ليش هذا التصرف مالج
سدره؛؛ اني مابس على هاي
علي؛: عجل على شنو
سدره؛؛ انت شفت جنات شنو اتكولي
علي؛: يعني جنات كتالج هيجي وهاي هي انتي بعد ماترجعين يعني شنو اسوي اروح اكتل نفسي حتى جنو ترتاح
سدره؛: لاتكتل نفسك ولاشي اني مارجعلك مستحيل علي افتهم عليه اني ماراح اكدر ارتاح معاك اذا ماجنات اتسامحني
علي؛؛ بس اريدج اريد ترجعيلي كاافي سدره صارلنا 6سنوات واحد بعيد عن الثاني يعني انتي ماتشتاكلي ماتريديني اشو سكتي لاكن بطلتي بعد ماتحبيني
سدره؛؛ والي سويتو بيا؟ وجنات؟
علي؛: والله ياحبيبتي اذا اني سويت بيج وهم الي صار مو قليل وماكو رجال بالدنيا كلها يقبل مرتو اتضم علىَ شي وهم انتي رحتي شفتي هذاك الكواد وكتلج لاتروحين وكسرتي كلمتي
ومن شفتج هيجي رحتي شفتي عبدالله النكس اني كلت خلااص سدره انتهت من حياتي وهذاك الوكت جان الي حق اخذ ويلادي واطلع
امه جنات فهاي قسمتها بالحياة وهي يجي يوم واتسامحج نحنا صار عدنا ست سنوات لؤي ميت بس ترى جنات عندها مابيها سنه ونص يعني جرحها بعدو حار لان هذيجه السنوات الي جانت مريضه بيها ماتنحسب عرفتي
سدره؛؛ماكدر عوفني الله يخليك
وكف على حيييلو واشر ب صبعتوووو
علي؛: شوفي اكولج هليوم تجين على بيت اهلج اجيب الشيخ واعقد لو والله
سدره؛؛ لو والله شنوو كمل اتخليني بحصره ويلادي لان انت ماعندك غير هذا التهديد جااااوبني
علي؛: وليش اتخلني هيجي احجي ليش ما تعوذين من ابليس وترجعيلي واتخلينا انلم ويلادنا ونستقر
ماتحملت كمت اصيح عليَ
سدره؛؛ ماريدددك ياااااخي ماريدك افتهمني ماااكدر اعيش معاك ويلادك اكف
طلعت فوك ركض دخلت لغرفه سحبت حسوني وماري من ايدهم
سدره؛؛ امشووو كدامي
جيهان؛: هاي شبيج سدره اش صاير
نزلت جوى ودفعتهم على ابوهم
سدره؛؛ اخذ ويلادك ماريدك ولااريد ويلادك الي بس اتهددني بيهم
علي؛: هاي شبيج سدره اتخبلتي
سدره؛:اخذ ويلادك وروح ماريد اشووفكم يالاااا معااا ابوكم كدامي
جيهان؛: ماما رحمه شوفي سدره اش كاعده اتسوي
ام سدره؛؛ اشجالج يابنتي
سدره؛؛ كرهتوووو حياتي ادمرت بسبب ابن عمك ماريد احدددد بحياتي ماااريد لااخ ولاصديق ولاويلاد
ام سدره؛؛ ياامي مايصير هيجي ويلادج شنو ذنبهم بعدين علاوي يحبج يابنتي
كمت ابجي واشهك
سدره؛؛ يااماما اطلع بالشارع يكولون هاي خانت رجلها مع ابن عمو وشافوني نسوان هذاك اليوم من منطقتنا يكولون صحيح داعش لكولج مع واحد ورجموج يااماما الناس خنكتني وموتتني ولاكانما الناس ماتعرف منو داعش ومنو اني
علي؛؛ سدره حبيبي والله اني واثق منج انعل ابو الناس حشاالزين
اتقرب يهديني دفعتو
سدره؛؛ عووفني لووو واثق مني مانت اول الناس من حجيتلك شبعتني ضرب وماضميتني ولا صرت بظهري كدام الناس كلها اذا انت مشيت وعفتني طبعا الناس راح تحجي بعرضي وتطعن ب شرفي رووح اخذ ويلادك وروح ماريد اشوفكم يالااااااا
