رواية تحت ظل السعف الفصل الرابع والثلاثون 34 بقلم ميار

الهـوه يلـتـم علـيـه مـنيـن ماذكـروك 

وادگ رجـلي واضـل بـعـازة الـخـنـگـة 

واغـص بريحتـك ماگـمـت اغـص بالـزاد 

المـفارك الـنسمـة العـابـرة تـغـرگـة

.. 

للشهيد على رشم

ــــــــــــــــ♕ـــــــــــــــــ

ريام::  دخلت وانخمش گلبي من سمعت صوت جهاد يصيح ركضنه اني ومروى تلكتنه تبارك لزمتها

اسألها شكو وليش جهاد يصيح.

تبارك:: حاكم راجع للقريه 

مروى:: عزاا صدك شوكت رجع؟

تبارك:: اليوم الصبح والولد مخابرين على فرات 

ورجعو من الدوام جهاد وفرات واني صار عشر

دقايق من طبيت للبيت شوفت عينجن حتى بعدني

ملابس المدرسه

ريام:: عجل شبي جهاد يصيح 

تبارك:: يمعوده من وره حاكم جهاد يريد يروح لواحد اسمه ماجد مدري منو ولج كل شي ما افتهمت. 

ريام:: سحبت نفس شوكت نرتاح جفلنه كلنه من

طلع جهاد الوجه مصبوغ احمر من العصبيه من

شافنه  وابتسم حتى لا  ما يبين ضايج وگف سألنه

جهاد:: هاا يابه جيتن منو جابكم

ريام:: وسام جابنه جهاد بيك شي وجهك احمر

-ابتسم بتصنع وگال

جهاد:: لا يابه هيج سالفه يلا تعالي غيري ملابسج

حتى ترتاحين ورانه شغل وانتن بنات كملن شلغجن

وخابرن فاطمه اذا تكدر تجي خوش. 

ريام:: هزين روسهن وهو سحبني ورجعلنه لبيتنه

طبينه راد يفوت للحمام ما خليته وهو يدحك مستغرب لزمت ايده ودحكت بعينه وهو ظل يدحك ينتظرني احجي رفع حاجبه بمعنى احجي 

-جهاد انت وعدتني لا تسوي شي فدوه لا يأذيك

لو يسجنك عوفهم ناس غداره والله الي يغدر مره

يغدر الف مره

جهاد:: شبيج سمعانه شي؟ 

-تبارك كالتلي عمك حاكم راجع للقريه اليوم عفية جهاد خلي يولي لا تروح عليه لا يظلون يتحججون

عليك ويسجنونك فدوه جهاد. 

-ابتسم وسحبني باس راسي 

جهاد::وعيونج ما اسوي شي اشتغلهم هلى البارد واول وتالي مصيرهم معروف گتلج

ووعدتج گتال ما اگتلهم بس بيدي اوصلهم

لحبل المشنقه حق دم خالي واخوي ما يروح

هدر لو تظل اخر لحظه بحياتي وكل واحد إله

ايد ياخذ جزائه ولخاطر عيونج بالقانون. 

ريام:: اي فدوه جهاد نسجنهم اهم شي لا تتأذه

جهاد:: اويلي يابه شريد من الدنيا وعندي هيج

مره تخاف عليه ريام بس شغله اريدها منج 

-شنو هي

-بطلي خوف اني وياج مستحيل يمسج شي 

واني شاد حزامي بأبو الحسنين لهناك رحت

وتعنيتله وحشى يريدني يجي يوم الي اگف على

گبر اخوي وخالي وازورهم واني ماخذ حگهم

ريام:: ان شاءالله  بجاه الرسول وأل بيته 

جهاد:: امين يارب  يلا بويا دروحي بدلي وبين ما اني اسويلج فد لگمه تسندين نفسج ولا زلمتج تره ما يدبر يطبخ

-ضحكت واحجي وياه واني اطلع ملابسي گتله

ريام:: ما تصير مثل معاذ حتى دولمه يلف

جهاد: هههههههه وانتن صدگتن ولج جديتي

لفتها وهو بس يجي موادها ويكشرلها المخضر

ريام:: مديت راسه... عود صدك وصار يومين يعير

بالبنات عود عايفاته يطبخ وتالي طلع مو هو الطابخ

جهاد:: لا والحمدلله اليوم امي زينه من رجعت لكيتها هي واكفه طبخ انوب حتى معاذ راح يتزوج

طالبه ظالين هيج عمي شتريدن بعد اذا احنه نطبخ

الجن

ريام:: اطبخ حبيبي اطبخ اني جاي تطبخ لابنك 

جهاد:: هههههههه يابه يدلل ابني وامه 

ريام:: ضحكت وعفته يطبخ واني طبيت اسبح 

**

فاطمه:: رحت الصبح شفت أمي ورجعت للبيت، بس أني وعلاوي. ضلينا نفتر للـ12، كملت شغلي وكعدت أنتظر مهى تجي من الكلّية هي وعماد وعمر. خطية وحدة، يفتر بين البيت والگيعان.

