رواية تحت ظل السعف الفصل التاسع والثلاثون 39 بقلم ميار

لا يا صديقي غلط تقسى على دلالي

زادك وملحك صِبح مرّ وتغيّر حالي

آني أگدر أنتقم وأخذ بيديا ثاري

لكن حساب الزمن هوَ الي يطفي ناري 

تندم على ما مِضى وتبچي على أيامي

وتعرف صديقك وفيّ ما يِظلم اليوافي. 

ــــــــــــــــــــــــــــــــــــــ♕ــــــــــــــــــــــــ

ريتاج: نايمين، وفزّينا على صوت أمي تكعدنه.

رباب رفعت راسها وگالتلها

رباب: ها يمّه... شكو؟

آمنة: گومن يمّه... صحصحن.

ريتاج: إي يمّه، ما صار جثير من نمّنا. شبيچ ليش وجهچ مصفر شصاير سكتت أمي  وبعدين گالت وصوتها مخنوك:

آمنة: عمتچن... نسرين... توفّت.

رباب: شلون؟

ريتاج:: رباب حطت ايدها على حلكها  مصدومه  واني حسيت الخبر مرد گلبي وما عرفت شگول. العصر شفناها ووهسه نسمع بيها  "توفّت".

_ يمّه... العصر جانت زينة.

آمنة: هذا أمر الله يمّه. الأعمار بيد الله، لا رادّ اعتراض على حكمه 

_مسحت دمعتها وكالت:

آمنة: يلا گومن، رتّبن البيت. أبوچ كال نسوي الفاتحة يمنه، والناس راح اني اروح يم البنيات 

ريتاج:: گمنا من الفراش، وآني ورباب ساكتين، لا آني عرفت شگول ولا هي. الخبر وحده جان كافي حتى يغيّر جو بيوتنا، ويخلي الحزن يخيم على كل مكان.

بدينه نعزل الفرش، وكل وحدة تشتغل بشغلة بدون حچي. طلعت غسلت الحوش گبل لا تلتم الناس. امسح  بالحوش،  واگول معقولة عمتي نسرين راحت ما جاي اكدر استوعب وگلبي نعصر من سمعت صوت صريخ البنات ليمنه، حسيت گلبي انمرد. كل صرخة تاخذ روحي ودموعي كامت تجري حاولت مسحتهن حتى أكمل شغلي، بس ما گدرت أسيطر عليهن.

صدك عمتي نسرين... جانت مو ذاك الزين ويانه، بس هالأيام الأخيرة انقهرنه عليها جثير واللي  قهرنه  اكثر  بناتها. الأم عزيزة، وشما يصير تبقى مكانتها ما يعوضها أحد.

كملت غسيل الحوش، نشفته و دخلت للبيت. لكيت رباب مطلعة الكتالي، وجاية تموصهن من التراب حتى ترتبهن وكفت يمها  وادحك عليها عيونها حمر، 

- خليهن رباب آني أكملهن.

هزت راسها بالنفي وهي تمسح دمعتها بطرف شيلتها.

رباب: لا  خل نخلص گبل لا يجون الناس

ريتاج:: كملنه وحظرنه الكتالي والجاي  بس ما خدرناه رفعت راسي على الساعه بالثنتين صديت

على رباب الكاعده بعتبة المطبخ وصافنه واثنينه

فزينه على صوت العياط ملخ گلوبنه طلعنه للحوش

واثنينه نبجي كمنا وكفنه بالحوش الهوى بارد يكص

الوجه بس ما تجينه كعده رفعت راسي على فتحت

الباب دخلن البنات مسره ووتبارك  ركضنه تلگيناهن وهنه امر من حالنه دموعهن تجري  ذبن

عبيهن وظلينه واگفين بالحوش وصوت الزلم 

ترس الساحه وتبارك گالت 

تبارك:: ابوي كال اهلها بالطريق يجوز هذا الصوت الهم 

مسره::بنات گلبي يوجعني 

ريتاج:: درنه عليها بسرعة، التمينه عليها  نهون عليها ، بس ندري بيها ملچومة، وما صارلها جثير من توفوا أهلها، وهالمصيبة رجعت فتحت جروحها.

حضنتها رباب، وهي تشهگ بصوت 

رباب: يارب... شنو من ليلة هاي.