انهارات اعصابي كمت اضرب على نفسي وابجي امي كالتلوو اكسر الشر واخذهم كام اخذهم وطلع امي وجيهان يهدون بيا ادفع بيدهم تعبت ونفسيتي تعبت الناس تطعن ب شرفي وتحجي عليه اشكال والوان اني سدره الي دوم بابا يكولي انتي رفعت راسي هيجي هيجي الناس تحجي عليه الناس وعلي وجنات كلهم التمو على راسي
دخلت لغرفتي منهاره ماريد اشوف احد مااريد احد بحياتي ضليت كاعده بتختي وابجي دخلو عليه اماني وصهيب
صهيب؛: هاي شبيج صاير شي بعقلج
اماني؛؛ سدوره حياتي فدوه لعينج انتي عاقله وحبابه والله خطيه خاله اتصلت بيا بس تبجي فكري بيهم اشويه
رفعت راسي ..من طول عمري اني افكر بهذا وهذا واضحي لعلي واسوي لامي وابويا اتحمل من هذا واسكت لخاطر لخ واني واني اشو من وكعت محد اتحملني جاااوبني شبيج ساكته كولي اشو كلها طعنت بشرفي لججج ابويا الي بس ماحبو اكثر من الله زعل عليه وعلي الي كل تضحيتي لخاطرو مشى وعافني وهسا يهددني بجهالو ماريدو ولااريد ويلادو وهسا ناقصه قهر وعذاب ضمير جت جنات كملتها عليه وحملتني ذنب اكبر من ذنبي فهميني ليششش ليش سدره من البشر هيجي يصير معااااها
اماني؛؛ كلنا متعرضين لامتحان من رب العالمين
كمت اصرخ واحجي
سدره؛؛ لااااا سدره تفرق سدره تفرق عن البشر لان ثوله ضليت ساكته 16سنه وماحجيتي خوف على حبيبي الي هو اول الناس اتخلى عني اتعرض لتحرش ليش اتعرض لان حلوه اني هذا الجمال هم ماريدو
ركضت وصهيب مسكني دفعتو عني ورحت لمنور سحبت البطل مال النفط وصبيتو على نفسي
سدره؛: ماااريد هذا الجمال اريد اتشوه حتى محد بعد يتحارش بيا
صهيب سحب البطل من ايدي شالني واني اضرب بي
صهيب؛:؛ اتخبلي بعدي انجني
سدره؛؛ عوفني مااريد احد ماريد لاصديق ولاشي كلكم جذابين
دفعني بالحمام
صهيب؛: سبحيها هاي المخبله
جيهان ركضت تساعد اماني واني ادفعهم اعصابي انهارت من القهر وحجي الناس عليه
اماني؛: ماكدر عليها صهيب
صهيب؛ يعني شلون اشدها لو اني اسبحها مثلا
مل الطشت وكبو فوك راسي صهيب وكعت بالكاع ابجي
سدره؛؛ تعبت اررريد ارررتاح مليييت ارحموووني
صهيب؛: انتي اتخبلتي شبيج فهميني من انعل ابو الناس اي والله حشالزين
سدره؛: ماااريد اعيش ارريد اموت واخلص اريد اخلص من حجي الناس عليه اريد اخلص من ذنب لؤي وجنات اريد اخلص من قهر علي
طلع صهيب من الحمام والبنات سبحوني وطلعت جيهان جابت البرنص لبستني واخذتني اماني لغرفه كعدت اتمشط بشعري هي تمشطني كاعده ورايا وسحبتني بحضنها وكام تبجي وتبوسني
اماني؛: ليش يروحي هيجي تسوين بنفسج فهميني الي صار صار يعمري واذا جان ذنبج او لا رب العالمين كاتب هيجي والناس هذا طبعهم يريدون زله على الواحد حتى بس يحجون ويطعنون ب شرفو باجر الناس تنسى وتسكت
سدره؛: وجنات راح تنسى
اماني؛:رب العالمين ماتعرفين شنو كن ضم يجوز تلكي شخص يحبها ويعوضها عن لؤي الله يرحمو وهذا الوكت راح تنسى صدك
سدره؛: واني جرحي راح يطيب وضميري راح يسكت
اماني:؛؛ بكثر مافرحتي يوم عبدالله انحكم اعدام ضميرج راح يسكت يوم عبدالله ينعدم ولاتحملين نفسج ذنب كاافي سدره عيشي لنفسج انسي الي صار حتى اذا مارجعتي لعلاوي بس الخاطر ويلادج