كعدت ألعب ويا علاوي، وفزّينا اثنينه من انفتح الباب ودخل فرات. تفاجأت بيه، لأن دوامه بالـ2 يلا يخلص. بسرعة كمت من مكاني، ومن شفته عرفت أكو شي . ملامحه متغيرة ووجهه مو وجه واحد راجع من الشغل.

لزمته أسأله.

فاطمه:: شكو فرات؟ شصاير؟ ليش راجع من وكت؟

فرات:: ماكو شي، لا تخافين.

فاطمه:: شلون ماكو شي فدوه فرات لا تضم عليه.

كعد على القنفه ودحك على علاوي ابتسامة خفيفة، بس جانت واضحة مجاملة. لا فرح بيها ولا راحة. رفع عيونه عليّ، وبعيونه حيرة وتعب ما عرف شلون يضمهن

كعدت يمه أكثر، أحاول أفتهم شبيه. ذب حسرة طويلة، وبعدين گال بقهر 

.

فرات:: حاكم رجع.

فاطمه:: هاا؟

فرات:: ههه... إي والله، رجع اليوم.

فاطمه:: وأبوك رجع وياه؟

هز راسه بالنفي، وظل عينه بالگاع  قبل لا يحچي.

فرات:: أبوي ما رجع... ضايع أني يا فاطمة. واكع بين نارين. خايف يطلع شك جهاد بأبوي صح... وهو الي گتل حارث.

فاطمه:: شهكت بوجع وهو انتبه عليه بسرعة من سمع شهكتي، ورفع عيونه عليّ. للحظة حسّيت الخوف الي بداخله أكبر من كل كلمة گالها. جان يحچي وكأنه ينتظر أحد يجذّب مخاوفه، أو يطمنه إن كل  هل كلام مجرد شك، بس لا هو مصدگ نفسه ولا أني عرفت شلون أرد عليه. 

-اعدل گعدته بسرعة ومد إيده لزم  إيدي، وكأن خاف من ردة فعلي أكثر من خوفه من الحچي الي گاله.

فرات:: لا تخافين، يمكن أني مكبر السالفة براسي.

فاطمه:: شلون ما اخاف فرات من يوم حادث حارث

واحنه ما شايفين الراحه عليمن اخاف عليك لو على

اخوي الي ينتظر حاكم لحظه لحظه وانوب جديتي

كالت راجع ماجد خايفه يگوله والله جهاد ما يصبر

بين ما ينسجن خايفه يكتله ويبتلي بدمه. 

فرات: ماجد اذا حجه كل شي يتغير وعبالج

جهاد انتظر احد راح وشاف ماجد. 

فاطمه:: اي وشگال 

فرات': ربج طلع اصلا فاقد ما كدر يشوفه ولا

تتوقعين يسكت هو غسان من يوم الي درى

بأبو كاتل عمي خالد لهليوم ما يجي ويحط عينه

بعين عمي محمد عجل احنه شنو موقفنه اذا

صدك ابوي متفق ويا حاكم وهمه الي كتلو حارث؟ 

فاطمه:: فرات لا تظل هيج تفكر انتو ولا غسان

شنو ذنبكم قابل انتو الي كتلتوهم احنه وحتى. جهاد يعرفكم زين وان شاء الله يطلع مجرد سوء فهم وشك 

-ان شاءالله 

فاطمه:؛ دكوم يا عيني اسبح وريح بين ما يجون

حتى نتغده شلون فاصوليا على لحم من هاي الي

يحبها گلبك يبعد گلبي. 

فرات:: ههههه اووف يا راحتي انتي 

-كوم كوم لا تغزل جدام الولد يروح يتعلم

فرات:: هههه تأمرين امر 

فاطمه:: ضحكت وهو گام يسبح شويه وجت مهى

سلمت وكعدت تلاعب علاوي وفرات طلع شافهم

يلعبون وكف يتشاقه ويا علاوي لان ما يقبل احد

يحجي على مهى مديت راسي واني احس بدوخه

كتله

-فرات روح شوف اخوتك جعنه تره

فرات:: خوش عيني

مهى:: هههههههه هلوو تصخر بيك 

-ضحك وعود يسوي نفسه فقير يگوللها

فرات:: غير انتي ما تدرين حتى كتل تكتلني

مهى:: هههههههه تحمل تحمل كتلت نفسك عليها

وهسه بس ادافعلك تصير وياها ما عليه بيكم

-هههههههه تعرفني الخبله

فاطمه:: هههه ديلا يا يروح روحي  تره جعت

فرات:: اوووويلييي يااابه اروح واتدني الممنون

فاطمه:: ضحكت وهو طلع ومهى ظلت تضحك

عفتها ورحت للمطبخ وكفت اريد اصب ما احس

غير دوخه وعيوني تسورب واحس دگات گلبي 

سريعه اريد اسيطر الزم الطباخ ما لحكت وما حسيت غير على ضربت راسي بالگاع. 

