رواية تحت ظل السعف الفصل الثالث والثلاثون بقلم ميار
:سفينه بلآ بحر گلبي وألك ... رآح
منعته هواي من عندك وألك ... رآح
تگلي شرٱح من عندک ولك ... رآح
گلبي الرآح ألك مارد أليه
ـــــــــــــــــــــــــ♕ــــــــــــــــــــــــــ
معاذ:: عذرونا ما الكم مره يمنه
تبارك:: انصدمت من معاذ حجه وصارت صنته
شويه وابوي نتر بعصبيه بمعاذ گال.
أحمد:: معاااذ
معاذ:: عذرني يابه بس اني اخوها ومن حقي
محمد:: زين خالي غير نفتهم سبب رفضك
تبارك:: سكت بعده ما حاجي وانجريت بقوه
لكيت امي ابتسمت حتى لا تحجي عليه بس
ما يفيد ضربتني وتسحل بيه للبيت وتحجي عليّ
ابتسام:: ولج ما توبين شلون وياج مو كتلج
ممنوع تكفين تتصنتين على زلم مو عيب اني
هيج مربيتج بالله شافج ابوج والله يكسر ضلوعج
تبارك:: فدوه الكم الضلوع والجواه فدوه شلون
ام عسل تعاي تعاي ابوسج گيمر عرب و الله.
ابتسام:: هههههههه ما اكدرلج يلا امشي يم اختج
تبارك:: ادري بيها بعد ما تخليني اروح فستسلمت
ورحت يم مروى وهاي حاطه راسه بالملزمه كعدت
اني هم عود اقره وبالي كله يمهم ما افتهمت سبب
رفض معاذ.
زياد:: تفاجئنه كلنا من حچي معاذ، والكل سكت. خالي محمد عدل گعدته، شبك إيده بإيده وبصوت هادئ بس بيه جدية گال:
محمد:: وشنو السبب يابه؟ من حقك ترفض، بس من حقنه نعرف السبب. گول خالي، حامد بي شي ما عاجبك؟
معاذ:: لا خالي، حامد رجال والنعم منه، وما نكدر نحچي عليه كلمة.
فرات:: عجل شنو السالفة؟
زياد:: ضحك أخويه ضحكة خفيفة، وما التفت لفرات حتى ، صد بوجه خالي محمد وكال:
معاذ:: خالي من الأخير... فرات وإخوته كل ما نطلب منهم مره يرفضون، . والله ما أخلي هالزواج يتم إلا إذا صار التعامل واحد. جم مرة كلتلك حاجيهم شبيهم يرفضون مو إحنا من إجوا خطبوا من عدنه ما رديناهم.
زياد:: كلها سكتت وظلو واحد يدحك بوجه الثاني . وخالي محمد هز راسه وكال:
محمد:: لا، بهاي عندك حق يابه. وأحچيها جدام الكل. فرات، إنت وإخوانك من طلبتوا بنتهم الناس قدروكم وانطوكم مره. اليوم إحنا نطلب منكم، شنو المانع؟
زياد:: فرات وإخوته ظلوا صافنين. ما ردو و لا كلمة. ووجوههم تبين عليهم الحيرة. وعماد چان لازگ بفرات ويراقب الوضع، وإني وحسين بالكوة گاضبين ضحكتنه. عمر شال استكانة الجاي يريد يشرب، بس عماد فاجأنا بحچيه.
عماد:: عمي إذا هيچ السالفة، تره إحنا هم عدنه شرط.
محمد:: اي وشنو شرطك
عماد:: ما ننطي مره لمعاذ إلا إذا إنت تنطيني
مره.
زياد:: أول ما كمل حچيه، عمر شرگ بالجاي وكعد يكح، ونص الموجودين عضوا شفايفهم حتى لا يضحكون.