ريتاج:: أخذناها ودخلناها جوّه، وللأربعة احنا مشتولين، ننتظر واحد يجي يطمنه على البنات 

ظلينه على كعدتنه و، فزّينا  كلنه من سمعنه صوت البنات وطلعنا نركض أول ما طبن البنات، جان حالهن ما ينراد. رحاب ملخة وجهها من كثر ما ضاربه نفسها، ومهى گابضتها أمي، وفاطمة تساعدها تمشي. وجهها من البچي والصياح  محمّر مشيت يمها بسرعة، حضنتها، وأول ما حضنتها شبكتني  بقوة، . وهي تشهگ ومن بين شهاكتها  تحجي

مهى: ولج ريتااج راحت أمي ولج عافتنه يمه تيتمنه راحت أمنا يمه عمت عيني عليج 

ريتاج:: ما عرفت شگولها. حضنتها ، ودموعي تجري  ما عنديحجي يواسيهن بصعوبة دخلناهن للبيت.

ورحاب  تملخ بوجهه، وتضرب على  نفسها بقوة،  وعبالم تريد تصحي نفسها من هالكابوس.

كعدت أمي يمها، وسحبت إيدها حتى توگفها لا تضرب وجهه وضمتها لحضنها رفعت رحاب راسها، ووجهه غرقان بالدمع، وصوتها رايح  من كثر البچي:

رحاب: عمه... ماتت أمي... عافتنه عمه... عافتنه... ما أتحمل... والله ما أتحمل... إذا ما أشوفها... ما أگدر...

ريتاج:: بقت أمي حاضنتها، تمسح على راسها و تبچي وياها، سكتنا وبس صوت البجي بالبيت وكل وحده من عدنه عاجزه تخفف من وجع البنات فقدن أمهن... والأم ما تتعوض دحكت عليّ  مروى

  ،وأشرتلي براسها حتى أطلع. كامت، وكمت وراها، ورحنه للمطبخ

ريتاج: ها مروى.

مروى: هسه من طلعنه، معاذ گال راح يجبون مسواك للريوك. أول ما يوصلون، نديرلهم حتى يتريگون الزلم ويطلعون للدفنة.

بعدني ما حاجيه و دخلت رباب وهي بيده صفطت تحس بالخبز

رباب: بنات... والخبز خاف قليل.

مروى: لا، آني البارحة خبزت، وفاطمة خابزة . هسه زياد لو معاذ يجيبهن. إنتن بس خدرن الجاي.

تنهدت وگلت:

ريتاج: والله مروى... منو إله نفس هسه ياكل

صدت  عليّ وهي تغسل استكانات الجاي، وكالت 

مروى: عيني، مو سالفة نفس. المضيف امتلّه زلم، وعيب الناس تبقى بدون ريوگ. هذا واجب، والميت إله حق، والضيف إله حق. يلا... بلا حچي زايد.

-عوجت حلگي و كفت يمها   أشتغل وياه كتلها

أكول... هاي من هسه هيچ تعاملينه تره  مرت أخ، مو مرت أبوه انتي  أكو فرق.

يمه صدّت علي، وعيونها كبرن، خزرتني خزرة سكتتني رفعت إيدي باستسلام.

ريتاج: إي عمي... هاي العاقلة الهادية.

عضت على شفتها حتى لا تضحك، ورباب نزلت راسها وهي تبتسم  وبين ما خدرنه الجاي، جابو الولد بالخبز والريوك،  كل وحده تركض  على شغلة. وحدة تصب الجاي، ووحدة ترتب الصحون، ووحدة تنطي للولد 

تعبنه  تعب، أحس رجولي  يحملني مدري لا نهبطنه انوب اللي يقهر أكثر... الأكل مثل ما حطيناه، رجع مثل ما هو. هذا ما ماكل غير لكمة، وهذا ماعون البيض كله تقريبًا محد ماد إيده عليه. محد اله نفس