مهى:: فزّينه، أني وعلاوي على صوت طَبّة قوية بالمطبخ. ركض علاوي گبلي، بس بين ما وخّرت الألعاب من حضني وكمت، سمعته يصيح وطلع يركض من البيت.خوفني ، ركضت للمطبخ وراحت روحي من شفت فاطمه واگعة بالكاع يم الكونتر. كعدت  يمها بسرعة، سحبت راسها لحضني  أضرب على خدودها بخفة وأحاجيها  وجهها جان أصفر وشاحب بشكل يخوف.

رفعت راسي على صوت طَبّت  بفرات دخل يركض، نفسه مقطوع وملامحه كلها خوف ولهفة. أول ما شاف فاطمه واگعة،  ركض سحبها لحضنه بسرعة ويحاجيها وصوته يرجف وضامها بحضنه بقوه

فرات:: فاطمه... فاطمه اسمعيني، ردي عليّه.

مهى:: جان فرات حاضن فاطمه ويهزها على كيفه، صوته يرجف وخايف عليها بشكل . حتى إيديه جانت ترجف وهو يحاجيها 

التفتت على علاوي،  الولد جان يبجي، وجهه أصفر وجسمه كله يرجف. سحبته لحضني بسرعة أحاول أهديه.

بهاللحظة كام فرات شايل فاطمه وطلع يركض بيها برا البيت.

وخرت علاوي عني شويه وركضت، سحبت عبايتي وعباية فاطمه، وطلعت  لفرات وصلتله انطيتله العباية لفها عليها.

چنت أريد أصعد للسيارة، بس التفتت مصدومة من سمعت صوت علاوي.

جان واكف يم الباب، جسمه كله يرجف وصوته گوه يطلع، بس فهمت شنو ديگول.

علاوي:: ما... ما... مام... ا...

مهى:: سديت باب السيارة وركضت عليه بسرعة. فرات ما انتظر ثانية وحدة، شخط السيارة ومشى.

بقيت واقفة مثل الثولة، عيني على السيارة وهي تبتعد، وعيني الثانية على علاوي الگاعد بالكاع، صوته مخنوق من البچي.سحبته لحضني، ولگيت عماد واكف فوك راسي، مصدوم مثلي تماماً.

وخرت علاوي شوي، لازمة وجهه بين إيدي وأحاول أحاجيه.

مهى:: احچي علاوي... ها يروحي... ها عمه... شبيك؟

ما جان يگدر يحچي، بس يهز براسه ويأشر على الشارع الي راحت بيه السيارة.وبعد جهد منه طلعت منه كلمة وحدة.

علاوي:: ماما...

مهى:: كعد عماد گباله مباشرة، ودموعه بدت تنزل غصباً عنه. علاوي غالي عليه بشكل مو طبيعي، والولد قبل  ما جان بيه شي. فجأة صار هيچ،  مدري صدمه خوف  وفقد النطق  ادحك  عليه يرجف ويبچي وكأنه داخل بصدمة من المنظر الي شافه.

من سمعه ، كام عماد ركض للسيارة، شغلها ودكلنه هورن.شلت علاوي، والولد من كد الرجفة جان يهزني وياه. صعدت للسيارة وضميته لصدره بقوة.

طول الطريق علاوي جان يشهك ويرجف، وكل ما أشوفه هيچ يزيد خوفي عليه أكثر.

چنت أمسح على خدوده وأحاول أهديه، بس لا هو هدى ولا أني ارتاحيت 

أول ما وصلنه، نزل عماد بسرعة، أخذه مني وشاله بين إيديه وركض.

نزلت وراه، سديت باب السيارة حتى ما يظل مفتوح، وركضت بأقصى ما عندي.

طبينه للطوارئ، وگلبي يدگ بقوة، ما أدري أخاف على فاطمه لو على علاوي. لگينه فرات وعمر واگفين بالممر ومن شافو علاوي بيد عمادجو يركضون  فرات روحه رايحه حتى وجهه اصفر 

فرات:: شبيه علاوي 

مهى:: مدري... من شاف فاطمه واگعة صار هيچ.

التفت فرات للولد، شفناه شلون  محتار بين اثنين غالين عليه بنفس اللحظة اخذه من عماد

وجيه دكتور يعرف فرات دحك على فرات وعلى 

علاوي الي بيده يشهك ويرجف بشكل يخوف 

اخذه من فرات ومدده على السرير وفحصه

ودار على فرات وگاله

الدكتور::  الطفل داخل بحالة خوف قوية، واضح متأثر من موقف صار قدامه لا تخاف

وضعه زين شويه ويستعدل وضعه بطل ابن فرات. 

-هز راسه فرات وعماد وكف يمه ويريد يحجي والغصه برزدومه مسح وجهه وگال بضحكة فرح

عماد:: فرات علاوي علاوي حجه

فتح فرات عيونه بصدمة، والتفت بسرعة على 

عماد، وچنه ما مستوعب اللي سمعه.

فرات:: شگلت؟

هز راسه  ودموعه تلمع بعينه رجع گاله 

عماد:: علاوي حجه... والله حجه.