عماد:: مو صدگ؟ إنت شچم مرة أجيك وتردني. وانت من جيت أتريد مره لحسين احنه وافقنه. هسه ليش الزعل إذا غيركم سوّه نفس الشي؟
زياد:: الوجوه بدت تتلاطم. واحد يدحك على الثاني، . وفجأة جهاد، الي من بداية السالفة ساكت، ذب الموبايل على الطبله بقوة حتى الكل انتبهله.
و بعد گلبي اخويه الهيبه وگال
جهاد:: شنووو هالمسلته ؟! هاي سالفة زواج لو مزاد؟ كل واحد گام يحط شروط ويحاسب الثاني على سالفه . إذا عدكم رد گولوه بصراحة، وإذا ما عدكم لا تخلون البنات بالنص. تره الموضوع مو تحدي بيناتكم، ولا واحد يريد يغلب الثاني. :::
زياد:: من صاح جهاد سكت الكل وهو جان مزاجه
زين بس من شافهم ناس تصد بناس صعدت عنده
العصبية صد عليهم وگاللهم
جهاد:: والله عيب عليكم. هاي مو سوالف زلم كبار. كل واحد فاتح دفتر قديم ويريد يحاسِب الثاني عليه
-: فرات تنحنح وعدل گعدته، واضح عليه ضايج من الحچي كله صد على جهاد وگاله
فرات:: جهاد لا تكبرها، إحنه جاي نسولف.
جهاد:: لا، مو نسولف. صار ساعة واحنه نلف وندور. هذا يريد مناك ومرة ذاك يريد من هذا. بالنهاية أكو ناس منتظرة جواب مو منتظرة مشاكل.
احمد:: عمي اني ويا جهاد وخلي نخصم السالفه شني ناس تجر وناس تعر ابو وسام
وولدي فرات وعمر من الاخير شابنهما بيهم اقصور كل واحد يسأل بنته وانتو شوفو رائي اختكم وخلي نعقدلهم وبين ما كل واحد بيهم يرتب اموره يتزوج ولا شتكول ابو وسام
محمد؛: ههههه والله شحجي ابو جهاد بس
هاي هي حشاك همه انچلبو علينا كلها تريد
تتزوج عمي هم حتى اخلص منهم اني ما عندي
مانع...
زياد:: ضحكنا كلنه واكثر واحد فرح عماد گبل
گال
عماد:: عمي احنه هم ما عدنه مانع
عمر: انت انجب
عماد:: ليش؟
عمر:: ما عليكم بعماد عمامي ومن رخصة اخوي فرات احنه نتشرف بمعاذ وما نلكه
احسن من عدكم بس الرأي والقرار كله بيد
البنيه احنه اندانش البنت ونردلكم خبر وشغله
تربطون مصير هذا بهذا غلط وهي مو منافسه
وكل واحد يريد يغلب الثاني هذا زواج يعني مصير ينراد تفكير وقرار صائب مو مال استعجال.
محمد:: بارك الله بيك وليدي بس الله يكتب
الي بي الخير احنه العلينه نسأل البنات ويظل
كل واحد وقسمته ونسأل ان يكتب الخير للكل
زياد:: گامو الكل تسالمو وطلعو واني بس اريد
الگف جهاد ما لحكت بي اريده يتوسطلي يم
الوالد حتى اروح سفره ويا السيد للسليمانية
بس وين راح ويا خالي محمد يرجع مرته.
**
مهى:: كاعده آني وفاطمه نسولف، وفرحت كلش لمروى. كل ما أتأملها أحسها تشبه حامد بكلشي، بهدوئها، بطباعها، وحتى بنظراتها. والله يطلعون ثنائي يخبل، من تشوفهم تحس أكو راحة بينهم.
فاطمه:: والله مهى انصدمت بيها، البنية من كد ما خجلانة ما تعرف شلون تحچي. بس الحمد لله عدنه تبارك، أم اللسان، ما قصرت، سوالفها غطت على الكل .
مهى:: أحسن والله. تدري شكد فرحانة؟ أحس بيت عمي محمد راح يفرحون بيها. عائلة متحابة ومتكاتفة، كل واحد يخاف على الثاني. وبيت عمي حاتم هم خوش ناس وما عليهم حچي، بس حامد غير شكل. والبنية مادام مختارته وتريده، معناها عرفت تختار الزين.