رباب:: واكفين بالمطبخ وگلوبنه تتگطع على البنات 

صوتهن بيجيهن ومهى صوت صريخها رج البيت صعب تتحمل هيج موقف  رفعت عيني على باب 

الحوش من انفتح يمه انعصر گلبي من شفت دخلو

التابوت  طلعت على الهول ركض بعدني ما واصله

الاستقبال وطبت شذى بنت عمه سهام تركض

وتصيح

شذى:: جابوهاا الجنازه كةمن كومن

رباب:: شكد كرهتها طبت تصيح تكول جايبن

جائزه مو جنازة خطيه البنات شهكن شهكه كطعت

گلوبهن مهى  دفعت الكل وطلعت تركض بدون وعي لا ظلت عبايه لا ظل حجاب  ركضت سحبت

عبايتها ولفيت بيها وهي ذبت روحها تحضن التابوت

وتصيح 

مهى:: يمه   عمت عيني عليج يمه  ولكمم راحت مكسورة خاطر ليش يمه ليش عفتيني 

رباب:: كعدت يمها ما اعرف حتى احجي واواسيها

وهي تشبك التابوت جن النسوان كعدن يمها يجرن بيها رفعت راسي شفت رحاب جت كوه تمشي جسمها كله يختض اول ما كعدت كامت تضرب بوجهه ومحد رضى كعدت وحده من جيرانه يمها

ولدنه واكفين يريدون يشلون التابوت والبنات مجلبات ما يرضن يوخرن سحب رحاب جارتنه ام سمير وحضنتها 

-يمّه گومن خل يودوها ادعولها كلنه على هل درب 

يلا بنياتي يلا شو كومن 

رباب:: شكد حاولنه وياهن ما يرضن مهى شابكه

التابوت وتصيح 

مهى: لا  لا  والله لا أخليكم. بعدني ما شبعت منها... 

خل أبقى يمها  اريدها امي هاي امييي

رباب:: سحبنهن كوه ومهى تخبلت تصيح والولد

وجوهم مصبوغه احمر عماد لاف وجهه وبس صوت

شهكته تقدمون ودنكو يشلونه انمرد گلبي من عمر

انهد حيلي وما اكدر يشيل التابوت وجهاد تقدم يمه

اعرفه جهاد الوحيد قله نشوفه بدون الثام وخر عمر

وحهاد وكف شال بمكانه وهمه طلعو اخذو راوحت

البنات رحاب ما تحملت تكف بعد انخرطت وكعدت

بالكاع ومهى فلتت نفسها وطلعت تركض على الباب

مهى:: يمّه لا تروحين يمّه... رجعوهاخل أشوفها 

رباب:: رحت يمها وهي عينها على السيارة من حطو

التابوت ويما مشت السيارات كعدت بالكاع مهى 

تبچي  وصوتها راح من كثر الصياح، ادحك على التابوت إلى أن غاب عن عينها صاحت وتضرب على رجلها

مهى:: راحت أمي... والله راحت أمي...

رباب:: محد بينه تحمل گابلناها ونبجي على بجاهن

ويما قنعناهن يكومن للبيت الا احنه شايفين الويل

كعدوهن بالاستقبال  واحنه البنات وكفنه بالمطبخ

ودموعنه تجري كل وحده بينه صافنه بجهه فزيت

من دخل حامد طلعت للباب المطبخ اشوفه شيريد

-هاا حامد

حامد:: سويلي مجال حتى اخذ كونيت التمن الجابها

حسين اول البارحه  وحضريلي كونت الملح وتنكت

الدهن كلهن خليهن اهناي باب المطبخ 

رباب:: حامد يكفن مو احنه البارحه اخذنه من التمن

حامد:: هسه جهاد هم جاب من بيته خو تسوكنه سوه وراح معاذ وغسان يتسوكون بس خاف ما نلحك

يلا يا بويا

رباب:: هزيت راسي وكلت للبنات طبن جوه وصحت ريتاج تشيل وياي 

ريتاج:: ما اكدر والله حيلي يرجف 

رباب:: شلون هاا شلون هسه وكتج ريتاج 

ريتاج:: يلا يلا والله ما بيه حيلي يرجف من القهر

رباب:: درت وجهي اطلع بالغراض ادري بيها من تنهبط تكوم ترجف بس شسوي طلعت الملح 

وجت مروى العيون منفخه وكفت مستغربه

مروى:: شسون 

ريتاج:: عفية مروى ما تشيلين وياي والله ما اكدر

مروى:: اي ميخالف بس شكو وين تودنهن

رباب:: درت عليها..  حامد يريدهن حتى يحضروهن

للطبخ وهاي هسه كامت ترجف قربانج ما تساعديني

مروى:؛ ادللي گلبي جيبي ريتاج 

رباب:: اخذت التنكه الدهن واني شلت الملح 

وطلعت وحطناهن باب المطبخ وطلعت لحامد

صحته حتى يشيل هو التمن وكف بالباب من شاف 

مروى وهي بس شافته دنكت مستحيه وهو عينه

عليها عاگد حواجبه وكف گريب منها ويدحك بأهتمام گال

حامد::  مروى شنو باچيه؟ 

-رفعت راسه من خجلها ما عرفت ترد  بس جت تبارك عود تنقذ اختها من الموقف عوجت حلكها  ما عاجبها وكفت يم اختها وصدت على حامد وكالت

تبارك:: خويا حامد عجل شعدنه عرس غير فاتحه ونبجي 

حامد: ما  عليه بيج أم اللسان ابچي... بس مروى، ما أقبل أشوف دمعة بعيونها.