- فرات دحك لعلاوي، وظل ثواني عينه عليه بدون كلام. فجأة ارتسمت على وجهه ضحكة ، ضحكة واحد بين مصدگ ومچذّب. لزم عماد من چتفه بقوة، وعيونه امتلَت دموع وهو يحاول يثبت نفسه گال

فرات:: يعني انت سمعته ها... سمعت علاوي يحچي؟

هز عماد راسه وهو يبتسم ودموعه تنزل على خده وفرات حالته تمرد الگلب دحك علينه وگال. 

فرات:: لا تأملوني جذب... دخيلكم لا تخلوني أفرح وبعدين يطلع مو صدگ. اني... اني ابني رجع يحچي؟

ارتجف صوته بآخر كلمة، والگلمه طالعة من قلب تعِب سنين من الخوف والانتظار. وظل يدحك لعلاوي، منتظر منه كلمة ثانية، كلمة وحده بس، حتى يصدگ أن المعجزة اللي تمناها كل يوم صارت گدامه. 

عماد:: إي والله فرات، سمعته بأذني، وحگ الله حجه.

مهى:: ظل فرات يدحك على علاوي ومشى بتجاهه

وعلاوي جانت عيونه حمر من البچي والخوف، وجسمه بعده يرجف  .سحبه  فرات لحضنه بقوه وخره  يحبب براسه وخدوده  ويحاجي

فرات:: علاوي بابا 

علاوي عيونه على ابوي يدحك ساكت وفرات حتى نفسه ثگيل لم وجهه بين ايده وصوته يرجف گاله

فرات:: بابا... اسمعني صوتك  حبيبي احجي 

رجفت شفة علاوي، وبصوت ضعيف ومتقطع طلع منه:

علاوي:: بابا...

مهى::  فرات بس سمع صوته ما تحمل شبكه بكل حيله ويشهك ما مصدك رغم صوت علي ضعيف

وكوه الكلمه تنفهم بس هذا الشي فرات صار سنتين لو ثلاث يتمناها ما خله دكتور يعتب عليه

وخرت على صفحه من جيه الدكتور وكف يم فرات

اني سحبني عمر وطلعنه اشرلي ادخل يم فاطمه 

وحجي علينه لان صدك نسينه فاطمه والتهينه

بعلاوي طبيت لكيته متمدده على السديه يمها ممرضه من شفتها ما سيطرت على دموعي بين

خوف عليها وبين هي جانت سبب برجعت صوت

علاوي لزمت ايدها وهي تحاجيني بتعب 

فاطمه:: اشش مهى ما بيه شي 

مهى:: خوفتينه عليج

الممرضه:: لا تخافون بس عدها فقر دم حاد والضغط مصفر ولازم تهتم بنفسها خاصه 

انها بداية حملها وحسبت ما افتهمت هذا اول حمل 

مهى:: ان شاءالله  دكتوره

طلعت الدكتوره مدري ممرضه ودخل فرات وفاطمه بس شافته عيونه حمر فزت عبالها بي

شي 

فاطمه:: يمه فرات بيك شي 

-تقرب يمها مبتسم نزل راسه باسه واني بس 

ادحك عليهم واضحك رفع راسه من شافني 

ادحك عليهم والضحكه شاكه حلكي ضربني بخفه

ودار على فاطمة شاف المغذي خلص وكف يوخره

ويحاجيها. 

فرات:: شوفي فطومتي  رب ضارةٍ نافعه 

فاطمه: ما افتهمت 

فرات:: هههههههه هسه بس نطلع راح تشوفين

مفاجئه تفرحج وفرحتني گبلج كتلج فطوم انتي 

رزقي نعمتي الي الله يرزقني بيج انت الخير كله

مهى:: خجلت وسكتت  وهي واضح عليها التعب

كامت وهو ما خلاني اني اكودها هو لزمها ساندها

وطلعنه لكينه عمر وعماد بسيارة عمر وعلاوي وياهم واني وفاطمه صعدنه بسيارة فرات واني كل

ما اريد احجي يخزرني فرات بس اريد اكوللها علي

حجه سندت راسها على جتفي وايدها على بطنها

ادري بفاطمه شكد عانت وتحملت لخاطر تصير ام

بس الله جان ضام الها جوهره وهي ان سبحان الله 

تطلگت حتى ترجع تتزوج حب حياته ويكون ابنها منه وصلنا القريه ويا ما وصلنا الساحه الي بين

بيوتنه لكينه جهاد واكف هو وسام ولان عمر  سيارتهم جدامنه وكف ويا ما نزل ركض جهاد عليهم

سحب علاوي وشبكه بقوه وخره يدحك عليه ويغلط على اخوتي نزلنه وفرات راح يمه يريد يحاجي بس غير لو ينطي مجال گبل دفع ايده وبدا

يغرد 

جهاد:: نعللله على صفحة الخلفكم حواووين ادك

عليكم هي اجلاب وين وليتو شايلن صخاااام ليش

عمر:: على كيفك يابه جنه مخبوصين ومن رجعنه

كلت عليش اخابرك واشغل بالك شبيك انت شبيك

جهاد:: ولكك راحت روحي من شفت هل جلب

عماد شايلين علاوي وطلعو بالسياره الحيوان

ادك عليه ما يرد رحت لمستشفى...... ما لكيتكم.. 