فاطمه:: هههههه إي والله. الله يتممها عليهم بالخير. يارب أشوفج وأشوف البنات كلهن مستقرات وسعيدات، وبيوتجن عامرة بالفرح، وجهالجن يركضون وراجن بكل مكان.
مهى:: هههههه لا لا، هيج تحمسيني زيادة.
ضحكنه ، وظلينا نسولف ونخطط للخطوبة والعرس، وكل وحدة تتخيل شلون راح تصير الأجواء. اندمجنه بالحچي لدرجة ما حسينه بالوقت.
فجأة سمعنه صوت الولد وضحكهم ، رفعنه روسنه ولكينه عمر يركض ورا عماد، دفعه من كتفه وهو يحچي عليه ويضحك. ما فهمنه شصاير بالضبط، بس من شفت فرات ميت من الضحك غصباً عنا ضحكنه وياه.
فاطمه وكفت تضحك و تسأل بيهم
فاطمه:: شبيكم شصاير فهمونه شنو السالفة؟
ظلو يضحكون واني وفاطمه بقينه اندحك ما مفتهمين شي، كل واحد يحچي نص كلمة ويضحك
بس عماد رفع حاجبه وگال بثقه عود
عماد:: ماكو شي... بس أخيج ماله غير نفسه، وقرر يعتمد على نفسه ويسوي الشي الي حتى أخوتي ما كدروا يسووه.
مهى عگدت حواجبي باستغراب ودحكت عليه گتله
مهى:: شنو يعني؟ شسويت؟
-و عماد ابتسم بثقة وهو يهز كتفه وگال
عماد:: طلبت رباب من عمي.
ضربت على گصتي بملل شكد ما بزعنه عفيه يهل سالفه دحكت عليه وگتله
.
مهى:: يبوووه عماد! شگلنالك؟ دخلي اتكمل سادس بالاول. هسه شبيك مستعجل من هذا
ما ينطيك عمي؟
عمر ضحك من ردات فعلي وضحك الا دمع مسح دموعه ويكول:
عمر:: لا ياريت اكتفى بهالگد... أخوج كعد يتشرط انوب
-التفتنه اني وفاطمه بيناتهم واحنه مو مستوعبين شي.
فاطمه:: يابه والله كلشي ما افتهمنه، وحدة وحدة احجوا.
.
فرات:: هههههههه غير فاتتكم المزاد الي صار.
مهى:: مزاد؟
فاطمه:: شنو مزاد بعد؟
-عمر رجع يضحك گوه يكدر يحچي.من الضحك
عمر:: إي مزاد مال زواج.
فاطمه:: شتحجون؟ زواج لو بيع ومشترى ؟
فرات:: بعدين نفهمكم كافي عوفونه من هذا الموضوع مهى خويا عندي حجي وياج واريدج
ت
فهمين كلامي زين وهاي جدام اخوتج محد اله
حگ يدخل بيج بس هي هاي سنة الحياة.
مهى:: شنو فرات ما افتهمت
-ابتسم وسحبني كعدني بسده وايدي بيده واني
توترت اريده بس يحجي تفاجئت من گال.
فرات:: خويا معاذ اليوم اجه وطلب إيدج، وهاي مو أول مرة. صارله أكثر من سنة يدور رضاچ ويدك بابنه ، وكل مرة من چنت أحاجيج بالموضوع چنتِ ترفضين، واحنه احترمنه قرارچ وما ضغطنه عليچ.
بس هسه أريدج تفكرين بهدوء وتخلين كلشي گدام عينچ. معاذ مو بس ابن عمتنا لا هو اخونا، وهو رجال يعرف معنى المسؤولية ويعرف شلون يصون البيت والبنية الي وياه. والي صار گبل... لا تحملين نفسچ ولا تحملين غيرچ مسؤليته ، لأن كلنه ندري شلون صارت الأمور وشلون جانت أمج السبب بالي صار.