ريتاج:: اي عيني ما يرضى هسه تجيكم امي يلا يلا 

روح عاون اخوتكم ما تسمع صوت الحدايد مالت

الجوادر  مرت عمكم وحگها عليكم..

رباب:: ابتسم وعافنه وطب شال الكونيه وطلع 

وكفت ادحك البيت للثمانيه الصبح انترس

وظلينه كلنه قسم يدير مي وقسم جاي ومن رجعت

الدفانه وجن خواتها ومن الباب يدكن ويلطمن 

وبس طبن گابلن البنات ومهى فرفحت روحها 

اني ما تحملت اشوف وضعهن وبدون كل شي بالي يم معاذ شلون هسه حاله وخرت من الباب گلبي 

انمرد من صياحهن عفت مروى بمكاني ورجعت للمطبخ..... 

مروى:: اوكفه وادحك هلى البنات ودموعي تجري

مهى حتى صوتها راح شكد ما صيحت وبجت ورحاب

حاضنه عمه امنه وتلوب وخوات نسرين كتلن نفسهن وحدها منهن شكت دشداشتها ودك على

وجهه طلعت ما اتحمل صوتهن يرج البيت كعدت بالحوش اشهك والشيطان كام يلعب براسي كل

شويه تجيني فكرة اذا تموت امي نفضت الفكره بالي

اسم الله اسم الله عليش هيج افكر كمت طبيت

للبيت لكيت مسره كاعده على الدرج وتشهك 

خوفتني حاطه ايدها على گلبها كعدت يمها... 

- يمه شبيج مسرره رفعت راسها وتشهك ذبت روحها بحضني 

مسره:: من شفت مهى ورحاب  تذكرت أمي. تذكرت ذاك اليوم من گالو ماتت نفس الصريخ، نفس الوجع، نفس الإحساس. والله حسيت رجعت لذاك اليوم حسيت أمي ماتت مرة ثانية. گلبي يوجعني مروى

مروى:: سكتت شريد اكول والله حتى ما عرفت اواسيها  وهي تبچي بصوت يكطع الگلب  وإيديها ترجف شابكتني  ومجلبه ملابسي وخرت من نحضني 

ومردت گلبي من گالت.. 

مسره:: شلون راح يعيشن بدون أم شلون يتحملن والله أعرف شنو يعني تبقين  ادورين وما تلكين حضن أمج أعرف شكد هذا  الوجع يكسر.

مروى:: ما عرفت شگولها، لأن كلامها كله وجع، وهي مو تبچي بس على مهى ورحاب  جاي تبچي على نفسها، على اليتم اللي رجع فتح جرحها من جديد.ضمّيتها لحضني  وأنا دموعي تنزل شويه

وجن البنات كمت وياهن نحظر للغده مي وهمزين

جيه بوكته مسره التهت تعاون البنات صبو الغده

مهى ورحاب محد منهن مد ايده  زحده من خالتها

هم كملنه دير وكعت على الدرج وطلعت مهى كعدت بالهول وصوت بجيها يمرد الگلب التمن البنات يمها اني ما كمت اتحمل  وكفت اخذت موبايلي ودكيت على زياد شلع گلبي ما رد اضطريت

ادك على جهاد شويه ورد علي

جهاد: هاا يابه

مروى:: جهاد تكدر تجي توديني للبيت 

جهاد:: بيج شي ليش تردين

مروى:: ظليت حايره شكول كتله.... هاا مو حتى اظل اني يم الجهال وريام تجي بدالي ما يصير 

ما تجي علمود البنات.. 

جهاد:: خوش اطلعيلي بالباب الخلفي

مروى:: سديت منه واخذت عبايتي وفهمت البنات

وطلعت لكيته واكف وبيده الجكاره من شافني ذبها

واشرلي نمشي  مشيت وره مخطيه وجهي كوه اشوف جدامي بس وصلنه البيت طبيت ركض تلكتني ريام  .... 

