رواية ليتني واجهتك الجزء الثاني الفصل السادس
علي يكول
🕊🕊🕊
نـويت الگـاك
ونـويت انسـاك
و تراكمن نيـه اعله نيـه و شـَيبت
سعود الخفاجي
🕊🕊🕊🕊🕊
ضليت مسطور
علي؛: شنو عريس شنو سلوى
امي جت كامت تبوس بيا وتتوسل
ام علي؛: الله يرضى عنك ياامي اشويه اشويه مع ابوك لاتكانو
علي؛؛ بس فهميني شنو الي دا يصير
ام علي؛؛ ابوك حجى مع عمك وخطبلك سلوى وعمك وافق بس اذا رحت انت بنفسك على
علي؛: ها خطبلي سلوى وفوكها يتشرط هم هليوم اهمج الدنيا على راس رجلج
فتت اركض على ابويا ومسكني هيثم والبنات
هيثم ؛؛ يمعود شبيك كلشي بل تفاهم ينحل هسا انت قابل اتزوجتها
علي؛: واتريدني انتظر على مايصير عرسي ولك اني مره يغصبني على الزواج وبعدين ماكافي جبرني اطلكها لمرتي
عبير؛؛ الله يخليك علاوي ابويا وضعو ابد مو زين وعمي كال اذا جا علي انطي بنتي وانت ماراح اتروح
علي؛؛ ولج عبير عمي جلب باجر يوافق
عبير؛؛ ميخالف اخويا ابوس ايدك بس ابوك اذا ضربتو جلطه مره ثانيه يروح بيها حباب انت ماتقبل ابوك يصير بي شي
ام علي؛: يمه علاوي عوف ابوك
علي؛؛ ماشي بس اقسسسسسمللللكم باللله وداعت ووووويلادي اذا صار الي يريدو ابويا اهجم البيت على راسو
هدير:: وشدعوه عيني اش صاير مو سلوى بنت عمك احسن من جتالين اخوك
اني صاير نار وهاي كلشويه تحجي رجعت عليها رفعت ايدي اريد اضربها وهيثم سحبها
هثيم؛؛ هدددير انجبي وروحي على غرفتج
هدير::؛ ترفع ايدك عليه ب سبب مرتك الحيه
علي!؛ ولك هثيم بالك من كدامي هاي اتمادت جثير
دفعت هيثم وسحبت هدير من شعرها ومسكوها كلهم جرو من ايدي
ام علي؛: شبيك يمه اتخبلت
علي؛: سسسسكتي بنتتتتج لا ااااكسر رررراسسسها ولللج لو ماسدره جانت صديقتج روح بروح
هدير؛: سدره ماغلى من لؤي عرفت موو اغلى ان شاء الله هي واهلها احتركو ب نار جهنم ماتشوف اخوها العار شنو صار بي
رغيد خلت ايدها على حلك هدير اتريد اتسكتها
رغيد؛: اسسسكتي كااافي راح يموتج
هدير؛؛؛ ماسسكت جاتل روحو على وحده اخوها جتل اخونا ونسى لؤي
علي،؛: وللللليييي حماااااره اني مانسيت لؤي والكعبه مانسيتو بس نفس الوقت سدره مالها ذنب وشنو ذنب اطفال يعيشون بدون ام ثلاثه اطفال هدير ثلاثه
هدير؛؛ ان شاء الله مو عشر باااجر راح تنسى كلشي وراح يكبرون ويروحون ويجون ويتربون عند واحد مجرم عند واحد قتل عمهم وراح يحبونو انت وين تفكيرك
علي؛؛ مايصلون ولايروحون على بيت جدهم افتهمتي هذا الشي مايصير
هدير؛؛ اي لا خطيه ميصير عود اذكركك سيد علي روووووح ان شاء الله تزوج سلوى وكلب سدره يحترك ب نار كلبها مثل ماحركو كلبنا على اخونا ويكون مختار مابس ايدينو تحترك يكون تتكطع
البنات سحبو هدير واني هيثم سحبني واخذني لاستقبال