والله يا أختي، ما عدنه أغلى من راحتچ وسعادتچ. إذا شفتي نفسچ مرتاحة ومقتنعة، احنه أول الناس نفرح لج ونوگف يمچ. وإذا شفتي غير هالشي، هم نحترم رأيچ ونبقه سند إلج مثل ما چنه دائمًا.
بس أريد منچ قرار يطلع من گلبچ، مو من خوف، ولا من صغط من احد، فكري زين... لأن مرات الله يعوض الإنسان بأشخاص يداوون جروح سنين طويلة.
مهى:: سكتت واني مدنكه راسي ما اعرف شحجي
رفعت راسي من حضني فرات وگال
فرات:: تدري شنو أكثر شي مخوفني عليج مو لان خاف ترفضين معاذ... لا، هذا حقج وانتي حرة بقرارچ. الي مخوفني إنج تخلين الماضي يحكم على مستقبلچ كله
مهى :: سكتت ، ما عرفت شگول. لأن كل كلمة حچاها فرات چانت توجعني أكثر من الثانية، مو لأن بيها غلط... لأن بيها هواي صدگ اني كل ما اشوف
معاذ اتذكر زواجه وشكد تأذيت معاذ اول شخص
فتحت عيوني على حبه.
فرات:: اسمعيني زين، معاذ مو كامل وماكو إنسان كامل، بس أعرفه زين. وأعرف شكد مصرّ عليچ رغم كل الرفض الي سمعه. لو ما رايد صدك جان من زمان دار ظهره وراح، بس هو كل هالفترة منتظر بس لأن گلبه متعلق بيچ.
مهى:::: وليش ليش الا اني
فرات:: لأن ببساطة يحبچ. مو حب حچي ومشاعر يومين، حب رجال يريد يبني بيت ويعيش عمره وياج. وكل مرة نگوله انساها مو من نصيبك يكول يمكن يجي يوم وتسمعني وتحكم بنفسها عليّ مو من كلام الناس.
عمر:: فرات شنو هلحجي شنو يحبه جاي تقنع
بأختك شو مدري شلونك صاير حجيك يغث
فرات:: هههه، لأن أني مو من الناس الي تجامل وتكذب حتى ترضي غيرها مثلكم. وخلي ببالك شغلة زين... إذا إنت وأبوك عقولكم متحجرة وما تشوفون غير رأيكم، فهذا مو معناته كل الناس نفسكم.
أني أعرف شنو يعني واحد يحب وينحب، وأعرف شنو يعني رجال يگف بكل شجاعة چدام أهل البنية ويگول: "أني أحب بنتكم وأريدها بالحلال". وهاي مو عيب ولا نقص حتى تسوون منها سالفة.
ومن حق أختك تختار الرجل الي تشوف روحها وياه، الرجل الي ترتاحله وتأمنه على حياتها . مو من حق أحد يفرض عليها قرار أو يعيشها على مزاجه.
وبعدين شمسوي معاذ حتى ما عاجبك شو لا راح حچاها من ورانا، ولا لعب بمشاعرها، ولا لاحگها بالطرق والشوارع. الرجال دك الباب ، وجيه طلبها بالحلال و بكل احترام.
فما أشوف أي داعي لكل هالغضب والغيرة وكأنما مسوي جريمة. وإذا أكو أحد يعرف مهى زين فهو أني، لأن هاي أختي أعرف شنو يأذيها وشنو يسعدها، وأعرف زين مهى تستاهل واحد يقدرها ويحافظ عليها مو واحد يتحكم بحياتها.
وبالنهاية القرار قرارها هي، مو قرارك ولا قراري. لأن الحياة حياتها وهي والي راح تعيش وياه مو إحنا..