ريام:: ظليت وحدي بالي يم البنات نومت جود وفطوم ظل بس حروث وعلاوي يلعبون كعدت

بالحوش صوت القران  رفعت راسي من انفتح

الباب وطبت مروى كمت تلكيتها وجهاد طب وراها 

ما لحكنه نحجي وصاح عليه

جهاد:: يلا يابه عوفي مروى يم الجهال وتعاي

-بس جهاد وجود شلون 

جهاد:؛ ما عليه شي اوديج ساعه وارجعج يلا يايابه

گبل لا تلتم الناس ما اكدر بعد اوديج 

مروى:: روحي ريام والله اني يمه واذا كعد اني اخابرج 

ريام:: هزيت راسي وركضت اخذت العبايه وطلعت

مشى جدام يمشي ويوصي بيه

جهاد:: مو تبجين مو زين عليج 

ريام:: شبيك وجهاد غير رايحين لفاتحه ما عليه 

اطمن.. هز ايده ما عاجبه بالله شكوله هذا 

بس وصلني وراح طبيت صوت النسوان والنعاوي

تمرد الگلب ويگولي لا تبجين دخلت للغرفه البيها البنات يا بويا انملخ گلبي من شفت حالهن كعدت كبال مهى وهي سحبتني تشبكني ما سيطرت على

دموعي حيل انقهرت من شفت حالهن يمرد الگلب

وخرت من مهى وصديت على رحاب هم شبكتها

وما عندي كلام يواسيهن  ظليت كاعده شويه وكمت

حتى اساعد البنات لكيتهن ملتمات بالمطبخ وكفت سلمت فطوم اللي عيونها منفخات وعلى البنات

وما لحكنه انسولف جو ناس  وفاطمه توصي بينه 

علمود المي والجاي وتبارك كالتلها. 

تبارك:: ادري خما كلهن نرجع انديرلهم خلي بس

الجو جدد 

فاطمة:: تبارك لا تخليني اطلع قهري بيج صبي

للكل عيب تنطين ناس وناس لا هو الخير وجثير

تبارك:: شكلنه عمي شكلنه 

ريتاج:: دحكن بنات هاي مو مرت سيد محمد 

ريام:: وكفت يمها صدك هاي مرت سيد محمد 

وجنتها هبه اني ما اعرفهن زين بس مرت السيد

شفتها فاتحة جديتي   طلعت فاطمه تلكتهن واني حضرت ويا البنات قسم على المي صرنه وقسم

على الجاي كل اثنين على شغله رباب وكفت تغسل

مواعين حضرنه المي شلت الصينيه وطبينه للغرفه

ماكو مجال تمد رجلك بين ما ضيفت الكل وصلت

لعمه دحكت خزرتني درت على 

-هاا عمه

لزمتني من زندي وتهمس

امنه:: شلون تشيلين الصينيه وتفترين 

-عمه غير اساعد البنات ولخاطر مهى واخوتها

امنه:: ريام وداعت ابوي اكوملج امشي بعدج

نفسه وتحوصين جدام النسوان امشي ردي لبيتج لو اكعدي بالمطبخ

ريام:: سكتت واني كضتني الضحكه والله عمتي

هاي ما ظل شي يصير شهر من جبت عفت البنات

يكملن ورحت وكفت بالمطبخ اسوي جاي وانوب

جتني فاطمه وكل وحده تلزمني تحجي عليه لان

اشتغل

فاطمه:: عود شنو عايفه ابنج وجايه تره ما يعتبن

عليج يمعوده اهم شي اديرين بالج عليه هاي الفتره

ريام:: ما يرهم ما اجي لخاطر البنات ومروى ظلت يمه واصلا شويه واروح  بس فاطمه حيل مقهوره

عليهن 

فاطمه:: اي والله ريام بعد الام عزيزه وهمه هضيمتهم عبنها راحت مهضومه من خالي 

ريام:: هزيت راسي وسكتت اني يجوز ما اعرف

معزة الام بس من صرت ام عرفت شكد عزيز الضنه

وكفنا اني الموص الكلاصات وفاطمه تعزل يمه

جفلنه جفله تسوه من صارت صوت كوان طلعنه

نتراكض  وكفنه بالحوش وصوت الولد عالي ما افتهمنه منو متعارك طلعت امي سمير جارتنه

تمشي جنها بطريق وكفت  دفع بينه وكالت

-وخر وخر خاله خلي اشوف شكو

فاطمه:: خاله فدوه لعينج ما تعرفين ولدنه دخيلج

لا تفتحين الباب هسه عبالهم احنه نوايج 

-يااا غير افتهم شكو ما عليجن

ريام:: غطيت وجهي اضحك وعليهن وحده جر بالباب من الثانيه وجفلن اثنينهن من انفتح الباب

وفرات بس شافهن ما حاجه فاطمه صد على ام سمير وگاللها

فرات:: وين خاله وين. 