هثيم ؛: علي انت فدمره صاير عصبي ترى ميصير هيجي
علي؛: بسس فهمني بنت عمك شنو ذنبها
هثيم؛: ذنبها اختو اني ماقبل تاذه بنت عمي بس نفسا الوقت اذا اتريدها راح تخسر ابوك والف مره اتروح فدوه لابويا
علي؛؛ واني ماكتلك اتخلى عن ابويا ولااتخلى عنها بس نفس الوقت ابويا طوخها ماراد سدره وطلكتها بس مال يجي يجبرني اتزوج سلوى هذا الشي يحلم بي
هيثم؛؛ شوف اشكد ماراح اتعارض بس ابوك الي شي يريدو راح يسوي
علي؛: مستحيل يحلم والله اتزوج واخلى مره بحضني من بعد سدره
هثيم؛: عوف الدراما مالتك على صفحه وعوف انت منطيها وعد وهي منطيتك وعد بس ابوك جاي يموت اني كتلك ماقبل على سدره تاذه بس اذا ابوك صار بي شي والله راح اتشوف سدره شي عمرها ماشافتو وعمرك ماراح تكدر اتخلي راسك على مخده لان ابوك راح يموت وهو ماراضي عنك ابوك الي جان يكوم ويكعد يكول علي اني راضي علي الله يرضا عنو هيجي اتسوي ب ابوك روح احجي معا بوس ايدو حاول مره مرتين عشره بس لاتجي بل عصبيه نحنا ماصدكنا اطراف رجلو اتحركت هلمره يرجع حالتو تنكس بل زايد يااخي ماكلشي عصبيه مو كلشي عركات اكو شي اسمو تفاهم
هيثم يحجي معايا واني اشرب جكاير وافكر بكلامو اصعب شعور بل دنيا اتحس نفسك ضايع وتفقد سيطره التفكير وماتعرف تصرف اتحس نفسك اتريد تخبل
هيثم؛؛: اني رايح علاوي وفكر بكلامي زين
علي؛ وين امولي
هيثم؛: رايح على المستشفى اشوف مختار
علي؛: عود اذا كطعو ايدينو بشرني حتى اوزع جكليت
هيثم؛؛ لا يانغل
علي؛: انت النغل
هيثم؛: ههههه اتوكل بالله خيو كلشي بل تفاهم يصير
علي؛: رجل عمتك مايمشي بل تفاهم
هيثم؛؛ انجرب حضنا وان شاء الله خير
هزيت براسي ضربني على كتفي وطلع وطلعت ورى
هيثم؛: يالا مع السلامه ابو حسوني
علي؛؛ غالي وغالي ابن خالي
راح فتت جوى لغرفتي بدلت وجت ماري تركض عليه تحضني
ماري؛؛ بابا وين مامي
علي؛؛ تعالي يروح بابا تعالي بحضني
جت بحضني شلتها ورحت على التخت اتمددت وحضنتها
ماري؛: بابا
علي؛؛ ها حبيبي
ماري؛؛مامي لاحت اني ماحبو
علي؛؛: لا حبيبتي اني وانتي انتفقنا انضل انحب مامي الى الابد ومامي راح ترجع ماعافتج
ماري؛؛ اليدها (اريدها)
علي؛؛ اوف ياماري هم رجعنا اتريديها اخذج والله
برطمت كمت اتدغدغها صارت تضحك
علي؛؛ وين اخوج حبيبي
ماري؛؛ يم دده (جده)
علي؛؛ روحي جيبي حتى انومكم
نزلت من التخت وراحت تركض حتى اتجيب اخوها حسوني ضل فتره طويله ينام يم امي حتى صار يصيحلها ماما
بس بعدها صار يشوف ماري يمي اتنام كام يغار وصار يجي ينام يمي جت ماري وماسكه ايد اخوها شلتهم وخليتهم يمي نومتهم وضليت الليل كلو افكر شنو راح اسوي تعبت وحيييلي راح من التفكير لا يمي عبود الي يسندني ولايمي لؤي واصلا لؤي لو موجود ماجان صار الي صار ....!!