سدره؛: ماريد لا علي ولا ويلادي
اماني؛: بكيفج حبيبتي عمري المهم انتي ترتاحين
سدره؛؛اخذي ملابس الويلاد معاج وكولي لعلي ماريد بعد شي يربطني بي
اماني:؛ادللي
سدره ؛:اريد انام
اماني؛: نامي حبيبتي ماتبدلين
سدره،؛: لا بس غطيني
اماني؛: اي كلبي
غطتني وغمضت عيوني اتلمست شعري وباستني وصلت باب الغرفه سمعت صهيب يكولها
صهيب::ها شلون صارت
اماني؛؛اتريد اتنام خلي نعوفها
طلعو وسدو الباب وضليت اتكلب ب فراشي من كثر التفكير نمت وكعدت المغرب على صوت موبايلي سحبتو لكيت مصطفى
من زمان ماكن حجيت معا من اخر مره خابرني كن عرف من صهيب كلشي جاوبتو
سدره؛: الو
مصطفى؛: هلا بام حسوني شلونج
سدره؛: الحمدالله انت شلونك
مصطفى :؛والله على الله اسال عليج بعد اخوج
سدره؛؛ تسال عليك العافيه
مصطفى؛؛؛ اني باربيل شنو رايج نلتقي اذا ماعندج شي
سدره؛: تعال على بيتي
مصطفى؛:والله اني ضايج من البيت اني عازمج على العشه
سدره؛؛اوكي ماشي وين
مصطفى:؛ب مطعم ..... عرفتي
سدره ؛ اي عرفتو هسا بس اتحضر واجيك
مصطفى؛: اوكي
خلصت المكالمه وكمت اتوضيت وصليت لكيت صهيب واماني ماكو
رحت وكفت كدام المرايا وعيوني صايرين حمر خليت اشويه مكياج عدلت وجهي ماجان عندي وهس اطلع بس ماردت افشل ابو الصوف
رحت لكنتور طلعت ملابس
لبست الملابس ولفيت الشال
هاي الفتره من رجعو ويلادي صرت اهتم بنفسي اشتري ملابس اروح لمركز اسوي ليرز جثير شغلات سويت حتى اغير من نفسيتي بس جت جنات ورجعت حطمتني من جديد
سحبت الجنط والسويج وطلعت من البيت سالتني ماما كتلها ....
وصلت المطعم الي كالي علىَ مصطفى دخلت لمطعم لكيتو كاعد من شافني وكف ابتسم وصلت ليمو قدمت ايدي واتصافحت معا
سدره؛: شلونك ابو الصوف
مصطفى؛: الحمدالله انتي شلونج يابا شنو هاي الاناقه والجمال
سدره؛: هههه شكرا من ذوقك
مصطفى؛؛ استريحي
كعدنا وبعد السلام وشلونك وشلوني
مصطفى؛:شنو اتحبين تطلبين
سدره؛؛ ماجوعانه بس اريد كهوه اصفى راسي
مصطفى:: كهوه شنو وكت عشه
سدره؛؛ اذا ماعندك شي بعد وكت لعشه
مصطفى؛: لاوالله ماعندي ادللي هسا اطلبج كهوه
جا النادل طلب عصير واحد وكهوه
مصطفى؛؛ اي سدوره شخبارج احسج تعبانه
سدره؛اني لا تسالني عن وضعي بس انت شخبارك وخطيبتك اشعجب ماتزوجتو الى حد الان
مصطفى؛:اووف اش احجيلج
سدره؛؛ اشصاير
مصطفى؛؛ هذا مو عرفت بيا ماسك عقد عليج اتخبلت وانجنت حجيتلج بوكتها
سدره؛؛ اي صح بس ابوها جا معاك وشافك طلكتني
مصطفى ؛: مافاد صار كل مره بيها تحجج بس نتكاون اتكولي انت مو اتزوجت. غيري وعشت معاها بنفس الغرفه
ول يابنت الحلال والله اختي بعهدالله سبحانه وتعالى مايفيد اخر شي هددتها اعوفها اذا فتحت هاي السالفه هم ضلت فتره ماتحجي تعالي نزوج نمسك عقد ماتقبل
سدره؛: ميخالف تغار عليك مصطفى انت هم عاقل وتفتهم
مصطفى؛: مو هيجي سدره ابد مو هيجي طفرتني
سدره؛؛يعني هي توقع زواجنا جان حقيقي
مصطفى؛؛ عجل عليش هي هيجي تتكاون