-سكتو ما لحكو يردون عليه لان كعد على ركبته

وحتى ما انتبه على فاطمه ما يدري بيها عباله

بس علاوي بي شي سحب علاوي وكعد على رجله يحاجي واني ادحك شلون الاب خايف 

على ابنه. 

جهاد:: حبيبي شبيك منو عليك هاا بس اشرلي

عليه انعلك خيره من يرحونلك فدوه من عمري

على عمرك وليدي سوده بوجهك عماد وجهه اصفر

مهى:: ضحك فرات وعماد يهز ايده ما عاجبه كعد

فرات يمهم وحط ايده على جفته وگال لعلاوي

فرات::   حبيبي بابا گول لعمو انجب

-صد جهاد عليه رافعله حاجبه وفز فزه ودار وجهه

بصدمه ععلى علاوي من گاله بصوت ضعيف 

علي:: بابا... 

مهى:: فتح عيونه ما مصدك ويحير شيسوي

يسمح وجه علاوي ويدحك على فرات ويكوله

جهاد:: سمعت ولك فرات سمعت اللهم صل على النبي اللهم صل على النبي علاوي حجه

فرات:: ههههه اي حجه ابني السبع. راح

يرجع يحجي حاله حال الجهال الي بعمره

مهى:: شبكه بكل حيله ومن فرحه حار شيسوي ونزل وسام يبوس بي وشاله جهاد 

ومشى لبيتهم شكد صيح علي فرات ولا تصنت

طبينه للبيت نضحك عليه وفرات يحجي على جهاد تمددت فاطمه ترتاح واني رحت احمي

الغده الهم بين ما التمو وكعدت فاطمه صبينه

جاي نتغده واذن العصر كملنا واني وكفت اغسل المواعين وابالي كله يم امي مدري شلون وضعه واذا درت بيه قبلت بمعاذ... 

**

تبارك:: واكفين اني ومروى نغسل بالطرمه وطب

جهاد بيده علاوي ويصيح على ابوي جديتي وامي

جهاد::ياابه يابه جده وينكم يمااا 

مروى:: شبيك جهاد 

تبارك:: بعده ما حاجي طلع ابوي من البيت صاح

بي

احمد:: شبيك ولكك اسم الله شبي علاوي 

ليش شايله تعال جدو شبيك 

جهاد:: هههههههه  اسمع اسمع يلا عمو گول

جدو يلا سولف خلي يسمعك جدو شلون تحجي

-صافنين كلنه اخوي شجاي يحجي شهكنه

كلنه بفرح من علاوي گال

علاوي:: ممماما

تبارك:: من سمعناه طرنه طير بي صدك صوته ضعيف و تأتأ يلا يحجي بس اكبر فرحه طبيت

لبيوتنه ابوي سحبه يضحك وجديتي وامي يصلن

على النبي عليه الصلاة والسلام اخذناه للبيت

والولد وحتى ريام جت ملتمين عليه وهو عايف

الكل ولابد بحضن جهاد وانريده يجي يا ه اليحاجي

يغمه وزياد كعد يمي يريد يجره من جهاد ما يقبل

زياد:: ابن الحلوو كاطعين مصرك يم جهاد

تعال ولك شنو عمامك احنه ولك مو اشتريتلك

قبل يومين. 

علاوي:: ماا ماا

جهاد:: عوفه ولكك هسه لو ابوه يجي ما انطي

مو علول تروح ويا بابا لو تبقى وياي هاا عمو

تبارك:: يدحك عليه ويضحك ويأشر هلى جهاد

كام جهاد شاله وابوي يحجي عليه گاله

احمد:؛ وين تروح ولك جيب الولد

جهاد:: نروح اني وعلاوي بشغله ونجي اروح

اشتريله فد هديه تخبل لوليدي الحلو 

احمد:: ديلا عجل يستاهل 

تبارك:: كام ابوي  انطه لعلاوي خمسة وحتى لايفرق انطه لحروث وفطوم دحكت عليه لبسني

وطلعو واحنه كعدنه نسولف وجديتي تسأل بريام

على حملها وريام تجاوبها

ريام:: جده والله ولا اتعب نفسي بس شسوي 

احس الثگل وشوفي بطني نازله خايفه والله 

جده:: لا تخافين يمه بلجي وتتحملين حتى لو

تجيبين بداية شهرج بس لو مخلصه هل دراسه

ريام:: الله كريم جده والله اني هم حتى من خوفي

ما ظال عندي خلك بس جهاد كال عليش تعيدين

سنه هو شهرين بقالي انتي بس ادعيلي. 