سدره
مختار كعد وضل يون من الوجع كعدت يم راسو واقراء ايات وانفخ على والعب بشعرو بلكي يهدي الالم تقريبا صار سته الصبح اجوي عمر وماما
عمر؛: السلام عليكم
سدره؛: وعليكم السلام
ماما كامت تبجي وراحت على تبوس بي وخطيه هو تعب من الالم ونام
ام سدره؛: امي مختار ليش هيجي سويت
سدره؛؛ يوم كولي يالله وادعيلو
عمر؛؛ شلون صار
سدره؛؛ لا عشتو على تعب من الوجع ونام ضل يون من الفجر الي قبل ربع ساعه
عمر؛: الله يسامحك يااخويا يالا سدره انتي تعبتي روحي ارجعي على البيت وهم جيتي من سفر وانتي مثكله(حامل)
سدره؛؛ راح اتضلون انت وماما يمو
عمر؛؛ اي راح انضل امشي اوصلج لبيت وارجع هينا
سدره؛؛ ماشي اخويا
بوست ماما وامنتها تهدي سكرها لايرتفع رحت ركبت بالسياره وعمر اخذني لبيت وصلنا الفرع جانت الناس دا تطلع لدوام
نزلت من سياره عمر حسيت كلها دا ادحك عليه بنظرات سخيفه ومليانه تهم
دخلت جوى وعمر راح لكيت سماء وطارق يدرسون ايام امتحانات من شافوني ركضو عليه
سماء؛: سدره مختار شلونو
سدره؛؛ زين حبيبتي ادعولو
مسحت ايدي على راسهم ورحت اشوف بابا لكيتو متمدد بفراشو ويصفن رحت اتقدمت على بستو من راسو وسحبت ايدو بستها
سدره؛:: بابا حبيبي شلونك
ابو سدره؛؛ شوفت عيونج يابنتي شلوني اخوج خسر ايدينو
سدره؛؛ لا بابا لاتكول هيجي مختار ان شاء الله يرجع بخير بس الله يخليك دير بالك على صحتك انت
هز براسو ردت اطلع لغرفتي شافتني اسو
اسراء؛؛ سدره حبيبتي شلونج
سدره؛: هلا اسو على الله
اسراء؛؛شلون صار مختار
سدره؛؛ والله ماعرف شنو اكولج يااسو بس محتاج عمليات حتى يرجع
اسراء؛؛عمر من رجع من المستشفى كالنا مختار ايدينو انسدو والله انقهرت الله يساعدو
سدره.. الحمد لله على كل حال
اسراء؛؛ سدره حبي دا اسوي ريوك ماتريكين
سدره؛؛ لا اسراء عفيه تعبانه مانايمه وبطني اتوجعني
اسراء؛؛ ماشي عيني نوم العوافي
سدره؛: تسلمين
طلعت لغرفتي بدلت وغسلت كبل نمت من التعب ماحسيت غير دا ياذن العصر عبالي ياذن الظهر سحبت موبايلي دحكت ساعه 4العصر اتعوذت من الشيطان وكمت شلون راحت مني صلاه الظهر رحت لحمام اتوضيت وصليت ونزلت جوى لكيت ويلاد اسماء
سدره؛؛ هلو اسو