-سكتو وعمر يدحك على فرات ما عاجبه كلامه
دار عليه فرات وخصم الكلام وگال
فرات:: مهى حبيبتي ما أريد منچ جواب هسه، ولا أريد أضغط عليچ. بس أريدج من تكعدين الليلة وحدج، تفكرين بمعاذ كشخص... مو كذكرى تربطج بالماضي. وإذا شفتي بگلبچ ذرة أمل، انطي فرصة الج واله والله بكتب الكم السعادة والتوفيق ياالله
يلا فاطمه نروح للبيت هو يلا ورانه شغل من الصبح وانت عمر لو عماد يروح ويا الولد لا عوفوهم بهالبرد وحطهم واني بس انام فد ساعتين
علمود دوامي.
عمر:: روح اني راح اروح هسه وعماد خلي يظل بالبيت لان ما شاء الله الوالده ما ناويه تعوف اختها
فرات:: عوفوها امكم من راح ابوكم صارت مو بوعيها يلا يابه امشي وانتي مهى مثل ما گتلج.
مهى:: هزيت راسي وهو شال علاوي وطلو وهو وفاطمه وعمر هم راح للكعيان وعماد راح ينام
تمددت بفراشي وحايره بين گلبي وعقلي وبس
هاي هي مثل ما كال فرات من حقه انطي فرصه.
فاطمه:: راح فرات حط علاوي بفراشه واني طبيت
لغرفتنه بدلت وكعدت انتظره طب من شافتي ابتسم وجيه تمدد وسحبني لحضنه ويسولفلي
على الصار خربت ضحك عليهم ورفعت راسه من
گال
. فرات:: دريتي بجهاد رجع مرته
فاطمه:: عليك الله
-هههههههه اي والله عمي ابنكم تخبل ولج هذا عودالرزن سكن باب بيت عمي رايح جاي ومن اكوله يزعل هو ما انطاها مجال كل ساعتين وراح يريد يحاجيها.
فاطمه:: ميخالف فرات والله يحبها بس تره مو
بيده جرحنه غميج حارث ياكل ويشرب ويانه
ما نسيناه لحضه وهي تعرف جهاد وما اگولك
ما غلطان بس هي لو ما ضامه عليه من البدايه
ما وصلت لهيج المهم الحمد لله الله هداهم
ورجعو واتجذب هي هم تحبه والله.
فرات:: واني اعشگج ومغرم ومتيم وكل كلمه
تعبر عن الحب اخخ يا فرحة العمر يا فراشة گلبي
فاطمه:: ههههه اني الي اموت عليك
فرات:: مو بكدي تعاي تعاي يا راحتي يا فرحة گلبي
فاطمه:: تمدتت بحضنه شابكته تكول راح يطير مني
وهو يضحك ويشد بحضنته نمت واني الابتسامه
ما فارگتني من يوم الي صرت حلاله عوض عمري
كعدت على ملمس ناعم لكيت فرات يمشي شالي على وجهي رفعت نفسي وحضنته وهو جرني لحضنه ويحاجيني.
فرات:: كسرتي وضوئي بي فدوه ارجع اتوضه لخاطرفطايمي كومي يروحي والله ما هانت عليه اصلي واعوفج اريد بكل شي اتشاركيني حتى بالأجر
فاطمه:: يبعد روحي.
فرات:: اسم الله على روحج يبعد طوايفي يلا
كومي صلي وارجعي نامي اني اروح اساعد الولد
نسگي.
فاطمه:: ما تتريك عجل
-من ارجع نتريك واطلع للدوام
فاطمة:: هزّيت راسي بتعب، ومطّيت جسمي والنومة بعدها بعيني. ضحكت بيني وبين نفسي، عبالي بس ريام هيچ تنام ، بس طلع حتى أني نفس حالتها. من قبل لا أعرف نفسي حامل، الدوخة تجيني فجأة وتخليني ما أعرف أوقف على حيلي.