جده:: الله كريم يا يمه ان شاءلله تفرحون بسلامتكم وتشوفينه يكبر جدامج 

-امين جده فدوه لعيونج الحلوه

تبارك:: هنه يحجن واني عيني على امي ادحك

على ريام مدري من اطول عمتي امل اتصير زينه

صدك ما عليها بريام بس ما تحجي شي يغثها

جاي نسولف وجديتي تسولف لامي حتى نهجز

لباجر خطبة مروى ما راح نسوي حفله بس يگطعون

المهر والحفلات يخلونهن هي حنه و هي حفلة مهر طبت مروى ركض وكفت وجهه مخطوف وريام

سألتها.. 

ريام:: شكوو شبيج مروى

مروى:؛ فاطمه طلعت فاطمه متخربطه وماخذينها

للمستشفى وهو علاوي خايف من شايفها هيج

ابتسام:: صدك يمه ولج شبيه اختج

مروى:: مدري يمه ضغطها هابط هسه مهى كالت

جده:: كومي ابتسام خلي نروح نشوفه البسي عبايتج كتلها من ذاك اليوم وجهه اصفر ما تسمع مني

ريام:: نروح وياجن

ابتسام:: لااا انتي لا لا تجين

تبارك:: خطيه وجهه انگلب وسكتت ريام بلعت

فشلتها وسكتت وراحت امي تاخذ عبايتها وجت

طلعن وريام راحت لبيتها شكد انقهرت عليها  كعدنه اني ومروى متشفلين من تصرف امي  

مروى:: والله امي عدها سوالف خطيه شگالت

الابنيه 

تبارك:: تعودت يمعوده هو امي شوكت تعاملت 

وياها زين صار سنتين اهناي يوم حبتها گالتلها

كلمه حلوه يلا دكومي نروح يمها وبالليل نتفق

انروح يم فاطمه 

مروى:: اي والله يلا كومي وهم اخليها اتخابر بنات 

خالي محمد حتى نتلاگه كلنه يم فاطمه ومهى نتونس

تبارك::  رفعتلها حواجبي تتونسين اي عيني ريحة حامد بيهم 

مروى:: انجبي وكومي 

تبارك:: ضحكت عليها فد وحده خجوله شيخلفون

هذوله اثنينهم ستحون من فيهم مشينه لبيت

جهاد لكينه ريام واكفه وبأيدها موز وتگلب بالموبايل  وكفنه يمها ومروى تحجي عليها لان 

واكفه

ريام:؛ شسوي ضوجه وبطني توجعني 

مروى:: وتگفين غير تمددين حتى ترتاحين

تبارك:؛ عجل انريد نروح بالليل لبيت فاطمه نشوفها

ريام:: عود بعدين اروح اني روحن انتن هسه

مروى:: لا ريام ما عليج بكلام امي انتي مو عرفتي

وضعها لا تهتمين تره امي كل ساع براي والله

-كعدت بسدها وكتلها

تبارك:انتي ليش تهتمين احنه خواتج وما عليج بأمي

هي امي ينعتب عليها شو احنه مرات تغسلنه غسل

ريام:: ههههه لا ما زعلت بس شوفن اني ما اريد اتواجه وياها احتراماً الها ولجهاد والكم كلكم اني

ما ظال الي حوصله اتحمل وهي مرات لا تزعلن

من كلامي بس مرات تأذيني بحجيها فابتعد عنها

احسن. 

مروى:: لا حياتي ليش نزعل منج وصدك احسن

مال تردين امي صعبه وانو تتحملين هم صعبه

خلص اذا رجعت امي احنه نروح تمام وحتى اذا

باجر هم نروح وياج اذا رحتي المهم انتي لا تزعلين

مو زين على ابن اخونا 

تبارك:: صدك ريام 

-هاا

تبارك:: تربعت وكتله واني مقتنعه بكلامي

-هسه اذا صار جود تنطينياه يمي يعني شلون

هسه اذا اشتاكيت انومه يمي والعب وياه 

ريام:: صفنت بيها وضحكت وامبين كلامها مقتنعه

بي..  اي عيني ليش لا من اضوج من وين اودي غير

اذبه على عماته بس من هسه مو يفل وتكتلينه

تبارك:: سهله وكتها نتفاوض اني وابن اخوي

ريام:: ضحكنه وظلينه للمغرب، تالي راحن. صليت وكفت أگلي كبة، وحطيت الطماطة تحمس. وكفت يم طاوه الطماطة أدحك على الصوبة، ودموعي من كيفهن ينزلن واني أتذكر أيام أبوي.

ما أدري شلون اجتني الذكرى، بس فجأة حسيت البيت كل شي يرجعني  إله. ريحة الطبخ، صوت الطاوة وهي تكزكز ، وحتى هدوة المكان بعد ما راحوا الكل... كلها ذكرتني بيه. تذكرت سوالفه وضحكته وهو واگف  للمطبخ يسولفلي على الاكل ، وتذكرت شلون جان حضوره يملّه البيت حياة.

بقيت واگفة بمكاني، لا حركت الطاوة ولا انتبهت للنار، بس عيوني معلگة بذكرى بعيدة ودموعي تنزل وحدها. مو حزن وبس... شوگ سنين متجمع بصدري، وكل ما أحاول ألهي نفسي يرجع اسمه يمر ببالي ويكسرني أكثر.