-ياا يمه ما تحاجي مرتك شمدريك اني الفتحته

فرات:: تعلميتي بيج خاله ممنوع ينفتح الباب

الساحه متروسه زلم الي المح طيفها بالباب 

ما تلوم الا نفسها 

ريام:: هزت ايدها ما عاجبها رجعت للبيت وفرات

ظل واكف يدحك واني ظليت ملثمه غير حلكي مشكوك من الضحكه عيني صارت عليهم يردوني اروح حتى احجي بس اني عندت ظلت واكفه وفرات

افتهمني شال ايده وغمني وگال

فرات:: تربات جهاد شتوقع منج

-فتحت عيني وردت اجاوبه وما حس غير نكفخ

من وره  

جهاد:: تاج راسك تربيتي 

فرات:: جيره بكصتك خوش يلا ولو خلي احاجي حبيبتي 

جهاد:: حبتك حيه ابن جويسم

فرات:: انجب جهاد ولي كتلك لا تجي يمي 

ريام:: هههههه غمه وراح  واني عفتهم وطبيت للبيت

مسره::طول ايام الفاتحه اني احس روحي دا تتلوع

بس خلصت الفاتحه وغسان ما كعد بالبيت يطلع

هو وعمو محمد ما يجون للظهر من اسأله يكول 

ماكو شي علمود قضيه عمام جهاد كاعده وحدي 

خابرت على ميسون ما ردت بعد ما رحت لبيت

عمي خاصه من رجعو للدوامات اضوج اروح وهنه

مو هناك كمت غسلت البيت وطلعت للحوش دا

انظف واندك الباب ذبت الماسحه وسحبت الشال

حطيتها على راسي وكفت وره الباب صحت

-منووو

عمر:: احمم اني يابه غسان موجود 

مسره:: ردت افتح الباب بس كلت هذا ما يتفاهم

جاوبته من وره الباب... 

-لا والله غسان راح ويا عمو محمد تريد شي 

عمر:: لا سلامتج. يابه بس ما تعرفين وين راحو

مسره:: لا والله مگلي 

عمر:: هذا هو رحم الله والديج

مسره:: ظليت صافنه شكوله ما جت ابالي غير

كلمة..  الله يرحمك..  كتله شو هذا كام يضحك 

واني ضحك عليه واسكت منو يكول فتحت الباب 

واباوع عليه لازم بطنه ويضحك من كل گلبه نرفزني

كتله

-تره ما يضحك شكتلك وتضحك شنو نكته

عمر:: والله ضحكتني واني بعز مصيبتي بس

هههههههه صلاوات غير عندج فنون بالرد عجيبه

هههههههه 

مسره: تره هو يعني اهناك بغداد هيج يكولون

عمر:: اي مو احنه عايشين بالصحراء ما نفتهم هههههههه امشي امشي طبي جوه لا اخليج صدك

الله يرحمج 

مسره:: ردت اجاوب وشفت سيارة غسان جت

سديته بوجهه وظليت افتره محترك دمي حسيت

فشلني وهو صوت ضحكه لهسه وكف وره الباب

واسمع عمو يگوله

-شبيك ولك على شنو تضحك 

عمر:: هيج سالفه المهم احم وين جنتو 

غسان:: بشغله ليش 

عمر:: ردت اكولكم بشغله عمي هذا اخوك منطي

زرعنه لولد حاكم  ولان ماخذ من الفلوس من الصبح

تعاركنه واني كاضب نفسي كوه وراس جدي اطره نصين 

محمد:: هانت مناي لباجر الكاع ترجع الكم مالك شغل  امشي هسه وبعدين نتفاهم

مسره:: من حسيت راحو طبيت اركض للبيت 

وگبل على المطبخ طب غسان يصيح علي

غسان:: وينج مسرره

-هناا هناا بالمطبخ

دخل مد راسه ابتسم من شافني وجيه وكف يمي

ويسأل

غسان:: عمر من شوكت واكف بابنه

مسره:: رفعت راسي عليه كتله...  من شويه

ما صار هواي جيه يسأل عليك ومن كتله انت مو اهنا كال رحم الله والديج وراح 

غسان:: خوش بس انتي مسره شوفي بناتهم ما يرفع عيونهن بوجوه لزلمه  من بيتهم للمدرسه للبيت