اسراء؛؛ هلا حبيبتي صح النوم
سدره؛: تسلمين حبيبتي
رحت سحبت كلاص وخليت جوات حنيفة البارد واني اسال اسراء
سدره؛؛ وين اسماء
اسراء؛؛ راحت اتشوف مختار هي واحمد رجلها
شربت ماي ورحت بوست ويلاد اسماء سالت سماء وطارق شلون مجاوبين بامتحان كالو زين دك الجرس راح طارق يفتح الباب وجاني يركض
طارق!؛ ام حسوني صهيب واماني بالباب جانو
سدره؛؛ فوتهم ليش بره
طارق؛؛ سالوني على مختار وكتلهم بل مستشفى وراحو وكتلهم سدره جوى كالو بعدين نرجع
استغربت يعني معقوله اماني حتي ماكلفت نفسها اتفوت على بيتنا واتشوفوني لا هي ولا صهيب
اماني
بعد ماسدره اختفت وعمر وعلي اخذو صهيب لان هو الي هزمها حيييل انقهرت من علي من ضرب صهيب بس مع هذا زعلت من صهيب ايام
ليش يضم عليه موضوع مثل هذا وحتى سدره جنت ضايجه منها لان تصرفها غلط
من سمعنا ب خبر مختار كبل اني وصهيب طلعنا لبيتهم سالنا طارق على مختار كالنا بل مستشفى الحروق مادخلنا طلعنا بوجهنا لمستشفى عفت ابني يم ماما ورحنا
جاني ولد وسميتو لؤي على اسم لؤي الله يرحمو لان صهيب جان من زمان يكول ل لؤي بس يجيني طفل اسمي لؤي على اسمك
اماني؛: ماراح انشوف سدره
صهيب؛؛ شوفيها انتي
-وانت
-ماريد اشوفها
-زين ليش
سوى حركه بشفتو يعني ماعرف
-ها شنو ماتعرف
-كتلج ماعرف ماريد اشوفها بايوجه اشوفها
-ليش بايوجه
-هي امنتني على سرها واني رحت حجيت لرجلها واخوها واكيد هسا راح اتعاتبني اول من اتشوفني وانتي تعرفين اني اتخبل من العتاب
-لان غلط صهيب انت الي سويتو غلط من البدايه جان
-اماني هاي سدره والي شافتو سدره مو قليل ترى كوني انتي بمكانها شنو موقفج اذا لاقدر الله اخوج قتل اخويا
-اعرف حبيبي بس مادري المهم من نرجع انروح انشوفها
-يصير خير ان شاء الله
رحنا لمستشفى وسالنا على مختار ودلونا صهيب ماسلم ع عمر بس عمر اتقدم وجا سلم على وصهيب بادرو السلام مافشلو يعني خطيه حيييل انقهرنا مختار ايدينو مقبوضات لان سببها من حرك ايدينو سدهم ولذاك اصابعيو انطبع جلدهم على كف ايدو وانسدو
ضلينا يمو نص ساعه بعدها سلمنا وطلعنا واسماء وزوجها هم اجوي معانا رحت اخذت ابني من ماما بعدها رحنا على سدره.....!!