احلف الف يمين يابا اخذتها البنت حتى تخلص من داعش وهي اتحب ابن عمتها واني لو اريدها ماجان طلكتها هلمره تتعصب بالزايد اتعوف كل السالفه تاخذ اخر كلمه هاي يعني شنو متندم
صفنت بوجهو وضليت ساكته
مصطفى؛: اشو صفنتي
سدره؛؛ اشكد ناس اتاذت ب سببي
مصطفى؛: دحك هاي الثانيه بله اسكتي احسلج لا بالكلاص على وجهج انتي شعليج بعدين انتي بعدج مال ذنبي ومو ذنبي بابا بطلي هاي السالفه
سدره؛: مرت لؤي طابت ورجعت
مصطفى؛: هلا بيها واذا
سدره؛؛ شنو هلا بيها
كعدت احجي لمصطفى على كلشي الي صار
مصطفى؛: اسال سؤال
سدره؛: اي جواب
مصطفى : علي اشكد جانت رد فعلو قويه وبعدين اش صار
سدره؛: بعدين هو جا ويريد يرجعني بس بين ماهدأ مع الوقت
مصطفى؛: عفيه مع الوقت كلشي مع الوقت ينحل وراح يجي يوم وجنات ماكولج جرحها يطيب بس البشر يتناسى ماينسى وهم جنات راح يجي يوم وترجعين انتي وهي مثل قبل واتسامحج
سدره؛: جنات وحد وعلي وحد
مصطفى؛: لا ابد مو جنات صديقتج من الطفوله واختج وعلي حبيبج وابوجهالج والاثنين يحبوج وراح جنات مع مرور الزمن تفتهم وضعج مثل مالكل افتهم وضعج سدره
سدره؛: مادري يامصطفى بس اني تعبانه
مصطفى؛:عوفي حجي الناس خلي يولون معليج بيهم وعيشي حياتج انتي هم الي شفتي هم مو قليل وانطي فرص لعلاوي وارجعو لحضن واحد
سدره؛؛؛ بس هو اخذ مني ويلادي من عرف بالحقيقه ضربني وزعل واحتار شنو يحجي عليه
مصطفى؛: تذكرين من جنتي عدنا كتلج سدره علي راح اتصير عندو رد فعل لان مو قليله علىَ
سدره؛؛ اي اتذكر
مصطفى؛؛ واش كتلج بعد اني
سدره؛: كتلي اتحملي شنو من يحجي ويكول بس المهم لاتضلين ساكته
مصطفى:: وصار كلامي شفتي لان اني رجل والرجل يفتهم شنو بالرجال سدره نحنا شرقين وبالاخص عراقين وغيرتنا ماتسمح على نسوانا يضمون سر لو شرفنا يتحارشون بي
ام حسين كلشي ولا الشرف وبالاخص علي اقرب الناس طعنو بظهرو وهم فوك هذا كلو انتي رحتي كسرتي كلمتو ورحتي شفتي عبدالله وهو كالج يعني هو جان ناوي يرجعج ويسامحج بس يطلع من صدمتو بس انتي رحتي سويتي العكس مادام بعد كل الي صار ضل متمسك بيج لاتعوفي علاوي مايتعوض وانسي الماضي لخاطرو هو والخاطر انتي ترتاحين والخاطر اطفالج سدره
كلكم تعبتو خلي تخلص هاي القصه كاافي وخلي نفرح برجعت سدره لعلي ب بيت واحد ولؤي الله يرحمو كلنا راح انموت وعبدالله لعن الله عليَ لجهنم مع فرعون ان شاء الله
سدره؛؛:لو بس يعدمونو ونخلص
مصطفى؛: مادام حكمو خلص راح يعدمو
سدره؛؛ان شاء الله وانت اش راح اتسوي مع خطيبتك شنو رايك تنطيني رقمها احجي معاها
مصطفى؛: والله اكون منون بلكي تعرفج انتي شنو وترجعلي انتي شلعت كلب علي وهذيجه شعلت كلبي
سدره؛: هههه تستاهلون محد كالكم حبونا
مصطفى؛: هههه اشعدنا غيركم يالا سجلي
اخذت الرقم من عند مصطفى واشويه غيرت جوى واتصل ب مختار هم جا اتعشينا وكملنا اني رحت لبيتي ودزيت سلام لامو جثير وهو راح لبيت اهلي