مسره:: اني هم والله ما عليه بيهم 

- ابتسم ومسح على شعري وگال

غسان:: اعرفج مسرتي وردتي يلا يلا غداج جوعان

مسره:: ضحكت وصبيت غده الغده وهو يساعدني

شال الصينيه ورحنه كعدنه ناكل وتذكرت سالفه

رفعت راسي وكلت

-اكول غسان ذاك اليوم بالفاتحه منو تعارك النسوان

كالت الزلم بيناتهم تعاركو.... رفع حاجبه ما عاجبه

غسان:: وانتي شعليج بيهم 

مسره:: شبييج غسان صاير جنك ولد عمامي حسره انكول سالفه ما اريد لا تحجي صوجي اني

غسان:: هههههههه فدوووه للتحجي  

مسره:: اي اي هسه كولي منو تعارك

غسان:: عمر تعارك ويا ابوه وطرده من المضيف

مسره:: حطيت ايدي على حلكي ياااا وشلون يطرد

ابوه 

غسان:: لو ما يستاهل ما يطرده كتل امهم شتوقعين منهم  ههه جاسم طبق مقولة 

يقتل القتيل ويمشي بجنازته الله يرحمها 

مسره:؛ اي والله انقهرت على البنات كلش متأذيات

غسان:: امهم طبعاً ينقهرن يلا كملي اكلج حتى اوديج لبيت عمي محمد لان عندي شغل ما اجي لليل

مسره:: اي هسه اروح لان رجعو البنات 

-هههههههه ديلا لعد انتظرج كملي اني كاعد

بالحوش تمام 

مسره:: ركضت شلت المواعين غسلتهن ركض ركض  وبدلت ورتبت نفسي واخذت الموبايل 

واهنا الشلعان الگلب العباه والله مزعجه بس

شسوي لغسان لبستها وطلعت اسوحل بيها

بس شافني ضحك وجيه يعدل بيها ولزم ايدي

وطلعنا...... 

تبارك::  رجعت المدرسه ورجع وجع الراس وام الرياضيات تكول متحلفه بينه بنت الخوش اوادم

بعدنه ما مرتاحين من الإمتحانات نص السنه بلشت

بالشهر الاول فرشت كتبي وحاطه الكتاب بوجهي

اريد شلون ما ادرسه ما افتهمته عمي صعب هو گوه

جتني الحيونه شلت الدفتر والكتاب وركعتهن بالحايط احجي  واغلط على الدراسه والجاب المناهج على صوتهن دخلت مهى مصدومه 

مهى:: شبيج ولج

تبارك:: انعل ابو الدراسه خوش عمي ما جاي افتهم

ماااااا جاي افتهمممم 

معاذ:: خيرج ولج تخبلتي

مهى:: ما جاي تفتهم الرياضيات ما تشوفه مشمر

معاذ:: دكومي كومي طيح الله حظج عبالي بيج شي 

تبارك:: دفعتهم وطلعت اريد ابجي رحت لبيت جهاد

لكيتهم مگابلين جود ويلعبون بي وهو ولا يمهم بس

نايم بس طبيت انتبهي عليه فز جهاد عباله بيه شي

جهاد:: شبيج تبوك منو وياج

-مسحت عيوني كتله

تبارك:: الرياضيات ماجاي افتهم الموضوع وعندي

امتحان بأجر كفخنه على راسي وريام حطت جود

بمكانه وجت يمي 

ريام::: يابه اني ادرسج جيبي اذا ما اخليج تجيبين ميه عاتبيني  

جهاد:: هاا انحلت هسه ام جود تقريج عليج هل مناحه  شوف جود عمتك الخبله بس خوفتنه 

تبارك:: مسحت عيوني وضحكت وركضت شلته

ابوس بي واثنينهن يحجون عليه بس ما اهتميت

كعدت العب بي وهو عايش بسبات يكعد يشبع

بطنه وينام حاطيت ايدي على صدره يصعد وينزل

يخوف تنفسه ابد مو طبيعي حطيته بمكاني ورحت

جبت كاتبي وكعدنه ندرس للمغرب كملت عمي

خوش جنه رضيت عليج

ريام:: رحم الله والديج  ديلا خلي اكوم اسوي

عشه لا يكعد ابن اخوج وتعال لازم نكعد يمه

تبارك:: يلا اساعدج  

-يلا 

تبارك:: وكفنه نطبخ ونسولف على مهى ورحاب 

صديت عليه..  ريام تدري مهى ولا تاكل وحتى وجهه

تعبان ورحاب البارحه لو تشوفينها ما طلعت من الصف واليوم ما داومت والله خايفه عليها