سدره
المغرب اندك الباب وفاتو علينا اسماء واحمد من شفت اسماء وحده حضنت الخ وكمنا نبجي
اسماء؛: وين رحتي يااختي ليش هيجي سويتي بينا
سدره!؛تعبانه اسماء
بوستني وتحضن بيا خطيه لفت نظري بطنها اتقدمت على احمد اتصافحت معا وبستو
سدره؛؛ انتي حامل اسماء
اسماء؛؛ اي حامل ب تؤام
سدره؛؛ يعمري الف مبروك
اسماء؛:؛ الله يبارك بيج
جا صوت صهيب يدك الباب وصيح وينكم اهل البيت من سمعت صوتهم ركضت اماني شايل ابنها انطتو ب يد صهيب وحده تركض على الثاني
اماني؛؛سدوره يروحي مشتاقتلجج
سدره!؛ امونه حبيبتي شلونج
اماني؛: يروحي انتي شخبارج
صهيب؛؛ يابا شنو هذا شفتي اماني نسيتني
رفعت راسي ودموعي على خدي
سدره!؛ ههه انت اخويا شلون انساك
صهيب!؛ الف هلا بام حسوني
سدره!؛هلا بيك ابو لولا
اتقربت على باسني من راسي واخذت ابنو من حضنو
اول من شلتو ماتحملت رجعت ابجي
سدره؛؛ حبيبي يروحي شنو هذا الجمال مشاء الله
اماني؛: ليش البجي يعمري
سدره؛؛ اتذكرت لولا الله يرحمو لو جان عايش جان اشكد فرح من شاف صهيب امسمي على اسمو
صهيب جر حسره
صهيب:؛ الله يرحمو خاله ماريه هم من شافتو هم هيجي كالت
سدره؛؛ الله يرحمك يااخويا ويحفظلكم لولا الاصغير شنو من جمال حيااتي
صهيب؛: على ابو طالع غير
سدره؛؛ دروح من يمته العفر صارو حلوين قرداش
يعني اخويا بل تركماني لؤي الله يرحمو جان يكول لصهيب قرداش واتعلمنا من عندو
صهيب؛: هههه والله كلنا حلوين
سدره؛: دمكم جامد
صهيب؛؛ انتي شايف روحج حلوه ودمج اجمد من حضي
الكل؛: ههههههه
سدره؛؛ لا والله انتو حلوين بس يشبه اختي اكيد
صهيب؛؛ يابا والله اني اكيف يشبه امو وين اكو من جمال مرتي
سدره؛؛ هههه ربي يحفظكم
دخلنا جوى وكعدنا وسوالف واماني تعتب عليه لان ضميت واعتذرت من صهيب على الي صار معا
صهيب ؛؛ يمعود اسكتي اني وعلاوي اخوه وبعدين كلشي ماكو بينا
سدره؛:والله جنت اتمنى مايصير هذا الشي
صهيب؛: جنت متوقع كلشي عادي ولايهمج هسا احسن والله رجعتي لويلادج وان شاء الله يوم الي ترجعين لعلاوي
سدره؛: ان شاء الله
ماخلينهم يروحون الي ان اتعشو وبعدها بيت عمي جوي
ثاني يوم طلع مختار من المستشفى وجانت حالتو النفسيه حيييل تعبانه
علاقتي ب علي ساعه نتعاركه ساعه نتصالح واخر كم يوم ادك على مايجاوبني
اخر شي دزيتله رساله
سدره.... لاتجاوب عساك ماتجاوب ابد
علي... حبيبي مشغول والله
سدره.... بشنو مشغول اكو شي اهم مني
علي... ماكو والله بس ابويا مريض وملتهين معا
سدره....شنو قررت؟؟
علي... الله كريم
سدره... شنو انت دا تضحك عليه تريديني لو لا جاوبني
علي.... هذا سؤال ينسال سدره
سدره... والله الظاهر بطلت تريدني شوف علي اريد اجيب وانتي يمي مثل اخوانو ماريد ابني يجي لدنيا وامو مطلكه مادام رجعتني من تركيا ماتعوفني هيجي
علي.... تمام
سدره... شنو تمام شبيك
علي... شنو اكول