من جيت انام بجيت على ويلادي شلون طردتهم انقهرت بس والله اني هم اعصابي تعبت وعلي يستغل هاي النقطه ضعفي ب ويلادي
بس قررت هلمره ادوس على كلبي حتى لايضل يهددني بيهم
اتصلت بيا اماني واطمنت عليه
.....بعد يومين خالي خابرنا وكاال راح نجي حتى انسوي خطوبه ونمسك عقد
جيهان جانت فرحانه خطيه واخذتها لسوك واشتريتلها ملابس العقد وحجزتلها ام الصالون تجي لبيت
واخذتلها شغلات جانت محتاجتهم كملتها من كلشي
جوي بيت خالي ورحت لبيت اهلي وجنت حييل مشتاكه لويلادي
جوي عليه يبجون اخذتهم بحضني وبوستهم
سدره؛؛ليش تبجون يعمري انتو
ماري!؛ انتي بعد ماتحبينا
سدره؛:والله احبكم كومه بس جنت ضايجه اشويه
حسين؛:بابا هم كال ماما تحبكم بس ضايجه وزعلت اني ماريد تزعلين من عدنا
سدره؛: لا ابويا ماجنت زعلانه من عندكم بعدين هاي الملابس منو مشتريهم
ماري؛: عمه هدير اشترتنا
سدره؛؛ كتلولها شكرا عمه
ماري؛: اي كلنالها
حسين؛: وبسناها هم
سدره؛: عفيه ماماتي
ثاني يوم صار العقد مال جيهان وكلشي جهزتلها خطيه تجي وتروح اتبوسني
جيهان: شأسويلج حتى أوفيج يا أمي الثانية؟ أني ما أنسى فضلج إلى ما أموت.
سدره: يكفي تعيشين سعيدة ومرتاحه، هذا الشي المهم. أني ما سويتلج فضل أبد القدر هو اللي اختارج تجين من سنجار وتروحين للإمارات
وتكعين بحضن الشخص الصح
جيهان: فديتج وفديت هذا القدر، الدنيا ضحكتلي سببج يا سدره الله لا يحرمني منج ❤️
اشكد حلوين كلشويه اقرأ عليهم ايات وانفخ ربي يحفظهم وقحطان فرحان كلشويه يجي يدخل بحجه يريد شي يدحك عليها ويبتسم اخر شي كتلو
سدره؛؛ يول استجن اشويه يامحامينا
قحطان؛: هههه والله مامسويه شي
سدره؛: ههههه الله يحفظكم لبعضكم يارب
بابا عزم بيت عمتي كلهم على الغده وجوي بس علي ماجا
قبل مانصب الغده عمي جا وجان كاعد بالاستقبال
واني كاعده بالهول يم عمتي
باب الاستقبال مفتوح اسمعه يصيحني
ابو علي؛؛ وينها بنتي
ماري؛؛ ماما جدو دا يصيحج
سدره؛؛ اي يابا جيت
كمت رحت علىَ بوسته وكعدت يمو وصار يسالني على بيتي واذا مرتاحه وحدي
ابو علي؛؛ المجمع الي ساكنه بي امين
سدره؛؛ اي والله يابا كلش امين هي اربيل كلها امان بس هدوء وتعرفني اني احب الهدوء
ابو علي؛؛ من انتي طفله تحبين الهدوء سدوره بنتني سامحتيني انتي
سدره؛؛ صحيح تحجي يابا والله كلبي ماشايل عليك وكل الي سويته ممكن اي اب يسوي
صح كلبي زعلان من عنده الي سوى عمي معايا اكثر من سوى علي بيا
بس ماردت ازيدو قهر وهو اب وكلبه محترك على ابنا
ابو علي؛؛ سامحيني حبيبتي الله شاهد عليه اشكد احبج بس لؤي كسر ظهري يايابا
كالها ودموعو نزلت سحبت ايدو بستها
سدره؛؛ والله يايابا حقك اني والله مازعلان منك
سحب راسي باسني
ابو علي؛؛ الله يرضى عنج كل الي سوته بيج وهجمت بيتج وفرقتج عن علي وخليته يتزوج وحده ثانيه وكلبج ماشايل عليه اني اعرف انتي ماتحبين احد يفتح هذا الموضوع وياج بس بنيتي فكري شويه فكري بعقلج خطيه هاي الجهال شنو ذنبهم
حتى اذا تريدين خلي علي يعقد عليج وعيشو كل واحد بغرفه بين ماكلبج يحن علىَ