ريام:: والله حاجيتها وحسين لو تشوفينه ما يفاركها

بس عمي كال  وره المحكمه نروح زياره حتى بلكت 

يرتاحن 

-ان شاءالله

تبارك:: كملنا العشه ووانتظرنا بين ما جيه جهاد وكعدنه نتعشى.... 

فاطمه:؛  وفاة عمتي حيل اثرت هلى البنات والولد

وخاصه عماد وعمر يدور مشاكل ويا ابوه وفرات 

ظال بينهم  هاي الفتره صارو بس يتعشون يطلعون

ما يجون لل12 يلفون روسهم وينامون اني اليوم

احس نفسي تعبان ما انتظرت فرات حطيت راسي

ونمت مدري بيش الساعه حسيت عليه من سحبني

لحضنه ورجعت نمت ما كعدت للصبح كمت توضيت وصليت وكفت اسوي بالريوك مديت راسي

من صارت حركه بالهول شفته واكف 

-هاا حبيبي كعدت هسه شويه ويكمل الريوك

عمر:: واحنه نتريع وراه

فاطمه:: فزيت ولا انتبهت عليه گبل رجعت للمطبخ   

شكد فشله خرب حضي غير تنتبهين وفرات ظل يحجي عليه

فرات::  لا يا جلب صار فتره ما سامعه منها

عمر:: هو انتو كاشعين الحيه لا ظال مستحاه

لا خجل بنصنه وتتغزلون وانتيي ام الفراشات

كتلتي جيبي الريوك حتى نولي للشغل

فاطمه:: عززا  كوه كملت الريوك وكعدو يتريكون

ومن شافني خجلت سكت بين ماكملو ريوك وبدلو

جاي يريدون يطلعون ونسمع صوت صياح طلعو

الولد يركضون واني ظليت بالحوش حايره كاتلني

الخوف ساعه يلا طبو الولد  ركضت عليهم اريد افتهم

-شكوو فرات يمعود 

فرات:: الشرطه اخذت ابوي

فاطمه:: شهكت وهمه ما عرفو شلون يتصرفون

فرات اخذ الابكوت وطلع وعمر وعماد اثنينهم 

طلعو لشغلهم كعدت مقهوره ما اعرف شراح يصير وشنو يكون موقفهم..... 

مهى:: روحت امي  كسرت گلوبنه وخاصه من 

راحت وهي مكسورة خاطر من اذكر وكفاتها ويا

ابوي وادري بيها شكد جانت اطمطم وراه بعيد 

عن كل شي جانت تموت عليه كسرها لحد ما

راحت وهي مكسورة خاطر بحيث ما تحملت

لحد ما انجلطت وماتت  ومن سمعت ماخذين

ابوي ولا اهتميت اول مره احس گلبي مغسول 

من ناحيته  وهذا الاسبوع كله يركضون ومدري

شلون مرهمينها بحيث بالجلسه الثانيه انحكمو

واكفين كلهم جنه ملتمين بيت عمي محمد 

من طبو عممي احمد ولده وعمي محمد ولده

وراهم اخوتي الي وجوهم ما تفسر ادري شكد

صعبه عليهم وعلينا بس كلها بش من تشوف

موقف جهاد  ولا ريام الي من دخلو ما كدرت

تكف على رجليها ودحك عليهم ودموعها وبجيها

خلانه كلنه نبجي تقدم عليها عمي محمد وگال

محمد:: ارفعي راسج... حق أبوج أخذناه.

مهى:: ما تحملت حطت ايدها على وجهه وتشهك

محد بينه كدر يحجي سحبها عمي لحضنه وجده

فرحه گالتله.. 

فر

حه:: ما تحجون شصار 

-كلهم ساكتين دحك عليهم عمي احمد وگال

احمد::  حاكم وحميد مأبد وجاسم 7سنين

الفصل الاربعون من هنا