سدره... وانت ليش هيجي بارد معايا بالكلام
علي... سدره
سدره.... الله ياخذك وياخذ سدره حادث سياره نفس اليوم
علي... ان شاء الله
سدره... علي صاير شي
علي...ضل شي مصار يعني
سدره.... اوووو شبيك تحجي مقدمات وتحجي من راس خشمك ترى اني ماميته عليك اصلا بطلت احبك والله الي احضرك
علي... شركة فيس بوك راح تلغي ميزة الحضر بسببح باليوم تحضريني 10مرات
سدره... مالك علاقه ولابعد لاتخابرني والله العظيم بس يجي ابني لدنيا مااخليك تشوفه وها بطلت ماسمي علي ماتستاهل
علي... سدره
سدره.. نعم
علي... ضلي حبيني
سدره.... حبتك حيه
علي... جديات مهم يصير ضلي حبيني
سدره... انت عندك غير هذا الحجي الي تضحك بي عليه علي نحن هذا الحجي جنه نحجي من جنه نحب بعضنا وابويا رافض يزوجونا اني تعبانه وحملي تعبني وجهالي مو يمي وانت علي كل الدنيا بصفحه وانت بصفحه
علي.... الله كريم
سدره... شوف والله ماحبك بعد امشي روح وهاي حضر وخليها ب بالك من هينا اسبوع اذا ماسويت حل ورجعتني ماصيرلك مره بعد تمام باي
حضرته وبعد مافتحت الحضر
واني هم مليت والتهينا مع الخطار بعد حادث مختار ب 8ايام تقريبا بنت عمي نور جانت عدنا رحت اصلي وجيت لمطبخ قبل مادخل سمعت اسراء ونور يحجون
نور ؛: لا تحجين كدام سدره خطيه هي حامل مو زين عليها
اسراء؛: يعني صحيح هذا الخبر
نور؛: اي والله صحيح عمو قصي جبرو وغضب على وحتى طاردو من البيت
اسراء؛: هذا ليش هيجي دا يسوي
نور؛؛ عمه ماريه اتكول من حركة كلبو يكولها لو اشعل بيت اخوج مارتاح
اسراء؛: بس حرام عليهم نور سدره شنو ذنبها
نور؛: مو صوج عمو قصي صوج اخوو الي ينطي ويعرف ابن اخو يموت على مرتو
اسراء؛؛ يعني خلص هاي هي اخذها
نور؛؛ اكولج البارحه مسك عقد عليها سلوى الجلبه
ضليت مصدومه بمكاني اريد استوعب الي دا يحجونو مستحيل لا مو علي اكيد مو حبيبي شنو دخل عمو قصي بل موضوع وسلوى
دخلت لمطبخ البنات سكتو اتقربت من نور ومسكتها من ايدها
سدره ؛: منو مسك عقد على سلوى
نور دحكت على اسراء صرت اهز بيها واصرخ بكل صوتي
سدره؛؛جججححاوووووووبييييي كتتتتتلللللج منووووو مسك عقددددد على سلوووووووى منوووووو جاااااوبي نووور كلللللبي رررراااااح يكف
نور؛:سدره حياتي اهدي
سدره؛: نور الله يخليج كلبي راح يكف كوليلي الي سمعتو جذب اكيد اكيد مو علي الي مسك عقد على سلوى موو
نور؛؛ علي يحبج والله ومايتخلى عنج هو كالي
سدره؛؛كتتتتتلللللج جاوووووبني على كد سسسؤالي علي لو مو علي
هزت براسها
نور؛؛ اي سدره علي بس والله عمو قصي جبرو وصارلو خمس ايام ينام عدنا لان طردو من البيت واخر شي سمع ابو متخربط وكام وافق
مشيت وعفتها واني ابجي كلهم ركضو على صوت اصراخي من صرخت عمر من شافني ابجي اتقرب دا يحجي معايا
مشيت وعفتو عمي اخو ابويا
عمي؛؛ سدره بنتي علاوي يحبج واذا اتزوج مو معناها هو نساج بس عمج قصي من حركت كلبو مايعرف شنو يسوي