نزلت عيني على النار وسحبت نفس طويل. الدنيا تركض والسنين تركض وياها، بس بعض الأشخاص لو يغيبون تبقى أماكنهم فارغة مهما مر وكت. حسيت بغصة بگلبي، مو لأن الذكرى جت، لأن تفاصيله بعدها عايشة بكل شي حولي

كملت شغلي بهدوء، وكل شويه  أمسح دموعي الي تنزل غصب عني  رفعت راسي أدحك السقگ وگلت وهمست:

- الله يرحمك يا يابه... مشتاگتلك وداعت عيونك الاحبهن. 

ريام:؛ طول جهاد كعدت يم الصوبه سداه الباب 

لزمت موبايلي كبل يومين سمعت قصيده يم

ابنيه بالجامعه اسمها  لا وين محملين بحثت

وشغلتها وعليت الصوت وكعدت اسمعها وانمرد

گلبي كن تحجي الي بگلبي. 

**

مروى:: صبينه العشه وطلعت انتظر ابوي دورت

عليه لكيته واكف باب بيت جهاد ويا ما طبيت طب

جهاد اشرلنه نسكت وكفنا يمه ونسمع ريام مشغله

قصيده حسينيه وتردد وياها ونمردت گلوبنه واحنه

نسمع شهكاتها  علت ويا ما گال

رديت لدارك مكسورة خاطر

گوه امشي .. گوه امشي .. وبحالي شصاير

بويه لجيتكم احسب چم بـاچر

وصفناته .. صفناته .. تكبر ليناطر

يابويه اعليكم انشد ياصفنه

وياحيره .. ياحيره .. وياحسره اوونه

المثلك رايحله شيخلص حزنه

ومايلگه .. مايلگه .. اعيون ايشـوفنه

ريام:: اخخخ يابه اخخ راحت روحي عليك يا يابه

اي والله يابه  ظليت وراك مسكورة خاطر  يمه ماتت روحي يا يابه كون ماتتت رووحيي ليش عفتي ليشش

مروى:: جهاد ما تحمل دفعنه وطب وسحب الموبايل وسده وسحبها لحضنه واني دموعي

ويا دموعه واكفين اني وابوي الي وجهه نصبغ

احمر ادحك عليها بحضن جهاد ايديه فاتحتهن

يرجفن وجهاد يحاجيها. 

جهاد:؛ شكلت اني هاا ريام مو گتلج لا تسمعينها

ليش تأذيج روحج مو هيج حتى ابوج تأذينه 

ريام:: ما اكدر ما اكدر اريده اني بعدني اريده ما شابعه من ابوي حرموني منه جهاد حرموني منه

حتى من اكل اتذكره اتنغص بالاكل لو موجود 

واطبخله الي يحبه ما لحت ما لحكت يتموني

يتموني صغيره والله اصغيررره 

جهاد:: وعيونج اخذه حگه بس انتي لا تبجين 

-وخرت من حضنه دحك بعيونه وگالتله

ريام:: حتى لو ماتو ما يرد ابوي جهاد ما يرد

اني مثلك جنت اريد اكتل حمدان بس وين

هسة حمدان مات رررجع ابوي ررجع لا ما رجع

جهاد:: كافي عيوني انتي كافي هاي هي 

عوفي كل شي ريام مو زين عليج وضعج 

تعبان كافي يروحي. 

مروى:: ابوي ما تحمل عافهم وطلع واني لحكته

وكفت على صفحه حتى تروح العبره نص ساعه

يلا ارتاحيت طبيت لبيتنا ابوي ماكو سألت تبارك 

تبارك:: راح لغرفته كال مو جوعان وراسه يوجعه

مروى:: هزيت راسي وكعدت يمهم ما الي نفس

كملو كمنا غسلنه المواعين وطبت عمتي امنه

تلكيته حتى نسيت سالفتنه بس هي تلكتني  بكلامها خجلتني 

امنه:: هلا بجنتي هلا 

-هلا عمه تفضلي

تبارك:: خجلتيها عمه منو يكول ننطيكم

امنه:: عوذه من السانج لا باجر نضمن ان شاءالله 

وين امج وجديتج 

مروى::  جوه عمه كاعدات بالهول 

هزت راسها وراحت يمهن واحنه كملنا شغل

ولبسنه عبينه وطلعنه ويا معاذ لبيت فاطمه 

وهو الطريق كله الضحكه شاكه وجهه اي طبعاً 

ست مهى رضت واخيرا وكفنا دكينه الباب طلعلنا

فرات

فرات:: يا هلا كل الهلا تفضلو تفضلو

معاذ:: عليك الله جان خليت علاوي يفتح الباب

فرات:: هههههههه ولك تعب الدكتور كال على كيفنا واحنه ما مصدكين كل شويه واحد لازمه

تالي بزع منه غمنا كلنه ولبد بحضن امه ما يحاجينه

معاذ:: هههههههه عمي يمون اهم شي يحجي

يلا اودعناكم 

فرات:: ما تفضلت 

معاذ:: لا تسلم نسيبي اجيكم بعدين اشبعكم جات

مروى:: ضحك معاذ من راح يطلعله وركض لبيتنه

وطبينه احنه  تلكتنه مهى تسالمنه وطبينه  لكينه

خاله نسرين جايه سلمنه عليها وعلى فاطمه وكعدنه شويه وكامت نسرين مدري شبيها ومهى استحت گبل گالت