تصطرني صطر كعدت، توضيت وصليت، وفرات طلع من البيت. رجعت وتمددت يم علاوي، سحبته لحضني وغمضت عيني. ما حسّيت إلا وإيده الصغيرة تلعب برموشي حتى يكعدني.فتحت عيني وابتسمت، سحبته أكثر لحضني، أجعص بخدوده وأبوسه وهو يضحك ببراءة تخبل من شفت الساعة صارت سبعة، كمت من فراشي. شغلت التلفزيون لعلاوي حتى يلتهي واني حطيت الجاي على النار. فجأة اشتهيت طماطة حمس، حطيتها هي هم على النار، وشغلت الصوبة.بين ما أكملت شغلي، وكفت يم الشباك أنتظر فرات. الجو جان بارد ومغيّم، والهوا يحرك الورد براحة. حدیقتنه تخبل، كلها ورد وثيل أخضر يشرح النفس. ابتسمت وأنا أتأملها، ضحكت من طبّ فرات للبيت.أول ما دخل وشاف الصوبة مشتغله وصينية الأكل جاهزة، انرسمت على وجهه ضحكة فرح ما اختفت. مشى بسرعة وجرّني لحضنه وباسني، وأنا أدفع بيه وأضحك من حركاته.
وهو يضمّني أكثر، ظل يردد بصوته المليان فرح:
فرات:: أوووويلي على گلبي... أوووويلي... فدواتك ربي
ضحكت عليه، مدري شجاه الرجال، چنه طفل محصل أغلى شي يتمناه بالدنيا.
فاطمة:: هههههههه شبيك فرات مناي علاوي جاي يدحك علينا.
التفتنه لعلاوي، جان يدحد علينه ويضحك على ضحكتنه .
فرات:: ولج... جنت مستعد أدفع عمري كله حتى أدخل للبيت وأشوف هالكعدة الحلوة. والله مو مصدك روحي. فطوم حبيبتي صارت أم بيتي... وحامل بابني. يابَه... يابوي شكد فرحان.
وكالها وهو يدحد بكل زاوية بالبيت، چنه يشوفه لأول مرة. الصوبه دفت البيت ، ريحة الجاي والطماطة المالية المكان، وعلاوي يلعب ويضحك، وأنا واگفة جدامه.
حط إيده على راسه وضحك ضحكة طالعة من قلبه.
فرات:: والله إذا هذا حلم لا أحد يكعدني منه.
فاطمة:: لا لا، صدك كافي حچي وتعال نتريك، وراك دوام.
فرات:: الدوام ينتظر، بس هاي الكعدة ما تتعوض.
فاطمة:: فرات!
فرات:: حاضر حاضر.
ضحك وكعد يمنا، وهو بعده كل شويع يدحك عليه ويبتسم، عبالك مو مستوعب لحد هسه الأمنية الي ظل سنين يدعي بيها صارت حقيقة
وگدامه
فرات شال علاوي بحضنه. وعلاوي گبل مد إيده الصغيرة لشواربه ويحر بيهن، واني ضحكت عليه.
فاطمة:: تستاهل ، من گالك تربي شوارب هيچ.
فرات:: فدوة إله، حتى لو يشلعهن كلهن.
-علاوي ضحك بصوت عالي، وفرات باس راسه وبعدين دحك عليه وگال
فرات:: ها فطوم، شلونج اليوم؟ بعدج تتعبين؟
فاطمة:: شوية دوخة الصبح، بس هسه زينة.
من سمعني، تغيرت ملامحه للحظة، ودحك عليه بقلق.
فرات:: إذا تحسين بأي شي دگلي گبل، لا تتحملين الوجع وساكته تره مو زين
فاطمة:: أدري.
فرات:: لا، مو أدري وبس. انتي هسه مو وحدج، اثنين صرتوا.
-نزلت عيني بخجل وابتسمت، وهو ضل يدحك بنظرة كلها حنان وفرح.
مد إيده وحطها على بطني بخفة، خايف حتى لمسته تكون قوية.
فرات:: تتوقعين شراح يطلع؟
فاطمة:: من هسه بديت؟
فرات:: إي من هسه، خليني أحلم شوية.
فاطمة:: المهم تمام الخلقه ويجي بخير.
فرات:: بخير ويشبه أمه.