مشيت وعفتهم بدون مااحجي مع اي واحد ركضو البنات عليه يحجون معايا احس روحي فقدت ماكدر اجاوب ضعت احساس غريب مقرف جدآ
صابني كره جبير بهذيجه اللحظه قبل ايام وعدني ماينوم غيري بحضنو وهسا خلف بل وعد
صعدت لغرفتي وقفلت الباب على روحي كعدت ورى الباب وحضنت روحي وبس دموعي تنزل اريد اتقبل فكره علي يتزوج غيري
البنات ضلو يدكون على الباب الي حد ماعجزو وسمعت اسماء كالتلهم عوفها خلي نزل
ماتحملت سحبت موبايلي وفتحت الحظر عن علي بدون اي تفكيري دكيت على اول مره ماجاوب رجعت ادك مره ثانيه جاوبني اول من انفتح الموبايل جاني صوت ماري اتكولي مامي
سدره؛؛ انطيني ابوج
ماري؛؛ مامي ويني (وينج)
سدره!؛ كتلللللج انطيني ابوووووج
من صرخت عليها كامت تبجي وانطت الموبايل لعلي
جاني صوتو بل كوه يحجي
علي؛:احم ها هلا سدره
سدره؛: الي سمعتو صحيح لو لا
علي؛؛ شنو اش سمعتي
سدره؛؛ لاااااااااا تعصبببننننني جااااااوبببني الي سمعتوووووو صح لو لاااااا كولي كوووولي
علي؛؛ سدره حبيبي
وكفت على حيييلي وكمت اصرخ وانتف ب شعري ب يدي وحده
علي!؛ اهدي سدره اتخبلتي شبيج اتصرخني
سدره؛؛ كووووللللليلي كووووليلي
علي؛: اي صح اي بس اهدي
من كالي اي صح جمدت
علي؛؛ اي البارحه مسكت عقد عليها بس والله
سدره؛؛ اكرهك
علي!؛ سدره ياكلبي
سدره؛؛ اااااكررررهك عليي اكررهك
رجعت اصرخ علي من جديد
سدره!؛ اكررهك الله يشيلك ياااااحقيررر انت عديم شخصيه امرك كلو بيد اهلك ان شاء الله حركة كلبي تطلع بيك ان شاء الله ماتشوف يوم مرتاح بكثر ماشفت راحه عندي بكدها اتشوف تعاسه مع بنت عمك نذذذذذل حقيرررر اكرهككك ياريتتتك ميت الي سمعت هذا ياررريت عفتك اتموت لو اعرف بيك تغدددر عفتك اتموت
اتخبلت وهو بس اسمع صوت انفاسو واني اصرخ وابجي واحتريت شنو احجي على صرت انتف ب شعري واضرب على صدري ورجليه احس صوتي كام مايطلع بكثر ماصرخ
علي؛؛ سدره
سدره؛؛ لااااتتتجيب طااااري اسمي على لسانك اكرهكككككك اككككرررررهكككككك الله يكتلك الله يشيلك ان شاء الله اشووووف جنازتك قبل ماتدخل عليها الله لايهنيك الله يشيلك ان شاء الله اتموت ان شاء الله اتموت
علي؛؛ وووللللج اهدي راح اتموتين اشجالج سدره ياعيني اني حقير وان شاء الله اموت وميخالف تكرهيني بس انتي راح اتموتين بكثر ماصرختي بس اهدي وخلي احجيلج
سدره؛؛ بعددد ماصدكك بيك وويلاددددي راااااح يرجعون راااااح يرجعون
علي؛؛ يجرالج
سدره؛؛ لو شفتك كدامي راح اشرب من دمك
علي؛؛ سدرررررره بسسسسس كتلج كاااافي
وكعت بل كاع واني ابجي حيييل ماضل بيا صرت اهمس بل الحجي
سدره؛؛ ليش ياحبيبي سدره شنو سوتلك حتي تجازيها هيجي لا تكولي احبج لو اتحبني ماتكسرني هيجي
علي!؛ والله والله وداعت عيونج ماكسرتج سدره افتهمي عليه الله يخليج الوضع الي اني بي بس الله يعرف
سدره؛:علي