سدره؛؛ يابا الله يخليك
ابو علي؛؛ اسمعيني ياحبيبتي اني اعرف ييج بعدج تحبين علي وهو بعده يحبج بس فكري لخاطر الاطفال
سدره؛؛ يابا حتى لو احبو بس جنات
ابو علي؛؛؛ جنات قدرها هذا على كولت ميس دائما تكولي يابا ترى حتى لو مو عبدالله الي قتل لؤي الله يرحمو جان ممكن يصير اي شي حتى يموت لؤي قطعه انشال من كلبي وكبدي روحي بعده اتكطعت بس الحياة لازم تمشي يابنتي فكري زين
سدره؛؛ اترجاك يابا واحترم كلامك بس طاري علي بعد لاتجيبو ماكدر علي نسى تضحيتي نسى اني شنو تحملت بسببو
ابو علي؛؛ بكيفج يابا
سدره؛؛ لاتزعل مني بس خلي نتركها لزمن
ابو علي؛؛ لا بنيتي عليش ازعل هاي حياتج وانتي حره بيها
ابتسمت وكمت رحت مع البنات كعدت
سدره؛؛شنو هدير مو جانت موجوده ليش ماجت
ميس؛: علي كالها سويلي اكل قبل ماتطلعين
سدره؛؛ اها
ميس؛؛ عوذه ولاتسال ليش مااجا
سدره؛: ولايجي اش اسوي اني
جيهان؛: ميس عمو علاوي ماراح يجي
ميس؛:لاوالله حبيبتي اساالي امج
سدره؛؛ عادي اني اروح لبيتي وخلي هو يجي مامشكله
جيهان؛؛ سدره عفيه خلي يجي
سدره؛: هو مايجي
جيهان؛: اني اروح علىَ وهو مايردلي طلب
شفت جيهان ضاجت كتلها براحتج جت هدير دخلت وشايله ابنها بحضنها
سدره؛: هلا هدوره
هدير؛؛هلا حبيبتي شلونج بس اخذي ابني تعبني
سدره؛:هههه جيبي فدوه بعدين انتي اشعندج تخلفين مو كاافي
كرصتني من صفحتي
هدير؛: بربوك اشوفج باجر من ترجعين لاخويا شلون ماراح اتخلفين
عوجت بحلكي يعني ماعجبني كلامها
سدره ؛؛ جنات يمته راحت
ميس؛؛ ضلت اسبوع عدنا وراحت لموصل بين ماالعمال صبغو ونظفو بيتهم اشترو اغراض
سدره؛؛لازم راح يرجعون لموصل
ميس؛؛ اتكول يمكن مو اكيد
علي
من بعد ماشفت سدره هيجي ومارايده اتشوفني قررت ابتعد مادام هذا الشي يريحها
بلكي بالبعد اتحن وتشتاك ...
هليوم العقد مال جيهان وسدره موجوده مارحت واكف بالمطبخ وظهري على كاونتر وصافن ماحسيت غير جيهان كدامي
جيهان؛: عمووو علاوي هاي شبيك
علي؛؛ ها هلا حبيبي هاي يمته جيتي
جيهان؛: صار ساعه اصيحلك انت فاصل النت عندك
علي؛: ههههه ولج هاي على منو فاصل النت
جيهان؛:ههههه عوفك من النت هسا وكولي بابا محمد مو عزمك ليش ماجيت
علي؛: وين اجي
جيهان؛: شنو وين تجي عموو مو هليوم عقدي شنو مافرحان
علي؛: الف مبروك حبيبتي وشايفه الخير بس ماكدر اجي
جيهان؛: اني مو صديقتك وانت دائما اتكولي انتي صديقتي والا اركص ب يوم عرسج
علي؛: ادللي عود بعرسج اجي
جيهان؛؛: يعني ليش اتضوجني اذا الي خاطر عندك تجي حباب
علي؛: جيهان
جيهان؛: عمو الله يوفقك
برطمت اتريد تبجي انقهرت عليها
علي؛: هاي هي تدللين بس بعد الغده اجي
جيهان؛: يعني مابيها مجال تجي على الغده
علي؛: مامحضر روحي اتغده واسبح وابدل واجيج لخاطرج
اتشكرت مني وراحت واشويه جت ب يدها صحن دولمه
علي؛: ول حبيبي عليش تكلفين نفسج
جيهان؛؛ هاي سدره سوتها اكلها ادري بيك اتحبها واتحب صاحبتها هههه
علي؛: هههه لوتيه مايفيدج معاج .....