فاطمة:: لا، يشبه أبوه.
فرات:: لا والله، إذا يشبه أمه أصير أتفاخر بيه يم العالم كله.
دحكت غصب عني، وهو ظل مصر على كلامه.
فرات:: صدگيني فطوم، من يوم الشفتج بي وأني أحلم بهاللحظة. بيت، ولمة، وطفل يركض بالبيت، وانتي يمّي.
-سكت ما اعرف شگول وهو يدحك حوالينه.
فرات:: تدرين شنو أحلى شي؟
فاطمة:: شنو؟
فرات:: هدوء البيت.
فاطمه:: بعد ماومكمل التفتنه اثنينه لعلاوي، وبهاللحظة بالضبط كب استكان الجاي على السفرة
صحت
- علاوييي!
وفرات ضحك من كل گلبه الا رجع راسه لورا وگال
فرات:: إي والله، هدوء البيت!
فاطمه:: ضحكت وعلاوي ظل يصفگ ويضحك، وچنه فخور بالإنجاز العظيم اللي سواه، ضحكنه وسحبنه علاوي ولمنه فرات بحضنه ادحك بيتنه
انترس بهجه كملنه ريوكنا وفرات بدل وطلع للدوام
واني رحت لبيت اهلي اشوفهم وشصار على سالفة
مروى ومعاذ.
**
ريام:: فتحت عيوني على بوسه جهاد توه ردت احجي حط ايده على حلگي وتقرب عليه يهمس
جهاد:؛ اشش مروى اهناي
ريام:: الله ريحة معلاگ
-هههههههه اي من البارحه جبته الج وصحت
مروى تحمسه خفت ما ادبرها وما قصرت فريختي
ريام:: ضحكت على كلامه من يگول فريختي بس
تطلع بحنيه منه كمت اريد اطلع سحبني وخزرني
واني ما صدكت لزمت عليه لزمه گبل گتله.
-هاا هاا وين حلفانك وين وودعك
جهاد:: شبيج شسويتلج
-مو ودعتني ما تزعلني شطو تخزر بيه
جهاد:: ريام لا عاد تستغلين الوضع بعدين وين
طالعه بهلـ ملابس عيب ابد ما اقبل تطلعين جدام
البنيات هيج حتى لو فاطمه او عمتي هذا اللبس بس الي.
ريام:: ردت احجي عافني. وطلع واني بدلت ولفيت
شعري خرب شكد اضوج منه بالشتا ابد ما ينشف
لان ثخين واني اتعاجز افيره حطيت الشال على
راسي وطلعت لكيتهم كاعدين بسد الصوبه وهو
مخلص حتى ملابس الدوام لابسهن سلمت على
مروى وكعدنا ادحك الساعه سبعه الا ربع بعد
وكت تونه كمنا ناكل واسمع صوت زياد يصيح
زياد:؛ يا الله ياالله تغطو يا حريم ياالله ياالله
جهاد:: جانه ابو بدر
-هههههههه
ريام:: ضحكنه عليه واني لفيت شالي وصحناه
دخل وتربع بسد جهاد وعرفناه يريد شي منه
جهاد:: بدون لف ودوران شتريد
زياد:: اخوي الزين وحزام الظهر ابد ميطيح وظهره
من كسر الخوه جناح وتعلي البشر تررررن تيررن
جهاد:؛ خلصت
زياد:: حبيبي تاج راسي وراس جهالي السته
جهاد:: سته؟
زياد:: هسه عوفك من جهالي انخاك لو انخه الذيب
جهاد:: لا حول ولاقوة الابالله
زياد:: إي والله، يخسي الذيب حبيبي جهاد، بداعت ريومة. أريد أروح أزور الإمام الكاظم، تمنعني من الزيارة مو يصطرتكم والله. لا تحرموني، أريد أروح.