مهى:: اعذرنها تعبانه والله 

مروى:: لا يمعوده قابل ما نعرفها المهم شلونج

فاطمه ولج خوفتينا عليج 

فاطمه:: غير ابن اختكم متعبني بعده توه ومصفر 

دمي ومهبط الضغط 

تبارك:: وهسه شلونج 

-لا زينه الحمدلله  صدك ليش ما جت وياجن ريام 

تبارك:: والله كتلها خلي نگول لريام شو مروى

ماقبلت كالت تعبانه وجهاد يمها مدري شيسوون

مروى:: فتحت عيوني عليها وهي ما منتبه شحجت

فاطمه تغير وجهه وضمت ضحكتها ومهى غطت

وجهه بشيلتها وبس اجتافها تهز من الضحك وهي

الثوله ضلت مفهيه ضربته فاطمه على جتفها 

فاطمه:: انلصمي انلصمي انتي ابد لا تسولفين

تبارك:: شبيجن وجع شحجيت 

فاطمه:: دنجبي طاح حظج اي والله فرات كاعد

بالغرفه فضحتيهم 

مهى:: هههههههه اخخ يمه اني اكوم اجيبلجن

جاي ادفن بي نفسجن لو اجيب شي بارد لان

اختنا جيم دماغها. 

تبارك:: هيييي  جنتنا لا تخليني احجي عليج وجع

شحجيت واخذتني حاصل فاصل غير مره ورجال

فاطمه:: اشششش اسكتي غيرن الموضوع 

مروى:: فاطمه عود تسكته بس هي كل شويه

تضحك من جوه ليجوه ظلينا للعشره يلا رجعنه 

للبيت وتلكانه جهاد  بس گاللنه باجر لا نداوم

وراح واحنه نطبينه للبيت نريد نفتهم من امي.. 

رباب:: وره ما حاجتني امي وانطيت موافقه تفاجئت من ثاني يوم تحدد گطعان المهر ومدري

ليش ابوي وخالي احمد مستعجلين والضحك ان

ثلث عرسان واكفه وريام يمي تعدل بشالي ما سوينه لا حفله ولا عزمنه احد بس احنه ثلث بيوت

وسويانها بيتنه كملنا وكعدنه بالهول وجده فرحه

تصلي على النبي تخاف علينه من العين ادحك

على البنات يفترن بس فاطمه كاعده امبين عليها 

التعب ومسره تمشي مثل التابعه وره ريام بس مكيفه بيها يمه رجف گلبي من صاحونه حتى نعقد

بدا ويا معاذ ومهى واني احس بطني تمغصني 

كمل وتباركو الهم ووصوت تضحكهم من رجع

يعقد لحامد واني من كثرة الانتظار والتوتر حسيت

نفسي راح افقد الوعي بس ريام حست بيه لزمتني

تفرك بيدي فز گلبي من سألني 

الشيخ:: رباب محمد سلمان، هل تقبلين عماد جاسم سلمان زوجاً لكِ على سنة الله ورسوله

رباب:: دحكت على ريام وهي تأشرلي همست

-نعم.. اقبل

الشيخ:: علي صوتج بويا 

رباب:؛ سحبت نفس ارجف رجعت گتله

نعم اقبل

-من كثرة التوتر كوه سمعتهم وكامنه يهلهلن

البنات وجديتي رزلتهن وكفت والبنات وجديتي

كلها تحبني وتباركلي واني احس راح اخرب

رجعنه كعدنه بالاستقبال كعده عاديه بس جابن 

شربت وكيك وظلينه للمغرب وكلها راحت لبيوتهم

وريام ومسره ظلن وكفن يساعدن ريتاج بالعشه

ولا  ظل البيت نظيف لان ماكو احد جيه كعدنه

نتعشه بس مستحيه من ابوي والولد بس زين همه

التهو يخططون لغرفة حامد وابوي يسولف گاللهم

محمد:: احنه اتفقنا اني وخالكم حامد بين

ما يكمل غرفته يلا ياخذ وعماد الا تخلص رباب

السادس يعني لاخير السنه بس معاذ لا على

عطلة نص السنه ياخذ

وسام:؛ تره خوش قرار معاذ اموره كامله

عليش بعد وانتو كملو شغلكم وتزوجو اهم

شي عقدتو بعد لا تهتمون لا اي شي 

حامد:: اي الحمدلله 

رباب:: ضحكنا كلنه على تنهيدته  توه كام ابوي

وجفلنه كلنه على دك الباب بقوه كام ابوي

واحنه وراه وكفنا بالباب المطبخ بس الولد

راح وياه شهكنه مصدومين من فتح الباب

وصار بوجهه..........