جيهان؛؛ وترى هاي سدره رتبتها
علي؛؛ والله من شفت الصحن عرفت يابا عاشت ايدج وايد امج
سدره
بدينا انصب بالاكل جت جيهان خلت بالصحن دولمه
جيهان؛؛: سدره عادي اخذ هذا لعمو علاوي
سدره؛: اوف من سوالفج
جيهان؛: خطيه هو يحب الدولمه مو صحيح
سدره؛: اي صحيح بس هو مايحب كلشي بالدولمه يحب بس البصل والسلك والضلوع
جيهان؛: لعد انتي رتبي
سدره؛: اي جيبي
جيهان؛: يمه اشكد اتحبو وبعدها تذكر اش يحب ومايحب
سدره؛؛ ترى ماخليج تاخذين
جيهان؛؛ لا لا هاي هيا تكرهينو ههههه
سدره؛؛ هههه
رتبتلها صحن وخليت ضلوع فوكو ورغيف خبز واخذتو
وجت تضحك
سدره؛؛شبيج تضحكين
جيهان؛؛ عمو علاوي يكول عاشت ايدج
سدره؛؛ بس لاكتيلو من عندي
جيهان؛هيجي شي
سدره!؛ اشكد سخيفه جيهان
حضنتي من ركبتي
جيهان؛؛ لاتزعلين من عندي والله اني هليوم ماكن انطيت فرحتي لاحد ولو رجعتي لعلاوي راح افرح بكدها قاطين
ابتسمت بوجها اشكد كلبها طيب هاي البنت
صبينا كلنا سوى وكعدنا
ابوعلي ؛: تعالي سدره
سدره؛؛ هاي يابا
ابوعلي؛: تعالي اكعدي يمي
كمت ورحت كعدت يم عمي سحب راسي وباسو
ابوعلي؛؛ الله يرضى عنج
ابتسمت حلو شعور من شخص يضلمج وبل تالي الله يذب علىَ كل الندم
كملنا الكل وام الصالون اخذت جيهان اتحضرها واني رحت سبحت وجانت اكو مساعده معاها طلبت منها اتسويلي شعري لف على طولو ومكياج هادئ
كملتني ورحت لبست كلابيه
طلعت من الغرفه وصار كدامي علي لابس دشداشه ضلينا واحد يدحك لثاني
هو وكشختو اخذت كلبي
الكل صار يدحك علينا وعبالهم منتفقين ب لبسنا
علي
كملت وطلعت لبيت خالي اول من دخلت عيوني تراقب تريد اتشوفها دخلت لصاله وصارت كدامي
هم لابسين اثنينا زي عربي
ضليت واكف ادحك عليها عيوني ماتشبع منها ومن جمالها
ماعرف شلون اخذتني رجليا عليها وقدمت ايدي
سدره
اتقدم عليه وقدم ايدو
علي؛؛: شلونج
خليت ايدي ب يدو وابتسمت
سدره؛؛ زينه انت شلونك
من شافني ابتسمت ضحك ودنك اتبوسنا لان مشاء الله هو طويل لازم اذا يبوسني يدنك على كولت لؤي الله يرحمو جان يسمينا
رقم 10 اخخخ ياربي من باسني عطرو كفخ بوجهي كلبي راح ههههه
بعد السلام راح كعد بين امي وعمتي وباس امي من راسها
علي؛؛ اي حجيتنا
شلونكم
هدير؛؛ اكولك انتو مادام بيها تصافح وبوس شكو ب ليل كل واحد حاضن المخده ونايم
علي؛؛ غير يحن
سدره؛؛ خليتيني اتندم لان تصافحت
ميس؛؛ مو هي جانت فاقده الوعي من تصافحت معا ترى
الكل؛: ههههههه
عوذه فشلوني كدام الكل جا الشيخ حتى يعقد انتفقت معاهم 35متقدم ذهب و50متاخر جيهان مارادت بس كتلها ماعليج
نحن اهل موصل طبعنا ماناخذ فلوس ناخذ ذهب يعني مثل 20مثقال او اكثر اقل حسب الي يطلب ونتفق على ملابس مليون واكثر
يضل الصالون والفساتين ام العريس تمشي معنا والعروس الي تختار ام العريس هي تدفع هيجي عاداتنا
صح همه بيت خالي بس مو معناها اني ماطلب على جيهان جثير
خليت ماري بمكانها لو ازوج ماري هم راح اطلب هيجي
وخالي كبل وافق ماكال شي جبنا جيهان وكعدنها ملبسيها البرنص مال العقد ومخلين رجليها ب ماي ورد وهاي تقاليد سماء مدري منين جايبتها وسماء كلشويه اتسويلها حركه