گالها زياد وهو رافع إيده ، و وامبين عليه يترجى أكثر من انو اعناد، كأن طفل وجاي يحاول يقنع أهله بشغلة يحبها.وجهاد ظل يدحك عليه ، وبعدين ضرب وضرب ايد بأيد و يهز راسه بيأس من سوالف زياد وگال
جهاد:: دخيلك يلگاظم، ولك لا تلزمني من ايدي التوجعني
ضحكنه اني ومروى من ردّ فعله ، حتى زياد نفسه عض على شفته وهو يحاول ما يضحك وگاله
زياد:: شبيها يعني رايح زيارة مو رايح حرب.
جهاد:: أعرفك زين، تطلع زيارة وترجعلي مسوي خمس سوالف وست مصايب.
زياد:: والله مظلوم.
جهاد:: إي إي... وكل مرة تكول مظلوم.
انريد انسيطر على ضحكاتنه وتصرفات زياد ما تخلينه وزياد ظل مصر على موقفه، يدحك على هذا وذاك حتى يلكه أحد يصف وياه، بينما جهاد واگف جدامه مچتف إيده ومقتنع مليون بالمية إن الموضوع إذا طلع من إيده راح يندم.
جهاد:: لا تحلف، من أشوفك متحمس هيچ أعرف أكو شي وراك.
زياد:: والله ماكو غير زيارة.
جهاد:: ولهذا السبب بالضبط أخاف.
ريام:: ظلينه نضحك على زياد وهو يدردم علينه
رفع راسه وگال لجهاد.
زياد:: والله ظالميني، يعني الواحد يريد يزور ويكسب ثواب هم تمنعوه؟
جهاد:: مو سالفة ثواب، سالفة إني أعرفك زين.
زياد:: شسويتلكم أني؟
-رفع جهاد حاجبه ودحك عليه بأستغراب وعبالك
زياد كال نكته
جهاد:: شسويت؟ تريد أذكرك؟
زياد:: لا، لا تذكر شي.
جهاد:: قبل شهر طلعت گلت ساعة، رجعت ثاني يوم
زياد:: ظروف.
جهاد:: والگبلها
زياد:: هم ظروف.
جهاد:: واللي وراها؟
زياد:: يابه كلها ظروف.
جهاد:: إي زين، أخاف هالزيارة هم تصير ظروف وترجع بعد أسبوع.
-زياد حط إيده على صدره وكال بتمثيل:
زياد:: أجرحني بس لا تشكك بأخلاصي.
جهاد:: أخلاصك مو مشكلتي، مشكلتي ويا خططك.
ضحكت واحدك على النقاش بينهم ، و زياد التفت عليه بسرعه وگال
زياد:: ريومة، احچي وياه.
ريام:: أني مالي شغل بيناتكم.
زياد:: شلون مالج شغل؟ انتي سبب كلشي هناي
جهاد:: لا تذب سوالفك براس العالم
زياد:: والله أريد زيارة بس.
جهاد:: وإني والله أريد راحة بال بس.
اني ومروى خربانين ضحك، وزياد كعد على الكرسي وهو يهز رجله بعصبية مصطنعة.
زياد:: زين إذا رجعت بنفس اليوم؟
جهاد:: لا.
زياد:: ثاني يوم؟
جهاد:: لا.
زياد:: بعد ثلاثة أيام؟
جهاد:: شفت؟ من هسه بديت تفاوض على مدة الغياب.
ريام:: ظلينه على هذا الموال نص ساعه تالي مروى
عافتنه وراحت تبدل واني هم عفتهم يتناقشون
ورحت حضرت نفسي وطلعت لكيت زياد رايح لبيتهم وجهاد اخذ غراضه وطلعنا هو راح ويا فرات
واحنه وصلنه وسام دخلنا للجامعه كل وحده على
قسمها ومر الوكت بين المحاضرات كملت وطلعت تلاگينه اني والبنات طلعنه لكينه وسام
واگفلنه صعدنا بس وسام الطريق كله ساكت واحنه
هم ما سألنه بس وصلنه البيت وراح دخلت وانخمش گلبي من سمعت صوت جهاد يصيح.......