علي؛؛ يروحي وكون علي
سدره ؛: كرهتك
سديت الموبايل بعدها ورجعت اصرخ وابجي ونسيت روحي حامل واضرب على نفسي منهاره واني وبهاي الحاله ومسكني وجع قوي مسكني نفس وجع الولاده اريد اكوم من مكاني بعد ماكدر
سدره؛؛ وووويييي ماااااامااا جااااي امووووت الحكني
عمر صار يضرب على الباب
عمر؛؛ سدره افتحي الباب الله يخليج شنو بيج
سدره؛؛ عمررررررر بعد ماتحمل
اسماء؛؛: سدره بس قوي نفسج وكومي افتحي الباب
سدره؛؛ ماااااكدددددر الححححكيني
عمر صار يدفع بل باب وكسرو دخلو هو والبنات ركضو عليه
نور؛؛ الله يخليج سدره شنو يوجعج
سدره؛؛ نووور جاي اجيب
اسراء؛؛ عززه بعدج ست اشهر
حسيت شي نزل على ملابسي ودحكت على دشداشتي دم انهارت اعصابي عرفت لحظتها خسرت ابني صرخت صرخه يمكن حتى الجيران سمعني
سدره.... لااااااااااا دم لااااااااااا ماريد يموت ماريدددددد الحكوني مادا اتحمل الوجع
شالني عمر بحضنو وركض بيا جوى امي لحكتنا هي واسماء عمر خلاني بل سياره واسماء بس لبستني الحجاب واخذوني لمستشفى
وصار يجيني الطلق بس مجرد وصلنا المستشفى والدكتوره فحصتني كالت عندها ولاده اشكد اتوسلت بيها ماريد اجيب لان عرفت لحظتها خسرت الطفل الي ب بطني
سدره.... دكتوره الله يخليج ابوس ايدج حبابه خلي يضل ب بطني والله والله اتولعت بي والله عفت الدنيا كلها على مودو
الدكتوره..... اهدي اهدي حبيبتي اسحبي نفس خلي احجي معاج شويه
صارت الدكتوره تهدي بيا وتحاول توكف النزيف
الدكتوره... اهدي حبيبتي ولاتنهارين من تنهارين يصير عندج نزيف اكثر شنو اسمج انتي
سدره... اسمي سدره
الدكتوره.... عفيه سدوره اسمج يخبل امج تكول انتي دكتوره صحيح انتي دكتوره؟؟
سدره.... اي اني دكتوره
الدكتوره.... كملتي تخصص
سدره.... بعد ماتعينت
الدكتوره... من جنتي طالبه اخر مرحله وطبقتي بالمستشفى اكيد دخلتي على صالة الولاده
سدره... اي دخلت
الدكتوره.... شنو اتعلمتي اذا وحده صار عندها نزيف ومانكدر نسيطر على شنو نسوي بهاي الحاله
سدره... نستأصل الرحم
الدكتورهَ..... ومنو الاهم حياة الام لو الجنين
سدره... اذا جانت حياة الام بخطر وماكدرنا انساعد الجنين نترك الجنين ونقذ الام لان حياة الام اهم
الدكتوره... احسنتي شاطره وهسا لازم نسوي هيجي
سدره.... لااااااا دكتوره لاااااا الله يخليج لاتسوين هيجي بيا ماريد يموت خلي على اقل شهر ب بطني وبعدها راح يعيش بالسابع
انهاريت حاولت وتوسلت بس ماسمعتني الدكتوره وجيبتني نزل ابني من بطني واني اصرخ وابجي واتذكر علي شلون جان معايا وماعافني من جبت ويلادي
سدره.... الله ينتقممممممم منك ياااااعلي ان شاء الله ماتشوف يوم حلو معاهااا
جبت الطفل طلعتو الدكتوره وشفتو
سدره؛؛ دكتوره مايعيش
دكتوره؛؛, انتي دكتوره وتعرفين هذا الشي
سدره؛؛ يعني ميت
الدكتوره؛:الله يعوضج هزيت براسي وغمضت عيوني بعدها ماحسيت ع شي .....