وجابت القران وخلت بحضنها خلت هيل واتبخرلها
سدره؛: منين جايبه هاي التقاليد انتي
سماء؛؛ والله حلوه مو صحيح
سدره؛ تخبل
رفعت عيونها جيهان عيونها مدمعه
سدره؛؛ اذا بجيتي اموتج
جيهان؛؛ اتمنيتهم معايا
كالتها وكامت تبجي كلنا حضنها
سدره؛؛ كاافي ياامي انسي الحزن قربانج اصير اني لاتبجين شوفي الايام الحلوه دا انتظارج يابنتي
مسحت دموعها وعدلنا مكياجها
وكالو الشيخ كام يعقد وسال جيهان موافقه وباابا جان وكيلها
تم العقد وكلنا كمنا انهلهل ونرمي جكليت جا قحطان باسها من راسها وسلم عليها
بس كالو الشيخ راح شغلوا اغاني وكاموا يركصون الي اني ضليت كاعده اشكد ماافرح يضل حزن بداخلي
جت جيهان سحبتني من ايدي
جيهان؛: بداعتي اشويه
سدره؛ماكدر والله
جيهان؛: يالا سدره
مادرت افشلها وكفت اركص معاها وبعدين دخلو الويلاد وشغلوا اغاني جوبي ومسكت ايد عمر وكمت ادبج
اني اعرف ادبج جوبي علي واكف يدحك عليه اشرلو عمر تعال. اتقدم ومسك ايدي وكام يهز معايا جتف
سدره؛؛ راح اطلع
علي؛؛ اموتج كاافي عاد طوختيها
سدره؛؛ ماتعرف تدبج مثلي
علي؛؛والله
سدره؛؛ هههههه اي
وصرنا ندبج اني وهو شلون انهز ب جتفنا ونزل ونرجع نصعد
الي حد ماخلصت الاغنيه انسحبت
اشويه وكلها كامت تروح بعد ما الكل راح لبيتو عمتي وصهيب واماني ضلوا بس بيت خالي هم
واكفه ابدل بل غرفه جت اسماء عليه واترشلي ب يدها حركه مو حلوه هههه
اسماء؛: ماتوافقين ترجعين هههه
سدره؛؛ اهووو والله ترى احلف يمين ما حتى احجي معا
اسماء؛:هههه يالا اتشاقه معاج الله يجمعكم
نتفقنا بعد ثلاث ايام الخطوبه وبالقاعه اني وبابا وعمر اتكفلنا ب مصروف الخطوبه كلها
خالي ماقبل بس كتلو باعتبار نحنا اهل جيهان ونحنا اهل الموصل عدنا الخطوبه على اهل العروس
خطيه وجنا نركض ركض هينا وهناك وليلة الخطوبه من الصبح كعدو البنات يسوون شيره وهاي سوالف البنات الي اني وبنات خالي الي عايشين بدبي هم مثلي مايسوون
سدره؛: شوفي جوجو كتلج امشي معايا لمركز ماجنتي تقبلين تخافين
جيهان؛؛ امي والله يوجع يحرك
بنت خالي؛: هاي شنو شيره انتو بعدكم على زمن الشيره
سماء؛ ليش حبيبتي انتو بعدكم اتسوون بالفحم
الكل؛:ههههههه
سدره؛؛ ولي مثلي هم مسوين ليزر
بنت خالي؛: اكولج جوجو انتي بس تجين عدنا اتشيلين من بالج فكره تكعدين اتسوين شيره ومادري شنوو كبل ليزر
جيهان؛؛ اخذتني امي مره وشفته يحرك خفت
بنت خالي؛؛؛ لا يمنا مطور اكثر ثلجي مايحرك بس بالبدايه هسا كلنا مسوين حتى امي....
بالليل رحت لبيتي وحدي اجيب كم غرض اتصلت بيا سماء
سدره؛؛ها سيمه
سماء؛: عمتي عمه ماريا
سدره؛؛ شبيج ولج شكووو احجي
سماء؛: مدري شبيها اتخربطت
سدره؛؛ ليششش اش صاير
سماء؛؛ ماعرف ماعرف وماتقبل اتروح لمستشفى تعالي بسرعه بلكي اتسوين شي انتي
سدره؛؛ جيت جيت
سديت التلفون وطلعت من البيت ابجي ياربي. حفظلي عمتي دخليك يالله مالي غيرك
ركبت بالسياره واسوق بس اريد اصل وصلت بيت عمتي نزلت اركض واصيح من باب
سدره؛؛ ووين يوووم شبيها امي الخاطر الله
فتحت باب الاستقبال وانصدمت ......
